MALA-TELESERYE pala ang kuwento ng tunay na buhay ng male star na si Rash Flores na isang half-Pakistani, half- Pilipino..

Pakistani ang ama ni Rash samantalang ang ina niya raw ay half-Filipino, half-American naman.

Hindi na nakilala ni Rash ang kanyang ama at ang ina naman niya ay nahiwalay kay Rash noong bata pa lamang siya.

Kuwento ni Rash, “Ipinanganak po kasi ako sa Bicol, then, hindi ko na lang sasabihin kung ano yung naging rason kung bakit ako nahiwalay sa mom ko, private na lang po.

“So napunta ako doon sa Pampanga, dahil sa yaya ko. “Yaya ko siya nung baby ako.”

Doon na siya lumaki sa yaya niya.

Nasa Bicol raw ang tunay niyang ina pero nakikita naman raw ito ni Rash.

“Oo naman, nag-uusap kami minsan.”

Mula noong nahiwalay si Rash sa tunay niyang ina ay mga apat na beses na raw niya itong nadalaw.

“Minsan po siya pumupunta dito. Halimbawa, may gagawin siya sa Manila. Sasabihin niya, ‘Anak, pupunta ako ng Manila’, sabi ko, ‘Sige, okay, daan ka dito sa bahay’.”

Hindi raw galit si Rash sa biological mom niya.

“Actually, hindi. Minsan, may galit ako pero, hindi ko na po kailangang isipin yung galit kasi unang-una, kung hindi po dahil sa kanya, wala ako dito.”

Ilang taon na siya noong muli niyang nakita ang ina niya, “Nasa high school pa lang ako nun e, siguro nasa 15.”

Paano sila nagkitang muli?

“Hindi pa po masyado ano yung Facebook that time e, pero, may Facebook na. Then nakiki-online lang ako nun sa province namin. Tapos, nag-online ako sa laptop.

“Then, nakita ko, may message na tago, yung may message request. Tapos tsinek ko, parang aksidente ko lang na-check kasi hindi ako masyado marunong sa laptop.

“Aksidente ko lang siya na-check, tapos binasa ko, pero may idea na ako sa buhay… sa itsura ko, kasi napapaisip na din ako sa ano ko, kasi nga sa aming magkakapatid, ako yung pinaka iba.

“Pero hindi ko na tinatanong sa mom ko kasi parang may iba.”

Doon sa kinalakihan niyang ina?

“Yes. Hindi ko na tinatanong. Then yun nga, nung nabasa ko yung message, hindi naman ako masyadong nagulat, pero nalungkot ako, siyempre.”

Ano ang nasa message? Nagpakilala siya na siya ang tunay niyang ina?

“Yes.”

Naniwala siya agad?

“Actually hindi po siyempre, parang na-shock pa ako ng konti, pero pag naiisip mo kasi yung ano, na ikaw lang yung naiiba yung itsura sa mga kapatid mo.

“Then, sinabi ko na sa mom ko.”

Nang sa wakas ay natuklasan ni Rash ang totoo, hindi naman raw siya nagalit sa adoptive mother niya.

“Hindi naman po.”

Kung hindi siya itinakas noong sanggol pa lamang si Rash ay baka napabayaan siya?

“Yes. Baka wala po ako dito.”

Sa muli nilang pagkikita ng real mom niya, pinuntahan niya o pinuntahan siya nito?

“Actually, kami po yung pumunta dito e, yung tatay ko po dun sa Pampanga, sinamahan niya po ako sa Manila nun.”

Pumunta raw ng Maynila ang real mom ni RashAnong sinabi sa kanya ng ina niya?

“Sabi niya matagal niya daw akong hinanap, ganun. So, ako naniwala naman ako doon sa hinanap niya ako, kasi siguro kung wala naman siyang balak na makita ako, hindi naman siguro siya magme-message sa akin ng ganun, di ba, papabayaan na lang.

“So, okay naman.”

Kinukuha ba siyang muli?

“Hindi naman.”

