- December 26, 2024
-
Search in People's Balita
Ang Diyaryong Pinagkakatiwalaan
Archive for April 3rd, 2024
Export ng PH lumampas ng $100-B noong 2023 – DTI
IPINAGMALAKI ni Department of Trade and Industry (DTI) Secretary Alfredo Pascual na sa unang pagkakataon, ang mga export ng Pilipinas ay lumampas sa USD 100 bilyon noong 2023.
Ayon kay Director Bianca Sykimte ng DTI- Export Marketing Bureau (EMB) na ang kabuuang taon na pag-export ng parehong mga produkto at serbisyo ay umabot sa USD 103.6 bilyon, na nagmarka ng 4.8% pagtaas mula sa nakaraang taon.
Aniya, malaki ang ambag sa paglago sa sektor ng information technology at business process management (IT-BPM) at ang mga kita sa turismo.
Aktibo ring nagsusumikap ang DTI upang mapakinabangan ang lakas ng sektor ng serbisyo at tugunan ang mga hamon sa pagluluwas ng paninda.
Kasama sa mga pagsisikap na ito ang pagpapalawak sa service industry sa pamamagitan ng pagpasok ng mga bagong merkado at pagpapalakas gaya ng nakabalangkas sa Philippine Export Development Plan (PEDP) 2023-2028.
Inihayag din ni Sec. Pascual na kanilang kinikilala ang patuloy na mga hamon sa domestic at global trading environment.
Kaya umaasa silang matugunan ang mga umiiral na hadlang sa pagiging mapagkumpitensya sa pag-export ng Pilipinas habang patuloy ipinapatupad ang PEDP para sa 2023 hanggang 2028. (Daris Jose)
Bigo man sa titulong ‘Queen of the Mothertucking World’: MARINA, nag-iisang Asian na umabot sa Top 4 sa ‘RuPaul’s Drag Race: UK vs. the World’
BIGO na mapanalunan ng Pinay Drag Artist na si Marina Summers ang titulo na Queen of the Mothertucking World sa ‘RuPaul’s Drag Race: UK vs. the World’.
Ang nagwagi ay si Tia Kofi ng UK.
Umabot sa Top 4 si Marina pero napauwi siya nang hindi siya magwagi sa lipsync showdown.
“We might have not liked my ending, but I had the best time with my lovely @dragraceukbbc girls! So so so damn honored to be part of this amazing show!
“Ps. I’ve said this before, and I’m gonna say it again… @rupaulofficial you really want be back don’t ya?!?!” post ni Marina sa social media.
Bago siya mag-sashay away sa Drag Race stage, heto ang sinabi niya kay RuPaul…
“Philippines, Asia, World, thank you so much for giving this little Filipina a BIG chance to win your hearts. This was such a magical run for me and I couldn’t be anymore prouder! I will always and forever be, your Filipina Winnah!”
Si Marina ang nag-iisang Asian contestant sa show at naging frontrunner siya dahil sa pag-showcase niya ng Filipino culture sa competition. Napanalunan niya ang tatlong Ru Badges sa first six episodes.
Naging first runner-up naman si Marina sa first season ng Drag Race Philippines noong 2022.
(RUEL J. MENDOZA)
Lolo isinelda sa pangmomolestiya sa dalaginding sa Valenzuela
HIMAS-REHAS ang 82-anyos na biyudo matapos ireklamo ng pangmomolestiya sa 13-anyos na batang babae na miyembro ng pamilyang nag-alaga at nagpapakain sa kanya sa Valenzuela City.
Agad iniutos ni Valenzuela police chief P/Col. Salvador Destura, Jr. sa Women and Children’s Protection Desk (WCPD) ang pagsasampa ng kasong rape through sexual assault na may kaugnayan sa R.A. 11648 o ang Act Providing for Stronger Protection Against Rape and Sexual Exploitation and Abuse, Increasing the Age for Determining the Commission of Statutory Rape sa biyudo.
Ayon kay Col. Destura, nagso-solo na sa buhay at walang mga kaanak ang suspek at dahil malapit siyang kaibigan ng pamilya ng biktima, sila na ang nangalaga at nagbibigay ng pagkain sa matanda.
