2021 January 11 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for January 11th, 2021

RAVENA PURNADA ANG BL ALL-STAR GAME ‘21

Posted on: January 11th, 2021 by @peoplesbalita No Comments

BUNSOD ng pilay sa kamay, hindi na makakabahagi sa B.League All-Star Weekend 2021 si Ferdinand ‘Thirdy’ Ravena III, sa Adasutria Mito Arena sa Mito City, Ibaraki Prefecture, Japan sa darating na Enero 15-16.

Kasama ang 24-anyos, 6-2 ang taas na shooting guard sa B.White team na lalaban sa B.Black squad sa ikalawang araw ng okasyong All-Star Game, makaraan rin sana sa pagsagupa niya sa slam Dunk Competition sa unang taon niya sa liga bilang Asian import ng San- En Neophonix.

Pero nabalian siya sa ikaapat na daliri ng kanang kamay sa laro ng team niyang San-En sa liga nitong Sabado, Enero 2 kontra Sun Rockers Shibuya nang sikaping habulin ang loose-ball sa third period ng game.

Pinahayag na nitong Miyerkoles ng liga ang hahali sa Pinoy cager na si Takuya Kawamura ng SeaHorses Mikawa. Gayunman, wala nang rerelyebo sa kanya sa dakdakan sa midyear extravaganza ng professional cage league.

Inamin sa nakalipas na Martes ni Ravenan na daraan siya sa matinding gamutan at pagpapagaling sa dinanas. Pero nagpasalamat siya sa mga nagpaabot sa kanya na gumaling agad. Malamang na abutin ng isa’t kalahating buwan ang injury bago tuluyang gumaling.

“We are now in the process of getting myself back to a hundred percent as soon as we can but I do understand that it will be an arduous journey to recovery,” anang basketbolista. (REC)

Pfizer vaccines mapapaaga ang dating sa Pinas

Posted on: January 11th, 2021 by @peoplesbalita No Comments

Posibleng mapaaga ang pagde-deliver sa bansa ng bakuna kontra COVID-19 mula sa Pfizer.

Sinabi ni Jose Manuel Romualdez, Philippine Ambassador sa Estados Unidos, na nakausap na niya si Secretary Carlito Galvez at mukhang may pag-asa ang bansa na makuha agad ang bakuna, subalit hindi lang alam kung anong eksaktong buwan.

Nauna nang sinabi ni Romualdez na dahil sa na-delay ang pagproseso sa pagbili ng bakuna ng Pfizer kaya posibleng sa kalagitnaan nitong taon ma-deliver dito sa Pilipinas ang bakuna.

Subalit iginiit ngayon ng envoy na posibleng mas mapapaaga na ang pagdadala ng bakuna dito sa bansa na maaaring mga bandang Abril.

Bukod sa Pfizer ay maaari rin makakuha ng bakuna mula sa Janssen na ginawa ng Johnson & Johnson na isang shot lang.

Nauna na rin inaprubahan ng Food and Drug Administration ang Phase 3 ng clinical trial application ng bakuna ng Janssen kontra COVID-19.

Ang Pfizer-BioNTech ay subok na may 95% na epektibo sa lahat ng ginawang human trials. (ARA ROMERO)

Martes athletics coach na

Posted on: January 11th, 2021 by @peoplesbalita No Comments

HINDI na nalalayong maging full-time track and field o running coach sa hinaharap si women’s marathon queen Christabel Abenoja Martes ng Baguio City.

Napabilang ang 7th Pattaya Asian Marathon Championships 2000 sil- ver medalist sa 12 pumasa buhat sa 24 na lumahok sa makasaysayang 14 na araw na World Athletics (WA) Coaches Education Learning System (CELS) Level 1 Philippine Edition nito lang Disyembre.

Ikalawa pa lang ang full online coaching course na ito ginanap sa mundo at una sa Area Development Center sa Southeast Asia at South Asia. Puwede na ang mga passer na mag-Level 2.

Nagsilbing lecturers sina Anbarasu Subramaniam ng Sabaj Athletics Association, Maria Jeanette Obiena ng Philippine Athletics Track and Field Association (PATAFA) at dating national coach Joseph Sy sa pag-asiste ni IT Tyne Artiaga-Pantangco ng PATAFA rin.

Kabilang sa running achievement pa ni Martes, 41, tubong La Trinidad pero sa Baguio na residente, ang pagiging two-time Sutheast Asian Games champion at five-time National MILO Marathon queen.

Kausap siya ng OD nitong isang araw lang at balak niyang kumuha ng Level 2 coaching course. At inaming niyang maaring paghahanda niya ito sa coaching job.

