2023 June Archive - People's Balita

July 5, 2024
Search in People's Balita
Ang Diyaryong Pinagkakatiwalaan

Archive for June, 2023

Quezon City LGU, GSIS kapit-bisig sa pabahay program

Posted on: June 6th, 2023 by @peoplesbalita No Comments

NAKIPAGSUNDO ang Government Service Insurance System (GSIS) sa Quezon City government para sa opisyal na paglulunsad ng kanilang ‘Pabahay sa Bagong Bayani na Manggagawa (PBBM)’ program ng pamahalaan.

Sa ilalim nito, ang GSIS ay magtatayo ng medium rise buildings (MRB) sa kanilang mga lote sa Barangay Fairview para sa pinaka- nangangailangang GSIS members.

Titiyakin naman ng Quezon City Government at pamunuan ng Barangay Fairview na mabibigyan ng in-city relocation ang mga maaapektuhang pamilya.

Ang Memorandum of Agreement (MOA) signing ay bahagi ng selebrasyon ng ika-86 anibersaryo ng pagkakatatag ng GSIS, na pinaunlakan ni President Ferdinand ‘Bongbong’ Marcos Jr.

Lumagda sa MOA sina GSIS President at General Manager Jose Arnulfo ‘Wick’ Veloso, Vice Mayor Gian Sotto, Chief of Staff Rowena Macatao, at Barangay Fairview Chairperson Jonel Quebal na sinaksihan ng Housing Community Development and Resettlement Department (HCDRD) Head Ramon Asprer at HCDRD Acting Assistant Head Atty. Jojo Conejero.

Naging open noon sa maraming insecurities: KELVIN, nako-control at stable na ang mental health

Posted on: June 6th, 2023 by @peoplesbalita No Comments

PINAKA-BUSY na Kapuso actor ngayon si Kelvin Miranda dahil tatlong pelikula ang natapos niyang gawin at isa roon ay ang romance film with Miles Ocampo and Chie Filomeno titled ‘Missed Connections’ na available na for streaming on Netflix.

Marami raw natutunan ang aktor sa kanyang role at sana ay may mapulot din ang mga manonood ng kanilang pelikula.

Naging maganda rin ang experience ni Kelvin sa pakikipagtrabaho kay Miles Ocampo at humanga siya sa natural na pag-arte nito.

“Very natural ‘yung delivery ng mga lines ni Miles. Masaya akong naka-work siya kasi sobrang natural niya umarte and kuwela. Magaan siyang katrabaho kasi hindi siya madamot e. Kung mayroon siyang maibibigay, ibibigay niya ‘yun sa ‘yo,” pahayag pa ni Kelvin.

Naging open noon si Kelvin sa pagkakaroon niya maraming insecurities noong pasukin niya ang showbiz. Nauwi raw ang mga insecurities na iyon sa pagkakaroon ng depression at anxiety.

“Feeling ko napaaga ‘yung pag-experience ko ng midlife crisis. Naguguluhan ako sa mga nangyayari sa buhay ko, sa mga nangyayari sa sarili ko.

“Feeling ko nahuhuli na ako sa lahat ng bagay na kailangan ko magawa at mga pangarap ko. Kahit na kasalanan na ma-insecure, darating pa rin na makikita at kahaharapin natin siya.

Ngayon daw ay nako-control na raw ng aktor ang kanyang mga nararamdaman. Stable daw ngayon ang kanyang mental health dahil binubuhos niya ang lahat ng kanyang energy sa trabaho. Napapalitan daw iyon ng happiness dahil sunud-sunod na blessings sa career niya.

“Wala na tayong time para isipin kung ano pa ang mali at ayaw mo sa sarili. Dahil sa marami tayong trabaho ngayon, masaya ako, masaya ang pag-iisip at puso ko. I feel blessed kasi nandiyan ang mga taong parating nasa tabi ko at inaalagaan tayo.”

Ang dalawang pelikula pang natapos ni Kelvin ay ang ‘After All’ with Beauty Gonzalez at ‘Poon’ with Angel Guardian. Kabilang din si Kelvin sa cast ng action-comedy series na ‘Walang Matigas na Pulis sa Matinik na Misis’, na pagbibidahan nina Senator Ramon “Bong” Revilla Jr., Beauty Gonzalez, at Max Collins.

