SINABI ni Pangulong Ferdinand Marcos Jr. na mayroon ng progreso sa isinagawang pag-uusap ukol sa kung papayagan ng pamahalaan na pansamantalang manatili sa Pilipinas ang mga  Afghan nationals gaya ng naging kahilingan ng Estados Unidos.

Sinabi ng Pangulo na walang deadline sa pagdesisyon sa usaping ito.

Aniya, nagpapatuloy ang konsultasyon sa mga Amerikano.

“Well, we have not given ourselves a deadline. What we are talking about is that we’re trying to see what are the problems, what are the issues arising and in so doing,  we are trying to find ways to remedy those issues that we feel are something that we have to deal with,” ayon sa Pangulo.

“We have made some progress but there’s still some major obstacles to us being able to do it. But we continue to consult with our friends in the United States,” dagdag na pahayag ni Pangulong Marcos.

Tinuran ng Chief Executive,  na nais niyang ipakita ang “instinct of hospitability” ng mga Filipino, gayunman, ang  “specific request” na ito ng Estados Unidos ay komplikado lalo pa’t mayroong political at security concerns.

“In a way, I would like to manifest the Filipino instinct of hospitability and as you know, many times have happened that there have been world situations around the world and may nagkakarefugee, hindi tinatatnggap, kahit saan tayo tinatanggap natin, hindi tayo kinakalimutan ng mga tinulungan natin. Ganyan talaga ang ugali ng Pinoy,” ayon sa Punong Ehekutibo.

“Ngunit ito ibang usapan to kasi may halong politika, may halong security, so medyo mas kumplikado ito [But this one has political, security issues … so it is more complicated] so we’ll look at it very very well before making a decision,” dagdag na pahayag nito. (Daris Jose)

MULING pupulungin ng Office of Civil Defense (OCD) ang National El Niño Team sa layuning mas pag-isahin at itugma ang implementasyon ng pagsisikap na maghanda at tugunan ang matinding epekto ng tag-tuyot at kakulangan o kawalan  ng ulan sa bansa.

Sa isang kalatas, sinabi ng OCD na nakatakda ang pagpupulong sa Hulyo 19 kung saan pag-uuusapan ang nagpapatuloy na aktibidad ng mga ahensiya ng pamahalaan para sa El Niño.

“Also, priority among the discussion points is the presentation of the short, medium and long term plans of various team clusters to address the effects of El Niño on food security, water security, energy security, health, public safety and cross cutting issues,” ang nakasaad sa kalatas.

Sinabi naman ni OCD administrator at executive director ng National Disaster Risk Reduction and Management Council (NDRRMC) Undersecretary Ariel F. Nepomuceno, na nais na niyang isapinal ang National Action Plan for El Niño lalo pa’t  idineklara noong Hulyo  4 na nagsimula na ang El Niño phenomenon.

Sa kabilang dako, pangungunahan naman ni Nepomuceno ang nasabing miting kung saan ang Philippine Atmospheric, Geophysical, and Astronomical Services Administration (Pagasa) ay magbibigay din ng kanilang  updated forecast ng  climate phenomenon at estado ng iba’t ibang dam sa bansa.

“We are looking forward to the finalization of the National Action Plan for El Niño by this team as we continue to undertake various activities specific to our agency mandates to ensure that the effects of El Niño-induced dry spells and drought to the country can be countered,” ayon kay Nepomuceno.

“Pagasa forecasts the possible strengthening of El Niño towards ‘moderate” to “severe” degree by the latter part of 2023,” ayon sa ulat.

Samantala, regular naman na nagpupulong ang  National El Nino Team para sa updates  na ginagawang hakbang ng ahensiya kasunod ng naging kautusan ni Pangulong Ferdinand Marcos Jr., para sa isang “science-based, whole-of-nation strategy” para ihanda ang bansa para sa matinding epekto ng climate phenomenon. (Daris Jose)

PAPEL ng gobyerno na ayusin ang bureaucratic processes para maiwasan ang  nakasanayang korapsyon.

Inihayag ito ng Pangulo sa isinagawang paglulunsad at  covenant signing ng Executive Order No. 18, “which constitutes the green lanes for strategic investments.”

“So we know, we in the government know what is necessary. So let us take that load off the investor. Let us take that load off the business sector and take it on because that is the role of government is to handle all these bureaucratic procedures, not so that we delay and we open opportunities for corruption, for wastage,” ang bahagi ng talumpati ni Pangulong Marcos.

