2022 November 05 Archive - People's Balita

December 22, 2024
Search in People's Balita
Ang Diyaryong Pinagkakatiwalaan

Archive for November 5th, 2022

GINANG PATAY SA TREN

Posted on: November 5th, 2022 by @peoplesbalita No Comments

NASAWI ang isang ginang nang mahagip at makaladkad nang rumaragasang tren ng Philippine National Railways (PNR) sa Paco, Maynila Huwebes ng gabi.

Kinilala ang biktima na si Dahlia Barcelon y Dela Merced, 55, nakatira sa 1780 Mulawin Alley Peralta Street, Sta Mesa Maynila .

Sa imbestigasyon ng Manila Traffic and Enforcement Unit, binabagtas ni Barcelon sakay ng kanyang electronic bike ang kahabaan ng westbound ng Dr ML Carreon Street dakong alas- 6:30 kagabi nang pagsapit sa Laura Street, Railroad Crossing Paco, Maynila , nang nahagip siya ng tren na may body number na EMU 5 Del 917 patungong northbound .

Ang biktima ay nakaladkad ng ilang metro na nagresulta ng agaran nitong ikinamatay.

Dinala ang labi ng biktima sa Manila Islamic Cemetery & Cultural Hall para sa safekeeping. (Gene Adsuara)

Yulo sasalang na sa finals ng 2 events

Posted on: November 5th, 2022 by @peoplesbalita No Comments

TARGET ni reigning world champion Carlos Edriel Yulo na makasikwat ng medalya sa dalawang finals event na lalahukan nito ngayong araw sa prestihiyosong 51st FIG World Artistic Gymnastics Championships na ginaganap sa Liverpool, England.

Unang sasalang si Yulo sa men’s all-around event.

Magsisimula ang bakbakan sa alas-2 ng madaling araw (oras sa Maynila).

Hawak ni Yulo ang No. 3 seed sa finals matapos pumangatlo sa qualifying round.

Nagtala si Yulo ng kabuuang 84.664 puntos sa qualifying para masiguro ang tiket sa finals.

Umiskor ito ng 15.266 sa floor exercise, 11.766 sa pommel horse, 14.066 sa rings, 14.733 sa vault, 15.30 sa parallel bars at 12.533 sa horizontal bars.

Umaasa si Yulo na mas mapapaganda nito ang kanyang performance sa finals para masiguro ang podium finish.

Makakalaban nito sina Japanese bets Wataru Tanigawa at Daiki Hashimoko na nagtapos ng 1-2 sa qualifying round.

Maliban sa Japanese gymnasts, pasok din sa finals sina Joe Fraser ng Great Britain, Zhang Boheng ng China, Asher Hong at Brody Malone ng Amerika at Joel Plata ng Spain.

Matapos ang all-around, muling sasalang si Yulo sa kanyang paboritong floor exercise sa alas-9:30 ng gabi (oras sa Maynila).

Paboritong magkampeon si Yulo sa naturang event matapos manguna sa qualifying round tangan ang 15.266 puntos.

Magiging tinik sa kampanya ni Yulo sina Ryosuke Doi ng Japan, Milad Karimi ng Kazakhstan, Giamni Regini-Moran ng Great Britain, Zhang Boheng ng China, Ryu, Sung-hyun ng South Korea, Daiki Hashimoto ng Japan at Nicola Batolini ng Italy.

‘Best Night Ever’ ang naging experience niya… KIM, sobrang saya na nakapanood ng Blackpink sa Georgia, USA

Posted on: November 5th, 2022 by @peoplesbalita No Comments

NAPAKASAYA ni Kim Chiu na nakapanood ng concert ng Blackpink sa Georgia, USA.

Bukod pa kasi sa experience na ‘yon, nakapag-travel si Kim mula sa Las Vegas (kunsaan ang ASAP in Vegas) sa Georgia na mag-isa at isang backpack lang ang dala.

In bold letters na “Best Night Ever” raw para kay Kim ang nangyaring concert at naging experience niya.

