Ang Diyaryong Pinagkakatiwalaan
IPINAGMALAKI nito na mayroon ng mahigit 76 taon na ang bilateral ties ng Pilipinas at Belgium.
Bukod kay King Philippe ay makakasalamuha ay magkakaroon din ng bilateral meeting ito sa mga lider ng Belgium, Estonia, Czech Republic, Spain, Denmark, Germany, Poland, Finland, Netherlands at European Union.
Winalis ng ‘Pinas sa pamamagitan nina 2022 Vietnam SEA Games marathon silver medalist Christine Hallasgo at three-time World Marathon Majors veteran Nhea Ann Barcena ang 1-2 puwesto sa women’s half-marathon ng 10th Ho Chi Minh City International Marathon 2022 nitong Linggo sa Vietnam.
Nagposte si Hallasgo, 30, ngng Malaybalay, Bukidnon, ng isang oras, 21 minuto at limang segundo sa 21-kilometrong takbuhan, samantalang si Barcena, 40, Panukulan, Quezon at BGC, Taguig, nagtala ng 1:27:53.
Sa men’s division sweep naman ng mga Pinoy ang Top 5 sa pagratsada nina Richard Salano (1:10:38), Prince Joey Lee (1:17:12), Jerome Casinillo (1:17:44), Roy Laudit (1:19:35), Arlan Arbois (1:20:22). (CARD)
PANGARAP umano ni Pangulong Ferdinand Marcos Jr. na mabigyan ng trabaho ang lahat ng mga Filipino para hindi na sila mapilitang mag-abroad para lamang makapaghanapbuhay.
Sa pagharap ni PBBM sa Filipino Community sa Brussels, Belgium sinabi nito na kaya nagsisikap ang kanyang administrasyon na manghikayat ng mga dayuhang mamumuhunan para mas maraming trabaho ang maibigay sa mga Filipino.
Kaya sana ay dumating na umano ang nasabing panahon dahil pangarap niya na wala ng kailangan umalis ng Pilipinas dahil walang mahanap na trabaho sa Pilipinas.
Umaasa naman ang Pangulo na maabot ang nasabing pangarap at kung mangingibang bansa ay dahil may mas magandang oportunidad at hindi dahil napipilitan na lamang.
Subalit nasa mga tao pa rin umano ang pagpapasya kung ano ang pipiliin para na rin sa kanilang professional growth at pag-unlad.
Dahil dito kaya nabuo ng kaniyang administrasyon ang 8-point program na layuning palakasin ang ekonomiya at gumawa ng maraming trabaho na angkop sa pandaigdigang labor standards.
Iginiit pa ni Marcos na ang kailangan lamang ay magkaisa ang sambayanan at suportahan ang mga ginagawa ng administrasyon upang makamit ang pangarap para sa mga Pilipino. (Daris Jose)
PORTLAND, Ore. — Dinuplika ni Damian Lillard ang sarili niyang franchise record na 11 three-pointers at tumapos na may 38 points para pamunuan ang Trail Blazers sa 133-112 dominasyon sa Minnesota Timberwolves.
Kumonekta si Lillard ng matinding 11-for-17 shoo-ting sa 3-point range at hindi na naglaro sa fourth quarter para sa Portland (15-12) na nagposte ng 27-point lead kontra sa Minnesota (13-14).
Nagdagdag si Jerami Grant ng 24 points habang humakot si center Jusuf Nurkic ng 14 points at 16 rebounds para sa Blazers.
Umiskor naman si guard D’Angelo Russell ng 23 points sa panig ng Timberwolves at tumipa si slotman Rudy Gobert ng 20 rebounds at 16 points.
Nagsalpak si Lillard ng walong tres para sa kanyang 27 points sa pagtatala ng 70-59 halftime lead ng Portland sa Minnesota.
Pinantayan niya ang kanyang team record na 11 tres sa 5:45 minuto ng third quarter para sa 88-70 pagbaon ng Blazers sa Timberwolves.
Sa Indianapolis, humakot si center Bam Adebayo ng 22 points at 17 rebounds at umiskor si Jimmy Butler ng pitong sunod na puntos sa dulo ng fourth quarter para akayin ang Miami Heat (13-15) sa 87-82 pagdaig sa Indiana Pacers (14-14).
Sa Los Angeles, kumamada si Paul George ng 26 points at may 25 markers si Kawhi Leonard para ihatid ang Los Angeles Clippers (16-13) sa 113-93 pagsapaw sa NBA-leading na Boston Celtics (21-7).
Sa Dallas, nagsumite si Luka Doncic ng 38 points at 11 rebounds sa 121-114 paggupo ng Mavericks (14-13) sa Oklahoma City Thunder (11-16).
