2022 November 04 Archive - People's Balita

December 23, 2024
Search in People's Balita
Ang Diyaryong Pinagkakatiwalaan

Archive for November 4th, 2022

OPS, nakiisa sa tree planting sa Ipo Watershed sa Bulacan

Posted on: November 4th, 2022 by @peoplesbalita No Comments

NAKIISA at nagpartisipa ang mga tauhan ng Office of the Press Secretary (OPS) sa taunang tree-planting program na inorganisa ng water concessionaire na Maynilad Water Services Inc. (Maynilad).

Sa Facebook post, ibinahagi ng OPS ang ilang larawan na kuha sa tree-planting activity noong Oktubre 28 sa Ipo Watershed sa Norzagaray, Bulacan.

“Nakibahagi ang Office of the Press Secretary (OPS) sa ‘Plant for Life’ tree-planting project ng Maynilad Water Services, Inc., na may layuning magtanim ng isang milyong puno sa Ipo Dam sa Norzagaray, Bulacan bago matapos ang taong 2022,” anito.

Isa naman si OPS Undersecretary Marlon Purificacion sa nakiisa sa nasabing aktibidad.

Ang partisipasyon ng mga empleyado at opisyal ng OPS ay bilang pagtalima sa naging direktiba ni Pangulong Ferdinand R. Marcos Jr. para sa gobyerno na gumawa ng kaukulang hakbang para mapagaan ang epekto ng climate change sa bansa.

Ang pagtatanim ng puno ayon sa OPS ay makatutulong na madagdagan ang water at power supply.

“Ang pakikilahok ng OPS sa proyekto ay parte ng pagsunod nito sa direktiba ni Pangulong Ferdinand R. Marcos Jr. na bigyang-solusyon ang kakulangan sa suplay ng kuryente at tubig at bawasan ang pinsalang dala ng pagbabago ng klima,” ayon sa OPS.

Nauna nang ipinag-utos ni Pangulong Ferdinand Marcos Jr. sa mga ahensiya ng pamahalaan na isama ang tree planting activities sa flood control projects nito.

Sa situation briefing sa Maguindanao, tinalakay ni Pangulong Marcos ang kanyang obserbasyon sa ginawang aerial inspection kung saan nakakalbo na ang mga bundok.

Sinabi ni Pangulong Marcos na ang deforestation at ang mga epekto ng climate change ay nagdulot ng pagbaha at pagguho ng lupa sa Maguindanao kung saan hindi bababa sa 60 katao ang iniulat na namatay sa pananalasa ng Severe Tropical Storm Paeng.

Nagpahayag din ni Pangulong Marcos ng pagkadismaya sa ilang indibidwal na patuloy na nagpuputol ng kahoy, na siyang dahilan ng nangyayaring landslides ngayon.

Kaugnay dito, tiniyak ni Pangulong Marcos na maraming non-government organizations ang tutulong sa gagawing tree planting activities.

PBBM, gobyerno “on track” sa pagsusulong ng key railway projects; determinadong resolbahin ang matindin problema sa trapiko

Posted on: November 4th, 2022 by @peoplesbalita No Comments

DETERMINADO ang gobyerno ng Pilipinas na isulong ang “key railway projects” para tugunan ang “terrible stories” hinggil sa kakulangan ng quality time para sa maraming Filipino bunsod ng traffic congestion.

Ipinahayag ito ni Pangulong Ferdinand R. Marcos Jr. sa isinagawang paglagda sa Metro Manila Subway Project (MMSP) Contract Packages 102 at 103 sa Palasyo ng Malakanyang.

Sinabi ng Punong Ehekutibo na nakikita nito na may magagawa ang proyekto na mabawasan ang “terrible stories” na naririnig niya mula sa mga taong late na kung makauwi ng bahay dahil sa matinding trapiko.

“We will reduce the terrible stories that we hear of people who no longer see their children because they come home at 1:30 in the morning and the children are asleep,” wika ni Pangulong Marcos.

“They have to wake up at four o’clock in the morning to get back on the bus to fight with the traffic coming back to work. And that the subway and all our public transport systems will be able to help and to remedy,” aniya pa rin.

Isinusulong din aniya ng kanyang administrasyon ang iba pang “key railway projects” gaya ng Metro Rail Transit (MRT)-7, Light Rail Transit (LRT) -1 Cavite Extension, at Philippine National Railway (PNR) Clark Phases 1 at 2, upang ang rail transit system ng bansa ay maging “more viable option” para sa mga Filipino commuters.

