UPANG ipakita ang kanyang malakas  na  “political will” na tapusin ang rice smuggling sa Pilipinas, isiniwalat ni Pangulong Ferdinand R. Marcos Jr., araw ng Miyerkules, ang mga pangalan ng mga  rice smugglers  na sumisira sa takbo ng ‘rice supply and demand’ sa merkado.

Sa naging talumpati ng Pangulo sa isinagawang distribusyon ng bigas sa Taguig City, sinabi ng Pangulo na naghain na ng smuggling charges  ang gobyerno laban sa San Pedro Warehouse and Blue Sakura AgriGrains Corporation, FS. Ostia Rice Mill at  Gold Rush Rice Mill.

Ang mga  rice smugglers ayon sa Pangulo ay sinampahan ng paglabag sa  Customs Modernization and Tariff Act, Rice Tariffication Law, at Anti-Agricultural Smuggling Act of 2016 (Republic Act No. 10845).

“Kaya po ay ngayon ay kinasuhan na natin ang San Pedro Warehouse and Blue Sakura Agri Grain Corporation, ang F.S. Ostia Rice Mill, [at] ang Gold Rush Rice Mill ay kasalukuyang haharap sa patong-patong na mga kaso dahil sa kanilang mga ginagawa,” ayon sa Pangulo.

“Bagong Pilipinas na po tayo ngayon, at atin pong susugpuin ang mga hindi po lumalaban nang patas. Wala pong puwang sa lipunan ang mga nanlalamang at nang-aapi sa kapwa,”  aniya pa rin.

Ang pahayag na ito ng  Pangulo ay binanggit niya sa pamamahagi ng bigas sa Taguig City University Gymnasium, General Santos Avenue, Lower Bicutan sa Taguig City  kung saan tiniyak niya sa mga mamamayang filipino na desidido ang gobyerno sa hakbang nito na tiyakin ang food security sa bansa.

Sa kabilang dako, ang ipinamahaging bigas sa mga residente ng Taguig ay bahagi ng smuggled rice na nasabat sa isang operasyon ng  Bureau of Customs (BOC) sa Zamboanga City.

Binigyang diin ng Punong Ehekutibo na nais niyang magpaabot ng  “strong warning” laban sa mga  rice smugglers na ang administrasyon ay hindi lamang uupo at walang gagawin para tuldukan ang kanilang ilegal na gawain na labis na nakasasakit hindi lamang  sa ekonomiya kundi maging sa mga mamamayang Filipino.

“Una, upang mamahagi ng bigas para sa ating mga benepisyaryo. Pangalawa, upang bigyang-diin ang ating  pagsisikap sa pagsulong ng seguridad ng pagkain sa bansa. At ang panghuli ay upang iparating sa inyo na seryoso ang pamahalaan sa pagsugpo sa smuggling, sa hoarding, at iba pang ilegal na gawaing nakaaapekto sa supply at presyo ng bilihin sa merkado,” ayon kay Pangulong Marcos.

“Binabalaan ko ang mga sumasabotahe sa ating ekonomiya: Kayong mga smuggler, kayong mga hoarder, at sindikato, tigilan na ninyo ang mga masama ninyong gawain,” aniya pa rin.

Samantala, sinabi naman ni Pangulong  Marcos na ang rice smugglers ay kakasuhan ng paglabag sa  Republic Act No. 10845 at Republic Act No. 7581 (Price Act).  (Daris Jose)

UPANG magawa at maisakatuparan ang implementasyon ng iba’t ibang programa  at polisiya tungo sa pagsusulong ng  Micro, Small, and Medium Enterprises (MSME), inanunsyo ni Department of Budget and Management (DBM) Secretary Amenah F. Pangandaman  na naglaan ito ng P783 milyong piso para sa MSME Development Program sa panukalang 2024 National Expenditure Program (NEP) ng Department of Trade and Industry (DTI).

Mula sa naturang alokasyon, P100 milyong piso ang mapupunta sa  Digitalization Program ng MSMEs para mapabilis ang pagsusulong at magawang palawakin ang merkado nito sa pamamagitan ng digitalisasyon.

“As I always say, our micro, small, and medium enterprises (MSMEs) serve as the building blocks of our country’s economy. And so following the directive of President Bongbong Marcos, we will help attract more investments and create more jobs by promoting more competitive and innovative industries, particularly among the MSMEs,” binigyang-diin ni  Pangandaman.

