2024 December 04 Archive - People's Balita

March 14, 2025
Search in People's Balita
Ang Diyaryong Pinagkakatiwalaan

Archive for December 4th, 2024

Inialay ang bagong parangal na anak na si Cristiano… ALFRED, nakagawa ng historic ‘three-peat’ win bilang Best Actor para sa ‘Pieta’

Posted on: December 4th, 2024 by @peoplesbalita No Comments

NAKAGAWA ng panibagong milestone para sa Pilipinas ang award-winning actor at public servant na si Alfred Vargas dahil kanyang historic “three-peat” win bilang Best Actor para sa pelikulang ‘Pieta’.

Ang acclaimed full-length film na pinagbibidahan ng Pambansang Alagad ng Sining na si Nora Aunor, at multi-awarded actress at direktor na si Gina Alajar. Mula ito sa direksyon ni Adolf Alix.

Unang nanalo si Alfred bilang Best Actor para sa ‘Pieta’ sa 72nd FAMAS Awards at nasundan ito sa 3rd WuWei Taipei International Film Festival.

Pahayag ni Alfred sa kanyang ikatlong tropeo na natanggap, “I am very humbled and proud to receive this award! To God be the Glory!

“Ang daming nominees from other countries like Japan, Korea, Indonesia among others, at nakakataba ng puso na na-recognize yung performance natin for Pieta.

“I am very honored kasi international recognition ito at kahit papano ay na-represent natin ang Pilipinas dito at naiwagayway natin ang ating bandila together for other Pinoy awardees. Kayang-kaya talaga nating makipagsabayan sa world stage at ang creativity at talent ng Pilipino ay walang kaparis!

“Gusto kong pasalamatan ang ating superstar na si Ms. Nora Aunor sa pagtanggap sa proyektong ito. Kay direk Gina Alajar for guiding me and always supporting me pagdating sa improvement ng aking craft. And kay direk Adolf Alix for bringing everyone together for this film. Kung wala sila, wala ako dito ngayon.”

Ang kanyang ikatlong Best Actor award para sa mother-son suspense drama na ‘Pieta’ ay nagmula sa 2024 Ima Wa Ima Asian International Film Festival sa Osaka Japan, ay tiyak na nagpapakita ng positibong momentum ng kanyang pelikula at ang pagpasok ni Alfred sa rare at exclusive list ng “3-peat-in-one-movie-best-actors” tulad nina Piolo Pascual, Christopher de Leon, Allen Dizon, at Coco Martin.

Naganap ang awarding ceremony noong Disyembre 1, 2024 sa Sumiyoshi Main Hall sa Osaka, ang prestihiyosong City Hall nag Japan.

Sa kanyang talumpati, itinaas, kinilala, at pinuri niya ang mga manggagawa sa pelikula na responsable sa kanyang mga panalo. Pinasalamatan din niya ang kanyang asawa at pamilya sa kanilang taos-puso at napakahalagang suporta.

Isang nakaka-engganyong sandali ang nasaksihan ng mga manonood at makikita sa mga viral video, nang tawagin ni Alfred ang kanyang anak na si Cristiano sa entablado—upang bigyan siya ng inspirasyon at ialay ang parangal sa kanyang anak.

“Anak (Cristiano), para sa iyo ang award na ito. Pinaghirapan ito ni Daddy. Always remember be by your side no matter what. Reach for your dreams.

“At kung mangangarap ka na rin lang, mangarap ka nang malaki. Don’t forget, balang araw when you’re successful at nasa rurok na ng tagumpay, nasa itaas ka na, huwag mong kalimutan na lalong tumulong sa mga mas nangyari, yung mga nasa baba huwag mong kalimutan. Tsaka family is everything, anak,” emosyonal na mensahe ng aktor/pulitiki sa kanyang anak habang tinatanggap ang award.

Bukod sa Best Actor award, nakuha rin ng ‘Pieta’ ang Best Screenplay award para sa screenwriter na si Jerry Gracio.