“We owe it to the Filipino people to build major roads and critical infrastructure that will not only spur progress and social change but also promote interconnectivity, ease traffic, and reduce their travel time,” lahad pa ng Punong Ehekutibo.

Kumpiyansang inihayag naman ng Pangulo na “the country can move full speed ahead towards building better and more infrastructure projects for the Filipino people.”

Inimbitahan naman ni Pangulong Marcos ang mga ito na maayos na makipagtulungan sa gobyerno tungo sa “shared goal of an efficient public transportation system that enhances people’s mobility, improves interconnectivity, and spurs equitable development.”

“Let me assure you that the government remains dedicated to maximizing its resources to pursue even more ambitious endeavors that will bring comfort and progress to Filipinos all over the country,” aniya pa rin.

Sa oras aniya na makompleto na, inaasahan na sa pamamagitan ng MMSP ay mababawasan ang travel time sa pagitan ng Quezon City at Pasay City mula sa isang oras at kalahating minuto ay magiging 35 minuto at sinasabing mapakikinabangan ng mahigit kalahating milyong pasahero kada araw mula Valenzuela City hanggang Parañaque City.

Nakikita rin na makalilikha ito ng milyong trabaho at oportunidad para sa mga Filipino. (Daris Jose)

94% ng NCR public schools, nakapag-full face to face classes na

Posted on: November 4th, 2022 by @peoplesbalita No Comments

INIULAT ng Department of Education (DepEd) na 94% na ng mga public schools sa National Capital Region (NCR) ang nakabalik na sa pagdaraos ng limang araw na full face-to-face classses simula kahapon, Nobyembre 2.

Ito ay mahigit dalawang taon matapos ang pagsisimula ng COVID-19 pandemic.

Base sa ulat ng DepEd-NCR, sinabi ni DepEd spokesperson Michael Poa na ang mga naturang pampublikong paaralan at nag-o-operate na ng full capacity, o 100% ng kanilang mga estudyante ay nakabalik na sa kani-kanilang mga paaralan.

Iniulat din ni Poa na naging maaayos sa pangkalahatan ang pagbabalik-mandatory face-to-face classes sa public schools.

Aniya, nag-aantabay pa rin naman sila ng updates mula sa kanilang regional offices hinggil sa sitwasyon sa iba pang bahagi ng bansa.

“Sa ngayon po, maayos naman po ang resumption ng ating classes so far. Naghihintay rin po kami ng feedback from our regional directors, para po kung may challenges encountered man ay matugunan agad,” pagtiyak pa ni Poa. (Daris Jose)

Ads November 4, 2022

Posted on: November 4th, 2022 by @peoplesbalita No Comments

8 huli sa aktong sumisinghot ng shabu sa Valenzuela

Posted on: November 4th, 2022 by @peoplesbalita No Comments

ISINELDA ang walong katao, kabilang ang isang bebot matapos mahuli sa akto ng mga pulis na sumisinghot umano ng shabu sa magkahiwalay na drug operation sa Valenzuela City.

Sa kanyang report kay Valenzuela police chief Col. Salvador Destura Jr, sinabi ni investigator-on-case PCpl Glenn De Chavez na nakatanggap ng impormasyon ang mga operatiba ng Station Drug Enforcement Unit (SDEU) sa ilalim ng pangangasiwa ni PLT Joel Madregalejo mula sa isang concerned citizen hinggil sa nagaganap umanong illegal drug activity sa No. 5 Salud St., Balubaran, Brgy. Malinta.

Kaagad nagsagawa ng validation ang mga operatiba ng SDEU sa pangunguna ni PSSg Alvin Olpindo at pagdating sa nasabing lugar dakong alas-11:30 ng gabi ay naaktuhan nila si Ronald Manansala, 53, Eleazar Larugal, 34, Machine Operator, Diane Fermin, 33, Edwin Espiritu, 40 at Martin Angelo Gabayno, 31, Motorcycle Mechanic, pawang residente ng lungsod na sumisinghot umano ng shabu sa loob ng isang bahay.

Hindi na nakapalag ang mga suspek nang mabulaga ng mga operatiba at nasamsam sa kanila ang dalawang transparent plastic sachets na naglalaman ng humigi’t kumulang 2 grams ng hinihinalang shabu na may standard drug price P13,600 at mga drug paraphernalias.