Sey ni Kim sa kanyang Instagram account, “No words!!! Simply the best night ever!!! Best concert ever!!! Best girls ever!!! Best Side trip ever!!! Ever na sa lahat ng ever!

“Eight hours of standing was super worth it saw them up close and personal with matching eye contact, wave wave and smile smile. Ang ganda and ang saya ng concert!!! From sound check to the performance. OA yung feeling kahit na nilalabanan ko ang jet lag ko and all grabe no words can describe as Blink, this trip is super-mega worth it.

“I flew back and forth early morning alone to Georgia back to Vegas with happiness and kilig in my blink heart.”

Siyempre, napapa- “sana all” na lang kay Kim ang ibang netizens at ‘yung iba naman, nainggit na ang lapit daw ni Kim sa stage.

***

GRABE na talaga, pati ang top-rating game show ng Kapuso network, ang Familu Feud ay ginagawang raket na rin at ginagamit sa panloloko.

Nag-post nga ang host ng show na si Dingdong Dantes ng tungkol dito at nag-warning din, lalo na sa mga sumassali sa Guess to Win Promo.

Ayon kay Dingdong, “Maraming kababayan natin ang sumasali sa Guess to Win Promo ng Family Feud. Nagpapasalamat kami sa walang sawa at patuloy ninyong pagtangkilil sa promo at sa ating programa.

“Ngunit sa gitna ng kasiyahang hatid ng ating palabas, ginagamit naman ito ng mga oportunista para manamantala at mambiktima ng ating mga kababayan.”

“Maging ang pangalan ko ay kiZnakasangkapan na rin ng mga taong ito para makapanloko.”

At sinabi rin niya na walang ibang grupo o indibidwal ang awtorisadong magbigay ng premyo sa mga nanalo.”

(ROSE GARCIA)

Inflation sa bansa nag-umapaw sa 7.7%, pinakataas simula Disyembre 2008

Posted on: November 5th, 2022 by @peoplesbalita No Comments

UMABOT na sa 7.7% ang “headline inflation” sa Pilipinas ngayong Oktubre 2022, ang pinakamabilis na pagtaas sa presyo ng mga bilihin simula pa Disyembre 2008 o halos 14 taon.

Ito ang ibinahagi ng Philippine Statistics Authority (PSA), Biyernes, ito matapos itaya ng Bangko Sentral ng Pilipinas na umabot sa 7.1% hanggang 7.9% ang inflation nakaraang buwan.

“The headline inflation in the Philippines continued its uptrend as it moved up further to 7.7 percent in October 2022, from 6.9 percent in September 2022,” balita ng ahensya kanina.

“This is the highest recorded inflation since December 2008.”

Pangunahing dahilan dito ang mas mataas na annual growth rate sa index ng pagkain at hindi nakalalasing na inumin sa 9.4%, mula sa 7.4% nitong Setyembre.

Dahil dito, 5.4% ang average inflation rate mula Enero hanggang Oktubre ng kasalukuyang taon.

Simula nang maupo si Pangulong Ferdinand Marcos Jr., buwan-buwang tumataas ang presyo ng bilihin. Bumaba lang ang porsyento ng pagtaas nang isang beses noong Agosto.

24.2 toneladang basura nahakot sa mga sementeryo sa Metro Manila nitong Undas

Posted on: November 5th, 2022 by @peoplesbalita No Comments

NASA kabuuang 24.2 toneladang basura ang nahakot sa mga sementeryo sa Metro Manila matapos ang Undas.

Ayon sa Metropolitan Manila Development Authority (MMDA), katumbas ito ng 85.2 cubic meters 0 7 truckloads na mas kumonti kaysa sa mga nakalipas na taon.

Inihalimbawa ni MMDA supervising officer for operations Bong Nebrija na ang ahensya ay nakapaghakot ng 5.25 toneladang basura mula sa Manila North at South Cemetery, Loyola Memorial Park, Libingan ng mga Bayani, San Juan City Cemetery at Bagbag Cemetery kumpara sa 27 truckloads o 162 tonelada ng basurang nakolekta noong nakaraang taon.

