MULA nang pasukin ang showbiz ay sa Cavite nanirahan at doon na rin lumaki ang isang Kaye Abad.

Kung ilang beses na rin naman kaming naimbitahan ni Kaye sa bahay nila.

Pero nang mag-asawa ay sa Cebu na nanirahan ang magaling na Kapamilya aktres. Kagaya ni Donna Cruz ay mas pinili nilang manirahan doon.

Banggit pa ni Kaye na nung umpisa raw ay hindi talaga niya alam kung ano ang kanyang magiging buhay sa Cebu mula nang mapangasawa ang dating Pinoy Big Brother housemate.

“Noong una I don’t have an idea. I would actually just visit Cebu once a year for Sinulog ‘pag nag-i-invite siya until dito ako natira. I love it here in Cebu, very laid back, simple life, everything is near.

“I would drive my kids to school. Maggo-grocery ako mag-isa. ‘Yung buhay na pinangarap ko natupad lahat dito. ‘Yung motherhood, housewife, hindi ako artista dito,” lahad pa ng aktres sa isang panayam.

Ibinahagi pa ni Kaye ang obligasyon bilang magulang. Pagdating sa pagdidisiplina sa anak ay masasabing Isang istrikto umano si Kaye kumpara sa asawang si Paul Jake.

Mas may takot daw sa kanya ang mga anak nilang sina Joaquin at Iñigo.

Sa tanong naman kung papayagan niyang pumasok sa showbiz ang mga anak ay hindi raw pipigilan ng aktres ang dalawang anak.

“It depends siguro if they really like, because I believe show business if you really like to act, you love what you’re doing, mai-enjoy mo. Show business is not about fame. Show business is not about earning a lot of money.

“Mag-i-start ka, hindi ka naman kikita nang malaki. Akala nila ang pag-aartista napakadali, na masayang buhay. Pero kung gusto talaga nila, if nasa dugo nila na gusto nila umarte. I guess ipapa-try ko sa kanila,” sey pa niya.

Matatandaang nagpakasal sina Kaye at Paul Jake Castillo noong 2016. Ngayon ay mayroon ng dalawang anak na lalaki ang mag-asawa.

“Never akong nagdalawang-isip. It was my dream to have my own family, as early as 18 sabi ko when I have my own family, I think I’ll stop acting because I want to concentrate with my family.

“At least ngayon hindi naman ako nag-stop, I’m still here, nag-lie low lang,” lahad pa ni Kaye sa interbyu sa kanya sa YT ni Karen Davila.

(JIMI C. ESCALA)

ANO na kaya ang latest update sa sequel ng ‘Vagabond’, ang action thriller K-drama na pinagbidahan nina Bae Suzy at Lee Seung Gi na pinalabas noong September 20 hanggang November 23, 2019?

Naibalita last April na ang ‘Vagabond Season 2’ ay nakatakdang mag-shoot sa bansa natin, na kung saan sinasabing muling magsasama ang dalawang sikat na Korean actors.

Si Former Ilocos Sur Governor Chavit Singson nga ang naglabas ng balita, dahil isa rin siya sa producers ng ‘Vagabond Season 2’. Isiniwalat pa niya tapos na raw ang ilang bahagi ng K-drama at iba pang eksena ay kukunan nga dito sa Pilipinas, at kasama soon ang Vigan, Ilocos Sur, na nabisita na ni Lee Seung Gi.

Ayon pa sa businessman, naka-focus daw ang mga producers sa script first, kaya abangan na lang kung magbabalik sina Lee Seung Gi and Bae Suzy sa second season ng ‘Vagabond’.

Ayon pa isang interview ni Manong Chavit, “Sinasama niya ‘yung mga writer, producer, napapagkuwentuhan namin, in fact nagpunta na sila Vigan. ‘Pag natuloy ‘yun, I will announce it formally.

“Gusto kasi nila tuluy-tuloy na ang shoot. Halos isang buwan na yata nilang tinatapos ang istorya. Ganun sa Korea, gusto nila nakalatag na ang kuwento.”

Anyway, bukod sa pagiging producer at businessman, parang nangangamoy ang pagbalik niya pulitika.

