2023 June Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for June, 2023

CHED, gustong i-digitalized ang scholarships, ibang serbisyo

Posted on: June 8th, 2023 by @peoplesbalita No Comments

Waving colorful national Philippine flag

PALALAWAKIN ng Commission on Higher Education (CHED) ang digitalization efforts ng administrasyon para ma-cover ang mas marami pang serbisyo kabilang na ang scholarship.

Ang pahayag na ito ni CHED chairperson Prospero de Vera III ay matapos tintahan ng CHED at Department of Information and Communications Technology (DICT) ang memorandum of understanding (MOU) para sa e-governance para pagsamahin ang information and communication technologies (ICT) sa higher education sector.

Layon ng memorandum na i-promote ang “relevant and quality” higher education sa pamamagitan ng integrasyon ng ICT sa sektor ng edukasyon.

“Ang balak ng CHED ay makipagtulungan sa DICT para iyong mga kailangang dokumento ng mga estudyante at iyong mga serbisyo na ibinibigay natin sa mga estudyante ay puwede nang kunin online,” ayon kay De Vera.

Sa ilalim ng scholarship digitalization plan, tinitingnan ng CHED na makapag-secure ng ilang “landing page” kung saan ang mga estudyante ay madaling magkaka-access sa application information.

“Nandoon lahat ng scholarship ng CHED para mabasa nila iyong impormasyon, ano iyong requirements, ano iyong mga deadline tapos unti-unti gagawin natin iyong application ay online,” aniya pa rin.

Maliban sa scholarship services, idi- digitalize ng CHED ang proseso ng sertipikasyon at pagkuha ng kinakailangang mga records ng bagong graduates para sa pagtatrabaho.

“Kaya’t doon sa mga handa ng mga pamantasan na sumama sa platform gagawa tayo ng signing ceremony din with DICT para sila ay sumama na sa platform at puwede nang aplayan iyong mga transcript at diploma doon,” ayon pa rin kay De Vera.

Samantala, nakiisa naman ang CHED sa opisyal na paglulunsad ng electronic governance Philippines (eGov PH) Super App ng gobyerno noong Hunyo 2. (Daris Jose)

Kinumpirma ng may-ari ng TV5: TVJ at Dabarkads, opisyal na ang paglipat sa Kapatid Network

Posted on: June 8th, 2023 by @peoplesbalita No Comments

OPISYAL na nga ang paglipat nina Tito Sotto, Vic Sotto at Joey de Leon at ng iba pang original hosts ng “Eat Bulaga” sa bago nila tahanan, ang TV5.

Kinumpirma ito ng MediaQuest President and CEO na si Jane Basas kahapon, Miyerkules, June 7 sa pamamagitan ng isang official statement.

Kaya naman nagbunyi at tuwang-tuwa ang mga naghihintay na Dabarkads sa buong mundo sa latest update tungkol sa TVJ. Done deal na nga at nagkapirmahan na magkabilang grupo kaya tuloy na tuloy ang paggawa nila ng content para sa TV sa platforms ng MediaQuest.

Ayon sa naging pahayag ni Ms. Jane Basas, “I’m happy that Tito, Vic, and Joey will now call TV5 their home.

“I’m honored that these pillars of the Philippine entertainment industry have agreed to work with us.

“Our partnership strengthens our ability to continue to deliver the best for Filipino viewers here at home and all over the world.”

Naglabas din mensahe si Tito Sen tungkol sa paglipat ng grupo sa TV5 upang ipagpatuloy ang nasimulan na isang libo’t-isang tuwa para sa sambayanang Pilipino.

“We are thankful to our friends at Mediaquest for this fresh start.

“Dahil sa ating mga Dabarkads na naging Kapatid, tuloy pa rin ang tuwa’t saya na aming dala,” pahayag ni Tito Sen.

Bali-balitang inaayos na ang TV5 studio sa Mandaluyong para sa bagong noontime show ng TVJ na wala pang binibigay na title. Patuloy kasi ipaglalaban nila na magamit pa rin ang titulong “Eat Bulaga.”