“Instead, we are doing now the opposite where we are streamlining all of these,” dagdag na pahayag nito.

Naniniwala naman ang Pangulo na kadalasang nararamdaman ng mga filipino  na ang bureaucratic rules ay “so complex at very hard” para sundin.

“You try very hard but again at every instance, at every turn, there is always a problem. They will say, ‘Well, you forgot to bring this, you forgot to bring that document, you forgot to get the clearance,'”  lahad ng Punong Ehekutibo.

Binigyang diin ng Pangulo na maging ang mga foreign investors ay  naapektuhan ng matindi ng “complicated processes”,  lalo na sa pagkuha ng permit.

Ang panliligaw aniya sa mga investors ang isa sa mga dahilan para sa pagtatatag  ng green lanes.

“So, that is a general idea behind these green lanes and that, I think is a big step towards our fostering this idea of making the ease of doing business something that becomes more attractive to potential investors,” ayon sa Chief Executive.

Sa ilalim aniya ng green lanes, ang electronic submission ng aplikasyon para sa at pagpapalabas ng clearances, permits, payments, certifications, at iba pang  documentary requirements, ay dapat na paganahin.

“We understand that time is of the essence for our investors and our entrepreneurs. Thus, a streamlined bureaucracy will ensure that our processes are efficient, transparent, and responsive to the needs of these potential investors,” ang winika ng Pangulo.

Binanggit naman nito ang ibang bansa gaya ng  Thailand, Vietnam, South Korea, Indonesia na pawang  maluwag o hindi mahigpit ang government processes.

“The requirements for investors to come in completely put our systems in the shade. Whereas some permits take – well I’m sure you will recognize the – when I describe them, there are some permits that take 36 months to complete. Whereas you go to Thailand, you go to Indonesia, you go to Vietnam, they take two weeks to complete,”  ayon sa Pangulo.

Binigyang diin pa ni Pangulong Marcos sa ang kanyang  EO na mayroong pangangailangan na tiyakin na ang regulatory environment ng bansa ay  “conducive to business operations to encourage investors to engage in strategic investments.”

“Consistent with the Eight-Point Agenda of the Administration and as part of the continuing efforts of implementing ease of doing business reforms, it is imperative to adopt measures that will expedite transactions with the government,”  ang nakasaad sa EO.

Samantala, dapat na magtatag ang Department of Trade and Industry-Board of Investments (DTI-BOI)  ng  isang  a One-Stop-Action-Center for Strategic Investments (OSAC-SI), na magsisilbi bilang “single point of entry” para sa lahat ng proyekto na kuwalipikado bilang strategic investments, sa loob ng anim na  buwan mula nang ilunsad ang pinakabagong kautusan ng Pangulo.

Ang EO  ani Pascual ay ipinalabas upang sa gayon ay mas maging maagap sa pagtugon sa pasakit na dinaranas ng mga investors kapag magtatayo o magbubukas g negosyo sa bansa.

Layon ng  EO  na “expedite, streamline and automate government approval and registration processes for priority investments or strategic investments.”

Tinuran pa ni Pascual  na ang SunAsia Energy ang unang nakatanggap ng certificate of endorsement para sa  green lanes.

Aniya,  kailangan na magtatag ang SunAsia Energy floating solar panels sa Laguna Lake  para makapag- produce ng  1.3 GW power.  (Daris Jose)

TINATAYANG  may anim na  medical programs ang binuksan sa loob lamang ng isang taon sa ilalim ng administrasyong Marcos.

Bahagi ito ng pagsusulong ng Commission on Higher Education’s (CHED) para itaas ang bilang ng public universities na nag-aalok ng medical programs.

Sa press briefing sa Malakanyang, sinabi ni CHED Commissioner Prospero de Vera III na nagsumite na ang komisyon ng accomplishment report nito kay Pangulong Ferdinand R. Marcos Jr. gaya ng pagkompleto ng administrasyon sa unang taon nito sa tanggapan, kung saan nakatuon sa  “six areas” na mayroong “verifiable at measurable success indicators.”

“For example, we are pushing for more public universities to have medical programs.  There are now 18 medical schools in state universities and colleges where students can get scholarship for their medical education and they will serve in underserved areas after they graduate,” ayon kay De Vera.

“Out of the 18, the original number was eight.  Under the (former President Rodrigo) Duterte administration, four were produced or four programs are opened in five years; under the Marcos administration, six medical programs are opened in one year. So we really presented those where there was a significant difference,” dagdag na wika nito.

