PROUD si Rocco Nacino sa bago niyang responsibilidad matapos ma-promote bilang Second Lieutenant ng Reserve Force ng Armed Forces of the Philippines.

HINDI totoong may relasyon sina Pambansang Kolokoy na si Joel Mondina at komedyanang si Gladys Guevarra!

Iyan ang paglilinaw sa amin ng aming source na malapit sa Pambansang Kolokoy o PK.

Isa sa mga maling akusasyon laban sa kanya na nilinaw ni PK ay ang tungkol sa pangangaliwa diumano ni PK at pagkakaroon ng relasyon sa komedyanang si Gladys na naka-based na rin ngayon sa Amerika.

Taliwas sa akala ng marami, hindi si Gladys ang tunay na karelasyon ni PK.

“May istorya po diyan, hindi talaga sila. Kasi yung bestfriend ni PK iyon po yung talagang karelasyon ni Gladys.”

Bakit ang napabalita ay sina PK at Gladys ang magkarelasyon?

“Alam niyo naman po sa Amerika, di ba super-close ang mga Pinoy doon, so parang sinakyan na lang nila, nag-vlog-vlog sila kunwari, parang ganun, at tsaka tulong na rin kay Gladys kasi, you know para pag-usapan.”

Collaboration lamang sa vlog ang namagitan kina PK at Gladys at hindi totoong may relasyon.

“Hindi po totoo.”

“Yung asawa ngayon ni PK which is hindi na natin me-mention kasi private person, non-showbiz, kawawa naman, tsaka may baby sila, may anak sila.”

Samantala, sa pamamagitan ng vlog ni Ogie Diaz kamakailan ay binasag mismo ni PK ang kanyang katahimikan tungkol sa hiwalayan nila ng dati niyang misis na si Grace na dating ka-tandem ni PK sa kanyang sikat na Youtube channel.

“Unang-una, hindi ko nakita yung magulang ko. Yung tatay ko, hindi ko nakita nang ten years at hindi ko nakausap. Yung nanay ko, hindi ko nakausap nang eight years, magkatabi lang ‘yung bahay namin.”

Hindi raw kasi pinapayagan ni Grace si PK na makipagkita sa mga magulang ng sikat na vlogger pati na ang kanilang tatlong anak na lalaki.

Feeling ni PK, malaki ang hinanakit ni Grace sa magulang niya dahil tutol ang mga ito kay Grace dahil may asawa na at anak nang naging sila.

Hanggang dumating ang panahon na kailangan nang makipagkita ni PK sa kanyang mga magulang. Magre-retire na raw ang mga ito at gumawa siya ng vlog tungkol dito.

Sinabi niya ito kay Grace pero binantaan daw siya na kapag tumuloy sa pakikipagkita sa mga magulang niya, ilalabas ng misis ang mga gamit ni PK sa bahay nila.

Ngnuni’t nakipagkita pa rin si PK sa kanyang mga magulang at laking-gulat niya na pag-uwi niya ay nakakalat na ang mga gamit niya sa kanilang garahe.

Dumating si Grace sa bahay nila at humingi raw ng sorry sa kanya at hinihikayat siyang huwag nang umalis.

Nang mga sandalling iyon ay may truck na raw na nasa labas ng bahay nila na maghahakot ng mga gamit ni PK. Naisip rin niya, kapag pinagbigyan niya si Grace, paulit-ulit lamang mangyayari ang ganoong senaryo.

Kaya kahit wala siyang pera at labag sa kalooban na iwan ang kanyang dalawang anak ay sinikap niyang mabuhay nang solo.

Sobrang close kasi ni PK sa dalawa niyang anak na siya halos ang tumatayong ama’t ina. That time raw kasi ay hinayaan niya na mag-concentrate si Grace sa pag-aaral ng Nursing sa US.

Pero hindi raw porke siya ang nag-aalaga sa mga bata ay wala siyang trabaho.

“Meron akong trabaho, mas flexible lang ang oras ko, bago pa ako naging PK noon, which is ang ikinaganda ng aking trabaho ay flexible. So kung may kailangan ang mga bata sa school, puwede akong lumabas sa trabaho ko anytime, puwede ko silang ihatid at sunduin sa school. ‘Yan ang routine ko for so many years,” sinabi pa ni PK.

Unang nagpainterbyu si Grace kay Luis Manzano sa socmed accounts ng TV host at sinabi nito na naghiwalay sila dahil wala na raw oras sa kanya si PK at nangakong hindi siya lolokohin.

Sabi pa ni Grace kay Luis, “Parang napi-feel ko na there’s something going on, pero hindi ko ma—I don’t have the evidence. Parang wala na—wala na ‘yung relationship namin. Parang we’re just friends with kids. Parang ganu’n, there’s no more spark.”

Sa interbyu pa ni Luis kay Grace ay ikinuwento nito ang pagtawag ng current partner ni PK sa kanya.

Kuwento ni Grace kay Luis, “Tumawag ‘yung babae sa akin. She said, explaining that she never…

“The night before, someone kept calling me—unknown—so, I kept ignoring it. The next day, it’s still an unknown call, so hindi ko sinagot. Then, there’s a text—I need to talk to you about you know—his name.

“At the same time, dumating si PK, and the girl called. At the same time, nand’yan si Joel sa tabi ko, and ‘yun, sinabi niya na they’ve been together for a long time. And this is March, 2022. Sabi niya, ‘We’ve been together for a long time and we’re gonna have a baby in July 2022,’” Grace narrated.”

Pinabulaanan naman ito ng source namin na karelasyon na ni PK ang current wife niya noong sila pa ni Grace.

According to our source, bago pa man nakilala ni PK ang kanyang second wife, divorced na sila ni Grace.

Paliwanag naman ni PK kay Ogie Diaz, “Kaya ‘yung sinabi ni Grace kay Luis sa interview niya na nandoon ako sa bahay nu’ng tumawag ang present wife ko, narinig ko naman lahat.

“Sabi niya (present wife), I’m sorry we love the same man, pero hindi ko kayang makita siyang ganyan (na malungkot para sa mga anak na ‘di niya kapiling) kaya pinapabalik ko na siya d’yan sa bahay ninyo. Sana, ayusin ninyo ang hindi ninyo napagkasunduan.”

Nakipagbalikan si PK kay Grace para subukan nila ulit magsama.

“Pagbalik ko, sinubukan kong i-workout talaga. Tapos one time, naiwan niyang bukas ‘yung phone niya, meron kasi siyang kaibigan na lagi niyang kinakausap and nabasa ko ‘yung conversation nila.

“Ang nakalagay du’n, ang sabi ni Grace, ‘Look at this asshole, he came back. I told you he can’t stand by himself, he still needs me.’ So, doon ko talaga napatunayang wala na talaga.”

Pero nu’ng sinabi ito ni PK kay Grace, nangatwiran daw ang ex-wife niya ng ganito, ‘Oh, that’s just girl’s talk.’

“So doon ko na talaga napatunayan na talagang wala na.”

Umalis pa rin si PK sa kanilang bahay.

Sa ngayon ay masaya na si PK sa piling ng bago niyang asawa at bunsong anak; nakakasama na rin niya ang mga magulang niya kapag nasa Pilipinas siya at nangakong hindi naman niya pababayaan ang mga anak niya hanggang paglaki. Kaya naman nagsalita si PK ay para ipagtanggol ang sarili nya laban sa mga netizen na nag-judge sa kanya at dahil sa mga maling akusasyon laban sa kanya.

(ROMMEL L. GONZALES)