“This could be attributed to the fact that we were only limited to cleaning outside cemeteries. There were lesser crowd in cemeteries as well because of the rainy weather,” ani Nebrija sa text sa mga mamahayag.

Muling binuhay ng MMDA ang kanilang ‘Oplan Undas’ mula Oktubre 27 hanggang Nobyembre 2.

Nasa 2,886 na tauhan na binubuo ng mga traffic enforcer at augmentation team ang idineploy para magsagawa ng clean-up operations sa iba’t ibang pampubliko at pribadong sementeryo sa Metro Manila.

Nagtayo rin ang MMDA Road Emergency Group ng mga tent na nagsilbing public assistance facility na may naka-standby na mga ambulansya sa Manila North Cemetery, Manila South Cemetery, Loyola Memorial Park sa Marikina City at San Juan Public Cemetery upang agad na tumugon sa anumang emergency.

Ang mga miyembro ng Reckless Driving Enforcement Team, Anti-Jaywalking Unit at Sidewalk Clearing Operations Group ay ipinadala rin sa mga terminal ng bus sa Araneta, Cubao, EDSA, Pasay-Taft, Sampaloc, Dangwa at Mindanao Avenue para paghandaan ang pagdagsa ng mga pasahero. (Daris Jose)

Ads November 5, 2022

Posted on: November 5th, 2022 by @peoplesbalita No Comments

SSS at Pag-IBIG members pwedeng mag-calamity loan

Posted on: November 5th, 2022 by @peoplesbalita No Comments

KAPWA nag-alok ng calamity loan ang Social Security System (SSS) at Home Development Mutual Fund o Pag-IBIG sa mga miyembro na nasalanta ng bagyong Paeng.

Ayon sa SSS, ang Calamity Assistance Package ay para sa mga miyembro at pensioners na nasalanta ng bagyo sa mga lugar na isinailalim sa state of calamity. Kabilang sa mga lugar na ito na inihayag ni Pangulong Ferdinand Marcos Jr. ay ang Regions 4-A, 5, 6 at Bangsamoro Autonomous Region in Muslim Mindanao.

Maaaring makapag-avail ang mga apektadong miyembro at pensioners ng calamity loan at tatlong buwan na advance na pension.

“Sila ay maaaring makapag-apply sa ilalim ng calamity loan program,” ani Jacinto, sa isang public briefing kahapon.

Sinabi ng opisyal na ang loanable amount sa ilalim ng calamity loan program ay hanggang 80% ng savings ng miyembro at mayroong interest rate na 5.95% per annum.

Maaari aniyang bayaran ng miyembro ang naturang loan sa loob ng tatlong taon.

Kuwalipikado aniyang mag-aplay ng calamity loan ang mga aktibong miyembro na may 24 buwang halaga ng kontribusyon sa Pag-IBIG Fund.

Kabilang sa mga requirements sa pag-avail ng loan ay ang filled up at signed application form ng nag-a-aplay na miyembro na sinertipikahan ng employer nito.

Ang mga self-employed members naman aniya ay kailangang magprisinta ng kanilang proof of income.

Samantala, maaari ring mag-avail ng calamity loans ang mga miyembro ng Home Development Mutual Fund o Pag-IBIG, na naapektuhan ng bagyong Paeng.

Ayon kay Pag-IBIG Fund public affairs manager Jack Jacinto, aabot sa 344,000 miyembro ng Pag-IBIG ang naninirahan sa mga lugar na sinalanta ni Paeng. (Daris Jose)

Metro Rail System ilalagay sa Ortigas corridor; ADB magpapautang ng $1B para sa MRT 4

Posted on: November 5th, 2022 by @peoplesbalita No Comments

ITATAYO ang Metro Rail System o MRT 4 sa Ortigas corridor na magdudugtong sa Quezon City papuntang probinsiya ng Rizal na bibigyan ng pondo mula sa Asian Development Bank (ADB) na nagkakahalaga ng $1 billion.

