2023 February 11 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for February 11th, 2023

Mga abusadong ina sa anak, pwedeng kasuhan ng ama – SC

Posted on: February 11th, 2023 by @peoplesbalita No Comments

PINAPAYAGAN na ng Supreme Court na magsampa ng reklamo ang mga ama bilang kinatawan ng kanilang anak laban sa mga abusadong ina.

Sa 18-pahinang desisyon na pirmado ni Justice Mario Lopez nitong July 12, 2022 na nalathala nitong Pebrero 6, 2023, maaring sampahan ng mga ama ang ina ng kanilang anak ng paglabag sa Anti-Violence against Women and their Children (VAWC) Act.

Bagaman hindi kabilang ang mga lalaki na biktima, hindi naman umano pinagbabawalan ang mga ama na humingi ng mga solusyon dahil sa kasarian o hindi rin nangangahulugan na biktima siya ng pang-aabuso ng babae.

Ang desisyon ay buhat sa kaso na inihain ng isang ama sa ngalan ng kaniyang anak na babae laban sa ina sa Taguig City Regional Trial Court noong Disyembre 2017.

Pinagbigyan ng SC ang petition for certiorari at ipinag-utos sa Taguig na bigyan ng permanenteng proteksyon ang bata nang unang ibinasura ng mababang korte ang kaso.

Ayon sa SC, pinapayagan umano ng RA 9262 ang ama ng bata na mag-aplay para sa proteksyon at kustodiya ng bata na nakararanas ng pang-aabuso at karahasan buhat sa ina.

“Logically, a mother who maltreated her child resulting in physical, sexual, or psychological violence defined and penalized under RA No. 9262 is not absolved from criminal liability notwithstanding that the measure is intended to protect both women and their children,” saad ng SC.

Wala umanong makitang pagkakaiba ang SC sa pagitan ng ina at ama na nang-aabuso ng kanilang anak para bigyan sila ng magkaibang pagtrato at eksempsyon sa batas.

“Any violence is reprehensible and harmful to the child’s dignity and development,” dagdag ng SC.

2 Pinoy patay sa Turkey quake, 34 iba pa inilikas

Posted on: February 11th, 2023 by @peoplesbalita No Comments

DALAWANG Pinoy na una nang naibalitang nawawala sa magnitude 7.8 na lindol sa Turkey ang kumpirmadong nasawi sa Antakya, pero sa kabutihang palad ay natuklasang buhay naman ang isa sa mga nawawala.

Una nang ibinalita ng grupong Filipino Community in Turkey na tatlong Pilipina ang hindi mahagilap matapos ang lindol, bagay na pumatay na sa 21,000 katao sa Turkey at Syria.

“[It] is with deepest regret that the Embassy must inform the public of the passing of two Filipinos, both earlier reported to be missing in Antakya,” wika ng Philippine Embassy in Türkiye, Biyernes.

“The Embassy and Consulate General express their deepest condolences and are in coordination with th victims’ families in both the Philippines and in Turkiye.”

Patuloy naman daw na inaabot ng embahada ang pinakamaraming Pilipino sa naturang bansa habang kinikilala ang suporta ng local Filipipino community leaders at kanilang network.

Sinasabing nasa 4,006 Pilipino ang nasa naturang bansa.

“Through collective action, a previously reported missing individual in Antakya was discovered to be alive,” dagdag pa nila.

“The team will continue to exhaust all efforts to account for Filipinos in affected regions.”

Kasalukuyang pinangungunahan ni Philippine Ambassador to Turkey Maria Elena Algabre ang susunod na yugto ng relief, rescue at evacuation operations sa timogsilangang Turkey.

Ilan sa mga kasama ni Algabre ang consul general, Office of the Philippine Defense at Armed Forces Attache, tauhan ng Philippine Embassy sa Ankara, Philippine consulate general sa Istanbul at isang lokal na Filipino volunteer.

“The team has successfully evacuated more than 10 Filipino families from the city of Antakya in Hatay province, one of the hardest-hit cities in a region suffering from much devastation,” dagdag pa nila.

“The families are currently being shuttled back to Ankara, Turkiye’s capital, where they will be sheltered.”

