2023 June Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for June, 2023

Taas pasahe sa LRT 1, LRT 2 simula Aug. 2

Posted on: June 21st, 2023 by @peoplesbalita No Comments

NAHAHARAP ang mga pasahero ng Light Rail Transit Line 1 (LRT1) at Light Rail Transit Line 2 (LRT2) sa pagtataas ng pamasahe simula sa darating na Aug. 2.

Sa isang pahayag ng Department of Transportation (DOTr) noong nakaraang Lunes ay kanilang sinabi na magkakaroon ng pagtataas ng pamasahe sa dalawang rail lines.

Ang minimum boarding fee para sa LRT 1 at LRT 2 ay magiging P13.19 mula sa dating P11 at P1.21 naman kada kilometro mula sa dating P1 kada kilometro.

“The fare adjustments would take effect after publication in a newspaper of general circulation on June 19, 26 and July 3. The last LRT fare increase was implemented in 2015. DOTr Secretary Jaime Bautista approved the implementation of the fare adjustment following a Cabinet meeting at Malacanang on June 6,” wika ni DOTr assistant secretary Jorgette Aquino.

Matatandaan na noong April ay pinahinto ni President Marcos ang planong pagtataas ng pamasahe ng LRT 1 & 2 dahil sa tumataas na inflation rate noong mga nakaraang buwan.

Subalit sa latest data ng Philippine Statistic Authority (PSA) ang headline inflation ay bumaba ng 6.1 porsiyento noong May mula sa 6.6 porsiyento ng nakaraang April dahil na rin sa mataas na presyo ng pagkain at transportasyon.

Ang May inflation rate ay siyang pinakamababa mula ng magkaroon ng 5.4 porsiento noong nakaraang taon sa ganon din buwan.

“The fare adjustment would enhance the services, amenities and technical capacities of the LRT 1 and LRT 2 as the government aims to improve the public transport infrastructure. The government wants to make rail services more accessible, convenient and efficient for commuters. Thus, we believe that this fare adjustment will contribute to maintaining affordable mass transportation services for the two commuter rail lines,” dagdag ni Aquino.

Ayon sa Light Rail Transit Authority (LRTA) na may plano ang ahensiya na mag allocate ng P110 million kung saan ang nasabing amount ay 97 porsiento ng P114 million na projected additional rail revenues. Ilalaan ito sa maintenance at iba pang operating expenses kasama na ang kinakailangan repairs at upkeep ng rail system at facilities.

Sa ganitong paraan ay magkakaron ng improvement ang turnaround time at masisiguro ang timely preventive maintenance activities upang magkaron ng optimal performance.

Samantala, ang Metro Rail Transit Line 3 (MRT3) ay muling maghahain ng kanilang fare hike petition sa darating na dalawang linggo.

“In the next two weeks, we will re-file and thereafter, the process will be followed until such time that full approval is given by the secretary through the Rail Regulatory Unit of DOTr,” saad ni MRT 3 director ng operations Oscar Bongon.

Binatikos naman ng militanteng grupo ng Bagong Alyansang Makabayan ang ginawang approval ng DOTr para sa fare increase ng LRT 1& 2 at kanilang sinabi na mismo si President Marcos ang nag-utos na ipagpaliban muna ang pagtataas ng pamasahe dahil sa nararanasang mataas ng inflation rate sa bansa.

“So, the official policy is really to raise fares and burden the people. That much is clear now. The policy is truly insensitive to the plight of the Filipino commuters. The DOTr has not provided us by email or by any electronic means its resolution on the fare hike. We have not been furnished a copy of the NEDA opinion on the fair hike,” ayon sa Makabyan.

Dagdag pa ng Makabayan na ang mga pasahero ay hindi binibigyan ng kahalagahan sa ganitong pagkakataon at wala talagang opinyon sa ginawang desisyon. LASACMAR

Halos 39K katao apektado ng patuloy na pag-alboroto ng Mayon

Posted on: June 21st, 2023 by @peoplesbalita No Comments

AABOT sa halos 39,000 katao ang apektado ng patuloy na pag-alboroto ng Bulkang Mayon.