Sa ngayon, isa sa pinagpipilian na maging titulo bagong noontime show ang “Dabarkads” dahil nananatiling pag-aari ng TAPE Incorporated ang “Eat Bulaga”.

Hinangaan din ng mga netizen ang ginawang logo sa paglipat ng TVJ at TV5. At ang witty ng post ni Joey sa kanyang twitter account na “Dolly Parton – 9 To 5” kasama ang official video ng song na naka-post sa YouTube.

Usap-usapan din na magtatapos na sa June 30 ang kontrata ng ‘It’s Showtime’ sa TV5, kaya posibleng hindi na sila ma-renew sa same timeslot na hawak nila ngayon dahil uukupahin na ito sa pagpasok ng TVJ.

May tsika rin na puwede namang ilipat ng timeslot ang ‘It’s Showtime’, na pwedeng pre-programming ng ‘Frontline’. Magkaroon din ng pagbabago ang noontime series na iniere ng TV5.

Samantala, narito ang ilan komento ng mga marites:

“Hinintay na namin kayo Dabarkads.”

“Galing ng logo.”

“Buti ang Mediaquest ni MVP ang magpo-produce para tuluy tuloy sa success ng TV5.”

“Can’t wait to see them again on TV! They complete my day!”

“Good for them,kahit papano may established na ring viewers na ang tv5 plus tvj is tvj..so Tuloy ang isang libo’t isang tuwa.”

“Feeling ko cinonsider nila sa decision nila na maganda sa teaser yung tvj/tv5.”

“So excited for TVJ & dabarkads! More power to you guys!”

“May nabasa ako baka daw hindi na irenew ang showtime dahil asa tv5 na ang tvj. Naku. How true kaya?”

“See may plano talaga sila mag-resign that day. two days before may staff na nag file ng early retirement malamang kasama nila jan. Ang bilis naplantsa ng deal ah.”

“Either iligwak ang Face to Face ni K na mas mauna ka pa mainis sa host kaysa guest and ilagay sa pre-noontime ang Showtime para mag back2back with TVJ or yung 4 to 6 pm timeslot ng TV5 ilagay ang Showtime. Apektado siguro dito yung panghapon na series ng ABS and TV5 collab.”

“Sana soon na. Para hindi na stress parents ko. hahaha.”

“As a loyal Kapuso, this just makes me sad.”

“Oh ayan nagsama na ang IS at EB. diba everything talaga is possible!”

“Iba pa din ang reach ng GMA. MAS MALINAW.”

(ROHN ROMULO)

Gibo Teodoro at Dr. Ted Herbosa, nanumpa kay PBBM bilang mga bagong miyembro ng gabinete

Posted on: June 8th, 2023 by @peoplesbalita No Comments

NANUMPA na sa kani- kanilang tungkulin sa harap ni Pangulong Ferdinand R Marcos Jr ngayong umaga sina Gilbert ” Gibo ” Teodoro at Dr Ted Herbosa.

Si Teodoro ay manunungkulan bilang Defense Secretary habang si Herbosa ay magsisilbing Kalihim ng Kagawaran ng Kalusugan.

Kasamang nanumpa ni Teodoro Ang kanyang kabiyak na si Monica Prieto – Teodoro habang sinamahan din ng kanyang asawa at anak ang bagong Health Secretary na si Dr Ted Herbosa sa kanyang ginawang panunumpa.

Si Teodoro ay naging kinatawan sa loob ng tatlong termino sa First District ng Tarlac at dati na ring naging Secretary of Defense sa ilalim ng administrasyon ni dating Pangulong Gloria Macapagal-Arroyo noong siya’y 43 taong gulang pa lamang.

Habang si Herbosa naman ay naging Undersecretary na rin ng DOH mula 2010 hanggang 2015 at nagsilbi bilang Special Adviser ng National Task Force Against Covid-19 o IATF. (Daris Jose)

FINAL TRAILER FOR INSIDIOUS: THE RED DOOR GETS UNLOCKED

Posted on: June 8th, 2023 by @peoplesbalita No Comments

THE original cast returns for Insidious: The Red Door, the final chapter of the blockbuster horror franchise, exclusively in cinemas July 5.