Ani Foreign Affairs spokesperson Maria Teresita Daza, 34 Filipino evacuees, kanilang mga asawa at anak ang siyang nailikas na patungong Ankara.

Isa pang koponan ng embahada ang magpapatuloy sa misyon mula Mersin upang tignan ang kalagayan ng iba pang mga Pinoy na kinakailangan ng tulong sa ngayon.

Nagpaabot naman ng kanyang pakikiramay si Pangulong Ferdinand Marcos Jr. sa sinapit ng dalawang nasawi sa insidente, ito ilang araw matapos niyang ianunsyo ang Philippine team na ipinadala para tumulong sa search, rescue and relief operations.

“It is with deep regret that we learn of the passing of two Filipinos in the recent 7.8-magnitude earthquake that devastated Türkiye,” sabi niya.

“The Philippine Embassy continues to work tirelessly to verify any and all information on Filipinos affected by the quake.” (Daris Jose)

Japanese Energy firm, tiniyak ang suporta sa polisiya ni PBBM ukol sa renewable power

Posted on: February 11th, 2023 by @peoplesbalita No Comments

TINIYAK ng isang Japanese power generation company sa Philippine government ang stable supply ng liquefied natural gas (LNG) para suportahan ang economic growth ng bansa.

Sinabi ni JERA Co. Inc. presidente ng Satoshi Onoda kay Pangulong Ferdinand R. Marcos Jr. na ang kompanya ay nakikipagtulungan sa Aboitiz group, tumayong kinatawan si Sabin Aboitiz, para suportahan ang lumalagong ekonomiya ng Pilipinas.

“In order to support the Philippines… which the economy is growing at a rapid pace, in order to secure a stable supply, we are working with Aboitiz and Sabin-san’s team in many fronts,” ang sinabi Satoshi kay Pangulong Marcos sa kanilang naging pagpupulong.

“And I may have mentioned this back in June as well however we are procuring more than 30 million tons of LNG per year. Therefore, we will be able to contribute to the Philippines in the supply of LNG as transition fuel,” ang wika pa ni Satoshi.

Tinukoy pa rin ng power firm executive na ang JERA, itinuturing na “largest power generation company” sa Japan, at ang Aboitiz group ay sinasanay na ang kanilang mga engineer para sa “developing technologies” na kapaki-pakinabang sa magkabilang partido.

“And as I have mentioned before, we will be working on co-firing ammonia technology as well. Therefore we would like to be able to provide this technology as well in a timely manner. We would like to utilize the various technologies in order to contribute to the economic growth as well as decarbonization in the Philippines,” ang paliwanag ni Satoshi.

Samantala, sinabi ni Pangulong Marcos na kailangan na i-explore ang nasabing opsyon at maging handa para sa future developments, lalo na sa usapin ng malinis na renewable energy sources.

“I do not need to illustrate or to explain the critical situation around the world when it comes to fuel, fuel supply, supply chain problems. All of these are requiring a great deal of thought for the planning for the Philippine side so as to be able to ensure that our forecasted — and aspirations for development are well supported by an adequate power supply,” ayon kay Pangulong Marcos.

“And we, like most countries, we are very much in the middle of the process of moving from the traditional to the renewables. Now the traditional renewables we all know… solar, wind. Now, there are hydroelectric, now there are some other new technologies coming in,” dagdag na pahayag ni Pangulong Marcos.

“Currently, the Philippines needs the development of new fuels to adequately support the country’s power supply requirement,” ayon sa Pangulo sabay sabing “I suppose now they really have been discussing the interim – what we are doing in the interim until renewables can take the whole – can be able to provide rather the entire demand of the Philippines and beyond.”

Samantala, umaasa naman ang Pangulo na ang kolaborasyon o pagtutulungan sa pagitan ng JERA at Aboitiz power firms ay magreresulta ng paglilipat ng teknolohiya kung saan aktibong magpapartisipa ang gobyerno ng Pilipinas.