Ayon sa National Disaster Risk Reduction and Management Council (NDRRMC), mahigit 20,000 residente ang kasalukuyang nasa 28 evacuation centers sa Albay simula pa nang magpakita ng paggalaw ang Mayon.

Nasa anim na lungsod at bayan ang nagdeklara ng suspensiyon ng kanilang mga klase.

Nagpaabot na rin ng tulong ang Department of Social Welfare and Development (DSWD) sa mga apektadong residente na umaabot sa P62 milyon.

Una na ring sinabi ng Phivolcs na tatagal pa ng ilang buwan ang pag-aalboroto ng Mayon na ngayon ay nananatili pa rin sa Alert Level 3.

Drug-free workplace isinusulong sa Navotas

Posted on: June 21st, 2023 by @peoplesbalita No Comments

KINAKAILANGAN ng sumailalim ng mga empleyado sa mga business establishment sa Navotas sa taunang drug test kasunod ng pagsasabatas ng lungsod ng isang drug-free workplace ordinance.

Ipinasa ng Konseho ng Lungsod ng Navotas ang City Ordinance No. 2023-23 na nag-aatas sa mga piling negosyo sa Navotas na panatilihin ang isang ligtas at malusog na kapaligiran, na walang mapanganib na droga.

Kasama sa mga sakop na establishment ang mga KTV bar, night club, super club, spa, massage parlor, disco house, bar, restaurant at ang mga negosyong may lima o higit pang manggagawa.

“We will continue to exert all efforts to keep both residents and workers in Navotas safe from the menace of illegal drugs” ani Mayor John Rey Tiangco.

Sa ilalim ng ordinansa, dapat pataasin ng mga business establishment ang kamalayan at edukasyon ng kanilang mga empleyado at kliyente tungkol sa mga epekto ng ilegal na droga.

Dapat ding hilingin ng mga may-ari ng negosyo at employer ang kanilang mga opisyal at empleyado na sumailalim sa random na drug testing at tiyaking walang mga ipinagbabawal na gamot ang dinadala o ginagamit sa kanilang workplace.

Sasagutin naman ng employer ang mga gastos para sa drug testing at confirmatory test.

Kung magpositibo ang isang empleyado, ire-refer sila ng establisyemento sa isang center accredited ng Kagawaran ng Kalusugan para sa pagsusuri. Dapat din itong magsumite ng listahan ng mga pangalan ng mga tauhan, na nagpositibo, sa Navotas City Anti-Drug Abuse Council (NADAC).

Kasama rin sa programa sa pag-iwas at pagkontrol sa droga ng establisimiyento ang paggamot at rehabilitasyon, gayundin ang tulong at pagpapayo para sa mga empleyadong may emosyonal na pagkabalisa.

Samantala, dapat pangasiwaan ng NADAC ang kinakailangang interbensyon at mga programa sa rehabilitasyon para sa mga napatunayang positibo sa paggamit ng ilegal na droga.

Makikipag-ugnayan din ito sa Navotas City Police at sa City Business Permits and Licensing Office (CBPLO) para sa mga operasyon ng interbensyon at pagpapataw ng mga parusa.

Sa unang paglabag, papatawan ng multang P5,000 at suspensiyon ng business operation habang nakabinbin ang pagsunod. Ang patuloy na hindi pagsunod ay babawian ng kanilang business permit. (Richard Mesa)

LGUs tumulong sa NCSC sa pagkumpleto ng 12-M senior citizens database

Posted on: June 21st, 2023 by @peoplesbalita No Comments

UMAPELA ang isang mambabatas sa mga local government unit (LGU) executives na suportahan anggobyerno sa patuloy na pagsusumikap na magkaroon ng maaayos at tamang database sa tinatayang 12.3 milyong seniors sa buong bansa.