Ayon kay Department of Transportation (DOTr) undersecretary Cesar Chavez na ang pamahalaan ay handa nang lumagda sa taon ng 2023 ng $1 billion loan mula sa ADB para sa pagtatayo ng Manila Metro Rail Transit Line 4.

“Loan signing is expected next year, by 2023, as it is already part of ADB’s committed loans for next year,” wika ni Chavez.

Sinabi rin niya na ang DOTr ay ginawa ng isang metro rail system ang MRT 4 dahil sa passenger capacity, maintainability at expandability purposes.

Dapat sana ay monorail ang itatayo subalit pinalitan na ito ng metro rail. Ang monorail system ay isang automated operations na mayroong short headways at maximum system capacity na mayroong minimal visual impact upang magkasya sa isang urban environment. Mayroon lamang itong less space para sa operasyon kumpara sa metro rail system.

Ang Spanish multinational na IDOM Consulting, Engineering and Architecture na siyang naatasan na gumawa ng detailed architectural at engineering design ay naghain ng tatlong (3) options na puwedeng gamitin sa pagtatayo ng nasabing rail line.

Ayon sa nasabing design mula sa IDOM, kanilang isinusulong ang paggamit ng monorail, light rail o metro rail design para sa nasabing proyekto.

Ang metro rail ay gagamit ng mas malaking space subalit mayroon itong mas mataas na passenger capacity.

Sa isang pag-aaral ng IDOM, kanilang nalaman na ang ridership demand sa nasabing lugar ay nangangailangan ng isang metro rail system lalo na ito ay magiging isang primary transit ng mga commuters sa pagpunta at pauwi sa probinsiya ng Rizal.

“Further studies showed that upgrading MRT 4 to a metro rail ensures that the government can easily fix and improve the infrastructure given the availability of technical suppliers for such a system. It is for these reasons that the DOTr abandoned the monorail plan and went for the metro rail option,” saad ng IDOM.

Nalaman din ng IDOM matapos na gawin ang due diligience na ang ridership demand ng biyeheng San Juan- Rizal corridor sa may kahabaan ng Ortigas Avenue ay mas mataas kumpara sa ginawang estimate. At upang mabigyan ng kaukulang pansin ang passenger demand, nagdesisyon ang DOTr nai-upgrade sa mas mataas na kapasidad ang MRT trains.

“It is far easier to maintain a standard MRT-type system, as there are more expertise and spare part suppliers of standard MRT-type railways,” dagdagni Chavez.

Inihayag din ni Chavez na may balak ang pamahalaan na pahabain ang MRT 4 sa darating na panahon mula sa ngayon na end point sa Taytay papuntang Binangonan na siyang southernmost municipality ng Rizal. LASACMAR

Pati pangalan niya ay nagagamit para makapanloko: DINGDONG, naglabas na ng statement para magpaalala sa mga online scammers

Posted on: November 5th, 2022 by @peoplesbalita No Comments

NAGLABAS si Kapuso Primetime King Dingdong Dantes and host ng game show na ‘Family Feud’ sa kanyang Instagram account ng “Statement on Online Scammers”.

“Maraming kababayan natin ang sumasali sa Guess to Win Promo ng Family Feud. Nagpapasalamat kami sa walang sawa at patuloy ninyong pagtangkilik sa promo at sa ating programa.

“Nguni’t sa gitna ng kasiyahang hatid ng ating palabas, ginagamit naman ito ng mga oportunista para manamantala at mambiktima ng ating mga kababayan.

‘Maging ang pangalan ko ay kinakasangkapan na rin ng mga taong ito para makapanloko ng kapwa.

“Gusto naming ipaalaala na kung kayo ay mananalo sa Guess To Win Promo, padadalhan kayo ng mensahe via email ng GMA Network. Sa nasabing mensahe nakadetalye ang requirements na dapat isumite para makuha ang premyo.

“Walang ibang grupo o individwal ang awtorisadong magbigay ng premyo sa mga mananalo. Tiyaking opisyal na kinatawan ng GMA Network ang kausap ninyo bago kayo magbigay ng pribadong impormasyon gaya ng cellphone number.