“So the most important part as Mr. Aboitiz has pointed out is… of course the investment is important, but the transfer of technology is also extremely important and that will give the Philippines a self-sufficiency, which we have been missing,” ayon sa Pangulo, inihayag ang transition mula sa paggamit ng ammonia sa green hydrogen. (Daris Jose)

Marami ang kinikilig dahil visible na naman sa mga social media: Sen. CHIZ at HEART, dinaig pa ang ibang loveteams

Posted on: February 11th, 2023 by @peoplesbalita No Comments

DAIG pa talaga ng mag-asawang sina Senator Chiz Escudero at Heart Evangelista ang ibang mga loveteams ngayon.

Since naging sila, talagang sinubaybayan na ng mga netizens ang kanilang love story.

Ang daming invested sa relasyon nila, lalo na at alam kung paano pinaglaban ng dalawa ang kanilang relasyon na nauwi sa kasalan.

Kaya no’ng last year na mapabalitang may problema at hiwalay na ang dalawa, marami talaga ang nalungkot at umasang maayos pa nila.

True enough, ang daming sumaya na kasabay ng Bagong Taon, after na wala talaga silang mention or any post about them, mag-post si Heart na magkasama na sila with Senator Chiz’ twins.

At ngayon nga, mas marami ang kinikilig sa kanila dahil tulad dati, visible na silang muli sa kanilang mga social media. Nag-tweet si Senator Chiz ng picture ng isa sa mga luggage ni Heart pero nakahiga ang alagang aso ni Heart na si Shuti.

Shinare ng Senator ang picture at saka nag-tweet na, “All my bags are packed, I’m ready to go…” Sama daw si Shuti sayo @heart021485 hahaha.”

At dahil matagal din na walang ganitong interaksiyon sa pagitan ng dalawa, mababasa sa mga comments ang hatid na good vibes nito, lalo na sa mga fans at followers nila. ‘Yung na-happy talaga dahil instead na hiwalayan na talaga, nabuo at nagkabalikan pa sila.

At sa Valentine’s Day ay birthday na ni Heart, siguradong marami ang maghihintay ng magiging selebrasyon nilang dalawa.

ALL is well na nga sa pagitan nina Sofia Andres at Daniel Miranda.

Natuwa ang mga fan nila nang finally, mag-post na si Sofia na kasama si Daniel.

Kung matatandaan, nagsimulang ma-intriga na may problema ang pagsasama nilang dalawa o hiwalay na sila dahil biglang hindi na visible si Daniel sa mga Instagram post ni Sofia. Bukod sa noong Holidays ay hindi sila magkasama.

Si Daniel ang nag-post na mukhang nagka-ayos na sila. Between the two of them, mas vocal si Daniel na namimiss niya ito at mahal niya si Sofia. At kahit na ang mga photos na pinost ng actress ay hindi pa kitang-kita ang mukha ni Daniel, gets na agad ng lahat na magkasama sila.

At kinilig din ang mga fan sa caption niya na, “Happy day.”

Base sa comments sa IG ni Sofia, may naka-spotted din daw sa dalawa sa SM Aura na magkasama kaya masasabing all is well na nga sa kanila.

At ang iba pang comments, “Reunited my fave couple.”

“Happy day na rin kami.”

“So happy for you, tagal ko ‘tong hinintay.”

***

ANG bongga talaga ng GMA primetime series na “Maria Clara at Ibarra.”

Na-anunsiyo na ang pagtatapos nitong talaga ay sa February 17 na.

Pero may nakapagsabi sa amin na mai-extend pa ito ng isang Linggo. Kaya sa halip na isang Linggo na lang sana mapapanood ang hit serye na ito, hanggang sa February 24 pa raw ang finale episode.

Siyempre, ikatutuwa ito ng mga fan ng MCI. Lalo na ang mga fan ng loveteam nina Barbie Forteza at David Licauco. Na in fairness, sa chemistry na meron sila at sa husay nilang magpakilig, kung hindi lang alam ng lahat na super in-love si Barbie sa kanyang boyfriend na si Jak Roberto, pwedeng isiping nagkaka-develop-an na ang dalawa, huh.

Kaya ang ‘Mga Lihim ni Urduja’, malamang na ma-delay naman ng one week.

