ANG trailer ng “Family Matters” na produced ng Cineko Productions ay umaani ng milyon-milyong views online sa pinagsama-samang platforms.

Sa ngayon, meron na itong mahigit 35 million views.

Isa sa mga official entry sa 2022 Metro Manila Film Festival. Parang in tradition of “Tanging Yaman,” a family movie na siguradong tatagos sa puso ng bawat manonood, lalo na nga at maraming makaka-relate rito.

At mismong ang beteranong actor na si Noel Trinidad ay nararamdaman daw ang lakas ng trailer pa lamang ng kanilang pelikula.

“We’ve been getting very good response from the trailer to the extend na my personal experiences,” lahad niya.

“People have been approaching me to shake my hands, to have pictures taking with me because of the trailer. Trailer pa lang.”

Hindi raw niya makalilimutan ang isang lalaki na lumapit sa kanya.

Aniya, “Merong lumapit sa akin, big guy, maton. Lumapit sa akin, ‘ang ganda ho ng trailer niyo. Naiyak po ako.’

“Mamang-mama and this has been going on. And there’s two people responsible for it. Not just for the trailer, but for the movie.

“I want to cite of course, si Mel (del Rosario) because of the wonderful story. Noong prinisent sa akin ang script the first time, I told myself, I have to do this. Dahil pagkaganda-ganda ng script.

“The second person I have to cite in this movie is si Direk. Si Direk, very quiet director, but he guides you all the way. Hindi ka mangangapa. Kung gagawa ka ng scene, he will explain to us what it’s like before, what it’s like after. Ano ang relationship namin sa ibang characters.

“I’d also like to thank tukayo. I call him tukayo kasi, almost the same Noel.”

Ang tinutukoy niyang tukayo ay ang director ng “Family Matters” na si Direk Nuel Naval.

Sabi pa niya, “He really guided us in any scene. Kaya I was saying, sana merong category na Best Unsung Acting in a movie, because surely, we will qualify and that’s because of Direk.

“Somehow nabuo ang gusto niya.”

Ang gumaganap na asawa niya sa movie ay si Ms. Liza Lorena habang mga anak nila sina Nonie Buencamino, JC Santos, Mylene Dizon at Nikki Valdez. Parte pa rin ng pamilya sina Ian Pangilinan, James Blanco at Agot Isidro.

Sa panulat ni Mel de Rosario at sa direksiyon nga ni Nuel Naval. Same team who brought us the tear-jerker movie, “Miracle in Cell #7.”

***

MASAYANG-MASAYA ang Kapuso actress na si Rochelle Pangilinan sa bago niyang serye sa GMA7, ang “Urduja.”

Para itong nanalo na ng award at parang nagbigay na ng speech sa pagpapasalamat sa network. Nagbalik-tanaw rin sa 24 years daw niya bilang isang Kapuso. Simula pa sa panahon ng Sexbomb at Daisy Syete siya.

Sabi ni Rochelle, “24 Years! Yes, 24 years na po ako sa GMA. Sobrang Grateful sa lahat ng mga taong nakasama ko, from utility, PAs, APs, EPs, sa lahat ng fans at kaibigan na sumusupporta sa akin at higit sa lahat sa aking mga boses para sa opportunies at tiwala na patuloy na binibigay ninyo sa akin.

“Ipinagpapasalamat ko ang lahat ng nangyayari sa akin. Sobrang laking parte ng GMA sa kung anuman ako ngayon kasama ang pamilya ko. Sila din ang dahilan kung bakit nakakagawa ako ng ibat ibang proyekto kaya taus puso ang pasasalamat ko. Wala pong ROCHELLE PANGILINAN ngayon kung hindi dahil sa kanila.

“Isa na naman pong project ang pinagkatiwala sa akin ng GMA. Asahan nyo po na mas pagbubutihan ko pa ang pagganap sa proyektong ito. Paghahandaan ko po ito. At sana po ay magustuhan ninyo. Sobrang nagpapasalamat po ako kay God dahil ang saya po ng puso ko ngayon. Marami man pong pagsubok sa buhay. Solido naman po ang aking support system.