Nitong araw ng Sabado, dinalhan ng pagkain ng biktima ang suspek subalit, bago makaalis ang bata ay pinapasok siya sa loob ng bahay ng matanda dahil may ibibigay umano sa kanya para naman sa kanyang pamilya.
Gayunman, nang nasa loob na ng bahay ang bata, sinimulan na siyang molestiyahin at paghihipuan sa maselang parte ng katawan ng matanda habang binubulungan ng mga malalaswang salita.
Sa kabila ng nadaramang takot, hindi pinanghinaan ng loob ang bata at nagpumiglas ito hanggang sa magawang makatakbo palabas ng bahay at agad na nagsumbong sa kanyang pamilya.
Kaagad namang humingi ng tulong ang pamilya ng biktima sa Valenzuela police na nagresulta sa pagkakaaresto sa suspek. (Richard Mesa)
Kagyat na tugunan ang terorismo, cybercrime
INATASAN ni Pangulong Ferdinand Marcos Jr. ang bagong hinirang na Philippine National Police (PNP) chief Major General Rommel Francisco Marbil na tulungan ang gobyerno na tugunan ang mga sumusulpot na banta sa kapayapaan at kaayusan sa bansa.
Sa isang seremonya para sa PNP change of command na idinaos sa Camp Crame, Quezon City, sinabi ni Pangulong Marcos kay Marbil na “You have my full confidence and my full support, as you begin to champion a police that is pro-God, pro-country, pro-people, pro-environment. Let us work closely with you in addressing emerging threats, such as cybercrime, terrorism, and transnational crimes.”
Sinabi pa ng Chief Executive na kailangang tiyakin ng PNP ang “highest standards of professionalism” at magbigay ng pinakamahusay na serbisyo sa mga mamamayan.
“Let us now ensure that the PNP will be agents of progressive transformation in the lives of our people by ensuring the safety and well-being of every community in the land,” dagdag na wika nito.
Nasungkit ni Marbil ang pinakamataas na posisyon sa PNP matapos na opisyal ang pagreretiro sa serbisyo si General Benjamin Acorda, ngayong araw ng Lunes, Abril 1, tatlong buwan matapos na I-extend ni Pangulong Marcos ang kanyang termino.
Bago pa itinalaga si Marbil bilang hepe ng PNP, itinalaga muna ito bilang officer-in-charge ng Directorate for Comptrollership ng institusyon.
Nagsilbi rin si Marbil bilang police director of Eastern Visayas.
Araw ng Linggo, inanunsyo ng Malakanyang na itinalaga si Lieutenant General Emmanuel Baloloy Peralta bilang PNP officer-in-charge habang nakabinbin ang pag-exit ni Acorda subalit hindi naman nagtagal ay kaagad naman siyang pinalitan ni Marbil, kung saan ang designasyon ay inihayag sa seremonya sa PNP headquarters sa Camp Crame at pagkatapos ay nanumpa sa tungkulin sa kaparehong event.
Si Marbil ay pang-30 hepe ng PNP.
‘The First Omen’ Reveals Horror’s Beginnings in Cinemas April 5
Experience the spine-tingling origins of evil with ‘The First Omen.’ Discover the untold story coming to Philippine cinemas on April 5.
Prepare to be transported to the chilling depths of terror as “The First Omen” emerges onto the big screen in Philippine cinemas on April 5. This highly anticipated installment of the famed Omen franchise promises to send shivers down your spine with its gripping narrative, rich lore, and heart-stopping thrills.
Nell Tiger Free as Margaret in 20th Century Studios’ THE FIRST OMEN. Photo credit: Moris Puccio/20th Century Studios. © 2023 20th Century Studios. All Rights Reserved.
Starring Nell Tiger Free, Tawfeek Barhom, Sonia Braga, Ralph Ineson, alongside Charles Dance and Bill Nighy, and directed by Arkasha Stevenson, “The First Omen” takes audiences back to 1971. Set in Rome, the film serves as both a prequel and a standalone masterpiece, weaving a tale of darkness and conspiracy that will keep you on the edge of your seat.