Youtube: https://youtu.be/3NOce4Ky6PQ

About Insidious: The Red Door

In Insidious: The Red Door, the horror franchise’s original cast returns for the final chapter of the Lambert family’s terrifying saga. To put their demons to rest once and for all, Josh (Patrick Wilson) and a college-aged Dalton (Ty Simpkins) must go deeper into The Further than ever before, facing their family’s dark past and a host of new and more horrifying terrors that lurk behind the red door.

The original cast from Insidious is back with Patrick Wilson (also making his directorial debut), Ty Simpkins, Rose Byrne and Andrew Astor. Also starring Sinclair Daniel and Hiam Abbass. Produced by Jason Blum, Oren Peli, James Wan and Leigh Whannell. The screenplay is written by Scott Teems from a story by Leigh Whannell, based on characters created by Leigh Whannell.

Opening in Philippine cinemas July 5, Insidious: The Red Door is distributed by Columbia Pictures, local office of Sony Pictures Releasing International.

Connect with the hashtag #InsidiousMovie

(ROHN ROMULO)

DepEd, planong ipapatupad ang K-10 curriculum sa 2024

Posted on: June 8th, 2023 by @peoplesbalita No Comments

TARGET ng DepEd na ilunsad ang bagong curriculum para sa Kinder hanggang Grade 10 (K to 10) sa school year 2024-2025.

Sinabi ng tagapagsalita ng DepEd na si Michael Poa na ang ahensya ay nagtitipon ng feedback ng publiko sa draft ng K to 10 curriculum.

Aniya, nais ng nasabing departamento na makuha ang komento ng publiko ukol sa nasabing usapin upang malaman nila at pag-aralan kung ano pa ang mga kinakailangan sa pagpapatupad nito.

Kaugnay niyan, ang pagsusuri ng curriculum ng Senior High School ay nasa yugto na ng konsultasyon.

Sinabi ni Poa na susundan ito ng review proper, revision, at paglalabas ng draft curriculum “for transparency.”

Isinasapinal na rin ng DepEd ang school calendar para sa susunod na SY 2023-2024.

Gobyerno, isasapribado ang P2.5-B halaga ng assets ngayong taon

Posted on: June 8th, 2023 by @peoplesbalita No Comments

TARGET ng Privatization and Management Office (PMO) ng Department of Finance (DoF) na ibenta ang 143 property na nagkakahalaga ng P2.5 billion para sa natitirang bahagi ng taon.

“The aggressive disposition of nonperforming assets will provide much-needed revenues for priority projects. It will also clear the National Government’s books of stagnant assets,” ayon kay Finance Secretary Benjamin E. Diokno.

Noong nakaraang linggo, inaprubahan ng pamahalaan ang pagbebenta ng anim na property na nagkakahalaga ng P152.8 million, na ibi-bid out ng PMO. Kabilang na rito ang P25 milyong halaga ng property na pag-aari ng Al-Amanah Islamic Investment Bank of the Philippines sa Davao City at dalawang lote na nagkakahalaga rin ng P25.34 bilyong piso sa Davao City na pag-aari rin ng bangko.

Kasama rin ang P1.92-million property na pag-aari ng Central Bank Board of Liquidators sa Pasay City; at dalawang lote sa Visayas na pag-aari ng Technology Resource Center na nagkakahalaga ng P50.4 million at P50.2 million.

Sa first quarter, inaprubahan ng PMO ang disposisyon ng 31 property na nagkakahalaga ng P912.17 million “via public auction.” Plano nito na ibenta ang 19 property na nagkakahalaga ng P799.05 million sa second quarter.

“The government is also targeting to sell 36 properties worth P397.73 million by the third quarter and 57 properties worth P431.4 million in the fourth quarter,” ayon kay Diokno.

“The PMO is also targeting to dispose of the government’s 3.46% stake in NLEX Corp. by the third quarter, although this is still subject to third-party valuation. This plan is expected to be endorsed to the Privatization Council within the month,” ayon pa rin kay Diokno.

Samantala, winika ni Diokno na inaprubahan ng gobyerno ang “final sale” ng P800 milyong halaga ng assets sa second half ng 2022.

