BINETO (veto) ni Pangulong Ferdinand R. Marcos Jr. ang isang batas na naglalayong ideklara ang Pampanga bilang “Culinary Capital of the Philippines.”

Sa isang liham sa Mababang Kapulungan ng Kongreso na may petsang March 12, ipinaliwanag ni Pangulong Marcos na ang culinary contributions ng Pampanga ay malawak na kinikilala, at ang opisyal na pagkakatalaga rito bilang culinary capital ng bansa ay maaaring magparupok sa pagkakaiba-iba ng Philippine cuisine.

“It cannot be denied that Pampanga is celebrated for its diverse and flavorful dishes, traditional cooking methods, and a strong culture of food innovation,” ang sinabi ni Pangulong Marcos sa kanyang veto message.

“This is consistent with the policy of the government to conserve, promote, and popularize the nation’s historical and cultural heritage and resources, as well as artistic creations,” aniya pa rin.

Gayunman, sinabi ng Pangulo na ang batas ay kapos sa historical basis at mahalagang performance indicators para bigyang katuwiran ang deklarasyon, babala na maaari itong makasakit sa ibang lalawigan na may kahalintulad na mayaman sa culinary traditions.

“I cannot ignore the concerns regarding the declaration’s lack of historical basis, the absence of a thorough study that shows key performance indicators for such designation, and the possibility that the bill may offend sensibilities in other provinces that are equally proud of their culinary contributions,” ang litaniya ni Pangulong Marcos.

Binigyang diin pa rin ng Chief Ececutive na ang Filipino cuisine ay sumasalamin sa ‘cultural at geographic diversity ng bansa, humubog sa naiibang culinary traditions ng mga rehiyon nito.

“Our regions contribute their indigenous dishes with certain recipes that are best done in the areas of origin of their ingredients. All our culinary variations reflect the rich cultural diversity of a group of people scattered among the Philippine islands,” ang tinuran ng Pangulo, binigyang diin ang kahalagahan ng pag-preserba sa nasabing pagkakaiba-iba.

Sa kabilang dako, kinumpirma naman ni Palace Press Officer at Presidential Communications Office Undersecretary Claire Castro na bineto ni Pangulong Marcos ang Senate Bill No. 2797 at House Bill No. 10634 na may titulong “An act declaring the province of Pampanga as the culinary capital of the Philippines.”

“Maganda kasi po ‘yung bill, pero magke-create ito ng discrimination,” ang sinabi ni Castro.

Ang batas, iniakda ng mga Pampanga lawmakers kabilang na si dating Pangulong Gloria Macapagal-Arroyo, naglalayong kilalanin culinary heritage ng Pampanga.

Noong nakaraang taon, inihain ng mga mambabatas mula Pampanga ang House Bill 10014 o panukala na ideklara ang Pampanga bilang “Culinary Capital of the Philippines.”

Pinangunahan ni dating Pangulo Arroyo ang paghahain ng panukala kasama sina Senior Deputy Speaker Aurelio Gonzales Jr., at Representatives Anna York Bondoc at Carmelo Lazatin II na layong palakasin ang gastronomic tourism ng lalawigan.

Malaking tulong din anila ito sa pagbibigay kabuhayan sa mga Kapampangan.

Kaya naman para makuha rin ang suporta ng mga kasamahang mambabatas ay nagkaroon ng food exposition sa Kamara upang ipakita ang cultural heritage ng Kapampangan food at ang ambag nito sa national culinary identity ng Pilipinas.

Ilan sa mga ibinadang pagkain ang sisig, kilayin (kilawin), bistig baka, lagat puso, morcon, at iba pa. (Daris Jose)

INALIS na ng Philippine Health Insurance Corp. (PhilHealth) ang 45 -day benefit limit para matiyak na ang mga serbisyo ng ahensiya ay mananatiling walang hadlang.

Ito ayon kay Presidential Communications Office Undersecretary at Palace Press Officer Claire Castro ay alinsunod na rin sa bilin ni Pangulong Ferdinand Marcos Jr.

Aniya, sinabi ng pamunuan ng PhilHealth, maraming mga serbisyo ang kinakailangan ng higit 45 days na coverage gaya nga lamang ng hemodialysis.

“The 45-day benefit limit is an outdated cost-containment strategy. Naiintindihan natin kung bakit ito inilagay noon, ngunit, sa pagbabago ng ating payment mechanism, napapanahon na rin talagang repormahin ito,” ang sinabi naman ni PhilHealth President and Chief Executive Officer Edwin Mercado.

Winika pa niya na ang panganagilangang medikal ay ” cannot always be predicted or scheduled.”

“Marami ring mga serbisyo ang kinakailangan ng higit sa 45 days na coverage. Kaya naman nagpapasalamat tayo sa PhilHealth Board for approving this policy update,” ang sinabi pa rin nito.

Inanunsyo ng Philippine Health Insurance Corporation (PhilHealth) ang pag-aalis ng 45-day benefit limit sa pagsagot sa medical services partikular sa ilang mga kondisyon, alinsunod sa direktiba ni Pangulong Marcos Jr. na tiyaking hindi maaantala ang serbisyong pangkalusugan para sa mga Pilipino.

