BALIK-AKSYON na naman muli si Sen. Bong Revilla.

Kumbaga pagkatapos ng nangyaring injury sa kanya sa shooting ng supposed to be entry niya sa 50th Metro Manila Film Festival na “Alyas Pogi” ay kayang-kaya na niyang mag-aksyon muli.

Ayon pa kay katotong Gorgy Rula ay nakatakdang magsimula ang season 3 ng action-comedy na ‘Walang Matigas Na Pulis sa Matinik na Misis& this December 22.

Mabuti na lang daw at hindi natuloy si Sen. Bong sa pagsali sa MMFF dahil nga sa nangyaring aksidente sa kanya.

Pero marami ang nadismaya dahil walang Bong Revilla entry ang 50th MMFF.

Mabuti na lang at may “Topakk” na pinagbibidahan ni Cong. Arjo Atayde na ngayon pa lamang ay hinuhulaan na maging isa sa top grossing film sa December filmfest.

Ngayong okey na at magaling na ang naging injury ni Sen. Bong, malay natin baka maisipan na niyang ituloy ang “Alyas Pogi 4″

Basta abangan na lang daw kung alin ang una niyang gagawing pelikula.

Sa ngayon, panoorin na lang muna natin ang sitcom na kung saan bukod sa original cast ay kasama na rin sina Jillian Ward at Leo Martinez.

***

HINDI man kami pinalad na manalo (as always naman lagi kaming umuuwing talunan sa Christmas Party ng GMA) pero sa totoo lang nag-enjoy kami sa christmas party for the media na ginanap sa GMA Annex Studio 7.

Ang sarap ng food with matching masarap na desert at mayb pa-red wine pa!

Siyempre ang GMA entry to the 50th MMFF ay gumawa ng pampaingay at nagkaroon ng hanapan ng promo material ng l“Green Bones”.

Sa ibabaw ng mesa kung saan ang ka PMPC at former president Julie Bonifacio ay naging mapalad na nag uwi ng GMA affordable box bilang premyo sa nahanap niyang sticker sa table namin,
Win din ng grand cash raffle ang current president namin na si Rodel Fernando at marami rin naman sa mga kasamahan namin ang nagwagi sa pina raffle na cash.

The party was hosted by Betong Sumaya and Shuvee Etrata kasama si Jojo Aquio, Asst. VP for Corporate Communications na in- charge sa raffle.

Nagbigay din ng kanilang awiting handog sa movie press ang The Clash Finalists: Alfred Bogabil, Angel D, Chloe Redondo and Naya Ambi, Lianna Castillo Seb Pajarilo at ang Tanghalan ng Kampeon Grand Winner Tala Gatchalian

Present rin naman sa party na kahit medyo masama ang pakiramdam ay nagbigay ng kanyang mensahe si GMA’s Vice President and Head of Corporate Affairs and Communications na si Ms. Angel Javier Cruz.

Natutuwa rin kami dahil may mga namataan kaming mga kasama sa nawalan ng trabaho sa ABS ay empleyado na ngayon ng GMA network

Kung marami ang nanalo meramı rin naman ang hindi pinalad at isa kami sa pumila sa mga pakunsuwelo na 1k para sa hindi nagwagi.

Salamat GMA at Maligayang Pasko!

(JIMI C. ESCALA)

MALAKING pressure nga raw kay Direk Zig Dulay ang expectations ng mga artistang gustong makatrabaho siya sa TV at pelikula.

Para na ngang si Lino Brocka o Ishmael Bernal si Direk Zig na gustong nakatrabaho ng maraming artista ngayon.

“Nakakataba ng puso kapag mapapakinggan mo na pangarap kang makatrabaho ng mga artista, at the same time, kinakabahan tayo dahil sa mga magiging expectations nila sa akin. Kaya I make sure na balanse lahat. I have my strengths and my weaknesses as a director. Gusto ko ay yung magtulungan kami ng mga katrabaho kong artista para makabuo kami ng something special sa isang project,” sey ni Direk Zig.

Aside sa MMFF 2024 official ng entry ng GMA Pictures na ‘Green Bones’, direktor din si Zig ng ‘Widows’ War’ ng GMA Prime at nagtuturo din siya sa University of the Philippines.

“Kinakaya ko mag-multi-task dahil importante silang lahat sa akin. Kahit na kapos tayo sa tulog, basta magawa natin ng maayos at tama ang ating trabaho dahil commitment natin ito,” diin pa niya.

***

NA-DIAGNOSE with narcissistic personality disorder ang The Masked Singer host na si Nick Cannon.

Ayon sa Wikipedia, ang naturang sakit ay “characterized by a life-long pattern of exaggerated feelings of self-importance, an excessive need for admiration, and a diminished ability to empathize with other people’s feelings.”

Bukod sa bagong personality disorder, na-diagnose din si Cannon with ADHD and dyslexia. Tanggap naman daw niya ang mga sakit na ito.

“I just embrace mental health and therapy in such a strong way. To be able to say I’m an example for others, but also be healing during the self-process works too.”

May isang dosenang anak si Cannon, kasama na rito ang kambal nila ng ex-wife na si Mariah Carey. Nagawa raw niyang mapuntahan ang mga anak niya noong nakaraang Thanksgiving Day.

(RUEL J. MENDOZA)

KAHIT forty six na si Judy Ann Santos na may anak ng dalaga, si Yohan at binatilyo, si Lucho at ang lumalaki na ring si Luna, nakaka-impress ang dedikasyon niya sa pagpapanatili ng kanyang magandang pangangatawan.