Pero hindi pa raw decided kung kakandidato ulit sa pagka-senador sa 2025 si Manong Chavit, dahil pinag-iisipan pa niya itong mabuti.

Pero balitang-balita na ngayon na susuportahan siya ni former President Rodrigo Duterte, sakaling tumakbo siyang senador sa susunod na halalan. Sinabi nito na isa nang batikang politiko ang kaniyang kaibigan.

Sambit ni Duterte sa pre-recorded “Basta Dabawenyo” podcast na ibinahagi ni Davao City Mayor Baste Duterte sa kanyang YouTube channel, “In everyday life, his long experience in politics means he understands the Filipino problems that must be addressed (by the government).”

Dagdag pa ng dating pangulo, “Graduating cum laude or summa cum laude does not guarantee an understanding of the real issues facing the community.”

Susuportahan din ni Duterte ang mga senatorial candidate na tunay na makakatulog sa ating bansa at uunahin ang kapakanan ng mga Pilipino.

Well, abangan na lang natin kung ano ang magiging sagot dito ni Singson sa mga susunod na buwan.

(ROHN ROMULO)

ISANG bouncing baby girl ang iniluwal ng Kapamilya actress/singer na si Angeline Quinto kahapon, Agosto 14, 2024, alas otso diyes ng umaga sa St. Luke’s Medical Center – Global City.

Pinangalanan ang baby girl na Azena Sylvia.

Tulad ng unang anak nina Angeline at mister niyang si Nonrev Daquina na si Sylvio na isinilang naman noong April 2022, tribute muli kay Mama Bob o si Mama Sylvia Quinto, ang kinalakhang ina ni Angeline, ang pangalan ng bago nilang anak.

Pumanaw na si Mama Bob noong November 2020.

Unang inanunsiyo ni Angeline na siya ay nagdadalang-tao noong May 2024 ilang araw matapos ang kanilang kasal sa Quiapo Chruch noong April, 2024.

***

BATA, guwapo, hunky at bini-build up bilang isang sexy heartthrob, tila konserbatibo ang pangalan ng baguhang si Pedro Red, pero wala naman raw siyang plano na palitan iyon na siya rin niyang tunay na pangalan.

“Mostly yung mga fans, yung mga followers, they know me as Pedro, so mahirap naman po siguro na palitan natin yun,” umpisang lahad sa amin ni Pedro na nakausap namin sa dance rehearsal niya para sa upcoming film na ‘Wild Boys’.

Nagsimula si Pedro sa showbiz nang madiskbre siya sa isang mall ng kanyang manager na si Harley Licup Manalili.

Kuwento pa ni Pedro, “Tapos, in-invite niya akong mag-sali ng pageant. “Tapos, way back 2015, nag-try na rin po ako mag-talent sa different networks. Like ang role, varsity player, ganyan-ganyan.

“So, that time, hindi nadi-discover, kumbaga parang dumating sa punto na maggi-give up na ako, kasi walang nakukuhang malalaking role.

“So, nagpahinga po ako noon, umuwi ako ng probinsiya.”

Taga-Nueva Ecija si Pedro, na naranasan rin ngang sumali ng male pageant.

“First and last, Misters of Pilipinas, national pageant po siya.”

Taong 2022 ni-represent ni Pedro sa naturang male pageant ang Nueva Ecija. Kung saan ang nanalo ay ang kandidato ng Ormoc City na si James Vidal samantalang tinanghal namang second runner-up si Pedro.

Una at huling pagsali iyon ni Pedro sa isang pageant.

Aniya, “Gusto ko po kasi parang mag-level-up, kumbaga na-try ko na yung pageantry…”

Bago pa man siya sumali sa Misters of Filipinas ay nagta-talent na si Pedro sa mga TV shows noong 2015.

“Meron po akong kaibigan na nag-ta-talent noon.

“If I’m not mistaken, OMG? Oh My G, sa ABS, I was a varsity player.

“Sa Forevermore, parang classmate ko sila Liza. So, mga ganoon lang po yung characters ko.”

Simula 2016 ay nagpokus sa kayang pag-aaral si Pedro hanggang sa pagsali niya sa pageant noong 2022.

Pero matapos ang kanyang pageantry journey ay sa commercials, fashion shows at endorsements siya nalinya.

