2020 November Archive - People's Balita

July 5, 2024
Search in People's Balita
Ang Diyaryong Pinagkakatiwalaan

Archive for November, 2020

LTFRB namimigay ng driver subsidy

Posted on: November 12th, 2020 by @peoplesbalita No Comments

SINIMULAN ng Land Transportation Franchising and Regulatory Board (LTFRB) ang pamimigay ng bagong subsidy program na tulong para sa humigit kumulang na 60,000 na public utility vehicle (PUV) drivers na naapektuhan ng COVID-19 pandemic

Ang programang ito ay magbibigay muna ng subsidies sa may 60,000 na drivers sa Metro Manila, Metro Cebu at Metro Davao.

“The program is being undertaken in light of the Bayanihan to Recover As One Act to ensure safe, efficient and financially viable operations of public transportation under these unusual circumstances,” wika ni LTFRB executive director Renwick Rutaquio.

Mayroong P5 billion ang inilaan ng pamahalaan para sa nasabing programa na ibibigay sa transport sector na siyang mas naapektuhan ng nagpatupad ng lockdown ang pamahalaan noong nakaraang March dahil sa COVID-19.

Marami sa mga PUV drivers ay nawalan ng trabaho kung kaya’t napilitang magpalimos na lamang sa mga kalsada matapos na magkaron ng shut down ang lahat ng public transport sa loob na ilang buwan.

Sinimulan na ang pamimigay noong nakarang weekend sa rutang Tandang Sora, Novaliches, at EDSA at officially ng itutuloy ang pamimigay ngayon linggo sa mga PUV drivers.

Ang subsidy ay ibabase sa kilometrong natahak kada sasakyan depende sa klase ng sasakyan at iba pang compliance sa mga napagusapang performance indicators.

Kahit na may ganitong programa, regular fare pa rin ang ibabayad ng mga pasahero upang masiguro ang steady revenue ng drivers at operators.

“Compliance with indicators in the service plan will be through a third-party systems manager and incentives and penalties will be given to drivers based on merit and demerit points under the program,” ayon sa LTFRB.

Halos 60 percent ng beneficiaries ng programa ay public utility jeepney drivers (PUJ).

Nakikita rin ng LTFRB na ang service contracting program ay siyang magiging bagong business model na parehas na makakatulong sa problema sa mobility at feasibility ng mga PUVs. (LASACMAR)

Huling quarterfinals slot hinablot ng E-Painters

Posted on: November 12th, 2020 by @peoplesbalita No Comments

KASABAY ng panalo ng Rain or Shine ay ang tuluyan nang pagkakabuo sa eight-team quarterfinal round.

Nakahugot ng inspiradong laro mula kay James Yap, pinabagsak ng Elasto Painters ang TNT Tropang Giga, 80-74, para ibulsa ang No. 8 ticket sa quarterfinals ng 2020 PBA Philippine Cup kahapon sa Angeles University Foundation Gym sa Angeles, Pampanga.

Tumapos ang two-time PBA MVP na si Yap na may 16 points tampok ang apat na three- point shots para sa 6-4 baraha ng Rain or Shine na tuluyan nang sumibak sa NLEX (4-6).

Ang kabiguan naman ng TNT Tropang Giga (7-4) ang posibleng magkait sa kanila ng silya sa Top Four, makakakuha ng ‘twice-to-beat’ incentive.

“Sabi ko we have to grab the opportunity now,” wika ni coach Caloy Garcia. “We have to be hungrier than TNT. I think what TNT did today was to practice their plays, give minutes to the other players.”

Bukod sa Road Warriors ay talsik na rin sa torneo ang Blackwater Elite (2-8), NorthPort Batang Pier (1-8) at Terrafirma Dyip (1-8).

Sa likod ng apat na triples ni Yap ay nakuha ng Elasto Paint- ers ang 43-38 abante sa halftime na kanilang pinalobo sa 67-57 kalamangan sa pagtiklop ng third quarter.

Solusyon sa korupsiyon sa Immigration, pagpasa ng bagong batas sa Immigration act

Posted on: November 12th, 2020 by @peoplesbalita No Comments

ANG pagpasa ng isang bagong batas sa Immigration ang nakikitang solusyon ni Bureau of Immigration (BI) Commissioner Jaime Morente upang matigil ang katiwalian sa ahensiya.

“I have talked to the President and raised this concern to him as well. The Philippine Immigration Act is a very old law, 80 years old to be exact. It was enacted during a time when there were no international flight yet entering and leaving the country,” ayon kay Morente. “Many of its provisions are already outdated and inappropriate already,” dagdag pa nito..

