INSTAGRAM post ni Megastar Sharon Cuneta ang first day take ng “Five Breakups And A Romance” na P10M: Congrats to my babies, @aldenrichards02 and @montesjulia08 on the success of #fivebreakupsanda romance!!! 

“Napanood ko siempre nung premiere night nila – di pwede absent si Mommy! – and napakagaling nilang dalawa (pagmamahal aside), ng direction, script, lighting, at lahat na! Congrats po to GMA Pictures and CS Pictures, Myriad Productions! And to Direk Irene.  Super galling!” Mabilis namang nagpasalamat si Alden: “Thank you Mama.|

IG post din ni Alden ang: MABUHAY ANG PAG-IBIG! Five Breakups and a Romance has breached P10M! Walang humpay pong pasasalamat!”

Ang movie ay ipinalalabas na in more than 240 cinemas all over the Philippines at maraming nagpapa-block screening para makasiguro silang mapapanood nila ang movie.  Congratulations!!!

***

HINDI inaasahan ang pagkikita nina John Lloyd Cruz at Bea Alonzo sa studio ng “Fast Talk with Boy Abunda” sa GMA Network last Thursday, October 19.

Pareho pala silang guest sa week-long birthday celebration ni Boy.

“Hello po, Sir John Lloyd,” pabirong bati ni Bea kay John Lloyd, na yumakap nang mahigpit sa kanya.

Ang mga tao naman sa studio ay sumisigaw ng “Popoy” at “Basha,” ang mga characters na ginampanan nila sa 2007 blockbuster movie na “One More Chance.”  Nagkumustahan ang dalawa na mukhang matagal nang hindi nagkikita.

Kaabang-abang daw ang interview na ginawa ni Boy kina Bea at John Lloyd na mapapanood next week dahil buong katapatan daw nilang sinagot ang mga personal questions na ibinato sa kanila ni Boy.

First time daw itong nagsalita si John Lloyd tungkol sa tunay na estado ng relasyon nila ni Isabel Santos, sa co-parenting agreement nila ni Ellen Adarna sa anak nilang si Elias, at ang mga pagbabago sa kanyang buhay dahil sa kanyang anak.

Ano naman kaya ang inamin ni Bea kay Boy, tungkol sa kanilang nalalapit na pagpapakasal ng boyfriend na si Dominic Roque?

Ang “Fast Talk with Boy Abunda” ay napapanood daily, 5:20 pm sa GMA-7 .

***

TAWA lamang nang tawa si Kapamilya actor at TV host na si Piolo Pascual nang tanungin tungkol sa isyung nabuntis daw niya si Shaina Magdayao?

Kumalat kasi ang balitang preggy si Shaina at ang itinuturong tatay ay si Papa P (Piolo).  Sa isang interview ay sinagot na ni Piolo ang sinasabing balita tungkol sa kanila ni Shaina.

Tawang-tawa nga si Piolo at pabiro rin niyang sinagot ang nag-viral na tsismis, “Siyempre ang daming tumawag sa akin, kaya ang biro kong sagot: ‘sorry hindi ko kayo nasabihan, Sini-secret talaga kasi namin, e, hahaha! Know for yourself, di ba? Buti pa kayo alam ninyo!”

Pero inamin naman ni Piolo na espesyal pa rin sa puso niya si Shaina pero ayaw muna niyang lagyan ng label ang kanilang relasyon.

“Tingnan po natin anong mangyayari.  First there is pressure in the family, in the society and she’s a good friend with my family.  Sa ngayon ay I’m really busy and I don’t have any time for that, so I don’t wanna be unfair.”

Meanwhile, gumawa ng isang horror-thriller si Piolo, na may tatlong character siyang gagampanan, at inamin niyang nahirapang siya talagang gawin ang “Mallari” na entry ng Mentorque Productions at CleverMind, Inc. para sa 2023 Metro Manila Film Festival sa December.

(NORA V. CALDERON)

NAAKSIDENTE pala si Katrina Halili habang kinukunan ang isang maaksyon na eksena sa action-serye na ‘Black Rider’ ng GMA Public Affairs.

On Instagram, sinabi ng Kapuso actress na naka-recover na siya mula sa aksidente at nakapag-taping na siya ulit.

“Recovered from a mishap from Black Rider shoot, game na ulit si Romana. Babagsak pero tatayo palagi, lavarn na ulit,” caption pa niya sa Instagram.

Bukod kay Katrina, nakaranas din ng aksidente sa set ang bida ng ‘Black Rider’ na si Ruru Madrid.

Nag-physical therapy ang Sparkle actor ng isang buwan bago ito ulit sumabak sa mga buwis-buhay na mga eksena.

***

BINALIKAN nila Mark Anthony Fernandez at Eric Fructuoso ang mga ganap noong Guwaping days nila.

Nabuo ang grupo nila with Jomari Yllana noong 1992. Naging regular sila noon sa sitcom na ‘Palibhasa Lalake’, naging endorsers ng Bench at naging box-office hit ang pelikula nilang ‘Guwapings: The First Adventure.’

Hindi raw nila in-expect noon na sisikat sila hanggang sa makita nilang hinahabol na sila ng fans kahit saan sila magpunta.