Pinakaunang pelikula ni Pedro ang ‘Wild Boys’ kung saan ang aktor na si Carlos Morales ang direktor na siya ring nakakita kay Pedro at nagsali sa nabanggit na pelikula ng Bright Idea Production.
Isang macho dancer ang role ni Pedro sa Wild Boys. Bida rito ang magkapatid na Vin at Aljur Abrenica, Rash Flores, Kristof Garcia, Nico Locco at ang komedyanteng si Inday Garutay.
Wala raw problema kay Pedro na sumayaw na naka-trunks lang sa harapan ng kamera.

“Kung ano po, kung kinakailangan, sige po.”

Paano kung kunin siya ng Vivamax?

“To be honest, meron na nga po kaming usapan ni Tito sa Vivamax. Sabi ko, pinag-iisipan ko pa po. Parang ayokong mag-jump agad. Gusto ko munang matapos ‘to. Tapos pag-usapan natin after this.”

Graduate ng Culinary Arts si Pedro sa MICA o Magsaysay Institute of Culinary Arts sa United Nations at sa ngayon ay sa Imus, Cavite nakatira si Pedro.

Idolo ni Pedro si Ruru Madrid na nakatrabaho na niya noon sa ‘The Half Sisters’ nina Barbie Forteza at Thea Tolentino.

“Nagkaroon na kami ng scene before doon, I was a varsity player din dun.”

“Parang nakapag-throw lines po kami,” kuwento pa ni Pedro.

(ROMMEL L. GONZALES)

IN-ANNOUNCE ni Julie Anne San Jose via social media ang bagong name at official color nito.

Sa Instagram Reel ni Kapuso Limitless Star, marami raw siyang pinagpilian na fandom names tulad ng Adiks, Kahel, JUWels, and Symphonies. Pero ang napili niya ay JAmantes. At ang kanilang official color ay fire orange.

“I personally chose this fandom name too, because diamonds are known to be precious and valuable gemstones, like how you guys are precious to me too. Sakto kasi favorite ko ‘yung orange. And fire, nagliliyab, naglalagablab parang magmamahal ko sa inyo.

“I hope you love the name as much as I do. Thank you so much for all your support, and I hope you continue to support my upcoming projects. And I’m so excited, very excited, on this new journey with all of you. I love you guys.” sey ni Julie na katatapos lang na magpasaya sa mgq Global Pinoys in California via Sparkle World Tour kasama sina Rayver Cruz, Alden Richards, Isko Moreno, Ai-Ai delas Alas, and Boobay.

***

NAPABILANG ang Fil-American Grammy at Oscar winner na si H.E.R. sa naging closing ceremony ng Paris 2024 Olympics sa Stade de France and aired live on Peacock and NBC.

Hosted by Jimmy Fallon and Mike Tirico, nakasama ni H.E.R. na mag-perform sina Billie Eilish, Snoop Dogg and the Red Hot Chili Peppers.

Nakunan na rin ang closing stunt ni Tom Cruise para sa handoff to Los Angeles for the 2028 Olympics.

Last May, nakunan ang pag-skydive ni Cruise sa Hollywood sign at sumakay ito ng motorcycle bitbit ang Olympics flag.

(RUEL J. MENDOZA)

ISA si Ron Angeles sa sumuporta sa Gala Premiere ng ‘Kono Basho’ noong August 6 na ginanap sa Ayala Malls Manila Bay, na kung isa ito sa naging entry sa katatapos lang na ‘Cinemalaya XX’ na mula sa Project 8 Projects at Mentorque Production.

At sa naging tsikahan namin bago ang premiere ng movie nina Gabby Padilla na nanalong best actress at ka-tie nga si Marian Rivera para sa ‘Balota’, isa nga sa aming napag-usapan ang ang bonggang exposure niya sa ‘Pamilya Sagrado’.

At dahil tapos na ang taping ay nami-miss daw ni Ron ang kanilang bonding, na kung saan mas naging close siya sa mga beteranong artista, na palagi niyang nakaka-eksena.

Isa nga sa naging malapit na kaibigan ni Ron ay ang bida ng primetime series na si Piolo Pascual. At sa sobrang close nila ay parang palagi siyang binabanggit ni Papa P sa kanyang acceptance speech.