Paliwanag ni Morente na ang solusyon ng korupsiyon sa ahensiya ay nagagawa sa pamagitan ng three-tier approach.

“We have already done the first two,” ayon kay Morente. “The short-term solution is relieve all those found to have been involved in corrupt practices, hence we relieved all names implicated in the Pastillas issue, and implemented a one strike policy for anyone who tries to follow suit,” dagdga pa niya.

Noong nakaraang linggo, inanunsiyo nito ang one-strike policy na ire-relieve nito ang sinumang empleyado na may mga reklamo dito habang hindi pa siya nasasampahan ng kasong administratibo.

“The medium-term solution is reorganizing the system,” paliwanag niya.. “To add layers of checks and balances, we have transferred the supervision of the Travel Control and Intelligence Unit and the Border Control and Intelligence unit under a different division. This will serve as a sort of audit to the actions of those in the Port Operations Division, and dismantles any semblance of a central control of possible illegal activities. It adds more eyes watching and auditing the activities of airport personnel,” dagdag pa nito.

Sinabi ni Morente na sa kabila ng mga pagbabago, tanging ang pagbabago sa Philippine Immigration Act.

“The new law, which is already in Congress, will answer salary woes, remove systemic issues, plug loopholes in policies, up- date fines and penalties, ensure division of power, and confer to the Commissioner the proper disciplinary powers,” ayon pa sa kanya. (Gene Adsuara)

Psalm 66:20

Posted on: November 12th, 2020 by @peoplesbalita No Comments

Blessed be God who did not withhold his love from me.

PDu30, hindi magdadalawang-isip na sibakin ang mga suspendidong govt officials

Posted on: November 12th, 2020 by @peoplesbalita No Comments

HINDI magdadalawang-isip si Pangulong Rodrigo Roa Duterte na sibakin sa puwesto ang mga opisyal ng pamahalaan na sinuspende sa serbisyo ng Tanggapan ng Ombudsman.

Sa public address ng Chief Executive, Martes ng gabi ay binalaan nito ang mga suspended government officials na huwag nang gumawa ng panibago pang kasalanan kahit ito’y simpleng ‘neglect of duty’ dahil siguradong sibak sa puwesto.

‘Next time, I will dismiss you from the service. All of you who are suspended, the next time you have [a case] of even simple neglect of duty or whatever, if it falls as a ground for dismissal, I will have you removed,” ayon sa Pangulo.

“Do not ever think you are indispensable,” dagdag na pahayag nito.

Ipinaalala pa ng Pangulo sa mga suspendidong opisyal ng gobyerno na napakaraming Filipino na nakapagtapos ang “competent and honest” na hanggang sa kasalukuyan ay walang trabaho.

“So, all of you in government, take care of your position. Do not allow even a dent of [an] anomaly.”

I’m telling you: I’m going to be stricter now until the end of my term… There are many Filipinos who are just waiting, who are civil service eligible. There are many of them who I can replace you with.” diing pahayag ng Pangulo. (Daris Jose)

Del Monte, Roosevelt baka mayroong ibang paraan na mabigyan ng parangal si FPJ nang gwalang paglabag sa batas

Posted on: November 12th, 2020 by @peoplesbalita No Comments

SA unang public consultation ng Committee on Tourism ng Quezon City Council tungkol sa resolution na imbes na Del Monte Avenue ay Roosevelt Avenue na lang ang gawing FPJ Ave ay nagpadala ng pahayag ang National Historical Commission kay Chairperson Coun. Candy Medina na nagsasabing THE PROVISIONS OF REPUBLIC ACT NO.10066 (Na- tional Cultural Heritage Act of 2009) THAT FORBIDS THE RENAMING OF DEL MONTE AVENUE IN QUEZON CITY, ALSO AP- PLIES TO ROOSEVELT AVENUE. Dagdag pa dito na BY VIRTUE OF ITS LONG USAGE AND BEING MORE THAN 50 YEARS OLD, ROOSEVELT AVENUE IS CONSIDERED A HISTORICAL STREET NAME AS PER RA10066, AND THEREFORE IT CANNOT BE RENAMED. Nilagdaan ito ni Dr. Rene Escalante, Chairman.

Upang mabasa ang kabuuang sulat ay nakapost po ito sa LCSP dahil ito naman ay ipinamahagi noong public hearing at nasa record na ng committee. Ibig sabihin DEL MONTE MAN O ROOSEVELT AYON SA BATAS AY HINDI DAPAT PALITAN. Pero bakit may panukala pa rin na Roosevelt “na lang” ang palitan imbes n sa Del Monte.