“To further support and supply resources that will foster entrepreneurship, promote local products, and enhance the capabilities of MSMEs, the government will invest in locally-funded projects such as the establishment of Negosyo Centers, which has a proposed budget of P454 million,” ayon sa DBM.

Samantala, para sa implementasyon ng Shared Service Facilities Project, may inilaan ang DBM na P579 milyong piso para rito at  para naman sa One Town, One Product Next Generation Project, ay P76 milyong piso ang inilaan ng departamento.

Sa kabilang dako, inaasahan na makikinabang naman ang  40,000 MSME borrowers mula sa Pondo sa Pagbabago at Pag-Asenso (P3) Program of the Small Business Corporation,  P1.5 bilyong pisong budget ang inilaan ng DBM para rito.

Layon ng nasabing inisyatiba ang magbigay ng tinatawag na ‘viable alternative financing options’ sa micro-entrepreneurs habang sinisiguro ang ‘accessibility at sustainability’ sa isinusulong nitong paglago at progreso.

“Recognizing that Micro, Small, and Medium Enterprises (MSMEs) constitute a significant portion of the country’s business landscape, this Administration remains committed to supporting their growth, especially as we recover from the economic scarring of the pandemic,” ang naging pahayag ni Pangulong Ferdinand R. Marcos Jr.  sa kanyang Budget Message.  (Daris Jose)

NANGAKO si Pangulong Ferdinand Marcos Jr. na paiigtingin ng pamahalaan ang pagsisikap nito na tiyakin ang ‘proactive farming’ sa bansa.

Ito ang sinabi ni Pangulong Marcos sa kanyang talumpati na binasa ni Department of Agriculture Senior Undersecretary Domingo Panganiban sa idinaos na ika-51 taong anibersaryo ng National Food Authority.

“I share with you our high hopes in the success of the SARAI Project—or the Smarter Approaches to Reinvigorate Agriculture as an Industry in the Philippines Project,”  ayon kay Pangulong Marcos.

“Through this, we will be intensifying our efforts in providing smart and sustainable solutions for a more productive and proactive farming. Likewise, I am optimistic in the positive impacts that will be carried out by the NFA Modernization Program,” dagdag na wika nito.

Inamin ng Punong Ehekutibo na nito lamang  nakalipas na buwan  ay maituturing na talagang isang malaking hamon para sa sektor ng agrikultura.

“However, we continue to find the best solutions to the issues that we face without compromising the needs of our farmers and retailers,” ani Pangulong Marcos.

“We continue to relentlessly strive to bolster the agriculture sector to increase our local food production and supply,” aniya pa rin.

Binanggit ng Chief Executive na gumagawa na ng agresibong hakbang ang pamahalaan para mapagaan ang epekto ng mga bagay-bagay na may kinalaman sa ‘price stability’ ng mga pangunahing bilihin lalo na ng bigas.

Samantala, ipinag-utos naman ni Pangulong Marcos ang pagpapalakas sa law-enforcement activities laban sa mga  smugglers, hoarders, at mga nagpapahina sa  pagsisikap ng gobyerno na  siguraduhin ang food security. (Daris Jose)

PINURI ni Philippine Charity Sweepstakes Office (PCSO) Chairman Junie E. Cua ang positibong epekto ng programa tulad ng “Bagong Pilipinas Service Fair” sa pagpapalapit ng pamahalaan sa mga mamamayan.

“Programs such as the Bagong Pilipinas Service Fair have a positive impact on our communities. Dahil sa mga programang ganito na gobyerno mismo ang lumalapit sa mga tao, nabibigyan ng agarang solusyon ang mga problemang hinaharap ng mga kababayan natin,” ani Cua.

“I am confident that this government has more programs in store for the people,” dagdag ni Cua.

Sumama si Cua kay Pres. Ferdinand Marcos, Jr. at iba pang opisyal ng gobyerno sa paglulunsad ng service caravan sa Camarines Sur noong Sabado.

Itinampok sa paglulunsad ng caravan ang progra­mang “Kadiwa ng Pangulo” na naglalayong mapabuti ang access sa abot-kayang pagkain at iba pang mga produkto; passport on wheels, driver’s license registration and assistance, National ID, Pag-IBIG Fund, National Bureau of Investigation at police clearance applications.

