2023 January 09 Archive - People's Balita

December 24, 2024
Search in People's Balita
Ang Diyaryong Pinagkakatiwalaan

Archive for January 9th, 2023

James Yap maglalaro uli para sa PBA

Posted on: January 9th, 2023 by @peoplesbalita No Comments

Nakatakdang bumalik si James Yap matapos pumirma ng one-conference deal sa Rain or Shine.

Inanunsyo ng koponan ang pagpirma, idinagdag na ang Elasto Painters ay nais ng isang taong deal, ngunit pinili ni Yap na pumirma ng mas maikling deal. Si Yap ay isa ring concurrent councilor ng San Juan City.

Sa kasunduan, si Yap ay nakatakdang lumaro para sa Elasto Painters sa darating na Governors’ Cup.

Huli siyang naglaro para sa ballclub noong 2021 Philippine Cup sa semi-bubble ng Bacolor.

Sinabi ng Rain or Shine na “gagawin ni Yap ang kanyang makakaya upang balansehin ang basketball at serbisyo publiko.”

Ang 40-anyos na si Yap ay sumasali sa Rain or Shine practices simula nang ipagpatuloy nila ngayong taon. Bago pa man iyon, ang two-time PBA MVP ay nag-eehersisyo at paminsan-minsan ay sumasali sa koponan sa bench.

Si Yap ay kasalukuyang nasa ika-apat sa all-time three-points made list na may 1,170, isang marka na kamakailan ay nalampasan ng beterano ng Barangay Ginebra na si LA Tenorio. (CARD)

Kauna-unahang ‘Walk of Faith’ ng Itim na Nazareno mapayapa – PNP

Posted on: January 9th, 2023 by @peoplesbalita No Comments

MAPAYAPA sa kabuuan ang kauna-unahang “Walk of Faith” sa pagdiriwang ng pista ng Itim na Nazareno na nagsimula kaninang ala-1:30 ng madaling araw.

Ayon kay Manila Police District (MPD) PBGen. Andre Dizon batay sa kanilang naging initial assessment simula kaninang madaling araw hanggang ngayong hapon, mapayapa at walang naiulat na mga untoward incident.

Nasa heightened alert status ngayon ang PNP para matiyak na maayos at mapayapa ang mga aktibidad sa Pista ng Itim na Nazareno.

Sa kabilang dako, umaabot na sa halos 150,000 deboto ang nagtungo sa Quiapo Church at Quirino Grandstand.

Batay sa datos na inilabas ng Quiapo Command Post sa nasabing bilang nasa 110,927 ang kabuuang deboto na nagtungo sa simbahan ng Quiapo habang nasa 38,765 naman sa Quirino Grandstand.

Mga Pilipino na walang trabaho noong Nobyembre, bumaba sa 2.18-M – Philippine Statistics Authority

Posted on: January 9th, 2023 by @peoplesbalita No Comments

BAHAGYANG bumaba ang bilang ng mga Pilipino na walang trabaho noong buwan ng Nobyembre ng nakalipas na taon.

Base sa ulat mula sa Philippine Statistics Authority (PSA) nakapagtala ng 2.18 million Pilipino ang unemployed sa nasabing period.

Ito mas mababa kumpara sa naitalang tinatayang 2.24 million noong Oktubre 2022.

Ito ay katumbas ng national unemployment rate na 4.2%.

Bagama’t inaasahan naman ng mga negosyo na mas maraming seasonal workers ang nabigyan ng oportunidad sa trabaho sa huling quarter ng nakalipas na taon dahil na rin sa holiday spending.

Ayon sa PSA, tumaas ang bilang ng mga Pilipino may trabaho sa 49.71 million mula sa 47.11 million noong oktubre ng 2022 at 45.47 million noong November 2021.

Dahil dito, pumalo ang employment rate sa 95.8%, mas mataas ng 95.5% rate noong October 2022 at 93.5% noong November 2021.

