2023 May Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for May, 2023

Supplies allowance para sa mga public school teachers dapat tiyakin – Senador

Posted on: May 29th, 2023 by @peoplesbalita No Comments

MATAPOS aprubahan sa huli at ikatlong pagbasa ang Kabalikat sa Pagtuturo Act (Senate Bill No. 1964), binigyang diin ni Senador Win Gatchalian na napapanahon na ang batas para gawin nang pamantayan ang pamimigay ng teaching allowance para sa mga guro sa mga pampublikong paaralan.

Nakasaad sa panukalang batas ang pagkakaloob ng teaching allowance na maaaring gastusin para sa kagamitan na kailangan sa pagtuturo, kabilang ang bayad sa iba pang mga incidental expenses, at ang pagpapatupad ng iba’t ibang paraan ng pagtuturo na kinikilala ng Department of Education (DepEd.)

Para sa School Year 2023-2024, isinusulong ang teaching supplies allowance sa halagang P7,500 kada guro. Tataas sa halagang P10,000 ang naturang allowance simula SY 2024-2025.

Paliwanag ni Gatchalian, pumasa na sa Senado ang kaparehong mga panukala noong 17th and 18th Congress.

Kaya naman dapat maging prayoridad ngayong 19th Congress ang pagsasabatas ng naturang panukala.

Ayon pa kay Gatchalian, bagama’t napopondohan naman ng Kongreso ang pagkakaloob ng teaching supplies allowance sa ilalim ng national budget, matitiyak ng batas na matatanggap ng mga guro taon-taon ang naturang allowance. (Daris Jose)

RACECAR DRIVER JANN MARDENBOROUGH TALKS ABOUT HIS TRUE STORY IN “GRAN TURISMO” VIGNETTE

Posted on: May 29th, 2023 by @peoplesbalita No Comments

HE dreamed the impossible to become an elite racer – experience the inspiring true story in Gran Turismo, exclusively in cinemas August 2023. Watch “The True Story” vignette:

YouTube: https://youtu.be/CuZjzfLo5Mc

About Gran Turismo

Based on the true story of Jann Mardenborough, the film is the ultimate wish fulfillment tale of a teenage Gran Turismo player whose gaming skills won a series of Nissan competitions to become an actual professional racecar driver.

Directed by Neill Blomkamp, screenplay by Jason Hall and Zach Baylin, based on the PLAYSTATION STUDIOS video game.

Produced by Doug Belgrad, Asad Qizilbash, Carter Swan, Dana Brunetti. The executive producers are Kazunori Yamauchi, Herman Hulst, Jason Hall, Matthew Hirsch.

The cast is led by David Harbour, Orlando Bloom, Archie Madekwe, Darren Barnet, Geri Halliwell Horner and Djimon Hounsou.

In Philippine cinemas August 2023, Gran Turismo is distributed by Columbia Pictures, local office of Sony Pictures Releasing International. Connect with the hashtag #GranTurismoMovie

(ROHN ROMULO)

LGUs maghanda sa super typhoon – Marcos Jr.

Posted on: May 29th, 2023 by @peoplesbalita No Comments

INATASAN ni Pangulong Ferdinand Marcos Jr. ang mga lokal na pamahalaan na paghandaan ang mga posibleng pag-ulan at pagbaha na maaaring idulot ng super typhoon Mawar.

Muling tiniyak ng Pangulo sa publiko na naka-standby ang disaster council sa pagpasok ng super typhoon.

Ayon kay Marcos, inilagay na ng gobyerno ang mga relief goods sa mga lugar na maaaring maapektuhan ng Mawar, karamihan sa hilagang Luzon.

Binanggit ni Marcos na inaasahan ng state weather forecaster na palakasin ni Mawar ang habagat at magdadala ng mga pag-ulan sa ibang mga lugar, kahit na hindi ito inaasahang tatama sa lupa.

