2020 February 21 Archive - People's Balita

November 22, 2024
Search in People's Balita
Ang Diyaryong Pinagkakatiwalaan

Archive for February 21st, 2020

Mami vendor sinisi pa: ‘Safety tips’ sa publiko, ibinida ng holdaper

Posted on: February 21st, 2020 by @peoplesbalita No Comments

“‘PRE pasensya kana, kinausap naman kita ng matino eh, ‘di mo kasi ibinigay…hindi sana mangyayari yun, ayaw mo kasi maniwala sakin eh.. kala mo nagbibiro ako.”

Ito ang mensahe ng suspek sa kanyang biktimang “pares mami” vendor matapos na masakote sa isinagawang follow up operation ng Manila Police District PS 5 kagabi sa Baseco, Port Area, Maynila.

Dahil sa nasabing mensahe at “piece of advice” na binitawan ng suspek na si Alexander Ogdamina, alyas Kalbo, 36-anyos, residente ng Gasangan, Baseco Compound, sa Port Area, ay kaliwa’t kanang pagbatikos ang natanggap niya ngayon sa social media.

Bukod pa rito, kumpiyansa pang pinayuhan ng suspek ang publiko kung ano ang gagawin kapag may nagtangkang mangholdap sa kanila.

“Kayong mga nakakarinig ng holdap, ibibigay niyo para ‘di kayo madisgrasya kasi kapag sinabing ituutuloy, itutuloy nila ‘yan para hindi kayo madisgrasya. Kapag naholdap kayo, ibigay niyo nalang para hindi na kayo mabaril,” ayon pa sa akala mong concern na suspek.

“Huwag pagsayangin ang buhay sa pera dahil pera lang yon,” dagdag pa ni Ogdamina.

Ayon pa sa suspek, ayaw aniyang ibigay ng biktimang si Samson Bautista ang kanyang sling bag kahit pa nakikiusap na ito kaya nagawa niyang barilin ang biktima.

Saad ni Ogdamina, kanya nang nagamit ang lahat ng pera na nanakaw sa pares vendor, at inamin ding lulong sa iligal na droga.

Itinangi naman ng suspek na gumamit siya ng iligal na droga nang mangyari ang insidente ngunit aminado siyang nakainom.

Aminado naman ang suspek na magsisi man siya ay nangyari na ang lahat kaya paninindigan na lamang aniya ang ginawa niya sa biktima.

Ang suspek ay mahaharap sa kasong robbery hold-up with frustrated murder at paglabag sa RA 10591 (Comprehensive Law on Firearms and Ammunition ).

Narekober sa suspek ang ginamit na baril sa biktima na magnum 357 at mga live magnum ammunitions.

Sa ngayon ay nanatiling nakaratay sa Gat Andres Bonifacio Memorial Medical Center (GABMMC) ang biktima dahil sa tinamong tama ng bala sa kanyang leeg kung saan napinsala ang kanyang cervical 6 at 7 na bahagi o nakakonekta sa spinal cord kaya posible umano itong ma-paralyze.

Matataandaan na Martes ng madaling araw ang harangin ng suspek ang biktima at kaibigan nito habang sakay ng kanilang mami food cart kung saan nagdeklara ng holdap at nang hindi ibigay ng biktima ang kanyang sling bag ay saka ito binaril sa leeg bago tuluyang tinangay ang bag ng biktima na naglalaman ng maghapong kinita sa pagtitinda.
(Gene Adsuara)

OPISYALES SA ‘pastillas modus’, sibak kay digong

Posted on: February 21st, 2020 by @peoplesbalita No Comments

SINIBAK ni Pangulong Duterte ang lahat ng opisyal at empleyado na sangkot sa pinakabagong iskandalo sa Bureau of Immigration (BI) kung saan pinapayagang makapasok ang mga Chinese national kapalit ng “pastillas” bribery scheme ilang libong piso.

Sinabi ni Presidential Spokesperson at Chief Presidential Legal Counsel Salvador Panelo na itinuturing ni Duterte na napakagrabe at matinding uri ng katiwalian ang bagong anomalya sa BI na “pastillas” bribery scheme at hindi kailanman palalampasin ng administrasyon.

