• June 14, 2024
  • Ang Diyaryong Pinagkakatiwalaan

Archive for March 7th, 2020

DOLE maglalaan ng P2-B na pondo para sa mga nawalan ng trabaho dahil sa COVID-19

Posted on: March 7th, 2020 by @peoplesbalita No Comments

HUMINGI ng P2 billion na karagdagang pondo ang Department of Labor and Employment (DOLE) bilang financial assistance program sa mga manggagawang maaaring mawalan ng trabaho dahil sa coronavirus outbreak.

 

Sinabi ni DOLE Secretary Silvestre Bello III, na inisyal lamang ang nasabing pondo at kung magkulang ay hihingi muli sila.

 

Umaasa rin ang kalihim na mapagbibigyan siya ng Department of Budget and Management ang kanyang kahilingan.
Ang nasabing tulong kapa-rehas din na ibinigay nila sa mga nawalan ng trabaho noong pansamantalang isara ang isla ng Boracay noong 2018.

 

Umaasa rin ang kalihim na mapagbibigyan siya ng Depart-ment of Budget and Management ang kanyang kahilingan.
Ang nasabing tulong kapa-rehas rin na ibinigay nila sa mga nawalan ng trabaho noong pansamantalang isara ang isla ng Boracay noong 2018.

Ads March 7, 2020

Posted on: March 7th, 2020 by @peoplesbalita No Comments

Palasyo nagalak: Satisfaction rating ng Duterte admin, ‘excellent’ – SWS

Posted on: March 7th, 2020 by @peoplesbalita No Comments

UMAKYAT sa +73 o “excellent” ang satisfaction rating administrasyong Duterte sa ika-apat na quarter ng 2019 survey ng Social Weather Stations.

 

Sa naturang survey na isinagawa mula Disyembre 13 hanggang 16 noong 2019, 81 na porsyento ng mga respondents ang nagpahayag ng kanilang “satisfaction” sa general performance ng administrasyon, 12 na porsyento naman ang “neither satisfied nor dissatisfied” at 7 na porsyento ang “dissatisfied”.

 

Ayon sa SWS, umangat ng anim na puntos ang satisfaction rating mula sa very good rating na +67 noong Setyembre 2019, at kahalintulad nito ang high-excellent na +73 noong Hunyo 2019.

 

“The 6-point rise in the national administration’s overall net satisfaction rating was due to increases in all areas,” ani SWS.

 

Ipinakita sa survey kung saan pinakamagaling ang administrasyong Duterte: Pagtulong sa mga mahihirap (+64), Paglaban sa terorismo (+61), Pagbibigay ng impormasyong kailangan ng mga tao upang masuri kung ano ang ginagawa ng pamahalaan (+58), Pagkakaroon ng malinaw na polisiya (+56), Pag-develop ng isang malusog na ekonomiya (+53), Pakikipag-ayos sa mga rebeldeng Muslim (+51), at Pagprotekta sa freedom of the press (+50).
Nakatanggap naman ng “good rating” ang administrasyon sa: Paglaban sa krimen (+49), Pagkikipagkasundo sa mga komunistang rebelde (+48), Foreign relations (+47), Pagtugon sa gusto ng tao (+45), Pagdepensa sa soberanya ng Pilipinas sa West Philippine Sea (+32), at Pagtanggal sa graft and corruption (+31).

 

“Moderate” naman ito sa: Pagsisigurong walang pamilya ang magugutom (+29), Pagrekober sa ”hidden wealth” na kinuha ng Marcos stolen by Marcos at iba pang kasamahan nito (+25), at Paglaban sa inflation (+12).

 

Sinabi ng SWS na base sa isang tanong ang satisfaction rating ng general performance ng pamahalaan at hindi average ng mga sagot mula sa magkakahiwalay na tanong.

 

“The general rating is repeated every quarter, whereas only a core of the specific subject-ratings are repeated. Subjects are included or excluded depending on their contemporary salience,” ayon sa SWS.

 

Face-to-face interview ang isinagawa sa 1,200 na adults sa buong bansa na may 300 kada isa sa Metro Manila, Balance Luzon, Visayas, at Mindanao.

