2021 February 16 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for February 16th, 2021

Justin Timberlake, nag-apologize kina Britney Spears at Janet Jackson

Posted on: February 16th, 2021 by @peoplesbalita No Comments

NAG–ISSUE ng public apology ang pop star na si Justin Timberlake sa former girlfriend na si Britney Spears at sa singer na si Janet Jackson.

Ayon kay Justin, he had failed them in the past.

Nakatanggap ng bashing si Timberlake on social media dahil sa interview niya 20 years ago tungkol sa naging sex life niya with Spears noong sila pa.

Lumabas ang old interview na ito ni Justin sa isang TV documentary tungkol kay Britney at napahiya raw ito noong magtapos ang relasyon nila ni Timberlake in 2002.

Kinuwesyon ng media ang virginity ni Britney pagkatapos sabihin ni Justin na nag-sex na sila.

Pinagsisihan din daw ni Justin ang hindi pag-ako sa naging wardrobe malfunction ni Janet Jackson during the 2004 Super Bowl kunsaan biglang na-expose ang breast ni Jackson on stage.

“I specifically want to apologize to Britney Spears and Janet Jackson both individually, because I care for and respect these women and I know I failed,” caption ni Timberlake sa kanyang post sa Instagram.

Sey pa ng singer na sana ay naging matapang siya noon sa pagtanggol kina Britney at Janet.

“I understand that I fell short in these moments and in many others and benefited from a system that condones misogyny and racism.

“Because of my ignorance, I didn’t recognize it for all that it was while it was happening in my own life.”

***

ISANG dahilan sa pag-uwi ni Anne Curtis sa Pilipinas ay ang maasikaso ang makeup collaboration nila ng sister-in-law na si Solenn Heussaff.

Isang taon daw nilang trinabaho ang kanilang makeup brand na BLK Cosmetics’s Artist Collection.

Naging inspirasyon daw nila sa kanilang cosmetic brand ang kanilang mga anak na babae na sina Thylane at Dahlia na parehong ipinangak noong 2020.

Post ni Solenn sa IG: “For the past year we have been working on this collab for all the make up lovers out there. This shoot was supposed to be with @annecurtissmith but because of how things are, I had to shoot without her 🙁

“But there is always a next time and many amazing things to look forward to this year. Designed the packaging inspired by the love for our daughters, this is a limited edition, available tonight na! #SolennArt #blkxsolenn”

Happy si Anne sa pinaghirapang makeup collection ni Solenn.

“Couldn’t be more happier that our first collab is with @solenn. It was a year in the making. She designed the packaging, chose the shades and of course did the amazing artworkz

“The packaging is so pretty & everything is so easy to use love it so much sos!!!! Merci! Packaging soooooooo nice makes me not want to use it and keep them FOREVER!!!” post ni Anne via IG.

***

KAMPANTE na makatambal ni Kate Valdez si Migo Adecer sa bagong 2-part episode ng My Fantastic Pag-ibig na ‘Exchange of Hearts’ dahil bago pa raw sila naging artista sa GMA, magkaibigan na raw sila.

Kuwento ni Kate na sa isang VTR Go-See ng isang TV commercial sila unang nagkakilala ni Migo. Nataon na sila ang napili para sa TVC.

“Medyo weird si Migo noon. Tahimik lang siya at kapag kinakausap ko siya, tatango lang siya. Yun pala, hindi niya ako maintindihan magsalita kasi nagta-Tagalog ako. Laki siya sa Australia kaya konting Tagalog words lang ang maiintindihan niya,” tawa pa ni Kate.

Nagkita raw sila ulit noong audition sa StarStruck season 6 kunsaan nanalo si Migo bilang Ultimate Male Survivor. Si Kate naman ay hindi na tumuloy sa audition at pinapirma na siya ng kontrata sa GMA Artist Center. Sa telefantasya na Encantadia muling nagkasama ang dalawa.

