NANG huli naming makausap ang Kapuso actress na si Max Collins, nabanggit na niya na may kina-e-excite siyang project, pero confidential pa kaya hindi pa niya ma-reveal.

So, obviously, ito pala ang ‘Amazing Paradise’ season 2 na napapanood sa Amazon Prime. Natapos ang season 1 nito noong May 2021 and since then, may clamor na nga for season 2.

Ang ‘Amazing Pardise’ ay isang American-Filipino crime drama TV series na ang nag-produce ay si Dean Devlin at Gary Rosen. At ito rin ang kauna-unahang serye na entirely ang kinunan sa Pilipinas.

Bida ng serye ang American actor na si Christian Kane at sa Instagram post nga ni Max, kasama niya ito. At sa caption niya, “Secret’s out! I’m part of Almost Paradise season 2! Can’t wait for you all to watch it on Amazon Prime.

“So lucky I get to work with this action star, @christiankane1.”

Maraming mga celebrities na nag-congratulate kay Max. Kabilang na rito ang asawa o estranged husband na ba niya na si Pancho Magno nag-comment ng clap emojis at nag-thank you naman si Max.

***

NILUNSAD si Toni Gonzaga bilang bagong celebrity endorser ng online shopping na Shopee.

Pero hindi kaya napapaisip na ngayon ang management kung tama o mali ang pagkakapili nila rito para maging endorser?

The very minute pa lang na may paandar na pa-‘guess who’ kung sino ang new endorser, inulan na ng mga negative comments ng mga netizens ang Shopee.

Nag-trending nga sa Twitter na lang ang mga hashtags na “Toni Gonzaga,” at “Bye Shopee.” Sigurado rin na aware na by this time ang mga ito sa mga nag-delete ng app na Shopee at sa kalabang online shopping app na lang daw sila.

Yes, cancelled culture is so in thing now. Pero mukhang mas sa part ni Toni. Kahit ‘yung teaser ng bago niyang movie kunsaan, teacher ang role niya, ang savage rin ng mga comments.

Sa isang banda, nakita namin na kahit ang veteran actor na si Jaime Fabregas ay nag-tweet na dinilete na niya ang app niya. Ni like rin ni Edu Manzano ang tweet na ito.

Sabi ni Jaime, “I have deleted my Shopee account. Matagal ko nang gustong gawin dahil sa gastos pero ngayon nagkaroon ng mas malalim na dahilan.”

At sobrang dami pang negative comment patungkol kay Toni. Hindi rin naman maitatanggi na may mga nagtatanggol at nagko-congratulate sa kanya sa bagong raket, pero dami talagang hate comments at ‘di siya ma-take.

(ROSE GARCIA)

NANINIWALA si Kych Minemoto na pwede siyang magkagusto to an elder woman, tulad ng karakter na ginagampanan niya sa Viva movie na ‘May, December, January.’

Sa pelikulang dinirek ni Mac Alejandre, magkakagusto si Kych sa character being played by Andrea del Rosario, na nanay ng best friend niya played by Gold Azeron.

“Iba rin kasi ang impact pag nagkagusto ka to someone older. Grabe sila magbigay ng time, mag-care, magbigay nang pag-unawa,” pahayag pa ni Kych.

Dream come true daw para kay Kych na nakasama siya sa cast ng ‘May, December, January’ kasi mula ito sa script ng National Artist for Film and Broadcast Arts na si Ricky Lee.

Pinag-aralan daw niya at pinaghandaan ang role ni Migoy dahil na-challenge siya rito.

“Hindi naman ko naman masasabi na sobrang hirap ng role pero kailangan ko itong maintindihan lalo na may connection ‘yung anak at ina sa akin. I really needed to understand the script para maitawid ko ‘yung role nang tama,” wika pa ni Kych.

Wala rin kaso kay Kych na mayroon silang kissing scene at love scene ni Gold na matagal na niyang kaibigan.
“Wala naman itong effect sa akin kasi parte naman ito ng acting and I am just playing a role. I guess mas madali for me and Gold to do the intimate scene kasi magkaibigan kami at hindi kami nailing sa isa’t-isa.”

Natuwa rin si Kych nang malaman na sa mga sinehan ipalalabas ng Viva ang ‘May, December, January’ on October 12.

Ito ang biggest role ni Kych since he appeared sa ‘Gameboys’.

