2023 October 05 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for October 5th, 2023

Kooperatiba, lumilikha ng yaman sa pamayanan

Posted on: October 5th, 2023 by @peoplesbalita No Comments

NANATILI ang kooperatiba na mabisang paraan upang makaahon sa kahirapan ang mga mahihirap na miyembro.

Ito ang mensahe ni Father Anton CT Pascual – Pangulo ng Radio Veritas, Minister ng Ministry of Cooperatives and Social Enterprise Development ng Archdiocese of Manila o M-C-S-E-D at chairman ng Union of Catholic Church-Based Cooperatives (UCC) sa paggunita sa buwan ng Oktubre bilang National Cooperative Month.

“Atin pong binubuksan ang 2023 cooperative month sa araw na ito naway maging masigla ang kilusang kooperatiba sa Pilipinas, tayo po ay magpalakas ng ating mga negosyo at nakatapat tayo sa mga values and principles of cooperativism sapagkat naniniwala po tayo na cooperative economy ay tunay na inclusive ito ay para sa lahat lalung-lalu na makinabang ang mga mahihirap,” ayon sa panayam ng Radio Veritas kay Father Pascual

Ipinagdarasal ni Fr. Pascual ang patuloy na pag-unlad ng mga kooperatiba na sama-samang pinapayabong ang yaman ng mga miyembro na itinuturing na kamay-ari.

Tiwala din si Father Pascual na mananatiling matatag ang mga kooperatiba sa Pilipinas matapos malagpasan ang pagsubok dulot ng COVID-19 pandemic.

“Ito po ay lumilikha ng yaman para sa pamayanan at para sa mga maliliit kaya’t mabuhay po ang kilusang kooperatiba at nawa patuloy ang kaniyang pag-unlad, dumami ang maging kasapi sa buong Pilipinas lalo na sa ating simbahan na mayroong po tayong nilunsad na MCSED Ministry of Cooperatives and Social Enterprise Development pati ang simbahang magkokooperatiba na ito pong hamon sa atin ni Pope Francis God Bless the Cooperative Movement in the Philippines,” ayon sa panayam ng Radio Veritas kay Father Pascual.

Sa tala ng Cooperative Development Authority noong 2022, umaabot na sa 12-libo ang bilang ng mga rehistradong kooperatiba kung saan umaabot na rin sa 12-milyon ang bilang ng miyembro nito sa iba’t ibang bahagi ng Pilipinas.

PBBM, labis na ikinalungkot ang pagkasawi ng tatlong mangingisda sa Bajo de Masinloc

Posted on: October 5th, 2023 by @peoplesbalita No Comments

LABIS na ikinalungkot ni Pangulong Ferdinand Marcos Jr. ang napaulat na tatlong mangingisda ang nasawi matapos banggain ang sinasakyan nilang bangka sa karagatang sakop ng Bajo de Masinloc.

Ang insidente ayon sa Pangulo ay kasalukuyan nang iniimbestigahan.

“We are deeply saddened by the deaths of the three fishermen, including the captain of the fishing vessel. The incident is still under investigation to ascertain the details and circumstances surrounding the collision between the fishing boat and a still unidentified commercial vessel,” ayon sa Pangulo.

Sa ngayon, nagsasagawa ang Philippine Coast Guard (PCG) ng backtracking at checking sa lahat ng monitored vessels sa lugar bilang bahagi ng kasalukuyang ilsinasagawang imbestigasyon.

“We assure the victims, their families, and everyone that we will exert every effort to hold accountable those who are responsible for this unfortunate maritime incident,” pagtiyak ng Pangulo.

“Let us allow the PCG to do its job and investigate, and let us refrain from engaging in speculation in the meantime,” dgdag na pahayag nito.

Siniguro naman ng Pangulo na magbibigay ng suporta at tulong ang pamahalaan sa mga biktima at sa kanilang pamilya.

Sa ulat, sinabi naman ng PCG na ibinahagi ng mga nakaligtas na ibang mangingisda na isang hindi natukoy na commercial vessel ang bumangga sa kanilang bangka na FFB DEARYN.

Nangyari ang insidente noong October 2, 2023 kung saan kabilang sa mga nasawi ay ang kapitan ng fishing boat.

Tuluyan na ring lumubog ang nasabing bangka ng mangingisda habang 11 crew naman ang nakaligtas.