“Lalung lalo na sa aking mga boss, Sir FLG, Sir JRD, Sir FSY, Ma’am Lilybeth Gomez-Rasonable, Ms. Annette Gozon Valdes, Ms. LGM, Ms. Cheryl Ching Sy, Ms. Helen Rose S. Sese, Ms Dedicatoria N Ayalexi at sa buong GMA Drama group, sa GMA comedy and musical group GMA NAPA at sa buong GMA FAMILY ko.❤️
“Salamat Ma, Perry. Sa paggabay sa akin.
“URDUJA Jewels!! LEZZ GO!!!”

Makakasama rin ni Rochelle sa “Urduja” ang iba pang Kapuso actresses tulad nina Sanya Lopez at Kylie Padilla.

(ROSE GARCIA)

PUMANAW na si Jovit Baldivino, ang first winner ng ‘Pilipinas Got Talent’, sa edad na 29.

Matagal-tagal ring naka-confine si Jovit sa ospital mula nang atakehin umano ito sa isang event sa Batangas.

Binawian ng buhay si Jovit sa ICU (intensive care unit) ng Jesus of Nazareth Hospital dahil sa aneurysm, madaling araw ng Biyernes, December 9.

Kinumpirma naman ng misis ni Jovit na si Camille Ann Miguel ang malungkot na balita sa pamamagitan ng kanyang Facebook post ng larawan nila ni Jovit na may caption na “ASAWA KO [crying face emojis]”

Sa isang pang post niya, “Anong sama ng papasko mo smen [crying emojis]”

Sa social media ay nagpa-abot na ng mensahe ng pakikiramay ang ilang kapwa celebrity ni Jovit tulad nina Ogie Alcasid, Marcelito Pomoy, Zsa Zsa Padilla, Matteo Guidicelli, Kiray Celis at marami pang iba.

***

SOLO owner si Tei Endencia ng AQUILA Crystal Palace Tagaytay Events Place na maaari ring pagdausan, bukod sa weddings, birthday parties, baptismal, anniversary at kung anu-ano pang celebration, lalo na ngayong Christmas season.

Fine Arts ang kinuhang kurso ni Tei sa kolehiyo; paano siya natutong maging arkitekto at engineer ng kanyang events place?

“Kasi nga po artist kaya nga iyon ginagamit ko yung skills ko pag-e-execute, pag-i-style ng reception, the venue iyon po.”

Bukod sa business owner ay isa ring events stylist si Tei at napanood namin mismo habang hands-on si Tei na inaayos ang dekorasyon sa venue ng kasal nina Wilma Doesnt at Gerick Parin noong March.

“I do the transformation of the venue, conceptualization, iyan ginagawa ko po yan dun po sa lahat po ng mga clients ko dito.

“Kailangan po super-hands-on po, sa lahat ng business kailangan hands-on ka.”

Si Tei ang kasama na nga sa mga artists ng Artist Circle Talent Management Services na pinamumunuan ni Rams David.

Si Wilma rin ang dahilan kung paanong nagkakilala sina Tei at Rams kung kaya naging talent ng siya ng Artist Circle.

Parehong tubong Cavite sina Tei at Wilma.

“Sabi ni kapatid Wilma, ‘Merong isang tao na should handle you’, because of my skills. Kasi they checked my schedules, I have daily schedules, I have daily meetings, ganyan po and iyon po sobrang blessed ko po nung na-meet ko po si tito Rams David.

“And siya po ngayon yung aking talent manager na nagha-handle po sa akin ngayon and we’re having a satellite office in Quezon City.

“So if a client wants to hire me po as an events stylist, kay tito Rams po sila makikipag-coordinate dun po yung bookings po nila.”

Maaaring kontakin ang AQUILA Crystal Palace Tagaytay Events Place sa e-mail address na artist_circle@yahoo.com at mga numero na 09175816288, 09171188007 at 09178421621.