 

Mayroong sampling error margin na ±3 na porsyento ang survey para sa national percentages at ±6 na porsyento kada isa sa Metro Manila, Balance Luzon, Visayas, at Mindanao.

 

Kaugnay nito, ikinagalak ng Palasyo ang nasabing survey result at sinabing malinaw na indikasyong nagtitiwala sa gobyerno ang mas nakararaming Pilipino sa ilalim ng pangangasiwa ng Punong Ehekutibo.

 

Nakikita aniya ng mga Pilipino na nagtatrabaho nang husto ang Duterte administration lalo na sa pagtulong sa mga mahihirap, paglaban sa terorismo, pagpapaangat sa ekonomiya, magandang ugnayan sa mga rebeldeng Muslim at pagpapahalaga sa karapatan ng mga mamamahayag.

 

Tinitiyak ni Panelo na sa kabila ng mataas na rating ni Duterte, hindi magiging kampante ang gobyerno, bagkus ay mas lalo pang magsisikap para maibigay ang tunay na serbisyo sa mamamayan.

 

Sinabi naman ni Presidential Communications Operations Office Secretary Martin Andanar na ang resulta ng survey ay resulta ng magandang trabaho ng lahat ng miyembro ng gabinete at mga masisipag na kawani at opisyal ng gobyerno lalo na sa matatag na political will ng Punong Ehekutibo. (Daris Jose)

Balik-trono sa Alab: Brownlee, target ang kampeonato

Posted on: March 7th, 2020 by @peoplesbalita No Comments

Hangad ni Justin Brownlee sa kanyang pagbabalik sa San Miguel Alab Pilipinas na mabigyan uli ng pinakaaasam na kampeonato sa 10th ASEAN Basketball League (ABL) 2019-2020.

 

Malaking bagay ang do-it-all import sa koponan, na may 10-6 record at pangalawa sa team standings sa eliminations. Isa siya sa instrumento nang maupo sa trono ang PH squad kagaya sa 2017-2018 season ng torneo.

 

“It feels great,” sambit ni Brownlee sa Spin.ph sa practice ng koponan sa Kerry Sports Center. “The guys are very high in spirit. They are in second place right now. They’ve been doing really well.

 

Bagama’t wala na ang karamihan sa mga players noong nakaraang 2017-2018 ABL, positibo naman si Brownlee na mananatili ang kultura ang Alab Pilipinas.

 

“I just want to come in and just whatever help they need, I’ll just try to fill those spots and try to continue what they are doing here and keep winning and try to bring the championship back to the Philippines,” saad niya.
Kagigiya lang ni Brownlee sa Barangay Ginebra San Miguel sa titulo ng 44th Philippine Basketball Association (PBA) Governors’ Cup 2019-2020 nitong Enero.

 

Nais niyang dagdagan pa ang panalo ng Alab, at kung maaari ay masungkit muli ng team Pilipinas ang kampiyonato.
“Like I said, the team has been doing really well. The only pressure for me is I don’t want to come in and mess anything up. I just want to take whatever momentum they have and just try to come in and help them build it and try to make a run for the championship. Just go out there and play hard,” panapos niyang sambit.

 

Dahil na postpone ang laban ng Alab at Saigon Heat Vietnam sa nakaraang linggo dulot ng coronavirus outbreak, naudlot rin ang pagsabak ni Brownlee sa muling pagsusuot ng Alab jersey.

 

Sa darating na Linggo pa ang balik kampanya niya sa koponan na makakaharap ang Singapore Slingers sa OCBC Arena ng city estate.

Bulacan, wagi sa Good Financial Housekeeping

Posted on: March 7th, 2020 by @peoplesbalita No Comments

LUNGSOD NG MALOLOS- Humakot ng parangal ang Lalawigan ng Bulacan kasabay ng paggagawad sa Pamahalaang Panlalawigan ng Bulacan, 21 bayan at tatlong lungsod ng 2019 Good Financial Housekeeping ng Department of the Interior and Local Government.