“Siguro ganun kami ka-close ni Kuya PJ at sobra kaming comfortable sa isa’t-isa. Kumbaga, itinuturing niya akong nakababatang kapatid. At bago mag-‘Pamilya Sagrado’ matagal na yun pinagsamahan namin dahil sa ‘Mallari’, lahat ng promos namin sa US, Thailand at Singapore,” kuwento niya.

Dagdag pa niya, “hindi ko rin alam, pero talagang mahilig mag-trip si Kuya P, minsan bigla na lang akong tatawagin ako at sisigaw, kaya parang sanay na sanay na ako.

“Hindi naman pambu-bully ‘yun, baka doon lang siya masaya. Minsan kasi, ganun ako, sinsigawan ko rin siya ng ‘Pascual!’”

Kaya noong nanalo si Papa P ng best actor sa 7th EDDYS last July 7 ay ilang ulit na binanggit ang name niya at kulang na lang ay paakyatin siya.

“Ang explanation naman niya sa akin, ‘tol magkasama tayo sa Mallari, wala naman sila, sino naman ang tatawagin ko.’ Sabi ko rin sa kanya alam ko naman yun, pero paulit-ulit naman kasi. Pero wala lang ‘yun, parang bonding na namin ‘yun.”

Ano naman ang natutunan niya or naging advice sa kanya ni Papa P?

“Marami siyang advices sa akin pagdating sa showbiz at kung paano ide-develop ang sarili mo. Kung ano raw talaga ang gusto, dapat 100% na ibigay ang sarili mo at making seryoso. Marami talaga akong natutunan sa kanya.

“Wish niya sa akin, sana tu­magal ka rin sa industry. Kung gaano raw siya katagal. Sabi ko, tingnan natin at malay naman natin.”

Dagdag pa ni Ron, “ang sabi ko pa nga sa kanya, nung na-nominate rin po ako sa parang New Movie Actor of the Year, nag-promise ako sa kanya sabi ko, ‘sige tol ‘pag nakakuha ako ng first award ko sa industry natin, ikaw una kong pasasalamatan.’

“Kaya ang nangyari siya po ‘yung ano… nauna na nagka-award. Sabi ko, ako naman sa mga susunod.”

This year, may bonggang project siyang gagawin pero hindi pa pwedeng banggitin kung ano ito at sino ang makakasama ng first talent ng Mentorque ni Bryan Dy, na kaka-celebrate lang ng 26th birthday nitong Lunes, August 12.

“Gusto ko pong i-consider na it’s an early birthday gift for me kasi birthday ko po ngayon, this August 12 po. So, hindi ko pa ma-spill out ang details ‘yung about dun sa gagawin namin pero sobrang excited po ako and I can’t believe nangyayari sa akin to. Kumbaga nagtitiwala lang din po ako sa management especially sa manager ko, kay Sir Bryan.

“And sabi niya naman, hindi naman daw niya ibibigay ‘yung mga ganung opportunity kung hindi ko raw po kaya pero to be honest sobrang kabado po ako. Pero sa line of work naman namin, kailangan flexible ka and kaya mong gawin lahat ng mga bagay para sa craft na ginagawa mo.”

Isa nga sa sinasabing next project niya at baka masama siya sa cast ng movie ni Vilma Santos-Recto.

Anyway pagdating sa wish or dream niyang makasama na aktres ay bongga rin ang binanggit niya.

“Siguro po kung mangangarap lang din ako tataasan ko na. Siyempre si Kath, Kathryn Bernardo po. Isa sa mga gusto kong maka-work soon. ‘Yun po ‘yung.. hindi naman sa dream ko pero nakita ko, ilang taon ko na po siyang napapanood.

“Kapag may film sila ni DJ (Daniel Padilla) pinapanood ko ‘yung connections nila, pa’no umarte. So sobra po akong naa-amaze sa kanila,” pagtatapos pa ni Ron.

Samantala tatlong awards pa ang nakuha ng ‘Kono Basho’ sa bukod sa Best Actress, Best Director, Jaime Pacena II, Best Cinematography: Dan Villegas and Best Production Design: Eero Francisco.

