KONONDENA ni Speaker Ferdinand Martin Romualdez ang pagkalat ng pekeng balita na yumao na umano si Pope Francis, na maituturing na isang nakakabahalang pagpapakita ng “reckless misinformation” kasabay ng panawagan sa publiko na maging mapagbantay laban sa fake news.

“This is a troubling reminder of how ruthless and irresponsible fake news has become. Spreading false information about the Holy Father not only causes unnecessary alarm but also undermines the truth at a time when facts matter more than ever,” ani Romualdez.

Reaksyon ito ng speaker sa lumabas na viral post ukol sa pekeng balita na yumao na umano si Pope Francis sa Rome’s Agostino Gemelli University Hospital sa Rome, na agad namang pinasinungalingan ng Vatican.

Hinikayat ni Romualdez ang publiko na beripikain ang impormasyon bago ito ipakalat o ipamahagi dail importante ang pagkakaroon ng digital responsibility upang maiwasan ang pagkalat ng maling impormsyon.

“Social media must not be a tool for deception. We all have a duty to be responsible with the information we consume and share. Misinformation can erode trust, create confusion, and cause distress, especially when it involves a leader as deeply respected as Pope Francis,” dagdag nito.

Hinikayat din nito ang lahat na maglaan ng panalangin para sa agarang paggaling ng Santo papa sa halip na magpakalat ng pekeng balita.

“Rather than spreading baseless rumors, let us turn our energy toward prayer and goodwill. Pope Francis inspires millions with his wisdom and compassion, and we pray for his continued strength and good health,” pagtatapos nito.

(Vina de Guzman)

BAGSAK sa kulungan ang 62-anyos na lolo nang mahuli sa akto na may bitbit na baril habang pagala-gala sa kanilang lugar at makuhanan pa ng droga sa Malabon City, kahapon ng madaling araw.

Ayon kay Malabon Police Chief P/Col. Jay Baybayan, itinawag ng kanyang mga kalugar sa Police Sub-Station 2 ng Malabon police ang pabalik-balik na paglalakad ng suspek na si Lolo ‘Divino’, sa kanilang lugar sa Concepcion St. Brgy. Tugatog habang may bitbit na baril na tila may inaabanga na kaaway.

Kaagad namang nagresponde sa lugar sina P/SSg Marty Vilbar, P/Cpl. Leo Dave Legaspi, at Pat. Philmark Tongco kung saan naabutan nila ang suspek na may hawak ngang baril dakong ala-1:50 ng madaling araw.

Hindi na pinaporma ng mga tauhan ni Col. Baybayan si lolo Divino at agad dinamba kung saan nakumpiska sa kanya ang hawa na isang kalibre .40 Jericho pistola na may sampung bala sa magazine.

Nang kapkapan, nakuha pa kay Lolo Divino ang dalawang transparent plastic sachets na naglalaman ng 15.92 gramo ng shabu na nagkakalahaga ng P108,256.00.

Nahaharap ang suspek sa kasong paglabag sa R.A 10591 o ang Comprehensive Law on Firearms and Ammunition in relation to Omnibus Election Code matapos mabigong makapagpakita ng dokumento na magpapatunay na legal ang pagkakaroon at pagdadala niya ng baril, pati na rin sa paglabag sa R.A. 9165 o ang Comprehensive Dangerous Drug Act of 2002 sa Malabon City Prosecutor’s Office.

Pinuri NPD Acting District Director PCOL Josefino Ligan ang mabilis na aksyon ng mga tauhan ni Col. Baybayan sa pagpapanatili ng kaligtasan ng komunidad. (Richard Mesa)

NAKORNER ng mga tauhan ng Northern Police District (NPD) sa ikinasang follow-up operation sa Parañaque City ang isang notoryus na holdaper na sangkot sa panghoholdap sa Lungsod ng Caloocan.

Hindi na nakapalag ang 31-anyos na lalaking suspek nang dambahin ng mga tauhan ni NPD Acting District Director P/Col. Josefino Ligan sa kanyang lugar sa G.G. Cruz, Barangay Baclaran, Parañaque City dakong alas-7:20 ng gabi.

Ayon kay Col. Ligan, bandang alas-5:30 ng madaling araw nang tutukan ng baril at holdapin ng suspek ang 24-anyos na biktima na residente ng Brgy., 176-8, Bagong Silang, sa Sto. Cristo St., Brgy. 187, Tala at kinuha ang kanyang wallet na naglalaman ng P2,820 bago mabilis na tumakas.

I-nireport ng biktima at ng saksi na 40-anyos na tricycle driver ang insidente sa mga tauhan ni Caloocan Police Chief P/Col. Edcille Canlas sa Sub-Station (SS14) kung saan natukoy ang pagkakakilanlan ng suspek sa pamamagitan ng CCTV footage na nag-uugnay sa kanya sa magkakasunod na insidente ng pagnanakaw sa North Caloocan, Bulacan, at Quezon City.

Agad namang naglunsad ng manhunt operation ang pinagsamang team mula sa District Special Operations Unit (DSOU-NPD), Quezon City Police Station 5 (QCPS-PS5), Cyber Patrol Unit, at tracker team sa ilalim ng Office of the Chief Regional Staff (OCRS), NCRPO, sa koordinasyon sa Parañaque Police Station na nagresulta sa pagkakaaresto sa suspek.