Bukod sa My Fantastic Pag-ibig, magkasama rin sina Kate at Migo sa Anak Ni Waray Vs. Anak Ni Biday kunsaan ka-love triangle nila si Barbie Forteza. (RUEL J. MENDOZA)

TEEJAY at JEROME, ‘di inaasahan na magiging maganda ang pagtanggap sa ‘Ben X Jim’; asahang mas nakakikilig ang Season 2

Posted on: February 16th, 2021 by @peoplesbalita No Comments

NAG–START na noong February 12 ang season 2 ang BL series na Ben X Jim na from Regal Entertainment starring Teejay Marquez and Jerome Ponce, under the direction of Easy Ferrer.

Sa recent zoom presscon ng season 2 ng serye, kapwa sinabi nina Teejay at Jerome na hindi nila inaasahan ang magandang reception ng publiko sa kanilang BL movie.

Pero siyempre ikinatuwa nila na maraming nanood sa kanilang BL movie at marami ang sumubaybay rito hanggang natapos.

Sabi pa ni Teejay, sa tingin niya ang magandang kwento ng Ben X Jim ang susi kung bakit ito nagustuhan ng mga manonood.

“Dahil sa magandang kwento, they have reason to look forward sa susunod na episode the following week. Nakaabang sila talaga kung ano ang mangyayari sa kwento nina Ben at Jim,” sabi ni Teejay.

For his part, sinabi naman ni Jerome na hindi lang basta yung yummy part ng series ang inaabangan ng mga viewers. Siyempre kasama iyon sa attraction ng kwento pero more than the yummy scenes ng mga bida, ang magandang kwento talaga ang nagdala sa series.

Ayon pa sa kina Teejay at Jerome, mas marami pang pa-yummy at kilig scenes na dapat abangan sa season 2 pero dapat pa rin tutukan ang magandang kwento ng Ben X Jim Forever.

Familiar si Teejay sa mga BL movies which were being done in Thailand bago pa naman ito nauso sa Pilipinas.

Aware si Teejay na maraming following ang BL movies from local and international audience. Kaya naman happy sila na tinangkilik ang Ben X Jim hindi lang ng Pinoy audience kundi pati ng mga fans overseas.

Sa Ben X Jim Forever ay maraming new characters na ipakikila kaya expect na mas maganda and interesting ang kwento nito.

Kasama nina Teejay at Jerome Ponce sa 8-part series sina Kat Galang, Darwin Yu, Ejay Jallorina, Miko Gallardo, Anikka Dela Cruz, Jomari Angeles, Sarah Edwards, Ron Angeles, Vance Larena, at Royce Cabrera.

More than 10 million views ang nakamit ng Ben X Jim sa entire run ng season 1 nito na napanood sa Facebook at You Tube channel.

***

MARAMI rin ang views ng mga Regal movies sa Netflix. At iba sa mga ito ay nag-trending.

Kabilang sa mga most-watched Regal movies at nag-trend sa Netflix ay Ang Henerasyong Sumuko sa Love (No. 3), The Hopeful Romantic (No.1) at The Heiress (No. 10).

Available na rin for viewing sa Netflix this February ang Foolish Love (nagsimula noong Feb 11), at My Rebound Girl (Feb 25).

Ang iba pang Regal movies na dapat abangan sa Netflix ay This Time I’ll Be Sweeter (March 11), The Curse (March 25), I Love You To Death (April 9), The Prenup (April 23), No Boyfriend Since Birth (May 13), So It’s You (June 3) at The Debutantes (June 24). (RICKY CALDERON)

CBCP, ikinatuwa ang pag-OK ng IATF sa dagdag na pwedeng dumalo sa misa

Posted on: February 16th, 2021 by @peoplesbalita No Comments

Patuloy pa rin ang panawagan ng ilang opisyal ng Simbahang Katolika sa mga mananampalataya na sundin pa rin ang ipinapatupad na minimum health protocols kapag dumadalo sa mga misa.