***

SA October 15 ang simula ng concert tour ni Megastar Sharon Cuneta sa Australia and she will be performing sa Woodville Town Hall sa Adelaide at 7 p.m.

Ang next show niya ay sa October 22 sa Perth na gagawin naman sa Winthrop Hall ng University of Western Australia.

Sa Sydney, Australia naman ang susunod niyang concert na gagawin naman sa Sydney Coliseum Theatre on October 28 at ang final show niya is on October 29, na gaganapin naman sa Williamston Town Hall sa Melbourne.

Sa November 5 naman ay nakatakdang mag-perform si Sharon sa Orleans Arena ng The Orleans Hotel and Casino kasama ang tropa ng ‘ASAP Natin ‘To’. Ang show ay produced ng ABS-CBN Entertainment, iWantTFC at TFC.

Tiyak na nakaabang na ang mga fans ni Ate Shawie na manood ng kanyang concert both sa Australia at sa Las Vegas.
Inaasahan din na pagbalik ni Sharon from her concerts abroad ay magsisimula na siya ng trabaho sa ‘Concepcion,’ ang TV series na co-prod ng ABS-CBN at isang foreign company.

(RICKY CALDERON)

Ang Philippines’ Pride na si Lea Salonga ang tinanghal na 2022 Time Magazine Impact Awardee for inspiring children of color around the world.

Ang Broadway Superstar at Disney Princess ay kabilang sa mga pararangalan ngayong taon ng TIME100 Impact Awards na kumikilala sa mga pandaigdigang lider at visionaries na higit na sumulong sa kani-kanilang industriya.

Si Lea ay pinarangalan bilang isang “role model para sa mga kabataan” at isa sa tampok na Setyembre 25 na isinulat ng Sanya Mansoor ng Time Magazine, para sa kanyang mga nagawa sa teatro at pelikula.

“In her four-decade award-winning career as an actress and singer, Salonga has emerged as not only a Disney and Broadway icon, but a role model for children of color,” ayon sa Time Magazine.

Ang multiple award-winning na aktres at mang-aawit ay ang orihinal na boses ng pagkanta ng Disney Princess na si Jasmine mula sa Aladdin at sa Fa Mulan para sa Mulan at Mulan II. Mula noon ay binansagan na siya na isang Disney Legend para sa kanyang trabaho sa mga hit na Walt Disney animated films.

Kilala sa buong mundo si Salonga dahil sa kanyang powerful voice na nagkamit ng Tony Award para sa role niya sa Miss Saigon. Bumalik siya sa entablado ng Tony Awards bilang isa sa mga celebrity presenter para sa ika-74 na taunang seremonya sa Winter Garden Theater sa New York noong nakaraang taon.

“Salonga prides herself on promoting representation in Hollywood and on Broadway, and showing underrepresented groups that their stories matter,” dagdag pa ni Mansoor.

Si Salonga ay patuloy na gumagawa ng mga ingay sa Hollywood at kamakailan ay gumanap sa papel ni Elodie Honrada sa “Pretty Little Liars” spinoff series, Original Sin, na na-renew para sa pangalawang season.

Nauna nang minarkahan ng Filipina singer at aktor ang kanyang pagbabalik sa pag-arte sa pelikula at telebisyon sa pamamagitan ng pagsama sa kapwa Miss Saigon star na si Eva Noblezada sa “Yellow Rose“, isang kritikal na kinikilalang musical drama film tungkol sa buhay ng mga Pilipinong imigrante sa United States.

Si Lea Salonga at ang tatlong iba pang mga awardees ng Impact Award ay pararangalan sa isang pagdiriwang ng gabi sa National Gallery Singapore kasunod ng inaugural na TIME100 Leadership Forum ngayong Oktubre 2, 2022.

Nauna nang pinarangalan ng TIME Magazine ang Philippine journalist na si Maria Ressa bilang Person of the Year, dating pangulo ng Pilipinas na si Corazon Aquino bilang isa sa 100 Women of the Year, at ang Filipino American na si Olivia Rodrigo bilang Entertainer of the Year.

(ROHN ROMULO)

HUMANDA sa pagdagundong nang dalawa sa pinaka-feistiest women ng Philippine show business na sina Ms. Alma Moreno at Ms. Dina Bonnevie, sa kakaiba nilang kakulitan na abot sa bardagulan level sa bagong comedy series na Kalye Kweens.

Magpe-premiere na ito sa Oktubre 1 at ipapalabas tuwing Sabado ng 8:30 pm sa TV5 at tuwing Linggo ng 8:00 pm sa Sari Sari Channel.