Narekober sa suspek ang ninakaw na wallet at isang hand grenade habang hindi nakuha ang ginamit niyang baril sa panghoholdap.

Pinuri ni Col. Ligan ang mga pagsisikap ng DSOU-NPD, na binibigyang-diin ang kahalagahan ng maagap na policing at intelligence-driven operations para tiyakin ang kaligtasan ng publiko.

Mahaharap ang suspek sa kasong Robbery (Hold-up), paglabag sa RA 9516 (Illegal Possession of Explosives), at Batas Pambansa 881 (Omnibus Election Code). (Richard Mesa)

HINDI na kinakailangan lumawas pa ng Maynila ang isang pasyente upang magpagamot kung may nakatayong isang Regional Specialty Center Hospital sa mga probinsiya.

Bunsod nito, sinabi ni  Senator Imee Marcos na pabor siyang  pondohan ang pagpapatayo ng isang  Regional Specialty Center  Hospital sa kanyang talumpati bilang guest of honor sa Parada ng Bayan at 111th Founding Anniversary  sa bayan ng Tanza, Cavite.

Ayon pa sa Senadora,  makakabuti ang pagtatayo ng Regional Speciality Center  Hospital sa Cavite upang hindi na kinakailangang lumuwas pa ang pasyente sa Maynila o ibang lugar upang magpagamot.

Paliwanag pa ni Marcos ang paga-allocate ng pondo ng gobiyerno sa isang State University and Colleges na may kursong Medisina upang may mga Doctors  sa tutulong dito.

Kasabay din ito sa plano ni Tanza Vice Mayor Archangelo “SM” Matro ang pagpapatayo ng isang pampublikong ospital sa bayan kung saan ang magsisilbing ospital  ang kasalukuyang munisipiyo na plano namang ilipat sa mas maluwag  na lugar upang mapagsilbihan ang mamamayan ng bayan ng Tanza. (Gene Adsuara)   

KUNG nagawa namin noon, kaya pa rin namin gawin muli.

Ito ang pangako ni Francisco “Isko Moreno” Domagoso, kandidatong alkalde ng Maynila, sa mga negosyante ng lungsod habang ipinangako niyang ibabalik ang kalinisan at katatagan sa kabisera ng bansa.

Sa isang talumpati sa harap ng Federation of Filipino-Chinese Chamber of Commerce and Industry, Inc. (FFCCCII), ipinangako ni Domagoso na ibabalik ang kanyang tax amnesty program at ang epektibong sistema ng pangangalap ng basura.

Ipinagmalaki ng kandidatong alkalde na nang umupo siya sa pwesto noong 2019, hindi lamang niya pinanatili ang mga rate ng buwis, kundi ipinatupad din ang pinakamahabang tax amnesty sa kasaysayan ng Maynila.

“Ngayon nandito ako, hayaan niyo pong tiyakin sa inyo, para may kasiguraduhan, para kayo’y makapaghanda ng maayos patungkol sa inyong negosyo sa Lungsod ng Maynila, ito’y magpapatuloy sa susunod na limang taon sa Lungsod ng Maynila,” sabi ni Domagoso sa mga miyembro ng FFCCCII noong Martes.

Ipinaliwanag ni Domagoso na ang anim na buwang tax amnesty na nagsimula noong Hulyo 1, 2019, ay nagbigay pagkakataon sa mga negosyo at residente na ayusin ang kanilang mga obligasyon nang walang mga parusa.

Binigyang-diin din niya na ang pagiging consistent sa mga polisiya ng buwis ay magpapalago sa ekonomiya at magbibigay ng magandang kapaligiran para sa negosyo sa kabisera.

“Kung matatandaan niyo, nung ako’y umupo sa pwesto, nag-issue ako at hiniling ko sa Sangguniang Panlungsod, gumawa ng isang batas: ang pinakamahabang tax amnesty sa kasaysayan ng Maynila. ‘Yung anim na buwan na tax amnesty noong ako’y umupo noong Hulyo 1, 2019, at nangyari ’yung pinangako ko at naganap at hanggang ngayon, hindi pa rin nababago ang tax code ng Lungsod ng Maynila,” sabi niya.

Tila nakapagbigay ng kasiyahan ang mga pahayag ni Domagoso sa mga miyembro ng FFCCCII, na matagal nang nagtataguyod ng isang matatag at transparent na kapaligiran para sa negosyo sa Maynila.

Tumugon din siya sa panawagan ng mga residente at negosyante ng Maynila na ipagpatuloy ang kanyang matagumpay na kampanya sa kalinisan.

Ang pagpapanatiling malinis ng Maynila ay hindi lamang isang pangako kundi isang pangako na natupad niya noong siya ay alkalde, ayon sa kanya.

“Garantisado ko sa inyo, ‘yung nangyari sa simula, garantiya ko sa inyo, gagawin natin ulit, upang mapanatili ang kalinisan ng ating lungsod at ang pangangalap ng basura ay maayos at tamang oras nang walang karagdagang bayad mula sa ating mga komunidad,” wika ng kandidatong alkalde. (Gene Adsuara)