Ito ay kahit na ginawang 50 percent na ng gobyerno ang kapasidad ng mga dadalo sa bawat misa simula Pebrero 15.

Sinabi ni Father Jerome Secillano ang public affairs committee ng Catholic Bishop Conference of the Philippines (CBCP), dapat huwag magpakumpiyansa hangga’t nasa panahon pa rin ng pandemya.

Ipinaliwanag pa rin nito na mahalaga ang pagdalo sa misa dahil ito ang isa sa mabisang paraan para matapos na ang COVID-19.

Magugunitang bukod sa pagdagdag ng bilang sa mga dadalo ng misa ay bubuksan na ng gobyerno ang ilang negosyo gaya ng sinehan, museum, tourist spots at mga parke para makabawi ang ekonomiya.

Pagbuo ng isang task force para sa pagsagip ng mga Pilipinong marino na nasangkot sa mga sakuna sa karagatan, aprubado

Posted on: February 16th, 2021 by @peoplesbalita No Comments

Inaprubahan ng House Committee on Overseas Workers Affairs ang ulat ng komite sa substitute resolution sa House Resolution 1344.

Ang panukala ay inihain ni Marino Partylist Rep. Macnell Lusotan, na naglalayong himukin ang mga Departments of Foreign Affairs (DFA), Transportation (DOTr), Labor and Employment (DOLE), at Justice (DOJ), Philippine Coast Guard (PCG), Maritime Industry Authority (MARINA), Philippine Overseas Employment Administration (POEA), Overseas Workers Welfare Administration (OWWA), kabilang na ang iba pang kinauukulang ahensiya ng pamahalaan, na buuin ang isang inter-agency task force, na siyang magiging responsable sa paghahanap at pagliligtas ng mga Pilipinong marino na nasangkot sa aksidente sa karagatan, at iba pang mga sakuna na naganap sa karagatang sakop ng Pilipinas, at dayuhang karagatan.

Magiging tungkulin din ng task force ang pagsisiyasat sa mga nawawalang marino habang sakay ng kanilang mga barko, at tiyakin na ang mga nabubuhay na pamilya ng nawala o nasawing marino, ay makatatanggap ng naaangkop na ayuda mula sa pamahalaan at seguro mula sa kanilang pinagtatrabahuhan.

Samantala, pinagtibay ng komite ang HR 1152, na nananawagan ng kagyat na ratipikasyon ng gobyerno ng Pilipinas, sa International Labor Organization (ILO) Convention No. 188, o ang Work in Fishing Convention, 2007.

Ang ILO Convention 188 ay nagbibigay ng umiiral na rekisitos, upang tugunan ang mga pangunahing usapin sa mga trabaho sa mga barkong pangisda, kabilang na ang kaligtasan sa trabaho, pangangalaga sa kalusugan ng mga manggagawa sa karagatan at dalampasigan, pagpapahinga, kasulatan o kontrata sa trabaho, at parehong proteksyon sa social security tulad ng ibang manggagawa o marino.

Pinagtibasy ang ILO Convention 188 ng General Conference of ILO noong Hunyo 14, 2007, at ipinatupad noong Nobyembre 16, 2017.

Bumuo din ang komite ng isang technical working group, na hihimay sa mga usapin at mga mungkahi, kabilang na ang pagsasa-ayos ng House Bill 6779 na magpapatupad ng serbisyo sa sapilitang pagbabakuna sa mga Overseas Filipino workers (OFWs), at mga kaparusahan sa mga paglabag sa batas. (ARA ROMERO)

Inamyendahang substitute bill sa kaunlaran at pagsusulong ng mga malikhaing industriya sa Pilipinas aprubado

Posted on: February 16th, 2021 by @peoplesbalita No Comments

Inaprubahan ng House Special Committee on Creative Industry and Performing Arts sa Kamara, na pinamunuan ang substitute bill na naglalayong isulong at paunlarin ang mga malikhaing industriya sa Pilipinas.