The Omen series, long celebrated for its spine-chilling take on the prophecy of the Antichrist, now turns the page back to reveal the untold beginnings. The First Omen focuses on the maternal lineage of this embodiment of evil, a departure from the previous emphasis on Damien, the notorious child Antichrist
This narrative pivot not only reinvigorates the franchise but also enriches the dark tapestry of its universe. As viewers, we’re invited to piece together the puzzle of the Antichrist’s origins, tracing the sinister path from a human mother’s womb rather than the supernatural birth from a jackal as depicted in the 1976 original.
Margaret’s journey in Rome serves as our window into this unfolding nightmare. Her tale is one of faith tested by darkness, a personal voyage that mirrors the grandiose theme of good versus evil at the heart of the Omen lore.
The First Omen is not merely a prequel; it’s a masterful reinterpretation of the series’ core themes. By delving into the backstory of the Antichrist’s mother, the film offers a nuanced exploration of the forces of darkness, setting a new standard for religious horror.
Bill Nighy, portraying Cardinal Lawrence, shares, “because there are so many references they will pick up on and know. It will be intriguing for them to know how certain characters develop, what happens, knowing their future, et cetera. There are plenty of thrills, horror, and suspense, but they will be able to trace, from this movie, the futures into the later four parts of the story, which is especially exciting.” Hinting at the numerous references and plot elements that echo throughout this new chapter. This film not only promises to deliver its signature dose of thrills and horror but also to deepen the lore for aficionados of the franchise.
As a long-awaited origin story, “The First Omen” promises to unravel the mysteries surrounding the Antichrist while paying homage to its predecessors. Fans of the franchise will delight in the references and callbacks peppered throughout the film, while newcomers will be captivated by its immersive storytelling and pulse-pounding suspense.
Gather your friends and brace yourselves for the ultimate cinematic experience as “The First Omen” hits theaters nationwide on April 5. Follow 20th Century Studios on social media for updates and join the conversation using the hashtag #TheFirstOmenPH. Don’t miss your chance to witness the birth of evil in “The First Omen.”
(ROHN ROMULO)
Tinawag pang ‘madam’ ang Kapuso Primetime Queen: HEART, nagpaabot ng pagbati sa pagbabalik-primetime ni MARIAN
NAGPAABOT ng pagbati ang Kapuso actress at international fashion icon na si Heart Evangelista kay Kapuso Primetime Queen Marian Rivera na nagbabalik sa primetime sa pamamagitan ng ‘My Guardian Alien’ na nagsimula na noong Lunes, Abril 1. after ng ‘Black Rider’.
Sa short video na pinost ng GMA Network, nagbigay ng heart-warming message si Heart para kay Marian.
“It gives me so much pleasure to congratulate you, Madam Marian, because finally, after many, many years, you are back where you belong, on GMA Prime,”panimulang pagbati ng wifey ni Sen. Chiz Escudero.
“From my heart to yours, congratulations, and welcome back, Queen of Primetime,” dagdag pa niya.
Labis nga itong ikinatuwa ng mga fans ang pa-surprise ni Heart kay Marian na kung saan natuloy na rin ang pagtatambal nila ni Gabby Concepcion.
Makakasama nila sa serye sina Raphael Landicho, Gabby Eigenmann, Max Collins, Kiray Celis at marami pang iba mula sa direksyon ni Zig Dulay.
Iikot ang kuwento ng “My Guardian Alien” sa isang alien na may pangalang 11-1-20-8-5-22-9-12-5. Mapupunta siya sa Planet Earth matapos maganap ang isang accidental crash from outer space.
Inaasahan na magiging maganda ang pagtanggap ng manonood. Proud na proud si Marian sa ‘My Guardian Alien’ na tiyak na mai-enjoy ding panoorin ng mga anak na sina Zia at Sixto.
***
INANUNSYO ng GMA Network, Inc. ang paghirang kay Nessa Valdellon bilang Executive Vice President ng GMA Pictures, simula Abril 1, 2024.
Siya ay nananatili bilang Unang Pangalawang Pangulo ng GMA Public Affairs.
Wala pang isang taon mula noong kanyang appointment sa Senior Vice President ng GMA Pictures noong 2023, binigyang-daan ni Valdellon ang production arm ng GMA na maging isang kilalang manlalaro sa landscape ng sinehan sa Pilipinas.
Ginawa ni Valdellon ang internationally-acclaimed film na “Firefly,” na nanalo ng Best Picture hindi lamang sa 49th Metro Manila Film Festival sa Pilipinas kundi maging sa inaugural Manila International Film Festival sa Hollywood, California.