Ang iba pang Asian stars ay dumalo sa Gabi ng Parangal kasama ang mga Filipino, Korean, at Japanese community. Ang mga aktor ng Japan na sina Shun Shioya (ang orihinal na Red Power Ranger), Adone Kudo, Son Yong Kuk at si Kim Ji Soo mula sa South Korea.

(ROHN ROMULO)

Inilabas ang throwback photo ng magkakapatid: SHARON, may pahiwatig sa nagaganap kina KC, FRANKIE at MIEL

Posted on: December 4th, 2024 by @peoplesbalita No Comments

NAGING topic sa isang umpukan ng mga kasamahang may konek sa showbiz ang latest Instagram post ni Megastar Sharon Cuneta.

Ito ay pagkatapos nang ginawang pagmamalaki ni Ate Shawie ng isang throwback picture ng mga mahal niyang junakis na sina KC Concepcion, Kakie Pangilinan, at Miel Pangilinan.

Banggit pa ni Mega na ito raw ang cellphone wallpaper niya ngayon.

“My present phone wallpaper…taken years ago…when all was right in my world…” saad pa ng megastar.

Siyempre agad namang sumagot sa naturang post ni Sharon ang super best friend and sister niyang si Judy Ann Santos.

“Everything will be alright ate,” sey pa ng young superstar.

Nagbigay naman agad ng kanilang reaksiyon ang mga anak ni Ate Shawie na siyempre mas nakatawag ng pansin sa mga netizens.

“I love you Mama” ani pa ng mga anak ni premyadong aktres na sina Kakie at KC, lalo na kay KC, dahil hindi matapos-tapos ang mga isyung hindi raw sila nagkakasundong mag-iina paminsan minsan.

Agad rin naman nagbigay ng kanilang opinyon ang mga netizens.

“we don’t know what you and your mom are going through but hopefully messages like this are sent personally to her. I lost my mom a few years ago suddenly from a heart attack that took her instantly and I regret every moment I fought with her or lost time with her. You can never bring it back… you only have 1 mom, the person who brought you in this world, cherish it.

@reallysharoncuneta is loved by soooo many but she only wants the love of her children, for this holiday, hope you can give her the gift of love. She truly deserve it.”

“May you be reunited this Christmas with you mom or any day.”

“Walk the talk Hija. Not through socmed please.”

“Sana lng hindi pagood imge sa social media pero iba kapag off cam how u treat your mom. Matanda n sya kaya sulitin habang kasama mo p sya at nsa huli ang pagsisi..wag mkipgmataasan ng ihi sa mama mo kaya di ka sinuswrte sa lovelife mo kase may karma yun.”

“looking forward to see you all together…love u kz papa gab and mama sharon….”

***

THIS December 9, 2024 ay idi-display na ang wax figure ni Kapamilya actress-TV host Anne Curtis sa Madame Tussauds Hong Kong, na in-unveil last Wednesday, November 27 sa Makati City.

“I am honored, thrilled, and excited. This is amazing. I can’t believe that I’m gonna have my very own wax figure.” banggit pa ni Anne sa panayam sa kanya ng ABS-CBN.

Kung marami ang natutuwa at napa-proud kay Anne dahil sa pagkakaroon ng wax figure, may mga bashers din naman siyang natatanggap.

Ayon pa sa nga ito ay hindi pa dapat si Anne ang binigyan ng wax figure, mas dapat daw mauna sina Star for All Seasons Vilma Santos, Megastar Sharon Cuneta at Superstar Nora Aunor.

Kinukuwestiyon kasi nila kung bakit si Anne ang napiling bigyan ng wax figure ng MTHK samantalang napakarami pang Filipino celebrities ang mas deserving kaysa Kapamilya aktres.

(JIMI C. ESCALA)

MMFF50 Celebrity Golf Tournament, isang malaking tagumpay

Posted on: December 4th, 2024 by @peoplesbalita No Comments

IPINAGPAPATULOY ng Metro Manila Film Festival (MMFF) ang ginintuang anibersaryo nito sa pamamagitan ng Celebrity Golf Tournament na ginanap sa prestihiyosong Wack Wack Golf & Country Club.

