2020 November 18 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for November 18th, 2020

‘Moderna vaccine mayroon ng 94.5% effectivity’

Posted on: November 18th, 2020 by @peoplesbalita No Comments

Ipinagmalaki ngayon ng kumpanyang Moderna na mayroong 94.5% na epektibo ang kanilang bakuna laban sa COVID-19.

Base ito sa lumabas na data sa pinakahuling stage trial ng nasabing vaccine.

Ito na ang pangalawang US company na mayroong 90% effectivity na una ay ang Pfizer Inc.

Magugunitang tiniyak ni US President Donald Trump na bibigyan niya ng emergency authorization ang mga bakuna na gawa ng kanilang bansa sa buwan ng Disyembre para makagawa ng 60 million na mga bakuna.

Sa susunod na taon ay may inaasahan na mayroong mahigit 1 billion doses para sa dalawang vaccine maker para sa 330 million na residente nila. (ARA ROMERO)

3×3 Manila nasa Doha na

Posted on: November 18th, 2020 by @peoplesbalita No Comments

Dumating na sa Doha, Qatar ang 3×3 Manila squad para sa prestihiyosong FIBA 3×3 World Tour – Doha Masters na aarangkada sa Nobyembre 20 hanggang 21.

Nakaabot sa deadline sina Joshua Munzon, Alvin Pasaol, Troy Rike at Santi Santillan dahil Nobyembre 16 ang huling araw ng itinakdang petsa ng FIBA para makapasok sa bubble.

Naantala ang pag-alis ng 3×3 Manila dahil sa problema sa visa.

Anim na oras bago umalis ang tropa, saka lamang dumating ang visa kaya’t malaki ang pasasalamat ng koponan sa lahat ng tumulong sa pag-asikaso ng kanilang dokumento.

Sasailalim sa matinding health protocols ang koponan kung saan naka-quarantine ito sa hotel habang hinihintay ang resulta ng kanilang swab test.

Wala pang inilalabas na groupings ang FIBA dahil posibleng mabawasan pa ng bilang ang mga kalahok sa edisyong ito sakaling may magpositibong miyembro ng isang team.

Hahawakan ang tropa ni dating University of Santo Tomas head coach Aldin Ayo.

Pagsailalim sa state of calamity sa buong Luzon, irerekomenda – NDRRMC

Posted on: November 18th, 2020 by @peoplesbalita No Comments

Irerekomenda umano ng National Disaster Risk Reduction Management Council (NDRRMC) kay Pangulong Rodrigo Duterte na isailalim sa state of calamity ang buong rehiyon ng Luzon.

Ito ang napagkasunduan sa isinagawang pulong nitong araw ng Disaster Response Cluster sa Camp Aguinaldo dahil sa tindi ng pinsalang idinulot ng mga nagdaang bagyo gaya “Quinta, Rolly at Ulysses” sa buong Luzon.

Pinangunahan ni NDRRMC chairman at Defense Sec. Delfin Lorenzana ang nasabing pulong.

Pinagtibay din sa nasabing pagtitipon ang pagbuo ng isang Technical Working Group para sa prevention, mitigation at preparedness clusters ng NDRRMC upang silipin naman ang kasalukuyang estado ng mga dam.

Inatasan din ni Lorenzana ang Pagasa na muling balikan ang historical data nito upang mapalakas pang lalo ang kanilang paglalabas ng babala bago pa tumama sa bansa ang isang bagyo.

Magugunitang lumabas sa naging meeting nitong nakalipas na Linggo kay Pangulong Rodrigo Duterte ang tila kapabayaan daw ng mga dam managers sa Magat at Angat na siyang itinuturong may sala umano sa malawakang pagbaha sa Cagayan, Isabela, Marikina at Rodriguez sa Rizal dahil sa kawalang babala umano ng mga ito sa lokal na pamahalaan.

Pero mismong ang Pangulong Duterte ay idinepensa din ang mga nasa likod ng dam dahil hindi pwedeng pigilan ang pagpapakawala ng tubig baka lalong maging delubyo kung sasabog ito.

Ang mga opisyal ng Magat dam pati ang NIA ay nagpaliwanag na rin na bago pa man tumama ang typhoon Ulysses ay naglabas na sila ng abiso.