(RUEL J. MENDOZA)

DOTr naghahanap ng consultant na gagawa ng Davao bus transit system

Posted on: June 6th, 2023 by @peoplesbalita No Comments

NAGHAHANAP ng consultant ang Department of Transportation (DOTr) na gagawa ng kauna-unahang integrated city-wide bus service na itatayo sa Davao City.

Sa isang request ng expression ng interest mula sa DOTr, hinihingan ang mga consultancy firms na mag submit ng kanilang qualifications upang silang mangasiwa sa Davao Public Transport Modernization Project (DPTMP).

Ang kukunin na consultant ay siyang mamamahala sa contract, supervision ng design at construction ng nasabing proyekto at pag monitor ng progress nito. Bibigyan ng DOTr ang consultant ng tatlong (3) taon: 22 buwan sa pag implement ng contracts; 12 na buwan para sa identifying faults; at 2 na buwan upang magkaron ng closure ang proyekto.

Magkakaroon ang DOTr ng mga shortlisted na consultants mula sa mga nag submit ng expression ng interest. Pagkatapos, ang ahensya ay gagawa ng isang competitive bidding para sa kontrata kasunod ang procurement rules na ibibigay ng Asian Development Bank na siyang financier ng DPTMP.

“The DPTMP seeks to set up the country’s first city-wide-bus based public transport that features performance-based employment and uses an integrated fare collection system. It will introduce a traffic management system in Davao City prioritizing bus services along a core network of around 110 kilometers. The core network of the project will form part of an integrated route with feeder lines stretching an additional 400 kilometers, with associated passenger terminal and bus terminal facilities,” wika ng DOTr.

Sa ilalim ng DPTMP, ang DOTr ay sisimulan ang high-priority bus system based sa four-tier structure. Ang unang tier, Metro Davao, ay idudugtong sa mga commercial centers sa palibot ng Davao City kung saan ilalagay ang backbone service na babagay sa mobility demands.

Ang ikalawang tier ay ang Davao Inter na siyang magsisilbing tulay sa inner areas ng lungsod papuntang central business district. Samantalang, ang ikatlong tier ay ang Davao Feeder na siyang magsisilbing link sa mga pasahero mula sa small-scale na bayan papuntang Metro Davao habang ang ika-apat na tier ay ang Davao Local na siyang magsisilbing main transport para sa mga outer areas sa paligid ng lungsod.

Nag-request ang pamahalaan ng $1.3 billion mula sa ADB upang gawin ang proyekto kung saan ang $800 million ay siyang gagawing pangunahing funding habang ang halagang $503 million ay siyang magiging secondary capital.

Ngayon 2023, ang ADB ay naglaan ng loans na nagkakahalaga ng $4 billion para sa Philippines kasama ang $1 billion para sa DPTMP. LASACMAR

Walang Pinoy casualty sa deadly triple-train crash sa India – envoy

Posted on: June 6th, 2023 by @peoplesbalita No Comments

WALANG mga Filipino ang kabilang sa nasawi o nasugatan sa nangyaring deadly triple-train collission malapit sa Balasore silangang estado ng Odisha.

Ito ang inihayag ng Embassy of the Philippines sa New Dehli, India.

Batay sa ulat ng mga otoridad halos nasa 300 na ang nasawi habang nasa 900 ang sugatan at kasalukuyang ginagamot sa ibat ibang hospital.

Sa pakikipag-ugnayan ng Bombo Radyo kay Philippine envoy to India Mr. Josel Ignacio,sinabi nito na wala silang natanggap na ulat na may mga Pinoy ang nasangkot sa nangyaring insidente.

Sa panig naman ni Mr. John Boitte C. Santos, Chargé d’ Affaires ng Philippine Embassy sa India, kaniyang sinabi na nakikipag-ugnayan sila sa Philippine Honorary Consulate sa Kolkata na siyang may jurisdiction sa Odisha at sinabing walang Filipino ang nasangkot sa nasabing aksidente. (Daris Jose)

May bagong serye at show na iho-host: ALDEN, makatatambal ang isa pang JULIA sa movie sana nila ni BEA

Posted on: June 6th, 2023 by @peoplesbalita No Comments

NAPANSIN ng netizens, ang pagsama nina Jose Manalo, Paulo Ballesteros, Wally Bayola, Allan K, Ryan Agoncillo at Maine Mendoza sa pagpapaalam nina Tito Sen, Vic Sotto at Joey de Leon sa “Eat Bulaga.”

