TINAWAG ng Malakanyang na ‘selfish’ o sakim si dating Pangulong Rodrigo ‘Digong’ Roa Duterte nang ipanawagan nito na patalsikin sa puwesto si Pangulong Ferdinand R. Marcos Jr.

“No motive is more selfish than calling for a sitting president to be overthrown so that your daughter (Vice President Sara Duterte) can take over,” ang sinabi ni Executive Secretary Lucas Bersamin sa isang kalatas.

“And he (Duterte) will go to great and evil lengths, such as insulting our professional Armed Forces by asking them to betray their oath, for his plan to succeed,” aniya pa rin

Nagpahayag ng pagkagulat si Bersamin sa naging panawagan ni Digong Duterte sa military na maglunsad ng kudeta laban sa administrasyong Marcos.

Nanawagan si Bersamin sa ex-Philippine leader na sundin ang Saligang Batas.

Sinabi ni Bersamin na ipagpapatuloy ng administrasyon na gampanan ang tungkulin nito para ‘to govern and manage’ ang affairs ng bansa alinsunod sa Saligang Batas at rule of law.

Nauna rito, nanawagan si Digong Duterte sa Armed Forces na ikonsidera ang kanilang suporta para sa kasalukuyang administrasyon. (Daris Jose)

SINABI ni Budget Secretary Amenah Pangandaman na ang violence against women (VAW) ay isang “significant impediment” sa socioeconomic development.

Ipinalabas ni Pangandaman ang kalatas kasabay ng paggunita sa 18-Day Campaign to End Violence Against Women.

“As a staunch advocate of women empowerment, gender equality and children’s rights, I stand firm in my belief that VAW is a profound violation of human rights, a barrier to gender equality, and a significant impediment to socioeconomic development,” ayon kay Pangandaman.

“It takes many forms, resulting in physical, sexual, and emotional harm to women,” dagdag na wika nito.

Idineklara ang 18-Day Campaign to End VAW, sa Ilalim ng Proclamation 1172, ginunita taun-taun mula Nov. 25 hanggang Dec. 12.

Tinukoy ang 2022 National Demographic and Health Survey, sinabi ng Kalihim na ang 17.5% ng mga Filipina na may edad na 15-49 ang nakaranas ng anumang uri ng karahasan mula sa kanilang ‘intimate partners.’

Samantala, mayroong 8,399 ang napaulat na kaso ng physical violence, 1,791 kaso ng rape o panggagahasa at 1,505 kasoi ng acts of lasciviousness noong 2021.

“This, serves as a painful reminder of the work that lies ahead.”ayon kay Pangandaman.

“Hence, let us remember that our commitment to ending violence against women must extend beyond rhetoric. It requires us to take concrete actions to address the root causes that perpetuate this insidious cycle of violence,” aniya pa rin.

Nanawagan naman si Pangandaman sa publiko na huwag kunsintihin ang anumang excuse para sa VAW.

“We must continue fostering an environment where women feel safe and empowered because VAW has no place in our society,” aniya pa rin.

“During this 18-day campaign, let us unite in our commitment to creating a world where women can live free from fear and where their potential can be fully realized,” dagdag na wika nito.

Si Pangandaman ay nasa ‘forefront’ ng pagsisikap ng gobyerno para sa women empowerment.

Pinangunahan ng Kalihim ang delegasyon ng Pilipinas sa 68th annual Commission on the Status of Women sa unang bahagi ng taon at tanyag na pigura sa recently-held International Conference on Women, Peace, and Security sa Maynila. (Daris Jose)

KINUMPIRMA ng Korte Suprema na nakatanggap sila ng isang anonymous letter para ipadisbar si Vice President Sara Duterte.

Sa isang press conference ngayong hapon ng SC, sinabi ni Atty.Camille Ting, ang tagapagsalita ng Korte Suprema na ang naturang sulat ay may petsang October 24 ngunit nitong ikalawang linggo ng Nobyembre lamang nila natanggap.

Ang nasabing reklamo ay kaugnay sa naging pahayag ni VP Sara kay dating Pangulong Ferdinand Marcos Sr.

Sa nakaraang pahayag, una nang sinabi ni VP Sara na ipapahukay niya ang labi ng dating Pangulo At ipatatapon sa West Philippine Sea .

Sinabi rin ni Atty.Ting na bukod sa anonymous complaint ay mayroon pang nakabinbing disbarment case sa Kataas-taasang Hukuman laban kay VP Sara.

Ang nakabinbing kaso sa disbarment ni VP Sara ay inihain pa noong siya ay mayor pa ng Davao na may kaugnayan sa panununtok niya sa isang sheriff sa Davao City.

