2023 January 27 Archive - People's Balita

December 23, 2024
Search in People's Balita
Ang Diyaryong Pinagkakatiwalaan

Archive for January 27th, 2023

Malakanyang, kinilala ang nasawing SAF 44

Posted on: January 27th, 2023 by @peoplesbalita No Comments

KINILALA ng Malakanyang ang kabayanihan ng 44 Philippine National Police (PNP) Special Action Force (SAF) na nasawi sa madugong enkwentro laban sa mga terorista sa Mamasapano, Maguindanao noong Enero 25 taong 2015.

“Ngayong ika-25 ng Enero, ating inaalala ang kabayanihang ipinakita ng 44 Philippine National Police-Special Action Force (PNP-SAF) officers sa munisipalidad ng Mamasapano noong 2015,” ayon sa Presidential Communications Office (PCO) sa isang kalatas.

“Ang kanilang sakripisyo ay ‘di malilimutan at mananatiling inspirasyon para sa bawat Pilipino,” dagdag na wika ng PCO.

Matatandaang naging target ng operasyon na tinawag na Oplan Exodus ang international terrorist at bomb maker na si Zulkifli Bin Hir alyas Marwan at Basit Usman.

Napatay ng mga bayaning SAF troopers si Marwan ngunit ang kapalit nito ay ang 44 na buhay din ng tropa na ipinagluksa ng buong Pilipinas. (Daris Jose)

Gilas Pilipinas nag start ng mag practice

Posted on: January 27th, 2023 by @peoplesbalita No Comments

Walang sinasayang na panahon si Gilas Pilipinas coach Chot Reyes na simulan ang ensayo nila kahit wala pang mga pangunahing manlalaro nila.

Ang nasabing ensayo ay bilang paghahanda ng ika-anim at huling window ng FIBA World Cup Asian Qualifiers na gaganapin sa Pebrero sa bansa.

Ayon kay Reyes na ginamit na lamang nito at sinanay ang ilang mga baguhan gaya nina Jerom Lastimosa, Mason Amos at Schonny Winston.

Nakasabay ng mga baguhang manlalaro si Gilas veteran JuneMar Fajardo.

Masyado pa maaga pa ngayon aniya kung mayroon na itong napipiling final 12 na isasabak sa nabanggit na torneo.

Makakalaban ng Gilas ang Jordan sa Pebrero 24 habang sa Pebrero 27 ay ang Lebanon na gaganapin ang mga ito Philippine Arena. (CARD)

PAGCOR, KLINARO ANG ISYU NG KIDNAPPING

Posted on: January 27th, 2023 by @peoplesbalita No Comments

NILINAW ng Philippine Gaming Corporation o PAGCOR na walang anumang criminal activities o kidnapping na nangyari sa mga POGO workers o offshore licensing industry nitong huling tatlong buwan.

Ito ay bunsod sa ilang misinformation sa Senate hearing hinggil sa kidnapping incident.

Ayon sa PAGCOR,nakatutok ito sa imbestigasyon sa kaso na sangkot ang Brickhartz technology, patunay na hindi nila binabalewala ang mga ganitong klase ng report gayundin para masiguro na sumusunod sa batas ang mga gaming licensees.

Tiniyak din ng PAGCOR sa publiko na handa silang kanselahin ang lisensya at accreditation ng mga lumalabag sa batas kung kinakailangan.

Nagpasalamat din ang PAGCOR sa Senado sa pagbibigay sa kanila ng oportunidad na klaruhin ang ilang mga bagay na may kinalaman sa offshore gaming license operations. GENE ADSUARA

COVID-19 wala na sa ‘Top 10 causes of death’ sa Pilipinas; DOH nagalak

Posted on: January 27th, 2023 by @peoplesbalita No Comments

WALA na ang COVID-19 sa listahan ng 10 pangunahing dahilan ng pagkamatay ng mga Pinoy noong 2022, bagay na patunay raw na “kaonti na lang” ang nasasawi rito sa bansa, sabi ng Department of Health (DOH).

Ito ang tugon ng Kagawaran ng Kalusugan, Miyerkules, sa ulat ng Philippine Statistics Authority (PSA) na pang-11 na lang ang nakamamatay na virus sa listahan sa ngayon. Pangatlo kasi ito noong 2021, bagay na iniulat lang noong nakaraang taon.

“And that signifies na kakaonti na lang ang mga namamatay from COVID dito sa ating bansa, and we are able to prevent already further deaths because of this disease.”