“Sumama rin po ang PCSO para ipaalam sa mga kababayan natin na maaari silang humingi ng tulong sa ahensiya,” ani Cua.

“Ang ating Medical Access Program ay nagbibigay ng tulong pinansyal sa mga kababayan natin para sa iba’t ibang sakit, medical at laboratory procedure. Bukod pa po ito sa iba’t ibang donasyon ng PCSO sa mga LGU, ospital, at iba pang ahensya ng pamahalaan,” dagdag pa ni Cua.

Tiniyak din ni Chairman Cua na patuloy na magsusumikap ang PCSO para suportahan ang pangako ng administrasyong Marcos sa taos-pusong paglilingkod sa taumbayan. (Daris Jose)

IPINAG-utos ni Pangulong Ferdinand  Marcos Jr. sa  Department of Social Welfare and Development (DSWD) na mamahagi ng  cash assistance para sa mga  sari-sari store owners na apektado ng  price ceiling sa bigas.

Ayon sa kalatas na ipinalabas ng Malakanyang, sinabi ng DSWD na mamamahagi ito ng cash assistance mula Setyembre  25 hanggang  29.

Nakipag-ugnayan na ang DSWD sa  Department of Trade and Industry (DTI) para i-identify ang mga benepisaryo.

Inatasan din ni Pangulong Marcos ang  DSWD na magbigay ng cash assistance sa mga maliliit na  rice retailers na apektado ng mandatong price ceiling sa regular at well-milled rice.

Nauna rito, inaprubahan ng Pangulo ang pagpapatupad ng mandatong  P41 price ceiling sa regular milled at  P45 price cap sa well-milled rice sa pamamagitan ng Executive Order No. 39.

Samantala, base sa pinakabagong report ng DSWD, nagpalabas na ito ng  P92.415 million na  financial assistance  6,161 mula sa 8,390-target micro at small rice retailers na apektado ng implementasyon ng  EO 39.  (Daris Jose)

TUTOL ang mga economic managers  ng administrasyon ni Pangulong Ferdinand Marcos Jr., sa panukalang suspendhin ang excise tax sa petroleum products sa gitna ng tumaas na presyo nito.

Naniniwala ang mga ito na maaaring makapagbigay ito ng negatibong epekto sa ekonomiya.

Sa halip, isinusulong ng economic team ang target na pagtulong sa ‘vulnerable sectors.’

Sinabi ni Socioeconomic Planning Secretary Arsenio Balisacan na ang month-long suspension ng fuel excise tax ay “very dangerous.”

“It’s quite inequitable. It’s quite a risk to our fiscal program. There are better ways of protecting the poor and vulnerable. We’d rather have the assistance program for the poor, for the jeepney drivers, tricycle drivers, than having a universal subsidy that tends to benefit disproportionately the rich,” ang pahayag nito sa isang panayam matapos ang budget hearing ng NEDA sa Mababang Kapulungan ng Kongreso.

“Once you put it in place, it’s very difficult to remove it, because policies like that are populist,” dagdag na pahayag ni Balisacan.

“In the past, we have unsustainable deficits because of programs like that. It led to high interest rates, it led to a slowdown of the economy, and lower growth, therefore, lower investments. Even the middle class will be hurt in the longer term,” aniya pa rin.

Sa kabilang dako, nagbabala naman si Finance Secretary Benjamin Diokno  na mawawalan ng bilyong piso ang gobyerno sa buwis, kung sususpendihin ang VAT at  excise tax sa langis.

Winika ni Diokno na ang revenue losses ay maaaring umabot sa P72.6 billion para sa huling quarter ng taon  o 0.3% ng Gross Domestic Product (GDP) ng bansa.

Sa isinagawang plenary deliberations sa panukalang 2024 budget ng DoF sa Kongreso, may ilang mambabatas ang nagsulong ng suspensiyon ng fuel excise tax habang ang pump prices ay tumaas  para sa 11th consecutive week.

Inulit naman ni Sultan Kudarat 2nd District Representative Horacio Suansing Jr., budget sponsor ng DoF ang posisyon ni Diokno.