Pag-alala ni Mark: “Noong hinahabol kami ng mga tao at sinisigawan. ‘Yung part ng feeling ko, Beatles kami.”

Kuwento naman ni Eric: “Bawal kami lumabas at pumunta ng mall pero hindi namin sinunod at nalaman namin kung bakit bawal. Pumunta kami sa Bench at ayun sinara, hindi kami makalabas.”

Noong buhay pa raw ang manager nilang si Douglas Quijano, lagi raw silang pinapagalitan at pinagsasabihan dahil pasaway silang tatlo.

Mga bata pa raw kasi sila noon kaya hindi nila naintindihan kung bakit parating binabantayan mga kinikilos nila sa publiko.

Ngayon ay mga tatay sina Mark, Eric at Jomari.  Proud si Mark sa anak na si Grae Fernandez dahil mas pinili nito ang mag-aral ng filmmaking sa New York kesa sa ituloy ang showbiz career.

Si Eric naman ay lolo na dahil may apo na siya sa panganay niyang si Frederick.

Ang panganay naman ni Jomari kay Aiko Melendez na si Andrei ay nag-aartista na rin.

***

BIG hit agad ang first Christmas single ni Cher na “DJ Play A Christmas Song” na galing sa first Christmas album niya na “Cher Christmas”.

Pasok ito sa No. 3 spot ng Dance/Electronic Digital Song Sales chart ng Billboard. Ito ang third single ni Cher na nag-hit sa naturang chart after “Believe” and “Strong Enough” noong 1998.

Isang 13-track album ang Cher Christmas kunsaan ka-duet ng 77-year old music icon sina Stevie Wonder, Cyndi Lauper, Michael Bublé, Tyga, and Darlene Love sa mga featured holiday songs.

Dedicated ang first Christmas album ni Cher sa kanyang ina na si Georgina Holt na pumanaw last year sa edad na 96.

SOBRA saya nga ni Queen of All Media Kris Aquino nang dalawin siya ni Kim Chiu na itinuturing niyang panganay.

Makikita sa IG post ni Kris ang video ng muli nilang pagkikita ng isa sa star ng ‘Linlang’ at nominated din sa Best Actress category ng The 6th EDDYS ng SPEEd na sa November na ang awards night.

“All i can say is i love you, i super appreciate your effort to visit, and even if it was a gloomy day, you were the much needed reminder that after all the storms, we can look forward to a RAINBOW 🌈…,” panimula niya.

“i’ve missed you, as in SUPER. 50% less yung sakit nung biological injectable ko at 1 PM after seeing you, please visit again & often? Diba may bedroom ka na?

“Thank you for until now (16 years & counting) genuinely caring for & trusting me; super sad your ka-birthday because he arrived 10 mins after you left.”

Say pa ni Kris, “Videographer & the person kimmy’s ate contacted to coordinate was vice gov @markleviste- we’ve both learned from our mistakes…with God’s help sana tuloy tuloy na yung harmonious and supportive relationship namin.” Pasasalamat pa niya, “Thank you bimb for helping us realize all the things we needed to repair in order to strengthen our commitment.

“Thank you to all of you who are praying for me, slowly gumaganda my numbers. That’s because of the power of our collective prayers. God’s rewarding our #faith.

“Roughly 15 more months of treatment, but i’m alive and hopeful; tuloy ang LABAN, bawal sumuko. #grateful.”

Comment naman ni Kim “I love you so much ate. so so so much. Ngayon alam ko na saan ako mag message. thank you so much to sir @markleviste for reaching out. Super happy ako. happy ako to talk and see you ate after so many years. Love u ate. @krisaquino.”

After ng ilang araw, nag-post naman si Kim sa Instagram ng series of photos kasama si Kris, Josh at Mark na sinimulan niya ng, “𝑨𝒍𝒘𝒂𝒚𝒔 𝒕𝒐𝒈𝒆𝒕𝒉𝒆𝒓 𝒏𝒆𝒗𝒆𝒓 𝒂𝒑𝒂𝒓𝒕. 𝑴𝒂𝒚𝒃𝒆 𝒊𝒏 𝒅𝒊𝒔𝒕𝒂𝒏𝒄𝒆, 𝒃𝒖𝒕 𝒏𝒆𝒗𝒆𝒓 𝒊𝒏 𝒉𝒆𝒂𝒓𝒕.”

Kasunod nito ay, “I am super happy to be reunited with my ate @krisaquino Seeing you after so many years makes my heart I am happy to see you in good shape and good health, praying na magtuloy tuloy na.

“Isa pa sa namiss ko yung mga chikahan natin and tawanan. Glad that we had that time ate kahit sandali lang, next time longer na with matching sleep over.

“Thank you to all your doctors and nurses for taking care of you. Thank you also to sir @markleviste for making this possible.

“I’m happy to see Kuya Josh also, and hopefully next time, si Bimb naman. I love you so much ate!!! praying for good health and fast recovery. missed you so much ate.”

Marami naman ang pumuri sa ginawang pagdalaw ni Kim kay Kris at say pa nila, sana raw ay mag-effort ding dumalaw ang iba pang close friends at mga natulungan niya noong nasa ABS-CBN pa siya.

(ROHN ROMULO)