Bumalik naman na raw sa “dating trend” ang common causes ng Filipino mortality kung titignan ang listahan ng PSA, as of October 2022:

ischaemic heart diseases (atake sa puso)

cerebrovascular diseases (stroke)

neoplasms (cancer)

diabetes mellitus

hypertensive disease

pneumonia

iba pang sakit sa puso

chronic lower respiratory diseases

iba pang sakit ng genitourinary system

respiratory tuberculosis

Pang-11 ang “COVID-19 virus identified” (9,749) sa naturang talaan habang nasa pang-19 naman ang “COVID-19 virus not identified” (4,134).

“So ito pong top five causes of death are all non-communicable diseases (hindi nakahahawa),” dagdag pa ni Vergeire kanina.

“Kaya po tayo ngayon, very strong po ang programa ng Kagawaran ng Kalusugan sa ating healthy behaviors and healthy lifestyle para maturuan natin ang ating mga kababayan para ma-prevent at ma-avoid natin ang ganitong mga klase ng preventable naman na pwedeng ikamatay ng ating mga kababayan.”

Umaabot na sa 65,726 katao ang namamatay ngayon sa COVID-19 sa Pilipinas mula sa mahigit 4.07 milyong nahawaan nito simula pa noong 2020.

Sumunod sa COVID-19 bilang dahilan ng pagkamatay ng mga Pilipino ang “iba pang external causes,” disgrasya sa kalsada, sakit sa atay, atbp.

SERBISYO SA KALUSUGAN NG BANSA, HAMON NG SIMBAHAN

Posted on: January 27th, 2023 by @peoplesbalita No Comments

HINAMON ng simbahan ang pamahalaan na tutukan ang pagpapaayos ng serbisyo ng kalusugan ng bansa.

Ayon kay Fr. Dan Cancino, MI, executive secretary ng Catholic Bishops’ Conference of the Philippines-Episcopal Commission on Health Care, dapat paglaanan ng pondo para sa sektor ng kalusugan ng Pilipinas lalo na sa mga mahihirap.

Ito ay bunsod sa isyu ng pagsasapribado ng mga ospital na bagamat mas mapapaganda ang serbisyo at mga pasilidad ay kaakibat naman ang pagtaas ng presyo sa mga serbisyo na pagsasantabi sa mga mahihirap.

“Kaya itong privitization na ‘to kahit na dati pa, ang simbahan, ang advocacy ay mas pag-igtingin ng ating gobyerno ‘yung ating mga public health services. I-improve n’ya ‘to, gawin itong mas accessible at mas available lalong-lalo na sa mahihirap,” pahayag ni Fr. Cancino sa panayam ng Radio Veritas.

Dagdag pa nito na ibilang sa layuning pagpapabuti sa healthcare sector ng bansa ang pagpapagaling sa mga pasyente sa halip na kita.

“Kung titingnan natin, meron pang pwedeng gawin. At itong privitization ng ating mga hospitals, kailangang dapat hindi iilan lang ang mga nag-uusap dito. Dapat i-consult ang lipunan, mga komunidad, mga may karamdaman, kasi sila ay hindi lang beneficiary pero kaakibat sila doon sa buong health care system natin,” saad ni Fr. Cancino.

Taong 2019 nang lagdaan ng dating Pangulong Rodrigo Duterte na maging batas ang Universal Health Care Law na inaasahang magbubunga ng malawakang pagbabago sa public health sector ng bansa.

Suportado ng simbahan ang bawat layunin at adhikain ng pamahalaan lalo na sa pagpapabuti sa sektor ng kalusugan ng bansa para sa kapakanan ng nakararami lalo’t higit ang mga nasa mahihirap na sektor ng lipunan. GENE ADSUARA

Jordan Card nabenta ng $840,000

Posted on: January 27th, 2023 by @peoplesbalita No Comments

Naibenta sa auction ang 1997 Upper Deck Game Jersey Patch Autograph Card ni NBA superstar Michael Jordan sa halagang $840,000.

Dahil dito ay ito na ang naging pinakamahal na Jordan card na naibenta.

Ang nasabing card ay naglalaman ng bahagi ng jersey ni Jordan na isinuot niya noong 1992 All-Star Game at ito ay may pirma din niya.

Kabilang ito sa sixth-highest selling Jordan card sa kasaysayan ng card collecting.