Siya ay single parent na may isang anak at naging kontrobersya rin sa may ilang taong pagiging miyembro ng national track and field team.

Matikas sa kalsada o arangkadahan, hindi malayong maisalin din ni Martes ang bilis at galing niya sa mapapasailalim sa kanyang atleta o koponan.

Good luck kasamang marathoner.

DOTr: National standards sa paggamit ng iisang payment systems sa lahat ng transport modes inaayos

Posted on: January 11th, 2021 by @peoplesbalita No Comments

Maglalabas ang Department of Transportation (DOTr) ng nationwide standards specifications para sa fare media at transit readers para sa planong “nationwide interoperable automated fare collections systems (AFCS)” sa lahat ng transport modes.

“We are formulating and finalizing the release of the AFCS National Standards to ensure interoperability and mutual trust among multiple automatic fare collection players and systems,” ayon sa DOTr.

Ayon sa DOTr, isa sa mga plano sa AFCS National Standards ay ang paggmit ng EMVCo contactless specifications.

Sa ngayon, halos lahat ng mga Filipinos ay may bank accounts na may EMVCo cards tulad ng debit o credit cards na kanilang ginagamit sa pagbili ng mga goods na maaari din nilang gamitin sa pagbabayad kung sila ay sasakay sa mga iba’t ibang klase ng transportation modes. Ginagamit na ang ganitong paraan sa ibang bansa tulad ng Bangkok at Singapore.

Noong nakaraang October 2020, ang DOTr at Land Bank of the Philippines (LBP) ay lumagda sa isang kasunduan upang gumawa ng isang pilot production test para sa EMVCo contactless payment media.

“In an initial activity of the pilot production test is the conduct of a demonstration last Dec. 18, wherein the functions of the validator/transit readers accepting and processing fare media in three public utility vehicle routes were showcased. The use of this technology in the transit system expands the fare media the public can use,” dagdag ng DOTr.

Sinabi rin ng DOTr na ang sistemang ito ay makakasiguro na magbibigay ng isang matiwasay na option sa pagbabayad ng mga pasahero, mas maganda at komportableng sistema at upang mabawasan rin ang card-issue at management costs para sa mga transit operators.

Dagdag pa ng DOTr na ang kanilang ahensiya ay may mithiin na ipatupad talaga ang nationwide interoperable AFCS sa lahat ng transport modes.

Dahil na rin sa pandemic, ang mga ahensiya sa ilalim ng DOTr ay nagsimula na rin na magpatupad ng technology-based at data-driven innovations sa mga pag proseso ng mga dokumento upang mabawasan ang face-to-face transactions at upang makapagbigay din ng isang epektibo at magandang serbisyo sa publiko.

“These include the shift to electronic and contactless payment systems such as AFCS and RFID tags in tollways, online processing of transactions, and electronic booking and ticketing, among others,” saas ng DOTr. (LASACMAR)

Pope Francis sa kanyang New Year message: ‘We want peace’

Posted on: January 11th, 2021 by @peoplesbalita No Comments

MULING nagpakita sa publiko si Pope Francis matapos na mapilitan itong lumiban sa New Year services ng Simbahang Katolika dahil sa naranasan nitong chronic sciatic pain.

Kung maaalala, hindi nakadalo ang Santo Papa sa prayer service dahil sa sciatica, na pananakit mula sa ibabang bahagi ng likod hanggang sa ibabang parte ng katawan.

Sinasabing ito ang unang pagkakataon na hindi nakadalo si Pope Francis sa isang major papal event buhat nang mailuklok ito bilang Catholic pontiff noong 2013.

Gayunman, hindi nagpakita ng anumang senyales ng sakit ang Santo Papa sa pangunguna nito sa okasyon.

“Life today is governed by war, by enmity, by many things that are destructive. We want peace. It is a gift,” wika ni Francis.

“The painful events that marked humanity’s journey last year, especially the pandemic, taught us how much it is necessary to take an interest in the problems of others and to share their concerns,” dagdag nito.

Karaniwang ibinibigay ang noon blessing mula sa isang bintana kung saan matatanaw ang St. Peter’s Square, ngunit inilipat ito sa loob para maiwasan ang pagtitipon-tipon ng mga tao at mapigilan ang hawaan ng COVID-19.

Sumentro rin ang okasyon sa mga pahayag ng Santo Papa sa Yemen.

“I express my sorrow and concern for the further escala- tion of violence in Yemen, which is causing numerous in- nocent victims,” ani Francis. “Let us think of the children of Yemen, without education, without medicine, famished.”

