Ang Diyaryong Pinagkakatiwalaan
Sinimulan na ni Manny Pacquiao ang kaniyang boxing training.
Sa kaniyang Twitter account, inanunsiyo ng fighting senator ang nasabing balita.
Hindi naman nito binanggit kung sino ang nakatakdang makakalaban nito.
Huling lumaban si Pacquiao ay noong Hulyo 2019 kung saan tinalo niya si Keith Thurman.
Magugunitang unang pinaplantsa ang laban ng Filipino boxing champion kay UFC fighter Conor McGregor at si American boxer Ryan Garcia.
SINORPRESA ng mag-asawang Juancho Trivino at Joyce Pring, mga segment hosts ng GMA Network morning show na Unang Hirit ang mga co-hosts nila Last February 9.
Bigla kasi nilang in-announce na may coming baby na sila, sabay pakita sa sonogram ng 19 week-baby nila.
Ang saya ng atmosphere sa studio na talagang nagulat sa announcement nina Juancho at Joyce.
Sa Unang Hirit nagsimula ang love story nina Juancho at Joyce nang pareho silang kuning segment hosts ng show na dumadayo sila iba’t ibang lugar sa bansa para maghatid ng saya at mamigay ng premyo sa mga pa-contest na ginagawa nila, kaya doon minabuti ng mag-asawa na i-announce ang kanilang sorpresa.
Ikinasal sina Juancho at Joyce noong February 9, 2020 sa Sofitel Plaza Manila. Kaya naman doon din nila ginawa ang first anniversary dinner nila last Monday, February 8, at na-shock si Juancho sa sorpresa ni Joyce na anniversary gift nito ay inabot sa kanya ang pregnancy test result nito.
“Iyak ako nang iyak sa tuwa,” sabi ni Juancho sa interview sa kanila ni Joyce sa show.
“Wala kasing sinasabi si Joyce kaya talagang sorpresa sa akin at sa amin ding family na preggy na siya.”
Hindi pa nila alam ang magiging gender ng baby nila, pero magkakaroon daw sila ng gender reveal announcement kapag meron na.
***
MAGKASUNOD na nag-renew ng exclusive contract sina Kapuso actress Glaiza de Castro at Kapuso actor Ken Chan last Monday, February 8 sa GMA Network, sa harap ng mga top executives ng GMA Entertainment Group.
Nagpasalamat si Glaiza sa GMA Network na patuloy na binibigyan siya ng mga magagandang projects, kaya proud siya bilang isang Kapuso. Bukod sa regular siyang napapanood sa All-Out Sundays, labis ang pasasalamat ni Glaiza na ibinigay sa kanya ang upcoming GMA series na Nagbabagang Luha na gagampanan niya ang role ni Lorna Tolentino sa movie version nito, katambal si Kapuso actor Rayver Cruz.
At home being a Kapuso naman si Ken, na sobrang sarap daw sa pakiramdam ang muli niyang pagpirma ng exclusive contract sa GMA.
“Yung matawag ka pa lang na ‘Kapuso,’ sobrang sarap na sa pakiramdam.”
Regular ding napapanood si Ken sa All-Out Sundays at ngayon ay nakahanda na siya sa lock-in taping ng upcoming drama series na Ang Dalawang Ikaw na muli nilang pagtatambalan ni Kapuso actress Rita Daniela.
Very challenging ang role ni Ken na ita-tackle ang character niya na may Dissociative Identity Disorder (DID).
***
ISANG pre-Valentine presentation ang mapapanood sa natatanging pagtatanghal ng Catch Me Out Philippines hosted by Jose Manalo with Celebrity Spotters Derrick Monasterio at Cacai Bautista.
Two amateurs ang mga contestant, a full-time mom na magpi-perform kasama ng mga Goddesses of Belly Dancing at isang vlogger/live streamer na makakasama naman ay mga professional beatboxers.
Kung isa sa kanila ay mapapaniwala nila sa 10 Celebrity Catchers na professional siya, magkakamit siya ng 100,000 pesos cash prize.