Naging especial ito dahil mayroong 23 card lamang ang inilabas sa buong mundo. (CARD)

DA, mage-establisa ng 2-MONTH SUGAR BUFFER STOCK

Posted on: January 27th, 2023 by @peoplesbalita No Comments

SINABI ni Pangulong Ferdinand R. Marcos Jr. na mage-establisa ang Department of Agriculture (DA) ng two-month sugar buffer stock para pababain ang presyo at maiwasan ang kakapusan sa hinaharap.

“Again [for] sugar, to cut down speculation, we are guaranteeing a buffer stock of two months. So hindi magkaka-shortage, hindi dapat tataas ang presyo,” ayon kay Pangulong Marcos.

“We are beginning to rationalize this buying schedule, the importation schedule, so that we will match the crop here of the local producers of sugar. Para hindi naman tayo nagpapasok habang mababa ang presyo ng asukal, so para mag-normalize naman ‘yung presyo,” aniya pa rin.

Sa isinagawang sectoral meeting sa Palasyo ng Malakanyang, iniulat ng mga opisyal ng DA na ang umiiral na retail price ng asukal mula Oktubre 2022 hanggang Enero 2023 ay mataas kumpara sa presyo mula Oktubre 2021 hanggang Enero 2022.

Iniulat din ng mga ito na “as of January 8,” ang raw sugar production ay nasa 877,028 metric tons (MT), 22.41% na mas mataas kumpara sa crop year’s (CY) 716,485 MT.

Ang raw sugar stock balance ay nasa 362,263 MT, 0.92% na mas mababa sa 365,633 MT ng nakalipas na crop year o taon ng pag-aani.

“During the same period, refined sugar production reached 316,829.15 MT, 34 percent higher than last crop year’s 235,838.45 MT, while domestic use of refined sugar for the same period is at 211,832.90 MT, 17.78 percent lower compared to last CY’s 257,646.75 MT,” ayon sa ulat.

Ang refined sugar stock balance, sa kabilang dako ay 132,384.55 MT, 8.68% na mas mataas kumpara sa nakaraang CY’s 121,813.25 MT.

Para sa Sugar Regulatory Administration (SRA), ang projection nito ay negative sugar-ending inventory sa July 2023.

Kapwa naman hiniling ng Carbonated Soft Drinks (CSD) industry at major sugar industry stakeholders ang implementasyon ng supplemental sugar importation program base sa pgtataya na ang kasalukuyang sugar inventory ay matatagal lamang ng hanggang second quarter ng taon.

Sinabi naman ng CSD industry na “without premium refined domestic sugar to manufacture its products, manufacturers would be forced to impose prolonged shutdowns, which would affect the livelihood of employees.”

Kapwa naman inirekomenda ng DA at SRA ang pag-aangkat ng hanggang 450,000 MT ng asukal, kasunod ng naging kautusan ni Pangulong Marcos na panatilihin ang two-month sugar buffer stock at ibaba ang retail prices.

Idagdag pa rito, para maibaba ang presyo ng asukal, nagbigay naman ng go signal ang DA para sa pagbebenta ng 80,000 bags ng nakumpiskang asukal sa KADIWA stores sa halagang P70 per kilo sa oras na maaprubahan ito ng kinauukulang ahensiya ng pamahalaan gaya ng finance department at SRA.

Isang “sugar council,” binubuo ng sugar planters’ federations, ang binuo para pag-usapan ang policy recommendations sa gobyerno para sa sugar industry. (Daris Jose)

DOTr, nagpaliwanag sa pagsasapribado ng NAIA

Posted on: January 27th, 2023 by @peoplesbalita No Comments

NAGPALIWANAG si Department of Transportation Secretary Jaime Bautista hinggil sa ulat na pagsasapribado sa Ninoy Aquino International Airport (NAIA).

Sa idinaos na press briefing sa Malakanyang, sinabi ni Bautista na walang mangyayaring pagbibigay sa pribadong sektor sa asset ng NAIA dahil ipapaubaya lamang ang management sa operasyon sa pamamagitan ng concession agreement.

Sa katunayan aniya ay ginagawa ito sa dalawang paliparan sa bansa katulad ng Cebu na kung saan ay pinapatakbo nito ang operasyon ng GMR Megawide at sa Clark international airport sa lalawigan ng Pampanga.

Sa kabilang dako, inalis naman ng Kalihim ang pangamba ng publiko na baka magkaroon ng pagtaas sa singil sa airfare at iba pang services kung matuloy ang pangangasiwa sa operasyon ng NAIA ng isang private firm.

