BINALIKAN ni Pauline Mendoza ang mabigat na pagsubok na dumaan sa kanilang pamilya nang matuklasan na mayroong breast cancer ang kanyang ina noong 2017.

Nagpapasalamat ang Kapuso actress na kasama pa rin nila ngayon ang kanyang ina.

“It was tough. Nalaman ko na na-diagnose ‘yung mom ko, nasa taping ako at that time. Tinext ako ng mom ko, ‘I was diagnosed with breast cancer.’ Nasa taping ako noon tapos lahat pa ng eksena ko masasaya.

“At first hindi ko alam kung paano ko siya na-process. Going back to that moment, biglang na-feel ko na, ‘yun na nga… Only child kasi ako, so it was really hard for me,” paglahad ni Pauline.

Ayon pa kay Pauline, ayaw ng kanyang mga magulang na nakararamdam siya ng stress kaya itinago nila ito sa kanya. Pero kailangan din nila itong ipaalam sa kanya.

“Hindi sanay ang parents ko na umiiyak ako kasi… I mean… Ayokong makita nila ako. Noong nalaman ko ‘yun, hindi ko pinakita sa parents ko na malungkot ako, umiiyak ako. Pero ngayon umiiyak ako ‘di ba?,” sey ni Pauline.

Sa kabila ng kanilang pinagdaanan, nakita ni Pauline kung gaano katapang ang kanyang ina kahit na may iniindang sakit.

“Nakita ko sa mom ko kung gaano siya katapang. She’s the strongest, she’s the bravest. And sobrang kakaiba siya kasi noong nalaman niya na may breast cancer siya, parang normal lang sa kanya, parang wala siyang sakit at all. Kami pa ‘yung natatakot ng dad ko for her.”

Gayunman, hindi pa rin naiwasan ni Pauline na kuwestiyunin ang Diyos kung bakit sila ang napiling bigyan ng ganoong kabigat na pagsubok.

“I started to question Him, bakit kami? Bakit ako? Bakit si mom?’ Binigay sa akin ni God ‘yung answers kay mom pa rin. Na kung gaano siya katapang. Like whatever happens, kayang pagdaanan. So ang pinagdaanan naming tatlo with my dad, with my mom and ako.”

Nagpapasalamat si Pauline na kahit binigyan ng taning ang buhay ng kanyang ina, nananatili pa rin nila itong kasama.

“Ngayon ika-fifth year na niya. Sabi ng doctor hanggang five years lang daw siya to live because she has stage 4 breast cancer. But she’s doing okay now. Naniwala ako na, sabi ni God na, kakayanin niyong tatlo ‘yan and binigyan Niya ako ng faith. Naniwala ako sa Kanya na kung gaano katapang ‘yung mom ko, tinry kong maging mas matapang, para sa kaniya, para sa aming tatlo.”

***

ISANG malaking proyekto ang nakatakdang gagawin ng Kapuso actor na si Dennis Trillo.

Gaganap siya bilang kauna-unahang serial killer sa Pilipinas na may pamagat na “Severino.”

Ang kuwento ay batay sa tunay na mga pangyayari tungkol sa isang pari na serial killer na si Severino Mallari, na nangyari noong panahon ng pananakop ng mga Kastila sa Pilipinas.

Itinuturing na ang kaso ni Mallari ang kauna-unahang documented na serial killer sa Pilipinas.

Ang proyekto ay inanunsyo sa Cannes Film Festival, na eksklusibong iniulat ng Variety.

Ang “Severino” ay sa ilalim ng produksyon ng Filipino content production company na CreaZion Studios, na nasa likod din ng award-winning na mga pelikula na “1st ko si 3rd,” “Iska,” at “Patay Na Si Hesus.”

Nakipag-partner din ito sa production and financing company na Fire and Ice Productions.

Dati na ring gumawa si Dennis ng international project na “On the Job: The Missing 8,” na kinilala sa Venice International Film Festival.

***

SIGURADO na si Kiray Celis na ang nobyo niyang Stephan Estopia ang kanyang “the one.”

Kaya hinihintay na lang ng pamilya ni Kiray kung kelan magpapakasal ang dalawa.

“Kinukulit na ako ng mama ko. Bago ko bigyan ng P1 million ang mama ko, ‘Bawal kayong maglabas ah, kayong dalawa. Bawal.’ Noong nabigyan ko ng P1 milyon sabi niya, ‘Kelan kayo magpapakasal?’” tawa pa ni Kiray.

Pagbalik-tanaw ni Kiray, katulad niya, nanggaling din si Stephan sa isang relasyon na niloko. Naging bestfriend si Stephan ng kanyang kapatid ng 10 taon, at labas-pasok lang noon sa kanilang bahay.

