TINATAYA na ang 100 sultada sa taunang Jerald’s Cup 4-Cock Derby sa Biyernes, Marso 6 na maghuhudyat sa tag-init ng mga sabong sa Pasay City Cockpit.

Ang beteranong sabungerong si Jerald Picazo ang punong abala para rito kung saan 40-50 katao ang kanyang mga inimbitahan sa derbing mga aayudahan ng Sagupaan Superfeeds at Complexor 3000.

Ilan sa mga gamefowl breeder ay magbubuhat sa Cavite, Laguna, Batangas, Rizal, Quezon, Bulacan at ilang piling mga kasapi ng National Cockers Alliance (NCA).

Samantala, nagkampeon sa nakalipas na Biyernes sa 2020 LGBA Cocker of the Year series first leg sina Jeffrey at Aylwyn Sy ng Jam SB Sagupaan Winning Line sa likod ng 6.5 puntos.

Nakaanim na puntos naman sina Mayor Rommel Romano ng RVR GF, Nelson Uy/Dong Chung ng HMG, Atty. Jun Caparroso ng Jungle Wild at dalawang tinale nina Jimmy Junsay/Dennis Reyes/Ed Ladores.

Pinahayag kamakalawa ni Luzon Gamecock Breeders Association (LGBA) president Nick Crisostomo, na bibitawan ang second leg 7-bullstag derby sa Marso 9, 16 at 23.

Makababatid ng iba pang mga detalye kina Erica at Ace sa 0945-4917-474, 0939-4724-206, 8843-1746 at 8816-6750. (REC)

PATULOY na itataguyod ng Equestrian Philippines ang sport kahit na may ibang sports association na kinikilala ang Philippine Olympic Committee (POC).

Sa katunayan ay kumakayod ang EquestrianPH upang makadiskubre pa rin at makapagkaloob ng tamang pag-eensayo para sa mga international champions gaya na nina Marie Antointte ‘Toni’ Leviste, Joker Arroyo at Colin Syquia.

Ayon kahapaon ni EP president Carissa Coscolluela, maraming batang Pinoy na rider ang may potensyal at maaaring maging matagumpay pagdating ng tamang panahon.

“We established EquestrianPH in 2018 because we want to continue the initiatives we started so that the sport can continue to grow,” aniya. “Marami na rin kaming initiatives na ginagawa for the sport. Two years ago, Toni, Joker and I then decided to formalize our effort and put it under one umbrella which you all know now as EquestrianPH.”
Inamin rin ng opisyal na maraming beses na silang nakaranas ng pagkakaagrabyado pagdating sa pamunuan.
“For many years there was a conflict. Matagal pinag-awayan. But we realized there’s no point in fighting with them. It’s not gong to resolve anything. The reason we want to be part of the leadership of the NSA was to help make a difference. Now we’ll do it without being part of the NSA,” paliwanag ni Coscolluela.

Hirit pa niya, “that’s why we put this group together. Kalimutan na natin kung ano ang ginagawa nila at hindi nila ginagawa. That’s not our problem. We want to give the (equestrian) community what the community deserves to have in terms of development program and competition.”

Para kina Coscolluela at Arroyo, ang pag-oorganisa ng mga event ang nagsisilbing panghikayat nila sa mga batang rider.

“Right now, we only have only a handful of riders who can qualify to the regional championships,like the Asian Games and the SEA Games. Soon, mag-re-retire mga iyan. So there’s a need to develop feed riders in the training pool,” dugtong pa pa niya.

Gumagaling ang karamihan namang mga sumali sa event ng EP.

“It’s the first time in the country in over a decade that we have a full-blown championship series wherein we invited riders from all over the country and they were able to compete in a series of competitions where they can get points towards championship titles. That’s really how you breed champions by encouraging them to start early and train early,” panapos naman ni Arroyo. (REC)

NADUDUROG ngayon ang puso ng biyuda ni NBA legend Kobe Bryant na si Vanessa matapos malaman ang report na may mga deputy na nagpapakalat ng mga larawan sa pinangyarihan ng helicopter crash kung saan nasawi ang kanyang mister at 13-year old nilang anak na si Gianna, at pitong iba pa.

Pahayag ito ng abugado ni Vanessa Bryant na si Gary Robb makaraang lumutang ang mga report na ibinahagi ng mga deputies mula sa Los Angeles County sheriff at fire departments ang mga litrato ng aksidente kung saan makikita ang mga katawan ng biktima.

Ayon kay Robb, personal na nagtungo sa tanggapan ng sheriff si Vanessa noong mismong araw ng trahedya para ideklarang no-fly zone ang pinagbagsakan ng helicoper, at hiniling na maprotektahan ito mula sa mga photographer upang mapangalagaan daw ang dignidad ng lahat ng mga biktima at ng kanilang mga naulilang pamilya.

Nilarawan pa ni Robb na ang pagbabahagi ng larawan ay karumal-dumal na paglabag sa human decency, respect, at privacy rights ng biktima at pamilya nito.

“First responders should be trustworthy. It is inexcusable and deplorable that some deputies from the Lost Hills Sheriff’s substation, other surrounding substations and LAFD would allegedly breach their duty. This is an unspeakable violation of human decency, respect, and of the privacy rights of the victims and their families,” pahayag ni Robb. “We are demanding that those responsible for these alleged actions face the harshest possible discipline, and that their identities be brought to light, to ensure that the photos are not further disseminated. We are requesting an Internal Affairs investigation of these alleged incidents.”

Sa naunang pahayag, sinabi ng sheriff’s department na kasalukuyan nilang iniimbestigahan ang pangyayari.

Bukod ito, inutos din umano sa kanilang mga deputy na burahin lahat ng larawan sa crash scene matapos magreklamo ang isang residente sa Norwalk, Califonnia na isang deputy ang nagpapakita nito sa isang bar.

“The Sheriff is deeply disturbed at the thought deputies could allegedly engage in such an insensitive act,” saad nito. (AP/ CNN)