- July 3, 2024
-
Search in People's Balita
Ang Diyaryong Pinagkakatiwalaan
Archive for February 24th, 2020
40 na bagong sasakyan ng PCSO, binasbasan sa Maynila
Binasbasan ng isang pari ang 40 pirasong bagong yunit ng mga sasakyan na ibibigay sa iba’t ibang mga (LGU) mula sa tanggapan ng PCSO sa San Marcelino sa Maynila sa pagsisikap na mapagbuti ang agarang pagtugon ng mga serbisyong pang-emergency sa publiko.
Nagkakahalaga ng P1.5 milyong piso bawat isa, idinagdag ni PCSO Chairman Royina Garma na ang mga yunit ay magamit nang mas mabilis para sa mga pasyente.
Construction ng Quezon Memorial Circle station ng MRT 7, pinahinto ni Mayor Belmonte
PINAHINTO ni Mayor Joy Belmonte ng Quezon ang above-ground construction ng Quezon Memorial Circle station sa ginagawang Metro Rail Transit Line7 (MRT7).
Pinatigil niya ang construction matapos ang mga environmentalists at historians ay nakita na ang itatayong station ay makasisira sa integridad ng nasabing park.
“The project revealed that the proposed floor area is more than five times the 4,997 square meters indicated in the project’s permit and clearance,” wika ni Belmonte.
Sinabi rin niya na binibigyan niya ng buong suporta ang nasabing project sa ilalim ng Build Build Build program ng pamahalaan subalit mayroon siyang grave reservations sa maaaring desecration ng kilalang heritage site lalo na kung ang construction ay makaaapekto sa ibabaw ng park.
Samantala, kumpyansa naman ang Department of Transportation (DOTr) na magkakaroon ng “win-win” solution pagkatapos ang pagbibigay ng cease at desist order ng Quezon City government sa pagtatayo ng station sa Quezon Memorial Circle.
Nakikipag-ugnayan na ang DOTr sa Quezon City government tungkol sa nasabing issue upang mapagusapan ng mabuti at maklaro ang mga iba pang bagay.
“We understand that the concern is about the above-ground structure, and that the construction of underground areas may proceed. We are certain that at the end of the day, we will be able to strike a balance and obtain a win-win solution,” wika ni DOTr assistant secretary Goddes Libiran.
Ayon naman sa concession holder na San Miguel Corp (SMC) na sila ay makikipagtulungan sa mga stakeholders upang magawa ang project ng konti lamang ang delays kahit na posibleng magkaroon ng redesigning ng station.
“While the order is a set-back, we will do everything we can to make sure we keep to the timetable, and at the same time take into account the mayor’s concerns. This includes revisions to the design,” sabi ni SMC president Ramong Ang.
Sa ngayon, karamihan sa ginagawa sa station ay underground at walang major above-ground structure pa ang tinatayo.
Ang MRT 7 ay ang 23-kilometer railway na may 13 stations na siyang magdurugtong sa San Jose Del Monte, Bulacan at North avenue sa Quezon City na makababawas sa travel time mula Manila hanggang Bulacan.
Inaasahang ang traveltime ay magiging 34 minutes na lamang na kung maging operational ang MRT 7, ito ay inaasahang makapagsasakay mula 300,000 hanggang 850,000 na pasahero kada araw at mayroon itong room capacity pa para sa expansion upang makapagsakay pa ito ng mas marami sa darating na panahon. (LASACMAR)
Diskriminasyon laban sa mga estudyanteng Moro, kinondena
KINONDENA ng mga Muslim na mambabatas ang hinihinalang profiling ng Philippine National Police (PNP) sa mga mag-aaral na Muslim at inilarawan ito bilang lantad na uri ng diskriminasyon.
Isang talaan ang pupunan ng mga ito ukol sa detalye ng bawat estudyante tulad ng grade level, gender at total na bilang ng Muslim students sa area of responsibility ng station commander.
“Maling mali ito. Profiling has no place in a nation that respects and draws strength from the diverse beliefs of its people. Guilt by association is wrong, and sometimes fatal,” pahayag ni Deputy Speaker Mujiv Hataman, na mula Basilan.
Naglabas ng pahayag si Hataman at Anak Mindanao party-list Rep. Amihilda Sangcopan na may kaugnayan sa hakbang ng PNP na magkaroon ng updated na listahan ng mga mag-aaral na Muslim sa sekondarya, colleges at universities sa Metro Manila, kung saan sinabi niyang epektibong inilagay sa watchlist ang mga batang Muslim.
“Baseless stereotyping can end in lethal results,” giit ni Hataman. “What is sad is that this is an official directive, and aimed at children at that.”
Itinanggi ni National Capital Region Police Office (NCRPO) chief Police Major General Debold Sinas na nagsasagawa ang mga ito ng profiling sa mga mag-aaral at sa halip ay kinukuha lamang nila ang statistics sa bilang ng mga mag-aaral na Muslim sa sekondarya at kolehiyo “in order to conduct interventions and programs in strengthening Salaam Police [Center].”
