2020 October Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for October, 2020

‘NBA nalugi ng $8.3-B dahil sa COVID pandemic’

Posted on: October 30th, 2020 by @peoplesbalita No Comments

UMAABOT umano sa 10 porsyento o katumbas ng $8.3 billion ang ikinalugi ng NBA para sa 2019-2020 season dahil sa epekto ng coronavirus pandemic.

Sa naturang halaga kabilang umano sa dahilan nang pagsadsad sa kita ng NBA ay mula sa gate receipts na umaabot ng $800 million bunsod nang kawalan ng mga fans sa mga laro.

Gayundin nasa $400 million ang nawala sa mga sponsorships at merchandise.

Lumutang din ang malaking pagkalugi ng NBA na umaabot sa $200 million nang i-ban ng China ang panonood ng laro sa kanilang mga telebisyon matapos na suportahan ng dating general manager ng Houston Rocket na si Daryl Morey ang Hong Kong freedom.

Samantala sa katatapos lamang na NBA bubble sa Orlando, Florida, sinasabing kahit papaano raw ay medyo nakabawi ang liga nang kumita na umaabot sa $1.5 billion sa revenue.

Kung hindi aniya natuloy ang NBA bubble ito rin ang dagdag na matinding kalugian na malaki ang epekto sa operasyon ng mga teams at sweldo ng mga players. (REC)

5 Govt. Agency prioridad na iimbestigahan

Posted on: October 30th, 2020 by @peoplesbalita No Comments

LIMANG government agency na talamak sa katiwalian ang binigyan priyoridad na iimbestigahan ni Justice Secretary Menardo Guevarra.

Ayon kay Guevarra ,kabilang na ang Philippine Health Insur- ance Corp.(PhilHealth), Bureau of Customs , Bureau of Internal Revenue, Land Registration Authority, at ang Department of Public Works and Highways.

Sinabi ni Guevarra na una na siyang bumuo ng task force para imbestigahan ang korupsiyon sa PhilHealth at hindi pa tapos ang imbestigasyon.

”I think within the term ng President may ipapakita tayong resulta sa taumbayan ,” ayon kay Guevarra.

Sinabi ni Guevarra na naniniwala siya na hindi matatapos ang imbestigasyon kahit matapos pa ang termino ni Panguling Rodrigo Duterte pero tiniyak niya na mababawasan o mapipigilan ang korupsiyon.

Sinabi rin ni Guevarra na walang palalampasin ang imbestigasyon kahit pa miyembro ng Kongreso o executive agency.

”Sama-sama ‘yan because it’s a criminal act, the corrupt act na tinitingnan natin. Kung may ebidensiya ng kanilang involvement, direct o indirect, ay kasama sila,” ani Guevarra.

”I don’t think simply because he has expressed trust in a certain person eh babalewalain niya kung ang ebidensiya na nagpapakita ng involvement ay glaring ,” dagdag pa ni Guevarra.

Nalaman na magsasagawa rin nh lifestyle check ang DOJ at gagamiin ang mga Statement of Assets, Liabilities and Net worth sa imbestigasyon. (Gene Adsuara)

Ads October 30, 2020

Posted on: October 30th, 2020 by @peoplesbalita No Comments

XIAN LIM’S ‘MALA: IBONG ADARNA’ TO STREAM AT THE CCP-OFFICE OF THE PRESIDENT FACEBOOK PAGE

Posted on: October 30th, 2020 by @peoplesbalita No Comments

THE famed Filipino literary classic ‘Ibong Adarna’ will be showcased in a puppetry film series slated on October 31, 2020 at 5:45pm on the Cultural Center of the Philippines – Office of the President Facebook page.

Using muppets, visual effects and live action, Ibong Adarna is one of the puppet series for children under the Movies Adapted from Literary Arts (MALA), which is part of Sining Sigla, a program of the CCP President Arsenio “Nick” Lizaso.

Puppetry has taken a new role of inculcating essential values and arts appreciation to young children as it joins forces with selected Filipino stories in Sining Sigla’s new series for children, MALA (Movies Adapted from Literary Arts), which breaks the mold of children’s shows as it creates adaptations of Filipino classics using new technology.

MALA is directed by popular film and TV actor Xian Lim and is written by premiere ventriloquist Ony Carcamo. MALA is produced by CCP President Arsenio J. Lizaso.