“Dito sa bagyong ito…although daraan lang north of the Philippines, apparently hihilahin niya ‘yung habagat para — and there is a chance na magkakaroon ng malakas na ulan pati hanggang — hindi lang southern Luzon, Visayas, pati baka Mindanao. Kaya’t we have already warned the LGUs to prepare in case of heavy rains and flooding.”

Ipinauubaya ni Marcos sa mga LGUs kung ano ang nararapat na gawin kasabay ang pagtiyak na nakaalalay sa kanila ang national government.

Sinabi ng National Disaster Risk Reduction and Management Council (NDRRMC) na parehong handa ang manpower at relief assistance para sa mga posibleng paglikas dahil sa Bagyong Mawar. (Daris Jose)

Pagbili ng submarine, nananatili pa ring bahagi ng plano ng Pinas- PBBM

Posted on: May 29th, 2023 by @peoplesbalita No Comments

NANANATILI pa ring bahagi ng plano ng Pilipinas ang pagbili ng submarine matapos ang development ng anti-submarine capabilitie nito.

Sinabi ni Pangulong Ferdinand Marcos Jr. na ang pagbili ng submarine ay ” still part of our plan,” sa isang ambush interview sa isinagawang pagdiriwang ng ika-125 taong anibersaryo ng Philippine Navy (PN).

“But right now, we are in the middle of developing mostly our anti-submarine capabilities,” ayon sa Pangulo.

“So ‘yun ang uunahin natin and then maybe, hopefully, when the time comes and the conditions are agreeable then we might be able to acquire those submarines,” dagdag na wika nito.

Ang paliwanag ng Chief Executive, ang pag-operate ng submarine ay “very large commitment” na may kasamang makabuluhang operational requirements gaya ng pagsasanay at iba pang equipment.

Isiniwalat din ng Pangulo ang alok mula sa ibang bansa na hindi lamang submarine acquisition kundi maging ang pagtatayo ng vessels sa Pilipinas.

“Malaking bagay ‘yun if they are built here and we can actually build submarines here and provide those submarines to other countries and then that’s another source of jobs and of income and increase capability for our Navy,” aniya pa rin.

Sa naging talumpati ng Pangulo sa anibersaryo ng PN, binigyang diin nito ang pangangailangan na igarantiya ang suporta para sa modernisasyon ng Armed Forces of the Philippines habang ang military ay tinatrabaho na ilipat ang kanilang atensyon sa external defense.

Sinabi pa ng Pangulo na umaasa siya na makukumpleto ang Horizon 3 ong AFP Modernization, na nakatuon sa naval aspect ng military operations, kasunod ng pag-komisyon ng dalawang fast attack interdiction craft-missile platforms. ito ay ang BRP Gener Tinangag at BRP Domingo Deluana. (Daris Jose)

May announcement pa na dapat abangan: DINGDONG, isa sa dream project ang MMFF movie kasama si MARIAN

Posted on: May 29th, 2023 by @peoplesbalita No Comments

MAY announcement daw ang Kapuso Primetime King na si Dingdong Dantes na dapat abangan.

Hindi pa niya sinabi kung ano ito, although may ideya kami, hindi na namin ipi-pre-empt pa.

Grabe lang si Dingdong ngayon na bukod sa kinailangan na mag-break muna ang “Family Feud”, dahil sabay-sabay talaga ang mga projects niya, may mga unannounced pa siya na gagawin this year at sunod-sunod din ang mga endorsements niya.

Sinigurado naman ni Dingdong na magbabalik ang highest rating game show sa bansa, at break lang talaga. Most likely raw, ang hindi nito makakasabay ay ang bago niyang primetime series na airing na ngayong June, ang “Royal Blood.”

As for “The Voice Generation”, baka ito raw ang makasabay muli ng “Family Feud” for the last quarter. Sinagot ito ni Dingdong kung iniisip man na kaya magbi-break ang Family Feud dahil sa bagong hosting show niya.