Sa Portland, dinuplika ni Damian Lillard ang kanyang franchise record na 11 triples at tumapos na may 38 points sa 133-112 pagdaig ng Trail Blazers (15-12) sa Minnesota Timberwolves (13-14).
Sa Memphis, naglista si Tyus Jones ng 22 points at 11 assists at may 18 markers si Dillon Brooks sa 128-103 demolisyon ng Grizzlies (18-9) sa Atlanta Hawks (14-14). (CARD)
INIHATID na sa kanyang huling hantungan ang kauna-unahang grand champion ng ‘Pilipinas Got Talent’ na si Jovit Baldovino sa kanyang bayan sa Batangas, City.
Giniyahan ni Bryan Quiamco ang pasabog ng Team Philippines 7-Eleven nitong Linggo sa 10th Ho Chi Minh City International Marathon 2022 sa Vietnam.
Kumawala sa 3-man lead pack sa 33K mark ang 36 na taong-gulang na Pinoy na tubong Kawit, Kauswagan, Lanao Del Norte pero residente na ng Roosevelt, Tibanga, Iligan City upang masungkit ang una niyang titulo sa tatlong international 42.195K footrace.
Tinugaygay ni Quiamco, ama ng tatlong supling, ang makabali-tuhod at makasabog bagang karera sa 2:38:28 sa pamumuno sa 1-2 walis ng ‘Pinas upang ibulsa ang VND40M (P112K) cash prize.
Si Jerald Sabal ng Bagumbayan, Sultan Kudarat ang sumegunda sa 2:4104 (VND24M) at si Vietnamese Dang Anh Quyet ang tersera (2:44:44, VND20,400). Pumang-apat ang isa pang Pinoy na si Florendo Lapiz (2:44:52, VND18M).
“Sobrang saya ko po dahil makakaipon na ako ng konti at makakabili na ng gamit ng aking anak na nag-aaral,” ani Quiamco na pumangalawa sa 2018 Jeju International Marathon (Korea) at sa 2019 Phuket Marathon (Thailand). “Nagpapasalamat po ako sa 7-Eleven dahil sila po ang nagbigay opportunity na makapaglaro ako sa ibang lugar.”
Nag-2-3-5 sa women’s division sina Jedelyn Miranda (3:13:04), Maricar Camacho (3:13:33) at April Rose Diaz (3:23:46). Si Vietnamese Doan Thi Hien ang reyna sa 3:08:54. (CARD)
NAGBABALA ang Department of Agriculture (DA) sa mga nagbebenta ng smuggled o pinuslit na sibuyas sa online o sa mga pamilihan na ipagsasakdal sa paggawa nito.
Ang paliwanag ni DA deputy spokesperson Rex Estoperez, hindi sila nagpalabas ng permit para mag-angkat ng white onions o puting sibuyas.
Ang mga mahuhuli naman na nagbebenta ng nasabing agricultural product ay awtomatikong ikakansela ang kanilang permit.
“Kapag imported at smuggled po ‘yan at kapag nakahuli tayo ng mga sinasabi natin na mga smugglers, kasama kayo sa accomplice kasi nakitaan kayo ng ebidensya,” ang wika ni Estoperez.
“May pananagutan ‘yan sa ating mga kababayan at sa aming monitoring team. Kung ano ang mangyari sa mga consumers, sagot ba nila? ‘Yan ang mga katanungan and even though nakabili ka nga ng mura pero mas mahal ang magpa-ospital,” aniya pa rin, tinukoy ang mga nagbebenta ng smuggled onions sa online.
Disyembre 12, sinabi ng DA na ang smuggled onions na nakumpiska ng mga awtoridad ay hindi angkop para ikonsumo o gamitin matapos na natuklasan na nagtataglay ito ng bakterya.
Aniya, ang first batch ng mga sibuyas na nakumpiska ay umabot sa 100,000 kilo na aniya’y susunugin o ibabaon sa lupa para mabulok.
Pinaalalahanan naman ni Estoperez ang mga bibili ng nasabing sibuyas na walang pananagutan ang gobyerno sa kung ano ang maaaring mangyari sa mga gagamit ng smuggled onion.
“‘Yung mga naglalabas sa merkado, paalala lang po, hindi namin sagot kung ano ang mangyari sa inyo kapag bumili kayo ng sibuyas o nagbenta ng sibuyas sa ating mga pamilihang bayan,” ayon kay Estoperez.
THE next Spider-Man movie is coming to Philippine cinemas in 2023. Watch the new trailer for Columbia Pictures’ Spider-Man: Across the Spider-Verse now.
YouTube: https://youtu.be/m-aC_4-kAmY
About Spider-Man: Across the Spider-Verse
Miles Morales returns for the next chapter of the Oscar®-winning Spider-Verse saga, Spider-Man: Across the Spider-Verse. After reuniting with Gwen Stacy, Brooklyn’s full-time, friendly neighborhood Spider-Man is catapulted across the Multiverse, where he encounters a team of Spider-People charged with protecting its very existence. But when the heroes clash on how to handle a new threat, Miles finds himself pitted against the other Spiders and must redefine what it means to be a hero so he can save the people he loves most.