Kuwento ni Kiray, hindi sila nag-uusap noong una ni Stephan.

“Noong nabanggit ko sa kapatid ko, sabi niya ‘Mabuting tao ‘yan ha, huwag mong sasaktan.’ Tapos ako, ‘Ha, hindi. Wala namang ‘meron’ sa amin.’ ‘Yun agad ang sinabi ng kapatid ko.

“Hindi magsasabi ‘yung kapatid ko ng ganoong statement kung hindi siya ganoon kabuti. Napatunayan ko na totoo talaga. Noong na-meet siya ng parents ko, ang gaang sa pakiramdam.”

Nauna nang inilahad ni Kiray na nanumbalik ang dating siya nang makilala na niya si Stephan, na naging daan para maka-move on siya mula sa maling tao.

(RUEL J. MENDOZA)

MABILIS ang sagot ni Beauty Gonzalez, nang tanungin siya sa mediacon ng bago niyang project sa GMA Network, ang “Walang Matigas na Pulis sa Matinik na Misis,” kung ano ang naramdaman niya nang i-offer sa kanyang makatambal si Senator Bong Revilla, sa action-comedy series?

“Kilig at excitement,” nakangiting sagot ni Beauty.

“It’s an honor to paly opposite Senator Bong, he’s an icon, a star, a senator, iniisip ko agad, kung paano ako makipag-interact sa kanya, dahil first time naming magkakatrabaho, first time din akong gagawa muli ng comedy, dahil matagal na iyong nakagawa ako ng comedy.

“This time ipapakita ko naman ang comedy side ko. But he’s mabait, very open to suggestions, lahat tinatanong niya, kung okey kami sa pagtatrabaho.

And may daughter, Olivia is excited na akong mapanood na nagpapatawa.”

Si Beauty ang sumisigaw ng “Tolome” sa mga eksena na kapag narinig nito na sumisigaw ang asawang si Gloria ay nanginginig na.  Ilan sa mga kasama sa action-comedy series ay sina Carmi Martin, Max Collins, Nino Muhlach, Jeric Raval, Kate Valdez, Kelvin Miranda, Nikki Co at ang batang si Raphael Landicho na napapanood din sa “Voltes V: Legacy.

Mapapanood na ang action-comedy series every Sunday, simula sa June 4, 2023, 8:50 PM.

                                                            ***

PATULOY pa ring namamayagpag ang historical fantasy portal series na “Maria Clara at Ibarra, na hanggang sa ngayon ay sinusubaybayan pa rin sa Netflix, PH.

This time, after winning the bronze award sa New York Festivals TV & Film Awards, ay kasali sa nominations ang mga lead stars na sina Dennis Trillo, Barbie Forteza at Julie Anne San Jose sa Outstanding Asian Star category at the Seoul International Drama Awards 2023.

Pwedeng sumali sa botohan ng mga nominated stars, i-download lamang ang IdolChamp app.  Voting will run from June 15 to July 14!

Tamang-tama na nasa South Korea ngayon sina Barbie at co-star niya sa #MCI na si David Licauco, na nagsu-shooting ng first movie nila together, ang “That Kind Of Love,” at pwedeng makatulong iyon para sa mga Koreans na makilala si Barbie na iboto siya at sina Julie Anne at Dennis.

Wala pa silang binanggit kung kailan magaganap ang awards night.

                                                            ***

PARA raw siyang nanganganay muli, natatawang sabi ni Jennylyn Mercado sa “Chika Minute,” ngayong ready na siya muling-magbalik trabaho sa taping ng GMA Primetime series na “Love.Die.Repeat.” na pinagtatambalan nila ni Xian Lim.

“After two years na napahinga ako dahil sa pagbubuntis at pagsisilang ko sa baby girl namin ni Dennis na si Dylan Jhade, naging abala naman akong maging housewife kay Dennis at Nanay sa tatlo naming anak,” dagdag pa ni Jen.

“Kaya ngayong balik-taping na ako, para bang nagsisimula ulit ako tulad noong manalo ako sa “StarStruck.”

Nakipag-usap na rin pala si Jennylyn sa kanyang talent management at may pinag-usapan na silang gagawing bagong project.

Very soon ay mapapanood na rin ang “Love. Die. Repeat.” dahil matatapos na rin ang top-rating GMA Primetime series ni Xian na “Hearts On Ice,” with Ashley Ortega.

***

GRATEFUL and blessed ang feeling ni Sunshine Cruz na dire-diretso ang mga work niya,

Katatapos lamang mapanood si Sunshine sa “Underage” sa GMA Afternoon Prime, at nakasama na siyang mag-taping ng “Unbreak My Heart,” ang first collaboration series ng GMA Network, ABS-CBN Entertainment at Viu, na mag-shoot sa Milan.