Napapanood every Saturday ang Catch Me Out Phiippines 7:15PM pagkatapos ng Pepito Manaloto sa GMA-7. (NORA V. CALDERON)
DEDBOL ang isang 42-anyos na lalaki matapos bumagsak sa tulay na kahoy habang nakikipagsuntukan sa kanyang kapitbahay makaraan ang pagtatalo sa Malabon City, kamakalawa ng gabi.
Dead-on-arrival sa Ospital ng Malabon ang biktimang si Ruel Asignado, 42 ng 38 C. Arellano St. Brgy. San Agustin habang naaresto naman ng rumespondeng mga tauhan ng Sub-Station 6 ang suspek na kinilalang si Richard Dagumo, 36, helper.
Sa imbestigasyon nina P/SMSgt. Julius Mabasa at P/SSgt. Ernie Baroy, naglalakad pauwi ang biktima dakong 7:50 ng gabi nang aksidente nitong mabangga ang kahoy na dingding ng bahay ng suspek.
Kinompronta ng suspek ang biktima na naging dahilan ng kanilang mainitang pagtatalo hanggang sa mauwi ang mga ito sa suntukan.
Sa pahayag sa pulisya ng saksing si Ruminda Ibasate, 37, nahulog sa improvised na tulay na kahoy ang biktima makaraang masapul ng suntok ng suspek.
Iprinisinta ang suspek sa inquest proceedings para sa kasong homicide sa Malabon City Prosecutor’s Office. (Richard Mesa)
Kumpiyansa ang Department of Health (DOH) sa kinalabasan ng simulation exercise ng COVID-19 vaccines noong February 9 mula sa paliparan patungong cold storage facility at vaccination sites.
“Generally it went well. So far, so good sabi nga ni Sec. (Francisco) Duque,” ani Health Usec. Maria Rosario Vergeire.
Batay sa assessment ng National Task Force against COVID-19, wastong naipatupad ng concerned agencies ang paghahatid ng bakuna mula Ninoy Aquino International Airport, papuntang Research Institute for Tropical Medicine at referral hospitals.
Mas mabilis umano kumpara sa itinaya nilang oras para sa “time and motion” ng vaccine pick-up at delivery.
“We were able to simulate and undertake the different processes in lesser time that was expected,” dagdag ni Vergeire.
“We were able to surpass and achieve it in a much lesser time than what was required.”
Inamin ng DOH spokesperson na inasahan na rin nila ang ilang aberya tulad ng aksidente at traffic sa paghahatid ng bakuna.
“When the simulation was ongoing the vehicles were passing through SLEX, biglang may aksidente so they had to go to another route para makarating sa RITM.”
“Mayroong ground commander that when he saw na may traffic, immediately the escorts were re-routed.”
Ayon kay Vergeire, mahalagang mabigyang pansin at agarang aksyon ang kahit maliliit na aberya dahil makaka-apekto ang mga ito sa paghahatid ng vaccine supply.
Bukod sa biyahe ng mga bakuna, kailangan din daw maayos ang paglilipat ng shipment mula sa eroplano papuntang refrigerator vans.
Dapat din umanong masiguro na limitado ang bilang ng tao sa bahagi ng paliparan na paglalapagan ng mga bakuna.
“Yun lang ang napansin na major in yesterday’s drill.”
Nagpupulong na raw ang ilang opisyal, kabilang na sina Vaccine czar Carlito Galvez at Health Usec. Myrna Cabotaje, para matukoy ang iba pang proseso na dapat paigtingin kaugnay ng vaccine logistics at cold storage.
Ang ginawang simulation exercise kahapon ay bahagi ng paghahanda sa inaasahang pagdating ng 117,000 doses ng Pfizer-BioNTech vaccines ngayong buwan.
KUMPLETO na ang limang bida ng Voltes V: Legacy dahil ini-reveal na last Wednesday ng GMA Network sa 24 Oras ang napiling magbibigay buhay kina Steve Armstrong at Jamie Robinson.
Si Miguel Tanfelix nga ang napiling gumanap bilang Steve, ang Voltes team leader at piloto ng Volt Cruiser at si Ysabel Ortega naman ang masuwerteng nakapasa sa audition para sa role ni Jamie, ang piloto ng Volt Lander.
