• September 1, 2024
  • Search in People's Balita

  • Ang Diyaryong Pinagkakatiwalaan

 

Archive for the ‘News’ Category

Mahigit 100 kanseladong POGO, nananatiling nag-o-operate -PAOCC

Posted on: June 8th, 2024 by @peoplesbalita No Comments

SINABI ng Presidential Anti-Organized Crime Commission (PAOCC) na nananatiling nago-operate ang mahigit sa 100 kanseladong Philippine Offshore Gaming Operators (POGOs) sa bansa.

 

 

Sa Bagong Pilipinas Ngayon forum, sinabi ni PAOCC spokesperson Winston John Casio na sinusubaybayan ng ahensiya ang 402 kanseladong POGO hubs.

 

 

“Sa listahan na binigay ni [Philippine Amusement and Gaming Corporation] noong nakaraang taon, meron silang 402 na di umano’y mga kanseladong mga POGOs,”ayon kay Casio.

 

 

“Sa aming pagmamanman doon sa 402 na iyon, marami pa ho halos 100 ang mga operational sa mga iyon,” aniya pa rin.

 

 

Ani Casio, sa ngayon, apat na POGO hubs ang naipasara ng PAOCC, sa tulong ng Philippine National Police (PNP) at National Bureau of Investigation.

 

 

Tinuran pa ni Casio na umabot pa ng limang linggo ang PAOCC para sa case buildup at dalawang buwan naman para sa operasyon laban lamang sa isang POGO hub.

 

 

“To be honest, at the rate we are going, hindi ho yata natin kayang tapusin ang problemang ito hangga’t hindi magkakaroon ng polisiya na mas malalim at mas malakas laban dito sa mga scam farms ng mga ito,” aniya pa rin.

 

 

At nang tanungin kung irerekomenda ng PAOCC kay Pangulong FerdinandMarcos Jr. ang “total ban” sa mga POGOs, sinabi ni Casio na bahala na si PAOCC chair, Executive Secretary Lucas Bersamin sa bagay na ito.

 

 

Winika ni Casio na palaging sumasangguni si Bersamin sa ibang Cabinet secretaries at law enforcement agencies. (Daris Jose)

PBBM, personal na iniabot ang mahigit sa P30-M financial aid sa mga magsasaka

Posted on: June 8th, 2024 by @peoplesbalita No Comments

NAMAHAGI si Pangulong Ferdinand R. Marcos Jr. ng P30 million na financial assistance sa libo-libong pamilya ng mga magsasaka at mangingisda na labis na naapektuhan ng El Niño phenomenon sa mga lalawigan ng Davao de Oro, Davao del Norte at Davao Oriental.

 

 

Sa katunayan, personal na iniabot ni Pangulong Marcos ang P10 million, bawat isa, kina Davao del Norte Acting Governor De Carlo Uy, Davao de Oro Gov. Dorothy Gonzaga, at Davao Oriental Gov. Niño Sotero Uy Jr.

 

 

Sa naging talumpati ng Pangulo sa Tagum City, tiniyak ng Chief Executive sa mga magsasaka at mangingisda na determinado ang administrasyon na ipagpatuloy ang nasimulan nito.

 

 

Siniguro ng Pangulo sa mga ito na makikinabang sila sa mga programa at proyekto ng pamahalaan.

 

 

“Tunay nga pong malaki na ang pinagbago ng Tagum mula noong huli kong pagbisita dito noong panahon ng kampanya. Naging memorable po sa akin ang Unity Caravan na iyon sapagka’t napakainit po ang binigay ninyong salubong para sa akin,” ayon kay Pangulong Marcos.

 

 

“Kasing-init at kasing-sigasig ng ating kasalukuyang administrasyon sa pagsisikap na ipagpatuloy ang nasimulan at tiyaking makikinabang ang mga mamamayan sa ating mga programa at proyekto,” dagdag na pahayag ng Pangulo.

 

 

Base aniya sa pinakahuling datos na kanilang nakita na mahigit isang libong pamilya sa labing anim na barangay sa Davao Region ang lubhang naapektuhan ng El Niño at ang tagtuyot na dala ng El Nino.

 

 

” Limampung milyong pisong halaga ng pagkalugi ang naranasan ng ating mga magsasaka at mangingisda,” aniya pa rin.