“Guest scene lang ang unang offer sa akin ng teleserye, sabi ko sige na kahit guest lang,” kuwento ni Sunshine.

“Pero thank God na I got a good news, pag-uwi ko rito from Milan,  makakasama na raw ako sa cast, regular cast.  So another blessing for me.

“It’s a dream come true to be able to work with, Jodi (Sta. Maria), Papa Chen (Richard Yap), Gabbi (Garcia) and Joshua (Garcia).  Kailangan ko talaga ang work dahil sa tatlong anak ko.”

But happy ang actress na okey na sila ng dating asawang si Cesar Montano.  Nakikita raw niya ang saya ng mga anak everytime na magkakasama sila with Cesar at girlfriend nitong si Kath, in important occasions.

(NORA V. CALDERON)

SA guesting ni Joshua Garcia sa “Fast Talk with Boy Abunda” noong Huwebes, ikinuwento ng Kapamilya actor kung papaano nila pinaghandaan ni Jodi Sta. Maria ang kanilang torrid kissing scenes sa inaabangang drama series na “Unbreak My Heart” na first-ever collaboration ng GMA Network, ABS-CBN Entertainment at Viu.

Hindi naman first time na gawin ni Joshua ang kissing scene pero first time niyang maka-love scene si Jodi.

“Akala ko kasi challenging siya, mabuti na lang dumaan kami sa sensuality workshop with an international sensuality workshop,” kuwento niya kay Tito Boy, na kung saan tinawag siyang ‘one of the most brilliant actors of his generation’.

“Natulungan kami, naging detalyado kami Tito Boy the way we kiss, kung gaano katagal,”

Dagdag pa niya, “Doon kasi sa sensuality workshop, doon mo malalaman ‘yung kung hanggang saan lang ang limit mo, kung hanggang saan ang puwede mong hawakan, puwede mong halikan, gaano katagal, sobrang detailed. Kung may tongue ba ‘yan, without tongue, lahat.”

Tanong ni Tito Boy, “may tongue ba?” Na agad na sinagot ni Joshua na, “wala.”

Tinanong din si Joshua, kung pareho lang din ang estilo niya ng paghalik sa tunay na buhay at sa pelikula o serye.

“Oo, Tito Boy. Ang difference lang siguro is, dito kasi walang tongue. Sa totoong buhay, you can use your tongue,” sabi pa ni Joshua.

Dugtong pa ng aktor, “grabe, sobra ang pasasalamat ko kina Gabbi at Jodi sa pagtitiwala sa akin. Kasi importante yun na may tiwala ka sa partner mo. At yun pagkatiwalaan nila sa ako sa eksena na halikan sila.”

Makakasama nga nina Joshua at Jodi sina Gabbi Garcia at Richard Yap sa “Unbreak My Heart.” Ipalalabas ang romantic-drama series ngayong gabi, Mayo 29 sa GMA Telebabad, Pinoy Hits, at I Heart Movies sa 9:35 PM mula Lunes hanggang Huwebes, 11:25 PM sa GTV, at available din ito sa GMA Pinoy TV at TFC.

Samantala, nagsimula na ang streaming nito noong Sabado, Mayo 27 sa GMANetwork.com, iWantTFC, at sa 16 territories sa labas ng Pilipinas sa Viu.

Ang “Unbreak My Heart,” na kinunan sa mga magagandang lokasyon ng Switzerland, Italy, at Pilipinas, ay sa direksyon nina Emmanuel Q. Palo at Dolly Dulu at ginawa ng Dreamscape Entertainment.

Kasama rin sa star-studded cast ng serye ang mga beterano sa industriya na sina Laurice Guillen, Eula Valdes, Sunshine Cruz, Nikki Valdez, Romnick Sarmenta, at Victor Neri, kasama sina Dionne Monsanto, PJ Endrinal, Maey Bautista, Marvin Yap, at Mark Rivera, at upcoming young actors na sina Will Ashley, Jeremiah Lisbo, at Bianca de Vera.

Ang opisyal na soundtrack ng “Unbreak My Heart” ay magtatampok ng mga kanta nina Christian Bautista, Bey, at Moira dela Torre.

Huwag palampasin ang pilot episode ng “Unbreak My Heart” sa GMA Telebabad, Pinoy Hits, and I Heart Movies ngayong 9:35 PM, 11:25 PM sa GTV, at puwede ring mag-stream ng advance episode sa GMANetwork.com, iWantTFC, at Viu. Mapapanood din ang serye sa GMA Pinoy TV at TFC.

(ROHN ROMULO)