(ROSE GARCIA)

47K OFWs apektado sa deployment ban sa Kuwait

Posted on: February 11th, 2023 by @peoplesbalita No Comments

AABOT sa 47,099 overseas Filipino workers ang maaapektuhan ng suspensyon ng deployment sa Kuwait, ayon sa Department of Migrant Workers (DMW).

“Nakikita natin na last year for instance mga 47,000 ang OFW kasambahay ang nagtungo sa Kuwait. Sa nakikita natin around that same figure ang potentially sa loob ng isang taon ang maapektuhan,” saad ni Migrant Workers Undersecretary Hans Cacdac.

Ipinaliwanag ni Cacdac na ang suspensyon ay upang proteksyunan ang mga unang beses na “household service workers (HSWs)” na siyang pinaka-nanganganib sa pang-aabuso at nahihirapan na makapag-adjust sa ibang bansa.

Sinabi ng opisyal na mananatili ang suspensyon hanggang hindi natitiyak na kasama sa employment contract ang proteksyon sa mga OFW at tanging mga ahensya na may maayos na track record lang ang makapag-ooperate.

Sa magaganap na negosasyon para sa bilateral agreement sa Kuwaiti government, tiniyak ni Cacdac na isusulong nila ang mga reporma.

Kabilang ang mga karampatang pagsasanay sa mga OFWs lalo na sa mga baguhan maging sa mga employers para maiwasan ang ‘di pagkakaunawaan. (Daris Jose)

Layuning turuan at itaas ang kamalayan ng publiko: BARBIE, kasama na sa “Stream Responsibly. Fight Piracy.” campaign

Posted on: February 11th, 2023 by @peoplesbalita No Comments

OPISYAL nanumpa si Maria Clara at Ibarra lead star and Kapuso Primetime Princess Barbie Forteza bilang isa sa mga ambassadors ng GMA Network para sa Anti-Piracy campaign “Stream Responsibly. Fight Piracy.”

“It is such a responsible campaign to be part of. Being an artist myself, it is important to have and to be part of campaigns like this.

“This validates the hard work of the people not only in front but behind the camera, who give their best efforts, day in and day out, to produce quality shows for our viewers,” pahayag ni Barbie.

Bahagi rin sa roster of Kapuso ambassadors for “Stream Responsibly. Fight Piracy.” Sina Voltes V: Legacy stars Miguel Tanfelix, Ysabel Ortega, Matt Lozano, Radson Flores, at Raphael Landicho, kasama rin ang co-Sparkle star nila na si Mikee Quintos.

Layunin ng kampanya na hikayatin ang mga manonood, lalo na ang mga nakababatang henerasyon na bigyan ng kahalagahan at halaga ang mga malikhaing gawa ng mga tao sa likod ng mga serye at pelikula sa pamamagitan ng panonood lamang sa mga ito mula sa mga lehitimong mapagkukunan.

Nilalayon din nito na turuan at itaas ang kamalayan ng publiko sa mga potensyal na pinsala ng pag-click sa mga pirated na website at app.

For more stories about the Kapuso network and its initiatives, visit www.gmapinoytv.com/subscribe or www.GMANetwork.com.

(ROHN ROMULO)

Ads February 11, 2023

Posted on: February 11th, 2023 by @peoplesbalita No Comments

MMDA: Sariling coding schemes puwedeng ipatupad ng mga LGUs

Posted on: February 11th, 2023 by @peoplesbalita No Comments

SINABI ng Metropolitan Manila Development Authority (MMDA) na kahit mayroon ng Metro Manila Traffic Code, ang mga lokal na pamahalaan ay maaari pa rin na magpatupad ng kanilang sariling regulasyon sa trapiko.

Isa na rito ang regulasyonsa coding scheme na nagbabawal sa mga sasakyan na dumaan sa mga pangunahing lansangan depende sa last digit at plate number ng sasakyan isang araw sa isang linggo.

Tulad ng lungsod ng Makati, ang kanilang sistema sa number coding ay epektibo sa loob ng 12 oras mula 7:00 ng umaga hanggang 7:00 ng gabi. Walang window hours ang number coding sa Makati. Habang ang MMDA naman ay nagpapatupad ng number coding mula 7:00 hanggang 10:00 ng umaga at mula 5:00 ng hapon hanggang 8:00 ng gabi lamang.

