2023 October 19 Archive - People's Balita

July 1, 2024
Search in People's Balita
Ang Diyaryong Pinagkakatiwalaan

Archive for October 19th, 2023

Dahil happy naman kahit single: SAMANTHA, ‘di nagwi-wish na magkaroon ng lovelife

Posted on: October 19th, 2023 by @peoplesbalita No Comments

BIRTHDAY ni Samantha Lopez kahapon, October 18, pero hindi kasali sa mga birthday wishes niya ang magkaroon ng lovelife.

Kahit single siya ngayon ay happy naman raw siya.

“You know, kung may darating, kung may ibibigay si God, then, yeah, why not? Pero okay na rin, masaya naman, busy.”

Sabagay, halos wala na siyang oras para sa sarili niya lalo pa nga at idinaos niyang muli ang [3rd] SamLo Cup, ang kanyang taunang celebrity golf tournament.

Hands-on si Samantha sa kayang ganap, ultimo pag-aabot ng prizes sa raffle at table assignments sa lunch at awarding ceremony ay siya ang aligaga.

Kahit nangarag siya the night before ng SamLo Cup (October 17 ito ginanap) sa Wack Wack Golf and Country Club sa Mandaluyong dahil may mga nag-backout last minute.

“Si Tonton Gutierrez, nagkasakit, si Glydel Mercado, biglaang may taping, si Maricel Morales at husband niya nagkaroon ng emergency sa Pampanga,” kuwento pa ni Samantha.

Sa kabila nito, well-attended ang SamLo Cup; dumating sina Christopher de Leon at misis niya na cast member ng Magandang Dilag na si Sandy Andolong, Glenda Garcia na abala sa bagong GMA series ni Jo Berry, si Maey Bautista, Janelle Jaymer, Randy Santiago at Dingdong Avanzado na parehong nag-mini concert, same with 6Cyclemind vocalist na si Tutti Caringal na ang ganda pala ng katawan at ang hot mag-perform, Geneva Cruz na umawit kasama ang mga bata ng Kids For Jesus Foundation na beneficiary ng SamLo Cup, Cesar Montano at si Derek Ramsay minus Ellen Adarna.

Ngayong nairaos na niya ang SamLo Cup, balik-showbiz si Samantha dahil sabay siyang nagte-taping ‘for Love. Die. Repeat’ with Jennylyn Mercado for GMA at ‘Good Will’ for Net 25, produced by Korina Sanchez.

***

TINANONG namin si Elsa Droga kung paano niya naha-handle ang bashers?

“How do I handle bashers? For me bashers will make you famous, so ako pag may nangba-bash sa akin dine-deadma ko na lang.

“Kasi lahat naman tayo nagkakamali, kung may pagkakamali man tayo, deadmahin lang natin yung mga bashers, kasi hindi yan makakatulong e, parang pag pinatulan mo sila mas lalo ka nilang iba-bash, so para sa akin ang bashers treat them like a ghost, kumbaga binibigyan ka nila ng pagkakataon para mas lumakas pa yung loob mo, tatagan mo yung pagkatao mo, as long as bina-bash ka nila deadmahin mo na lang.”

Grand finalist sa segment na Miss Q and A ng ‘It’s Showtime’ noong 2018 si Elsa Droga kung saan siya sumikat kaya hiningan siya ng comment tungkol sa suspension ng naturang noontime show na nagsimula noong Oct. 14.

“Nakakalungkot po, kasi naging pamilya po namin ang Showtime e so… doon po ako nakilala, parang sa akin isa yun sa mga platforms na nagpapakilala ng iba’t-ibang klase ng tao, sila yung nagpapakilala sa buong mundo ng mga may potential

“So nung nalaman ko na suspended ang Showtime nakakalungkot siya. “Pero may mga platforms po na napapanood pa din ang Showtime, so ang nakakadismaya lang po sa amin is sana mabigyan ng pagkakataon ang Showtime na maipalabas uli sa television, dahil ang Showtime family po is lagi pong nagbibigay ng kasiyahan sa mga taong nalulungkot, sa mga taong depressed.