 

 

“Kaya po ay hindi po namin kayo pababayaan. Kayo po ang sandigan ng ating bayan sa pag-unlad kung kaya’t hindi kami titigil sa pag-agapay sa inyong lahat,” dagdag na pahayag ng Pangulo.

 

 

Samantala, kabilang sa mga ipinamahaging tulong ay ang P10 million financial aid; mga makinarya kabilang dito ang units ng “rice combine harvesters, floating tillers, walk behind transplanters, at 4-wheel tractors; at bigas mula kay Speaker Martin Romualdez.

 

 

Binisita ni Pangulong Marcos ang rehiyon ng Davao para pangunahan ang pamamahagi ng iba’t ibang tulong sa mga pamilyang labis na naapektuhan ng El Niño at muling pagtibayin ang commitment ng national government , makipag-tulungan sa LGUs bilang paghahanda sa nagbabadya namang La Niña phenomenon.  (Daris Jose)

PBBM, pinag-aaralan ang paglikha ng internal PNP legal office

Posted on: June 8th, 2024 by @peoplesbalita No Comments

IPINAG-UTOS na ni Pangulong Ferdinand ‘Marcos Jr. ang pag-aaral para sa posibleng paglikha ng legal department sa loob ng Philippine National Police (PNP) na magsisilbi bilang ”defense council” ng kahit na anumang at sinumang police officer.

 

 

Sinabi ng Pangulo na bahagi ito ng pagsisikap ng administrasyon na protektahan ang kapakanan ng mga pulis laban sa harassment at “flimsy accusations.”

 

 

“We’ll create an office, the legal office within the PNP who will be the defense council of any policeman who is charged with whatever complaint, crime. Mayroon at mayroon silang tatakbuhan kaagad na abogado just to give them advice and it will be internal,” ayon kay Marcos sa isinagawang second command conference ng PNP sa Camp Crame.

 

 

Winika pa ng Pangulo na ang mga pulis ay hindi na hihingan pa ng bayad para sa serbisyo ng nasabing legal office.

 

 

“Pag-aralan natin nang mabuti because ginagawang weapon, wine-weaponize ‘yung kaso. So, kapag nahuli ‘yung kriminal, huling-huli na, pero magaling abogado tapos walang kalaban-laban naman ‘yung ating pulis,” dagdag na pahayag ng Punong Ehekutibo.

 

 

Tinuran pa ng Pangulo na ang paglikha sa legal department ay magbibigay proteksyon sa PNP mula sa impluwensiya ng grupo na nang ha-harass sa police force.

 

 

“They can afford a lawyer so for one week tapos, tapos na. So we have to provide that kind of protection para naman ‘yung mga pulis natin, malakas ang loob na gawin ‘yung trabaho nila. Kahit tama ‘yung ginagawa nila, hinaharass sila,” ang sinabi ng Pangulo.

 

 

“Kakasuhan sila ng kung ano-ano, some of them are powerful figures. So, siyempre, marami silang capability, maraming resources, maraming pera. Marami silang access sa mga sikat na abogado, kailangan mayroon din tayong pang depensa. Yes, we have to protect our people,” ayon sa Chief Executive. (Daris Jose)

Utos ni PBBM sa PNP, tamaan ang mga “malalaking isda” sa kampanya laban sa ilegal na droga

Posted on: June 8th, 2024 by @peoplesbalita No Comments

IPINAG-UTOS ni Pangulong Ferdinand Marcos Jr., sa Philippine National Police (PNP) na ituon ang pansin sa sindikato at high-profile illegal drugs personalities sa pagsasagawa ng agresibong anti-illegal drugs operations.

 

 

Sinabi ni PNP chief Gen. Rommel Francisco Marbil na ito ang gabay na isinasagawa nila ngayon at ipagpapatuloy na ipatupad sa mga araw patungo sa midterm elections.

 

 

‘The guidance of the President is for us to hit the big ones. So we are looking at the illegal drugs trail, especially on where these illegal drugs are being brought,” ayon kay Marbil.

 

 

Nauna rito, nagdaos si Pangulong Marcos ng command conference kasama ang mga matataas na opisyal ng PNP.