Ang substitute bill ay para sa House Bill 4692, na iniakda ni Tarlac Rep. Victor Yap, HB 6476 ni Tarlac Rep. Carlos Cojuangco, at HB 8101 ni Pangasinan Rep. Christopher De Venecia.

Sa kanyang pambungad na pananalita, sinabi ni De Venecia na ang panukala ay maituturing na alagang panukala ng espesyal na komite, dahil magsisilbi itong balangkas para sa pagpapaunlad ng mga malikhaing industriya sa mga susunod na taon at dekada, kapag ito ay naisabatas na.

Isinasaad sa panukala na ang creative industries ay tumutukoy sa mga industriya na kinasasangkutan ng mga tao, natural o hurado, na gumagawa ng kultural, masining, at mga makabagong kalakal, produkto, at mga serbisyo, na kung saan ang mga kalakal, produkto at serbisyo ay nagmumula sa mga indibiduwal na likha, kaalaman at talento, at may potensyal para sa kayamanan, gayundin sa mga henerasyon at pagpapaunlad ng intellectual property.

Kabilang rito ang mga industriyang direkta o hindi direktang sangkot sa paglikha, produksyon, at pagmamanupaktura, pagganap, pagsasahimpapawid, komunikasyon at pagtatanghal, o distribusyon at pagbebenta ng mga likha at iba pang mga paksa, batay sa karapatan ng intellectual property. Ang malikhaing industriya ay kinabibilangan ng mga sumusunod na dominyo: 1) audio at audio visual media; 2) digital interactive media; 3) malikhaing serbisyo; 4) disensyo; 5) libro, paglalathala at pagpapalimbag; 6) sining pagtatanghal; 7) visual arts; 8) tradisyunal na pagpapahayag ng kultura; 9) cultural sites; at 10) iba pang dominyo at industriya na maaaring tukuyin ng Philippine Creative Industry Council.

Sa ilalim ng panukala ay bubuuin ang 17-miyembro ng Philippine Creative Industry Council, na pangangasiwaan ng Department of Trade and Industry bilang attached agency.

Ang Council ay pamumunuan ng Kalihim ng DTI, at siyam na regular na miyembro nito mula sa pribadong sektor at walo pang miyembro bilang mga ex-officio.

Ilan sa mga kapangyarihan at tungkulin ng Council ay: 1) tukuyin ang mga layuning pang-ekonomiya at pangunahing performance indicators sa malikhaing industriya, kabilang na ang paglikha ng halaga, kontribusyon sa gross domestic product, paglikha ng mga trabaho, mga target sa pagluluwas, at creative intellectual property targets na binabanggit sa Philippine Creative Industries Development Plan.

Mag-iisyu rin ang Council ng mga alituntunin para sa akreditasyon ng mga organisasyong sumusuporta sa negosyo at mga malikhaing asosasyon, na magbibigay ng karapatan sa mga programa, na gagabay sa mga nagsusulong ng malikhaing industriya, sa pagbuo ng mga naturang samahan.

Sa kanilang pagtupad ng kanilang kapangyarihan at tungkulin, ang Council ay makikipag-ugnayan sa lahat ng oras, hinggil sa kanilang mga plano at programa, sa mga ahensya ng pamahalaang nasyunal na may umiiral na mandato sa sining at kultura.

Itatatag din ng panukala ang Philippine Creative Industries Development Plan, na tumutukoy sa “komprehensibong layunin, target, istratehiya at aktibidad na nakatuon sa paglago at kaunlaran ng malikhaing industriya sa bansa. (ARA ROMERO)

Pablo tumawid sa Petro Gazz

Posted on: February 16th, 2021 by @peoplesbalita No Comments

SA Petro Gazz sa maglaladlad ng galing ngayong taon ang isa sa mga star ng Premier Volleyball League (PVL) na si Myla Pablo.