“Sining Sigla” is the CCP Office of the President Outreach Program’s pivot to the digital platform that further highlights its indefatigable mission of reaching out to its public despite the current ban on communal activities due to the pandemic. During this pandemic, music and the arts have proven to be the most resilient and continued to bring not just entertainment and diversion but hope to everyone around the world.

‘Ibong Adarna’ is one of the events to take place before the ArtsXpress: CCP’s Children’s Biennale” slated on the same date. The Biennale is a series of events that aims to encourage and develop creativity and artistic expression in children, create new works/activities to focus on children’s appreciation and value for the arts, and engage the participation of the guardians and parents in sustaining the appreciation for the arts.

The Biennale opens on October 31, and other Biennale events take place on November 1, 6, 8, 13, 14, 15, 20, 21, 22, 27, 28, 29 and December 5. (ROHN ROMULO)

Roach hanga kay Marcial; gold sa Olympics, makukuha

Posted on: October 30th, 2020 by @peoplesbalita No Comments

KUMPIYANSA si Hall of Fame trainer Freddie Roach na masusungkit ni Pinoy boxer Eumir Marcial ang inaasam nitong gintong medalya sa Olympics.

Kasalukuyang nasa Los Angeles si Marcial upang hasain ang kanyang boxing talent sa ilalim ni Roach para sa paparating nitong professional debut fight at sa pagsabak nito sa 2021 Olympics.

“Eumir hits really hard. He’s a very slick southpaw,” ani Roach.

“He’s a pleasure to train. He has a good work ethic, he works his tail off and he soaks in everything he is taught.”

Matatandaang naibulsa ni Marcial ang silver medal sa 2019 AIBA world boxing championship at naging three-time gold medalist sa Southeast Asian Games.

Kamakailan ay sumakabilang buhay ang kapatid ni Marcial pero mas pinili nitong manatili sa US upang ipagpatuloy ang kanyang training na tinawag ni Roach na isang dedikasyon ng isang Pinoy sa larangan ng boksing.

“Just a few days into camp, his brother passed away and he decided to stay in camp instead of going back to the Philippines for the funeral,” ani Roach.

“I know he was hurting inside but that showed me his dedication to being the best. He wants to bring back Olympic gold and a world title belt back to the Philippines. He loves his country so much. He’s a gem,” dagdag pa ni Roach.

Malakanyang, naniniwala na hindi na sisirit pa ang kaso ng Covid -19

Posted on: October 30th, 2020 by @peoplesbalita No Comments

NANINIWALA ang Malakanyang na posibleng hindi na sumirit pa ang kaso ng COVID-19 habang ang bansa ay kumikilos para pagaanin restrictions sa public transportation.

Ang katwiran ni Presidential spokesperson Harry Roque, batid naman na ng mga Filipino kung ano ang gagawin sa panahon ng pandemiya.

Ang pahayag na ito ni Sec. Roque ay tugon sa naging babala ng University of the Philippines (UP) OCTA Research Group hinggil sa pagpapagaan ng restrictions sa public transportation.

Sinabi kasi ng UP OCTA Research group na magbubunsod ito ng pagtaas ng bagong kaso ng COVID-19 sa National Capital Region (NCR) sa susunod na dalawang linggo.

Ani Sec. Roque, hindi sinasang- ayunan ng Malakanyang ang UP OCTA Research Group, dahil alam na ng mga mamamayang Filipino na kailangan nilang sundin ang payo ni Pangulong Duterte na magsuot ng face mask , maghugas ng kamay at sanayin ang physical distancing upang sila’y makapunta sa kanilang trabaho.

“We disagree with the research group. Tingin ko po gagawin ng Pilipino ang lahat ng dapat gawin dahil importante sa kanila na makapaghanapbuhay na muli,” ayon kay Sec. Roque.

Aniya, ang mga respetadong doktor at mga dating Kalihim ng Department of Health (DoH) gaya nina Esperanza Cabral at Manuel Dayrit ay nagpahayag na ang pagbabawas ng physical distancing measures sa loob ng public transportation ay posibleng hindi maging dahilan ng pagtaas ng bilang ng COVID-19 cases.

“Itong mga doctor pong ito ay respetado. Hindi ko po alam kung sino iyong doctor ng OCTA Group. Ang sabi po nila, hindi naman dapat tumaas maski bawasan ang spacing sa public transportation basta susunod po sa seven commandments,” ayon kay Sec. Roque.

“Ito naman po ay base rin sa siyensiya na diniscuss po sa IATF ni Dr. Dayrit, and I’m sorry, I believe them po,” anito.