Eh, bukod dito, meron pa rin siyang “Amazing Earth”. At ginagawang movie under GMA News and Public Affairs, ang “Firefly.” As for the movie na pagsasamahan nila ni Marian Rivera for MMFF, wala pa raw siyang masasabi rito, pero ayon kay Dingdong, isa ito sa dream project niya.

At ito nga, ang bonggang endorsement niya na Italian brand na POLICE eyewear and watch. Si Dingdong lang naman ang first and only Filipino Global brand ambassador ng brand.

At 40th years na ang POLICE at may event ito sa Japan na dadaluhan ni Dingdong at posibleng makakasama niya ang iba pang brand ambassador tulad ni Liam Hemsworth.

***

NAKAUSAP namin si Max Collins sa mediacon ng bagong sitcom ng GMA-7, ang “Walang Matigas na Pulis sa Matinik na Misis” kunsaan, tila may “triangle” sila nina Senator Bong Revilla at Beauty Gonzalez.

Nilinaw naman ni Max na hindi naman kontrabida ang role niya sa sitcom. Sabi namin dito, e, bida siya sa halos lahat ng ginagawa niyang teleserye sa network.

“Dito sa ‘Walang Matigas na Pulis sa Matinik na Misis’, I play the role of entrepreneur, isa siyang fashionista na medyo may pagka-down-to-earth at sa isang event, makikilala niya si Tolome (Bong) and do’n siya magkakaroon ng feelings para sa kanya kasi, sinave siya ni Tolome.

“Pero, hindi siya kontrabida, parang isa siya sa mga obstacles na pagdadaanan ng couple. You will see,” sey naman niya.

Sa teleserye naman, may naka-line-up na raw siya, pero ayaw muna raw niyang magpa-una na mag-announce.

Natatawang sabi naman ni Max, kahit daw sa social media niya tulad ng Instagram account niya na parang palagi siyang nasa iba’t-ibang lugar, ang totoo raw, madalas na taong bahay lang din naman siya.

“I go everywhere, but really, I’m just at home. But for me, social media is very much like a branding tools. I like to show people that I have a colorful world, but really, I’m just in Manila with my son.

“Pero gano’n po ang labanan ngayon, updated. But yes, I’m really in Boracay most of the time.”

Sa mga hindi nakakaalam, Max is really from Boracay kaya may family at business din daw siya ro’n. Sa isang banda, ang “Walang Matigas na Pulis sa Matinik na Misis” ay ngayong June 4 na ang pilot airing.

(ROSE GARCIA)

P70M sa COVID-19 funds napunta sa ‘ineligible’ beneficiaries-COA

Posted on: May 29th, 2023 by @peoplesbalita No Comments

TINATAYANG P70 milyong piso ng COVID-19 response funds ng gobyerno ang hindi napunta sa mga eligible beneficiary.

Ito ang nakasaad sa ilalim ng Performance Audit Report sa COVID-19 Adjustment Measures Program (CAMP) ng Commission on Audit (COA), isang government program na nagbibigay ng financial support sa mga apektadong manggagawa sa panahon ng pandemya.

Sinabi ng COA na P70.26 million CAMP fund ay ibinigay sa 14,052 benepisaryo kung saan 6,214 ang “ineligible” habang 7,838 naman ay “probably ineligible beneficiaries” dahil nakatanggap na ang mga ito ng financial assistance mula sa ibang financial support programs ng gobyerno gaya ng Small Business Wage Subsidy Program ng Social Security System (SSS) at Social Amelioration Program ng Department of Social Welfare and Development (DSWD) at ang kanilang monthly gross salary ay “above the P40,000 threshold.”

“Based on the interview, DOLE (Department of Labor and Employment) only relied on applicants’ self-declaration since there was no available and complete centralized database that would serve as a basis for determining whether an applicant already received financial assistance from other programs,” ayon sa COA.

“In addition, only the DOLE, Department of Finance (DOF), and SSS were able to have a data sharing agreement on their beneficiaries,” dagdag na pahayag ng COA.