Binigyang-diin ni Hataman na isa sa mga “greatest failures of police intelligence ” sa kasaysayan ang typecasting sa mga Muslim bilang posibleng terorista at paglista sa mga pangalan nito para sa posibleng watchlist.
“Kung ikaw ay isang law-abiding Muslim, masakit po ang ganitong paratang. Parang tinokhang ang reputasyon ng mga Pilipinong Muslim. Suportado at mahal namin ang ating kapulisan na kahit sa dami ng nasasangkot sa kanila sa krimen ay ni minsan ay hindi namin sinabi na lahat ng pulis ay masama,” katuwiran ni Hataman.
Sinabi naman ni Sangcopan, sa kanyang parte, na isa sa mga “evils” ang naturang direktiba ng pulisya na nais nilang iwasan nang ihain niya at ni Hataman ang House Bill No. 1579 o An Act Prohibiting Racial, Ethnic and Religious Discrimination, na ngayon ay nakabinbin sa House Committee on Human Rights.
“These are practically children who also struggle with the ills of discrimination in their own schools,” aniya. “Tapos dadagdagan pa natin ng ganitong klaseng profiling? If you are a Muslim student, how would knowing that your name is in a police list somewhere make you feel? I am certain no good will come out of this.” (Ara Romero)
PH Sports Hall of Fame
INANUNSIYO ng Philippine Sports Hall of Fame (PSHOF) 2020 Committee na pinangungunahan ni Philippine Sports Commission Chairman William Ramirez, na sa Marso na ang nominasyon para sa iluluklok sa Sports Hall of Fame.
“This is good that we met early so we have ample time to study the nominations,” ani Ramirez habang sinasalubong ang miyembro ng screening committee na binubuo nina Games and Amusement Board (GAB) Chairman Abraham Mitra, Philippine Olympic Committee Secretary-General Atty. Edwin Gastanes, Integrated Cycling Federation of the Philippines Secretary-General Atty. Avelino Sumagui, University Athletic Association of the Philippines (UAAP) Executive Director Atty. Rene Saguisag Jr., at SEA Games gold medalist at Philippine Olympians Association President Akiko Thomson Guevara.
Pinararangalan ng HOF o Republic Act No. 8757, ang mga Pinoy athletes, coaches, at trainors na nagdala ng karangalan at dangal para sa bansa sa kanilang career. Agad na naglabas ang board ng dalawang resolutions na para sa ngayon edisyon ng HOF.
Nagkasundo ang body na gumawa ng rekomendasyon upang amiyendahan ang PSHOF law. Isa pang resolusyon ay gawing otomatikong nominees ang dating eligible nominees pero hindi nakapasok sa final cut.
Kasama rin sa pinag-aralan ng committee ang pagtataas sa cash gift na matatanggap ng mga awardees sa halagang P100,000. “We will check if this is possible with the budget that we have,” ani Ramirez.
Bilang government’s sports agency, ang PSC ay inaatasan ng batas na mag-organisa ng Screening Committee at awarding ng Philippine Sports Hall of Fame title na pipiliin ng mga atleta.
Ilalabas ang guidelines sa nominasyon sa Marso 1 habang ang awards night ay sa Nobyembre 5.
Hala ipasa na agad ang mga pangalan na karapat-dapat sa prestihiyosong karangalan. Hangad din natin na maiwasan ang palakasan sa pagpili para walang marinig na reklamo mula sa publiko.
PINOY SKATERS, POKUS SA TOKYO OLYMPICS
HINDI naging balakid ang malaking kawalan ng world-class training facility sa bansa, dahil sa ‘di matatawaran ang kahusayan ng Pinoy skateboarders na patuloy na namamayagpag sa kasalukuyan.
Sinabi ni Carl Sembrano, bagong halal na pangulo ng Skateboarding and Rollerskates Sports Association of the Philippines (ARSAP), malaki ang tsansa ng mga Pinoy na mapasabak sa 2020 Tokyo Olympics.
“Kahit ako talagang nagugulat sa ipinakikitang galing ng ating mga skater. After dominating the SEA Games, tuloy ang magandang performance natin particularly sa abroad. To tell you frankly, ako mismo nagugulat sa kanilang galing, despite the fact that we have no international standard training facility,” pahayag ni Sembrano. “Sa US tournament, halos isang oras lang nagsanay ang ating mga skater sa facility na first time lang nilang nalaruan. After the event, No.5 si Margielyn Didal. What more kung meron tayong pasilidad na pagsasanayan nila.”
Kaya panawagan ni Sembrano sa pamahalaan at sa mga pribagong sektor na tulungan silang makapagpatayo ng pasilidad na batay sa international standard. “Ang PSC at POC po ay sumusuporta sa amin sa lahat ng aspeto pero iba po yung sarili naming pasilidad,” dagdag niya.
May itinayong skateboarding facility sa Tagaytay City na ginamit din sa 39th SEA Games noong Disyembre, ngunit sinabi ni Sembrano na hindi ito international standard dahil gawa lamang sa mga mahihinang material.
“But again despite of this, our skaters won six gold medals with Didal dominating the SKATE and women’s street skate completion,” giit ni Sembrano sa forum ng mga miyembro ng TOPS o Tabloid Organization in Philippine Sports.