“I’d like to share that within the first six months of the administration, the Privatization Council approved the final sale of P800 million from the approved P1.9 billion worth of assets for disposition,” aniya pa rin. (Daris Jose)

Isinuko na ang lahat sa Diyos: GARDO, inakalang lilisanin na ang mundo nang ma-stroke

Posted on: June 7th, 2023 by @peoplesbalita No Comments

SINABI ni Gardo Versoza na inakala niyang lilisanin na niya ang mundo nang atakihin siya sa puso noong Marso.

Binalikan ng aktor ang naturang karanasan kung saan nalaman ng mga duktor na barado ang kaniyang dalawang ugat na konektado sa puso.

“Umabot ako dun sa point na parang about to leave this world,” sabi ni Gardo tungkol sa naranasang pagsailalim niya sa angioplasty para alisin ang bara sa mga ugat.

Ayon kay Gardo, nang mga sandaling iyon, isinuko na raw niya ang lahat sa Diyos.

“Ganun pala ‘yung feeling na parang akala ko before nakakanerbyos,” saad niya. “Pero come to think of it, parang bibigay mo na lahat kay Lord eh.

“‘Yung nga ‘yung pinagdasal ko na, ‘If ever man na this is my time, Kayo na pong bahala dun sa mag-ina,” patungkol ng aktor sa asawa niyang si Ivy Vicencio at anak kanilang nag-iisang anak.

Ayon kay Gardo, hindi niya alam na mayroon siyang problema sa puso dahil active ang kaniyang lifestyle at maingat din sa kaniyang mga kinakain.

Gayunman, hindi raw siya regular na sumasailalim sa medical checkup na isa sa mga aral na natutunan niya.

“Feeling ko parang in a way baka rin ginamit akong instrumento ng Panginoon na kumbaga mai-share sa iba na ‘wag n’yong balewalain kasi hindi biro ‘yun,” ayon kay Gardo.

***

PINILAHAN ng kanilang fans ang lead cast ng bagong kilig series ng GMA na ‘Love At First Read’ sa ginanap na Philippine Book Festival nitong Sabado, June 3.

Ang Sparkle sweethearts at lead stars ng nasabing series na sina Mavy Legaspi at Kyline Alcantara ang nanguna sa pagpapasaya ng kanilang fans at book enthusiasts sa nasabing event.

Kasama ng MavLine ang kapwa Sparkle stars na sina Therese Malvar, Mariel Pamintuan, Bruce Roeland, Larkin Castor, Josh Ford, at Gueco twins na sina Gabby at Kiel Gueco.

Ang ‘Love At First Read’ ay ang second installment ng Luv Is series, na TV adaptation ng hit Wattpad novel na may parehong titulo. Ito rin ay ang collaboration project ng GMA Network at ng Wattpad Webtoon Studios.

Sinagot din ng cast ang ilang katanungan ng kanilang fans tungkol sa kanilang mga karakter sa nasabing series.

Maraming fans ang pumila upang makakuha ng autograph mula sa kanilang mga iniidolong Sparkle stars.

Sa nasabing event, ipinalabas ang ilan sa mga teasers ng Love At First Read. Abangan ang world premiere ng Love At First Read ngayong darating na June 12 sa GMA.

***

MAGPE-PERFORM sa San Diego Pride Festival si Jake Zyrus kasama ang American Idol season 7 runner-up na si David Archuleta.

Magaganap ang two-day pride event on July 15 and 16 sa Balboa Park at kasama rin ang mga musical artists na sina Princess Nokia, Saucy Santana, Pussy Riot, Moore Kismet, Whatever Mike, The Illustrious Blacks, Jimbo, Darienne Lake, Naysha Lopez, and many more.

Nag-out si Jake (formerly Charice Pempengco) noong 2017 at simula noon ay ginamit na niya ang kanyang platform para sa mental health awareness sa LGBTQIA+ community.

Nag-out naman si David noong 2021 at naging advocacy na niya ang magkaroon ng respect at safe space para LGBTQIA+ community kunsaan puwede nilang i-share ang kanilang mga kuwento na walang maranasan na abuse at injustice.