Ayon kay CamSur Rep. LRay Villafuerte, napapanahon ang ginagawang national listing o cataloguing ng mga senior citizens dala na rin sa nasa 4M nito ang mahihirap na nararapat na makatanggap ng mas mataas na buwanang subsidiya sa ilalim ng bagong batas.

“I am appealing to our local executives to help the DSWD (Department of Social Welfare and Development) and NCSC (National Commission of Senior Citizens) establish the national database for an estimated 12.3 million seniors, given the urgency of identifying and getting an accurate number of elderly Filipinos, particularly those who are eligible to receive the higher monthly subsidy of P1,000 under RA (Republic Act) 11916,” ani Villafuerte.

Ang pahayag ay ginawa ng mambabatas matapos mabatid na nitong hanggang Hunyo 18, ang NCSC ay nakapagtala pa lamang ng 2,032,708 elderly Filipinos sa kanilang national database.

Umaasa naman ito na magagawa ng DBM na makapaglaan ng pondo mula sa 2023 GAA (General Appropriations Act) at iba oang pagkukunan ng pondo para sa pagpapatupad ng 100% increase sa buwanang pension ng mga mahihirap na seniors.

Ang kasalukuyan aniyang database ng NCSC ay mula sa files ng PSA at Commission on Population and Development (Popcom), na napa-ulat na hindi umano kumpleto sa impormasyon sa mga senior citizens sa bansa.

Ang mga seniors na dapat makatanggap ng buwanang subsidiya ay yaong may mga sakit at may kapansanan, walang permanenteng pinagkukunan ng pagkakakitaan o suporta mula sa pamilya at kaanak at walang pension mula sa government o private institutions.

Bukod sa dagdag sa buwanang subsidiya na naging P1,000, nakapaloob din sa RA 11916 ang paglalaan ng social safety assistance sa mga senior citizens lalo na sa panahon ngkalamidad at sakuna.

Kabilang na dito ang paglalaan ng pagkain, gamot at financial assistance para sa house repairs, kung saan ang pondo ay kukunin mula sa disaster/calamity budgets ng LGUs kung saan naninirahan ang apektadong senior citizens.

Ayon sa datos ng PSA, mahigit sa 12.3M pinoy ang anyos pataas nitong May 2020, o 11% ngtinatayang populasyon ng bansa na mahigit 109 million. (Ara Romero)

$750-M loan para sa sustainable recovery ng Pinas, oks sa World Bank

Posted on: June 21st, 2023 by @peoplesbalita No Comments

INAPRUBAHAN ng World Bank ang $750-M loan para sa Pilipinas para palakasin ang “environmental protection at climate resilience’ lalo na ang target na renewable energy at tumulong na mabawasan ang panganib ng climate-related disaster.

“The US$750 million Philippines First Sustainable Recovery Development Policy Loan (DPL) supports ongoing government reforms to attract private investment in renewable energy; enhance plastic waste management through reduction, recovery, and recycling; promote green transport, including the use of electric vehicles; and reduce climate-related fiscal risks from the agriculture sector,” ayon sa World Bank sa isang kalatas.

Sinabi ng World Bank na ang loan ay para suportahan ang target ng gobyerno na 50% ng renewable energy sa kabuuang power generation sa 2040.

Ayon pa sa World Bank, kailangan ng power sector ng bansa ng “significant increase in investments in solar and wind technologies and a strong policy environment conducive for investment in renewable energy” para makamit ang nasabing target.

Popondohan din nito ang pagpapasimula ng bagong insurance products para sa mga smallholder farmers at palakasin ang operasyon ng Philippine Crop Insurance Commission.

“The aim is to help mitigate climate-related disaster risks to the country’s budget and the farming sector,” ayon sa World Bank sabay sabing “If properly designed and targeted, crop insurance can help stabilize farm income, reduce poverty, and provide a climate safety net for food producers.”

Tutulong din ang financing mechanism sa pagpapatupad ng Extended Producer Responsibility Act, binibigyan ng mandato ang malalaking negosyo na maka-recover o makabawi ng hanggang 80% ng plastic packaging waste sa taong 2028.