“We are giving leeway to local governments to implement their own policy as far as number coding scheme is concerned. Makati has peculiar circumstances because it being the country’s premier business district and a lot of vehicles pass by the city, especially during rush hours,” wika ni MMDA acting chairman Romando Artes.

Dagdag pa ni Artes na mas alam ng mga local na pamahalaan ang kanilang mga concerns kung kaya’t sila ay pinapayagan na magpatupad ng kanilang sariling coding schemes.

Ang mahuhuling motorista na lumabag sa number coding ay magmumulta ng P500 ayonsa single ticketing system na pinatutupad sa ilalim ng Metro Manila Traffic Code.

Nilabas ng MMDA ang bagong matrix para sa mga multa kung saan ito ay nakalagay at makikita sa Facebook page ng MMDA.

Samantala, ayon sa bagong matrix, ang mga mahuhuli ay kinakailangan magbayad ng mga sumusunod: P500 kada isa para sa number coding, tricycle ban at arrogance/discourteous conduct; P1,000 kada isa para sa disregarding traffic sign, attended illegal parking o di kaya ay kung ang driver ay nasa loob ng sasakyan, obstruction, overloading, defective motor vehicle accessories, loading at unloading sa mga bawal na lugar, overspeeding at walang seatbelt; P2,000 kada isa para sa unattended illegal parking, light truck ban at unauthorized modification at P3,000 naman para sa truck ban.

Depende naman sa kung ilan beses ginawa ang offenses, ang mga mahuhuli ay magmumulta ng P1,000 sauna, P2,000 sa ikalawa, at P2,000 na may kasamang seminar sa mga susunod na offenses para sa reckless driving.

Para naman sa dress code, P500, P750 at P1,000. Papatawan ng P2,000 at P5,000 para sa illegal counterflow; P1,000, P2,000 at P5,000 sa hindi paggamit ng child restraint system (CRS). Bibigyan naman ng multang P1,000, P3,000 at P5,000 para sa substandard na CRS; P1,500, P3,000 at P5,000 at P10,000 kung hindi gumagamit ng motorcycle helmet. Habang P3,000 at P5,000 sa paggamit ng helmet ng walang import commodity clearance o ICC marking. Papatawan din ng P3,000, P5,000 at P10,000 kung hindi sumunod sa Children’s Safety on Motorcycles Act. LASACMAR

May M.U. na sila ni Ysabel: MIGUEL, inaming naging sila ni BARBIE at ‘di maganda ang break-up nila ni BIANCA

Posted on: February 11th, 2023 by @peoplesbalita No Comments

MARAMING naging rebelasyon ang Sparkle actor na si Miguel Tanfelix sa pagsalang niya sa ‘Fast Talk with Boy Abunda.’

Tinanong ang bida ng ‘Voltes V: Legacy’ tungkol sa mga Kapuso actresses na na-link sa kanya.

Unang tinanong sa kanya ay si Barbie Forteza. Inamin ni Miguel na niligawan at naging sila ni Barbie.

“Pino-post ko po siya dati. Naging kami po. Dalaw po sa set. Kasi hindi po kami magkasama ng show dati, I was doing ‘Niño’ back then tapos iba po ‘yung show niya.

“Kapag may taping siya, pinupuntahan ko, nagdadala po ako ng pagkain. Kapag po malapit ‘yung set nila sa Cavite, kasi taga-Cavite ako, nagdadala po ko,” pahayag ni Miguel.

Sunod naman ay ang tungkol sa dati niyang ka-loveteam na si Bianca Umali. Nagkaroon din daw sila ng relasyon pero hindi naging maganda ang paghihiwalay nila.

“Naging kami po ni Bianca. ‘Yung dahilan ng paghihiwalayan namin, huwag na tayong mandamay ng ibang tao. Irespeto natin ang ibang tao. Siguro sa issue na lang namin ni Bianca,” diin pa ni Miguel.

Pangatlo ay si Kyline Alcantara na naging special sa kanya.

