KALAT na ang tsikang nakatakdang mamaalam sa GMA station ang ABS CBN produced noontime show na “It’s Showtime.“

Pero from a source ay walang katotohanan daw na ang TAPE Inc. na dating producer ng “Eat Bulaga” ang gagawa ng isang noontime show kapalit ng “Its Showtime “ at makakatapat ng “EB”.

But may mga nakaplano ng gagawing shows pa rin for GMA 7 ang TAPE Inc. kung saan si Ms. Malou Choa-Fagar ang namamahala.

Well, anyway marami tiyak ang malulungkot sa mga avid televiewers ng “Its Showtime“ kapag tuluyan nang mawawala sa Siyete ang paborito nilang noon time show.

Na ayon sa tsika ay hanggang sa December 2024 na lamang mapapanood ang show hosted by Vice Ganda and co.

Magkaganunman, ay hindi dapat malungkot nang tuluyan ang mga Ito dahil tuloy pa rin naman at mapapanood pa rin ang ”It’s Showtime” sa A2Z, Kapamilya Channel, at ALL TV.

Malalaman sa mga susunod na araw ang katotohanan tungkol sa balitang ang “TiktoClock” ang ipapalit sa timeslot ng maiiwanan ng Kapamilya noontime show.

Inaasahan namang maglalabas ng opisyal na pahayag ang GMA Network Inc. management hinggil dito.

***

SI Sir Bryan Diamante ang pasimuno kung bakit nabuo ang pelikulang “Uninvited” para sa 50th anniversary of the Metro Manila Film Festival.

Siyempre ang Mentorque ang main producer ng “Uninvited,” kung saan bida si Star for All Seasons Vilma Santos kasama sina Aga Muhlach, Nadine Lustre at marami pang iba.

Ayon pa kay Sir Bryan masyadong malaki ang ginastos nila para mabuo at matapos ang movie in time for the 50th MMFF.

Katwiran pa niya ang makagawa raw ng makabuluhang pelikula na tiyak magugustuhan ng mga manonood ang nais niyang maging tatak ng movie outfit nila.

“Well, I’m really fortunate that every organization, company, and person na tinap namin to do this film, lahat naman sila nag-yes.

“We’re very fortunate of that. Kung expensive? Definitely. The Filipino audience deserves this type of caliber ng pelikula.” Sey pa ng producer ng “Mallari” na naging entry rin ng Mentorque sa nakaraang MMFF.

Ipinagmalaki naman ni Bryan na family friend nila ang mga Recto and when in fact naging trusted employee siya ng pamilya ni Ate Vi for many years.

Kung kaya isang dream project niya ang “Uninvited “ with the Star for all Seasons na bida sa pelikula.

“Itong pelikulang ito, never namin naisip na magkakatotoo. Kami ni Ate Vi, nung nag-uusap kami, she just wanted to create a film.

“Ako naman, gusto kong gumawa ng pelikula na ibibigay namin ang lahat. We were able to submit sa MMFF. Natanggap,” sabi pa rin ni Sir Bryan.

Dagdag pa ng young producer na sobra sobra raw ang suporta na ibinigay sa kanya ng pamilya ni Ate Vi.

“Very supportive sila. They just empower you. Matagal ko na silang mga boss. Very supportive si Sen. Ralph at sabi niya nga to keep myself sane kasi baka raw umay na umay na ako sa politics.

May personal po akong relasyon sa kanila. Halos doon na po ako sa kanila lumaki.” Pag-amin pa rin ng producer.

Happy naman si Bryan sa naging results ng kabuuan ng “Uninvited“.

“It’s overwhelming. The pressure is on. The other entries are really good too so we have to up our game. Ang lalim ng pelikulang ito. Nakita niyo ‘yung grandness.

“When you watch the film, makikita niyo kung gaano kalalim. Marami siyang sasabihin at marami siyang sinasabi,” pagmamalaki pa niya.

(JIMI C. ESCALA)

MARAHIL ay may mga hindi nakakaalam na malapit na magkaibigan sina Andrew Gan at Ronaldo Valdez.

Kaya naman labis ang pagdadalamhati ni Andrew noong pumanaw si Ronaldo sa loob ng kanyang tahanan sa New Manila noong Disyembre 17, 2023 dahil sa tama ng baril.

Tinanong namin si Andrew kung ano ang mga hindi niya makakalimutan tungkol sa beteranong aktor.

Lahad niya, “Sa mga hindi po nakakaalam kasi lumaki ako ng single parent yung mom ko, na siya yung bumuhay, siyempre with the help of my aunties and uncle, ganun.

“Si Tito Ron kasi for me parang second father ang tingin ko sa kanya.

“Nakaka-miss nga minsan kapag mag-aaya yun 5 pm pa lang, ‘Andrew, nasaan ka? Inom tayo’, tapos yung message niya jejemon pa,” at tumawa si Andrew.