Ang mga bangkay naman ng nasawi ay dinala na Barangay Cato, Infanta, Pangasinan. (Daris Jose)

Pagkatapos ng ‘Here Lies Love’ sa Broadway: LEA, kasama sa opening ng ‘Sondheim’s Old Friends’ sa London

Posted on: October 5th, 2023 by @peoplesbalita No Comments

MAY bagong pinagkakaabalahan na musical si Lea Salonga pagkatapos ng Here Lies Love on Broadway.

Kasama ang Tony Award-winning Filipino international star sa opening ng “Sondheim’s Old Friends” in London.

Pinost ni Lea via social media ang kanyang excitement na bahagi siya ng show na tatakbo for 16-weeks.

“OPENING NIGHT! To say that I’m living my musical theatre dreams would be an understatement. This show, company, orchestra, crew, and creative and production team are some of the world’s finest, not to mention stellar humans. What a privilege of a lifetime it is to be amongst this fantastic group!” caption pa niya.

Sa mismong official social media account ng Sondheim’s Old Friends, pinost ang ilang photos sa naganap na preview night sa Gielgud Theatre. Naka-post din ang almost five-minute video clip ng rehearsal ng cast, kasama ang solo number ni Lea.

Kasama ni Lea sa musical sina Bonnie Langford, Marley Fenton, Julia McKenzie, Bernadette Peters, Matthew Bourne, Joanna Riding, Jeremy Secomb, Bella Brown, Harry Apps, Christine Allado, Beatrice Penny-Touré, Jason Pennycooke, Gavin Lee, Bradley Jaden and Janie Dee.

Ang mga sikat na musicals na ginawa ni Stephen Sondheim ay ang ‘A Funny Thing Happened on the Way to the Forum’, ‘Company’, ‘Follies’, ‘A Little Night Music’, ‘Sweeney Todd: The Demon Barber of Fleet Street’, ‘Sunday in the Park with George’, and ‘Into the Woods.’

(RUEL J. MENDOZA)

Ipinagmamalaki nila ang Japanese film na ‘Monster’… LORNA, nahikayat ni SYLVIA na bumili at mag-produce ng pelikula

Posted on: October 5th, 2023 by @peoplesbalita No Comments

NAHIKAYAT ang award-winning actress na si Lorna Tolentino sa pagpo-produce ng pelikula.

Ito ang ipinahayag ni Ms. LT sa special celebrity screening ng “Monster,” ang family drama mula sa Japan and directed by Hirokazu Kore-eda, na ginanap noong October 3 sa SM Megamall Cinema 2.

Nakatanggap ng mga awards abroad ang movie na tungkol sa bullying and family dysfunction, na sinulat ng Japanese screenwriter na si Yûji Sakamoto and composer Ryuichi Sakamoto.

Sa napakagandang review at mensahe ng movie, na siguradong mata-touch ang Filipino audience. A must watch movie, kaya hindi dapat palagpasin.

Kuwento pa ni Lorna tungkol sa pagiging mag-partner nila ni Sylvia Sanchez, kasama ang mga anak na sina Ria at Gela Atayde.

“Nagpapasalamat talaga ako na isinama ako ni Sylvia na maging partner niya sa Nathan Studios. Nung nalaman ko na nagpro-produce na sila ng mga pelikula, sabi ko kay Sylvia, turuan niya ako kung paano mag-produce.

“Nagsimula talaga ito sa pagsasabi ko sa kanya na gusto kong mag-produce. At sabi niya, para matuto ako, dahil iba na ang klase ngayon ng pagpro-produce, sumama ka sa Cannes. At nung nandun na kami sa Cannes, nakita namin na pinipilahan nang husto ang ‘Monster.’ Gandang-ganda kami, kahit sa trailer pa lang.

“Maraming gustong makakuha para ipalabas sa iba’t ibang bansa ang ‘Monster’, lalo na sa Pilipinas. Doon na nagsimula, ito ang first venture namin together at may darating pa kaming mga pelikula.”

“Kung paano namin nagustuhan ang pelikulang ito, sana po ay ganun din ang maramdaman pagkatapos n’yo pong mapanood ang ‘Monster’,” dagdag pa ng magandang aktres.

Pahayag naman ni Sylvia tungkol sa ‘Monster’, “Ang rason din kung bakit dinala namin sa Pilipinas ang ‘Monster’ ay dahil magaling na direktor si Hirokazu Kore-eda, kahit marami ang ‘di nakakakilala sa kanya. Pero ang galing-galing niyang Japanese director. Parang Pinoy movie na tagos sa puso, ito yun Monster.”