Ang seven commandments sa public transportation ayon kay Sec. Roque ay

1. Pagsusuot ng face masks

2. Pagsusuot nh face shields

3. Bawal mag-usap at kumain

4. May sapat na ventilation

5. Madalas at tamang disinfection

6. Bawal ang asymptomatic passengers

7. Pinapayagan ang pasahero ng one seat apart

Samantala, ang pamahalaan ay kumikilos para sa muling pagbubukas ng ekonomiya bilang bahagi ng third phase ng National Action Plan on COVID-19.

At sa pagpayag ng mas maraming pasahero o mananakay para makapasok sa kanilang trabaho ay pinayagan ng Inter- agency Task Force (IATF) for the Management of Emerging Infectious Diseases ang exten- sion ng pilot study sa motorcycle taxis. (Daris Jose)

RFID DRIVE THRU, GAGAWIN SA MAYNILA

Posted on: October 30th, 2020 by @peoplesbalita No Comments

DALAWANG araw na RFID drive-thru installation ang isasagawa sa Lungsod ng Maynila.

SA kanyang Facebook live, sinabi ni Manila Mayor Francisco “Isko Moreno” Domagoso na idaraos ito simula Oct.31 hanggang Nob.1 na gaganapin sa Kartilya ng Katipunan.

Magsisimula ito mula alas- 9:00 ng umaga hanggang alas-6:00 ng gabi sa nasabing petsa.

Gayunman, nilinaw ng alkalde na mga Class 1 na sasakyan lamang ang papayagang pumila sa drive- thru gaya ng passenger van, kotse at SUVs.

Naisakatuparan aniya ito sa pamamagitan na rin ng pakikipag- ugnayan ng pamahalaaang lungsod sa NLEX, CALAX, CAVITEX, SLEX at sa tulong na rin ng Department of Transportation dahil na rin sa mga kahilingan ng maraming mga motorista na dumadaan sa nasabing mga toolgate.

Ayon pa sa alkalde, wala nang iba pang kailangan na dokumento kundi magdala lamang ng 200 daang piso para sa initial load ng RFID. (Gene Adsuara)

Restored version ng ‘Anak Dalita’, mapapanood sa libreng video-on-demand

Posted on: October 30th, 2020 by @peoplesbalita No Comments

BILANG pagtugon sa hiling na habaan ang ika-4 na Pista ng Pelikulang Pilipino (PPP), at dahil sa pagdagdag sa lineup na mayroong 170 na pelikula, at para mapaunlakan ang final fine-tuning ng ibang pelikula sa PPP Premium Selection section, extended na ang festival ng Film Development Council of the Philippines (FDCP) mula sa 16 na araw hangang 44 na araw.

Ang PPP4 ay magaganap mula Oktubre 31 hanggang Disyembre 13.

Mas maraming mapapanood ang subscribers dahil may idadagdag na pelikula sa peak hours at weekends, at matututo rin sila tungkol sa filmmaking at Pelikulang Pilipino mula sa industry experts sa pamamagitan ng events gaya ng talkback sessions, panel sessions, at masterclasses.

Ang online PPP ngayong taon ay magkakaroon ng mixed for- mat sa FDCP Channel platform (fdcpchannel.ph). Ang libreng video-on-demand (VOD) streaming ay para sa 80 na short films at para sa isang full- length feature: ang restored ver- sion ng “Anak Dalita” (1956) ni National Artist for Theater and Film Lamberto V. Avellana.

Ang libreng screening ng “Anak Dalita” ay mapapanood sa Sandaan section sa buong PPP4 duration at bilang parte ng Sagip Pelikula Advocacy Campaign ng ABS-CBN na may pakikipagtulungan sa LVN Pictures, Inc.

Ang libreng VOD streaming ay available mula Oktubre 31 hanggang Disyembre 13.

Samantala, ang iba pang full- length features ay magkakaroon ng scheduled livestream screenings sa apat na virtual cinemas (na pinagalanan sa Cinematheque Centres ng FDCP). Hindi lalagpas sa anim na screenings sa bawat pelikula ang napagkasunduan ng producers at FDCP para ma-minimize ang exposure sa piracy. Ang paid scheduled screenings ay mula Nobyembre 20 hanggang Disyembre 13.

“We are listening to our subscribers, producers, and the rest of our stakeholders in order to make the 4th Pista ng Pelikulang Pilipino a more inclusive solidarity event. Aside from announcing the PPP4’s extended duration, we are also push- ing forth the ‘Sama All’ spirit by offering a wide array of events to further promote Philippine Cinema, encourage more viewers to learn about the art of filmmaking, and boost the thriving PPP community,” wika ni FDCP Chairperson at CEO Liza Diño.