Sasama na sa Angels ang three-time Finals Most Valuable Player sa Inspire Sports Academy training bubble camp sa Xalamba, Laguna sa Abril para sa pagbubukas ng unang torneo ng propesyonal na sa Mayo.

Naging huling koponan ng 27-anyos, 5-10 ang taas at tubong Tarlac ang bago mapurnada ng Coronavirus Disease 2019 ang liga noong Marso 2020 ang Motolite.

Siya na rin ang pampitong bagong saltang balibolista na idinagdag sa Petro sa binalasang lineup sa unang pro league women’s inood volleyfest sa bansa

Bagong pasok din sa Gazz nina Frances Xinia ‘Ces’ Ces Molina, Mary Remy ‘Rem’ Palma, Ria Meneses, Mean Mendrez, Kathleen Faith ‘Kath’ Arado at Seth Rordiguez. (REC)

Marcial ingat na magkasakit

Posted on: February 16th, 2021 by @peoplesbalita No Comments

DESIDIDONG makasungkit ni Eumir Felix Marcial ng unang ng gold medal ng Pilipinas sa 32ndSummer Olympic Games 2020 sa Tokyo, Japan na inurong lang sa parating na Hulyo 23-Agosto 8 sanhi ng pandemya.

Kaya triple ang pag-iingat niyang ginagawa upang mapanatiling mabuti ang kalusugan at hindi maudlot ang paghahanda sa nasabing pinakamalaking paligsahan sa mundo na isang beses lang ginaganap tuwing apat na taon.

Ayon Huwebes sa 25 taong-gulang, may taas na 5-8 at isinilang sa Zamboanga City na boksingero, sobrang ingat siya sa kanyang mga kilos upang hindi magka-Covid-19) na naging sanhi sa pagkaudlot ng Tokyo Olympics.

Kakagaling ni Marcial sa demolisyon kay American Andrew Whitfield noong Disyembre 16 sa Los Angeles, California para sa unang panalo bilang professional boxer na rin. (REC)

Pinas matutulad sa US, Europe sa rami ng COVID-19 cases

Posted on: February 16th, 2021 by @peoplesbalita No Comments

Posibleng matulad umano sa Europa at Estados Unidos ang bilang ng COVID-19 sa bansa dahil sa desisyon ng pamahalan na muling pagbubukas ng mga sinehan at iba pang negosyo simula kahapon Pebrero 15.

Ayon kay Senate Majority leader Juan Miguel Zubiri, nakakatakot ang desisyon ng gobyerno na muling pagluluwag ng restriction sa bansa.

Paliwanag ni Zubiri, sana ay hindi muna 50% capacity dahil nakakatakot pa rin dahil sa banta pa rin ng coronavirus at iba pang variant nito.

Ang 50% capacity umano sa sinehan ay puno pa rin at kung may umubo doon, may humatsing ay napakadelikado na niyan at posibleng maging super spreader ang event na ’yan.

Idinagdag pa ng Senador na maging sa simbahan na mahilig mag “peace be with you” ang mga tao subalit hindi namamalayan ay “COVID be with you” na pala.

Kaya dahil dito kaya posible umanong magaya ang bansa sa Europa at Estados Unidos na pumalo ang bilang ng coronavirus dahil dito.

Para naman kay Sen. Grace Poe, dapat alamin muna ang mga ipapatupad na regulasyon sa mga establisimyentong magbubukas tulad ng may mga bagong filtration ng air conditioning para hindi recycled ang hangin na hinihinga ng mga tao doon.

Para kay Poe at Zubiri, bagama’t para sa pagbangon ng ekonomiya ang hakbang ng gobyerno subalit dapat una itong ipatupad sa mga lugar na kakaunti ang kaso ng sakit.