Aniya, ang mga bagong medical schools  ay nag-aalok ng scholarships kasama ang kanilang state-of-the-art equipment para makapag- produce ng  world-class doctors na magsisilbi sa tinatawag na “underserved areas” ng bansa.

Kabilang naman sa “six areas” na binanggit at isinumite ni De Vera  na isinumite sa Pangulo ay ang “Universal Access to Quality Tertiary Education; CHED’s achievement in compliance to the European Maritime Safety Agency (EMSA); and, its achievements in addressing the nursing education issue. Expanding medical education to students; CHED’s niche programs particularly on science, technology, engineering and mathematics; and, internationalization of Philippine higher education.”

Ang lahat ng mga nabanggit ay bahagi ng report ng komisyon.

Sa aspeto naman ng  achievements ng CHED sa pagtugon sa mga hamon sa nursing education,  inihayag ni De Vera na  partikular na bubuuin ng komisyon ang “long-term, medium-term at immediate actions”  na maaaring gawin para tugunan ang kakapusan ng mga Filipino nurse.

“Those were the six areas that we discussed with the President, and we identified the verifiable success indicators and data to show that in the first year of the Marcos administration, there was a significant achievement and change in terms of the higher education sector,”  ayon kay De Vera. (Daris Jose)

SINABI ni Pangulong Ferdinand Marcos Jr., na biktima ng sarili nitong tagumpay ang Pilipinas sa gitna ng kakapusan ng healthcare workers dahil marami sa mga ito ang nagpupunta sa ibang bansa para maghanap ng mas maayos na sweldo sa trabaho.

Ang pahayag na ito ng Pangulo ay sinabi niya sa isang pulong kasama ang Business Executives for National Security (BENS) nang tanungin ukol sa business opportunity sa Philippine healthcare system.

“Unfortunately, in terms of healthcare workers, we have become victims of our own success in that the Filipinos did really  well during the pandemic. And so, every leader I meet says  ‘can we have more Filipino med techs, doctors, and nurses?’ So we’re having ashortage here,” ayon kay Pangulong Marcos.

Gayunman, kumikilos naman ang Department of Health (DoH) para pagaanin ang problema.

“One of the things our Department of Health has come up with is that we are coming to an arrangement with countries who will accept Filipino healthcare workers to at the same time train the equivalent number of healthcare workers that will stay in the Philippines,” ang pahayag ng Punong Ehekutibo.

Target din ng administrasyon na bilisan ang board examinations upang makalikha ng mas maraming healthcare workers.

“We are trying to accelerate the board examinations of nurses so we can actually put out more. So that’s the adjustment that we are trying to make. So it’s not only in the facilities, it’s also in the training. We are very proud of them but we wish they’d stay home,” ayon sa Chief Executive.

Hindi naman lingid sa lahat na ang mga healthcare workers ay “underpaid” sa Pilipinas, dahilan para marami sa mga ito ang sumusubok na magtrabaho sa ibang bansa. (Daris Jose)

TINIYAK ng National Economic and Development Authority (NEDA) sa publiko na gumagawa na ng hakbang ang administrasyon ni Pangulong Ferdinand R. Marcos Jr. para pagaanin ang posibleng negatibong epekto ng El Niño phenomenon sa bansa.

Sinabi ni NEDA Undersecretary Rosemarie Edillon,  na ang epekto ng  long-dry spell  ngayong taon, partikular na sa inflation, ay hindi inaasahang magiging makabuluhan.

Gayunpaman, inaasahan naman na mangyayari ang  matinding phenomenon sa simula ng 2024.

“Iyong brunt talaga ng El Niño we expect it to happen by beginning of next year of 2024 kaya lang iyong preparasyon para doon kailangan ngayon nagsisimula na,” ayon kay Edillon.

Tinukoy ni Edillon ang pagbabawas sa alokasyon para sa  irrigation water pabor sa ‘residential use’ sa  Angat Dam  ay makatutulong na mapagaan ang epekto ng phenomenon.

“The planting season has already concluded, eliminating the need for irrigation water at this point,” ayon pa kay Edillon.

Winika pa nito na ang madalas na pag-ulan na nararanasan sa buong bansa ay dapat na samantalahin, gaya ng pabilisin ang pagkumpleto sa maliit na ‘impounding water projects.’

“So, again ngayong taon na ito hindi namin nakikita iyon. Kung impact for next year that really depends on how we’re able to prepare this year,”  aniya pa rin.