Pinagsama-sama ng kaganapan ang isang kapana-panabik na sportsmanship, entertainment, at pagdiriwang bilang parangal sa ika-50 taong milestone ng MMFF.

Nagsimula ang torneo sa isang ceremonial drive na pinangunahan ni MMDA Chairman Romando Artes at San Juan Mayor Francis Zamora, na naging hudyat ang pagsisimula ng afternoon game.

Lumahok ang mga manlalaro mula sa iba’t ibang sektor ng entertainment at negosyo, na ipinakita ang pakikipagkaibigan at suporta para sa walang hanggang legacy ng MMFF sa Philippine cinema.

Ilang sa mga artista na sumuporta sa event ng MMDA at MMFF ang magdyowang sina Cristine Reyes at Marco Gumabao. Si Cristina ay kasama sa cast ng “The Kingdom” na pinagbibidahan nina Vic Sotto at Piolo Pascual na isa sa official entries sa MMFF50 na magsisimula na sa December 25.

Nandun din sina Cesar Montano, Atoy Co, Epi Quizon, Paolo Paraiso, Jayson Gainza, Christian Bautista, Mitoy Yonting, Vince Hizon, Patricia Bermudez Hizon , Daisy Reyes, Neil Arce, LA Tenorio, at marami pang iba.

Ang pagdiriwang ay pinalawig hanggang sa gabi na may isang engrandeng salu-salo, na nagbukas para sa mga manlalaro sa umaga, na sinundan ng isang dynamic na lineup ng entertainment.

Hosted by Enchong Dee, the event featured an electrifying performance by the Reo Brothers band, energizing the crowd with their timeless music.

Si Chairman Artes ay nagbigay ng isang taos-pusong pagbati, na sumasalamin sa paglalakbay ng MMFF sa nakalipas na limang dekada at ang napakalaking kontribusyon ng industriya ng pelikulang Pilipino sa kultura at pagkakakilanlan ng bansa.

Kasama rin sa programa ang pinakaaabangang awarding ceremony para sa mga nangungunang performers ng torneo, na kinilala para sa kanilang pambihirang kakayahan at sportsmanship.

Patuloy na nabubuo ang kagalakan sa minor at major raffles, na nakadagdag sa celebratory atmosphere ng gabi.

Espesyal na pasasalamat ang ipinaabot sa mga bukas-palad na sponsors ng event, na ang walang patid na suporta ay nagdulot ng matunog na tagumpay sa event: GSIS, PAGCOR, PCSO, ISWIMS, Phileco, Agyaman Smoked Meats, Angkasangga Partylist, Boysen, Cignal, CMB, Converge, CWS Partylist, Easy ife , Haws Health and Wellness Shop, InfiniVan, Infobahn, Insuplus, Leonel Waste Management, Manila Teachers Partylist, Maynilad, Mowelfund, Playtime, PowerUp, Remedi, hantal’s Beauty and Wellness Products, STX CleanLeaf, TV5, Woodfields Consultant Inc., at akult.

Pagsapit ang gabi, naiwan ang mga kalahok na inspirasyon at pananabik para sa nalalapit na mga kaganapan sa MFF50, kasama ang bonggang pagtitipon na ito na lalong nagpapatibay sa papel ng pagdiriwang bilang isang beacon na sinehan at kultura ng Pilipinas.

Ang Celebrity Golf Tournament ay hindi lamang isang selebrasyon, kundi isang pagpupugay din sa namamalaging pamana ng MMFF, na nagtatakda ng yugto para sa mas malilimutang kasiyahan sa ginintuang taon nito.

(ROHN ROMULO)

Sonic’s most thrilling adventure awaits! Watch the new trailer for ‘Sonic the Hedgehog 3’

Posted on: December 4th, 2024 by @peoplesbalita No Comments

SHADOW rises. Chaos is coming.