Alex, na-bash nang husto dahil sa ginawang ‘tiktok pandesal’; nag-react sina Mikee at Toni

Posted on: January 11th, 2021 by @peoplesbalita No Comments

ANG daming namba–bash kay Alex Gonzaga dahil sa ‘tiktok pandesal’ niya.

Nandiyang comment ng mga netizens, “very consistent, baduy, annoying.”

“Hindi nga talaga maganda… 🙁 ako nahiya sa BF nya”

“Marami talaga siyang panget or off na ginagawa at sinasabi. Sana matuto si Alex na makinig sa feedback.”

Dagdag pa na mismong fiancee niya, hindi nagustuhan ang ginawa niyang Tiktok.

Sabi ni Mikee Morada na pinost din naman ni Alex sa kanyang IG stories. “Ano na naman yan bi. Pangit nung ginawa mo.”

Pero dinepensa pa rin ni Alex ang sarili na, “It’s funny. Bread of life pupu.”

Maging ang kapatid na si Toni Gonzaga ay hindi nagustuhan ang ginawang ito ni Alex na nagsasayaw ng kanta ni Arianna Grande, then, biglang may dinukot sa dibdib. Yun pala, may dalawang pandesal sa kanyang boobs.

Sa isang banda, kung maraming hindi nagkagusto at nairita kay Alex, marami rin naman kaming nababasa na tawang-tawa rito at ilan sa mga ito ay mga kapwa pa nga niya artista.

Ito yung obviously, sakay na sakay ang humor ni Alex.

***

MAGANDA sana kung nag-swimsuit pictorial na magkaama sina Megastar Sharon Cuneta at KC Concepcion.

Mukhang all’s well na talaga sa pagitan ng mag-ina. Bukod sa nagkasama silang buong pamilya noong Christmas eve, tila nakumpleto na ang kaligayahan ni Sharon noong kanyang birthday sa presence ng kanyang panganay na anak.

Nasa isang island si Sharon before pa her actual birthday. Habang si KC naman, nag-spend ng kanyang New Year sa Palawan.

Pero nakahabol si KC sa kaarawan ng ina at sinurpresa ito.

Sa post ni Sharon, “KC flew back to Manila from Palawan with our dear friend Tim Yap today to take another flight to the island where I and the rest of the family are! She brought me our favorite Strawberry Shortcake and Tim brought me beautiful flowers! What a sweet surprise!”

Nag-reply naman si KC sa post ni Sharon at sabi niya, “Surpriiiise, love you with all my (heart emojis) mama.”

Halos lahat naman ng followers ni Sharon ay masayang-masaya sa nakikitang magandang relasyon na ng mag-ina ngayon. Nakonek din nila na ang surprise raw na yun siguro ang binabanggit ni KC sa kanyang IG story na gagawin niya. (ROSE GARCIA)

Jesus; John 15:4

Posted on: January 11th, 2021 by @peoplesbalita No Comments

Live in me and I in you.

KC, puring-puri ng netizens sa ginawang pagsorpresa kay SHARON; lumipad mula Palawan papuntang Amanpulo

Posted on: January 11th, 2021 by @peoplesbalita No Comments

IKINATUWA ng netizens ang IG post ni Megastar Sharon Cuneta na kung saan ang sarap nang pagkakayakap niya sa anak na si KC Concepcion na sinorpresa ang kanyang kaarawan.

Post ni Mega, “KC flew back to Manila from Palawan with our dear friend Tim Yap today to take another flight to the island where I and the rest of the family are!

“She brought me our favorite Strawberry Shortcake and Tim brought me beautiful flowers! What a sweet surprise! @itskcconcepcion @officialtimyap.”

Na sinagot naman ni KC ng, “Surpriiiiiise, love you with all my (heart emojis) mama.” Na nag-effort talaga na lumipad mula Palawan pabalik Manila at papuntang Amanpulo island.

Sey naman ni Tim, “So much love, happy birthday to my dearest Achi!”

“Thank you so much again my dear, sweet Syoti of many years! Love you!,” reply ni Sharon.

Pawang magagandang comment ang binigay ng netizens na tuwang-tuwa at na-touch sa ginawa ni KC sa kanyang Mama Sharon.

“You made your mama soooo happy! The best gift is having you with her

“definitely only YOU, could give a certain kind of joy to your mama that no one else can. You made her superrr duperrrr happy! Keep it up.

“God bless your beautiful heart KC. @reallysharoncuneta you have raised an amazing woman with this one. This is a blessing seeing you two together. God bless you all and Happy Birthday, Ms. Sharon Cuneta.

“@itskcconcepcion ang sarap naman yakapin ang isang Mama, oh how I miss my Mama in Heaven.