Ayon kay Panelo, gaya ng paulit-ulit nilang sinasabi, walang “sacred cows” sa administrasyon at sinumang opisyal na magkakasala sa kanilang pagpapatupad ng tungkulin ay mapaparusahan.

Sa susunod na Cabinet meeting, tatalakayin umano ang isyu ng bribery sa Immigration.

“President Rodrigo Roa Duterte has relieved all officials and employees of the Bureau of Immigration who are involved in the latest bribery scheme where they purportedly facilitate the entry into — and exit from — Philippine territory of foreigners working for Philippine offshore gaming operators (POGOs) for an unauthorized fee,” ani Panelo.

Wala namang ideya ang kalihim kung ilang opisyal at empleyado ng BI ang kasama sa nasabing hakbang ng Punong Ehekutibo subalit ang alam niya ay nakitaan ng probable cause o prima facie kaya’t nagawa ito ng Pangulo.
Ang kasalukuyang situwasyon ngayon sa BI, at kung paano ito pinatatakbo ni Commissioner Jaime Morente, ay tatalakayin sa susunod na cabinet meeting.

Nananatili namang may tiwala si Duterte kay BI Commissioner Jaime Morente sa kabila ng may isyu ng pastillas scheme.

Matataandaan na pinag-utos na ng BI Commissioner na imbestigahan ang pastillas modus kung saan pinagbabayad ang mga Chinese ng P10,000 para mapadali ang immigration process paglapag sa Pilipinas.

“The President considers this anomaly, which some define as the ‘pastillas scheme’ as a grave form of corruption which cannot be countenanced by the government,” ayon kay Panelo.

Maging ang mga terminal head ng Ninoy Aquino International Airport at ang hepe ng travel control and enforcement unit ay inalis sa pwesto kasunod ng imbestigasyon.

“Any official or employee who commits any wrong in the performance of their respective duties shall be meted out with the punishment that they deserve and in accordance with our penal laws,” saad pa.

Samantala, lumantad na sa Senado kahapon (Huwebes) ang whistleblower kung saan binunyag nito ang sindikato sa Immigration na nasa likod ng multi-billion “pastillas” money-making scheme.

Inihayag ni Allison Aguas Chong, immigration officer sa BI Ninoy Aquino International Airport (NAIA), na simula nang tanggalin ng Department of Justice (DOJ) ang overtime pay ng immigration officer, doon na nagsimulang gumawa ng iligal ang ilang kawani ng BI.

At para mapunan ang bawas sa kanilang suweldo, ilang immigration officer ang nag-alok ng mga “VIP service” para sa mga immigrant partikular ang mga casino high-roller.

Ang VIP service ay kinasasangkutan ng mga immigration officer na tumatanggap ng P2,000 kada high-roller kapalit ng mabilisang pagpapalusot sa kanila.

Nang makitang may pera sa operasyon, nagdesisyon ang mga hepe ng Travel Control Enforcement Unit (TCEU) na sina Bien Guevrra, Glen Comia at Den Binsil, na dating tauhan ni Ports Operation Division chief Red Marinas, na i-takeover ang operasyon.

“These Chinese nationals were no longer required to under screening; they will simply let inside the Philippines without question or investigation,” sambit pa nito.

Sabi pa ni Chong, binura ang unang Viber Group Chat nang mag-imbestiga ang National Bureau of Investigation kaugnay ng iligal na aktibidad ng mga immigration officer.

Para maiwasang mabuking, nag-iba ng galaw ang operasyon ng grupo kung saan bawat Chinese ay sinasamahan na lang ng mga ito sa holding area ng TCEU.

Isang miyembro ng TCEU ang titingin kung ang pangalan ng isang Chinese ay nasa master’s list.
Kung nandoon, agad itong papayagang makapasok sa Pilipinas na hindi na dadaan sa screening o profiling.

Pinangalanan pa ni Chong ang nasa likod ng sindikato sa BI, kabilang dito sina Totoy Magbuhos, Deon Albao (alias “Nancy”), Paul Borja (alias “Lisa”), Anthony Lopez (alias “AL”) at Dennis Robles (alias “DR”).