Gusto lang siya nitong makita?

“Ganun. Sabi niya sa akin kasi, ‘Ikaw, decision mo na yan, kasi matanda ka na, kung saan mo gusto’, ganun. “So, ako siyempre bilang bata na lumaki doon sa Pampanga, nandun na yung buhay ko.

Dun na ako nasanay, so kahit sabihin mong kadugo kita, hindi mo maiaalis sa akin na mas matimbang sa akin yung mga tao dun kesa sa kanya.

“Pero doon pa rin sa part na nagpapasalamat ako sa kanya dahil… tsaka siyempre sa Itaas, nagpapasalamat ako na isinilang niya ako. At hindi siya gumawa ng pangit nung isinilang niya ako.

“Doon pa lang masaya na ako, na sinasabi niya nga sa akin na, ‘Alam mo anak, kayong magkakapatid, na yun nga, kahit ganoon ako, hindi ko kayo pinagtangkaang patayin, kahit ganun yung buhay ko, kahit ganoon yung nangyari sa buhay ko.’

“Sabihin na natin nabaliw, may konting ano, ganoon. “Hindi siya nagtangkang patayin kami nung nasa sinapupunan pa lang kami.

“Doon pa lang nagpapasalamat ako na talagang mahal niya ako.”

Sa ngayon ay sa Manila nakatira si Rash kasama ang manager iyang si Jojo Veloso.

Isa ring Vivamax actor si Rash at nakagawa na ng mga daring na pelikula.

Nakausap namin si Rash sa dance rehearsal niya para sa pelikulang ‘Wild Boys’ kung saan gaganap siya bilang isang macho dancer.

(ROMMEL L. GONZALES)

BUMALIK ang singer-actor na si Gerald Santos sa Senado kahapon, July 27, para sa pagpapatuloy ng hearing tungkol sa “Policies of Television Networks and Artist Management Agencies in Relation to Complaints of Abuse and Harassment”.

Pinangungunahan ito nina Sen. Robin Padilla at Sen. Jinggoy Estrada.

Muli ngang ikinuwento ni Gerald ang ginawa sa kanya ng musical director na part ng singing competition ng GMA 7 na sinalihan niya.

Desidido na raw si Gerald na kasuhan ang taong nang-abuso sa kanya noong 15 years old pa lang siya. Pinag-aaralan pa raw ng kanilang legal counsel kung rape, child abuse at sexual harassment ang isasampang kaso.

Pero sa kabila ng nangyari sa kanya, tumatanaw pa rin siya ng utang na loob sa GMA 7 na nagbigay sa kanya ng break para makilala at magkapangalan sa industriya. “Up until now, proud po ako na ako po ay minsang naging Kapuso,” sabi ni Gerald.

“Isa pong kaluwagan sa akin ngayon na malaman officially na mayroong ginawa ang GMA laban sa taong aking inakusahan 19 years ago.”

Dagdag pa niya, “Kung sana lamang po ay napagbigyan ang aming formal na kahilingan noong February 28, 2011 na kami ay maabisuhan man lamang po sa naging resulta ng imbestigasyon ng GMA ay maaaring noon pa po ay nagkalakas sa loob na kami at nakapag-file ng kaso sa tamang hukuman.

“Ganu’n pa man ay maraming ay salamat po sa GMA sa action po na kanilang ginawa sa complaint na idinulog ko, ang tanggalin sa network ng taong aking inakusahan.

“Yung resulta pa rin po ng imbestigasyon na yun, 19 years ago ang aming hihilingin na magkaroon kami ng kopya para magamit namin sa pag-build up ng case.”

Dagdag mensahe pa niya sa GMA Network, “humihingi din ako ng paumanhin sa aking former mother network, kung nag-cause po ito ng negatibong reaksyon sa mga tao. Hindi ko po hangad na sirain at dungisan ng magandang imahe at reputasyon ng GMA. Hindi ko po ito laban against GMA kundi sa mga taong gumagawa ng kahalayan at kasamaan.”