Directed by Joaquim Dos Santos, Kemp Powers, Justin K. Thompson, the screenplay is by Phil Lord & Christopher Miller and David Callaham, based on the MARVEL Comic Books.
Produced by Avi Arad, Amy Pascal, Phil Lord, Christopher Miller, Christina Steinberg.
The film’s cast is led by Shameik Moore and Hailee Steinfeld, Jake Johnson, Issa Rae, Daniel Kaluuya, Jason Schwartzman, Brian Tyree Henry, Luna Lauren Velez, Greta Lee, Rachel Dratch, Jorma Taccone, Shea Whigham and Oscar Isaac
Spider-Man: Across the Spider-Verse is distributed by Columbia Pictures, local office of Sony Pictures Releasing International.
Connect with the hashtag #SpiderVerse
(ROHN ROMULO)
HINAHANAP kita sa awards night, Rohn Romulo, dahil ang highlight ng gabi ng parangal ay ang pagdalo ng mahal mong Megastar na si Sharon Cuneta na recipient ng first-ever Gawad Banyuhay Awards.
Pero wala ka, mabuti na lamang at dumating ang Megastar para sa kanyang Gawad Banyuhay Gloria Sevilla Actress of the Year award sa grand ballroom ng Manila Hotel last Monday, December 12. Napaka-elegante at slim ng Megastar sa kanyang gown na silver at black na halatang mamahalin, tulad ng mga suot niyang alahas sa gabing iyon.
Mahigpit na niyakap ni Sharon si Suzette Ranillo, ang anak ni Tita Gloria na kilala sa showbiz bilang Queen of Visayan Movies; si Suzette ang nag-abot ng tropeo ni Sharon at sa speech niya ay sinabi niyang para na niyang mga kapatid sina Suzette, Dandin, Juni, Lilibeth, Jojo, Inah at Mat Ranillo III dahil second mom raw niya si Tita Gloria.
Grabe ang memorya ni Mega dahil kabisado niya ang pangalan ng lahat na magkakapatid.
Naalala tuloy namin si Gloria Diaz noong sumali sa Miss Universe 1969 kung saan walang buckle na na-enumerate ni Miss Diaz ang mga pangalan ng labing-isa niyang kapatid!
Nagbalik-tanaw pa nga si Sharon na noong bata pa siya ay madalas siyang bumisita sa set ng TV sitcom na ‘Mommy Ko Si Mayor’ kung saan bida ang namayapang si Tita Gloria at producer ng naturang sitcom na umere sa Channel 9 mula 1979 hanggang 1981
Si dating Senador Kiko Pangilinan ang escort ni Sharon that night na very obvious na proud na proud sa bagong achievement ng kanyang misis.
Inialay ni Sharon ang kanyang tropeo sa kanyang mister at sa kanyang mga anak na sina KC Concepcion, Frankie, Miel at Miguel.
Maluha-luha si Suzette sa mga papuring ibinigay ni Sharon kay Tita Gloria.
Co-founder si Suzette ng naturang award ni Dr. Carl E. Balita ng Carl Balita Review Center.
Awardees rin, my dear editor Rohn Romulo, ang isa mo pang paboritong singer, bukod kay Barbra Streisand, si Kuh Ledesma na pinarangalan ng Gawad Banyuhay ng Musika Dulce Singer of the Year.
Maging si Dulce ay pinagkalooban ng Gawad Banyuhay Haligi ng Musika award at ang iba pang taga-showbiz na sina Barbie Forteza na in behalf ng pinagbibidahan niyang ‘Maria Clara At Ibarra’ ay pinarangalan bilang Gawad Banyuhay ng Programang Pang-edukasyon; ang celebrity chef naman na si Boy Logro ay ginawaran ng Haligi ng Siklab award at ang bukod tanging hindi nakadalo sa awards night (sa entertainment category) na sina Daniel Padilla at Kathryn Bernardo na bumawi naman sa pamamagitan ng isang video ng pasasalamat ni Daniel sa kanilang Gawad Banyuhay Ng Pagmamahalan award.
By the way, muli naming nakita at nakatsikahan ng very light si Kate Brios na isang Borad Member ng MTRCB (Movie and Television Review and Classification Board) na dumalo in sa awards night in support and love of Suzette and of course kay Tita Gloria na Board Member rin ng MTRCB bago sumakabilang buhay October of this year sa Amerika.
Isa ring businesswoman at aktres ang very pretty na si Kate na kasali sa ‘Mamasapano’ movie na entry sa Metro Manila Film Festival sa December 25.
(ROMMEL L. GONZALES)