Tinukoy naman ng COA na sa ilalim ng ipinatutupad na Guidelines ng Bayanihan 2 Law, “the subsidies or benefits received from existing financial assistance programs will be taken into consideration in the computation of the subsidy or benefit to be received to prevent double dipping or unauthorized receipt of multiple subsidies.”

Idagdag pa rito, ang CAMP-Bayanihan 2 guidelines na ipinalabas ng DOLE ay mayroong listahan na nage-enumerate ng “exclusions” para maging kuwalipikado mula sa para pigilan ang pamamahagi ng financial assistance sa ineligible beneficiaries na inilarawan sa Bayanihan 2 law.

Sinabi ng COA na “comparison of CAMP-Bayanihan 2 (beneficiaries information including SAP self-declaration) and SBWS data revealed that a total of 33 beneficiaries received financial assistance from three government programs, and that these 33 beneficiaries had received a total of P566,000 from CAMP-Bayanihan 2 and SBWS program.”

Ginagamit din ng COA ang self-declaration ng aplikante mula sa CAMP-Bayanihan 2 data para ma- identify kung ang isang benepisaryo ay nakatanggap ng SAP.

Gayunman, hindi naman madetermina ng COA kung ang 33 benepisaryo ay nakatanggap ng SAP dahil sa kakulangan ng dokumento.

“The comparison of CAMP Bayanihan 2 and SBWS data also showed that 6,181 received CAMP Bayanihan 2 financial assistance amounting to P104.61 million, and that 52 of the 6,181 beneficiaries received both CAMP-Bayanihan 2 and SBWS aid,” ayon sa COA.

Ibinalik naman ng 52 benepisaryo ang kanilang subsidies/financial assistance sa Social Security System na mula P5,000 hanggang P17,117 na may kabuuang P472,153.

“In our analysis and the result of interview, we noted that approval of the ineligible beneficiaries (also recipients of SBWS Program) was due to : a) manual cross matching of FO evaluators on the list of SBWS beneficiaries; b) delayed provision of the list; c) lack of awareness of some DOLE regional and field office evaluators on the list of SBWS Program beneficiaries provided by SSS; and d) voluminous applications received and evaluated,” ayon sa COA. (Daris Jose)

Request ng mga netizen, ‘di sana romcom: Reunion movie nina SARAH at JOHN LLOYD, kasado na

Posted on: May 27th, 2023 by @peoplesbalita No Comments

KASADO na nga ang balik-tambalan nina Sarah Geronimo at John Lloyd Cruz.

Kinumpirma nga ito ng Viva Artists Agency (VVA) na magkakaroon ng reunion movie ang blockbuster tandem na #AshLloyd

Sa official Instagram account ng VVA pinost nila ang photos nina Sarah at John Lloyd sa Viva office.

May caption ito na: “LOOK: Our #AshLloyd hearts (smiling face with heart-eyes and loudly crying face emoji) @justsarahgph and John Lloyd Cruz in a new movie together? YES!!!,” (movie camera and eyes emojis) kasama ang hashtag na: “#SOON.”

Unang nagkasama sina John Lloyd and Sarah sa “A Very Special Love” (2008), na nasundan ng “You Changed My Life” (2009), at “It Takes a Man and a Woman” (2013), para ipagpatuloy ang kuwento nina Miggy at Laida.

After 4 years, muli silang nagkasama sa 2017 movie na “Finally Found Someone.”

Marami naman ang kinilig at natuwa sa grabe pasabog na ito ng VAA, na mukhang mauunahan pa ang reunion movie nina JL at Bea Alonzo.

May nag-request na sana ay hindi na romcom movie, dahil sawa na sila. Puwede raw heavy drama, horror or suspense.

Sa rami nang na-excite na reunion project, mukhang na-miss na talaga nang marami ang tambalang John Lloyd at Sarah. Na ngayon pa lang ay inaasahan na magiging blockbuster din tulad nga mga past movies nila.