“Showtime is the best talaga, kaya sana bigyan ng pagkakataon ng MTRCB ulit.”

Latest project ni Elsa ang “Online In Love (Influencers Series)” kung saan introducing sa lead roles sina Gab Rosales at Daniel Bautista, kasama sina Jassy Calupitan, Jewel Gines, Marissa Joelle, Pink Rose, at Oreo Libios.

Ang limited online series na ito ay sinulat ni Eldrin Veloso, at ang executive producer ay si Marissa Joelle (na kandidata rin sa Mrs. Philippines 2023), line produced by Mabuhay PH, at sa direksyon ni Jag Cruz isang indie filmmaker na siya ring director ng “A Journey With Joanna Marie” na isang lifestyle show aired over Light TV.

Mapapanood ang Online In Love ngayong Nobyembre 2023 sa Youtube at iba pang streaming platforms.

(ROMMEL L. GONZALES)

Ads October 19, 2023

Posted on: October 19th, 2023 by @peoplesbalita No Comments

11 DRUG-CLEARED BARANGAY, PINARANGALAN NG QC LGU

Posted on: October 19th, 2023 by @peoplesbalita No Comments

KINILALA at pinarangalan ng lokal na pamahalaan ng Quezon City ang labing isang drug-cleared barangay bilang pagsusulong ng isang drug-free city.

Ang mga barangay na ito ay ang Project 6, Sto. Cristo, Veterans Village, Batasan Hills, San Isidro Galas, Sto. Nino, Kamuning, Sikatuna, Malaya, Sta. Monica, at San Bartolome.

Sa kabuuan, malinis na mula sa impluwensya ng iligal na droga ang 94 barangays sa lungsod dahil na rin sa pagsisikap ng QC Anti-Drug Abuse Council at ng Barangay Drug Clearing Program ng lokal na pamahalaan.

Pinarangalan din nina Mayor Joy Belmonte, Vice Mayor Gian Sotto, kasama ang mga konsehal, ang QC Police Station 4 (Novaliches) para sa pagtala nito ng “Most Number of Drug Cleared Barangay,” at “Most Number of Operations” simula Enero 2023.

Kasabay nito ang pag-award din sa QCPD-District Drug Enforcement Unit dahil sa kanilang “Most Number of Confiscated Drug” sa lungsod. Umabot sa 3.5 kls. ng shabu ang kanilang nasabat na nagkakahalaga ng P24 million.

Ang mga programa at inisyatiba ng lokal na pamahalaan laban sa illegal drugs ay naka angkla rin naman sa kontra iligal na droga program ng administrasyon ni Pangulong Ferdinand BongBong Marcos Jr. sa pangunguna ni Department of the Interior and Local Government Secretary Benjamin Benhur Abalos Jr. na tinaguriang BUHAY INGATAN, DROGA’Y AYAWAN o mas kilala bilang BIDA PROGRAM. (PAUL JOHN REYES)

BFAR, kailangan ang P450 million budget para sa surveillance vessels sa WPS

Posted on: October 19th, 2023 by @peoplesbalita No Comments

KAILANGAN ng Bureau of Fisheries and Aquatic Resources (BFAR) ang P450 million sa susunod na taon para bumili ng tatlong monitoring, control, and surveillance (MCS) vessels para tulungan ang mga mangingisda sa West Philippine Sea.

Inihayag ni BFAR Director Demosthenes Escoto ang nasabing halaga sa pagdinig ng Senate Finance Committee ukol sa panukalang P167 billion budget ng Agriculture Department at attached agencies nito kabilang na ang BFAR.

Ani Escoto, ang bawat MCS 50-meter vessel ay nagkakahalaga ng P150 million hanggang P200 million.