Matatagpuan ang Aquila Crystal Palace Tagaytay Events Place sa #328 Brgy. Maitim 2nd Tagaytay City.

(ROMMEL L. GONZALES)

ANG Kapamilya actress na si Jodi Sta. Maria ang nag-iisang nakapag-uwi ng tropeo para sa Pilipinas sa Asian Academy Awards 2022 na ginanap sa Singapore noong December 8.

Si Jodi nga ang itinanghal na Best Actress in a Leading Role at kinabog niya ang mga kalaban na mahuhusy na aktres mula India, Singapore, Taiwan at South Korea, dahil sa mahusay niyang pagganap bilang Dr. Jill Ilustre sa teleseryeng “The Broken Marriage Vow,” ang Philippine adaptation mula sa ABS-CBN ng British series na “Doctor Foster.”

Personal ngang tinanggap ni Jodi ang award na kung saan naging presenter din siya sa awards night. Makikita na na-shock talaga siya nang in-announce na siya ang nagwagi sa maliit na margin na lang .07.

Nang tinawag ang kanyang pangalan, nagyakapan sila ni Dimples Romana, na nominated naman sa para Best Actress in a Supporting Role para sa ‘Viral Scandal’, na hindi nga lang pinalad magwagi.

Sa kanyang acceptance speech, “This was so unexpected. Thank you to the Asian Academy, ABS-CBN, Dreamscape, BBC for allowing us to do the Philippine adaptation of ‘Doctor Foster.’

“Our directors, direk Connie Macatuno and Andoy Ranay, my co-actors, the production team. I will always say that it takes a village to be able to produce a wonderful series.

“I’m just at a loss for words. But again, thank you because this is the highlight of my year.”

Paghuli pa niya, “Thank you, thank you. God I give you back all the glory and praise. Thank you!”

Samantala, sa Instagram stories ni Raymart Santiago, nag-congratulate ito kay Jodi at pinost ang snap shot ng aktres na kung saan taas-kamay niyang pinagmalaki ang tropeo ng tagumpay.

***

SINASABI nga na ang pinaka-mabiling plaka ng isang Christmas song ay ang ‘White Christmas’ ni Bing Crosby, na nakapagbenta na ng milyong kopya at hanggang ngayon ay nabibili pa.

Naisalin na rin iyon sa iba’t ibang salita sa buong mundo, kasi nga pangarap ng halos lahat ang “white Christmas” na nakikita nila sa cards, Christmas wrappers at iba pang may kinalaman sa Pasko.

May mga bansang walang snow, kagaya ng Pilipinas, kaya ang White Christmas ay nanatiling pangarap na lang, hanggang magbukas nga sa Star City ang Snow World, na nagbigay sa atin ng pagkakataong maranasan ang white Christmas.

Pero nawala ito nang tatlong Pasko dahil sa pandemya, at ngayon ay muli nating mararanasan.

Hindi lamang isang white Christmas, nagbabalik din si Santa Claus mula sa North Pole para makipagkita sa mga bata at mabigyan sila ng regalo. Kasama rin ni Santa sa pamamasyal sa Snow World ang Snowman.

Sa loob ng Snow World ay may coffee shop para sa mga giniginaw na, Sa labas naman ay may makikitang booth na may masarap na Chicken Rice, at ang kakaning sticky rice with mangoes, para sa isang anytime Noche Buena na magugustuhan ninyo.

Makikita rin ang naggagandahang mga parol at pailaw sa loob ng Snow World at ang tatlumpung talampakang Christmas tree. Mas naging exciting din ang ice slide na siyang pinaka-mahabang man made ice slide sa buong mundo sa ngayon.

At higit sa lahat, maaari kayong magpakuha ng picture na souvenir ng inyong White Christmas sa loob ng Snow World, na ikasisiyang makita ng inyong social media friends.

Kaya magtungo na sa Snow World sa Star City. Iyon ay bukas araw-araw sa buong panahon ng Kapaskuhan, para magbigay katuparan sa ating “white Christmas dream”.

(ROHN ROMULO)