“The Philippines produces approximately 1.7 million tons of post-consumer plastic waste yearly, with an estimated recycling rate of only 28% for recyclable plastic waste while other plastic waste enters the ocean,” ayon sa World Bank.

Ang $750-million loan ay bahagi ng development policy loans na ipinahihiram ng Washington-based financial institution sa mga developing countries gaya ng Pilipinas para “support policy and institutional changes needed to create an environment conducive to sustained and equitable growth as defined by borrower-countries’ own development agenda.”

“The Philippines has rebounded strongly from the pandemic but continues to face serious challenges, including high global commodity prices, disruptions in global supply chains due to the Russian invasion of Ukraine, weaker exchange rates, and high inflation,” ayon kay World Bank Senior Economist Ralph Van Doorn.

“Reforms aimed at attracting private investments in public service sectors can open up new sources of economic growth and quality jobs,” dagdag na pahayag nito. (Daris Jose)

LRT 1 AT 2, MAY FARE INCREASE

Posted on: June 21st, 2023 by @peoplesbalita No Comments

MAGPAPATUPAD ng fare increase ang LRT-1 at LRT-2 simula Agosto 2, sinabi ng Department of Transportation (DOTr) nitong Lunes.

Sa isang pahayag, sinabi ni DOTr Assistant Secretary for Railways Jorjette Aquino na fare adjustment ay pagpapabuti sa serbisyo, amenities at technical capacities ng LRT-1 at LRT-2.

Sa fare adjustment, sinabi ni Aquino na ang LRTA ay nagbabalak na maglaan ng humigit-kumulang P110 milyon, na nagkakahalaga ng 97 porsiyento ng inaasahang P114 milyong karagdagang kita sa riles, para sa pagpapanatili, mga gastusin sa pagpapatakbo, at pagkukumpuni at pangangalaga ng mga mahahalagang sistema at pasilidad ng riles.

Nauna nang inaprubahan ng Rail Regulatory Unit ng DOTr ang mga petisyon na naglalayong taasan ang bayad sa pagsakay ng tren ng P2.29 na may karagdagang 21 centavos sa bawat kilometrong bibiyahe sa LRT-1 at LRT-2.

Dahil dito, ang minimum na boarding fee ng LRT-1 at LRT-2 ay iaakma sa P13.29 (orihinal P11) at P1.21 kada kilometro para sa bawat kilometrong bibiyahe (orihinal na P1 kada kilometro).

Inaprubahan ni Transportation Secretary Jaime Bautista ang implementasyon ng fare adjustment kasunod ng Cabinet meeting sa Malacañang noong June 6, saad ni Aquino.

Noong Hunyo 13, nakipag-pulong si Bautista kina Light Rail Transit Authority (LRTA) Administrator Hernando Cabrera at Light Rail Manila Corporation (LRMC) President at Chief Executive Officer Juan Alfonso para ipaalam sa kanila ang desisyon ipatupad ang inaprubahan pagtaas ng pamasahe.

Nakatakdang ilathala ng LRTA at LRMC ang mga inaprubahang pagsasaayos ng pamasahe sa hindi bababa sa isang pahayagan sa loob ng tatlong magkakasunod na linggo sa Hunyo 19, Hunyo 26 at Hulyo 3.

“After which, 30 days after the last publication date will be the collection date — August 2,” saad ni Aquino.

Ang LRT-1 ay tumatakbo mula Baclaran sa Parañaque City hanggang Bago Bantay, Quezon City (Roosevelt); at LRT-2 mula Recto sa Maynila hanggang Antipolo City sa Rizal. GENE ADSUARA

Ads June 21, 2023

Posted on: June 21st, 2023 by @peoplesbalita No Comments

MAG-DYOWA, INARESTO NG NBI MATAPOS ANG REINVESTIGATION

Posted on: June 20th, 2023 by @peoplesbalita No Comments

DINAKIP ng mga ahente ng National Bureau of Investigation-Anti-Organized and Transnational Crime Division (NBI-AOTCD) ang isang mag-live-in partner dahil sa kasong Robbery with Homicide.