Get ready for chaos and adventure like never before! The highly anticipated “Sonic the Hedgehog 3” lands in Philippine cinemas on January 15, 2025. The newly released trailer offers a sneak peek into Sonic’s most electrifying challenge yet.

In this thrilling chapter, Sonic, Knuckles, and Tails reunite to face their most formidable foe yet: Shadow, a mysterious adversary with unmatched power and a mission that could destroy everything Sonic holds dear. With their abilities pushed to the limit, the team is forced to form an unexpected alliance to save the world.

Expect high-speed action, heartfelt moments, and a story that will keep you on the edge of your seat.

Under the direction of Jeff Fowler, the genius behind Sonic’s cinematic success, the film boasts a stellar cast:

Ben Schwartz (the voice of Sonic)

Idris Elba (Knuckles)

Colleen O’Shaughnessey (Tails)

Jim Carrey (Dr. Robotnik, in what may be his most dramatic return)

Keanu Reeves and Krysten Ritter join the adventure in pivotal roles.

The screenplay, penned by Pat Casey, Josh Miller, and John Whittington, is inspired by the iconic SEGA video games that fans worldwide adore.

Brought to you by Paramount Pictures in collaboration with Sega Sammy Group, this cinematic marvel is produced by Neal H. Moritz, Toby Ascher, Toru Nakahara, and Hitoshi Okuno, with executive production from industry titans like Tim Miller and Haruki Satomi.

Mark your calendars: Sonic the Hedgehog 3 races into Philippine theaters on January 15, 2025. Share your excitement online using #SonicMovie3 and tag @paramountpicsph for a chance to be featured!

Don’t miss out on Sonic’s most explosive adventure yet. Watch the trailer now and feel the adrenaline rush! (Photo and Video Credit: Paramount Pictures International)

(ROHN ROMULO)

La Melo Ball hindi makakapaglaro ng 2 linggo dahil sa injury

Posted on: December 4th, 2024 by @peoplesbalita No Comments

HINDI makakapaglaro ng hanggang dalawang linggo si Charlotte Hornets point guard at NBA star LaMelo Ball.

Ayon sa Hornets na nagtamo itong strained left calf injury.

Natamo nito ang injury sa pagkatalo ng koponan laban sa Miami Heat.

Dagdag pa ng koponan na sasailalim pa siya sa re-evaluation sa Disyembre 11 o matapos ang dalawang linggo mula ng kaniyang pagkaka-injury.

Si Ball ay mayroong average na 40.3 points sa loob ng apat na laro.

Mayroon din itong average na 5.4 rebounds, 6.9 assists at 1.1 steals.

Mula ng naging overall 3 pick noong 2020 ay nagkakaroon na ito ng mga injury kadalasan sa kaniyang ankles.

56 nasawi sa stampede sa isang football match sa Guinea

Posted on: December 4th, 2024 by @peoplesbalita No Comments

AABOT sa 56 katao ang nasawi matapos ang naganap na stampede sa isang football match sa N’Zerekore City , Guinea.

Base sa mga otoridad na nagsimula ang kaguluhan sa pagitan ng mga fans.

Mas lalo pang lumala ang kaguluhan ng palabasin ang isang manlalaro matapos ang laro.

Ang nasabing laban ay final tournament inorganisa bilang pagkilala sa junta lider ng Guinea na si Mamady Doumbouya.

Si Doumbouya ang nagwagi noong kudeta sa taong 2021 at itinalaga niya ang sarili bilang pangulo.

Dahil sa labis na kaguluhan ay napilitang gumamit ng puwersa ang mga kapulisan para buwagin ang mga tao.

Nagsasagawa na ng imbestigasyon ang mga otoridad ukol sa nasabing insidente.

LTFRB: TNVS tulad ng Grab binigyan ng 5,000 slots sa MM para sa holiday rush

Posted on: December 4th, 2024 by @peoplesbalita No Comments

NAGBUKAS ang Land Transportation Franchising and Regulatory Board (LTFRB) ng 5,000 karagdagang slots para sa ride-hailing services sa Metro Manila upang mabigyan ng sapat na serbisyo ang mga pasehero ngayon kapaskuhan.

