Naaantala ang P102 billion na proposal ng consortium ng pitong conglomerates upang sumailalim sa rehabilitation ang Ninoy Aquino International Airport (NAIA) dahil kailangan munang bigyan pansin ang mga issues na nauukol dito.
Sa isang panayam kay Department of Transportation (DOTr) Secretary Arthur Tugade, kanyang sinabi na may dalawang issues ang hindi pa nareresolba ng consortium kahit na sila ay nag-submit na ng revised concession agreement.

“These include the fate of employees of the Manila International Airport Authority (MIAA) and the “people mover” system to link the passenger terminals. But based on the review of MIAA, it was stated that their commitment is only 180 days. That is not part of what we talked about because they won’t lose their jobs as long as you want to be absorbed,” wika ni DOTr undersecretary Ruben Reinoso.

Nagpayahag naman ng reservations si Reinoso tungkol sa plano ng consortium na maglagay ng bus rapid system dahil inaalala nila ang safety at security concerns sa Tarmac.

Kaya kailangan magbigay ng clarifications sa pamahalaan ang consortium tungkol sa mga issues lalo na sa primary grantor na MIAA.

“I want all the remaining issues resolved before the end of next month in order for the Swiss challenge process to finally start,” wika naman ni Tugade.

Kung kaya’t sinabi ni Reinoso na si presidential adviser for flagship programs and projects Vince Dizon na siyang leading government’s negotiator, ay magpapatawag ng pagpupulong sa mga darating na linggo upang maresolba ang issues. Sa issue naman ng real property tax (RPT), sinabi ni Reinoso na ang consortium ay pumayag na ang halaga nito ay hindi ibabawas mula sa bayad para sa pamahalaan.

Ayon naman kay Metro Pacific Investments Corp. (MPIC) president at chief executive officer Jose Ma. Lim, ang RPT ay magkakaroon ng malaking impact sa inaasahang returns ng investments ng consortium para sa malawakang rehabilitation ng NAIA.

Samantala, kapag nagkasundo na sa mga terms at conditions para sa rehabilitation project, ang MIAA ay magsu-submit ng resulta ng negotiations sa National Economic Development Authority (NEDA) board at ang negotiated draft concession agreement namansa Office of the Solicitor General at Department of Finance para sa kanilang comments na gagawin sa loob ng 10 araw mula sa receipt ng draft concession agreement.

Noong nakaraang Nobyembre pa nakakuha ng NEDA board approval ang consortium na pinamumunuan ni President Rodrigo R. Duterte. (LASACMAR)

MAY isang nanay ang nagpadala ng hinaing sa Lawyers for Commuters Safety and Protection (LCSP) tungkol sa mga bastos daw na rap song na madalas nang pinapatugtog ng mga jeepney drivers habang bumabiyahe.

Ang sumbong sa akin, malalaswa at bastos ang mga kanta na noon lang niya narinig nang sumakay siya ng jeep.
Gaya raw halimbawa ng mga rap song na may lyrics na “huwag ka paiy*# girl … huwag ka pai?0t”…meron pa ‘yung isang kanta na ang sabi … “mas gusto mo ba na dinidi&*an ka…kasi gusto mo na binx@bayo kita.”

May mga sticker din daw na puro pambabastos sa mga kababaihan at walang respeto at paggalang ang mga mensahe.
Nababastos po ang ilang mga babaeng pasahero lalo na ang nanay na nagsusumbong kasi madalas kasama nya ang anak na babae na 11-taong gulang pa lang. Meron din na mga tricycle na may mga stickers ng gagamba na ang sabi – “Miss pasapot naman”.

Sana raw ay hindi nabibigyan ng prangkisa ang mga public transportation na ganyan. Dapat ipagbawal ang mga malalaswang tugtog sa jeep at mga malalaswang mga sticker lalo at hindi naman mapipigil o mapipili ang mga sumasakay sa jeep at tricycle.

Ayon sa sumbong, madalas magpatugtog ng mga bastos ang mga jeep na ito lalo kapag may mga high school students na mga babaeng pasahero.

Minsan pa nga raw ay yung nga bastos na salita ay nakasulat pa sa mga tshirts ng drivers. Nakikiusap ang nanay na nagsumbong, na sana ma-regulate ang mga ganitong bastos na mga drivers lalo na yung ang mga ruta ay kung saan maraming mga menor-de-edad ang sumasakay. Sana ay makarating sa mga kinauukulan ang mungkahi ng nanay na nagsumbong. (Atty. Ariel Enrile-Inton)

Patuloy ang pagtaas ng bilang ng nagpopositibo sa Coronavirus Disease 2019 (COVID-19) sa bansa bawat araw na lumilipas. Kaya may humihirit na rin na pansamantalang magpatupad ng lockdown sa buong Metro Manila kung saan naitala ang karamihan sa mga nagpositibo.

Nangangahulugan ito na isasara muna ang mga paliparan para sa domestic flights, South Luzon Expressway (SLEX), North Luzon Expressway (NLEX) at mga railway para hindi na kumalat pa sa ibang probinsiya ang COVID-19.

Pahihintulutan naman ang pagbiyahe ng mga pagkain at gamot. Bagama’t, tinatayang nasa P100 bilyon ang posibleng mawala sa ekonomiya ng bansa, aabot naman daw sa P218.5 bilyon ang mawawala ‘pag kumalat pa ang COVID-19.
Sa ganitong usapin, sino ba ang ayaw mapigilan ang paglaganap ng virus? Pero, ang pakiusap din natin sa gobyerno ay masiguro na ‘ika nga, tuloy pa rin ang buhay, may pagkakataon pa rin para masuportahan ang ating pang-araw-araw na pangangailangan.

Samantala, umaapela naman tayo sa Department of Health (DOH) na maging aktibo at malinaw sa pag-uulat ng kumpirmadong COVID-19 cases sa bansa. Ito ay upang maiwasan ang pagkataranta ng publiko tulad ng mga nauna nating pakiusap. Makatutulong kung isang tao o ahensiya na lang ang panggagalingan ng impormasyon.

Higit sa lahat, maging transparent sana ang gobyerno sa tunay na sitwasyon. Kung may kailangan o kakulangan, sabihin agad upang magawan ng paraan.

Ang COVID-19 ay hindi lang problema ng DOH o ng administrasyon, ito ay hinaharap nating lahat pati na ng buong mundo. Ang dasal, pagkakaisa at pagtutulungan ang pinakamabisang panlaban.