Nag-paid tribute naman si Alden Richards, na isa rin sa host ng noontime show, sa pamamagitan ng Facebook caption niya ng “Loyalty. #Dabarkads Ako, Hanggang Dulo,” na may photo siya na nakaluhod sa harap ng logo ng EB.

Balitang may offer sa TVJ ang tatlong netwoks, ang Net25, Cignal One Ph at TV5 para lumipat sila at doon mag-show.

Wala pang malinaw na usapan kung saan sila lilipat at kung sino ang magiging producer nila.

Pero ang tanong ng mga netizen, makakasama ba si Alden sa kanila, na isang contract star ng GMA Network?

Isa pa, ngayon ay puno ang schedule ni Alden sa GMA-7 dahil siya ang magho-host ng “Battle of the Judges” singing competition, with Atty. Annette Gozon-Valdez, Jose Manalo, Boy Abunda and Bea Alonzo as the Judges.

May isa ring drama series na gagawin si Alden, bukod pa sa announcement na ng Viva Films na tuloy pa rin ang shooting ng Korean adaptation ng “A Special Moment,” na pagtatambalan nina Alden at Julia Barretto na siyang papalit sa original cast na si Bea.

It will be produced by Viva Films, GMA Pictures, and APT Entertainment.

***

PROUD mom si Lian Paz, sa academic achievements ng kanyang mga anak na sina Xonia at Xalene, sa dating husband niyang si Paolo Contis.

Sa Instagram ay ibinahagi ni Lian ang elementary graduation ni Xalene at recognition ceremony naman ni Xonia, ang panganay niya na nng-top 1 at incoming second year high school na.

Si Xalene naman ang bunso, ay nagtapos ng elementary with honors. IG post ni Lian ang photo nilang mag-iina, kasama ang fiancé niyang si John Cabahug.

Tanong lamang kay Paolo, natupad na kaya niya ang sinabi niya noon na may pinag-iipunan siya para sa dalawa niyang anak kay Lian?

At totoo kayang nag-request na sina Xonia at Xalene kay Lian na tanggalin na ang surname na “Contis” na gamit nila?

***

NAG-GUEST si Romnick Sarmenta sa “Fast Talk with Boy Abunda” at doon, naibahagi niya na isa siya ngayong college lecturer.

Si Romnick, ay 51 years old na ngayon at nagtuturo sa Trinity University of Asia, kung saan siya naimbitahang maging lecturer sa Media and Communication Department ng College of Arts, Sciences and Education.

“What’s funny is that most of my students say ‘Sir, pwede ba akong magpa-selfie kasi crush ka ng nanay ko’.

“So, mas feeling ko na safe ako dahil yung nanay nila ang may crush sa akin,” biro ni Romnick, na isang sikat na matinee idol at ka-love team niya noon si Sheryl Cruz.

Napapanood ngayon si Romnick sa “Unbreak My Heart” kasama sina Jodi Sta. Maria, Richard Yap, Gabbi Garcia at Joshua Garcia.

Siya si Mario, ang tatay ni Joshua na gumaganap namang si Renz. Napapanood ang “Unbreak My Heart” Mondays to Thursdays, 9:35PM sa GMA-7.

(NORA V. CALDERON)

Abot-abot ang pamba-bash na inabot: PAOLO, BUBOY at BETONG, nanguna sa mga bagong host ng ‘Eat Bulaga’

Posted on: June 6th, 2023 by @peoplesbalita No Comments

ABOT-ABOT ang pamba-bash na inaabot ng mga bagong host ng Eat Bulaga.

Nagsimula na ngang mapanood ng live ang Eat Bulaga na ang mga host na ay sina Paolo Contis, Buboy Villar, Legaspi Twins na sina Mavy at Cassy, Betong Sumaya at ang balitang girlfriend ni Sandro Marcos na si Alexa Miro.