Samantala, patuloy pa rin na nakakaranas ang mga Filipino consumer ng mataas na presyo sa mga bilihin at serbisyo kung saan naitala naman ang inflation rate sa 8% noong Nobyembre 2022.

Dalawang linggo na ang nakaraan: JESSY, ipinanganak na ang Baby Rosie nila ni LUIS

Posted on: January 9th, 2023 by @peoplesbalita No Comments

NITONG araw ng Sabado, January 7, ay inihayag ni Jessy Mendiola na ipinanganak na niya ang unang anak nila ng mister niyang si Luis Manzano.

Sa pamamagitan ng kanyang Instagram ay ibinahagi ni Jessy na dalawang linggo na ang nakararaan ay isinilang niya si Isabella Rose Tawile Manzano, isang healthy baby girl.

Kalakip ng pag-aanunsiyo ni Jessy ang close -up photo habang hawak niya ang kamay ng kanyang anak.

“I never knew I could love like this.

“My little Rosie,” ang inilagay niya sa caption ng kanyang post.

***

EXCITED na ang buong universe sa gaganaping 2022 Miss Universe beauty pageant sa New Orleans.

Mapapanood ito January 14 ng gabi sa Amerika at January 15 naman ng umaga dito sa Pilipinas.

Hindi (muna?) mapapanood si Steve Harvey bilang host ng Miss Universe, sa halip ay puro babae ang main host at backstage host ngayong taong ito.

Inanunsiyo na ng Miss Universe Organization na ang mga host sa Miss Universe 2022 ay sina Jeannie-Mai Jenkins (isang American TV host) at Miss Universe 2012 Olivia Culpo.

Muli namang iwawagayway ni Catriona Gray ang bandera ng Pilipinas dahil ang ating Miss Universe 2018 at si Zuri Hall (Access Hollywood correspondent) ang magsisilbing backstage host.

Ang grand coronation ng 71st edition ng Miss Universe ay gaganapin sa Ernest N. Morial Convention Center, kung saan ang pambato ng Pilipinas ay si Celeste Cortesi.

***

MAY dapat palang ipagpasalamat si Martin del Rosario kay Dennis Trillo.

Ten years ago pala kasi ay si Dennis ang nasa isip ng mga taga-GMA na paganapin bilang si Prince Zardoz sa live action adaptation ng Voltes V.

Si Prince Zardoz ang main contravida sa naturang Japanese anime series na ngayon nga ay mapapanood bilang Voltes V: Legacy sa GMA.

At hindi na si Dennis ang gaganap bilang leader ng mga Boazanian invaders sa planet earth kundi si Martin nga.

Pero mapapanood pa rin naman si Dennis sa Voltes V: Legacy dahil siya ang gaganap bilang si Ned Armstrong, ama nina Steve (Miguel Tanfelix), Big Bert (Matt Lozano) at Little John (Raphael Landicho).

“Bumagay din naman kahit paano dahil through the years, nandoon na yung maturity ko sa aking features at sa experiences at sa pag-acting na rin,” pahayag ni Dennis.

“Kaya kahit paano hindi naman ako nahirapan sa pagganap ng role na yun dahil napakaimportante rin ng character na yun sa kuwento ng Voltes V.”

(ROMMEL L. GONZALES)

Pinay fencer Maxine Esteban maglalaro para sa World Cup

Posted on: January 9th, 2023 by @peoplesbalita No Comments

LUMIPAD na ang isa sa nangungunang Pilipinong babaeng fencer sa bansa na si Maxine Esteban para ipagpatuloy ang kanyang kampanya sa ninanais na pagtuntong sa 2024 Paris Olympics.

“Off to Italy to prepare for my first post injury World Cup! Praying for a safe trip and a great performance!,” post ni Estaban bago umalis ng bansa para lumaban sa Coupe de Monde o World Cup sa Paris sa Enero 12-14.

Nakatakdang ipagpatuloy ng pambato ng bansa sa foil na si Esteban ang kanyang kampanya para sa kanyang target hindi lamang sa Paris 2024 kundi pati na sa nalalapit na 32nd Southeast Asian Games sa Phnom Phen, Cambodia at 19th Asian Games sa Hangzhou, China.