***

TATLONG Rated PG (Patnubay at Gabay ng Magulang) at ilang R-16 (Restricted 16) at R-18 (Restricted 18) na mga pelikula ang nakatakdang ipalabas sa mga sinehan ngayong linggo sa pahintulot ng Movie and Television Review and Classification Board (MTRCB).

Ayon kay MTRCB Chairperson at CEO Lala Sotto-Antonio, sa ilalim ng PG, maaaring manood ang mga edad labingtatlo (13) at pababa na kasama ang kanilang mga magulang o nakatatanda sa kanila.

Ang lokal na pelikulang “When the World Met Miss Probinsyana” ay may PG rating, sa takda nina MTRCB Board Members (BM) Jan Marini Alano, Racquel Maria Cruz, at Richard John Reynoso. Sinabi nila na ang pelikula ay naglalaman ng mga tema, eksena at aksyon na kakailanganin ang gabay ng magulang.

Ang Korean action movie na “Project Silence” ay nabigyan din ng PG rating nina Cruz, Reynoso, at Antonio Reyes. Sinabi nila na ang pelikula ay may marahas na paglalarawan at hindi pangkaraniwang mga salita na hindi angkop sa mga bata.

Ang pelikulang “Borderlands” mula sa Pioneer Films ay PG rin ayon kina BMs Cruz, Federico Moreno, at Lillian Ng Gui dahil ito’y naglalarawan ng ilang wika at eksena na kailangan ng gabay ng nakatatanda sa mga batang manunuod.

Samantala, nabigyan naman ng markang R-16 ang “It Ends With Us” mula sa Columbia Pictures Industries Inc. Ang R-16 ay para lamang sa mga edad 16 at pataas. Sinabi nina BMs Cruz, JoAnn Bañaga, at Wilma Galvante na ang materyal ay may grapikong paglalarawan ng karahasan at ilang sekswal na mga eksena.

Ang “Unang Tikim” ng Viva Communications, Inc., ay nabigyan ng R-16 at R-18. Ang R-18 ay para lamang sa mga edad 18 at pataas. Ayon kina BMs Gui, Juan Revilla, at Antonio Reyes, ang pelikula ay may mga sekswal na eksena na hindi akma sa mga menor-de-edad.

Sa R-16 namang “Unang Tikim,” sinabi nina BMs Galvante, Moreno, at Jerry Talavera na may grapikong eksenang sekswal ang pelikula, paglantad ng mga maselang parte ng katawan at mga salitang hindi angkop sa mga batang edad 15 at pababa.

Pinaalalahanan ni Chair Sotto-Antonio ang mga manonood na ang MTRCB Ratings system ay nagsisilbing gabay ng publiko tungo sa responsableng panunuod. Sinabi niyang sa pamamagitan ng pagpapalakas ng media literacy at responsableng panunuod, magiging matalino ang publiko sa pagsusuri ng mga angkop na pelikula para sa kanilang pamilya tungo sa isang makabuluhang Bagong Pilipinas.

HINDI pa rin nawawalan ng pag-asa si Bea Alonzo sa pag-ibig kahit nauuwi sa hiwalayan ang kaniyang nagdaang mga relasyon.

Sa nakaraang episode ng programa ni Boy Abunda na “My Mother, My Story,” inihayag ni Bea na “I never lost hope in love.”

“I’ve always been a hopeless romantic, and I still believe there is someone out there for me,” ayon sa aktres.

Sinabi ni Bea, na gusto niyang maka-date ang lalaki na hindi taga-showbiz at maging privately sa pagkakataong ito.

“Ayaw ko na ng public na relationship ever again,” saad niya.

“Pasong-paso na ako.”

“I really learned my lesson the hard way,” sabi pa ni Bea.

Bukod sa hindi taga-showbiz, gusto ni Bea na maka-date ang lalaki na “man enough to handle me.”

“Someone who will love me unconditionally and someone who will never give up on me,” patuloy niya.

Nitong nakaraang Pebrero nang makumpirma na ang paghihiwalay nina Bea at aktor na si Dominic Roque.

Plano sana nilang magpakasal ngayong taon matapos ma-engage noong July 2023.

Napapanood ngayon si Bea sa top-rating Kapuso murder-mystery series na “Widows’ War,” kasama si Carla Abellena, Jean Garcia at marami pang iba.

(RUEL J. MENDOZA)