Expected naman na kahit sino pa ang ilagay na host sa Eat Bulaga, tiyak na iba-bash. Meron pang anak ng dating host ang nag-tweet na delicadeza at respeto naman daw patungkol sa mga bagong host.

Napaisip kami do’n kasi, ibig sabihin ba, wala na silang delicadeza at respeto dahil bilang mga artists, tumugon sila sa trabaho for a noontime show? Nabakante ang slot, dapat ba hayaan na lang? Hindi ba pwedeng isipin na nagta-trabaho lang din ang mga ito, same goes sa TVJ at ibang mga host ng Eat Bulaga dati?

Given na marami ang nalungkot, marami ang nanghihinayang at nami-miss ang original Dabarkads, pero, choice rin nila na umalis. Kaya lahat tayo ay nag-aabang ngayon sa magiging bagong pasabog nila.

Tingin namin, hindi deserve ng mga bagong host ng Eat Bulaga ngayon na tinap ng TAPE, Inc. na ipagbabash. Yung sa konsepto ng show, yung kalidad ng show ngayon, yun pwede pa… kasi talagang sa puntong ‘yan, dapat ma-prove na may maihahain silang bago sa mga manonood.

But again, unang araw pa lang nilang nag-live. Tingnan natin kung mag-iimprove at ‘yung mga komentong parang All Out Sundays lang, e, may maging pagbabago nga.

***

IBA ‘yung aura ni Gerald Anderson ngayon nang makausap namin siya sa Youtube show na Marites University.

Makikita mong relax lang at masaya. Napaka-open din niya na pag-usapan ang girlfriend na si Julia Barretto. Nang tanungin namin ito kung nakikita na niya ang sarili na posibleng si Julia na nga, bukod sa may bali-balita pa na talagang papunta na sila sa kasalan, hindi itinanggi ni Gerald nakikita na niya ito sa girlfriend.

Pero siya raw kasi ‘yung kung ano ang meron sa ngayon, ine-enjoy nila at ayaw nilang pinangungunahan ang mga bagay-bagay.

At ayon kay Gerald, “I think, ang maganda rin sa amin ni Julia, sa relationship namin, we have this—well, hindi ko naman masasabing parang may sarili kaming mundo, but we have something na sa aming dalawa, kumbaga, nagkakaintindihan kami.”

Excited din si Gerald pagdating sa mga projects niya. Excited at looking forward na raw siya na maka-trabaho si Anne Curtis at ang grupo ng BuyBust ni Direk Erik Matti.

Magiging series na ito mula sa movie version at kasama nga si Gerald dito. Ayaw na muna raw niyang masyadong i-reveal ‘yung character na gagampanan niya pero sey niya, “Exciting siya and isa ito sa nilu-look forward ko ngayon. Actually, binabasa ko pa lang din ang script, pero ang ganda.”

(ROSE GARCIA)

‘Di magbabago ang relasyon sa TAPE at sa Dabarkads: GMA Network, nilinaw na hindi kontrolado ang nangyari sa ‘Eat Bulaga!’

Posted on: June 6th, 2023 by @peoplesbalita No Comments

NILINAW ni GMA Senior Vice President Annette Gozon-Valdes na hindi kontrolado ng GMA Network ang mga nangyari sa “Eat Bulaga,” na nauwi sa pag-resign nina Tito Sotto, Vic Sotto, at Joey De Leon, at iba pang hosts sa TAPE Inc.

Ikinalungkot nga raw ng Kapuso network ang mga biglang naganap sa longest-running noontime show on Philippine Television.

“Kung may say control lang tayo, may say lang tayo sa mangyayari, siyempre hindi natin sila papakawalan. ‘Yun ang term nila. Pipigilan natin sila.

“Susubukan natin gawin ang lahat para mag-stay sila sa atin kaya lang sa totoo hands off ang GMA diyan kasi it was an internal issue between TVJ and TAPE, Inc.,” sey ni Gozon-Valdes.

Dagdag pa niya: “So, wala naman talaga kaming alam about those issues. Nalaman lang namin ang issues kapag lumalabas sa social media, sa newspaper o sa interviews so it wasn’t right for us na makialam.”