“We have 12 MCS vessels supplying fuel to our fishing vessels in West Philippine Sea area, but we have submitted a proposal for the refleeting of these vessels, considering that these vessels are already old. In fact, they were procured more than 15 years ago. Some are actually being repaired and some are not ready for sea,” ang sinabi ni Escoto sa mga senador.

“We are proposing purchasing about three new [MCS] vessels, at least every other two years, so that probably in around 10 years, we will be able to complete a new set,”dagdag na wika nito.

Tinuran pa ni Escoto na ang uri ng vessel ay may kakayahan na mag-suplay ng langis at maaaring gamitin para sa relief operations sa panahon ng kalamidad.

Sa kabilang dako, suportado naman Nina Senador JV Ejercito at Cynthia Villar ang naging kahilingan ni Escoto na dagdagan ang pondo.

“It is very important for us to support this because this will aid our fishermen in the West Philippine Sea, especially those fishing boats who are deployed far from the shore,” ayon kay Ejercito

“We have to take advantage of our marine resources. It is our fisherfolk who should be there in the West Philippine Sea area,” aniya pa rin.

Para naman kay Villar, ang P50 million confidential fund ng DA sa illaim ng panukalang 2024 budget ay dapat na i- reallocate sa BFAR sa halip na pondohan ang pagbili ng MCS vessels para sa West Philippine Sea deployment.

“The confidential fund should be realigned to this to protect our fishermen so such a fund won’t be questioned anymore,” ayon kay Villar.

“But then again, that is just P50 million,” dagdag na pahayag nito. (Daris Jose)

11 malls sa bansa handa na sa BSKE

Posted on: October 19th, 2023 by @peoplesbalita No Comments

HANDA na ang 11 SM at Robinsons malls sa bansa na pagdarausan ng Barangay at SK Election sa October 30.

Ayon kay Comelec spokesman Atty. John Rex Laudiangco, kabilang dito ang 2 malls sa Cebu at isa sa Legaspi, Bicol at 8 sa Metro Manila tulad sa Robinsons Galleria at SM Fairview.

Kung maganda ang resulta ng mall voting ngayong BSKE ay maaaring gawin na nilang nationwide ang pagdaraos ng halalan sa mga malls, sabi pa ni Laudiangco.

Sa malls anya ay mas accessible ang lugar, maraming guard, malamig at maayos ang lugar na pabor sa mga voters.

May early voting naman ang magaganap sa Muntinlupa at Naga para sa mga buntis,PWD at Senior Citizens.

Hindi kasama ang mga OFW sa mga boboto sa BSKE dahil pang national positions lamang sila pinapayagan na bumoto.

Handa na rin aniya ang lugar na pagdarausan ng election para sa mga bilanggo at maging ang gagawing election sa EMBO barangays na nasa pangangasiwa na ng Taguig.

Maging ang 2 barangay sa Cavite at sa barangay Pasong Tamo para sa 3 barangay na natatanging pagdarausan ng automated BSKE.

Sinabi ni Laudiangco na ang resulta ng automated election sa 3 barangay na ito ang pagbabasehan kung gagawin nang automated ang sunod na BSKE election sa December 2025.

Ngayong BSKE ay may 8 barangay nationwide ang walang kandidato na Chairman at 124 barangay ang walang SK chairman na kandidato habang 543 barangay ay walang kandidato ng SK kagawad na maaaring hindi anya kumandidato dahil may mga kaanak na incumbent officials.

Sa QC, ang Barangay Silangan ang nailagay nila sa yellow alert dahil sa political rivalry.

Sa kabuuan anya ay handa na ang Comelec para sa BSKE.

Implementing Rules and Regulation ng Maharlika Investment Fund ipinasuspinde muna ni PBBM

Posted on: October 19th, 2023 by @peoplesbalita No Comments

NAGLABAS ngayon ang Malakanyang ng memorandum circular mula sa office of the Executive Secretary para sa pagsuspinde sa implementing rules and regulations o IRR ng Maharlika Investment Fund Act of 2023.