Nag-ugat ang pagkakaaresto kay Julie Ann Navarro y Englis at Rovelyn Canete y Dayanan sa kahilingan ng panibagong imbestigasyon ni Telesforo P. Hernando kaugnay sa pagkamatay ng kanyang kapatid na si Noemi H. Dacuycuy, 85, isang balo na pinatay sa loob ng kanyang bahay sa El Grande Ave., BF Homes, Paranaque City noong May 4, 2023.

Unang Inimbestigahan ng Parañaque City Police Station ang kaso kung saan ang house helper na si Ronald Roda Roxas alias Noah ay kinasuhan ng Murder via inquest proceedings sa sala ng City Prosecutor’s Office ng Parañaque City noong May 6, 2023.

Sa isinagawang awtopsiya sa bangkay, lumalabas na ang sanhi ng pagkamatay ng biktima ay dahil sa blunt force trauma sa kanyang ulo at leeg, asphyxia by strangulation.

Dahil dito, lumabas na hindi siya pinatay ni Noah dahil nagsilbi ito sa biktima ng limang taon at wala siya motibo upang patayin ito. Siya rin ang tumawag ng tulong sa pamilya ng biktima at hindi ito umalis hanggat hindi natapos ang isinasagawang imbestigasyon.

Kaya taliwas sa imbestigasyon ng Parañaque Police, ang mga prime suspect ay si Julie Ann at live-in partner nito na si Rovelyn.

Base sa mga saksi, nahuli umano ng biktima na nagnakaw sila ng pera nito sa pamamagitan ng kanyang ATM na ipinagkatiwala sa kanila, subalit imbes na palayasin ay binigyan pa sila ng isang pagkakataon na makapagtrabaho .

Base rin sa imbestigasyon, isang text message ang ipinadala ni Noah noong namatay ang biktima gayunman, lumalabas na sa konstruksyon ng messages ay kakaiba sa mga messages nito at iba rin ang mobile number na ginamit.

Lumabas din na ang withdrawal transaction record sa ATM ng biktima ay nangyari sa kanyang kamatayan kung saan ang dalawa ang nag-withdraw gamit ang nawawalang ATM.

Sa pagharap ng dalawang akusado sa NBI matapos padalhan ng subpoena, noong June 13, 2023, ininguso ni Julie Ann na si Rovelyn na siyang pumatay sa biktima na inamin naman ni Rovelyn ang pagpatay subal;it dahil lamang umano sa pag-uudyok ni Julie Ann

Sinabi umano ni Julie Ann kay Rovelyn na ang pagpatay sa biktima ang makakasalba sa kanila upang hindi sila mabilanggo dahil nasa kanila ang perang ninakaw mula sa ATM nito.

At dahil sa pagbibigay nila ng full account at kung paano pinatay ang biktima , at sa tulong ng kanilang abogado ay naibaba ang kanilang kaso sa Robbery with Homicide. GENE ADSUARA

Puring-puri siya nina Chanda at Sandy… HERLENE, itinangging nali-late sa taping dahil sa ibang commitments

Posted on: June 20th, 2023 by @peoplesbalita No Comments

MABILIS na nagpaliwanag si Binibining Pilipinas 2022 1^st Runner Up Herlene Budol tungkol sa issue na cause of delay daw siya sa taping ng first teleserye niya sa GMA Network, ang “Magandang Dilag.”

Inuuna pa raw niya ang iba niyang commitments kaysa taping.

“Hindi po naman maiwasan ang ganoong bagay, give and take naman po kami sa mga taping schedules at sa iba pang lakad, Iyon po namang ibang schedules talagang obligasyon din po iyon, pero hindi po ako nali-late sa taping,” paliwanag pa ni Herlene.

“Pero marami rin pong salamat sa lahat ng nagsusulat sa akin, bad or good po, is still publicity.”