Samantala, irerekomenda rin naman ni Interior and Local Government Secretary Eduardo Ano na ang NDRRMC na ang magbibigay ng hudyat kung kailan magpapakawala ang mga dams lalo na sa panahon ng bagyo.

Hamilton muling napantayan ang winning record ni Schumacher

Posted on: November 18th, 2020 by @peoplesbalita No Comments

Nakapagtala ng panibagong record si Formula One champion Lewis Hamilton.

Ito ay matapos na mapantayan na niya ang pitong world titles ng F1 legend Michael Schumacher.

Nakuha nito ang panalo sa Turkish Grand Pix na ginanap sa Istanbul Park.

Madali lang nito ng nakuha ang walong puntos sa kaniyang team mate na si Valtteri Bottas.

Noong nakaraang buwan ay nahigitan ng 35-anyos na si Hamilton ang 91 Grand Prix na panalo ni Schumacher.

Pinayuhan nito ang kaniyang mga fans na huwag tumigil sa pag-abot ng pangarap.

Duterte: Pagkain, tubig ang pinaka-kailangan ngayon ng Cagayan

Posted on: November 18th, 2020 by @peoplesbalita No Comments

Pinamamadali ni Pangulong Rodrigo Duterte sa kanyang gabinete ang pamamahagi ng relief goods sa mga residente ng Cagayan Valley na sinalanta ng bagyong “Ulysses.”

Nang mag-aerial inspection si Duterte sa Tuguegarao City, na sinundan ng meeting kasama ang kanyang Cabinet officials.

“Ang problem talaga sa sunog o baha is water, clean water; potable water. Kung wala, then we will send them here even if to travel overnight; then food to sustain them (residents),” ani Duterte.

Nagpasalamat ang pangulo sa mga local government units na naging aktibo sa responde ng mga na-stranded na residente.

Nagpaabot din ng pakikiramay ang chief executive sa pamilya ng mga binawian ng buhay sa gitna ng pananalasa ni “Ulysses.”

“My solidarity and condolence go out to my fellow Filipinos in Cagayan Valley, most especially the berieved family of victims of the unprecedented flooding that occured in the area.”

“We are saddened to know that 22 persons perished while few are still missing.”

Binigyang diin ni Duterte ang kanya raw natutunan mula kay dating Pangulong Fidel V. Ramos, na dapat ding isaisip ng bawat opisyal.

“After a catastrophe, whatever (if its) fire or flood, the objective should be to return to normalcy as soon as possible.”

Tiniyak ng presidente na kumikilos ang buong administrasyon para maka-ahon mula sa dinulot na kalbaryo ng bagyong “Ulysses” ang buong Cagayan region.

“I want to personally assure our fellowmen here that government will continue its rescue operations until all families are saved, all casualties and missing are accounted for; and all affected individuals and community received their needed relieved assistance.”

Alden, ‘di nagpabaya para makatulong sa nabiktima ng Bagyong Ulysses

Posted on: November 18th, 2020 by @peoplesbalita No Comments

NAPAPANAHON ang tema ng GMA Christmas Station ID 2020 na “Isang Puso Ngayong Pasko,” kaya naman hindi kataka-taka na pinusuan ito ng mga unang nakapanood ng launch nito last Monday, November 16, sa 24 Oras sa GMA-7.

Nakakuha agad ito ng 1.6K views, 40K likes, 3.8K comments at 8.8K Shares, here and abroad.

Isang netizen ang agad nag- post ng comment niya, @Cha Rles Sing Son “Wow! Napaka- heartwarming, very inspiring, and nakaka-touch!

“Iyak nang iyak yung puso at mga mata ko, lalo na sa mga news clippings na highlights. Grabe lang mga pinagdadaanan natin ngayong 2020.

“Pero tama si Ma’am Jessica Soho, pinakasang-ayon ako na hindi mapipigilan ng pandemya ang pagdiriwng ng Pasko dahil ang pagkasilang ni Jesus Christ sa mundo ay ang ating Pag-asa! GOD is sovereign in all things and in all of us.

“Nakakapagpalakas-loob yung mga values printed sa facemasks, at pati yung mga encouragement sa mga placards!

“Merry Christmas po sa ating lahat! (with heart emojis).”

Ang 2020 GMA CSID ay tinampukan ng lahat ng GMA artists and singers, ng mga men and women ng GMA News and Public Affairs, ng GMA Kapuso Foundation, at mga OFWs sa iba’t ibang lugar sa mundo.