Ito ang unang international na torneo na sasalihan ni Esteban matapos magtamo ng seadson-ending ACL injury noong World Fencing Championships sa Cairo na nag-sideline sa kanya sa loob ng mahigit anim na buwan. (CARD)

LTFRB: Libreng sakay babalik

Posted on: January 9th, 2023 by @peoplesbalita No Comments

TINITINGNAN ng Land Transportation Franchising and Regulatory Board (LTFRB) ang posibleng pagbabalik ng programa sa libreng sakay para sa EDSA carousel sa darating na ikalawang quarter ng taon.

“The government has allotted funding for the librengsakay program but has yet to download the amount to the agency,” wikani LTFRB technical division head Joel Bolano.

Mayroong P2.16 billlion na pondo ang nakalaan sa 2023 subalit mas mababa ito sa pondong binigay noong mga nakaraang taon.

Ginagawa pa ng LTFRB at Department of Transportation (DOTr) ang guidelines para sanasabing programa sa libreng sakay. Dagdag pa niBolanonamaaaring ang dalawang existing bus consortiums ang magpatuloy ng operasyon o di kaya ay isailalimsa contracting service para sa EDSA carousel.

Samantala, nagbukas ang LTFRB ng siyam (9) na bagong ruta para sa mga public utility bus (PUVs) upang mapunan ang tumataas na passenger demand sa Metro Manila.

Ang mga nasabing ruta ay nasa area ng Metro Manila Urban Transportation Integration Study Update and Capacity Enhancement Program (MUCEP). Ang Franchise Planning and Monitoring Division ng LTFRB ang siyang nag -evaluate para sa kailangang karagdagang public land transportation services dahilnakitana may tumataasna passenger demand sa ilalim ng MUCEP area matapos ang kaukulang monitoring at ground validation na ginawa.

Kung kaya’t naglabas ang LTFRB ng Memorandum Circular 2022-083 kung saan nakalagay ang mga guidelines na naging epektibo noong Dec. 26.

“Under the guidelines, the new routes shall be opened to all interested applicants who have consolidated operations and have brand new units or have units that are compliant with the Omnibus Franchising Guidelines,” wika ng LTFRB. Ang deadline para sa submission ng mga dokumento ay nilagay ng 10 araw mula sa effectivity ng issuance.

Ang mga bagong bukas na bus ruta ay ang mga sumusunod: Antipolo-Mckinley Hill via FVR Road, C-5; Antipolo-Mckinley Hill via C-6; Mckinley Hill-Southwoods Mall Transport Terminal; Ayala-Southwoods Mall Transport Terminal; Alabang-Naic via Governor’s Drive at Cubao-Dasmarinas via Governor’s Drive.

Habang ang mga bagong ruta na binuksan para sa point-to-point bus service ay ang Ninoy Aquino International Airport-Alabang, NAIA-Cubao at NAIA-Ortigas central business district. LASACMAR

M. Night Shyamalan’s “Knock At The Cabin” in Cinemas February 1

Posted on: January 9th, 2023 by @peoplesbalita No Comments

FROM visionary filmmaker M. Night Shyamalan, “Knock at the Cabin” takes adopted child Wen (played by newcomer Kristen Cui) with her gay parents Andrew (Jonathan Groff) and Eric (Ben Aldridge) at a remote cabin for a vacation where they soon encounter the most frightening moments of their lives.

Not long before they’ve arrived at the cabin, a group of four armed strangers came knocking – Leonard (Dave Bautista), Sabrina (Nikki Amuka-Bird), Adrianne (Abby Quinn) and Redmond (Rupert Grint) who took them hostage. The family is informed that these four strangers—who also do not know each other—have all been haunted and tormented by a shared prophecy: that the world will end unless the family in this cabin chooses one member of the family to die.