 

 

Ang paglipat sa pagtuon ng pansin sa kampanya laban sa illegal na droga ayon kay Marbil ay pagpapabuti sa statistics ng illegal drugs campaign na naisakatuparan sa nakalipas na anim na buwan.

 

 

“And this is the reason why he wants a change in the conduct of anti-illegal drugs operations evaluation—from every six months to quarterly assessment,” ayon kay Marbil.

 

 

“We have good statistics, every six months. But after that I just want it quarterly and we have the resources especially right now,” dagdag na wika ni Marbil.

 

 

Sa ulat, mahigit sa P9 bilyong halaga ng ilegal na droga na nakumpiska sa iba’t ibang operasyon ang winasak sa Cavite, ayon sa Philippine Drug Enforcement Agency (PDEA).

 

 

Sinabi ng PDEA na sinira nito ang mga ilegal na droga sa pamamagitan ng thermal decomposition o thermolysis sa Integrated Waste Management Inc. sa Brgy. Aguado, Trece Martires City.

 

 

Kabilang sa mga winasak ay ang 1.2 tonelada ng shabu na nasamsam sa Batangas at iba pa mula sa iba’t ibang operasyon.

 

 

Ang mga kinatawan mula sa iba’t ibang ahensya tulad ng Department of Justice, Department of the Interior and Local Government, PNP at mga lokal na opisyal ng Brgy. Aguado ay naroroon sa pagsira ng mga ilegal na droga.

 

 

Sa kabilang dako, sinabi ni Marbil, na aware sila sa ‘open secret’ na may ilang sektor ang nangangailangan ng malaking pera sa mga araw patungo sa nalalapit na halalan sa bansa.

 

 

“That’s true. And that is what’s happening. So, we have to talk to the PDEA and discuss our strategy,” ayon kay Marbil.

 

 

Napuna naman ng mga security official ang pagtaas ng criminal activities bago pa ang itinakdang halalan. Mula sa panloloob sa bangko hanggang sa kidnapping activities sa nakalipas.

 

 

Hindi naman iniaalis ng mga pulis ang posibilidad na may ilang tiwaling politiko ang nauugnay sa illegal drugs business para tustusan ang kanilang intensyon na tumakbo para sa public office. (Daris Jose)

Mga kaso ng OSAEC, hindi dapat inaayos sa barangay level-Abalos

Posted on: June 8th, 2024 by @peoplesbalita No Comments

SINABI ni Interior Secretary Benhur Abalos Jr. na hindi dapat inaayos ang Anti-Online Sexual Abuse or Exploitation of Children (OSAEC) sa barangay level.

 

 

Sa katunayan, hinikayat ni Abalos ang publiko na dalhin ang ganitong uri ng insidente sa law enforcement authorities dahil karamihan sa mga kaso ng online sexual abuse laban sa mga menor de edad ay hindi na umabot pa sa kaugnay na mga opisyal ng batas.

 

 

Kaya ang babala ni Abalos sa mga local officials ay mananagot kapag napatunayan na nasa likod ng ”settlement” ng mga ganitong uri ng kaso.

 

 

”Ito na ‘yung wina-warning ko sa lahat na mga barangay. Hindi na puwede mag-settle. Hindi puwede i-settle ito, I’m warning you…” ang babala ni Abalos.

 

 

‘Kung sino man ang makipag-settle dito , I will make sure makukulong din kayo,” ayon pa rin sa Kalihim.

 

 

Sa kabilang dako, sinabi naman ni Margarita Magsaysay, officer-in-charge at executive director ng National Coordinating Council on OSAEC at CSAEM, kung ang mga ganitong kaso ay hindi inendorso sa mas mataas na awtoridad, maaari pang makapangbiktima ng ibang indibidwal.

 

 

”Dapat ine-endorse agad sa law enforcement authority, ang nangyayari ngayon sabi nga ni Sec., sine-settle na kasi sa level nila, siguro to maintain family harmony or whatever pero hindi ‘yun puwede. It shouldn’t be settled at their level,” ayon kay Magsaysay.

 

 

Samantala, ipinag-utos naman ni Pangulong Ferdinand Marcos Jr. ang paglikha ng centralized system para sa pagde-detect at pagrereport ng OSAEC cases gamit ang teknolohiya at specialized cybercrime mechanisms.