May political commitment ba dito at kahit mismong batas ay kayang palusutan para dito? Magiging masaya kaya si FPJ na ipangalan sa kanya ang isang kalsada samantalang may pag LABAG SA BATAS? Bakit hindi tayo maghanap ng karangalan para kay DA KING na hindi mamamantsahan ang kanyang pangalan. Wala na bang ibang paraan?

May mungkahi po ako na baka po mapakinggan at makatulong sa ating mga konsehal. Sa Kongreso ay binawi na nila Cong. BH Herrera at Cong Onyx Crisologo ang pagsuporta sa Del Monte na mapalitan to FPJ matapos na inayawan ito ng mga taga Del Monte mismo.

Marahil ay pwedeng bawiin ang MISMONG BILL at hindi lang ang pagsuporta dito. Mahalaga ang pagbawi ni Cong. Crisologo dahil Distrito niya mismo ang usapin dito.

Kaya habang hindi pa naipapasa sa Senado ay bawiin na sa House of Representatatives kung maaari. Pag walang House version ay hindi maaring maging batas DEL MONTE O ROOSEVELT man ang palitan.

Pero hanggat may pasadong Bill sa House at naipasa ito sa Senado at pinalitan ang Del Monte ng Roosevelt ay maaring maihain sa Presidente at malagdaan upang maging batas. Pero teka anong silbi ng sinabi ng National Historical Commission na labag sa batas ito? Wala bang bigat ang opinion ng National Historical Commission para sa mga mambabatas natin?

Marahil ay hindi naman ganoon ang mangyayari kung may ibang paraan para mabigyang parangal si FPJ ng hindi lalabag sa batas. Ilang mungkahi ay pagpapangalan sa isang paaralan ng FPJ High School of Arts. O kaya ay isang monumento katulad sa Maynila o kalyeng wala pang pangalan na ginagawa ng DPWH sa build build build program nila. O kaya ay yung mga kalsada sa “numero” o “generic” ang mga pangalan.

Maaring konsultahin ulit ang NHCP at ang mga taga West Avenue. Dahil yun dating South Avenue ay ginawang Timog Avenue? Wala sino man ang tututol na bigyan parangal si DA KING pero dapat naayon sa batas. Dahil mismo si FPJ ay hindi papayag sa gawaing ILLEGAL.

Ngunit kung sasagasaan lang ang ano mang kalye for “political accomodation” o pangakong pulitikal, marahil ay hindi parangal kay FPJ ang nais gawin kundi pamumulitika? (Atty. Ariel Enrile-Inton)

Janine, ka-level na ni Nora sa pagiging best actress sa Gawad Urian

Posted on: November 12th, 2020 by @peoplesbalita No Comments

GABI ng mga baguhan ang 43rd Gawad Urian na ginanap noong Tuesday night.

First time winners sina Janine Gutierrez, nahirang na Best Actress para sa Babae at Baril which took the lion’s share of the awards, at si Elijah Canlas who was named Best Actor for Kalel, 15.

Unang nominasyon nina Janine at Elijah sa Urian kaya nakatutuwa ang kanilang panalo. Ka-level na ni Janine ang kanyang grandma na si Nora Aunor na unang best actress awardee ng Gawad Urian noong 1976.

Elijah joins the rank of Urian winners na agad nagwagi sa unang nominasyon nila tulad nina Daniel Fernando (best actor winner for Macho Dancer) at Nadine Lustre who was the Urian winner last year.

Tiyak na mas lalong magiging inspirado sa kanilang respective careers sina Janine at Elijah dahil sa kanilang panalo.

Congratulations!!!

*****

UNANG pagkakataon na magdidirek ng teleserye ng award-winning director na si Eduardo Roy, Jr., the filmmaker known for his movies like Pamilya Ordinaryo, Fuccbois at Lola Igna na umani ng mga nominasyon sa katatapos lang na Gawad Urian.

Nakausap naming si Direk Edong sa media launch ng Ang Daigdig Ko’y Ikaw, ang drama series na prinodyus ng Net 25, featuring Ynna Asistio at Geoff Eigenmann.

Kumusta ang paggawa ng teleserye?

“Iba ‘yung genre kasi ang first requirement ay pakiligin ang tao,” unang pahayag ni Direk Edong. “Siyempre mayroong soap element. Malinaw ang kontrabida. Malinaw ang bida.”