“Tapos nag-Baguio pa kami nung birthday niya, apat kami.”

Ano ang mga hindi niya makakalimutan na mga nasabi nito sa kanya na mga payo?

Aniya, “Yung wisdom, at yung una-una dun yung matuto ka makisama, matuto kang makisama sa mga tao.

“Iyon yung talagang tumatak sa akin, kasi siyempre galing na kay Tito Ronaldo Valdez na ilang dekada na sa atin.

“Ang sinasabi niya laging mahalin mo yung family mo, kasi hindi every time nandiyan yan.”

Paano sila nagkaroon ng connection ni Ronaldo na humantong sa malapit na pagkakaibigan?

“Sa isang show, sa 2 Good 2 Be True, yung sa KathNiel.”

Ang ‘2 Good 2 Be True’ ay ang 2022 romance-drama series nina Kathryn Bernardo at Daniel Padilla sa Kapamilya Network.

Nasundan pa raw iyon ng isang pelikula kung saan muli silang nagkatrabaho ng beteranong aktor.

“Tapos after nun, Ikaw at Ako naman na dinistribute din ng Viva Films, Paolo Contis and Rhian Ramos.”

0

UMALMA ang loyal fans ni Asia’s Songbird Regine Velasquez nang makita nila ang poster na inilabas para sa MYX Music Awards 2024.

Nakakaloka naman kasi na mas malaki pa ang larawan nina BINI members na sina Jhoana at Maloi, at “Pinoy Big Brother” big winners na sina James Reid st Fyang Smith kaysa kay Regine at pinuwesto pa sa pinahuli.

Kahilera naman baba ng Asia’s Songbird sina Elijah Canlas, Gloc 9, Chloe San Jose, Alexa Ilacad, at KD Estrada.

Kaya naman hindi ito pinalampas ng solid supporters ng singer-actress at naglabas ng sama ng loob sa X (dating Twitter):

“Yung Asia’s Songbird na nagbigay ng karangalan sa Pilipinas at isa sa nakipaglaban para sa network noong kasagsagan ng pandemya at shutdown nilagay lang sa ibaba samantalang yung isa na sumang-ayon pa sa pagpapasara ng ABSCBN nilagay sa taas. ANG TANGA LANG!”

“Myx is all about music and OPM tapos yung nasa taas is wala naman naambag sa OPM?! Grabe ang pangbabastos sa isang REGINE VELASQUEZ and GLOC-9!!!”

“Kahit hindi Regine fan or yung mga casuals, nabastusan din talaga sa ginawa na’to ng @myxglobal sa THE Regine Velasquez. Recipient ng MYX Magna Award si Regine, tapos babastusin lng ng ganyan. Wala akong pakialam kung binura nyo na yung photo. BASTOS kayo, Myx! BASTOS KAYO!”

Dahil dito, humingi naman ng sorry ang digital team ng ABS-CBN sa nangyari na ibinahagi sa kanilang Instagram post.

“Dear Ms. Regine, We would like to sincerely apologize the oversight in the promo material we released yesterday.

“We have deep respect and admiration for your craft and remarkable contribution you have given the music industry.

“We will strive to do better moving forward.

“Maraming salamat po sa inyong pag-unawa.

Sincerely. ABS-CBN Digital Team”

“Oh thank you very much didn’t have to but I appreciate it [smile emoji] #kalma [laughing in tears emoji],” sey pa ni Regine na parang deadma lang at walang alam sa isyu at ayaw nang patulan.

***

INILABAS na ng Movie and Television Review and Classification Board (MTRCB) ang klasipikasyon ng mga pelikulang ipalalabas sa linggong ito.

Rated PG (Patnubay at Gabay ng Magulang) ang “Wicked,” na halaw sa isang musikal at pinagbibidahan nina pop icon Ariana Grande at Cynthia Erivo.

Sina Board Members JoAnn Bañaga, Eloisa Matias, at Neal Del Rosario ang nagrebyu ng pelikula.

Sa PG, kailangang kasama ng mga magulang o nakatatanda ang edad 12 at pababa sa loob ng sinehan.

Rated PG din ang “Conclave,” na sumentro sa moralidad at pulitika sa loob ng simbahang Katolika, at “Highlight,” na hango sa konsert ng kilalang Korean band na Highlight.

Ang “Kang Mak” mula Indonesia ay hango sa Thai horror comedy na “Pee Mak,” ay Rated R-13 (Restricted-13). Ibig sabihin, edad 13 at pataas lamang ang pwedeng manood ayon sa desisyon nina BMs Jerry Talavera, Juan Revilla, at Frances Hellene Abella.

“Ating hinihikayat ang mga magulang na responsableng gabayan ang mga bata para sila’y matutong makapili ng angkop na palabas sa ating mga sinehan,” sabi ni MTRCB Chairperson at CEO Sotto-Antonio.

(ROHN ROMULO)