“Hindi ba kinonsider ‘yung magiging domino effect naman nito sa ating mahihirap? Kasi pag bumaba ang presyo ng langis, ang transportation, iba pang utilities, maaapektuhan dito. Magdo-domino effect yan sa mga presyo ng products and agricultural products. Did you not consider that it would be advantageous to our poor sector?”ang tanong ni  ACT Teachers Party List Rep. France Castro.

“The intention of the pronouncement of the Secretary of Finance is that we should not suspend the collection of these excise taxes. What he wants is to provide targeted relief to vulnerable sectors. So magbibigay tayo ng UCT, targeted cash aid or fuel subsidies to the bottom 50% households or members of transport sectors, para ang benepisyo ma-deretso sa lower 50% ng population. Para hindi magka benepisyo ‘yung upper 10% of te population,” ang tugon naman ni Suansing. (Daris Jose)

PASADO na sa ikatlo at huling pagbasa ng Kamara ang panukala na magbibigay sa mga Muslim-Filipino ng digital access sa mga Shari’a court sa pamamagitan ng pag-amyenda sa ilang probisyon ng National Commission on Muslim Filipinos (NCMF) Act of 2009 (Republic Act 9997).

Ang House Bill (HB) 9045 o ang An Act Providing Muslim Filipinos better access to Shari’a courts ay nakatanggap ng 251 pabor na boto at walang tumutol sa pagpasa nito.

Ayon kay Speaker Ferdinand Martin Romualdez ang NCMF ay inaatasan ng panukala na makipag-ugnayan sa Department of Information and Communications Technology at Supreme Court para sa digital transformation ng mga court services ng Muslim tribunals.

Layunin umano ng panukala na payagan ang paperless filing ng mga dokumento sa pamamagitan ng digital platform gaya ng marriage certificate, birth certificate, death certificate, at mga katulad nito.

Sa ilalim ng panukala ay papayagan din ang Muslim agency na pumasok sa Public-Private Partnerships para maiproseso ang mga ihahaing dokumento subalit dapat umanong tiyakin na mapapangalagaan ang pagiging pribado ng mga ito.

Ang Legal Affairs Bureau ng ahensya ay inaatasan naman na magbigay ng legal education sa mga Muslim-Filipino, tumulong sa mga kasong kakaharapin ng Komisyon at mag-imbestiga ng mga tauhan nito at magsumite ng mga rekomendasyon.

Ang Bureau of Legal Affairs ng NCMF ay inatasan din na mabibigyan ng “equitable access” ang mga Muslim Filipino sa Shari’a Courts at tulungan ang mga ito lalo na sa mga lugar na wala pang Shari’a Court.

Tutulungan din nito ang Philippine Statistics Authority sa pagsasagawa ng census upang matukoy ang aktwal na populasyon ng Muslim-Filipino sa bansa.

“The PSA and the Commission shall coordinate on the collection of statistical data for Muslim Filipinos in the national, regional, provincial, city, and municipal levels. The annual report shall include the latest census of population of Muslim-Filipinos, Muslim births, marriages, and deaths for the year,” sabi sa HB 9045.

Isang mekanismo rin ang lilikhain upang maging mabilis ang koordinasyon ng Shari’a Circuit at District Court sa Korte Suprema kasama rito ang Presidential Decree 1083, o ang “Code on Muslim Personal Laws of the Philippines.”  (Ara Romero)

IPINAGKIBIT- balikat lang ni Finance Secretary Benjamin E. Diokno ang panawagan ng grupo ng mga magsasaka na magbitiw sila sa puwesto ni National Economic and Development Authority (NEDA) Secretary Arsenio Balisacan. 

Ang apela ng grupong Samahang Industriya ng Agrikultura (SINAG) ay matapos na ipanukala nina Diokno at Balisacan na tapyasan ang tariff rate sa rice imports bilang tugon sa sumirit na presyo ng mga pangunahing pagkain.

Sa halip na mapikon ay binati ni Diokno ang kanyang mga kritiko ng “Have a wonderful weekend!”

Si Diokno, kasama ng Pangulo sa Singapore, ay piniling huwag patulan ang panawagan sa kanila ni Balisacan na umalis sa puwesto.

Nauna rito, sinabi ni SINAG Executive Director Jayson Cainglet sa isang kalatas na “Today, we stand together to oppose, in the strongest terms, the efforts of Secretaries Diokno and Balisacan to serve the death sentence on rice farmers and other industry stakeholders by cutting or eliminating tariffs – our last refuge.”