Ang romantikong drama na “The Cheating Game” ang unang handog ng GMA na ipalabas sa buong mundo sa Netflix, na umabot sa number 1 slot sa loob ng 24 na oras ng streaming.
Sa personal na kapasidad, isa siya sa executive producer ng independent film na “Iti Mapukpukaw (The Missing)” na nanalo ng Best Picture sa Cinemalaya Film Festival at naging Oscar entry ng Pilipinas para sa 2024.
Bilang kasabay na Unang Bise Presidente para sa Public Affairs ng GMA Network, pinamumunuan ni Valdellon ang isang award-winning na departamento na naglagay sa Pilipinas sa entablado ng mundo kasama ang premium na nilalaman nito.
Nakatanggap lang ng mga nominasyon ang Public Affairs para sa 6 sa mga programa nito sa New York Festivals ngayong taon: isa para sa action drama na “Black Rider,” dalawa para sa “The Atom Araullo Specials” at tatlo para sa “I-Witness,” ang flagship documentary show ng GMA na nagdiriwang nito. Ika-25 anibersaryo ngayong taon. Ang mga New York Festival Medalists ay iaanunsyo sa kalagitnaan ng Abril.
(ROHN ROMULO)
PBBM, lumikha ng Inter-Agency Committee para sa Right-of Way Activities para sa Railway Projects
LUMIKHA si Pangulong Ferdinand R. Marcos Jr. ng isang Inter-Agency Committee for Right-of Way (ROW) Activities para sa National Railway Projects para i- streamline ang proseso ng land acquisition na kailangan para sa implementasyon ng lahat ng railway projects sa bansa.
“The Inter-Agency Committee for ROW Activities for National Railway Projects (Committee) is hereby created to study and devise an efficient and collaborative mechanism to streamline the process of land acquisition necessary for the implementation of all railway projects,”ang sinabi ni Pangulong Marcos sa pagpapalabas ng Administrative Order No. 19, may petsang Marso 25.
Kabilang sa kapangyarihan at tungkulin ng komite ay “coordinating the implementation of railway policies and projects, crafting and approving project-specific policies and programs, and identifying the appropriate services or programs concerning land acquisition and other ROW activities, such as livelihood, income restoration, and resettlement.”
Tutukuyin din nito ang mga epektibong umiiral na polisiya, kasunduan, kontrata at iba pang kahalintulad na arrangements sa pagitan at hanay ng mga ahensiya ng pamahalaan, i- consolidate at i-mobilize ang agency resources para i-streamline ang “budgeting, deliberate and resolve issues, grievance at create technical working groups” para ipatupad ang kautusan.
Itinalataga naman ng administrative order (AO) ang Kalihim ng Department of Transportation (DOTr) bilang chairperson habang ang pinuno naman ng Department of Human Settlements and Urban Development ang tatayo bilang co-chair ng komite.
Kabilang naman sa mga magiging miyembro ng komite ay ang Department of the Interior and Local Government (DILG); Department of Social Welfare and Development (DSWD); Department of Environment and Natural Resources (DENR; Department of Finance (DOF); Department of Budget and Management (DBM); Department of Justice (DOJ); at Office of the Solicitor General (OSG).
Ang Philippine National Railway (PNR) ang magsisilbi namang Secretariat ng komite at dapat na mag-provide ng administrative at technical support sa body.
Pinahihintulutan naman ng Republic Act (RA) No. 10752, o “Right-of-Way (ROW) Act” ang gobyerno na “to acquire real property needed as ROW site or location for any national government infrastructure project through donation, negotiated sale, expropriation, or any other mode of acquisition.”
Sa ilalim ng Philippine Development Plan 2023-2028 ng administrasyon at 8-Point Socioeconomic Agenda nito, layon nito na paghusayin at ayusin ang Philippine transportation sector sa pamamagitan ng pagbibigay ng “sustainable at affordable transportation options” na mag-uugnay sa mga komunidad sa economic, social at cultural centers.