(RUEL J. MENDOZA)

CATCH SNEAK PREVIEWS OF “THE FLASH” NATIONWIDE JUNE 13 BEFORE ITS WIDE RELEASE

Posted on: June 7th, 2023 by @peoplesbalita No Comments

MANILA, June 5, 2023 – It’s barely a week before “The Flash” opens in cinemas! Want to watch it ahead of everyone else? Catch a sneak preview in select cinemas nationwide on the evening of June 13, one day before the film opens wide across the Philippines. Hurry and book your tickets!

If you need more convincing, here are five top reasons why The Flash movie is a must-see.

Watch the final trailer: https://www.youtube.com/watch?v=kfpai9SpkY4

Electrifying action

There’s plenty of action happening at breakneck speed in “The Flash.” With two speedsters running around to save the world, we can’t expect anything less. Add to that more than one Batman, one very awesome Supergirl, and an alien baddie with lots of evil lackeys intent on annihilating our world – from start to finish, there’s never a dull moment.

Trippy time travel

When Barry uses his superpowers to travel back in time to save his mom, he inadvertently alters the future and turns it into one where the villainous General Zod has returned threatening Earth’s annihilation, and there are practically no superheroes to turn to. Barry must then rely on his younger self (“This is mad trippy…” says college-age Barry after seeing future Barry) and a retired Batman to help him make things right.

Classic Batman

“It’s like bringing back a classic,” says “The Flash” director Andy Muschietti of bringing back Michael Keaton as Batman. Keaton played the first Batman in Warner Bros. Batman film franchise, in the two films directed by Tim Burton, in 1989 and 1992. Fans are very excited to see Keaton as the superhero again, but they’re not the only ones hit with nostalgia. “The first time Michael Keaton came to see the Batcave, he was so shocked that he actually filmed it to send to Tim Burton,” shares producer Barbara Muschietti.

Watch “THE FLASH: Batman Returns, Again! Featurette”: https://youtu.be/ywueGN9UL-w

The humor

Funny lines, comical meet-cutes, easy chemistry between the cast – this movie will make you laugh… and laugh some more.

Heart… lots of it

But despite all the funny moments, “The Flash” has a very deep emotional core. Take it from best-selling author Stephen King, who Tweeted this reaction after an early screening of the film: “As a rule I don’t care a lot for superhero movies, but this one is special. It’s heartfelt, funny, and eye-popping. I loved it.”

The ticketing site for “The Flash” is already live at https://www.theflashmovie.com.ph/. Don’t forget to calendar your “The Flash” movie date!

Warner Bros. Pictures presents a Double Dream/a Disco Factory production of an Andy Muschietti film, “The Flash.” It will be distributed worldwide by Warner Bros. Pictures and is set to open in theaters across the Philippines beginning June 14, 2023. Sneak previews are available on June 13.

Join the conversation online and use the hashtag #TheFlashMovie

(ROHN ROMULO)

Maharlika Fund, magiging fully operational bago magtapos ang 2023

Posted on: June 7th, 2023 by @peoplesbalita No Comments

INAASAHAN na magiging “fully operational” ang Maharlika Investment Fund (MIF), “very first sovereign wealth fund” ng Pilipinas bago matapos ang taon.

Kumpiyansang ipinahayag ni Finance Secretary Benjamin Diokno na ang Maharlika Fund bill, matapos na aprubahan ng Kongreso noong nakaraang linggo, in-adopt ang bersyon ng Senado sa bicameral conference committee meeting, ay nakatakdang tintahan ni Pangulong Ferdinand Marcos Jr. bago niya ihayag ang kanyang pangalawang State of the Nation Address (SONA) sa Hulyo 24.

Ang panukalang batas na ito ay nakatakdang “i-enroll at i-transmit para sa approval at lagda ng Chief Executive.

“Once enacted into law, We’re expected to prepare the IRR [implementing rules and regulations]. We’re expected to look for people to man the MIC [Maharlika Investment Corporation],” ayon kay Diokno.

Ang MIC, isang government-owned company, ang mangangasiwa ng sovereign wealth fund, MIF—”a pool of funds sourced from state-run financial institutions that will be invested in high-impact projects, real estate, as well as in financial instruments.”