Samantala, nabanggit naman kahapon ni Pangulong Ferdinand R. Marcos Jr na isang isang management contract sa pagitan ng gobyerno at isang private firm na nagpapatakbo ng London airport ang inihahanda para sa pagpapatakbo ng operasyon sa NAIA. (Daris Jose)

Davis balik na sa lineup ng Lakers

Posted on: January 27th, 2023 by @peoplesbalita No Comments

Nagbalik sa lineup ang Lakers star big man na si Anthony Davis laban sa San Antonio Spurs, umiskor ng 21 puntos sa 113-104 panalo sa Los Angeles habang nagmula sa bench sa unang pagkakataon sa halos isang dekada.

Si Davis, na wala sa nakalipas na 5½ linggo dahil sa bali ng buto at stress sa kanyang kanang paa, ay pinaglaro pagkatapos ng kanyang pregame warmup noong Miyerkules mga dalawang oras bago ang tipoff.

Nag-check in si Davis sa unang pagkakataon may 4:22 na natitira sa opening quarter at naglaro ng 26 minuto habang pinangangasiwaan ng team ang kanyang workload. Bilang karagdagan sa kanyang nangunguna sa koponan na 21 puntos sa 7-of-15 shooting, nag-ambag siya ng 12 rebounds at 4 na blocks.

Ang huling pagkakataong lumabas si Davis sa bench sa isang laro ay noong Disyembre 18, 2013, sa Los Angeles laban sa Clippers sa kanyang ikalawang season sa New Orleans Pelicans.

Si Rui Hachimura, nakuha sa isang trade sa Washington Wizards mas maaga nitong linggo, ay ginawa ang kanyang Lakers debut laban sa Spurs at lumabas din sa bench, nag-check in kasabay ni Davis. Sinalubong sila ng malakas na palakpakan ng Lakers crowd.

Nagtapos si Hachimura na may 12 puntos sa 4-of-7 shooting sa loob ng 22 minuto. (CARD)

Halos P5-B duties and taxes nawawala sa gobyerno dahil sa agri-smuggling – Salceda

Posted on: January 27th, 2023 by @peoplesbalita No Comments

NASA mahigit P5 billion duties and tax ang nawawala sa gobyerno dahil sa agricultural smuggling.

Ito ang ibinunyag ni House Committee on Ways and Means Chair at Albay Representative Joey Salceda.

Batay sa inilabas na smuggling estimates data na isinumite sa mambabatas ang rice smuggling ang may pinakamalaking revenue losses na umabot sa mahigit P1.8 billion na sinundan ito ng karneng baboy na umabot sa mahigit P1.2 billion at pumapangatlo ang mga poultry products na nasa mahigit P770 million pesos.

Sa nasabing pagdinig kanina ng house panel inihayag na nasa P4.99 billion ang nawawalang duties ng bansa mula sa mga declared arrivals.

Layon din ng pagdinig na masolusyunan na rin ang smuggling sa bansa na nagpapahirap sa mga local farmers.

Tinanong naman ni Cong. Salceda si Transnational crime chief retired Gen. Alfred Corpus kung may natanggap itong ulat tungkol sa mga Chinese mafia na nasa likod ng large scale smuggling sa bansa.

Sagot naman ni Corpus na wala silang natatanggap na impormasyon ukol dito.

Sa kabilang dako, sa sponsorhip speech naman ni Sultan Kudarat Rep Cong. Horacio Suansing Jr kaugnay sa inihain nitong House Resolition No 311 na naglalayon imbestigahan in aid of legislation at bumuo ng mga batas laban sa smuggling at papanagutin ang mga nasa likod ng large scale smuggling sa bansa.

Pinangalanan din ni Suansing ang mga umanoy mga smugglers. Pina pasubpoena din ni suansing ang mga umanoy smugglers na kaniyang pinangalanan.

Ibinunyag naman ni Suansing nakalabas na umano ng bansa ang dalawang personalidad na posibleng sangkot sa large scale smuggling.

Ayon kay Suansing, may nakarating sa kanyang impormasyon na nakaalis na ang dalawa, at nagtungo na sa China.

Nagmosyon naman si Suansing sa komite sa pinamumuan ni Rep. Joey Salceda na maimbitihan ang mga kasama sa binanggit niyang listahan, at makuha ang kinakailangang rekord ng ilang consignees mula sa Bureau of Customs at Department of Agriculture.

Binigyang-diin ng mambabatas na ang listahan niya ay “pampagana” pa lamang, at nais niyang personal na humarap sa susunod na pagdinig ang mga personalidad. (BISHOP JESUS “JEMBA” M. BASCO)