Samantala, ang Metro Manila Subway Project, North-South Commuter Railway System, Mindanao Railway Project, at PNR South Long Haul ay kabilang sa mga pangunahing infrastructure projects ng administrasyon sa sektor ng transportasyon na naglalayong palakasin ang mobility, i-enhance ang connectivity at i- promote ang growth centers sa labas ng urban-industrial region. (Daris Jose)
Pinas, nakahanda sa posibleng Anthrax outbreak-DA
TINIYAK ng Department of Agriculture (DA) sa publiko na nakahanda ang Pilipinas para sa anumang posibleng anthrax outbreak sa bansa.
Siniguro rin ng departamento na ang Bureau of Animal Industry (BAI) ay may kakayahang mag-produce ng bakuna laban sa nakakahawang sakit.
auna rito, ipinag-utos ng Thailand na mahigpit na bantayan ang livestock matapos mapaulat ang anthrax outbreak sa Laos kung saan may 50 katao ang napaulat na tinamaan ng anthrax.
Nagkaroon na kasi ng outbreak ng anthrax sa Laos.
“Ang Bureau of Animal Industry ay may nakahandang anthrax vaccine, at importante lang na mabakunahan para ma-prevent ang pagkalat ng anthrax,” ayon kay Dr. Constante “Dante” Palabrica, assistant secretary for livestock ng DA.
Ang BAI, aniya pa rin ay mayroong “seed virus” kaya’t posibleng makapagproduce ang Pilipinas ng sariling nitong anthrax vaccine.
“Itong seed virus na ito ay Philippine seed virus so hindi ito nanggaling kung saan. We’re ready for that—the Department of Agriculture is ready,” aniya pa rin.
Sa kabilang dako, hinikayat naman ng DA ang mga magsasaka na kaagad na I-report sa provincial veterinarians ang mga pinaghihinalaang kaso ng anthrax infection habang ang gobyerno ay nagbibigay ng “free testing.”
Ang ilan aniyang palatandaan na ang hayop ay positibo sa anthrax ay kung ayaw ng mga itong kumain, may lagnat at nag-develop ng vesicles.
“Our government gives free tests on this, and actually the anthrax vaccine is given for free. Lahat nang ito ay subsidized by the DA’s budget,” ayon kay Palabrica.
Dahil ang anthrax ay maaaring maisalin o mailipat sa tao dahil sa “zoonotic in nature” nito, maaari aniyang maging dahilan ito ng pagkamatay ng isang tao na may comorbidity.
“Kailangan tawagan agad ang provincial veterinarian para ma-test agad, kasi zoonotic ito, pwede itong i-transfer sa tao. Any disease na zoonotic, especially kapag may have comorbidity, it can be fatal,” aniya pa rin.
Dahil dito, ang mga hayop na positibo sa infectious disease ay hindi na dapat kainin pa.
“Huwag nilang kakatayin iyon dahil nga zoonotic pwedeng ilipat sa tao, tumawag sa beterinaryo at nang ma-check nang husto. Mahirap naman na hindi na kumain ‘yung baka, anthrax na kaagad. Kailangan ng scientific and science-based analysis dito,” babala nito.
Tinuran pa ni Palabrica na ang Pilipinas ay mayroong isang bakuna lamang para sa anthrax.
“Well, as of now, there is only one vaccine for anthrax, kasi kailangan homologous, meaning kung ano ang tumama ‘yun din ang dapat ang i-produce, hindi tayo pwedeng kumuha ng ibang anthrax vaccine sa labas ng Pilipinas. Ang maganda [ay] mayroon tayong seed virus,” ang litanya nito.
Ang pagpapabakuna aniya ang tanging paraan para mapigilan ang pagkalat ng anthrax.
Nilinaw ni Palabrica na hindi naman mabilis na kumalat ang Anthrax, hindi katulad ng African Swine Fever (ASF), itinuturing na “highly contagious at deadly viral disease” na labis na nakaaapekto sa domestic at feral swine sa lahat ng edad.
Winika pa ni Palabrica na ang ruminants, malaking grupo ng herbivores na may four-chambered stomach, ang kadalasan na apektado ng anthrax.
“Kaya nga kapag namatay [due to anthrax] kailangan ibaon sa lupa kasi spores ‘to, eh. Spores na madaling maka-transfer sa ibang animals kaya kailangan ibaon ang mga namamatay ng anthrax,” ani Palabrica,” sabay sabing “This [anthrax] is an infectious disease so you will see viremia, kapag sinabing viremia sa veterinarian, umiikot sa buong katawan ng animal.”