Marami nga ang nagsasabi, mas seksi at mas maganda siya ngayon kaysa noong dalaga siya.

Ano ba ang exercise at diet regimen ng isang Judy Ann Santos?

“Okay, nakakatuwa naman yung ‘fitspiration’,” reaksyon ni Judy Ann.

“Hindi ko naman inisip na, alam mo yun, magpaka-healthy and all para sa iba,” at muli siyang tumawa, “mostly, siyempre nandun yung sa edad natin, o sa edad ko, siyempre nandun na yung iisipin mo yung mas healthy eating, more clean.

“Nagsimula ako mag-start ng detox mga two years ago, so I’m on, most of the time, naka-supply yung food ko by Chechel [Joson].

“So ginagawan niya ako ng food na talagang for my chakras, for Ayurvedic. Naniniwala kasi ako sa ganun, yung what works for your body, ano yung food na madaling ma-digest ng katawan mo.

“So basically, nagsimula yan for more on gut cleansing. So nag-fill up ako ng maraming probiotics, gut health talaga, kasi maganda yung naging effect niya sa akin. “Gumanda yung pakiramdam ko, maayos yung gising ko sa umaga, nakakatulog ako ng maayos.

“So basically, yung exercise, natigil ako ng matagal na panahon diyan, as in matagal, siguro mga ilang taon,” pagbabahagi pa ni Judy Ann.

Bakit siya nahinto sa pag-e-exercise?

“Wala lang,” bulalas ni Judy Ann, “parang wala lang akong drive na mag-exercise. Dumating ako sa point na kung gaano ako kasipag mag-exercise dati, wala akong drive.

“Wala lang akong gana, and then, na-realize ko baka kailangan kong mag-detox, mag-cleansing, kasi ang cloudy ko mag-isip.

“Feeling ko pagod ako palagi, hindi naman ako malungkot, pero parang wala lang akong drive to move a lot.

“So, nag-start akong mag-detox, nag-start akong mag-gut cleanse. More clean eating, meaning, more fiber first in the morning.

“Marami akong mga tinanggal na mga normal na kinakain ko during the day, nagpalit lang ako ng mga ganap sa buhay, and then, yun na, gumagaan na yung pakiramdam ko.

“Nagsimula na lang ako uli mag-exercise nung bumalik kami from Madrid. After…everyday kasi for almost a month, halos 10,000 steps talaga kami ng mga bata at tsaka ni Rye dun dahil sa activities ni Lucho.”

Nagtungo sa Madrid, Spain si Juday, ang mister niyang si Ryan Agoncillo at mga anak na sina Lucho at Luna nitong Hunyo ng taong kasalukuyan para sa football event na sinalihan ni Lucho.

Pagpapatuloy ni Juday, “Nung pagbalik ko wala pa rin masyado, pero nakuha ko na yung rhythm na, ‘Ah okay kaya ko palang mag-10,000 steps.’

“Nag-lose ako ng ilang pounds when we were in Madrid, and then, si Rye encouraged me na yun nga, sinabi niya sa akin na, ‘You have to move already.’

“Kasi nandito na tayo sa age na yung bone mass and muscle mass natin kailangan i-increase na, kasi iyan yung unang nagdi-deplete as we age, e.

“So doon ko naano na okay, kailangan ko ng ikilos ‘to, kailangan ko ng igalaw ‘to, kasi kailangan ko ng pawisan.

“Hindi ako puwedeng lagi na lang nagbabawas ng pagkain, and dun na lang ako nagsimula uling mag-treadmill, mag-walking, marami na rin kasing hindi ako puwedeng gawin.

“Hindi na ako puwedeng magbuhat masyado because of my back, ang puwede ko na lang basically activities gawin swimming, pilates, yoga, walking.

“Wala na talaga yung mga ginagawa kong activities nung kabataan na puwede akong mag kung anu-ano, mag-trampoline, mag-weights, heavy lifting talaga.

“Ano na lang, basically, yung inspiration na lang on being healthy. Hindi na nga yung losing weight, yung losing weight naging bonus na lang siya.

“Yung being healthy yung naging ano ko talaga, motivation ko. I wanna be healthy, I wanna be stronger, kasi gusto kong makasabay sa activities ng mga anak namin.

“Gusto kong makipaglaro sa kanila, I want to spend more time with them. Gusto ko kahit pagod akong umuwi sa bahay, kinabukasan I can still wake them up in the morning, kasi routine ko yun, e.

“Sila ang routine ko. Kahit anong oras ako umuwi from work, gigising ako ng alas-singko, gusto ko ako yung gumigising sa kanila, ako gagawa ng baon nila, nandun ako sa breakfast nila.”

Samantala, bida si Judy Ann, kasama sina Lorna Tolentino at Chanda Romero, sa “Espantaho” na entry sa 50th Metro Manila Film Festival sa December 25.

Ang naturang horror film ay sa direksyon ni Chito Roño at panulat ni Chris Martinez.

Kasama rin sina Janice de Belen, JC Santos, Donna Cariaga, Nico Antonio, Kian Co, Mon Confiado, with the special participation of Tommy Abuel at Eugene Domingo.

Mula ito sa Quantum Films, Cineko Productions, at Purple Bunny Productions na pag-aari mismo ni Judy Ann.

(ROMMEL L. GONZALES)