At this point ay walang kinakampihan ang GMA: “From the start, wala talagang kinampihan ang GMA dito. Katulad nga ng sinabi ko it was their internal issues, it was a corporate issue”.

Tungkol sa usapin ng kontrata ng TAPE Inc. sa GMA, paliwanag ni Gozon-Valdes:

“Para siguro mas maintindihan ng mga tao ang contract kasi ng GMA is with TAPE. Wala kaming contract with TVJ as talents of or as kasama ng TAPE. Ang contract na ito ay isang blocktime agreement.

“Ang ibig sabihin nun umuupa sila ng time slot sa atin sa GMA. Binabayaran nila tayo ng upa at para sila yung laman ng noontime slot from Monday to Saturday. Kung ano ang laman nun, wala tayong kinalaman dun.

“In fact, nasa contract nila that they can change hosts, they can reformat and this contract was negotiated by Mr. Antonio Tuviera pa ang nag-negotiate nung time na ‘yun.

“We have to honor the contract as long as there is no breach of its provisions. Kasi you know iba ang contract, eh it has legal consequences.

Sinabi ni Gozon-Valdes, na hindi magbabago ang relasyon ng GMA sa TAPE, Inc. at maging sa TVJ at iba pang hosts ng Eat Bulaga.

“I fervently believe that it won’t change because iba naman ‘yung GMA and iba naman ‘yung TAPE. Labas ang GMA sa issues nila with TAPE,” diin ni Gozon-Valdes.

Hinihintay ng GMA ang pagbabalik ng noontime show. Ang TAPE umano ang magpo-produce ng show sa nasabing timeslot.

Nakahanda naman daw ang Sparkle—ang talent management arm ng GMA—na magamit ang mga talent sa show.

“Kung wala namang conflict and pumapayag yung talents why not ‘di ba? Its really a separate business kung mabibigyan naman ng trabaho yung talents namin why not and we’ve been doing this even before magka falling out years and years back.

“Tulad ni Alden galing siya sa Sparkle. Tulad ni Bianca and Ruru talagang we provide talents,” sey ni Gozon-Valdes.

(RUEL J. MENDOZA)

Kakaibang satisfaction ang naibibigay sa kanya: DINGDONG, malapit na sa puso ang hosting bukod sa acting

Posted on: June 6th, 2023 by @peoplesbalita No Comments

UMIYAK ang baguhang Sparkle actress na si Angel Leighton sa media conference ng upcoming action-comedy series na Walang Matigas na Pulis sa Matinik na Misis.

Umiyak dahil sa tuwa si Angel dahil nakamit niya ang kanyang dream role na mapabilang sa isang action series.“Sobrang grateful ko. Dream role ko ‘to, yung action.

“I’m so thankful kay God kasi binigay niya sa akin ‘to and ang mga kasama ko pa sila Senator Bong tapos mga action star before, sila Sir Jeric, and all of the cast. Sobrang thankful lang talaga ako.”

Nasa cast ng Walang Matigas Na Pulis Sa Matinik Na Misis sina Senator ‘Bong’ Revilla, Jr. Beauty Gonzalez, Max Collins, Jeric Raval, at Ms. Carmi Martin, among others.

Nagpasalamat rin si Angel sa lahat ng nagtiwala sa kanya sa pagbibigay buhay sa role na gagampanan niya sa serye.

“Sobrang saya kasama si Senator Bong sa set, as in puro tawanan lang. Sobrang saya, sobrang gaan, sobrang exciting talaga.

“Kay Ate Beauty, gusto ko rin magpasalamat kasi sobrang bait niya talaga.

“Kay Ate Max naman, sobrang bait talaga niya, as in. And si Ate Maey, sobrang makulit talaga ‘to, sobrang galing umarte.”

Kuwento pa ni Angel, tinutulungan at ginagabayan din siya ng mga batikang stars kung paano i-deliver ang kanyang mga linya.

Mapapanood ang ‘Walang Matigas Na Pulis Sa Matinik Na Misis’ tuwing Linggo, 7:50 ng gabi, sa GMA.

***

MAHUSAY na artista, pero ayon kay Dingdong Dantes na bagamat una siyang nakilala sa showbiz bilang aktor, nagugustuhan na rin niya ang pagiging host, lalo na sa hit game show niyang ‘Family Feud’.