At sa huling bahagi ng kanyang pahayag ay diretsahan na niyang pinangalanan ang taong nagbigay sa kanya ng matinding trauma, na dala-dala niya ng maraming taon.

“Ngayon po ay handa ko nang harapin ang tunay kong kalaban. Ang nanghalay at umabuso sa akin noong ako ay 15 years old pa lamang – Si Mr. Danny Tan. Maraming-maraming salamat po.”

Bukas ang People’s Balita sa magiging pahayag ni Danny Tan sa isyung ito.

Samantala, pagkalipas ng pagdinig sa kanyang kaso są senado, nag-post din si Gerald ng kanyang saloobin…

“Attended the Senate Hearing for the 2nd time.. Gusto ko lang po magpasalamat sa lahat ng message of encouragement at support nyo sa akin. Naa-appreciate ko po ang lahat ng messages nyo sadyang hindi ko lang masagot sa dami.

“Ang luwag sa dibdib ko ngayon na aking pinangalanan na ang umabuso sa akin kanina sa Senado.. Unti unti ay nakakamit ko na ang hustisya at dadalin na namin ito sa hukuman.

“Ang akin pong paglabas tungkol dito should not be a lost cause.. Ito sana ay magsilbing inspirasyon sa lahat ng mga biktima ng Sexual Abuse na hindi ninyo kailangang matakot dahil now more than ever ay naaalis na ang stigma at pangmamata sa mga biktima ng ganitong karahasan.

“At sa mga taong gumagawa ng hindi tama at inaabuso ang kanilang posisyon, bilang na ang mga araw ninyo. This is a stern warning sa inyo na walang lihim ang hindi mabubunyag!

#advocacy #fight #justice #pray #legal #geraldsantos #sandromuhlach #metoomovement #philippines

(ROHN ROMULO)

INAMIN ni Bea Alonzo na may mga nagpaparamdam sa kanya ngayon, pero wala pa raw siyang balak na makipag-date.

“I’m enjoying being single. I mean there are people, siyempre naman may nagpaparamdam, sometimes you reply, sometimes you see people,” sey ng ‘Widows’ War’ star.

Importante raw kay Bea na may balanse sa kanyang personal at work life.

“Most of the time ‘yung three days a week ko, minsan may trabaho, or my hobbies. Self-care, like I go to the derma, I go to the salon. So, I would say I strive for a work-life balance and that’s what makes me happy right now.”

Tungkol naman sa co-star niya sa ‘Widows’ War’ na si Carla Abellana, kasalukuyang nagpapagaling na raw ito at makakabalik na sa taping nila very soon.

“We miss Carla on the set. Lahat kami nagdarasal for her health and recovery. Hope to see her soon sa taping namin.”

***

PARANG kelan lang nagsimula ang shooting nila Alden Richards and Kathryn Bernardo ng ‘Hello, Love, Again’ sa Calgary, Canada. Ngayon ay tapos na sila.

Sa post ni Joross Gamboa on IG: “Eyyy! It’s a wrap, Canada! Ethan, ba’t ka naman umiiyak?”

Hindi nga raw inaasahan nila Alden at Kathryn na magkakaroon ng sequel ang ‘Hello, Love, Goodbye’. Pero bigla itong dumating.

“Yung pangarap na ‘yun, nasa puso ko lang in the past five years, finally, ito nga, dreams do come true,” sey ni Alden.

Sey naman ni Kathryn: “We thought we already said our goodbyes, but here we are, saying our hellos.”

***

SINILANG na ni Hailey Bieber ang baby boy nila Justin Bieber.

Sa IG post ni Justin, ni-reveal niya na ang name ng baby nila ay Jack Blues Bieber at may greeting na “Welcome Home.”

Ni-repost ito ni Hailey sa Instagram stories with the note, “Jack Blues,” and included bear and blue heart emojis.

Noong May 2024 in-announce ng dalawa na magkakaroon na sila ng baby habang nag-renew sila ng kanilang vows sa Hawaii.

(RUEL J. MENDOZA)