“We had something special. Lagi kaming magkasama sa ‘All-Out Sundays’. Doon po kami nagka-develop-an,” sey ni Miguel na napanatili ang friendship kay Kyline.

Noong dumating na kay Ysabel Ortega, sagot ni Miguel ay: “Mahal na mahal ko siya.”

Pero paglilinaw ng aktor na nililigawan pa lang niya si Ysabel. Pati raw ang ina ni Ysabel na si Michelle Ortega ay nililigawan din daw niya.

“Kailangan po kasi nating sundin ‘yung nanay ni Ysabel. Medyo strict po si tita, and respeto po sa desisyon niya para sa anak niya dahil kahit paano, kailangan niyo rin pong ligawan ang magulang ng nililigawan mo. Kaya nililigawan ko po silang dalawa.”

May mutual understanding daw sila ni Ysabel. Ayaw din daw ni Miguel na maging distraction siya sa pag-aaral ni Ysabel.

“Nag-aaral po siya ngayon. Gusto ko rin pong bigyan siya ng time, ayokong masakal siya… kung maging kami man ngayon, baka maging distraction lang ako sa law school niya ngayon,” sabi ni Miguel.

Mensahe ni Miguel para sa ina ni Ysabel ay: “Tita, pinapangako ko po na aalagaan ko po si Ysabel. Huwag po kayong mag-alala pinagdadaanan namin ang bawat steps na kailangan naming pagdaanan para mas makilala pa ang isa’t isa.

“Never po akong magiging distraction sa anak niyo dahil alam kong gusto niyo siyang maging attorney in the future. Nandito lang po ako, naghihintay para sa approval niyo po, and para kay Ysabel.”

***

HAPPY ang Sparkle artist at The Clash Season 2 contestant na si Jeniffer Maravilla dahil umakyat agad sa #2 spot ng iTunes Philippines ang debut single niya under GMA Playlist na “Alimuom”.

Maituturing nga ni Jeniffer na first single niya ang Alimuom kahit na inawit niya noon ang theme songs ng mga GMA teleserye na The Lost Recipe at Raising Mamay. May kakaiba raw na dating ang musika ng Alimuom kaya ito ang napili niya sa mga songs na pinarinig sa kanya.

“Ang ‘Alimuom,’ kasi ‘yun ‘yung umuusbong after the rain, it symbolizes rain. Nung pinarinig sa akin ‘yung demo ng song, na-feel ko sobrang unique ng kanta na ito. Ang timely niya rin sa nagdaan na pandemic, despite all the hardships at the end of the day, sa mga tao hindi nawawala ‘yung pagiging hopeful.

“At very original ang song na ito. Ang ganda kung nakakarinig tayo sa radyo ng mga tunog at instrumental na sariling atin. Na-enjoy ko ‘yung process ng paggawa ng song na ito.

“Sobrang grateful ako sa aking Playlist family kasi sumugal sila sa akin para sa ganitong klaseng music,” sey pa niya.

Bukod sa pagiging biritera, paminsan-minsan ay umaarte sa teleserye si Jeniffer. Huli siyang napanood bilang si Sinang sa Maria Clara At Ibarra. Gumanap din siyang best friend ni Heart Evangelista sa I Left My Heart In Sorsogon.

(RUEL J. MENDOZA)

Bus terminal sa Quezon City, tinupok ng apoy

Posted on: February 11th, 2023 by @peoplesbalita No Comments

TINUPOK ng apoy ang isang bus terminal sa Cubao, Quezon City hapon ng Pebrero 9, Huwebes.

Batay sa inisyal na ulat ng Quezon City Bureau of Fire Protection (BFP), dakong alas-4:46 ng hapon nang sumiklab ang sunog sa Araneta bus terminal na matatagpuan sa Time Square St., Brgy Soccoro, Quezon City.

Nagsimula umano ang sunog sa barracks ng terminal ng bus.

Umabot hanggang Task Force Bravo ang alarma ng sunog dakong alas-5:08.

Wala namang naitalang nasawi o nasugatan sa sunog.

Iniimbestigahan pa rin ng mga awtoridad ang pinagmulan ng sunog at kung magkano ang halaga ng mga ari-ariang tinupok nito. (Daris Jose)