Inamin niya noong una ay parang di niya na-imagine na he will direct a drama series. Patayan kasi ang trabaho sa paggawa ng teleserye. Normally, inuumaga ang taping dhil maraming sequences na kailangang tapusin. Parang di raw niya kakayanin ang taping every other day tapos may pre- production pa in between.

“Pero noong pandemic, every day ang taping. Kaya naman pala. Pero siyempre dahil sa protocol, hindi pwede na hanggang madaling araw ang taping. Usually, 10 pm packed- up na kami. Ang saya rin ng pakiramdam kasi nga nakagawa kami ng drama series during the pandemic. Of course, malaki ang pasasalamat ko sa Net 25 sa tiwala nila.”

When you first read the script, what made you say na gusto mo ito idirek?

“‘Yung idea na na-lockdown sila sa isang lugar, tapos sa La Casas (one month ako roon) so parang bakasyon na rin. Tapos the story, na parang dahil na- lockdown sila, yung dalawang bida na hindi nagkakaunawaan, they need to resolve their past and ‘yun ang pinakamagandang kwento at yun ang nagpa-hook sa akin kung bakit ako napapayag din na idirek ito.”

Napili na ba ang dalawang bida na sila ang gaganap or may say ka why they were cast?

‘“Yung kay Geoff, nandoon na siya noong dumating ako. Parang naghahanap na lang ng babaeng bida. Noong sinabi nga ni Anjo (Yllana), ni-recommend ni Anjo si Ynna Asistio, noong nandoon ako sa meeting and her name was brought out, okey naman siya bilang nakatrabaho ko naman siya sa ‘Ipaglaban Mo.’ Usually naman pag network, given na ang artista. Minsan nahuhuli na lang kung sino ang magdidirek.”

Dati ang shooting mo ay sa kalye o kaya sa gubat or bukid. How you feel you have the whole of Las Cazas at your disposal?

“Sobrang ganda ng lugar. Parang times ten ng ganda ng Vigan and then dahil sa protocol na kailangan i-cordon ang buong paligid,” kwento ni Direk Edong.

“Ang idea ng Las Cazas, every Friday, Saturday and Sunday lang may mga tao. Week days okupado namin ang lugar. Nakapagdirek na rin ako sa INC ng short films. Yun ang madalas na location. So when this project was presented to me, sabi ko magandang idea kung sa Las Cazas ito gawin kasi kung sa ibang place let’s say Antipolo, baka mahirapan kami sa crowd control. So mas maganda na atin na atin lang ang location.”

Ayon pa kay Direk Edong, natapos na nila ang buong 13 episodes pero hindi pa niya napapanood except for the pilot episode. Happy naman siya sa kinalabasan ng kanilang trabaho sa Ang Daigdig Ko’y Ikaw. (RICKY CALDERON)

“UNCHARTED” REVEALS FIRST-LOOK OF TOM HOLLAND AS NATHAN DRAKE

Posted on: November 12th, 2020 by @peoplesbalita No Comments

COLUMBIA Pictures has un- veiled the first-look images its upcoming action adventure Un- charted, adapted from the massively popular PlayStation/ Naughty Dog video game franchise.

Get your first look at Tom Holland as the young Nathan Drake and other iconic images in the stills below.

In his interview with Collider.com, Holland revealed the narrative thrust of the movie adaptation. Rather than retelling one of the games’ storylines, this Uncharted will give us a Nathan Drake origin story.

“I think what Uncharted offers that most video games films don’t is that it’s an origin story to the games,” Holland says. “So if you played the games, you haven’t seen what’s going to happen in the film. And if you haven’t played the games, you’re going to enjoy the film because it’s information that everyone else is getting at the same time.”

Directed by Ruben Fleischer, Uncharted also stars Mark Wahlberg as Victor Sullivan. The screenplay is by Rafe Judkins, Joe Carnahan, Art Marcum and Matthew Hollaway. The producers are Avi Arad, Alex Gartner, Charles Roven and Ari Arad.

Only in Philippine cinemas 2021, Uncharted will be distributed by Columbia Pictures, local office of Sony Pictures Releasing International. Connect with #UnchartedMovie and tag columbiapicph (ROHN ROMULO)

Dalang shabu ng kargador, buking

Posted on: November 12th, 2020 by @peoplesbalita No Comments

REHAS na bakal ang kinasadlakan ung isang kargador matapos mabisto ang shabu makaraang masita ng mga tauhan ng Maritime Police dahil sa hindi pagsuot ng face mask sa Navotas City.