Nauna rito, naaktuhan din ng kabilang team ng SDEU sa isinagawa ring validation sa pangunguna ni PSSg Robbie Vasquez sa Servando St., Brgy. Mapulang Lupa sina Roland Hipulan alyas “Alvin”, 33, John Rick Moca alyas “Latek”, 23, at Gerald Galay, 27, na gumagamit din ng hinihinalang shabu dakong alas-12:05 ng hating gabi.

Nakumpiska sa kanila ang dalawang transparent plastic sachets na naglalaman ng nasa 4 grams ng hinihinalang shabu na may standard drug price P27,200.00, mga drug paraphernalias at P70 recovered money.

Nahaharap ang mga suspek sa kasong paglabag sa RA 9165 o ang Comprehensive Dangerous Drugs Act of 2002. (Richard Mesa)

Sa pagdiriwang ng ‘National Children’s Month’: Sen. IMEE, tatalakayin ang iba’t-ibang isyu kasama ang mga kabataan

Posted on: November 4th, 2022 by @peoplesbalita No Comments

SISIMULAN ni Senator Imee Marcos ang kanyang birthday month sa isang espesyal na vlog entry na ipinagdiriwang ang ‘National Children’s Month’ ngayong Nobyembre

Ipalalabas ito sa kanyang official YouTube channel ngayong Sabado, Nobyembre 5 at makakasama ng senadora
ang isang grupo ng mga kabataan sa isang intimate at masayang bonding session na talaga namang very refreshing at heartwarming.

Mapapanood sa vlog ang chikahan ni Sen. Imee kasama ang mga bata kung saan tinanong niya ang mga ito ng kanilang pananaw ukol sa mga paksa ng hunger, edukasyon, bullying, at gadgets.

Tiyak na matutuwa ang mga solid Imeenatics, na todo ang suporta sa Senadora mula ng nagbalik ito sa pag-vlog
nuong Enero.

Talagang maaaliw sila sa mga nakaloloka, nakatutuwa, at minsan very enlightening na sagot ng mga bata sa iba’t-ibang issue na mahalaga sa kanya bilang Senadora at ina.

Ano ang kanilang pananaw ukol sa eskuwela? Tungkol sa gutom? Mahalaga ba talaga ang mga gadgets sa kanilang
mga buhay? Ano ang opinion ng mga murang nilang isip sa bullying?

Aalamin ang mga sagot at mag-subscribe sa https://www.youtube.com/c/ImeeMarcosOfficial/featured

(ROHN ROMULO)

Pinsala, pagkalugi sa agri dahil kay Paeng, pumalo na sa P2.74 bilyong piso

Posted on: November 4th, 2022 by @peoplesbalita No Comments

UMABOT na sa P2.74 bilyong piso ang pinsala at pagkalugi sa agrikultura dahil kay Severe Tropical Storm Paeng (international name: Nalgae).

Sinabi ng Department of Agriculture (DA), nakasaad sa data na ipinalabas ng Disaster Risk Reduction and Management (DRRM) Operations Center ng departamento na P2.74 bilyong piso “as of 5 p.m.” araw ng Miyerkules, Nobyembre 2 ay tumaas mula sa P1.33 bilyong piso “as of Monday afternoon.”

Sakop ng latest bulletin ang 82,830 ektarya ng agricultural areas sa Cordillera Administrative Region, Cagayan Valley, Central Luzon, Calabarzon, Mimaropa, Bicol, Western at Eastern Visayas, Zamboanga Peninsula, Central Mindanao, at Soccsksargen.

“This translated into a production loss volume of 111,831 metric tons of commodities such as rice, corn, and high value crops, impacting some 74,944 farmers and fishers.

Most of the damage was seen in rice, with a volume loss of 95,694 metric tons equivalent to P1.71 billion,” ayon sa report ng DA.

“This was followed by high value crops worth P555.4 million, fisheries worth P201.64 million, corn worth P135.4 million, livestock and poultry worth P9.49 million, cassava with P4,220,” ayon pa rin sa report.

Ang pinsala naman sa agricultural infrastructures ay umabot na sa P133 milyong piso, sakop ang iba’t ibang laboratoryo at crop protection centers, irrigation systems, water impounding projects, at diversion dams.