Ayon sa pahayag ng Kapuso actor, “Ang sarap sa pakiramdam, para akong nasa cloud 9 at tuwing gigising ako sa umaga I’m so pumped eh.
“Si Steve, lider siya eh, alam ko kung paano umasta bilang isang lider, paano ‘yung confidence niya and of course nagbabasa din ako ng books about leadership at nakikinig ako ng podcast.”
Halos isang taon na pinaghandaan ni Miguel ang inaabangang serye at panigurado niya, “Babalik iyong pagkabata ninyo, maaalala ninyo ‘yung moments ninyo habang pinapanood ang Voltes V.
“At sa kahenerasyon ko ngayon, ipaparanas namin kung ano nararamdaman ng nanay at tatay ninyo habang pinapanood ang ‘Voltes V’ with a different flavor, paparamdam namin sa inyo iyong lungkot, saya, epicness at marami pang iba.”
Kuwento naman ni Ysabel na tiyak na kaiingitan ng ibang Kapuso star, “Even before na mag-start pa ‘yung official training namin, gusto ko na magkaroon man lang ng konting background sa martial arts, sa kick boxing, sa Muay Thai. So I can say na now I’m more than ready.”
Dagdag pa ng anak nina Lito Lapid at Michelle Ortega, “Voltes V has a lot of meaning to its story its not just about family its not just about fighting for what you believe in its about serving your country, its about being a hero in your own way and i would like to be in that position to inspire a lot of people.”
Noong Lunes ang tatlong miyembro ng Voltes V na ipinakilala ay sina Radson Flores bilang si Mark Gordon, Matt Lozano bilang Big Bert Armstrong at si Rafael Landicho bilang si Little Jon Armstrong.
Ngayong gabi (February 12), paparating na ang mga kalaban, dahil makikilala na rin kung sino ang napiling gumanap bilang pinuno na si Prince Zardos at isa sa mga utak ng Boazanian Forces na si Zandra.
***
NAG-APOLOGIZE pala si Liza Soberano sa kanyang naging reaction sa movie poster ng Tililing ng Viva Films.
Last Monday, February 8, nag-tweet nga ang Kapamilya actress ng kanyang opinyon sa naturang movie poster.
Sey ni Liza, “Really hoping that this movie will spread awareness and enlighten us on the struggles of dealing with mental health. But the poster? It’s a no for me. Mental health is NOT a joke. Stop the stigma.”
Dahil sa matapang na statement ni Liza, magkahalong reaksyon ang natanggap niya, kaya maging ang director ng movie na si Darryl Yap ay nag-react.
Sa Facebook page ng VinCentiments pinost ni Darryl, “Sa iyo Miss Liza Soberano, ang iyong pag-asa na sana’y makapagbigay liwanag ang aming pelikula sa pagpapalawak ng kaalaman sa pangkalusugang pangkaisipan ay hindi masasayang, hindi ka namin bibiguin.”
Dagdag pa niya, “Kapag napanood niyo na po ang #Tililing ay mauunawaan ninyo bakit ito ang titulo, bakit nakalabas ang kanilang dila; at bakit namin tinitindigan ang kalidad at mensahe ng pelikula. Kaisa po ninyo kami sa inyong adbokasiya.”
Ipinagtanggol naman ni Baron Geisler (isa sa bida ng Tililing) si Liza sa mga bashers dahil sa kanyang saloobin.
Post ng aktor, “Please don’t bash Liza. Please be kind. Sometimes we get overprotective with our advocacies. She did not mean to look down on the poster. I believe she meant well folks. Please be kind. Masakit ma-bash naranasan natin lahat Yan one way or another.”
Kaya ganun na lang ang pasasalamat ni Liza kay Baron sa kanyang twitter post at nag-sorry kung meron siyang na-offend.
“Thank you kuya Baron for the kind words and sorry if I have offended anyone. I’m afraid my intentions were misinterpreted.