Watch GMA Network’s 2020 Christmas Station ID on GMA’s official facebook and YouTube accounts, or on the official website www.gmanetwork.com

*****

SA kabila ng pagiging busy ni Asia’s Multimedia Star Alden Richards sa paghahanda niya at rehearsal para sa upcoming niyang #AldenRichards The Virtual Reality Concert sa December 8, 2020, hindi nagpabaya si Alden na gumawa ng paraan para makatulong sa mga nasalanta ng bagyong Ulysses, sa iba’t ibang lugar ng Luzon.

Last Sunday evening, November 15, nag-Tweet is Alden ng, “Tulung-tulong tayo. Please join me as I stream tonight for the benefit of those affected by the recent typhoon #UlyssesPH. 100% of Stars received will be donated, plus get a chance to win (1) iPhone 11 Pro max. Thank you, see you later!”

Monday morning, November 16, pinost na ni Alden na, “we raised USD 4624 and PHP 222,559. 100% of proceeds received from last night’s stream is for the benefit of those affected by #UlyssesPH #ARgaming #UlyssesPH.”

Hindi lamang iyon ang tulong na ibibigay ni Alden. Mayroon din siyang “Concha’s #SAGIPBUHAY. Because our countrymen’s lives matter. Conchas Garden Cafe will do- nate 10% of it’s gross sales from November 16 – November 22, 2020 to the victims of the recent calamities. Our collective effort can make a big difference.

*****

CONGRATULATIONS naman sa Team Descendants of the Sun PH, dahil nagustuhan ng mga nanood ng Philippine adaptation ng K-drama sa Netflix simula noong Friday, November 13 at ayon na rin sa post ng Netflix, number 8 ang DOTS PH sa Top 10 Shows ng araw na iyon.

Ayon naman sa lead actor na si Dingdong Dantes, trending ng gabing iyon ang kanilang serye. Mapapanood sila tuwing Friday, at every Friday may new episodes na madadagdag.

Patuloy naman ang airing ng mga new episodes ng DOTS PH gabi-gabi pagkatapos ng Encantadia sa GMA-7. (NORA V. CALDERON)

NDRRMC, pinag-iingat ang mamamayan sa mapagsamantalang kumukuha ng donasyon sa mga biktima ng bagyo

Posted on: November 18th, 2020 by @peoplesbalita No Comments

Nanawagan ang National Disaster Risk Reduction and Management Council (NDRRMC) sa mga nais na magbigay ng anumang donasyon sa mga nasalanta ng bagyong Ulysses na ibigay ito sa mga mapagkakatiwalaang grupo.

Ayon sa NDRRMC, na hindi pa rin maiwasan na may mga ilang grupo ang sinasamantala ang pagkakataon.

Dapat aniya na tignan ng mga magbibigay ng donasyon ang organisasyon na mayroon ng magandang track record sa pamamahagi ng mga tulong sa mga biktima ng anumang kalamidad.

Dumating kasi sa kanilang kaalaman na mayroong mga nabiktima ng ilang grupo na nagpapanggap na kukuha ng mga tulong pinansiyal o mga pagkain.

Duque: P290-M ang kailangan para maayos ang binagyong health facilities sa Bicol

Posted on: November 18th, 2020 by @peoplesbalita No Comments

Umapela ng pondo ang Department of Health (DOH) sa pamahalaan para sa pagsasa-ayos ng kanilang mga pasilidad at ospital sa Bicol region na sinalanta ng mga nagdaang bagyo.

Ayon kay Health Sec. Francisco Duque III, aabot sa P290-million ang kakailanganing pondo para maayos ang pinsalang idinulot ng sunod-sunod na bagyo sa kanilang mga pasilidad.

Kabilang na dito ang DOH-Center for Health Development-Bicol, Retained Hospitals at Treatment and Rehabiltation Centers, LGU Hospitals, Rural Health Units at Barangay Health Stations.

“One of the priorities is to repair the damage of isolation and quarantine facilities sa probinsya ng Albay, Camarines Sur, Camarines Norte aabutin ng P11.2-million,” ani Duque sa situatioin briefing kasama si Pangulong Rodrigo Duterte nitong Linggo.

“We need the money right away kasi this is a basic service thar needs immediate attention and repair is in order.”