Ang memorandum ay batay sa kautusan mismo ni Pangulong Ferdinand Marcos jr na suspendehin muna ito pending futher study o habang patuloy na pinag aaralan.

Nais din ng chief executive na malinaw na mailatag muna ang mga safeguard para maging bukas ito o transparent at magkaroon ng pananagutan o accountability.

Ang nasabing memorandum ay ipinarating ni Executive Secretary Lucas Bersamin para kay Bureau of Treasury Officer-in-Charge Sharon Amanza, President and Chief Executive Officer Lynette Ortiz ng Land Bank of the Philippines (LBP), at President and Chief Executive Officer Michael de Jesus ng Development Bank of the Philippines (DBP).

Ang memorandum ay pirmado ni Bersamin na may petsang October 12.

Samantala, imbes na isuspinde lang, tuluyang ipinababasura ng progresibong ACT Teachers party-list kay Pangulong Ferdinand “Bongbong” Marcos Jr. ang kontrobersyal na Maharlika Investment Fund (MIF).

Ibinalita kasi ngayong Miyerkules ang biglaang pagsuspindi ni Bongbong ang pagpapatupad ng implementing rules and regulation (IRR) ng naturang batas.

“With reference to the IRR of [Republic Act] No. 11934, and upon the directive of the President [Marcos], the Treasurer of the Philippines, in coordination with the [Land Bank of the Philippines] and [Development Bank of the Philippines], is hereby DIRECTED to suspend the implementation of the IRR of RA No. 11954,” ayon sa memorandum na ipinadala ni Executive Secretary Lucas Bersamin noong ika-12 ng Oktubre.

“[This is] pending further study thereof, and to notify all concerned heads of departments, bureaus, offices and other agencies of the executive department, including [Ggovernment-owned and controlled corporations], of such action.”

Idinirehe ni Bersamin ang naturang memo kay Bureau of the Treasury officer-in-charge Sharon Almanza, LDP president at chief executive officer Lynette Ortiz at DBP president at CEO Michael de Jesus.

Pinangangambahan nang maraming sektor ang pagpapatupad ng naturang batas sa takot na maaabuso ito o hindi kaya’y uubos sa pensyon ng karaniwang tao oras na malugi.

Makakukuha ang Maharlika Investment Crop. ng hindi bababa sa P75 bilyon sa paid-up capital ngayon 2023. Nangangahulugan ito ng P50 bilyon mula sa Land Bank of the Philippines at Development Bank of the Philippines, na parehong bangko ng gobyerno.

Maglalagak din ng P50 bilyon dito mula sa dibidendo ng Bangko Sentral ng Pilipinas. Kasama ring pagkukunan ang share ng gobyerno sa state-owned Philippine Amusement and Gaming Corp.

Bubuuin ang capital stock ng P500 bilyon, bagay na hinati sa 5 bilyong shares sa presyong P100. Bubuuin ito ng 3.75 bilyong common shares, katumbas ng P375 bilyon, at 1.25 bilyong preferred shares (P125 bilyon).

Sa kabila nito, sinabi ni House Deputy Minority leader at Rep. France Castro (ACT Teachers party-list) na tila minadali at “flawed” ang desisyon ni Bongbong na suspindihin ang pagpapatupad ng batas.

“It would be better if Pres. Marcos Jr. just scrapped the whole Maharlika law rather than just suspend it,” wika ni Castro ngayong Miyerkules.

“As Bayan Muna executive vice-president Carlos Isagani Zarate said last week ‘the Marcos administration placed in grave danger the [LBP] and the [DBP] respective capitals after the twin state-run depositary banks were required to finance the creation of the Maharlika Investment Fund (MIF).”

Paliwanag daw kasi ng Bayan Muna, nakaaalarma na mailalagay sa alanganin ang fiscal health ng mga naturang financial institutions dahil sa pagkahumaling sa ideya ng pagtatayo ng sovereign wealth fund.