“Siyempre, noong umpisa acting ang gusto ko.

“Yung hosting, para sa akin, performance din yun. Napamahal din ako sa hosting ng Family Feud. More than one year ko siyang ginawa.

“Although, ganun din yung Amazing earth. So, para sa akin, medyo malapit na rin sa puso ko yung hosting.”

Ayon pa kay Dingdong, kakaibang satisfaction din ang naibibigay sa kanya ng pagho-host.

“I really enjoy it!

“Para rin siyang therapy for me kasi sa tuwing sumasampa ako sa stage, ang saya lang. Nakakalimutan lahat ng kailangan kong isipin. Ganun din naman sa acting. Pareho po siyang may bigat para sa akin, may diin, espesyal.”

Bagamat mataas ang ratings ng Family Feud, panandalian muna itong mawawala sa ere dahil magkakaroon ng season break.

Pero huwag daw mag-alala ang mga masugid na manonood ng Family Feud dahil sinigurado ni Dingdong na babalik din ito agad.

“We will be having a break and babalik naman kaagad. Magkakaroon lang ng season break pero very, very soon this year, babalik din siya. Mabilis lang ‘yan,” pahayag pa ni Dingdong.

Excited si Dingdong sa bago niyang show, ang Royal Blood.

“Halos pumi-peak na kami sa Royal Blood taping. “Siyempre, kapag nag-uumpisa ka, magwa-warm up ka, mangangapa ka.

“Ngayong talagang in the groove na kami. Ang pinakamahalaga sa lahat yung characters namin dahil binubuo yung Royal Blood ng interesting characters, na magkakapatid, and yun ang talagang magdadala ng kuwento.

“Brothers, sisters, murder mystery pa siya, so buong-buo na yung character ng bawat isa. Very exciting kapag nagsasama-sama sa isang screen kaming magkakapatid.”

(ROMMEL L. GONZALES)

ARTA award, nasungkit ng Navotas at Valenzuela

Posted on: June 6th, 2023 by @peoplesbalita No Comments

NASUNGKIT ng Navotas at Valenzuela Cities ang Accelerating Reforms for Improved Service Efficiency (ARISE) Award mula sa Anti-Red Tape Authority (ARTA) para sa kanilang good governance at exemplary service.

Tinanggap ni Navotas Mayor John Rey Tiangco, kasama si Vice Mayor Tito Sanchez, at Valenzuela Mayor Wes Gtachalian, kasama si Business Permits and Licensing Office Head Atty. Ulysses Gallego ang parangal mula kina Secretary Ernesto Perez at Undersecretary Gerald Divinagracia sa pagdiriwang ng ikalimang anibersaryo ng ARTA sa The Manila Hotel.

“This recognition is the outcome of the collaborative efforts of all city government offices. We especially commend our electronic Business One-Stop-Shop (eBOSS) and Information and Communications Technology Office staff for continuously developing our digital system and simplifying all processes for Navoteño taxpayers,” sabi ni Tiangco.

Pinuri ang Navotas sa buong pagsunod nito sa Ease of Doing Business at Efficient Government Service Delivery Act of 2018 partikular sa pagpapatupad ng eBOSS.

Sa pamamagitan ng pasilidad ng eBOSS ng lungsod, ang mga Navoteñong negosyante ay maaaring mag-apply, mag-renew, at magbayad para sa kanilang mga permit sa loob ng kanilang sariling mga opisina.

Noong nakaraang Marso, nakatanggap din ang Navotas ng sertipikasyon mula sa ARTA para sa pagiging isa sa anim na LGU sa Metro Manila na may mahusay, sistematiko, at fully-operational na eBOSS.

Samantala, sinabi naman ni Mayor Gatchalian na ito ang unang ARISE awards na nakamit ng Pamahalaang Lungsod sa ilalim ng kanyang administrasyon.

Ang ARISE Awards ay nagsisilbing komprehensibong pagkilala para sa parehong national government agencies (NGAs) at local government units (LGUs) bilang pagkilala sa kanilang mga pagsisikap na mapahusay ang bureaucratic efficiency sa bansa.