Dapat din umanong bilisan muna ang rollout ng bakuna bago aktuwal na mag-relax ng protocols. (Daris Jose)

Perez pambulaga ng SMB bilang panimula, kapalitan

Posted on: February 16th, 2021 by @peoplesbalita No Comments

INAARAL pa ni Leovino ‘Leo’ Austria ang magiging papel ni Christian Jaymar ‘CJ’ Perez sa San Miguel Beer kung starter, o off the bench para sa pagbubukas ng 46th Philippine Basketball Association (PBA 2021 Philippine Cup.

Mababatid ito kapag nakaliskisan na sa ensayo na ang 2018-19 Rookie of the Year, 2018 top rookie pick at two-time scoring champion sab ago niya o pangalawang team tapos i-trade ng Terrafirma sa anim na manlalaro ng Beermen.

Hindi pa makalog ni San Miguel coach ang kanyang starting five kina June Mar Fajardo, Arwind Santos, Marcio Lassiter, Christopher ‘Chris Ross at Alexander ‘Alex’ Cabagnot Jr.

“It will depend pa, during the offseason pa lang malalaman kung sino maganda ang chemistry,” wika kahapon ng Beermen bench tactician.

Mas malamang , hirit ni Austria, na magbuhat sa bench si Perez kasabay ni Terrence Romeo para sa backcourt ng serbesa.

Puwede rin na depende sa kalaban.

“Si CJ, kapag kalaban halimbawa TNT (Talk ‘N Text), panapat siya kay (Bobby Ray) Parks, Jr. ‘Pag Phoenix, maaring itapat kay (Calvin) Abueva. Depende sa matchup,” esplika pa ni Austria.

Ang tiniyak na magiging mahaba ang minutong ilalaro rin ni Perez katulad sa Dyip.

“Definitely talagang mahaba niyang playing time. Pero depende rin sa game. Siyempre, lahat naman ng teammates niya can score, eh,” wakas na namutawi sa veteran coach. (REC)

Pedicab driver, 1 pa tiklo sa P272K shabu sa Valenzuela

Posted on: February 16th, 2021 by @peoplesbalita No Comments

Bagsak sa kulungan ang dalawang hinihinalang sangkot sa ilegal na droga matapos makuhanan ng halos P.3 milyon halaga ng shabu sa isinagawang buy-bust operation ng pulisya sa Valenzuela City.

Kinilala ni Valenzuela police chief Col. Fernando Ortega ang mga naarestong suspek na si Christopher Sta. Maria, 44, pedicab driver at Jeffrey Adam Daluz, 35 ng 18A Santiago St. Parada.

Sa report ni Col. Ortega kay Northern Police District (NPD) Director P/BGen. Nelson Bondoc, dakong 9 ng gabi nang masagawa ng buy-bust operation ang mga operatiba ng Station Drug Enforcement Unit (SDEU) team sa pangunguna ni SDEU chief PLT Robin Santos sa bahay ni Sta. Maria sa 11E Reyes Compd. Brgy. Karuhatan.

Kaagad sinunggaban nina PCpl Randy Canton at PCpl Franciz Cuaresma ang mga suspek matapos bentahan ng P4,000 halaga ng shabu si PCpl Dario Dehitta na nagpanggap na buyer.

Ayon kay SDEU investigator PSSg Ana Liza Antonio, nakumpiska sa mga suspek ang nasa 40 gramo ng hinihinalang shabu na tinatayang nasa P272,000.00 ang halaga, buy-bust money na binubuo ng 1pc P1,000 at 3 pcs 1,000 boodle money, P2,300 recovered money, 2 cellphones at isang motorsiklo.

Pinuri naman ni NPD Director Bondoc ang Valenzuela Police SDEU team sa pamumuno ni PLT Santos sa ilalim ng pangangasiwa ni Col. Ortega dahil sa matagumpay na drug operation na nagresulta sa pagkakaaresto sa mga suspek. (Richard Mesa)