“KC remember this you will be blessed beyond measure! Whoever honor their parents will enjoy God’s blessings in the land of the living!

“@itskcconcepcion omg! My heart melts❤❤❤ lovelovelove

“@itskcconcepcion i am so touched of what u did to your mom kace..we love you both❤️ @reallysharoncuneta

“ramdam ko ang saya mo megaaaaa and sobrang masaya din kami para sau.

“how sweet nman ,nkaka ligaya ng puso ang mkita po kayong mag ka akap n mag ina.”

“I knew it sabi ko na eh siya ung issurprise ni Ms Kc na sinasabi sa ig story!!! My heart’s so happy!!!♥♥♥” (ROHN ROMULO)

PH gov’t lumagda ng deal para sa 30-M doses

Posted on: January 11th, 2021 by @peoplesbalita No Comments

Lumagda na ng ikalawang kasunduan para sa COVID-19 vaccine supply ang pamahalaan ng Pilipinas.

Nitong Linggo, kinumpirma ng Faberco Life Sciences Inc., na pumirma ng “term sheet” ang gobyerno para sa 30-million doses ng bakunang dinevelop ng Serum Institute of India (SII).

“The Philippine government, Serum Institute of India, and Faberco Life Sciences Inc., have signed a Term Sheet on January 9, 2021 to secure the supply of 30 million doses of COVID-19 vaccine Covovax, which will be available starting third quarter of this year,” ayon sa media release.

Ang kompanyang Faberco ang ka-partner ng SII sa manufacturing ng kanilang bakuna sa Pilipinas. Katuwang ng Serum Institute sa pag-develop at commercialization ng Covovax vaccine ang US-based biotechnology company na Novavax.

“This is a significant milestone in relations between India and the Philippines. It shows that we don’t have to look far beyond Philippine shores to find friends who are willing to help each other out,” ani Kishore Hemlani, founder ng Faberco.

Ayon kay Dr. Luningning Villa, medical director ng Faberco, target ibahagi sa 15-million mahihirap at vulnerable na mga Pilipino ang bakuna na nasa kasunduan.

Tiyak naman daw na hindi mahihirapa ang bansa sa pag-iimbak ng vaccine supply dahil hindi strikto ang cold chain storage requirement ng Covovax.

“The vaccine is stable at 2°C to 8°C, the standard temperature that is within the existing cold chain system in the Philippines, thus allowing its distribution to the remotest barangays.”

Kasalukuyan pang lumalakad ang Phase III clinical trial ng Covovax sa United Kingdom, kung saan may 15,000 participants; at United States at Mexico, na may 30,000 participants.

Unang isinagawa ang pag-aaral ng bakuna sa Australia, South Africa at India.

Tiniyak ng Faberco na dumaan sa masusing evaluation ng iba’t-ibang populasyon ang SII-Novavax-developed vaccine. Pati na sa iba’t-ibang antas ng edad, at mga may sakit.

“The candidate vaccine is thoroughly evaluated in different geographies, various age groups, groups that are most affected by COVID-19, including people living with HIV, and racial and ethnic minorities.”

Itinuturing na pinaka-malaking vaccine manufacturer sa buong mundo ang Serum Institute of India, na gumawa na rin noon ng bakuna laban sa polio, rotavirus, at pneumococcal.

Una nang lumagda ng “tripartite agreement”‘ ang pamahalaan at private sector sa AstraZeneca para naman sa 2.6-million dose ng bakuna.

Nitong Linggo, sinabi rin ni Health Sec. Francisco Duque III na pumirma na rin ng kasunduan ang gobyerno para sa 25-million doses ng COVID-19 vaccine na gawa naman ng Chinese biopharmaceutical company na Sinovac. (DARIS JOSE)

PSL Beach Volleyball Challenge Cup sa Pebero 25 sa Zambales

Posted on: January 11th, 2021 by @peoplesbalita No Comments

MAY 12 koponan ang maglalabo-labo para sa pangunahing karangalan sa pagbabalik ng Philippine SuperLiga (PSL) Beach Volleyball Challenge Cup sa Subic, Zambales sa darating na Pebrero 25-27.

Napag-alaman nitong Linggo kay PSL Chairman Philip Ella Juico, na puntirta amateur commercial volleyfest o semi-professional league, ang mainit na pagbabalik ngayong taon makaraan maudlot ang lahat ng torneo ng liga dahil sa Coronavirus Disease 2019 simula noong Marso 2020.

“We are ready anytime,” deklarasyon ng opisyal, na inaabangan na lang ang permiso mula sa Inter-Agency Task Force (IATF) para maidaos uli liga sa taong ito na susundan sa Marso 7 ng Fans Day. (REC)