Nakapamahagi na raw ang ahensya ng P40-million na halaga ng logistical assistance sa anim na probinsya ng rehiyon, pati na sa Naga City. Ilan sa kanilang ipinamahagi ay mga gamot, hygiene kits, at collapsable water containers.

Naambunan din ng tulong ng nasabing pondo ang mga pasilidad tulad ng Bicol Regional Training Teaching Hospital, Bicol Medical Center, at Bicol Region General Hospital and Geriatric Medical Center.

“Marami na rin tayong nagawa for post-disaster in areas of public health and medical services, nutrition complementing DSWD, and also water and sanitation hygiene services for affected communities, and mental health and psychosocial services.”

Tiniyak ng Health secretary na may sapat din na supply ng gamot ang rehiyon para sa mga binabantayang sakit tuwing panahon ng tag-ulan tulad ng leptospirosis, at iba pang communicable diseases.

Hinimok naman ni Pangulong Duterte ang mga ahensya ng pamahalaan na bilisan ang proseso ng paglalabas ng mga kailangang pondo sa pagbangon ng mga sinalanta ng mga nagdaang bagyo.

“Ang problema lang historically is that government moves slowly, especially the national government… So itong pangyayari, kung mabilisan ninyo, cut the time to something like half or more than.”

PSC tutulungan ang mga national athletes, coaches

Posted on: November 18th, 2020 by @peoplesbalita No Comments

Hindi pababayaan ng Philippine Sports Commission (PSC) ang mga national athletes at coaches na naapektuhan ng pagragasa ng bagyong ‘Ulysses’.

Ayon kay PSC National Training Director Mark Velasco, nakikipag-usap na sila sa mga National Sports Associations (NSAs) kaugnay sa katayuan ng kani-kanilang mga atleta at coaches.

“We are coordinating with the different NSAs to account their athletes or coaches who might be affected,” wika ni Velasco. “PSC will surely extend what it can to these affected athletes or coaches.”

Kabilang ang mga national athletes at coaches ng canoe/kayak at dragonbat at rowing sa mga naapektuhan ng pananalasa ng bagyong ‘Ulysses’ sa Cagayan, Isabela, Marikina, Pasig, Bicol at Rizal.

Nagsasanay ang canoe/kayak team sa Taytay, Rizal habang nag-eensayo naman ang mga national rowers sa La Mesa Dam.

Binaha ang quarters ng 33 miyembro ng national canoe/kayak team pati na ang anim nilang coaches, samantalang hindi naman nakapag-ensayo ang rowing squad dahil sa pagbaha sa La Mesa Dam.

Sa paglaganap ng coronavirus disease (COVID-19) pandemic noong Marso ay pinauwi ni PSC chairman William ‘Butch’ Ramirez ang mga national athletes at coaches na nakatira sa Rizal Memorial Sports Complex sa Vito Cruz, Manila at Philsports Complex sa Pasig City sa kanilang mga probinsya.

Hindi pa sila nakakabalik sa RMSC at Philsports dahil ipinagbabawal pa ng Inter-Agency Task Force (IATF) pagbabalik-ensayo ng mga atleta.

Mga pasilidad ng PSC nananatiling sarado

Posted on: November 18th, 2020 by @peoplesbalita No Comments

Mananatiling sarado ang mga sports facilities ng Philippine Sports Commission (PSC) habang wala pang nakukuhang ‘green light’ mula sa Inter-Agency Task Force (IATF).

“All PSC sports facilities in RMSC and Philsports Complex remain closed until further notice,” pahayag ng sports agency kamakalawa.

Ilang linggo matapos pumutok ang coronavirus disease (COVID-19) noong Marso ay kaagad ipinag-utos ni PSC chairman William ‘Butch’ Ramirez ang pagpapasara sa kanilang mga pasilidad.

Ang mga ito ay ang Rizal Memorial Sports Complex sa Vito Cruz, Manila at ang Philsports Complex (dating Ultra) sa Pasig City.

Kasabay nito ay ang pagpapauwi ng sports agency sa lahat ng national athletes at coaches na pansamantalang naninirahan sa nasabing mga pasilidad.

Sa pagsagupa ng gobyerno sa COVID-19 pandemic, ginamit ang RMSC at Philsports Complex bilang mga quarantine facilities ng mga nagpositibo sa virus.

Bukod sa pagkakasara ng kanilang mga sports facilities ay natengga rin ang mga sports programs ng PSC sa taong ito.