Sinabi pa ni Edillon, nakikita ng pamahalaan na walang makabuluhang epekto ang El Niño sa ekonomiya at inflation ng bansa  kung ang  tama at napapanahon na paghahanda at contingency measures ay nasa tamang lugar. (Daris Jose)

PINAGTIBAY ni Pangulong Ferdinand Marcos Jr. ang ugnayan ng Pilipinas sa Estados Unidos kasabay ng pagdiriwang Amerika ng kanilang Independence Day.

Nagkataon naman ito sa Philippine-American Friendship Day.

Sa isang tweet, inilarawan ng Pangulo ang Philippines-US relations bilang  “deep connection… built on the foundation of trust and collaboration.”

“As allies, let us continue to stand together, embracing the values of democracy, freedom, and equality, forging a path towards a more prosperous and inclusive future for all,”  anito.

Ang pagbati ng Pangulo ay sa gitna na rin ng patuloy na pagbalanse sa “friendly relations” sa Estados Unidos at China sa gitna ng tensyon sa pagitan ng dalawang bansa.  (Daris Jose)

TINATAYANG P850,00 halaga ng hinihinalang shabu ang nasamsam sa pagkakaaresto sa apat na hinihinalang tulak sa isinagawang buy bust operation sa Intramuros, Manila Miyerkules ng madaling araw.

Kinilala ang mga naaresto na suspek na si Victorino San Joaquin y Dimacali, alias Boss, 54,  ng 584-63 San Andres St. Brgy. 704, Malate, Manila dahil sa paglabag sa Section 5 (Selling, Distribution and Transportation Dangerous Drugs) at  paglabag sa Section 11 (Possession of Dangerous Drugs) Article II ng  Republic Act 9165;  Alvin Santos y Atencio, 36, isang construction worker ng 24 Oscaris St. Brgy. 384, Quiapo, Manila dahil sa paglabag sa Section 11 (Possession of Dangerous Drugs) Article II ng Republic Act 9165; Jenelyn Mendoza y Villanueva, 43 ng 24 Oscaris St. Brgy. 384, Quiapo, Manila  dahil sa kasong paglabag sa Section 11 (Possession of Dangerous Drugs) Article II ng  Republic Act 9165 at  Tha Lumabao y Lingga, 40 ng  24 Oscaris St. Brgy. 384, Quiapo, Manila  dahil sa kasong paglabag sa Section 11 (Possession of Dangerous Drugs) Article II ng  Republic Act 9165.

Sa ulat ni Police Corporal Asnor D Hamdag ng Manila Police District (MPD)-Ermita Police Station  , dakong alas-12:15 kahapon ng madaling araw nang nagsagawa ng buy bust operation ang mga operatiba ng Station Drug Enforcement Unit  ( SDEU) ng Ermita Police Station  sa. A Soriano St., malapit na panulukan ng Bonifacio Dr. Brgy.655, Intramuros, Manila.na nagresulta sa pagkakaaresto sa suspek.

Nakuha sa mga suspek ang tinatayang 125,00 gramo ng shabu na may street value na P850,000. GENE ADSUARA

KAAGAD na nagbigay ng kanyang marching order  si Pangulong Ferdinand Marcos Jr. sa National Anti-Poverty Commission (NAPC) para alamin at kilalanin ang mga o identify ang “problematic” communities at makipag-ugnayan sa iba’t ibang ahensiya ng pamahalaan upang matugunan ang pangangailangan ng mga Filipino indigents.

“‘Yung mga ibang lugar na talagang hindi makabangon dahil wala, walang tulong, walang ano, walang kalsada, walang facilities, walang infrastructure, identify natin ‘yun para puntahan natin kung ano man ‘yung kailangan nila,” ayon sa Pangulo sa isinagawang pakikipagpulong kasabay ng pagdiriwang ng ika-25 founding anniversary ng NAPC.

Hiniling din nito sa NAPC  na idetermina ang mga lugar na walang farm-to-market roads, internet, elektrisidad at water supply.

“So, those are the things, I think, that the NAPC should be doing,” ayon sa Pangulo sabay sabing  “Hanapin natin kung saan talaga ‘yung problematic na area and then engage natin lahat ng ibang departamento para the other departments can come in.”

Sa kabilang dako, hinikayat naman ng Punong Ehekutibo ang NAPC na makipag-ugnayan sa ibang departamento para pagsamahin at pag-ibahin ang trabaho ng komisyon.