“The petition at hand is not for the welfare of consumers. Any claims about consumer benefits are at best, debatable. In reality, they are doormats to a sinister agenda. The rice farmers are the intended victims of the petition,” dagdag na pahayag nito.

Matatandaang, sinabi ni Diokno na inirekomenda ng economic team ang pansamantalang pagbabawas sa kasalukuyang 35% rice import tariff rates para tugunan ang tumataas na presyo ng bigas.

“The proposed reduction would range from zero percent to 10 percent for both ASEAN and the most-favored nation (MFN),” ayon kay Diokno.

Tinuran naman ni Balisacan na kinokonsidera ng pamahalaan ang pagbabawas sa import tariffs para sa bigas  bilang hakbang para tugunan ang tumaas na presyo ng pangunahing pagkain.

Nanawagan naman si Balisacan ng masusing pag-aaral para sa 35% na taripa sa bigas para magawang matapyasan ang consumer costs  habang kinokonsidera ang epekto sa local producers.

“To partially counterbalance the rise in global prices and alleviate the impact on consumers and households, we may implement a temporary and calibrated reduction in tariffs,” ang pahayag ni Balisacan.

Nito lamang Agosto, tumaas ang inflation rate para sa bigas ng 8.7% mula sa 4.2% noong Hulyo bunsod ng  lower grain output dahil sa El Niño at export bans na ipinatupad ng  mga pangunahing  rice exporters gaya ng India at Myanmar.  (Daris Jose)

TATLONG katao na pawang wanted sa kaso ng panggagahasa ang nadakip ng pulisya sa magkahiwalay na manhunt operations sa Caloocan at Valenzuela Cities.

Ayon kay Caloocan police chief P/Col. Ruben Lacuesta, dakong alas-2:25 ng hapon nang maaresto ng mga tauhan ng Warrant and Subpoena Section (WSS) ng Caloocan police sa pangunguna ni P/Major Jeraldson Rivera si Jommel Cawasa, 41, franchise manager at residente ng Blk 6, Lot 15, Valenzuela Heights, Bignay, Valenzuela City sa Samson Road, Brgy., 80, Caloocan City.

Ani Maj. Rivera, si Cawasa ay dinakip nila sa bisa ng warrant of arrest na inisyu ni Presiding Judge Primo Elvin Lobina Siosana ng Regional Trial Court (RTC) Branch 128, Caloocan City noong August 29, 2023, para sa kasong Rape.

Alas-7:08 ng gabi nang madakip naman ng mga operatiba ng District Special Operation Unit ng Northern Police District (DSOU-NPD) sa pangunguna ni P/Lt. Armando Pandeagua Jr, sa manhunt operation sa Blk 8, Brgy. 35, si Jose Allan Mogol, 28, ng Blk 6, Area 2, Sawata Maypajo.

Ayon kay DSOU chief P/Lt. Col. Robert Sales, si Mogol ay inaresto ng kanyang mga tauhan sa bisa ng warrant of arrest na inisyu ni Presiding Judge Ma. Teresa De Guzman Alvarez ng RTC Branch 131, Caloocan City noong July 10, 2023, para sa kasong Rape.

Sa Valenzuela, natimbog naman ng mga operatiba ng WSS ng Valenzuela police sa pangunguna ni P/Lt Ronald Bautista sa ikinasang manhunt operation sa kahabaan ng Camela Vera, harap ng Happy Go Mall sa Brgy. Bignay dakong alas-3:15 ng hapon si Joseph Montillano, 51, ng A. Marcelo Street,

Sinabi ni Valenzuela police chief P/Col. Salvador Destura Jr, si Montillano ay pinosasan ng kanyang mga tauhan sa bisa ng warrant of arrest na inisyu ni Presiding Judge Mateo B. Altarejos ng RTC Branch 172, Valenzuela City noong September 7, 2023, para sa kasong Statutory Rape.

Pinapurihan naman ni NPD Director P/BGen. Rizalito Gapas ang DSOU, Caloocan at Valenzuela police sa kanilang pagsisikap para tugisin ang mga taong wanted na pinaghahanap ng batas na nagresulta sa pagkakadakip sa tatlong MWP. (Richard Mesa)