Dagdag pa ng deputy minority leader, sablay na raw talaga ang Maharlika funds sa simula’t sapul lalo na’t wala naman daw sobrang pondo ang gobyerno para rito.

Una nang sinabi ni Bongbong na layunin ng RA 11935 na makabangon sa epekto ng pandemya.

“[M]ula pa sa pera ng bayan ang ipopondo dito sa halip na gamitin sa mga batayang serbisyo para sa mamamayan… maski ang pagsertipika dito as urgent ay di sumunod sa proseso… Mga appointee pa din ng pangulo ang mamamahala dito at bukas ito sa korapsyon,” dagdag pa ni Castro.

“Malinaw na mas maraming problemang idudulot ang Maharlika fund at walang garantiya ang benepisyo, mabuti pang ibasura na ito habang maaga pa.”

Setyembre lang nang hilingin ng Bayan Muna sa Korte Suprema na ideklarang labag 1987 Constitution ang batas lalo na’t minadali raw ang pagpapatupad nito sa pamamagitan ng “presidential certification of urgency.” (Daris Jose)

Diablox’ pumiyok, tumugma na nasa likod ng pag-hack sa mga gov’t websites

Posted on: October 19th, 2023 by @peoplesbalita No Comments

TUMUGA ang isang indibiduwal at umamin na responsable sa kamakailan lamang na cyberattacks sa ilang government websites.

Sa isang recorded video message na naka-post sa X, dating Twitter, isang account ng nagngangalang ‘Diablox Phantom’ ang humingi ng paumanhin sa mga naapektuhan ng kanyang ginawang pagha-hack.

Kinumpirma naman ni DICT spokesperson Assistant Secretary Aboy Paraiso na batid ng DICT ang personalidad na ito.

“There is an ongoing investigation by the CICC (Cybercrime Investigation and Coordinating Center) for proper attribution of his identity and his claims,” ayon kay Paraiso.

Sa kabilang dako, inamin at inangkin ng indibidwal na siya ang nasa likod ng cyberattacks.

Iyon nga lamang wala siyang plano na ibenta ang data na kanyang nakolekta mula sa hacking.

Kabilang sa ‘systems’ na biktima ng hacking ay ang Philippine Statistics Authority (PSA), Philippine National Police (PNP), at Department of Science and Technology (DOST).

“Maasahan niyo na buburahin ko ang data na hawak ko. Pagkatapos ng insidenteng ito wala na pong Diablox Phantom ang mabubuhay sa cyberspace,” Diablox Phantom said.

Sinabi pa niya na “out of passion” kaya ginawa niya ang pagsira sa ‘government system.’

“Pangha-hack ko sa website ng gobyerno ay passion ko lamang po ito at wala pong ibang nagtutulak sa akin na gawin po ito,” ayon kay Diablox Phantom.

Binigyang diin pa ni Diablox Phantom na dapat na bigyang importansya ng pamahalaan ang cyber security.

Nauna rito, sinabi naman ni DICT Undersecretary Jeffrey Dy na ang suspek na nag-post at nag-leak ng data mula PSA at DOST ay pareho.

Sinabi naman ng DICT na posibleng local hacker ang nasa likod ng hacking. (Daris Jose)

PINIRMAHAN ni Mayor John Rey Tiangco

Posted on: October 19th, 2023 by @peoplesbalita No Comments

PINIRMAHAN ni Mayor John Rey Tiangco, kasama sina Environment Secretary Maria Antonia Yulo-Loyzaga, Public Works and Highways Secretary Manuel Bonoan, at San Miguel Corporation (SMC) President Ramon Ang, ang isang Memorandum of Agreement (MOA) para mabawasan ang polusyon sa Navotas River sa pamamagitan ng Adopt-a-River Program. (Richard Mesa)

Star-studded ang premiere night ng movie: ALDEN at JULIA, napakahusay at kakaiba ang pagganap

Posted on: October 19th, 2023 by @peoplesbalita No Comments

STAR-STUDDED ang naging premiere night ng pelikulang ‘Five Breakups and a Romance’ na ginanap sa SM Megamall noong Martes ng gabi.