***

NAGING usap-usapan nga ang paglabas ng campaign poster ni Dingdong Dantes sa digital billboard ng famous Times Square sa New York City.

Ang Kapuso actor-TV host ang first Filipino endorser of Italian eyewear brand Police, na una niyang in-announce sa kanyang IG post. Next month pupunta raw siya ng Japan para sa 40th year ng Police and hopefully ma-meet niya ang other global endorsers.

Malapit na rin ang pagbabalik niya sa pag-arte via GMA primetime series na ‘Royal Blood’ na ididirek ni Dominic Zapata.

Excited na nga si Dingdong na muling makasama sina Tirso Cruz III, Benjie Paras, Arthur Solinap, Dion Ignacio, Mikael Daez at Megan Young.

Kuwento pa niya, “I’ve had the pleasure of working with almost all of the cast, staff and executives over the past 25 years. And now I’m thrilled to collaborate with the incredible talents of Lianne (Valentin) and Rabiya (Mateo) for the first time.

“It’s a juicy family drama that will have you on the edge of your seat, guessing whodunit until the very end — think Knives Out (or Widow’s Web) — but with a regal twist.”

(ROHN ROMULO)

JOIN THE “BARBIE” PARTY IN COMEDY’S BRAND NEW TRAILER

Posted on: May 27th, 2023 by @peoplesbalita No Comments

GIANT blowout party? Check. Planned choreography? Check. Watch the new trailer for “Barbie.”

The Greta Gerwig-directed film, starring Margot Robbie and Ryan Gosling, opens in Philippine cinemas July 19.

YouTube: https://youtu.be/X5nmPBArz3U

Facebook: https://www.facebook.com/WarnerBrosPH/videos/1298142451100153/

About “BARBIE”

To live in Barbie Land is to be a perfect being in a perfect place. Unless you have a full-on existential crisis. Or you’re a Ken.

From Oscar-nominated writer/director Greta Gerwig comes “Barbie,” starring Oscar-nominees Margot Robbie and Ryan Gosling as Barbie and Ken, alongside America Ferrera, Kate McKinnon, Michael Cera, Ariana Greenblatt, Issa Rae, Rhea Perlman and Will Ferrell. The film also stars Ana Cruz Kayne, Emma Mackey, Hari Nef, Alexandra Shipp, Kingsley Ben-Adir, Simu Liu, Ncuti Gatwa, Scott Evans, Jamie Demetriou, Connor Swindells, Sharon Rooney, Nicola Coughlin and Oscar-winner Helen Mirren.

Gerwig directed “Barbie” from a screenplay by Gerwig & Oscar nominee Noah Baumbach, based on Barbie by Mattel. The film’s producers are Oscar nominee David Heyman, Robbie, Tom Ackerley and Robbie Brenner, with Michael Sharp, Josey McNamara, Ynon Kreiz, Courtenay Valenti, Toby Emmerich and Cate Adams serving as executive producers.

In Philippine cinemas starting July 19, “Barbie” is distributed by Warner Bros. Pictures, a Warner Bros. Discovery company.

Join the conversation online and use the hashtag #Barbie #BarbieTheMovie

(ROHN ROMULO)

Pinas, handa kay Mawar

Posted on: May 27th, 2023 by @peoplesbalita No Comments

NAKAHANDA ang gobyerno sa posibleng epekto ng Super Typhoon Mawar sa oras na pumasok na ito sa Philippine Area of Responsibility (PAR).

Sinabi ni Pangulong Ferdinand Marcos Jr. na naghahanda ang pamahalaan para sa posibleng epekto ng bagyo sa hilagang bahagi ng bansa at maging sa iba pang lugar.

“Pinaghahandaan din natin ang magiging epekto nito hindi lamang sa hilagang bahagi ng bansa, kundi sa lahat ng lugar na posibleng maapektuhan ng bagyo,” ayon kay Pangulong Marcos.