“These slots have been equally distributed among the different Transport Network Vehicle Service (TNVS) such as Grab operating in National Capital Region. This Christmas, in response to the request of not only Grab but all the other 19 TNVS companies. We have approved an additional 5,000 slots,” wika ni LTFRB chairman Teofilo Guadiz III.

Natuwa naman ang Grab sa desisyon ng LTFRB para sa suporta ng opisina upang mabigyan ng solusyon ang tumataas na demand at supply imbalance.

Dagdag ng Grab na dinagdagan na nila ang kanilang mga drivers simula pa noong nakaraang August kung saan huling nagbukas ang LTFRB ng slots para sa TNVS upang maging maaasayan ang serbisyo na binibigay ng Grab sa mga pasahero nito lalo na ngyon December.

“What we find is on the second and third week of December, demand surges at 45 percent so it is this very, very short period where demand is at its peak,” sabi ni Grab Philippine Country manager Ronald Roda.

Hinihikayat naman ni Roda na samantalahin ng mga pasehero ang kanilang kalulungsad na Grab’s Group Rides feature kung saan mamaximize ang paggamit ng kanilang fleet sa pamamagitan ng carpooling model na may mas mababang pasahe. Sa ganitong feature, pinapayagan na ang grupo na may apat na sakay ang mag hati-hati sa base fare.

“The name of the game is not so much the number of cars but how many people we can put in a car given the situation on Christmas,” dagdag ni Roda.

Kasabay nito, sinabi rin ni Guadiz na tumatanggap ang LTFRB ng aplikasyon para sa special permits ng mga public utility vehicles tulak ng buses, simula sa darating na Dec. 15. Ang nasabing special permits ay valid mula Dec. 20 hanggang January 4, 2025.

Samantala, ang mga digital advocates naman ay hinihiling sa LTFRB na magkaroon ng mahigpit na batas para sa holiday surge fees o di kaya ay magkaroon ng additional cost na computed ng algorithm upang magkaron ng mas madaming sasakyan sa lansangan.

“Every year, TNVS passengers have been complaining of fares doubling, tripling, and in some instances even higher than that, during the holiday rush, when the service is much more needed. This should stop now and LTFRB should do its job to protect the commuters,” ayon kay Digital Pinoy national campaigner Ronald Gustilo.

Sa isang pag-aaral ng Philippine Center for Investigative Journalism, lumalabas na ang GrabCar rides ay parating nagpapataw ng surge fees subalit kahit ganon lumabas sa pag-aaral na ang mga pasahero ay naghihintay pa rin ng matagal.

Ang depensa naman ng Grab ay ganon ang dynamic ng kanilang scheme upang mabigyan ng viable earnings ang mga drivers kahit na may holiday-induced traffic at congestion sa mga lansangan.

Ayon naman sa historical data ng Grab lumalabas na ang isang driver sa average na oras ay kailangan maglaan ng 14 porsiyento pa sa isang trip distance lalo na pag may holiday rush.

“We also need to look out for the drivers. We need to make sure that the fares are also fair for them so they keep driving. It’s a two-sided platform – there is the passenger and the driver and we need to be able to serve both for the holidays,” dagdag ni Roda.

Diin din ni Roda na ang Grab ay laging nasa framework ng batas ng LTFRB at regulator kung saan ay dapat sundin ang pricing ng fare.

Binigyan ng LTFRB ng kasiguraduhan ang publiko na mayron mekanismo na nakalagay upang matingnan ang surge pricing ng TNVS apps tulad ng Grab.