Tulad ni Didal, kasalukuyang No. 8 sa World Ranking sa Street event, nakatuon din ang pansin nina De Lange at Feliciano, gayundin ang iba pang miyembro ng national team, sa pagsabak sa Olympic qualifying events sa abroad.
“Because of the Corona virus scare, hindi nakasali ang ating mga skater sa Olympic qualifying sa HongKong and Australia. Meron pa namang nakalinya na puwede naming salihan and hopefully makakuha tayo ng slots for the Tokyo Games,” paliwanag ni Sembrano.
Para naman kay De Lange, hindi lamang ang Olympics ang kanyang pakay kundi ang mahikayat ang mga kabataan na subukan ang sport na skateboarding.
Sa kasalukuyan ay nagsasagawa siya ng libreng skateboarding clinics sa Filinvest, Muntinlupa.
“Last time we have 50 participants. This Sunday I expected the number to double. It’s good for the sports. With the help of Blackwater, my mission is to help the kids and old alike to learn the basics,” sabi ni De Lange. “So bring your skateboard and join us this Sunday. It’s free and open to everybody.”
GAMOT SA ‘PINAS
SA Pilipinas, maraming mahihirap na maysakit ang hindi makabili ng gamot dahil sob-rang mahal na kung mamalasin ay namamatay nang hindi nakatikim ng gamot o maski naipasok sa ospital.
Dahil sa kawalan o kakulangan ng perang pambili ng gamot, idinaraan na lamang sa tapal-tapal ng mga albularyo ang sakit na sa halip gumaling ay lalo pang lumala ang sakit. Isang malinaw na mensaheng hindi ubra ang laway-laway sa mga sakit na kailangan ang gamot.
Kaya naman malaking ginagawa ang pagka-kalagda sa Executive Order 104 ni Pangulong Rodrigo Duterte dahil hindi na maitataas ang presyo ng mga gamot para sa hypertension, diabetes, sakit sa puso, baga, atay, cancer, chronic renal disease, psoriasis at rheumatoid arthritis at marami pang iba na karaniwang tumatama sa mga Pinoy.
Matagal na itong isinusulong ng Department of Health (DOH) kaya labis ang kasiyahan nila sa naging aksyon ng Punong Ehekutibo na malaking biyaya sa sambayanang Pilipino, mayaman man o higit na lalo sa mga mahihirap.
Sa EO 104, makatitikim na ng gamot ang mga maysakit na mahi-hirap kung saan maaari nang malunasan ang kanilang karam-daman. Puwede na silang makabili ng gamot na abot ng kanilang bulsa.
Ayon sa report, ang Pilipinas ang tanging bansa sa Asia na mahal ang gamot. Mas mahal pa raw ang gamot dito kaysa sa mga mayayamang bansa.
Bantayan naman ng DOH ang mga botika sapagkat baka hindi sila sumunod sa utos ng Presidente. Kailangang maipatupad ito nang maayos.
Hamon sa ABS-CBN: 11,000 empleyado, gawing regular
Hinamon ni ACT-CIS Partylist Rep. Eric Go Yap ang pamunuan ng ABS-CBN na gawing regular lahat ng nasa 11, 000 empleyado ng nasabing kumpanya para patunayan na pinapangalagaan nito ang kapakanan ng kanilang mga trabahador.
Ito ang naging pahayag ni Yap kasunod ng mga isyu na kinahaharap ng ABS-CBN ukol sa kanilang franchise at sa quo warranto petition na isinampa laban sa kanila ni Solicitor General Jose Calida sa Korte Suprema.
Nabatid na karamihan umano sa 11, 000 trabahador sa ABS-CBN ay mga talent o contractual ang status sa naturang kumpanya.
Hinamon din niya ang pamunuan ng ABS-CBN na bayaran ang mga backpay at iba pang benepisyo ng may 120 empleyado na umano’y iligal na tinanggal noong 2010 at hanggang ngayon ay patuloy na pinaglalaban ang kanilang karapatan sa korte.
Dagdag pa ng mambabatas, siguraduhin din na maayos at nababayaran lahat ng tama ang kanilang mga empleyado kasama ang lahat ng benepisyo na naaayon sa batas.
Kung gagawin umano ito ng ABS-CBN, siguradong magsusunuran ang ibang malalaking kumpanya.
Olympic meeting sa Beijing kinansela dahil sa banta ng covid-19
Kinansela ang gagawing sports conference ng mga Olympic stakeholder sa Beijing dahil sa coronavirus outbreak.
Dahil dito ang nasabing pagpupulong na gaganapin mula Abril 19 hanggang 24 ay gagawin na lamang sa Lausssane, Switzerland.
Magpapalitan kasi ng mga idea ang mga iba’t ibang sports governing bodies tatlong buwan bago ang gaganaping Tokyo Olympics.
Magugunitang tiniyak ng Tokyo Olympics organizers, International Olympic Committee at World Health Organization (WHO) na hindi na kaliangan pa ang pagpaliban ng Olympics na gaganapin sa Hulyo 24 hanggang Agosto 9.