Sa katunayan, nakipagpulong si Pangulong Marcos kay Defense officer-in-charge Undersecretary Carlito Galvez kung saan tiniyak nito na may nakahanda ng budget at food packs.

Nakahanda na rin aniya response teams at local government units sakali’t tumama na ang bagyo sa kanilang lugar.

“Sa pulong kasama si DND [USec.] Carlito Galvez, siniguro natin na naka pre-position ang pondo at food packs, naka-standby ang response teams, at handa na ang mga LGU sa mga lugar na tatamaan ng bagyo,” aniya pa rin.

Tinuran pa ng Punong Ehekutibo na may posibilidad na may dalang matinding pag-ulan at pagbaha ang bagyong Mawar sa ilang lugar sa bansa kabilang na ang Visayas region.

“May posibilidad na hilahin ng bagyo ang Hanging Habagat na magdadala ng matinding pag-ulan at magreresulta sa pagbaha sa ilang bahagi ng bansa sa Luzon hanggang Visayas,” ang wika ni Pangulong Marcos. (Daris Jose)

Free trade deal, ‘win-win strategy’ para sa Pinas at EU-PBBM

Posted on: May 27th, 2023 by @peoplesbalita No Comments

HUMINGI ng suporta si Pangulong Ferdinand Marcos Jr. sa European Union-ASEAN Business Council (EU-ABC) at European Economic Community (EEC) para sa pagpapatuloy ng negosasyon para sa free trade agreement (FTA) sa pagitan ng Pilipinas at EU.

Ani Pangulong Marcos, ang pagtatatag ng isang bilateral FTA ay “win-win strategy” para sa dalawang partido, sabay sabing “promises to achieve mutually beneficial economic goals while maintaining consistency with the EU’s core ideals of sustainable development and environment protection as well as with the EU’s Indo-Pacific Strategy”.

“Hence, I take this opportunity to call upon our friends from the EU ABC and the ECCP to actively advocate for the resumption of negotiations for this purpose as well as to strive for fair treatment and more beneficial reciprocity,” ayon sa Pangulo sa kanyang talumpati sa isinagawang Joint EU-ASEAN Business Council and European Chamber of Commerce of the Philippines gala dinner sa Makati.

“As credible voices of the European business community in the Philippines and the region, the EU ABC and ECCP can help move this thing forward all the way to a favorable conclusion. And if and when that happens, it could very well be the capstone of all efforts to strengthen PH-EU relations over the course of the next decades,” ang wilka nito.

Matatandaang, sinabi ni Trade Secretary Alfredo Pascual na tinitingnan ng Pilipinas na bumalik sa negotiating table para sa posibleng FTA kasama ang regional bloc.

Ang exploratory FTA talks sa pagitan ng mga partido ay nagsimula noong 2013, habang ang paglulunsad naman ng negosasyon ay inanunsyo noong Disyembre 2015.

Ang unang negosasyon ng FTA ay isinagawa sa Brussels, Belgium noong 2016, sinundan ng second-round negotiations sa Cebu, sa Pilipinas noong 2017.

Samantala, sinabi naman ng Chief Executive na ang Philippine Development Plan (PDP) 2023 to 2028 ay naka-angkla sa “creation of an enabling environment that shall facilitate the attainment of tangible socio-economic goals for our people”.

Tinuran nito na nagpatupad na ang administrasyon ng mga estratehiya na nakahanay dito kabilang na ang adjustments sa sistema ng corporate taxation, at implementasyon ng green lanes.

“This solid enabling environment will pave the way for our compliance with vital international obligations as determined by the EU. This condition of compliance will in turn guarantee our continued participation in the generalized system of preferences plus (GSP+) scheme,” aniya pa rin.

Nakatakda namang mapaso’ ngayong taon ang partisipasyon ng Pilipinas sa GSP+ subalit kumpiyansang sinabi ni Pascual na magdedesisyon pa rin ang European Parliament pabor sa pagre-renew ng status ng bansa. (Daris Jose)