Pinangungunahan nga ito ng mga beteranong aktres ang Kalye Kweens na nagha-highlight ng mga relatable at makatotohanang eksena na kinasasangkutan ng nakakatawang tunggalian sa pagitan ng dalawang babae, dalawang pamilya, at dalawang komunidad.

Ang palabas ay nagbibigay din ng nostalgic vibes sa parehong maalamat na aktres na nagbabalik sa TV sa pamamagitan ng isang sitcom na pinagsasama-sama ang ilang pamilyar at bagong mukha, kabilang sina Marissa Delgado, Jeric Raval, Jojo Abellana, Giselle Sanchez, Marissa Sanchez, Jairus Aquino, Vitto Marquez, Aubrey Caraan, at Lyca Gairanod.

Sa direksyon ni Temi Cruz Abad, ang Kalye Kweens ay umiikot sa kwento ng mga dating matalik na kaibigan na sina Mandy (Alma Moreno), Altaville’s Homeowners Association President, at Telly (Dina Bonnevie), Kapitana ng Kapit-bisig.

Ang dalawang babae ay dating pinakamalapit na magkaibigan noong bata pa sila, ngunit naging maasim ang kanilang pagkakaibigan nang manalo ang ama ni Mandy sa lottery jackpot at lumipat ang kanilang pamilya sa middle-class subdivision na Altaville. Higit pa sa pagkakaiba ng klase na dulot ng kanilang paghihiwalay, nag-alab ang kanilang tunggalian nang pakasalan ni Telly ang ex-boyfriend ni Mandy na si Roy (Jeric Raval).

Tumindi ang sigalot sa pagitan ng mga kalapit na komunidad ng Altaville at Kapit-bisig nang italaga ng LGU ng San Diego ang mga nagsasalubong na kalye ng Calachuchi (sa Kapit-bisig) at Lavender (sa Altaville) bilang mga pampublikong daanan patungo sa iba’t ibang bahagi ng bayan.

Dahil sa kanilang mga tungkulin bilang kani-kanilang mga pinuno ng kanilang mga komunidad, gagawin nina Mandy at Telly ang lahat sa ilalim ng kanilang kapangyarihan upang ipaglaban ang kanilang mga teritoryo.

First time pa lang magsasama nina Alma at Dina sa isang TV show, at
pag-amin naman ng ina nina Danica at Oyo, “dahil sa comedy series na ito, parang feeling ko kay Ness, parang matagal na kong siyang friend.

“Dahil sa rami ng napagkuwentuhan, parang I found a new friend.

“Na-discover ko na sobrang hands-on mom siya, very loving mother. Marami ring kaming similarities, parehong naging asawa ng komedyante, na hindi naman nagpapatawa sa bahay.”

Pero mukhang nagka-senior moments pareho sina Alma at Dina, dahil hindi na nila maalala na nagkasama sila sa Regal Films na ‘Throw Away Child’ kasama sina Alfie Anido at Orestes Ojeda na kanilang leading man, at ang anak na kanilang pinag-aagawan ay si Janet ‘Elisa’ Giron at mula sa direksyon ni Arsenio ‘Boots’ Bautista.

Dapat siguradong balikan ng dalawang aktres at panoorin ang kanilang 1982 movie, na 40 years na nga naman ang lumipas, at sa rami ng pelikula nilang ginawa, malamang nakalimutan na talaga nila. At may isang eksena pa doon na ginawa nila, na for sure, ‘pag napanood nila baka masabi ni Dina na, “Ness, ginawa pala natin ‘yun?”

Anyway, saksihan ang laban ng dekada simula ngayong Oktubre 1 habang ginagawa ng Kalye Kweens ang ating weekend. Tutukan tuwing Sabado ng 8:30 pm sa TV5, pagkatapos ng Oh My Korona, at tuwing Linggo ng 8:00 pm sa Sari Sari Channel (available sa Cignal Channel 3, SatLite Channel 30 at Cignal Play).

Para sa karagdagang impormasyon, bisitahin ang opisyal na social media pages ng TV5 at Sari Sari Channel.

(ROHN ROMULO)

MAY bago nang tawag ngayon kay Asia’s Multimedia Star Alden Richards, simula nang mag-taping na siya ng bago nilang serye sa GMA Network, ang Pilipino adaptation ng Korean drama series na “Start-Up.”  