 

 

Inatasan ni Pangulong Marcos ang lahat ng kinauukulang ahensya na unang bigyan ng proteksyon ang lahat ng mga kabataan sa gitna ng lahat ng kanilang programa at polisiya.

 

 

Nais ni Pangulong Marcos na usigin ng Philippine National Police at ng iba pang kaugnay na ahensiya ang mga salarin na sangkot sa “making, processing at distributing child sexual abuse materials” gamit ang buong bigat ng batas. (Daris Jose)

‘Tulak’ kulong sa P34K droga sa Navotas

Posted on: June 7th, 2024 by @peoplesbalita No Comments

ISANG lalaki na hinihinalang sangkot sa pagtutulak ng illegal na droga ang timbog matapos kumagat sa ikinasang buy bust operation ng pulisya sa Navotas City.

 

 

 

Sa kanyang report kay Northern Police District (NPD) Director P/BGen. Rizalito Gapas, sinabi ni Navotas police chief P/Col. Mario Cortes na ikinasa ng mga operatiba ng Station Drug Enforcement Unit (SDEU) ang buy bust operation kontra kay alyas Jay Vee, 25, matapos ang natanggap na impormasyon hinggil sa umano’y pagbebenta nito ng droga.

 

 

 

Nang tanggapin ang P500 marked money mula sa pulis na nagpanggap na buyer kapalit ng isang plastic sachet ng shabu ay agad dinamba ng mga operatiba ang suspek, dakong alas-12:46 ng hating gabi sa Gov. Pascual St., Brgy. San Roque.

 

 

 

Ayon kay SDEU chief P/Capt. Genere Sanchez, nakumpiska nila sa suspek ang humigi’t kumulang 5.11 grams ng hinihinalang shabu na may stand drug price value na P34,748.00 at buy bust money.

 

 

 

Mahaharap ang suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

37 Chinese nationals inaresto sa loob ng subdibisyon

Posted on: June 7th, 2024 by @peoplesbalita No Comments

INARESTO ng mga opisyal ng Bureau of Immigration (BI) ang labin-pito na mga Chinese nationals na hinihinalang sangkot sa illegal na pagbebenta sa Parañaque City.

 

 

Sa ulat  kay BI Commissioner Norman Tansingco ni  intelligence division Chief Fortunato Manahan, Jr. na ang 37 na Chinese nationals ay inaresto sa loob ng Multinational Village sa  Parañaque.

 

 

Kabilang sa mga inaresto ang pitong babae at 30 na kalalakihan na pawang sangkot sa illegal na food retail, groceries at restaurants sa kanilang lugar.

 

 

Sinabi ni Tansingco na ang pagkakaaresto ay bunsod sa isang intelligence report bunsod sa isang dayuhan na umano’y illegal na nagtatrabaho sa loob ng subdibisyon.

 

 

“We received credible information about foreign nationals engaging in illegal retail activities, and our team acted swiftly to address these violations,” ayon kay Tansingco. “This operation is part of our ongoing efforts to uphold the integrity of our immigration laws and protect local businesses from unfair competition.”

 

 

Dagdag pa ni Tansingco na “The Bureau of Immigration will not tolerate illegal work practices and will continue to take necessary actions against those who violate our laws.”  GENE ADSUARA

PBBM hinikayat ang mga kabataang lider na makialam sa pamamahala

Posted on: June 7th, 2024 by @peoplesbalita No Comments

BINIGYANG-DIIN ang kahalagahan ng mga kabataang Filipino sa national development, hinikayat ni Pangulong Ferdinand R. Marcos Jr. araw ng Miyerkules, ang nakababatang henerasyon na makialam sa pamamahala at pampulitikang diskurso kasabay ng pangako ng Chief Executive ng kumpletong suporta mula sa national government.

 

 

“Kung mayroon kayong nakikitang mas magandang pamamaraan, sabihin ninyo. Isigaw ninyo. Iyong mga matatanda, hindi makikinig sa inyo, pero pilitin niyo.,” ayon kay Pangulong Marcos sa isinagawang oath taking ceremony sa Palasyo ng Malakanyang ng mga bagong halal na mga opisyal ng Liga ng mga Barangay (LnB) at Sangguniang Kabataan (SK) National at Island Representatives.