“We also have a system in the office that monitors the algorithm of these TNVS. And we have field agents who would casually go into these TNVS to monitor if the TNVS really has the algorithm in compliance with the directive of LTFRB,” saad ni Guadiz. LASACMAR

Woman of unshakable integrity’: PBBM, nagbigay pugay kay dating Senador Rasul

Posted on: December 4th, 2024 by @peoplesbalita No Comments

NAGBIGAY-PUGAY si Pangulong Ferdinand R. Marcos Jr. kay dating senadora Santanina Rasul na pumanaw noong Nov. 28, sabay sabing ang pagpanaw ng senadora ay “a loss deeply felt not only by (her) family but by the entire Filipino nation.”

Sa condolence message ng Pangulo sa pamilya Rasul, sinabi ng Pangulo na ang naging kontribusyon ng namayapang senadora ay hindi lamang makasaysayan kundi isang ‘transformative.’

“It is with profound sadness that I extend my condolences on the passing of Senator Santanina ‘Nina’ T. Rasul,” ang sinabi ng Pangulo.

“As the first and only Muslim woman senator to serve the Philippines, Senator Rasul broke barriers through her legislative endeavors and became a trailblazer for equality and empowerment.” aniya pa rin.

Winika pa ng Pangulo na ang “extraordinary life” ni Rasul at ang legacy nito na lapas sa kanyang legislative accomplishments “will forever be etched in our nation’s history and in the hearts of those she touched.”

As a “woman of wisdom, grace, and unshakable integrity,” Rasul’s impact was felt not only within the halls of government but also in the lives of the people “she so selflessly served,” ang sinabi ni Pangulong Marcos.

“She leaves behind a powerful reminder of the change one person can bring through courage, compassion, and conviction. She championed the rights of marginalized communities, opened doors for women in the military, and inspired countless Filipinos, especially those from underrepresented sectors, to believe in their potential.”ang sinabi pa rin ng Chief Executive.

Sa kabilang dako, nagluksa rin si Budget Secretary Amenah Pangandaman, kauna-unahang Muslim budget secretary, sa pagpanaw ni Rasul.

Aniya, siya ay “deeply inspired” sa namayapang mambabatas dahil sa hindi natitinag na pangako na itaas kanilang rehiyon at itagutyod ang mithiin na madamdamin niyang itinaguyod.

“Throughout her career, she broke barriers as the first Muslim woman senator in the country, championing education, women’s rights, and the welfare of minorities. She dedicated her entire life to faithfully representing our people and amplifying their voices,” ang sinabi ng Kalihim sabay sabing “Her memory will live on as a beacon of hope and resilience, lighting our way as we continue the meaningful work she began.”

Sa kabilang dako, si Rasul ay nagsilbi bilang senador mula 1987 hanggang 1992 at mula 1992 hanggang 1995 at nag-akda ng 8 batas bilang chairperson ng Senate Committee on Civil Service and Government Recognition at Committee on Women and Family Relations.

Ilan sa mga batas na ini-akda ni Rasul ay ang Republic Act (RA) 7192 or the Women in Development and Nation Building Act, nagbigay daan sa pagpasok ng babae ng kadete sa Philippine Military Academy, at RA 6949 nagdedeklara sa March 8 bilang National Women’s Day.

Ipinanganak sa Siasi, Sulu, unang nagsilbi si Rasul sa gobyerno bilang sang public school teacher sa Siasi at Jolo noong 1950s, bilang isang konsehal ng Jolo sa unang bahagi ng 1960s, at bilang Sulu Provincial Board member mula 1971 hanggang 1976.

Siya ay naging miyembro ng government peace panel na matagumpay na nakialam sa peace talks sa Moro National Liberation Front (MNLF) sa ilalim ng administrasyon ni dating Pangulong Fidel V. Ramos.

Si Rasul ay naging commissioner kumakatawan sa Muslim at iba pang ethnic minorities mula 1978 hanggang 1987 at pagkatapos ay naging board member ng Ministry of Education, Culture and Sports noong 1986. (Daris Jose)

Top Athletes kikilalanin sa PSA Awards Night

Posted on: December 4th, 2024 by @peoplesbalita No Comments

MANINGNING ang kampanya ng Team Philippines sa nakalipas na taon partikular na sa 2024 Paris Olympics kung saan nag-uwi ang mga Pinoy athletes ng dalawang ginto at dalawang tansong medalya.