Samantala, present naman sa unang en banc meeting ng komisyon sa Palasyo ng Malakanyang sina Social Welfare Secretary Rex Gatchalian, Interior Secretary Benhur Abalos, Socioeconomic Planning Secretary Arsenio Balisacan, Technical Education and Skills Development Authority Secretary Suharto Mangudadatu, at Presidential Peace Adviser Carlito Galvez Jr.

Hindi naman nakasama si Larry Gadon,  ang newly appointed presidential adviser on poverty alleviation. Hanggang sa ngayon ay hindi pa siya nakakapanumpa sa kanyang bagong posisyon.

Sa kabilang dako, tinuran ng Presidential Communications Office (PCO) na sinabi ni NAPC lead convenor Lope Santos III kay PAngulong Marcos na kinonsulta na ng komisyon ang mga miyembro nito,  leagues of local government units, national government agencies, at basic sectors upang kagyat na magtakda ng  tasks  na aangkla  sa  Philippine Development Plan 2023-2028.

“The development plan aims to reduce poverty from 18.1% to 8.8% to 9%,” ayon kay Santos.

Sinabi pa ni Santos, target ng NAPC  na kompletuhin ang National Anti-Poverty Action Agenda, o mas kilala bilang N3A, sa darating na Setyembre, at i-adopt at balangkasin ang National Poverty Reduction Plan sa Oktubre.

Sinabi ng NAPC lead convenor  na pagsasama-samahin ng body ang lahat ng inputs para makalikha ng N3A na magkakaroon ng mga programa para tukgunan ang  multidimensional poverty concerns, social, economic, ecological, atgovernance, at ipresenta ang draft para sa  approval sa susunod na  en banc.

“And we also plan to roll this out — the adoption and formulation of the Local Poverty Reduction Action Plan starting 2024 to be mainstreamed in all provincial development and fiscal framework plans and comprehensive development plans of our local government units, including in the respective annual investment plans,” ayon kay Santos.(Daris Jose)

TINIYAK ni Pangulong Ferdinand R. Marcos Jr. sa mga mamamayang Filipino na gagawin ng kanyang administrasyon ang lahat upang walang maiwan kahit na isang nagugutom at ine-enjoy ng lahat ang kanilang mas maayos na kalidad ng buhay.

Sa naging talumpati ng Pangulo sa pagdiriwang ng ika-56 founding anniversary ng lalawigan ng Davao del Sur, sinabi nito na ang  pagbibigay ng  “best services” sa mga mamamayang Filipino ay kanyang paraan para ipaabot ang kanyang pasasalamat para sa tiwala at kumpiyansa sa kanyang administrasyon.

“With the local government focusing on all aspects of your daily life that we have identified in the national agenda, we can look forward to a boost in local businesses, improved daily transactions, and an overall better quality of life,” ayon sa Pangulo.

Isa sa mga programa ng gobyero para bawasan ang pagkagutom at kahirapan sa mga pamilyang nabibilang sa “lowest income bracket ay ang “food stamp” program ng  Department of Social Welfare and Development (DSWD).

Sa isinagawang first en banc meeting ng  National Anti-Poverty Commission (NAPC)  sa Palasyo ng Malakanyang, ipinag-utos ng Pangulo sa mga ahensiya ng pamahalaan na  gamitin ang  whole-of-government approach para labanan ang long-standing problem ng kahirapan sa Pilipinas.

Tiniyak naman ng Pangulo sa mga mamamayan ang buong suporta ng gobyerno upang masiguro ang tagumpay ng kanilang inisyatiba “and the success of the people and of the province of Davao del Sur.”

“Muli, uulitin ko ang aking pagpasalamat sa inyong suporta at tulong at pag-alala sa nakaraan,” ayon sa Pangulo.

“Huwag sana po kayong magsawa at kami naman ang aming isusukli sa inyong pagmamahal ay ang aming pawis na hindi mauubos hangga’t masasabi natin tapos na ang trabaho, hangga’t masasabi natin wala ng gutom na Pilipino,” dagdag na wika nito.

Samantala, binigyang diin ng Punong Ehekutibo  na walang hanggan ang kanyang pasasalamat sa mga residente ng  Davao del Sur para sa patuloy na pagmamahal at suporta ng mga ito sa kanya lalo na noong panahon ng  May 2022 presidential elections.

Inulit naman ng Pangulo ang kanyang panawagan na pagkakaisa.  (Daris Jose)