 

Nagawa ng mga pumasang lokal na pamahalaan na tumalima sa Full Disclosure Policy o ang pagpapaskil ng dokumentong pinansyal sa tatlong hayag ng lugar at sa FDP Portal para sa CY 2018 all quarters at CY 2019 1st quarter posting period documents; at ang kanilang pinakabagong COA Audit Opinion ay Unqualified o Qualified para sa CY 2017 at 2018.

 

Binati naman ni Gobernador Daniel R. Fernando ang lahat ng tatlong lungsod at 21 bayan ng Bulacan para sa pagtalima at pagpasa sa pamantayan ng DILG at sinabi na ang pagiging bukas ang susi sa isang mabuting pamumuno.
“Ito pong pagiging bukas ng ating dokumento, lalo pa nga po at pinansyal ay dapat talagang pagtuunan ng pansin ng ating pamahalaan. Karapatan po ng ating mga mamamayan na malaman kung saan napupunta ang buwis na kanilang ibinabayad. Kaya naman po, tayong mga pinagkatiwalaan ay dapat na gugulin ang mga pondong ito sa tamang mga proyekto na mabebenipisyuhan ang ating mga kalalawigan,” anang gobernador.

 

Ayon sa Official List of Passers na inilabas ng DILG, 89 porsiyento o 1,522 sa 1,706 na sinuring lokal na pamahalaan ang pumasa sa batayan.

 

Ang Financial Housekeeping, kasama ng Disaster Preparedness, Social Protection, Peace and Order, Business Friendliness and Competitiveness, Environmental Protection at Tourism, Culture and the Arts, ang mga batayan sa paggagawad ng Seal of Good Local Governance sa mga lokal na pamahalaan. (Bishop Jesus “Jemba” M. Basco)

Nag-amok na adik, utas sa umawat na pulis

Posted on: March 7th, 2020 by @peoplesbalita No Comments

DEDBOL ang sinasabing drug adik matapos barilin ng rumespondeng pulis na inundayan niya ng saksak nang tangkain siyang awatin habang nagwawala kahapon (Biyernes, Marso 6) ng umaga sa Malabon City.

 

Ayon kay Malabon police chief P/Col. Jessie Tamayao, alas-7:40 ng umaga nang magsimulang mag-amok at sugurin ng saksak ng suspek na si Alvin Calpo, 24, ng Brgy. Tañong ang bawat makita niya sa kahabaan ng P. Aquino Avenue, harap ng Kadima, Brgy. Tonsuya na naging dahilan upang humingi ng tulong sa Malabon Police Community Precinct (PCP) 8 ang mga residente sa lugar.

 

Kaagad pinadala ni PCP-8 commander P/Capt. Carlos Cosme, Jr., sa naturang lugar si P/SSgt. Meduard Reloj, P/SSgt. Darryl Misa at P/ Cpl. Sergio Consulta III kung saan naabutan si Calpo na armado ng patalim habang hinahabol si Manuel Bersales, 49, ng Paradise Village, Letre, Tonsuya na dumaan sa lugar.

 

Matapos magpakilala ni Sgt. Misa bilang pulis, tinangka nitong awatin ang suspek subalit sinugod siya ng saksak ni Calpo na nagawang maiwasan ng parak.

 

Patuloy na sinugod ng saksak ng suspek ang pulis hanggang sa matumba ito dahil sa kakaiwas at dahil sa panganib sa kanyang buhay ay binunot ni Sgt. Misa ang kanyang baril at pinutukan si Calpo sa kanang hita bago muling binaril sa katawan dahil sa patuloy na pag-atake sa kanya ng suspek.

 

Sinabi ni Malabon police homicide investigator P/Cpl. Jose Romeo Germinal, si Calpo ay kalalaya lamang kamakailan sa Navotas Jail dahil sa kasong theft.

 

Sinabi pa ni Germinal na kinasuhan din ang suspek ng attempted homicide subalit, nadismis.