Sabi pa ni Chong, kahit na wala na sa BI sina Guevarra, Comia at Binsol, napapatakbo pa umano nila ang kanilang operasyon sa Terminal 3.

Bawat immigration officer, ani Chong, ay tumatanggap ng P20,000 kada linggo para sa naka-assign sa Terminal 1 at P8,000 kada linggo naman para sa mga nakatalaga sa Terminal 3.

Ayon pa kay Chong, nagdesisyon siyang lumantad at tumestigo nang mapanood sa TV ang imbestigasyon ng Senado sa pangunguna ni Sen. Risa Hontiveros sa isyu ng tumataas na bilang ng prostitusyon sa POGO.

“I was compelled to come forward and share what I know based on my personal knowledge as a frontline immigration officer,” sambit pa nito. (Daris Jose/Ara Romero)

Incentives Trust Fund, itinatag ng POC sa mga atleta

Posted on: February 21st, 2020 by @peoplesbalita No Comments

SA hangarin na lalo pang humusay ang mga atletang Pinoy sa larangan ng sports, nagsagawa ang Philippine Olympic Committee (POC), sa pangunguna ng pangulo nitong si Abraham Tolentino, ng incentive plan para sa mga medalist ng bansa sa mga international multi-sports tournaments.

At sa kauna-unahang pagkakataon sa kasaysayan ng lokal na Olympic body, sinabi ni Tolentino na itinatag nito ang isang Athletes Incentives Trust Fund (AITF) na nagkakaisang inaprubahan sa ginanap na POC executive board meeting.

“It will give our athletes something to look forward to when they compete in international multi-sport events,” sabi ni Tolentino.

Subalit ang AITF ay nakatutok lamang sa pagbibigay ng pondo sa mga medal winners sa Olympics, Asian Games at Southeast Asian Games ayon sa PhilCycling chief.

“We will raise funding through the help of the private sector. We will be transparent with our sponsors, they will know that any financial aid will be intended purely for the trust fund,’’ sabi pa ni Tolentino.

Nagkaloob ang POC ng cash bonuses sa 149 gold medalists sa 30th Southeast Asian Games na ginanap sa Pilipinas at nagbigay din ito ng mga insentibo sa 117 silver at 121 bronze medal winners.

Ito ay hiwalay sa cash incentives na ibinibigay ng pamahalaan sa pamamagitan ng Philippine Sports Commission (PSC) at Philippine Amusement and Gaming Corporation (Pagcor) base sa batas kung saan ang mga gold-medal winners ay tatanggap ng P300,000 habang ang silver at bronze medal winners ay makatatanggap ng P150,000 at P60,000.

Maliban sa mga benepisyong pinansyal mula sa PSC at POC, nagbigay din ang Pangulong Rodrigo Duterte ng insentibo sa mga SEA Games medalists. (Ara Romero)

Puri ng 6-anyos ‘binaboy’, 15-anyos na kapitbahay tiklo

Posted on: February 21st, 2020 by @peoplesbalita No Comments

HAWAK agad kahapon (Huwebes) ng mga awtoridad ang 15-anyos na binatilyong inireklamo para sa umano’y paghalay sa 6-anyos na kapitbahay sa Pasay City.

Dinampot ng mga security guard ang binatilyo sa tinitirhan nitong condominium matapos ireklamo ng ina ng biktima Miyerkules ng gabi, ayon sa ulat ng Southern Police District.

Bago ito’y natagpuan ng ina ang anak na babae na umiiyak, at ipinagtapat ng bata na siya’y hinalay ng kanilang kapitbahay sa condo.

Tinanggal umano ng suspek ang kanyang saplot pang-ibaba saka siya pinatungan at ‘binayo’ ang kanyang pagkababae.

Nabatid na kapwa naninirahan ang grade 1 student at suspek sa ikasiyam na palapag ng naturang condominium nang yayain ng binatilyo ang bata sa ika-12 palapag at doon hinubaran bago pinuwersa ang ari sa murang katawan ng biktima.

Napag-alaman sa inisyal na imbestigasyon na dinala ng binatilyo ang grade 1 student sa 12th floor ng condominium at doon ito hinalay.

