NAPIGIL ng Bureau of Immigration (BI) ang dalawang Filipina sa tangkang surrogacy trafficking sa Georgia matapo nasabat s Ninoy Aquino International Airport (NAIA) Terminal 1.

Ang dalawang biktima na di pinangalanan ay n-recruit noong November 27 sa pamagitan ng Facebook ng isang online recruiter.

Unaa silang nagpanggap na bibiyehe ang mga ito sa Tbilisi, Georgia subait nabuking sila sa kanilang mga dokumento na peke na sa bandang huli ay inamin nila na maging surrogate mothers na may buwanang suweldo na P700,000

Sinabi ng mga biktma na sasailalim sila sa isang physical medical examination bagi sila bumiyehe ng Georgia.

“We remain vigilant to protect individuals and prevent the trafficking of victims,” ayon kay BI Commissioner Joel Anthony Viado. “We urge the public to exercise caution and stay alert to this form of victimization,” dagdag pa nito.

Ang mga pasahero ay nasa kustodiy na ng Inter-Agency Council Against Trafficking (IACAT) para sa imbestigasyon. GENE ADSUARA

MAHIGIT sa 400 umano’y recipients sa listahan ng mga benepisaryo ng confidential funds na ipinamahagi

Department of Education (DepEd) na pinamumunuan noon ni Vice President Sara Duterte ay walang birth records, ayon sa ulat ng Philippine Statistics Authority (PSA).

inihayag ito ni Manila Rep. Joel Chua, chairman ng House Committee on Good Government and Public Accountability, sa isinagawang committee hearing nitong lunes.

Nasa 405 sa 667 pangalan na isinumite para sa verification ay walang birth records.

“Tayo po ay sumulat upang isumite ang 677 pang pangalan na nakalagay sa acknowledgment receipts (ARs) ng DepEd kung saan tayo po ay binigyan ng tugon ng [PSA], dated December 8, 2024,” ani Chua.

“At dito, kanila pong sinasabi na out of 677 individuals, 405 ay walang birth certificate o walang record of birth o pwede nating sabihin na non-existent,” dagdag nito.

ayon sa panel, ang PSA report, na nilagdaan ni National Statistician and Civil Registrar General Claire Dennis Mapa, lumalabas na 445 individuals ay wala ring marriage certificates, habang 508 ang walang no death certificates.

lumilitaw din na ang iba pang indibidwal na isinailalim sa verification ay may isa o mahigit pa na matching records sa civil registry.

ang findings ng PSA ay bilang tugon sa kahilingan ng komite na nagsasagawa ng imbestigasyon sa naging disbursement ng P612.5 million na confidential funds—P500 million mula sa Office of the Vice President (OVP) at P112.5 million mula sa DepEd—na napa ulat na ginamit sa pagitan ng 2022 at 2023. (Vina de Guzman)

MALAKI ang posibilidad na payagan ni Pangulong Ferdinand Marcos Jr., ang pag-angkat ng bigas sa mas mababang

Ini-apply na tariff rate sa panahon ng anumang nalalapit o hinuhulaang kakapusan o anumang sitwasyon na nangangailangan ng interbensyon ng gobyerno.

Ito ang nakapaloob sa Republic Act No. 120278 o Amendments to Agricultural Tariffication Act.

Ayon sa Seksyon 9 ng bagong batas, nagsasaad ng kapangyarihan ng Pangulo, ipinahihiwatig na sa bawat kaso ng pambihirang pagbagsak sa local rice prices, maaaring suspendihin ng Pangulo ang rice imports para sa limitadong panahon at/ o dami hanggang ang suplay ng bigas at presyo ay maging matatag.

”Such order shall take effect immediately and can only be issued when Congress is not in session,” ang nakasaad sa batas.

Sinasabing, pinalawak ng bagong batas ang buhay ng Rice Competitiveness Enhancement Fund (RCEF) hanggang 2031. Ang pondo ay huhugutin mula sa taripa na makokolekta mula sa rice importation.

Idagdag pa, ang pagtaas sa annual allocation sa RCEF ay magsisimula mula sa kasalukuyang P10 billion hanggang P30 billion hanggang sa 2031.

Sinabi pa ng Pangulo na sa pamamagitan ng RCEF, nagawa ng bansa na mag-invest sa ‘high-quality seeds, mechanization, at pagsasanay ng mga lokal na magsasaka, isang hakbang na magga-garantiya na may taglay ang mga ito ng tamang kasanayan at gamit para itaas ang productivity.

”With the expiration of the original six-year plan for RCEF fast approaching, it became clear that we needed to extend and strengthen the program. And this is where this law comes in, extending the program to 2031, and significantly increasing its funding from the original P10 billion to P30 billion annually,” ang sinabi ni Pangulong Marcos sa kanyang naging talumpati sa ceremonial signing.

Samantala, palalakasin din ng bagong batas ang regulatory functions ng Department of Agriculture (DA) sa pamamagitan ng paglikha at pagpapanatili ng database para i-monitor ang rice reserves ng bansa. (Daris Jose)

NAKA-hightened alert ang Philippine Coast Guard (PCG) mula Disyembre 13,2024 hanggang Enero 6,2025 dahil sa inaasahang pagbuhos ng mga manlalakbay sa panahon ng Kapaskuhan.

Inatasan ni Commandant Admiral Ronnie Gil Gavan ang mga Coast Guard districts, stations, at sub-stations na paigtingin ang seguridad at safety measures sa mga daungan at terminal sa bansa.

Sinabi ng PCG na ito ay para sa maayos na sea travel operations at seguridad ng mga turista sa mga beach at pribadong resort sa buong bansa.

Kabilang sa Western seaboard ang Batangas ,Occidental Mindoro,Oriental Mindoro,Aklan,Iloilo at Zamboanga regions, habang sakop ng Eastern seaboard ang Manila, Bicol region, Samar, Leyte, at Surigao provinces.

Isasagawa ang mahigpit na inspeksyon sa pasahero, luggages, terminals, at mga barko upang masiguro ang kaligtasan at kumbinyenteng port operations.

Magde-deploy din ng medical teams na tutulong sa mga manlalakbay sakaling may emerhensiya . Lifeguards, first responders, at marami pang PCG personnel ay magsasagawa ng pagpaptrolya sa maritime tourist destinations.

Katuwang ng PCG ang Philippine Ports Authority (PPA) at Maritime Industry Authority (MARINA) para sa safety and security inspections sa mga barko.

Pinaalalahanan din ang mga port passengers na manatilinh bigilante at alerto sa panahon ng paglalakbay. GENE ADSUARA