Samantala, na-monitor naman ng DA ang anthrax sa Northern Luzon, may ilang buwan na ang nakalipas subalit sinabi ni Palabrica na ang sitwasyon ay “under control.”
Nagpadala na aniya ang ahensiya ng bakuna sa mga apektadong lugar.
(Daris Jose)
PBBM, gustong matapos ang 4 na high dams sa 2028
PARA TUGUNAN ang kakapusan sa tubig, nais ni Pangulong Ferdinand Marcos, Jr. na tapusin ng gobyerno ang konstruksyon ng ilang dams, kabilang ang apat na ‘high dams’ sa 2028, ayon sa National Irrigation Authority (NIA).
Sinabi ni NIA Administrator Eddie Guillen na inaasahan ng Pangulo na ang apat na malalaking dams, ibig sabihin iyong nakatayo o nakatindig ng higit sa 75 metro o mayroong reservoir storage capacity na higit sa 60 million cubic meters, ay matatapos sa 2028 o sa huling bahagi o pagtatapos ng kasalukuyang administrasyon.
Ang apat na malalaking dams ayon kay Guillen ay una ay ang P8.6 billion Tumauini River Multipurpose Project (TRMP) sa Isabela province; ang pangalawang ay ang P19 billion Panay River Basin Integrated Development Project (PRBIDP) sa Iloilo. Binubuo ng dalawang Panay High Dam, ang Panay Afterbay Dam; isang high line canal; at floodway component
Ang pangatlo naman ay ang P22.7 billion Ilocos Norte-Ilocos Sur-Abra Irrigation Project II (INISAIP II) at ang pang-apat ay ang P9 billion Ilocos Sur Transbasin Project.
Idagdag pa rito, sinabi ni Guillen na mayroong 10 medium dams, na nakatindig o nakatayo ng higit pa sa 15 hanggang 75 metro o mayroong reservoir storage capacity ng higit pa sa 3 hanggang 60 million cubic meters, ay inaasahan na matatapos bago matapos ang 2024 o sa unag bahagi ng 2025.
“Ang bilin po ng ating Pangulo…ang solusyon po talaga [sa water shortage] at maglagay ng additional dams. The President wants us to shift from [building] flood control projects to water management [projects],” ayon kay Guillen.
“That is what we are doing now, because everytime we have water problems, it is because itong mga malalaking dams na inaasahan natin, Magat at Pantabangan dam, ipinatayo pa noong Pangulong [Ferdinand] Marcos, Sr. Pantabangan will be even 50 years (old) in September. Unfortunately, hindi na nasundan ng ganung mga proyekto,” aniya pa rin.
Nauna rito, tinanong kasi si Guillen kung ano ang gagawin ng gobyerno sa gitna ng naging anunsyo ng National Water Resources Board (NWRB) na babawasan nito ang alokasyon ng tubig sa Kalakhang Maynila simula ngayong Abril dahil sa mababang rainfall projection.
Ang mga high dams ani Guillen ay nagbibigay ng long term solutions at tinutugunan ang pangangailangan sa tubig ng bansa.
“With high dams, you get long term solutions because it also provides irrigation, [a measure for] flood control, power generation, domestic water and acquaculture needs,” ani Guillen.
“Bawi po talaga tayo kapag high dam,” aniya pa rin.
Tinuran pa nito na ginawa ng simple ng NIA ang proseso ng pagtatayo ng dams, mababawasan na ang time frame mula sa pagtatayo sa aktuwal na implementasyon sa loob ng tatlong taon.
“Ang sistema po kasi natin dati is gumawa ng feasibility study, tapos gagawa ka ng design, ng detailed engineering. Eh ngayon po ay iba na],” ayon kay Guillen.
“Kapag mayroon ng feasibility study si NIA, design and build na kami. So sasabihin namin sa mga contractors, “Ito iyong gusto naming dam, kailangan namin ng 500 million cubic meters na capacity, dito ninyo ilalagay.” So contractors na ngayon ang magdi-design at sila ang magko-construct. So mapapabilis po, iyon po ang sinasabi natin,” aniya pa rin. (Daris Jose)