Isinasailalim na rin ang bata sa counseling at idinaan sa Medico Genital sa pangangasiwa ng crime lab habang patuloy ang isinasagawang imbestigasyon ng Womens and Children Protection Desk ng Pasay City Police sa nasabing kaso.

Court finds Que’s alleged killer guilty of frustrated murder

Posted on: February 21st, 2020 by @peoplesbalita No Comments

FORMER Catanduanes Police Officer Vincent Tacorda, who initially confessed and later retracted his statement of killing 54-year-old Catanduanes-based newspaper publisher Larry Sy Que, was found guilty in a separate case of frustrated murder.

In an 11-page verdict released on Friday, 14 February 2020, Virac Regional Trial Court (RTC) Branch 42 Presiding Judge Genie G. Gapas-Agbada convicted Tacorda in the attempted murder of Samuel Rojas, a Department of Education (DepEd) personnel in San Jose, Viga. Rojas was shot by Tacorda on 10 August 2016, inflicting a gunshot wound in the middle of his spinal column but then survived the attack.

Fearing that Tacorda might recant his statement on killing Que, the Presidential Task Force on Media Security (PTFoMS) found out about the attempt on Rojas’ life and immediately tasked the National Bureau of Investigation (NBI) to conduct a parallel probe on the Viga shooting incident, which can steer for stronger evidence to pin down Tacorda on Que’s murder case.

“In one way or another, justice has been achieved and we’ll make sure that the likes of Tacorda will feel the force of the law. The verdict may have been for another reason, but the Duterte Administration will always ensure that justice will be served and protect media workers. I commend the PTFoMS Secretariat led by Usec. Joel Sy Egco and the team of investigators who worked on the case,” Presidential Communications Operations Office Secretary and PTFoMS Co-Chair Martin M. Andar said as he welcomed the court decision on Tacorda.

Egco, the PTFoMS Executive Director, likened the case to the notorious American gangster Al Capone, and said, “This is the same policeman who initially confessed to the killing of Catanduanes journalist Larry Que but eventually retracted.”

He stressed, “Tacorda will never escape the wrath of the law, as this administration is relentless in pursuing justice for all media workers.”

Egco also commended the NBI agents and other investigators who worked on the case.

On May 2, 2017, accompanied by the PTFoMs, Edralyn Pangilinan, Que’s common-law spouse, filed a murder complaint to the Department of Justice (DOJ) against the now-Catanduanes Governor Joseph Cua, Prince Lim Subion, Vince Masagca, two John Does and Tacorda.

However, the DOJ later released a resolution dismissing the complaint due to insufficient evidence that links to Que’s murder case and the confession of Tacorda has no probative value. According to the DOJ, the dismissal of the complaints despite Tacorda’s extrajudicial confession does not support conviction where it is uncorroborated and denied by the alleged confessant himself and, given the insufficiency of evidence, it would be unfair to hold Tacorda for trial.

Hence, the Task Force conducted a continuing investigation together with the Criminal Investigation and Detection Group (CIDG) for a more intensive and focused probe. This is while the NBI was building up the case regarding Viga shooting.

Que’s death is considered as the first incident of media killing under the Duterte administration. He was shot in the head, allegedly by Tacorda, on 19 December 2016, as he was about to enter the building, where his insurance firm is located in Virac. He died the following day. (Bishop Jesus “Jemba” M. Basco)

Motorbikes, main road killer sa Metro Manila nang taong 2019

Posted on: February 21st, 2020 by @peoplesbalita No Comments

HALOS marami pa sa kalahati ng 394 na road crash deaths ang naitala noong nakaraang taon na motorbikes ang dahilan kung kaya’t sila ang tinatawag na main killer sa kalsada sa nalikom na data mula sa Metropolitan Manila Development Authority (MMDA).

Sa isanglates report mulasa Metro Manila Accident Reporting and Analysis System (MMARAS), may 154 na drivers, 36 passengers at 22 pedestrians ang mga nasawi dahil sa motorcyles crashes noong 2019.

Isa sa mga factors na dahilan ng aksidente ng motorcycles ay ang human error dahil nawalan ng control at ang pag-inom ng alak habang nagmamaneho.