Nagkaroon ng pagkakataon ang mga ahensya ng gobyerno na makibahagi sa apat na kategorya ng ARISE Awards, ito ay: Compliance sa EBOSS para sa mga LGU o Digitalization of Services Award para sa mga NGA, Adherence to the Philippine Good Regulatory Principles Award, Nakamit sa Report Card Survey 2.0 Award, at Philippine Ease of Doing Business Reporting System Award.

Kilala sa reputasyon nito bilang business-friendly city, kinilala ang Valenzuela City bilang isa sa walong LGU sa bansa na matagumpay na nakatupad sa mga kinakailangan ng ARISE Award sa lahat ng apat na kategorya.

“With this award in hand, the City Government of Valenzuela will continue its mission towards its goal of creating a business-friendly and corruption-free environment for all the business entities in the city”, ani Gatchalian. (Richard Mesa)

Paggamit ng ‘super app’ ng gobyerno, makababawas sa korapsyon

Posted on: June 6th, 2023 by @peoplesbalita No Comments

UMAASA si Pangulong Ferdinand Marcos Jr. na mababawasan ang korapsyon sa paggamit ng “e-Gov PH Super App” kung saan pagsama-samahin ang lahat ng government online services sa isang plataporma.

Pinangunahan ni Pangulong Marcos ang paglulunsad ng super app ng gobyerno sa President Hall sa loob ng Palasyo ng Malakanyang.

Ipinaliwanag ng Punong Ehekutibo na sa pamamagitan ng app, magiging simple ang public services at walang “discretion” mula sa government employee.

Sinabi pa nito na sa pamamagitan ng sistema, ang problema ng publiko sa pakikipagsabwatan sa “fixers” ay maiiwasan.

“There is another part of this that is extremely important, that we sometimes do not talk about and that is the lessening of corruption. Because, you do not have to talk to a person at all, for the entire process, wala kang kausap na tao . There’s no discretion that’s being exercised at any point. It’s either yes, no, yes, no… it’s binary,” ang pahayag ni Pangulong Marcos sa kanyang naging talumpati.

“That way, it simplifies the process especially for the citizens and there is no discretion being exercised by anyone. Eh kung di mo ko lagyan, hindi ko ipapaano ito. Iipitin ko ito, mga ganon. Kausapin mo si ganito, ganyan, siya magaayos, ‘yung fixer niya. Mawawala na ‘yan. We owe that to the people,” dagdag na pahayag nito.

Sinabi pa ng Pangulo na ang buong ideya ng e-governance ay marapat na gawin ng Pilipinas sa panahon ng digitalisasyon.

“We did a survey of how people used the internet in the Philippines and the result was quite enlightening. They say, 95% of their daily activities, the shopping, the paying, the bank, even the payments to government, 95% are done online,” ayon sa Pangulo.

“Ano ‘yung 5%? Government. We cannot do it online, we have to go to the office, we have to collect the birth certificate, the documentation, the clearance and then we go to the government and they say ‘you’re missing one document.’ Balik na naman. That just won’t work,” dagdag na wika nito.

Samantala, ang national ID ay gagamitin bilang single verification para sa government transaction sa pamamagitan ng government super app.

Binigyang diin ni Pangulong Marcos na ginagawa na ng pamahalaan ang makakaya nito para sa delivery ng national IDs, sabay sabing “they are really going to be the central focal point for the dissemination of information and the dissemination of services.”

“That’s what we’re working on and I think we’re making a good deal of progress, we’re finding those operations, those groups who were able to print them out. Right now, it’s a little unsatisfactory because what we call an ID is essentially a picture of an ID. There’s no data that backs it up,” aniya pa rin.

Samantala, sinabi naman ni Department of Information and Communications Technology (DICT) Secretary Ivan John Uy na nagbigay na si Pangulong Marcos ng kautusan para idetermina ang dahilan ng pagkaantala ng pagpapalabas ng IDs.

Sa kabilang dako, sinabi ni Uy na maaari nang i-download ng pubiko ang app “for free” mula sa Apple Store at Google Play.

“This will be a continuing process as we continually improve the system, as we continue to bring together all the government agencies in the platform,” ayon kay Uy.

“I hope you enjoy the new experience of the Philippine government online,” dagdag na pahayag ni Uy. (Daris Jose)