“Sa nagtatanong sa goal namin, ang goal ng Nathan Studios ay mag-produce ng sariling pelikula rito sa Pilipinas. Bakit po, kasi naniniwala kami na maraming magagaling na actors na hindi nabibigyan ng pag-asa, na hindi nabibigyan ng chance.

“Gusto naming i-showcase at dalhin sa abroad ang mga actors na ‘yun. At the same time bibili rin kami ng pelikula sa abroad na alam naming matatanggap ng mga Pinoy at higit sa lahat matututo tayo sa pelikulang ito (Monster) at lalawak ang ating kaalaman tungkol sa mga pelikula.”

Dagdag pa ni Sylvia, “Kung nadurog kami nung pinanood namin ang pelikulang ito, maniwala kayo madudurog din kayo ‘pag napanood n’yo ang ‘Monster’.”

Alamin ang totoong anyo ng isang monster?

Paparating na sina Minato, Yori, Hori, Saori at Principal Makiko Fushimi ngayong October 11 sa mga sinehan nationwide.

Ang award-winning Japanese film na ‘Monster’ na hatid ng Nathan Studios at 888 Films International.

(ROHN ROMULO)

Stock na bigas ng PH, inaasahang tataas ngayong Oktubre – DA

Posted on: October 5th, 2023 by @peoplesbalita No Comments

INAASAHANG tataas ang stock ng bigas sa Pilipinas ngayong Oktubre dahil sa inaasahang maaani na 1.9 million metrikong tonelada ng bigas.

Ayon kay Department of Agriculture – Bureau of Plant Industry Director Glenn Panganiban, inaasahang magtatagal ang suplay ng bigas hanggang 74 araw na tumaas mula sa 52 noong Setyembre.

Bunsod na rin ito ng inaasahang malakihang ani para ngayong buwan at sa Nobiyembre kayat asahan aniya ng publiko na magiging stable o matatag ang suplay ng bigas.

Una ng sinabi ng DA na magsisimulang mag-stabilize ang mga presyo ng palay at bigas kasabay ng pagsisimula ng anihan ng mga magsasaka noong Setyembre at Oktubre.

Rice price cap, binawi na ni PBBM

Posted on: October 5th, 2023 by @peoplesbalita No Comments

BINAWI na ni Pangulong Ferdinand Marcos Jr. simula Oktubre 4, Miyerkules ang rice price cap.

Sa isang panayam, sinabi ng Pangulo na ito na ang tamang panahon para i-lift ang rice price ceiling lalo pa’t namimigay na ng bigas ang pamahalaan.

“Yes as of today’s we are lifting the price caps on the rice both for the regular milled rice and for the well milled rice. So tinatanggal na natin yang mag- control,” aniya pa rin.

Iyon nga lamang ayon sa Pangulo ay kailangan pa ring ayusin ang agricultural sector, kailangan pa ring tulungan ang mga pinakamahirap at pinakagutom na kahit papaano aniya ay makaahon ang mga ito.

“So to do that, we have, we will continue the assistance that we have been giving to farmers, also the assistance that we have been given to those most underprivileged families, young sa pinamababang demographic economic class, dahlia talaga slang naghihirap,” aniya pa rin.

Matatandaang, nito lamang nakaraang buwan ng Setyembre, inaprubahan ni Pangulong Marcos ang kautusan na nagtatakda ng limitasyon o “ceiling” sa presyo ng bigas sa buong bansa. Hinikayat din ng Palasyo ang publiko na isumbong ang mga nagtitinda at negosyante na hindi susunod.

Sa pinirmahang Executive Order No. 39 ni Executive Secretary Lucas Bersamin, nakasaad na inaprubahan ni Marcos ang rekomendasyon ng Department of Agriculture (DA) at Department of Trade of Industry (DTI) sa pagtatakda ng price ceilings sa bigas sa buong bansa.

Sa regular milled rice, P41 per kilo ang itinakdang sagad na presyo, habang P45 per kilo naman sa well-milled rice.

Inilabas ang naturang kautusan matapos mabahala si Marcos sa sumisirit na presyo ng bigas sa bansa na umaabot ngayon sa P45 hanggang P70 ang bawat kilo.

Sa ilalim ng Section 7 ng Republic Act No. 7581, nakasaad na may kapangyarihan ang Pangulo na magpatupad ng price ceiling sa mga pangunahing produkto batay sa rekomendasyon ng implementing agency, o ng Price Coordinating Council.