Ang naitalang motorcycle crash accidents parehas na fatal at non-fatal ay tumataas ng 31, 279 noong 2019 mula sa dating 26,652 noong 2018; 22,063 noong 2017; 21,403 noong 2016, at 18,668 noong 2015.

Mas maraming naitalang motorcycle crash incidents na nangyari sa Quezon City, sumunod ay sa Parañaque, Valenzuela, Caloocan at Manila.

Samantalang, mayroon naming 9,655 na drivers, 2,546 na pasahero, at 2,140 na pedestrians ang nasaktan dahil sa aksidente sa motorcycles.

Ayon pa rin sa report, mayroong 394 na persons ang namatay sa lansangan per 372 cases noong 2019 at nagkaroon ng slight improvement kumpara noong 2018 na naitalang 394 persons ang namatay per 383 cases.

Ibig sabihin ng per case basis ay ang number ng road crash at hindi ang number ng sasakyan o ‘di kaya ay taong kasama.

“This indicates that the traffic engineering programs and projects of MMDA towards road safety is very effective,” ayon sa report.

May naitala naman na total road crashes na 121,771 noong 2019 para sa lahat ng klaseng sasakyan na mas mataas sa 116,906 na figure noong 2018; at 110,025 noong 2017.

Mayroon namang 234 motorcycles ang dahilan ng fatal accidents, sumunod ang 98 na trucks, 80 cars at 40 public utility jeepneys mula sa kabuoang 574 na sasakyan.

Sa kabuoan, mayroong 118,522 na kotse ang sangkot sa aksidente na dahilan ng pagkamatay, nasaktan at nasira ng properties na bumubuo ng 50 percent mula sa lahat ng 235, 717 na sasakyan.

Kasunod nito ay ang 35,006 na motorcycles; 24,959 na vans, at 18,667 na trucks.

Samantalang, ang kabuoang road crashes para sa lahat ng klase noong nakaraang taon ay 121,771 mas mataas noong 2018 na 116,906 at 110,025 noong 2017. (LASACMAR)

Gilas roster, malakas ang laban – coach

Posted on: February 21st, 2020 by @peoplesbalita No Comments

Malaki ang tiwala ng coaching staff ng Philippine men’s basketball team na may ibubuga ang isasabak nilang line-up kontra sa Indonesia para sa kanilang laro sa unang window ng FIBA Asia Cup qualifiers.

Ayon kay Gilas Pilipinas interim coach Mark Dickel, hindi raw naging madali ang pagpili sa komposisyon ng team dahil marami silang bagay na ikinonsidera.

Paliwanag pa ni Dickel, magiging sandigan ng Pinoy cagers ang PBA players na kanilang napili, na aayudahan naman ng limang mga batang manlalaro.

“It was not an easy team to pick,” wika ni Dickel. “We had numerous combinations that we could have gone with, and in a few positions, we felt like we had covered it with some young players so they had an advantage thinking towards the future.”

Kasama sa linya ang mga Gilas stalwarts na sina team captain Kiefer Ravena, kapatid nitong si Thirdy, CJ Perez, Poy Erram, Roger Pogoy, at Troy Rosario.

Mabibigyan din ng tsansa ang mga bagong salta na sina Abu Tratter, Justin Chua, Dwight Ramos, Isaac Go, Juan Gomez de Liaño, at Matt Nieto.

Nabaklas naman sa listahan ng final 12 si Rain or Shine star Javee Mocon, na nahanay lang tatlong reserve kasama sina Jaydee Tungcab at Rey Suerte.

Sumalang pa sa dalawang practice ang Gilas bago lumipad pa-Indonesia ngayong araw (Biyernes), bago ang kanilang game sa araw ng Linggo, Pebrero 23.

Sinabi ni SBP president Al Panlilio, tiwala sila na mangingibabaw ang koponan sa nasabing torneo dahil halos lahat ng mga manlalaro ay bata.

“Our unit is one that features balance between youth and experience as we have seven PBA players, six of whom already have international basketball experience,” sabi naman ni Samahang Basketbol ng Pilipinas (SBP) president Al Panlilio sa isang pahayag. (REC)