Ibang klase ang ipinakitang suporta ng mga kapatid ni Julia Montes sa Cornerstone Entertainment at maging ang ‘FPJ’s Ang Probinsyano’ pa na kunsaan, naging bahagi rin si Julia.

At siyempre, ang mga Kapuso at kaibigan ni Alden. Ang kanyang pamilya ay present din sa premiere night, mula sa kanyang Lola, Daddy at mga kapatid.

Maaga pa lang, dumating na ang mga actress na sina Lorna Tolentino, Gina Alajar, at Jaclyn Jose. Magkasabay na dumating sina Cherry Pie Picache at John Estrada. At gayundin si Shaina Magdayao.

Dumating din ang executives ng GMA-7 na sina Atty. Annette Gozon-Valdes, Joy Marcelo, at Tracy Garcia ng Sparkle GMA Artist Center. Gayundin ang Star Cinema’s Malou Santos.

Ang mga Kapuso stars na sina Ruru Madrid at Bianca Umali, Sanya Lopez, Dion Ignacio, Kelvin Mirandam Jane de Leon, Kristoffer Martin, Christian Bautista, Jo Berry, Rodjun Cruz.

Ang mga talents ng Cornerstone Entertainment, Inc. na sina Iñigo Pascual, Alex Diaz, Moi Bien Marcampo, Queenay Mercado, Elijah Canlas, Kyle Echarri, Empoy Marquez, KZ Tandingan at iba pa.

Ang Megastar na si Sharon Cuneta ay nanood din, lalo pa nga’t parehong napakalapit na sa puso niya nina Alden at Julia.

Magkasama namang dumating sina Miles Ocampo at Kathryn Bernardo. Parang bumalik ang mga ‘Goin’ Bulilit’ bff.
At si Kathryn na talagang ipinakita rin ang suporta kina Alden at Julia. Sabi ni Kathryn, since comeback movie raw ito, lalo na ng kaibigang si Julia, talagang hindi niya pwedeng i-miss.

Showing na ngayon sa over 230 cinemas nationwide ang ‘Five Breakups and a Romance’ na sana ay suportahan ng mga manonood.

Parehong napakahusay nina Alden at Julia sa movie at umpisa pa lang, siguradong masasabi na “Ibang Alden” at “Ibang Julia” ang mapapanood nila.

Sa direksiyon ni Irene Villamayor under Cornerstone Entertainment, GMA Pictures at Myriad Entertainment.

***

PINAG-UUSAPAN ngayon sa social media at sa showbiz industry ang paglantad ni Abegail Rait at ng kanyang 15-year-old daughter na si Cheska na diumano’y anak sa kanya ng yumaong Master Rapper na si Francis Magalona.
Sa video na inilabas ni Boss Toyo sa kanyang “Pinoy Pawnstars” vlog, makikitang ibinebenta ni Abegail ang blue jersey ni Francis noong nabubuhay pa ito na aniya ay binigay sa kanya ng yumaong master rapper.

Ang nasabing jersey ay may kasamang letter ni Francis M. kay Abegail na nagsasaad ng “I love you so much” at larawan nilang magkasama na kuha raw noong 2007.

Sa kuwento ni Abegail ay nagkakilala sila ni Francis nang manood siya noon sa studio ng “Eat Bulaga” kung saan nga ay isa sa hosts ang rapper.

Nakita raw siya ni Francis at gumawa ng way para makuha ang kanyang contact number. Hanggang sa nagkaroon na nga sila ng relasyon at nabuntis siya.

Dahil sa paglantad na ito ng mag-ina, may mga naniwala agad at meron din naman talaga na nagsasabing kahit ngayon lang lumantad ang mga ito, tila may motibo dahil sa balitang papasok din sa showbiz ang sinasabing anak ni Francis M.