 

 

“Lahat naman pagka may pangyayari na ganyan, sasabihin — kung maganda ang naging resulta, anong masama doon? Kung hindi matagumpay, hindi maganda ang lumabas, hindi bale, sige next, subukan natin ibang bagay, subukan natin ibang sistema,” ayon sa Punong Ehekutibo.

 

 

“With the Filipino youth becoming probably the youngest workforce in Asia averaging 25 years old, it is important that young people get involved in social debate and governance,” aniya pa rin.

 

 

Dagdag pa rito, kailangan ng bansa ang enerhiya o lakas ng mga kabataang Filipino, ang kanilang “new blood”, partikular na sa kasalukuyang pagsusulong sa teknolohiya at cyberspace, naging “very important part’ ng buhay ng mga tao.

 

 

Habang ang teknolohiya ay hindi naman ganoon kahalaga sa nakalipas na ilang dekada, binigyang-diin ni Pangulong Marcos na kailangan ng bansa ang “intuitive at instinctive knowledge” ng mga kabataan.

 

 

“The future is going to be technology driven, and that is why the natural instinct of younger people, when it comes to technology, is important. It has to be part of all our thinking. It has to be part of all our planning,” ang sinabi ni Pangulong Marcos.

 

 

“So, kaya’t nabanggit ko lahat ‘yan ay dahil nais ko lang naman talagang ipaalam sa inyo na dahil nga sa aking karanasan bilang local government official ay asahan po ninyo na lahat ng inyong mga iniisip, lahat ng inyong mga suggestion, lahat ng inyong sinasabi sa amin ay pinapakinggan namin ‘yan,” ang sinabi pa ng Pangulo.

 

 

Sa kabilang dako, pinaalalahanan din ng Pangulo ang kanyang ‘audience’ ng kahalagahan ng lokal na pamahalaan, partikular na ang barangay sa ‘decision-making, planning ng gobyerno at pag-asa para sa hinaharap ng bansa.

 

 

“What the national leaders are doing is not intended for the older generation of Filipinos but for the country’s young people and the new generation,” ayon sa Punong Ehekutubo.

 

 

“So, we have to hear from the young people. We have to hear from the ordinary citizens what is the future that you want? What is the future that you feel we can achieve? And how do you suggest that we do it?” aniya pa rin.

 

 

“These questions are very, very important and these are questions that we ask of the local government and I promise you, we will listen to those answers,” diing pahayag nito.

 

 

Samantala, ipinasa ang Republic Act 10742 o ang SK Reform Act of 2015 para hikayatin ang mga kabataan na magpartisipa sa lokal na pamamahala.

 

 

Kabilang naman sa mga programa at proyekto ng SK ay ang magtatag ng Local Youth Offices na mamamahala sa “youth programs and advocate youth rights; pagtatakda ng Local Youth Development Plan na magsisilbi bilang roadmap para sa youth development; at pagpapatupad ng Local Development Council para palakasin ang naka-sentrong polisiya at mga programa. (Daris Jose)

‘Lahar’ posibleng umagos uli sa Negros Island buhat ng matinding ulan — Phivolcs

Posted on: June 7th, 2024 by @peoplesbalita No Comments

NAGBABALA ang state volcanologists tungkol sa muling pag-agos ng “volcanic sediment flows” o lahar buhat ng mga tinatayang pag-ulan ngayon sa Negros Island, ito ilang araw matapos ang pagsabog ng Bulkang Kanlaon.

 

 

 

Ito ang ibinahagi ng Philippine Institute of Volcanology and Seismology (Phivolca) ngayong Huwebes ngayong tinataya ng PAGASA ang ilang thunderstorms sa isla ngayong araw.

 

 

“These rains could generate lahars, muddy streamflows or muddy run-off in the above-mentioned and other rivers draining the southern Kanlaon edifice,” ayon sa isang pahayag ng PAGASA kanina.

 

 

Kabilang na rito ang mga sumusunod:

Tamburong Creek

Intiguiwan River at upstreaam Baji-Baji Falls

Padudusan Falls

Binalbagan River

 

 

Una nang kumalat sa social media ang mga video at litrato ng mga nabanggit.