Mula Oktubre 31 hanggang Disyembre 31, magkakaroon ng PPP Short Film Showcase ng Philippine shorts mula sa CineMarya Women’s Film Festival, Sine Kabataan Short Film Competition, at 21 na regional film festivals.

Tampok sa CineMarya Shorts Premiere ang 12 na finalists ng CineMarya, isang short film lab na inisyatibo ng Department of the Interior and Local Government na may pakikipagtulungan sa FDCP, Quezon City Film Development Council, at Philippine Commission on Women.

Limang short films naman ang ipalalabas mula sa Sine Kabataan ng FDCP: ang mga nagwagi sa nakaraang tatlong edisyon nito kasama ang 2019 Jury’s Choice at Audience Choice. Sa Regional Shorts, 63 na pelikula mula sa iba’t ibang regional film festivals sa buong Pilipinas ang magbibigay ng spotlight sa regional cinema.

Simula Nobyembre 20, mapapanood ng PPP subscribers ang lahat ng feature films sa sumusunod na sections: PPP Premium Selection, Romance, Youth and Family, Classics, Pang-Oscars, Genre, Bahaghari, Tribute, Documentaries, PPP Retro, at Special Feature para sa “Mula sa Kung Ano ang Noon” ni Lav Diaz na higit sa limang oras.

Magkakaroon ng scheduled livestream screenings ang feature films sa pamamagitan ng apat na PPP vir- tual cinemas na pinangalanan sa Cinematheque Centres ng FDCP sa Manila, Iloilo, Davao, at Nabunturan.

Mayroong subscriptions options ang PPP4 na para sa lahat: ang mga nais manood ng pelikula at pumunta sa events sa buong duration ng festival na may 44 na araw, ang mga gustong manood at sumali sa events pero kulang sa oras, at ang mga nais makapag-access sa libreng content.

Free Pass – Access sa PPP Short Film Showcase, Special Sandaan Screening, Full List of Films, Festival Calendar, Festival Guide, at PPP Public Events

Day Pass (PHP 99) – Access sa PPP Short Film Showcase, Special Sandaan Screening, Full List of Films, Festival Calendar, Festival Guide, PPP Public Events, Main Feature Film Showcase maliban sa Premium Selection titles, at Dalawang (2) Virtual Cinematheque Screens; valid para sa 24 na hours mula sa date of purchase at available simula Nobyembre 20

Half-Run Pass (PHP 299) – Access sa PPP Short Film Showcase, Special Sandaan Screening, Full List of Films, Festival Calendar, Festival Guide, PPP Public Events, Main Feature Film Showcase maliban sa Premium Selection titles, Dalawang (2) Virtual Cinematheque Screens; valid para sa 12 na araw mula sa date of purchase at available simula Nobyembre 20

Premium Festival Pass (PHP 599) – Access sa PPP Short Film Showcase, Special Sandaan Screen- ing, Full List of Films, Festival Calendar, Festival Guide, PPP Public Events, Main Feature Film Showcase kasama ang Premium Selection Showcase, Lahat ng Virtual Cinematheque Screens, Lahat ng Exclusive PPP Events (Q&A Sessions kasama ang Premium Showcase Cast at Director, Panel Sessions, Masterclasses/Lectures, Exclusive Access sa PPP Grand Virtual FanCon, at 15% off sa PPP Merchandise); valid para sa buong festival duration *May Early Bird Rate (PHP 450) para sa Premium Festival Pass na available hanggang Nobyembre 8.

Inanunsyo rin ng FDCP na mayroong discounts sa Premium Festival Pass at Half-Run Pass — 30% para sa mag-aaral at 20% para sa senior citizens at persons with disabilities (PWDs). Magkakaroon din ng PPP4+1 Bundle promo.

Sa pamamagitan ng extension ng PPP4 at pagdagdag ng screenings at events calendar nito, nais ng FDCP na makakuha ng suporta mula sa mas maraming manonood at stakeholders para sa film festival na magbibigay ng 100% ng gross proceeds sa producers ng mga kalahok na full-length films. (ROHN ROMULO)

4 timbog sa Valenzuela buy-bust

Posted on: October 30th, 2020 by @peoplesbalita No Comments

NASAKOTE ang apat na drug suspects, kabilang ang isang byuda matapos makuhanan ng higit sa P176K halaga ng shabu sa magkahiwalay na buy- bust operation ng pulisya sa Valenzuela City.