(ROSE GARCIA)

BSP, ipinalabas ang monitoring guidelines sa posibleng digital vote-buying

Posted on: October 19th, 2023 by @peoplesbalita No Comments

IPINALABAS ng Bangko Sentral ng Pilipinas (BSP) ang guidelines para sa pagmo-minitor ng supervised financial institutions ng posibleng nagawang vote-buying activities sa pamamagitan ng online banking at mobile wallet applications.

Ibinahagi ng Commission on Elections (Comelec) Chairman George Garcia ang kopya ng BSP Memorandum No. M-2023-30, ipinalabas noong Oktubre 10 at nilagdaan ni BSP Deputy Governor Chuchi Fonacier.

“To mitigate the heightened risk of the possible use or misuse of digital channels (i.e., online banking, mobile wallet applications) in vote-buying/selling activities, [BSP-supervised financial institutions (BSFIs)] should reinforce their measures and controls to ensure that appropriate customer onboarding processes, effective farug management system (FMS) and ongoing account and transaction monitoring capabilities are commensurate to respond to these fraudulent activities,” ang nakasaad sa memorandum.

Sinabi ng BSP sa BSFIs na ikunsidera ang sumusunod na posibleng senaryo ng pagkakalibrate ng kanilang FMS at “account and transaction monitoring rules and parameters:”

“Concentration and/or significant number of account registrations in the area or locality where vote-buying/selling is identified to be rampant; Large cash transactions during election period; Unusual transaction flows between accounts, including the velocity and frequency of transactions (i.e, may-to-one, one-to-many) at Unusual volume and/or value in cash in/cash out channels (agents).”

Tinukoy ng BSP ang Section 922 ng ” Manual of Regulations for Banks/Section 922Q of the Manual of Regulations for Non-Bank Financial Institutions, in relation to Section 3 (b-1) and Section 9 (c ) of the Anti-Money Laundering Act of 2001 as amended, and Section 1, Rule 3 and Rule 22 of its 2018 Implementing Rules and Regulations.”

“Under these rules, the BSP said BSFIs should submit suspicious transaction reports to the Anti-Money Laundering Council, when warranted, after due investigation of complex, unusually large transactions, unusual patterns of transactions, which have no underlying legal/trade obligation, purpose or economic justification, or the amount involved is not commensurate with the business or financial profile of the client and other transactions that may be considered suspicious,” ang nakasaad pa rin sa memorandum.

Ang memorandum ay ipinalabas “in line with the national government and the Commission on Election’s efforts to curb vote-buying and vote-selling, especially in the upcoming Synchronized Barangay and Sangguniang Kabataan Elections.”

“[T]he BSP strongly calls for the adoption of enhanced surveillance and monitoring measures to prevent the misuse of the financial institutions as conduits for this illegal activity. BSFIs are likewise urged to tighten their existing controls in detecting or preventing the possible influx of fraudulent accounts and transactions as the election date approaches,” ayon pa rin sa memorandum.

Bago ang Oktubre 30 BSKE, lumikha ang Comelec ng Committee on Kontra Bigay na inaasahan na imbestigahan at maghain ng kaso laban sa indibiduwal na sangkot sa vote-buying at vote-selling.

“This committee evolved from the 2022 national and local elections’ Task Force Kontra-Bigay,” ayon sa ulat.

Sa kasalukuyang, nakapaghain na ang komite kontra vote-buying ng disqualification petitions laban sa limang BSKE candidates.

Ang Vote-buying and vote-selling ay kinokonsidera bilang election offense SA ilalim ng Section 261 ng Omnibus Election Code.

Ang sinumang tao na mapapatunayang guilty sa election offense ay papatawan ng parusa na may pagkabilanggo ng hindi bababa sa isang taon at hindi naman lalagpas sa anim na taon.

Ang mapatutunayang guilty ay hindi papayagan na bumoto at pagbabawalan na humawak ng anumang public office, at ang political party na mapatutunayang guilty ng vote-buying ay pagmumultahin. (Daris Jose)