Kinilala ni Northern Maritime Police Station (MAPSTA) head P/ Maj. Rommel Sobrido ang naarestong suspek na si Roger Virgo alyas “Long hair”, 49 ng Block 34, Tumana St. Brgy. NBBS.

Sa report ni Major Sobrido kay MARPSTA Chief P/Col. Ricardo Villanueva, alas-2:30 ng hapon, nagsasagawa ng surveillance sa Pier 1, NFPC Brgy. NBBNS ang mga tauhan ng Maritime Police sa pangunguna ni PLT Erwin Garcia hinggil sa suspect na si alyas “Ariel” at “Junjun” sa pamamaril kay Dino Garcia nang mapansin nila ang si Virgo na walang suot na face mask.

Nang lapitan ng mga pulis ay mabilis na kumaripas ng takbo ang suspek kaya’t hinabol ito ng mga parak hanggang sa makorner sa Merkit 1.

Ani PSMS Bong Garo II, nang ipalabas ang laman ng bulsa ng suspek ay nadiskubre ang apat na plastic sachets ng hinihinalang shabu na tinatayang nasa P2,000 ang halaga.

Sinabi ni MARPSTA investigator Pat. Jan Israel Jairus Rhon Balaguer, mahaharap ang suspek sa kasong paglabag sa Comprehensive Dangerous Drugs Act of 2002. (Richard Mesa)

Velasco, nanumpa sa harap ni Pangulong Duterte bilang Speaker ng Kamara

Posted on: November 12th, 2020 by @peoplesbalita No Comments

NANUMPA si Speaker Lord Allan Velasco bilang pinuno ng Mababang Kapulungan ng Kongreso kay Pangulong Rodrigo Roa Duterte sa isang pribadong seremonya na idinaos sa Rizal Hall ng palasyo ng Malacanang, Lunes ng gabi.

“Lubos po ang aking kagalakan at pasasalamat sa ating Pangulo na labis ko pong hinahangaan at iginagalang. Tinatanaw ko po ito sa kanya ng isang malaking utang na loob,” ani Velasco.

Ang panunumpa ni Velasco bilang Speaker ng Kamara ay kasabay ng kanyang pagdiriwang ng ika-43 taong gulang at isang buwan matapos na siya ay mahalal ng nakararaming mambabatas ng Kongreso bilang kanilang pinuno noong ika-12 ng Oktubre.

Nagpasalamat si Velasco kay Pangulong Duterte matapos tiyakin ng punong ehekutibo na ang napagkasunduang term-sharing sa speakership na kanya mismong isinulong noong nakaraang taon ay matutupad.

Nangako naman si Velasco na ipa-prayoridad niya sa Kamara ang mga adyenda ng lehislasyon ng Pangulo. Sinabi niya na tutuparin ng Kamara ang panawagan ng punong ehekutibo na tapusin ang sistematikong katiwalian sa pamahalaan at pangangalagaan ang mga interes at kapakanan ng mga manggagawang Pilipino, magsasaka at mangingisda.

“Tinitiyak ko sa Pangulo na maasahan niya ang Kongreso sa ilalim ng aking liderato na tulungan siya na matupad ang kanyang mga ipinangako sa sambayanang Pilipino bago matapos ang kanyang termino bilang Pangulo ng bansa sa taong 2022,” ani Velasco.

Bilang ika-27 Speaker ng Kongreso, ipinangako ni Velasco na kanyang gagawin ang lahat ng kanyang makakaya upang magkaroon ng katuparan ang kanyang pangarap para sa isang “matatag, inklusibo at nagkakaisang Kamara.”

“Sama-sama at tulong-tulong kami ng ating mga mambabatas sa Kongreso na makapagsabatas ng mga panukala na napapanahon at tumutugon sa mga pangangailangan ng ating mga kababayan, at gawin ang Kamara bilang tunay na kinatawan ng sambayanang Pilipino,” aniya.

Nauna nang nanumpa sa kanyang tungkulin si Velasco sa harap ni barangay chairman Allan Franza ng Matandang Balara, Lungsod ng Quezon matapos siyang mahalal bilang Speaker sa sesyon sa labas ng Kamara, na ginanap sa Celebrity Sports Plaza noong ika-12 ng Oktubre.

Kinabukasan, pinagtibay ng mahigit na 200 mambabatas sa Kamara ang halalang naganap, sa bulwagan ng Batasang Pambansa, Lungsod ng Quezon. (Ara Romero)