Ang pinsala naman sa machineries at equipment ay sinasabing umabot na sa P235,000, kabilang na ang hand tractors at vermi beds.

Sinabi pa ng DA na ang tulong ay available para sa distribusyon sa mga apektadong magsasaka at mangingisda, kabilang ang bigas, mais at assorted na vegetable seeds, at gamot para sa livestock at poultry.

Sinabi pa ng departamento na ang Bureau of Fisheries and Aquatic Resources (BFAR) ay mayroong fingerlings at tulong na ibibigay sa mga apektadong mangingisda.

Ang mga apektado aniya ay maaaring mag- avail ng P25,000 loan mula sa Survival and Recovery (SURE) Loan Program mula sa Agricultural Credit Policy Council (ACPC), kasama ang Quick Response Fund (QRF) para sa rehabilitasyon ng mga apektadong lugar. (Daris Jose)

Presyo ng ilang Noche Buena items, sumirit- DTI

Posted on: November 4th, 2022 by @peoplesbalita No Comments

NAGSIMULA nang sumirit ang ilang Noche Buena items bago pa ang Kapaskuhan.

Dahil dito, pinag-aaralan na ng Department of Trade and Industry (DTI) kung magpapalabas pa sila ng price guide.

Gayunman, may ilang manufacturers ang nagpalabas ng advisories kung saan ang presyo ng ham ay tumaas ng P40.

“Kinakausap pa naman yung mga manufacturers para din naman number 1, kung pwede itemper yung increase kung possible pa po yun. Yung submitted sa amin walang lumampas ng P50. Meron pa ngang may decrease,” ayon kay Ann Claire Cabochon, officer-in-charge of DTI Consumer Protection Group.

Sinasabing ang presyo ng ham sa Quiapo ay tumaas bunsod na rin ng pagtaas ng presyo ng mga ingredients at raw materials.

Sa ulat, may nagsasabing tumaas kasi ang asukal, mga ginagamit sa paggawa ng ham at plastic kaya tumaas ang presyo ng ham.

Napaulat din na ang presyo ng Chinese ham ngayon ay tumaas ng P1,640 mula sa P1,540 noong nakaraang taon habang ang scrap ham ay tumaas din ng P1,560 mula P1,520 noong nakaraang taon.

Sa kabilang dako, napaulat na rin na ang presyo ng American ham lalo na sa Trabaho market ay tumaas ng P220 mula sa P200 kada kilo.

Ang ng cream ay tumaas ng P8 hanggang P15 habang ang salad at elbow macaroni ay tumaas ng P4 hanggang P27.

Ang kasalukuyang presyo naman ng puting asukal sa Kalakhang Maynila ay nananatili sa P106 sa grocery at supermarket, habang P100 sa mga palengke. (Daris Jose)

20th Century Studios Releases New Trailer and Poster for ‘Avatar: The Way of Water’

Posted on: November 4th, 2022 by @peoplesbalita No Comments

THE sequel to the highest-grossing movie of all time is coming to theaters this December!

20th Century Studios has released a new trailer and poster for Avatar: The Way of Water, James Cameron’s highly anticipated, first follow-up to his Academy Award-winning Avatar, the highest-grossing film of all time.

In celebration of the trailer and poster launch for Avatar: The Way of Water, a stunning light show of massive proportions featuring highlights from the film will be projected tonight over Niagara Falls. (https://www.youtube.com/watch?v=CmP_nP0rfHg)

With Avatar: The Way of Water, the cinematic experience reaches new heights as Cameron transports audiences back to the magnificent world of Pandora in a spectacular and stirring action-packed adventure.

Set more than a decade after the events of the first film, Avatar: The Way of Water begins to tell the story of the Sully family (Jake, Neytiri, and their kids), the trouble that follows them, the lengths they go to keep each other safe, the battles they fight to stay alive, and the tragedies they endure.

Directed by James Cameron and produced by Cameron and Jon Landau, the Lightstorm Entertainment Production stars Sam Worthington, Zoe Saldaña, Sigourney Weaver, Stephen Lang, and Kate Winslet. Screenplay by James Cameron & Rick Jaffa & Amanda Silver. Story by James Cameron & Rick Jaffa & Amanda Silver & Josh Friedman & Shane Salerno. David Valdes and Richard Baneham serve as the film’s executive producers.

Avatar: The Way of Water opens in Philippine theaters on December 14.

(ROHN ROMULO)