Ayon kay PhilHealth Acting President at CEO Dr. Edwin M. Mercado, ang 45-day limit ay isang lumang cost-containment strategy na hindi na angkop sa kasalukuyang panahon.

“Naiintindihan natin kung bakit ito inilagay noon, ngunit, sa pagbabago ng ating payment mechanism, napapanahon na rin talagang repormahin ito. We cannot always predict or schedule our medical needs,” paliwanag ni Dr. Mercado.

“Marami ring mga serbisyo ang kinakailangan ng higit sa 45 days na coverage. Kaya naman nagpapasalamat tayo sa PhilHealth Board for approving this policy update,” dagdag niya.

Bagaman inalis na ang 45-day limit, binigyang-diin ng state health insurer na ang pag-avail ng benepisyo ay dapat nakabatay sa mga sumusunod:

– Medical necessity at tamang treatment plan

– Mga itinakdang Clinical Practice Guidelines (CPGs) ng DOH at PhilHealth

– Quality standards na nakasaad sa PhilHealth Circulars

Samantala, bago pa ang pag-alis ng limitasyong ito, pinalawak na rin ng PhilHealth ang hemodialysis package mula sa 90 sessions patungong 156 sessions.

Sa ngayon, mas maraming pasyente ang makikinabang sa walang limitasyong bilang ng araw ng pagpapaospital na kinakailangan para sa kanilang kalusugan. (Daris Jose)

BINATIKOS ni Vice President Sara Duterte ang Armed Forces of the Philippines (AFP) makaraang pahintulutan na arestuhin ang kanyang ama na si dating Pangulong Rodrigo Duterte, na ang batayan lamang ay ang foreign tribunal warrant.

Kinuwestiyon ni VP Sara ang ‘constitutionality’ ng pag-aresto sa kanyang ama noong Marso 11 sa isinagawang pagdinig ng Senate Committee on Foreign Affairs’ ukol sa hurisdiksyon ng International Criminal Court (ICC), kung saan sinampahan ang dating Pangulo ng crimes against humanity of murder na may kaugnayan sa kanyang madugong ‘war on drugs campaign.’

“Even more disturbing is the silence of the Armed Forces of the Philippines. Why did the AFP stand idly by while a former Commander-in-Chief was taken from a military base under questionable circumstances? How could they allow a foreign tribunal to override on our constitutional guarantees?,” ang sinabi ni VP Sara.

Kinuwestiyon din ni VP Sara kung bakit pinayagan ng Presidential Security Command (PSC), isang unit sa ilalim ng AFP na arestuhin ang kanyang ama. Ang PSC ang ‘in charge’ sa proteksyon ng kanyang ama.

“Because under the law, the Presidential Security Command (a unit under the AFP) is in charge of the security of former presidents. So, bakit nila hinayaan na mangyari ito sa isang dating pangulo ng ating bayan?,” ang balik tanong ni VP Sara.

Kinuwestiyon din ni VP Sara ang “authority” ng Philippine National Police (PNP), na nanguna sa pag-aresto sa kanyang ama base sa ICC warrant sent na ipinadala sa International Criminal Police Organization (Interpol).

“Under whose authority did the PNP act? Why did it enforce a foreign warrant without the Philippine court order? Why didn’t they at least bring PRRD before a judge as required by the Rome Statute itself?,” ang muling tanong ni VP Sara.

May ilang legal experts ang nagpaliwanag na hindi obligado ang gobyerno ng Pilipinas na ipadala ang dating Pangulo sa local court lalo pa’t hindi na miyembro ng ICC ang Pilipinas matapos na kumalas ang dating Pangulo mula sa Rome Statute noong 2019.

Inaasahan naman na uungkatin ng kampo ng dating Pangulo ang proseso ng pag-aresto kay Digong Duterte at ang hurisdiksyon ng ICC para iapela na ibasura ang kaso bago pa ang Sept. 23 hearing sa ICC.

Sumigaw din ng ‘foul’ si VP Sara sa kakulangan ng due process sa pag-aresto sa kanyang ama.

“Even granting for the sake of argument that we have some duty to cooperate with either the ICC or Interpol, does that duty override the fundamental rights of every Filipino enshrined in our Constitution?,” ang tanog ni VP Sara.

“What happened on March 11, 2025, is not just about one man. It is about all of us. It is about the country. If a former president can be taken without due process, what stops them from doing the same to any other Filipino?,” aniya pa rin.

“We have now lost a former president. I pray that we do not lose the country next,” ang sinabi ni VP Sara.

Samantala, sinabi pa ni VP Sara sa Senate hearing na …

“Alam naman natin lahat, at alam nila na mali ang ginawa nila. Ginawa nila iyon just to demolish political opponents. This is all about politics. The administration is using government resources, the ICC, to demolish the opposition.”

“Ang tanong ngayon, ano ang gagawin natin para maibalik ang dating Pangulo sa Pilipinas? Kasi, nag-iisa ako ngayon dito na gumagawa ng paraan para maibalik ang ating dating Pangulo sa ating bayan,” ang diing pahayag ni VP Sara. (Daris Jose)