Nakasaad din sa EO na mananatili ang itinakdang price ceilings sa bigas hangga’t hindi inaalis ng Pangulo, batay sa rekomendasyon ng Price Coordinating Council o ng DA at DTI.

Inatasan din ni Marcos ang DA at DTI na tiyakin ang maipatutupad ang naturang kautusan.

Kasama rin sa EO ang direktiba sa Department of the Interior and Local Government, pati na ang Philippine National Police, na tulungan ang DA at DTI sa pagpapatupad ng kautusan. (Daris Jose)

Ads October 5, 2024

Posted on: October 5th, 2023 by @peoplesbalita No Comments

PBBM, pinangalanan ang mga rice smugglers; nangako na hahabulin ang mga rice price manipulators

Posted on: October 5th, 2023 by @peoplesbalita No Comments

UPANG ipakita ang kanyang malakas na “political will” na tapusin ang rice smuggling sa Pilipinas, isiniwalat ni Pangulong Ferdinand R. Marcos Jr., araw ng Miyerkules, ang mga pangalan ng mga rice smugglers na sumisira sa takbo ng ‘rice supply and demand’ sa merkado.

Sa naging talumpati ng Pangulo sa isinagawang distribusyon ng bigas sa Taguig City, sinabi ng Pangulo na naghain na ng smuggling charges ang gobyerno laban sa San Pedro Warehouse and Blue Sakura AgriGrains Corporation, FS. Ostia Rice Mill at Gold Rush Rice Mill.

Ang mga rice smugglers ayon sa Pangulo ay sinampahan ng paglabag sa Customs Modernization and Tariff Act, Rice Tariffication Law, at Anti-Agricultural Smuggling Act of 2016 (Republic Act No. 10845).

“Kaya po ay ngayon ay kinasuhan na natin ang San Pedro Warehouse and Blue Sakura Agri Grain Corporation, ang F.S. Ostia Rice Mill, [at] ang Gold Rush Rice Mill ay kasalukuyang haharap sa patong-patong na mga kaso dahil sa kanilang mga ginagawa,” ayon sa Pangulo.

“Bagong Pilipinas na po tayo ngayon, at atin pong susugpuin ang mga hindi po lumalaban nang patas. Wala pong puwang sa lipunan ang mga nanlalamang at nang-aapi sa kapwa,” aniya pa rin.

Ang pahayag na ito ng Pangulo ay binanggit niya sa pamamahagi ng bigas sa Taguig City University Gymnasium, General Santos Avenue, Lower Bicutan sa Taguig City kung saan tiniyak niya sa mga mamamayang filipino na desidido ang gobyerno sa hakbang nito na tiyakin ang food security sa bansa.

Sa kabilang dako, ang ipinamahaging bigas sa mga residente ng Taguig ay bahagi ng smuggled rice na nasabat sa isang operasyon ng Bureau of Customs (BOC) sa Zamboanga City.

Binigyang diin ng Punong Ehekutibo na nais niyang magpaabot ng “strong warning” laban sa mga rice smugglers na ang administrasyon ay hindi lamang uupo at walang gagawin para tuldukan ang kanilang ilegal na gawain na labis na nakasasakit hindi lamang sa ekonomiya kundi maging sa mga mamamayang Filipino.

“Una, upang mamahagi ng bigas para sa ating mga benepisyaryo. Pangalawa, upang bigyang-diin ang ating pagsisikap sa pagsulong ng seguridad ng pagkain sa bansa. At ang panghuli ay upang iparating sa inyo na seryoso ang pamahalaan sa pagsugpo sa smuggling, sa hoarding, at iba pang ilegal na gawaing nakaaapekto sa supply at presyo ng bilihin sa merkado,” ayon kay Pangulong Marcos.

“Binabalaan ko ang mga sumasabotahe sa ating ekonomiya: Kayong mga smuggler, kayong mga hoarder, at sindikato, tigilan na ninyo ang mga masama ninyong gawain,” aniya pa rin.

Samantala, sinabi naman ni Pangulong Marcos na ang rice smugglers ay kakasuhan ng paglabag sa Republic Act No. 10845 at Republic Act No. 7581 (Price Act). (Daris Jose)

APPLE ORIGINAL FILMS UNVEILS NEW FEATURETTE, “CHARACTER CHRONICLES: LEONARDO DICAPRIO AS ERNEST BURKHART”, FOR MARTIN SCORSESE’S HIGHLY ANTICIPATED “KILLERS OF THE FLOWER MOON”

Posted on: October 5th, 2023 by @peoplesbalita No Comments

APPLE Original Films has unveiled a new featurette, “Character Chronicles: Leonardo DiCaprio as Ernest Burkhart”, for Martin Scorsese’s highly anticipated “Killers of the Flower Moon.” Starring DiCaprio, Robert De Niro and Lily Gladstone, “Killers of the Flower Moon” will premiere in theaters around the world, including IMAX® theaters, on October 18.