Samantala, sa huling naging pahayag ni VP Sara laban sa first couple at House Speaker Martin Romualdez sinabi nii Atty.Ting na wala pa silang natatanggap na disbarment complaint .

Ngunit si Presidential Adviser for Poverty Alleviation Sec. Larry Gadon ay nakatakdang magsumite ng disbarment complaint laban sa bise presidente bukas.

Ayon kay Gadon ang mga naging pahayag ni VP Sara na pangalawang pinakamataas na opisyal sa bansa ay iligal, imoral at dapat kondenahin. GENE ADSUARA

TINAWAG ng Malakanyang na isang garapalang panawagan na mag kudeta ang Armed Forces of the Philippines (AFP) laban sa Marcos administration at talikuran ang kanilang sinumpaang tungkulin, para lamang umupo sa pinakamataas na pwesto ang anak nito na si VP Sara Duterte.

Ito ang tahasang pahayag ni Executive Secretary Lucas Bersamin kasunod ng binitawang salita ni dating pangulong Duterte na tila nag uudyok sa mga sundalo laban sa kasalukuyang nakaupong presidente na si Pang. Ferdinand Marcos Jr.

Ayon kay Bersamin, walang ibang pwedeng itawag sa panawagang ito ng dating pangulo kundi makasariling motibo na tangkaing paalisin sa pwesto o ikudeta ang kasalukuyang pangulo ng bansa para lamang maiupo ang kaniyang anak.

Giit ni Bersamin, dapat respetuhin ni Duterte ang konstitusyon hindi ang suwayin ito.

Sabi pa ni Bersamin na dapat tigilan na ni duterte ang kaniyang pagiging iresponsable.

Hindi aniya nakabubuti na insultuhin ang mga sundalo na propesyunal na ginagampanan ang kanilang misyon at tungkulin at himukin ang mga ito na tumiwalag sa konstitusyon para lamang magtagumpay ang kanilang makasariling hangarin.

Siniguro naman ni Bersamin na hindi papaltos ang administrasyon sa mandato nitong pangasiwaan nang maayos ang bansa alinsunod sa konstitusyon at sa rule of law.

Pagtatanggol ng administrasyon ang legacy nito para sa mga Pilipino alinsuod sa batas.

Tiniyak ni Bersamin, kikilos ang estado laban sa mga hindi makatarungan at mga tangkang paglabag sa batas.

Giit ni Bersamin hindi aniya katanggap-tanggap ang marahas na pang-aagaw ng kapangyarihan upang madaling maluklok bilang pangulo sa pamamagitan ng pagpaslang, panggugulo at pag-aalsa.

Pinagsabihan ni Bersamin ang mga Duterte na maghintay sila ng tamang panahon, sumunod sa tamang pamamaraan. (Daris Jose)

ISANG malalim at masusing imbestigasyon sa pagkakakilanlan at ugnayan ng umano’y assassin na kina usap ni Vice President Sara Duterte para targetin sina Presidente Bongbong Marcos, First Lady Liza Araneta Marcos at Speaker Ferdinand Martin Romualdez.

“The Vice President’s statement is deeply alarming and raises serious national security concerns,” pahayag ni Bukidnon Rep. Jonathan Keith Flores.

Sinabi nito na kailangang malaman kung ang naturang ‘mystery assassin’ ay isa bang bahagi ng pinagkakatiwalaang security detail, miyembro ng sindikato o hired gun.

Ang pahayag ng VP na personal niyang nakausap ito na pumayag sa kanyang direktiba ay indikasyon na isang malapit at pinagkakatiwalaan itong indibidwal.

Iginiit nito ang importansiya ng sitwasyon kaya hinikayat nito ang Presidential Security Command (PSC), na busisiin ito nang husto.

“With the Vice President’s own admission, which she stressed ‘is no joke,’ and the fact that she is the primary beneficiary should the president be killed, VP Sara must be considered a person of interest,” dagdag niya.

Gayundin, ang pagsasagawa mg rebyu sa Vice Presidential Security and Protection Group (VPSPG), na binuo ilang araw bago iwan ni dating Presidente Rodrigo Duterte ang kanyang posisyon.

“It’s imperative that President Marcos reassess this setup. Perhaps it’s time to disband VPSPG altogether and just have PSC manage the security of both the President and Vice President under a single apparatus. Entrusting Vice President Duterte with her own ‘private army’ is concerning, especially given her recent statements,” aniya.

Nanawagan din si Flores sa lahat ng kaukulang ahensiya na magsagawa ng komprehensibong imbestigasyon sa naturang alegasyon upang masiguro ang kaligtasan at seguridad ng liderato ng bansa.
(Vina de Guzman)