 

Inamin naman sa pulisya ng mga kapatid ni Calpo na mula ng malulong ito sa iligal na droga, nagsimula na siyang masangkot sa iligal na aktibidad. (Richard Mesa)

3 anggulo, sinisilip sa Laguna chopper crash

Posted on: March 7th, 2020 by @peoplesbalita No Comments

SINISILIP ng Philippine National Police ang nasa tatlong anggulo sa nangyaring pagbagsak ng helicopter na sinakyan ng hepe ng kapulisan kasama ang 7 iba pa, ayon sa nangunguna sa imbestigasyon.

 

Huwebes, Marso 5, nang gulantangin ang lahat matapos na bumagsak ang Bell 429 chopper sakay si Philippine National Police chief Gen. Archie Gamboa matapos na sumabit sa kawad ng kuryente sa San Pedro, Laguna.

 

Pilot error, kondisyon ng chopper at ang pagprepara sa takeoff site ang tatlong mahahalagang tini-tingnang anggulo sa imbestigasyon ayon kay PNP Deputy Chief for Operations Lt. Gen. Guillermo Eleazar. “Kailangan malaman natin ano talaga ang nangyari dito,” ani Eleazar.

 

Nauna nang nakumpirma na nadiligan naman ng tubig ang lupa kung saan nag-take off ang chopper pero sa kabila nito ay nabalot ng alikabok ang bisinidad dahilan para mag-zero visibility doon.

 

Ayon kay Eleazar na maaaring agad na natuyo ang tubig sa kalupaan kaya nangyari ang ganung insidente.
Nagtutulungan nang iniinspeksyon ng kapulisan, Air Force at ng Civil Aviation Authority of the Philippines ang crash site, ani Eleazar.

 

“This is probably the first time that we will be conducting a chopper or aircraft crash investigation kaya (so) we really need the help of concerned agencies,” dagdag pa niya.

 

Kritikal pa rin ang kondisyon ni Major Generals Jovic Ramos at Mariel Magaway, ang hepe ng comptrollership at intelligence heads ng PNP, ayon kay Eleazar.

 

Sa ngayon ay grounded muna ang lahat ng sasakyang pang-himpapawid ng PNP habang nagpapatuloy ang imbestigasyon.

 

 

PNP chopper tragedy: ‘Mamamatay na tayo’ – Gamboa sa kanyang aide

 

SAMANTALA, kuwento ni PNP (Philippine National Police) Chief Director General Archie Gamboa na tila nawalan na siya umano ng pag-asa na mabubuhay pa sa gitna ng pagsisikap ng mga piloto ng sinasakyang helicopter na makaiwas sana sa zero visibility location sa San Pedro, Laguna.

 

Ito ang paglalahad ni Police Regional Office-10 regional director B/Gen. Rolando Anduyan nang makausap nito ng personal si Gamboa habang naka-confine sa ospital dahil sa trahedya.

 

Sa panayam, inihayag ni Anduyan na tanging mga katagang “mamamatay na tayo” ang huling salita na nabitawan ni Gamboa sa kanyang aide de camp na si Capt. Kevin Gayramara bago tuluyang bumagsak ang Bell 429 twin engine chopper.

 

Hindi na aniya umasa pa ang PNP chief na makakaligtas.

 

Dagdag nito na bagama’t ikinatuwa nito na hindi malubha ang tinamong mga sugat ni Gamboa, panalangin din nila na makarekober sina PNP Directorate for Comptrollership Major General Jovic Ramos at Director for Intelligence Major General Mariel Magaway na ‘comatosed’ nang dumating sa pagamutan.

DRIVER’S LICENSE, BOW!

Posted on: March 7th, 2020 by @peoplesbalita No Comments

KASKASERO, balasubas, kamote, pasaway ay ilan lamang sa mga bansag sa mga pasaway na drayber na hindi dapat nabibigyan ng prebilehiyo na makapagmaneho.

 

Kabilang sila sa mga dahilan kung bakit nakapagtala ng mahigit 121,000 insidente sa kalsada sa Metro Manila mula Enero hanggang Disyembre 2019.

 

Ayon sa Land Transportation Franchising and Regulatory Board (LTFRB), kabuuang 121,771 na road crashes ang naitala. Pawang fatal, non-fatal at Damage to Property (DTP) ang klasipikasyon ng mga nangyaring insidente.