Noong 2012 na ginawa ni Alden ang “One True Love,” una siyang tinawag na ‘Tisoy’ at kahit hanggang ngayon, ganoon pa rin ang tawag sa kanya, until sinimulan niyang gawin ang adaptation ng K-drama na katambal niya si bagong Kapuso actress, si Bea Alonzo.  

Ngayon, ang tawag na sa kanya ay ‘Good Boy,’ na sabi nga ng mga fans ay bagay naman sa kanya dahil Good Boy naman siya talaga sa tunay na buhay.

Ayon nga kay Alden sa interview sa kanya, “ginawa naming Pinoy si Tristan, ang role na ginagampanan ko, dahil simula sa pagkabata niya, ipinakita natin ang hardships na pinagdaanan niya, dahil isa nga lamang siyang ulila, pero sa kabila ng nangyayari sa kanya, hindi siya tumigil na mangarap, at ganoon din ang nangyari sa buhay ko.

“Thankful lamang ako na I’m blessed na makatagpo ako ng mga taong nagbigay sa akin ng mga opportunities para patunayan ko na kaya kong gawin ang mga ginawa ni Tristan sa aming serye.”

Pero inamin din ni Alden na hindi naman siya perfect, nagkakamali rin siya, pero dapat hindi raw hayaang ang pagkakamaling nagawa natin ay makaapekto sa atin.

Nagpasalamat din si Alden sa lahat ng sumubaybay ng world premiere ng serye, at nagpa-trending nito sa Twitter.   And don’t miss “Start-Up PH” gabi-gabi, 8:50PM after “Lolong.”

***

BASE sa rami ng mga fans na nanood ng “Together Again US Concert” ng GMA Pinoy TV na nag-celebrate ng kanilang 17^th anniversary, damang-dama ng mga Kapuso stars ang pananabik ng mga Kapuso natin abroad, dahil sold-out ang two-night concert nitong weekend sa US, September 24 & 25.

Kitang-kita ito sa social media posts, na napakainit ng pagtanggap nila sa unang concert ni Bea Alonzo bilang Kapuso na pasabog din ang performances nito pati outfits na isinuot niya sa show.

Napuno rin ng tawanan ang Pechanga Theater dahil kay Comedy Concert Queen Ai Ai delas Alas na nagpakita ng mga baon niyang kakaibang costumes!  At hindi mawawala ang all-out biritan niya with Asia’s Nightingale Lani Misalucha, na nagpasalamat na nakapag-perform siya nang maayos sa kabila na kagagaling lamang niya sa sakit.

Siyempre pa, kinilig ang mga fans kina Asia’s Limitless Star Julie Anne San Jose at Kapuso Total Heartthrob Rayver Cruz.  At nakumpleto ang gabi ng mga fans nang haranahin sila ni Kapuso Primetime King Dingdong Dantes.  Ang swerte naman ng naka-duet niyang isang maswerteng manonood.

Napakaraming magagandang comments ang mga Instagram users sa nasaksihan nila sa dalawang gabing concert sa Pechanga.

***

NAG-VOLUNTEER ang ilang artistsa ng GMA Network, kasama ang “Unang Hirit” at GMA Kapuso Foundation para makapaghatid ng Serbisyong Totoo sa mga Pilipinong naapektuhan ng Bagyong Karding.

Nagsagawa ng special coverage ang Unang Hirit noong September 26 ng umaga, at nakasama ng Unang Hirit barkada ang ilan sa cast ng “Nakarehas Na Puso” na sina Jean Garcia, Leandro Baldemor, Michelle Aldana, at EA Guzman.

Sila ang nagbantay ng social media accounts at live stream para sa mga panawagan ng mga kababayang nangangailangan ng tulong dahil sa hagupit ng bagyo.

Sinundan naman sila nina Sparkle stars Elijah Alejo, Lexi Gonzales, Matt Lozano, Brent Valdez at Aldan Veneracion para magbantay sa help desk.  Tumulong naman sa warehouse ng Kapuso Foundation sina Martin del Rosario, Kaloy Tingcungco, Anthony Rosaldo, Kim de Leon at Jeff Moses para ihanda ang relief goods na ihahatid papuntang Aurora.

Namahagi naman ng relief goods at masustansiyang lugaw na may kalabasa at malunggay ang Unang Hirit kasama sina Susan Enriquez at Chef JR Royol sa Bagong Silangan Elementary School.

(NORA V. CALDERON)