“Sa mga sumasali naman sa promo, iwasang mag-iwan ng pangalan, address at cellphone number sa comments section ng Facebook o YouTube. May official site ang Family Feud kung saan kayo dapat magpadala ng mga sagot.

“Stay vigilant. Huwag maging biktima ng scammer.

“Muli, maraming salamat sa inyong suporta!”

***

UMANI ng paghanga si Kapuso Primetime Princess Barbie Forteza mula sa mga netizens sa portrayal niya as a Gen Z, si Klay, na napasok sa daigdig nina Maria Clara at Crisostomo Ibarra sa historical fantasy portal series na “Maria Clara at Ibarra.”

Si Andrea Torres naman ang tumatanggap ng much-deserved praise sa pagganap niya bilang si Sisa, especially sa episode nito the other night na #MCIKumpisal na tuluyan nang nawala ang sanity niya sa pagkawala ng mga anak na sina Basilio at Crispin.

Doon binigkas ni Andrea ang mga iconic line na “mahal kayo ng nanay,” “Anak ko, Crispin! Basilio! Nasaan na kayo? Hindi ko kaya!”

Muli ngang nag-trending ang episode sa Twitter, na pinuri ng mga netizens ang acting ni Andrea, like hindi raw nila maiisip si Sisa kung hindi sa mahusay nitong pagganap.

“She gave justice to Sisa and the show really changed the ‘Crazy Sisa’ that we used to know but introduced us to the loving Sisa who lost her children. Andrea effectively conveys Sisa’s suffering and anguish.”

Kaya halos hindi maka-comment si Andrea sa mga nabasa niyang paghanga sa kanya ng mga viewers kaya nasabi niya, “ay grabe, sasabog ang puso ko. Sobra kong na-appreciate, lalo na pag sinasabi ninyo na di na lang basta baliw si Sisa sa paningin ninyo.”

Ang hinihintay ngayon ng mga viewers ay si Rocco Nacino, na gaganap bilang si Elias. Ano ang kaugnayan niya kina Ibarra at Maria Clara?

Napapanood ang serye gabi-gabi at 8PM after 24 Oras sa GMA-7.

*****

MARAMING nagtatanong ngayon, sa paglabas ng balitang gagawin na ni Direk Darryl Yap ang second part ng “Maid in Malacanang” ang “Martyr or Murderer?” kung tinanggap na ba ni Phillip Salvador na siya ang gumanap sa role ni Benigno Aquino.

Nabalita kasi noong una na si Jerome Ponce ang gaganap sa kanyang role, pero ngayon nga ay lumutang ang pangalan ni Phillip Salvador. Ano raw kaya ang magiging reaksyon dito ni Kris Aquino, kung sakaling tanggapin ni Ipe ang role?

Balitang ngayong November na sisimulan ni Direk Darryl ang shooting ng movie, dahil naka-schedule na raw ipalabas ito early 2023. Sa ngayon, wala pang sinasabi kung sinu-sino na ang bubuo ng cast, but definitely, naroon pa rin si Cesar Montano as the former President Ferdinand Edralin Marcos at si Ruffa Gutierrez as Madame Imelda Romualdez- Marcos.

(NORA V. CALDERON)

Nadal bigo sa Paris Masters

Posted on: November 5th, 2022 by @peoplesbalita No Comments

NABIGO si Spanish tennis star Rafael Nadal sa Paris Masters.

Tinalo siya ni Tommy Paul ng US sa score na 3-6, 7-6, 6-1.

Sa unang set dominado ng 22-Grand Slam champion ang laro hanggang nakabawi ang American tennis player sa mga sumunod na sets.

Ang 14-time French Open champion na si Nadal ay hindi nasubukang magkampeon sa nasabing torneo.

Tiniyak nito na lalahok siya sa Tour Finals na gaganapin mula Nobyembre 13 hanggang 20.

Susunod na makakaharap naman ni Paul para sa quarterfinals si Pablo Carreno Busta.