 

 

“The lahars were generally channel-confined, but flows along Tamburong Creek overflowed and dumped a few centimeters of deposit on a stretch of the main road in Biak-na-Bato, rendering this impassable to motorists,” wika ng Phivolcs.

 

 

Payo ng mga dalubhasa ang maging mapagmatyag at handa ng mga komunidad lalo na sa paligid ng mga ilog na nagde-drain sa katimugan ng Kanlaon.

 

 

Inaabisuhan din sa ngayon ang mga naturang komunidad na patuloy bantayan ang lagay ng panahon at magsagawa ng karampatang aksyon kung saka-sakaling tamaan ng lahar.

 

 

Naitala ng Phivolcs ang sumusunod sa nakaraang 24 oras sa paligid ng naturang bulkan:

 

volcanic earthquakes: 27

sulfur dioxide flux: 3464 tonelada / araw

plume: 1500 metrong taas; malakas pagsingaw; napadpad sa hilagang-kanluran,timog-silangan at timog-kanluran

ground deformation: pamamaga ng bulkan

 

 

Ipinaalalang uli ng state volcanologists na bawal pa rin ang pagpasok sa apat na kilometrong (4 km) radius permanent danger zone o PDZ at paglipad ng anumang aircraft malapit sa tuktok ng bulkan.

 

 

Babala pa ng Phivolcs, nariyan pa rin ang baanta ng mga biglaang pagputok ng steam o phreatic explosions lalo na’t nasa Alert Level 2 pa rin ang Kanlaon.

 

 

Umabot na sa 2,400 residente ang naapektuhan ng pagsabog ng bulkan nitong Lunes, dahilan para mapalikas ang 1,669 katao ayon sa National Disaster Risk Reduction and Management Council. (Daris Jose)

Ipatupad ang 24/7 shipment process

Posted on: June 7th, 2024 by @peoplesbalita No Comments

INATASAN ni Pangulong Ferdinand R. Marcos Jr. ang Bureau of Customs (BOC) at Department of Agriculture (DA) na ipatupad ang 24/7 na deployment ng mga team para masiguro na walang itigil ang shipment process sa buong bansa.

 

 

Sa pagsasalita sa ika-apat na pagpupulong ng Private Sector Advisory Council (PSAC) – Infrastructure Sector Group, araw ng Miyerkules, binigyang-diin ni Pangulong Marcos ang kahalagahan ng “round-the-clock shipment process” para ma-accommodate ang pagdating ng mas maraming barko sa bansa.

 

 

“In this business, there’s no afterhours. It can – it’s ready 24/7. So, let’s not put an extra team, let’s just keep it running. Whatever you have there in the day, let the same number of people that you have all 24 hours,” ayon kay Marcos.

 

 

“So, three eight-hour shifts,” dagdag na wika nito.

 

 

Ang pahayag ng Pangulo ay kasunod ng rekumendasyon ng PSAC na hayaan ang BOC at DA na mag-produce ng shifting schedule, siguraduhin ang 24/7 operations sa kabila ng serbisyo ng pamahalaan na may kinalaman sa ‘logistics at supply chains.’

 

 

Tinuran ng PSAC na ang hakbang na ito ay upang tiyakin na magpapatuloy ang inspeksyon, clearance at payment process, partikular na ang bawasan ang mga gastos at oras lalo na sa

 

x-ray scanning operations sa tanggapan ng BOC at DA na inatasan na inspeksyunin ang ‘reefer vans.’

 

 

Samantala, dumalo naman sa naturang pagpupulong sa Palasyo ng Malakanyang sina PSAC Strategic Convenor Sabin Aboitiz, President at CEO ng Aboitiz Equity Ventures Inc.; kasama ang mga miyembro ng PSAC na sina Enrique Razon, Manuel Pangilinan, Eric Ramon Recto, Joanne de Asis, Ramoncito Fernandez, Rogelio Singson, Christian Gonzalez at Daniel Aboitiz.

 

 

Binubuo ng mga kilalang tycoons at business leaders, ang PSAC ay regular na nagpupulong at nagrerekomenda sa Pangulo ng iba’t ibang polisiya at programa sa ilalim ng anim na sektor gaya ng “infrastructure, agriculture, digital infrastructure, healthcare, jobs at tourism.”

(Daris Jose)

People's Balita.
All rights reserved. © Copyright 2024.