Dave Bautista Abby Quinn Nikki Amuka Bird in KNOCK AT THE CABIN

Based on the national bestseller The Cabin at the End of the World by Paul Tremblay, Knock at the Cabin began, initially, as a 2019 screenplay by Steve Desmond & Michael Sherman that landed a spot on the famed annual film-industry Blacklist, which highlights the best unproduced screenplays each year. Of all the extraordinary achievements of M. Night Shyamalan’s acclaimed career as a visionary filmmaker, perhaps the greatest is that his films remain enigmatic, unpredictable and unexpected.

The only thing you’re certain of, stepping into a new M. Night Shyamalan film, is that you don’t know what’s about to hit you. “Knock at the Cabin” just may be the apotheosis of the Shyamalan cinematic experience. It’s a film that both shares a bloodline with his previous films but is also unlike any film he’s made before.

Knock at the Cabin Feb1 1

For Shyamalan, it was a question that contained multitudes of ideas that connected to the state of our world today. In his hands, “Knock at the Cabin” is a film that explores ideas behind faith and belief, certainty and doubt, and the power and limits of both. “It’s a modern-day biblical story,” Shyamalan says. “The idea of telling large-scale biblical stories, but in modern times and in modern settings, is resonating with me right now.

The film is reflective of my current feeling that everything that’s going on in the world doesn’t look good and doesn’t feel good, but I do feel we are struggling together in the right direction. We’re certainly not getting it right all the time, but in general, the direction that we’re moving as humanity is in the right direction and we deserve a chance to continue. That’s my feeling. One love story is evidence enough that humanity should keep going. Knock at the Cabin is this incredible opportunity for us to experience this gigantic global biblical story through the experience of a family.”

Watch the trailer below:

A Universal Pictures International release, “Knock at The Cabin” opens February 1 in local cinemas.

(ROHN ROMULO)

Pinas, China lumagda sa MOU ukol sa e-commerce

Posted on: January 9th, 2023 by @peoplesbalita No Comments

KAPWA nilagdaan ng Department of Trade and Industry (DTI) ng Pilipinas at Tsina ang isang memorandum of understanding (MOU) hinggil sa electronic commerce na naglalayong palakasin ang pagtutulungan sa nasabing sektor.

Sa state visit ni Pangulong Ferdinand R. Marcos Jr. sa China, kapuwa tinintahan nina DTI Secretary Alfredo Pascual at Chinese Minister of Commerce Wang Wentao ang MOU sa E-Commerce.

Sa ilalim ng MOU, “the two countries vowed to promote trade of high-quality featured products and services; pursue business exchange between micro, small and medium enterprises (MSMEs) and e-commerce platforms, startups and logistics service providers; and to share best practices and innovative experiences in utilizing e-commerce.”

“This agreement will facilitate the sharing of experiences, best practices, critical information and policies related to trade and e-commerce. We look forward to interventions that will promote consumer and merchant protection, intellectual property, data security and privacy laws. This MOU will be beneficial in building the capacity of our local businesses to cope with the modernizing business sector,” ayon kay Pascual.

Ang MOU ani Pascual ay alinsunod sa agenda ng E-Commerce Philippine 2022 Roadmap, na naglalayong palakasin ang cross-border cooperation at market access sa pamamagitan ng trade agreements at cooperation programs kasama ang mga major e-commerce trading partners.

Magagamit din ang MOU para sa capacity building programs para mapahusay ang “knowledge and skills” ng MSME para mapalawak ang kanilang potensiyal sa e-commerce.

Sa pamamagitan ng MOU, ang Working Group on Electronic Commerce sa pagitan ng Manila at Beijing ay bubuuin bilang “focal point of coordination” para sa magkabilang panig. (Daris Jose)

Dante Alinsunurin: Bagong Head Coah ng Choco Mucho

Posted on: January 9th, 2023 by @peoplesbalita No Comments

Si Dante Alinsunurin ay pinangalanan bilang bagong head coach ng Choco Mucho para sa 2023 Premier Volleyball League Season.