Challenged and motivated by the role of Ernest Burkhart, DiCaprio committed himself to finding a footing for the character. “He assimilated himself into the Osage culture and became very much a chameleon,” the actor says of Burkhart. “We had a lot of meetings with members of the Osage community and they were incredibly helpful. We had some great advisers – that was a deep dive.”

Whenever possible, DiCaprio sought firsthand perspectives, sometimes from actual descendants and relatives of his character. Even so, he found himself approaching one of the most complex and conflicted acting jobs of his career. Burkhart arrives in Oklahoma wounded from the war, unable to perform heavy labor, and something of a dupe, naively dangled as bait by his uncle to the single Mollie. After he becomes complicit in the conspiracy, he still feels his love is genuine.

“Leo and I got very excited about creating Ernest as a character,” Scorsese says.

At the turn of the 20th century, oil brought a fortune to the Osage Nation, who became some of the richest people in the world overnight. The wealth of these Native Americans immediately attracted white interlopers, who manipulated, extorted, and stole as much Osage money as they could before resorting to murder. Based on a true story and told through the improbable romance of Ernest Burkhart (Leonardo DiCaprio) and Mollie Kyle (Lily Gladstone), “Killers of the Flower Moon” is an epic western crime saga, where real love crosses paths with unspeakable betrayal. Also starring Robert De Niro and Jesse Plemons, “Killers of the Flower Moon” is directed by Academy Award winner Martin Scorsese from a screenplay by Eric Roth and Martin Scorsese, based on David Grann’s best-selling book.

Hailing from Apple Studios, “Killers of the Flower Moon” was produced alongside Imperative Entertainment, Sikelia Productions and Appian Way. Producers are Martin Scorsese, Dan Friedkin, Bradley Thomas and Daniel Lupi, with Leonardo DiCaprio, Rick Yorn, Adam Sommer, Marianne Bower, Lisa Frechette, John Atwood, Shea Kammer and Niels Juul serving as executive producers.

Director: Martin Scorsese

Cast: Leonardo DiCaprio, Robert De Niro, Jesse Plemons, Lily Gladstone, Tantoo Cardinal, John Lithgow, Brendan Fraser, Cara Jade Myers, JaNae Collins, Jillian Dion, William Belleau, Louis Cancelmi, Tatanka Means, Michael Abbot Jr., Pat Healy, Scott Shepard, Jason Isbell, Sturgill Simpson

Writers: Eric Roth, Martin Scorsese

Producers: Martin Scorsese, Dan Friedkin, Bradley Thomas, Daniel Lupi

Exec. Producers: Leonardo DiCaprio, Rick Yorn, Adam Somner, Marianne Bower, Lisa Frechette, John Atwood, Shea Kammer, Niels Juul

“Killers of the Flower Moon” is distributed in the Philippines by Paramount Pictures through Columbia Pictures. Connect with #KillersOfTheFlowerMoon and tag paramountpicsph

**The interviews for this article were done before the writers and actors strikes.**

(ROHN ROMULO)

Kuwestyon sa MIF sasagutin ng Kamara

Posted on: October 5th, 2023 by @peoplesbalita No Comments

SASAGUTIN ng Kamara ang petisyong inihain sa Korte Suprema na kumukuwestiyon sa legalidad ng Republic Act (RA) 11954 o ang Maharlika Investment Fund Act of 2023.

Sa isang pahayag, sinabi ni Speaker Ferdinand Martin Romualdez na iginagalang nito ang direktiba ng Korte Suprema na maghain ng komento sa petisyon sa itinakdang oras.

“The House of Representatives, under my leadership as the Speaker, affirms its commitment to the rule of law and will duly submit our comment within the ten-day timeframe,” ani Speaker.

Binigyang-diin ni Romualdez na ang MIF ay nilikha upang magkaroon ng bagong mekanismo ang bansa upang mabilis na umunlad ang ekonomiya.

“The concerns raised by the petitioners deserve to be addressed comprehensively,” dagdag pa nito.

Mahalaga rin umanong ipabatid sa publiko na ang intensyon ng Kamara ay tiyakin na tama ang gagawing paggamit ng pondo ng bayan.