 

Kaugnay nito, mahigit 40,500 sa mga insidente ay naitala sa pitong major roads sa bansa — EDSA, C5, Commonwealth, Roxas Boulevard, Marcos Highway, Quezon Avenue at R10, habang ang mga sasakyang sangkot ay pedicab, tricycle, kotse, jeep, taxi, bus, truck at van. Kapansin-pansing hindi nabanggit ang motorsiklo na halos araw-araw ay may naiuulat ding insidente ng pagsemplang at salpukan.

 

Isa sa mga nakikita nating problema ay may mga drayber na kulang ang kaalaman sa mga batas-trapiko. Ang masaklap, sa kabila nito ay nakalulusot pa rin sa renewal ng lisensiya. Ibig sabihin, may isyu rin sa mga ahensiya ng gobyerno.

 

Sakit din sa ulo ang mga drayber na bumibiyahe nang wala sa huwisyo, lasing o sabog sa ilegal na droga. Sa simula pa lang ng 2020, kaliwa’t kanan na ang mga nabibiktima ng pag-araro at banggaan, huwag naman sanang lumobo pa sa pagtatapos ng taon.

 

Pero, kung lalo pang lalala ang mga insidenteng kinasasangkutan ng mga iresponsableng drayber, panahon na para mas higpitan ang mga batas na ipinatutupad sa lansangan.

 

Mula sa pagbibigay ng lisensiya, pagre-renew, hanggang sa pagpapataw ng parusa sa mga pasaway, kung puwedeng itodo na ang paghihigpit ay gawin na.

 

Tandaan, ang kapirasong papel na ipinagkatiwala sa atin ay lisensiya para makapamuhay nang mas komportable at madali ang mga bagay-bagay at hindi para mapadali ang sariling buhay o ang buhay ng sinuman.

Hepe ng pulisya, kulong sa pakikipagsiping sa 2 babaeng preso

Posted on: March 7th, 2020 by @peoplesbalita No Comments

KULONG ang sinapit ng isang hepe sa lalawigan ng Cebu dahil sa pakikipagsiping at pagpapatulog nito sa dalawang inmate sa kanyang kuwarto.

 

Inaresto ang hepe ng Argao Municipal Police Station na si Police Chief Insp. Ildefonso Viñalon Miranda Jr. matapos ireklamo umano ito na nagpapasok ng babaeng preso sa kanyang opisina.

 

Natuklasan sa cellphone ni Miranda ang ilang mga larawan kung saan makikita na katabi niya ang mga babaeng preso habang nakahiga.

 

Nakita rin sa isang larawan na suot ng isang babaeng preso ang uniporme ng hepe.

14 years na overstaying na Indian national, inaresto ng BI

Posted on: March 7th, 2020 by @peoplesbalita No Comments

INARESTO ng Bureau of Immigration (BI) ang isang overstaying na Indian national na gumagawa ng illegal na trabaho sa Kidapawan City.

 

Kinilala ni BI Commissioner Jaime Morente ang Indian national na si Kevin D’Souza na inaresto matapos na walang naipakitang pasaporte habang iniimbestigahan ng Philippine National Police (PNP).

 

“During interview, he told the PNP that he is in the process of acquiring his passport. However, upon verification in our system, we discovered that D’Souza has not been renewing his visa,” pagbubunyag ni Morente
Ang Indian national ay inaresto sa isang hotel ng mga opeatiba ng BI sa Kidapawan City dakong alas-5:00 ng madaling araw.

 

Nabatid na tanging isang ID bilang Operations Assistant sa isang real estate developer, at isang expired na kopya ng Indian passport noong pang 2012 ang tangi nitong naipapakita.

 

Dagdag pa ni Morente na si D’Souza ay andito na sa bansa noon pang 2005 kung saan overstaying na ito ng 14 year and 8 months.

 

“He has violated the conditions of his stay by overstaying, being undocumented, and engaging in gainful occupation without a proper visa,” ayon kay Morente..

 

Si D’Souza ay kasalukuyang nakakulong sa Davao District Holding Facility.