Kaya naman kikilalanin ang husay at galing ng mga Pilipinong atleta sa Philippine Sportswriters Association (PSA) Annual Awards Night sa Enero 27 sa Manila Hotel.

Hindi malilimutan ang tagumpay ni gymnast Carlos Edriel Yulo na kumana ng dalawang gintong medalya sa Paris Olympics kung saan naghari ito sa men’s floor exercise at men’s vault.

Ito ang pinakamatagumpay na kampanya ng Pilipinas sa Olympic Games upang maging magarbo ang ika-100 taon ng partisipasyon ng bansa sa naturang quadrennial meet.

Nauna nang nagbigay ng gintong medalya si weightlifter Hidilyn Diaz noong 2020 Tokyo Games sa Japan.

Maliban sa dalawang ginto ni Yulo ay nagbulsa rin ng tig-isang tansong medalya sina female boxers Nesthy Petecio at Aira Villegas.

Pangungunahan nina Yulo, Petecio at Villegas ang mga gagawaran ng parangal sa PSA Awards Night kung saan kikilalanin ang Athlete of the Year.

Bahagi rin ng programa ang pagluklok ng isa na namang atleta sa PSA Hall of Fame.

Pinakahuling naisama sa Hall of Fame si track and field legend Lydia De Vega.

Kikilalalnin din ang mga Pinoy Olympians na nagpartisipa sa mga nakalipas na edisyon ng Olympic Games.

Muling igagawad ang Executive of the Year, National Sports Association (NSA) of the Year, President’s Award, Mr. Basketball at Ms. Volleyball.

Bibigyan din ng major awards ang ilang grupo at personalidad gayundin ng citations, Tony Siddayao Awards at Milo Awards para sa mga junior athletes.

Bibigyang pugay din ang mga namayapang sports personalities sa nakalipas na taon.

Ang PSA ay kasalukuyang pinamumunuan ni Philippine Star Sports Editor Nelson Beltran.

No. 5 most wanted person ng NCRPO, timbog sa Malabon

Posted on: December 4th, 2024 by @peoplesbalita No Comments

HIMAS rehas ang isang construction worker na nakatala bilang top 5 most wanted person sa National Capital Region Police Office (NCRPO) dahil sa kasong rape matapos madakma ng pulisya sa ikinasang manhunt operation sa Malabon City, kamakalawa ng hapon.

Sa kanyang report kay Northern Police District (NPD) Acting Director P/Col. Josefino Ligan, kinilala ni Malabon police chief P/Col. Jay Baybayan ang narestong akusado na si alyas “Jun-Jun”, 26, ng Brgy. Longos na nakatala naman bilang No. 2 TMWP sa NPD.

Ayon kay Col. Baybayan, nakatangap sila ng impormasyon na naispatan ang presensya ng akusado sa kanilang lugar kaya inatasan niya ang mga tauhan ng Warrant and Subpoena Section (WSS) na bumuo ng team para tugisin si ‘Jun-Jun’.

Katuwang ang mga tauhan ng NPD-DSOU, agad nagsagawa ang WSS ng Malabon police ng joint manhunt operation na nagresulta sa pagkakaaresto sa akusado dakong ala-1:30 ng hapon sa Hiwas St., Brgy. Longos.

Ang akusado na nakatala naman bilang No. 3 top MWP sa Malabon ay binitbit ng pulisya sa bisa ng warrant of arrest na inisyu ni Presiding Judge Catherine Therese M. Tagle-Savador ng RTC Branch 73, Malabon City para sa kasong Rape na may petsang October 28, 2024.

Pansamantalang nakapiit ang akusado sa custodial facility unit ng Malabon police habang hinihintay ang pagpapalabas ng commitment order mula sa hukuman para sa paglilipat sa kanya sa City Jail. (Richard Mesa)