“That’s the direction and I see this to be fully operational before the end of the year,” ani Diokno.

Nakasaad sa MIF bill na ang Maharlika Fund ay nilikha gamit ang “P50 billion mula sa the Land Bank of the Philippines (LBP), P25 billion mula sa Development Bank of the Philippines (DBP) at P50 billion mula sa National Government.

Ang kontribusyon mula sa national government ay manggagaling mula sa “Bangko Sentral ng Pilipinas’ total declared dividends, National government’s share of the income of PAGCOR, Properties, real and personal identified by the DOF-Privatization and Management Office at Other sources such as royalties and/or special assessments.”

Sinabi pa ni Diokno na ang MIF ay mayroong initial capitalization na P75 billion sa pagtatapos ng taon, manggagaling sa Landbank at DBP.

Winika pa ni Diokno na ang MIF bill ay nagbibigay ng “necessary safeguards” para panatilihin ang “transparency, accountability, fund integrity, at robust risk management.”

“We believe that the version crafted by our legislators will create a Fund that can accelerate investments in high-impact infrastructure and development projects,” ayon kay Diokno.

Samantala, kabilang naman sa mga pangunahing amyenda na ipinakilala sa panukalang batas ay “absolute prohibition of the use of funds from the Government Service Insurance System (GSIS), the Social Security System (SSS), the Philippine Health Insurance (PhilHealth) Corporation, Pag-IBIG, the Overseas Workers Welfare Administration (OWWA), and the Philippines Veterans Affairs Office (PVAO) in the capitalization and investments in the Maharlika Fund.” (Daris Jose)

Phivolcs, nagbabala sa patuloy na pagbuga ng gas ng Taal

Posted on: June 7th, 2023 by @peoplesbalita No Comments

BINALAAN ng Philippine Institute of Volcanology and Seismology (Phivolcs) ang publiko hinggil sa patuloy na ‘degassing activity’ o pagbuga ng gas mula sa Bulkang Taal.

Sa Taal Volcano advisory ng Phivolcs nitong Linggo, nagkaroon nang pagbuga ng gas mula sa Taal, na sinabayan ng pagluwa sa lawa ng Main Crater na lumikha ng makapal na usok na umabot hanggang 3,000 metro mula sa Taal Volcano Island (TVI). Ito anila ay lumikha ng volcanic smog o vog sa kapaligiran ng bulkan.

“Naiulat ang vog kaninang umaga (Linggo) ng mga mamamayan ng Munisipyo ng Balete, Laurel at Agoncillo, Batangas. Nagbuga ang Taal Main Crater ng 5,831 tonelada kada araw na volcanic sulfur dioxide o SO2 gas noong 1 Hunyo 2023, mas mataas sa average na 3,556 tonelada kada araw nitong nakalipas na buwan,” dagdag pa ng Phivolcs.

Kaugnay nito, pinaalalahanan naman ng Phivolcs ang publiko na ang vog ay binubuo ng mga pinong droplet na naglalaman ng volcanic gas tulad ng SO2 na acidic at maaaring magdulot ng pangangati ng mata, lalamunan at respiratory tract na may kalubhaan depende sa mga konsentrasyon ng gas at tagal ng pagkakalantad.

Ang mga komunidad na maaaring maapektuhan ng vog ay pinapayuhang limitahan ang mga aktibidad sa labas at sa halip ay manatili na lamang sa bahay.

Mas makabubuti anila kung puprotektahan ang kanilang sarili sa pamamagitan ng pagsuot ng N95 facemask.

Payo pa ng Phivolcs, uminom ng maraming tubig upang mabawasan ang anumang pangangati o paninikip ng lalamunan.

Dagdag pa nito, kung magkaroon ng paglala o matinding pagbabago sa mga monitoring parameters, maaaring itaas muli ang antas ng alerto sa Alert Level 2.

Babala pa ng Phivolcs, sa kasalukuyang Alert Level 1, maaaring maganap ang biglaang pagputok ng steam o phreatic explosions, volcanic earthquakes, manipis na ashfall at pag-ipon o pagbuga ng mga nakalalasong gas sa kapaligiran ng TVI. (Ara Romero)