“Ang organisasyon ng Choco Mucho Flying Titans ay nalulugod na ipahayag ang pagkakatalaga kay Dante Alinsunurin Jr. bilang bagong Head Coach ng koponan,” basahin ang pahayag ng koponan.

“Sa karanasan, pangako at programa ni Coach Dante, talagang naniniwala kami na pangungunahan niya ang aming mga Titans na maabot ang kanilang pinakamataas na potensyal tulad ng ginawa niya para sa iba pang mga koponan na kanyang tinuruan,” patuloy nito.

“Maraming Salamat Coach Dante for taking on the challenge!”

Sa National University, si Alinsunurin ay nanalo ng apat na UAAP championship at maraming Spikers’ Turf crowns.

Pinangunahan din niya ang Pilipinas sa pilak sa 30th Southeast Asian Games at NU sa ginto sa 2018 ASEAN school games.

Siya ang pumalit kay Edjet Mabbayad, na naging pansamantalang head coach ng Flying Titans nang magbitiw si Oliver Almadro. (CARD)

Mass resignation sa AFP, namumuo?

Posted on: January 9th, 2023 by @peoplesbalita No Comments

KUMAKALAT ngayon ang alingasngas sa umano’y mass resignation ng mga opisyal sa Armed Forces of the Philippines (AFP) matapos tanggalin ni Pangulong Ferdinand Marcos Jr. ang nakaluklok na Chief of Staff at muling ibalik ang heneral na dati nang namaalam sa posisyon.

Ayon sa kumakalat na report, namumuo ang destabilisasyon matapos i-reappoint ni Pangulong Marcos si Gen. Andres Centino sa puwesto at alisin ang nakaluklok na Chief of Staff na si Lt. Gen. Vicente Bartolome Bacarro, isang Medal of Valor Awardee.

Sinabi ng isang opisyal na tumangging magpabanggit ng pangalan na walang nagawang pagkakamali si Bacarro at ang hakbang para ibalik sa puwesto ang dating Chief of Staff ay lumilikha ng demoralisasyon sa kanilang hanay.

Aniya, ito ang dahilan kung bakit nananawagan ng pagkakaisa sa kaniyang muling pagbabalik bilang Chief of Staff ng AFP si Centino na ayon dito ay ngayon lang nangyari sa kasaysayan ng AFP.

Sinasabing malakas ang mga padrino ni Centino kaya muli itong nakabalik sa posisyon na dati na nitong binakante noong Agosto 2022.

Agad ring nagpatawag ng command conference si Centino ilang oras matapos ang turnover ceremony sa Camp Aguinaldo kahapon ng umaga at hiningi ang suporta ng mga opisyal ng militar sa kaniyang pagbabalik sa liderato ng AFP.

Nang matanong naman si Col. Jorry Baclor, AFP Public Affairs Office Chief ay pinawi nito ang pangamba sa umano’y destabilization at sinabing normal ang sitwasyon sa Camp Aguinaldo.

Sa panig ni Col. Medel Aguilar, AFP spokesman, sinabi nito na walang namumuong destabilisasyon sa AFP dahil propesyunal ang militar.

Ayon sa opisyal, ang maugong na destabilisasyon umano ay sanhi naman ng kumalat na report mula sa CARAGA Police hinggil sa umano’y pagsasailalim sa kapulisan sa ‘full alert status’ kaugnay ng pagbibitiw ng lahat ng mga Department of National Defense (DND) personnels sa Camp Aguinaldo.

Sa panig ni PNP Public Information Officer Col. Redrico Maranan, sinabi nito na fake news umano ang kumakalat na memorandum sa paglalagay sa lahat ng unit ng pulisya sa full alert status dahil sa umano’y namumurong destabilisasyon sa AFP.

Ayon kay Maranan, ang kanilang heightened alert status ay sanhi ng piyesta ng Itim na Nazareno.

“It’s not true we are on heightened alert status because of the Feast of the Black Nazarene,” paliwanag pa ni Maranan.