Pinatunayan naman ng mga seasoned actresses na sina Chanda Romero at Sandy Andolong na wala silang problema kay Herlene.

Si Chanda, first meeting pa lang daw niya kay Herlene: “kahit wala siyang tulog, kahit pagod na pagod na siya sa mga eksena niya, wala kang maririnig sa kanya, dahil nirerespeto niya ang mga kasama niya sa set. Kapag na-take 2 nga siya, napapaiyak na siya dahil sa sobrang hiya niya sa kaeksena at sorry siya nang sorry. For that, lalo kong minahal si Herlene.”

Si Sandy naman pinuri niya ang pagiging marespeto raw ni Herlene at gustong-gusto niya ang pagiging totoo at pagiging honest kung ano ang nararamdaman nito, “hindi siya talaga mahirap mahalin.”

Sa June 26 na mapapanood ang “Magandang Dilag” na makakasama ni Herlene sina Benjamin Alves, Rob Gomez, Adrian Alandy, Maxine Medina, Bianca Manalo, Angela Alarcon, at marami pang iba.

Sa direksyon ni Don Michael Perez, mapapanood ito 3:25p.m. sa GMA Afternoon Prime, papalitan nila ang “AraBella” na nasa finale week na ngayon.

(NORA V. CALDERON)

After Sanya, si Herlene naman ang aapihin: MAXINE, nag-e-enjoy kaya kina-career ang pagiging kontrabida

Posted on: June 20th, 2023 by @peoplesbalita No Comments

KINA-CAREER ni Maxine Medina ang pagiging kontrabida at inamin nitong nag-e-enjoy siya.

Nasubukan na kasing maging kontrabida ng former Miss Universe Philippines 2016 kay Sanya Lopez sa teleserye na ‘First Yaya’. Ngayon ay si Herlene “Hipon Girl” Budol ang makakatikim ng kanyang pagtataray.

“Parang enjoy na rin ako sa pagiging mean girl. After ‘First Yaya’, na-miss ko rin ‘yung magtaray-tarayan. Kaya noong ibigay sa akin ang kontrabida role sa ‘Magandang Dilag’ with Herlene, natuwa ako kasi mailalabas ko ulit ‘yung mga natutunan ko sa unang kontrabida role ko. Medyo iniba natin para fresh ang mapanood nila sa akin. Pero in person, mabait po ako,” sey ni Maxine.

Makakasama pa ni Maxine na aapi kay Herlene ay ang former beauty queen din na si Bianca Manalo at ang Sparkle actress na si Angela Alarcon.

“First time ko makatrabaho sina Bianca and Angela. Si Bianca, I know her because of the pageant industry and nagkakasama lang talaga kami kapag may pageant and unexpected din na gano’n siya kakalog. Sobrang nakakatawa and malayo siya sa characters na pine-play niya.

“Si Angela naman ay parang baby namin sa set. Sarap parati ng chismisan namin sa taping. At magaling din na kontrabida si Angela.”

***

MASUWERTE ang 18-year old Sparkle Teen actor na si Aidan Veneracion dahil nabigyan siya ng challenging role sa murder mystery drama ng GMA na ‘Royal Blood’.

Sa kanyang kauna-unahang primetime teleserye, gaganap si Aidan bilang si Archie Royales, ang mentally-challenged son nila Mikael Daez at Megan Young.

Kinuwento ni Aidan ang naging audition niya para sa role na Archie na may sakit na autism spectrum disorder or ASD.

“Hindi po talaga ako naka-assign sa role na Archie, pero that day parang pina-audition po kaming lahat na mga boys. Hindi po ako nakapag-prepare for that role na mayroong ASD kaya nag-research ako.

“Tinulungan din po ako ng production kung ano ‘yung specific na character na gusto nila and with the help of our acting coach din and Sparkle GMA Artist Center, nakapag-prepare ako for this character.”

Kasama rin ni Aidan sa ‘Royal Blood’ ang ka-batch niya sa Sparkle Teens na sina James Graham at Princess Aliyah.

(RUEL J. MENDOZA)