“I always want the best for films that tap into mental health, so I wish this film all the best. Looking forward to seeing it,“ pahayag pa ni Liza. (ROHN ROMULO)
Hindi na dapat mag-alala ang mga national athletes at coaches na sasalang sa 2021 Olympic Games sa Tokyo, Japan.
Sasagutin ni businessman Enrique Razon ang pagbibigay sa mga national athletes at coaches ng vaccines para sa coronavirus disease (COVID-19) sa kanilang pagpunta sa nasabing quadrennial event sa Hulyo.
“We would like to thank Mr. Enrique Razon for providing our Olympics-bound athletes with vaccines,” ani Philippine Olympic Committee (POC) president Rep. Abraham “Bambol” Tolentino kahapon.
Ang paparating na Moderna vaccine ay nagkakahalaga ng $26 ( P1,250).
Tanging sina pole vaulter Ernest John Obiena, gymnast Carlos Yulo at boxers Eumir Felix Marcial at Irish Magno ang mayroon pa lamang Olympic berth.
Hindi kasama ang mga elite athletes sa prayoridad ng gobyerno na bigyan ng COVID-19 vaccines dahil hindi sila itinuturing na frontliners.
“I’m sure that with the generosity of Mr. Razon, especially in these difficult times, would further spur our athletes to focus on the Olympics without fear of getting infected,” sabi ni Tolentino sa chairman ng International Container Terminal Services Inc.
Naniniwala rin ang POC chief na matutuloy ang 2021 Tokyo Olympics bagama’t may pagtaas sa kaso ng COVID-19 sa Japan.
Kaliwa’t kanan ang galawan sa PBA kaya’t asahan ang mas matinding bakbakan sa pagbubukas ng Season 46 sa Abril sa isang bubble setup.
Hinugot ng Talk ’N Text si Glenn Khobuntin mula sa free agency para makatulong sa frontline ng Tropang Giga.
Nakapagtala si Khobuntin ng averages na 7.8 points at 2.4 rebounds sa huling season nito sa Terrafirma noong PBA Season 45 Philippine Cup sa Clark bubble.
Makakatuwang ni Khobuntin sa Tropang Giga si Troy Rosario na katropa nito sa National University gayundin sina Poy Erram, Jay Washington, David Semerad at Lervin Flores.
Magkasama sina Khobuntin at Rosario nang tulungan nila ang Bulldogs na makopo ang kampeonato sa UAAP Season 77.
Sa kabilang banda, nagpasya ang pamunuan ng Rain or Shine na hindi na irenew ang kontrata nina Ryan Araña at Kris Rosales.
Wala pang linaw kung magreretiro na o magtutuloy pa sa paglalaro si Araña.
Ilan pa sa mga galawan ang pagkuha ng Barangay Ginebra kay MJ Ayaay.
Give, and it will be given to you.
PINALAKAS ni multi-titled volleybelle Rhea Katrina Dimaculangan ang PLDT Home Fibr sa pagtawid dito makaraan ang ilang taong paglalaro sa Generika Ayala Lifesavers at Petron Blaze Spikers sa Philippine SuperLiga (PSL).
Isiniwalat kamakalawa ng Power Hitter ang bagong puwersa na magpapasiklab sa koponan na gagabayan pa rin ni coach Rogelio ‘Roger’ Gorayeb kasunod sa paglipat din ng team mula sa semi-professional PSL pa-pro Premier Volleyball League (PVL).
Huling umaksyon sa 8th PSL 2020 Grand Prix na binulilyaso lang ng Coronavirus Disease 2019 noong Marso ang 29 na taon, 5-8 ang taas na Batangueña setter sa Lifesavers makalipas makatatlong taon sa Petron.
Ilan pa sa mga bagong salta sa Home Fibr ay sina Maria Lina Isabel ‘Isa’ Molde, Maristela Genn ‘Marist’ Layug, Toni Rose ‘Chin’ Basas, Christine Joy ‘Eli’ Soyud, Mariella ‘Yeye’ Gabarda at Maria Nieza Viray.
Susulong ang training camp muna sa Abril ng PVL sa Inspire Sports Academy sa Calamba, Laguna bago buksan ang 2021 tournament sa Mayo. (REC)