Ayon kay Valenzuela police chief Col. Fernando Ortega, alas- 10:45 ng gabi nang magsagawa ng buy-bust operation ang mga operatiba ng Station Drug Enforcemen Unit (SDEU) sa M. Gregorio St. Brgy. Canumay West kontra kay Eryl Bergonia, 34, at Mary Ann Evangelista, 47, byuda, kapwa ng M. Gregorio St.

Kaagad inaresto nina PSSg Gabby Migano at PCpl Dario Dehitta ang mga suspek matapos bentahan ng P500 halaga ng shabu si PCpl Randy Canton na nagpanggap na buyer.

Ani SDEU investigator PSSg Ana Liza Antonio, narekober sa mga suspek ang aabot sa 10 gramo ng shabu na nasa P68,000 ang halaga, buy-bust money, P250 bills at cellphone.

Nuana rito, natimbog din ng mga operatiba ng SDEU sa buy- bust operation sa No. 1 Kampupot St. Balangkas, dakong 5:45 ng gabi si Rolando David Jr., 39, at Gerardo Agregado Jr., 39 matapos bentahan ng P2,000 halaga ng shabu ang isang pulis na umaktong poseur-buyer.

Nasamsam sa mga suspek ang aabot sa 16 gramo ng hinihinalang shabu na nasa P108,800.00 ang halaga, buy-bust money, P1,800 bills at dalawang cellphones.

Paglabag sa Comprehensive Dangerous Drugs Act of 2002 ang kakaharaping kaso ng mga naarestong suspek. (Richard Mesa)

PDu30, hinikayat ang Kongreso na ipasa ang batas na magtatatag sa departamento na tutugon sa hinaing ng mga OFWs

Posted on: October 30th, 2020 by @peoplesbalita No Comments

MULING hinikayat ni Pangulong Rodrigo Roa Duterte ang Kongreso na ipasa ang batas na magtatatag sa departmento na tutugon sa mga hinaing ng Overseas Filipino Workers (OFWs).

Hiniling nito sa mga mambabatas na bilisan ang pagpapasa ng panukalang departmento.

Matatandaang, hiniling na ito ng Pangulo sa kanyang ika-5 State of the Nation Address noong Hulyo.

“Itong sa overseas workers, ang ano nito ang rationale, if you may, na wala masyadong focus. Kasi kalaki ng Department of Labor, isa lang ‘yan dito, isang department lang ‘yan,” ayon kay Pangulong Duterte.

“Dito gawaing isang departamento. Pati itong sa maritime, sa mga seafarers, I might consider an additional agency under this proposal. Overseas kasi eh.” dagdag na pahayag nito.

Matatandaang, buwan ng Marso nang tuluyan nang naipasa sa Mababang Kapulungan ang House Bill 5832 o An Act Creating the Department of Filipinos Overseas and Foreign Employment o DFOFE.

Sa botong 173 affirmative, 11 negative at 0 abstention, ay inaprubahan ang panukala sa 3rd at final reading sa huling araw ng sesyon ng Kongreso.

Sa ilalim ng panukala, ang kasalukuyang Philippine Overseas Employment Administration (POEA) ang magiging central body ng departamento, habang ililipat naman dito ang functions ng Commission on Filipino Overseas, Office of Migrant Workers Affairs, Philippine Labor Offices, at International Affairs Bureau.

Magiging attached agency naman ang Overseas Workers Welfare Administration o OWWA.

Kabilang naman sa magiging sakop ng kagawaran ang mga OFW na nasa abroad, OFWs na nakabalik na sa Pilipinas, pamilya ng mga OFW, at lahat ng Pilipinong nasa iba’t ibang bansa.

Kakailanganin naman ng inisyal na P5 bilyon na pondo para sa bagong departamento. Kukunin ito mula sa kasalukuyang budget ng mga ahensya, na mapapasailalim na sa bagong departamento.

Mayroon ring probisyon sa panukala kung saan matapos ang sampung taon ay sasailalim ito sa review, at maaaring magdesisyon ang Oversight Committee na i-abolish o buwagin ang kagawaran.

Isa ang DFOFE sa tatlong ahensya, na pinanawagan ng Pangulong Rodrigo Duterte sa kanyang State of the Nation Address (SONA), na mabuo kasama ang Department of Disaster Resilence at Department of Water. (Bishop Jesus “Jemba” M. Basco)