2021 February 19 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for February 19th, 2021

50K vaccinators ang kailangan sa COVID-19 vaccination ng priority sectors: DOH

Posted on: February 19th, 2021 by @peoplesbalita No Comments

Tinatayang 50,000 vaccinators ang kakailanganin ng bansa sa oras na magsimula na ang rollout ng COVID-19 vaccine.

Ito ang sinabi ng Department of Health (DOH) sa gitna ng inaabangan nang pag-rolyo ng bakuna sa target na 70-million na Pilipino.

“Sa ngayon tinataya natin, based on the number of eligible individuals on each sector na tinitingnan natin, mangangailangan tayo ng roughly around 50,000 vaccinators para dito sa ating isasagawang deployment program sa priority population,” ani Health Usec. Maria Rosario Vergeire sa Laging Handa briefing.

Paliwanag ng opisyal, naka-depende sa bilang ng eligible individuals ng kada lokal na pamahalaan ang kakailanganing numero ng vaccinators.

Ayon kasi kay Vergeire, binubuo ng hanggang anim na healthcare worker ang isang vaccination team.

Ang isang vaccination team daw ay may kakayahang mag-bakuna ng 100-katao kada araw, batay sa ginawang “time and motion study.”

“Nandyan yung magbabakuna, magmo-monitor ng side effect, magka-counsel, registration and all.”

Nilinaw naman ng Health spokesperson na tanging mga lisensyadong doktor, nurse, midwives, at pharmacists ang maaaring mag-administer o magturok ng bakuna.

Simula Disyembre ng 2020, higit 4,000 vaccine trainors na raw ang ipinakalat ng DOH sa buong bansa, para turuan ang mga healthcare workers na eligible mangasiwa ng vaccination.

“Tayo ay nagkaroon ng end-to-end process doon sa training. Hindi lang yung pagbabakuna, kundi pati yung preparatory stages at pagmo-monitor.”

Katuwang daw ng Health department sa ginawang training ang World Health Organization at United Nations International Children’s Emergency Fund.

“Dito makakasiguro tayo na only healthcare professionals who are authorized by law ang magbibigay ng mga bakunang ito.”

Malakanyang, binuweltahan si Senador Lacson

Posted on: February 19th, 2021 by @peoplesbalita No Comments

NIRESBAKAN ng Malakanyang si Senador Panfilo Lacson matapos nitong pasaringan si Pangulong Rodrigo Roa Duterte na dapat i-“refresh” ng Pangulo ang kanyang memorya sa pamamagitan nang pagbasa sa Article VII, Section 21 ng 1987 Constitution kung saan nakasaad na walang anumang tratado o international agreement ang magiging valid at epektibo maliban na lamang kung niratipikahan o inaprubahan ito ng two thirds ng lahat ng miyembro ng senado.

“Senator Lacson, hindi lang po binasa ng ating Presidente ang Saligang Batas. Abogado pa po siya, pumasa po siya ng bar kung saan isa po sa tinanong o subject area para sa examination ay ang Constitution Law,” ayon kay Presidential spokesperson Harry Roque.

“Wala pong kaduda-duda na ang Chief Executive o ang Pangulo ang chief architect po ng ating foreign policy. Iyan po ay hindi nakasaad sa ating Saligang Batas, pero iyan po talaga ay naging desisyon na ng napakadaming desisyon ng ating Korte Supreme, kasama na po iyong mga kaso ng Pimentel versus Executive Secretary at iyong Bayan versus Zamora at iyong Salonga versus Executive Secretary to name a few,” dagdag na pahayag ni Sec. Roque.

Pagdating naman aniya sa usapin ng tratado ay sinang-ayunan niya si Senador Lacson dahil nakasaad aniya sa Saligang Batas na ang mga tratado ay kinakailangan ng concurrence ng Senado.

Subalit ang tratado aniya ay isang instrumento lamang para sa foreign policy at ang concurrence ng Senado ay kinakailangan dahil iyong akto aniya ng concurrence ay ang siyang dahilan kung bakit nagiging batas ang isang tratado.

“Now, ang VFA po ay hindi tratado, iyan po ay naging desisyon na ng ating Korte Suprema sa Bayan versus Zamora at saka sa kaso ng Salonga versus Executive Secretary. Ito po ay pagpapatupad lamang ng isang tratado at ang tratado na pinapatupad ng VFA ay ang Mutual Defense Treaty. Tama po kayo na mayroon pong nakabinbin na kaso ngayon sa ating Korte Suprema na ang isyu ay kung kinakailangang mag-concur ang Senado sa pag-alis natin doon sa Visiting Forces Agreement. Pero bagama’t wala pa pong desisyon, wala naman pong Temporary Restraining Order na naisyu ang ating Korte Suprema na dahilan para ang Presidente ay pupuwede pong bumitaw sa VFA kahit kailan po,” paliwanag ni Sec. Roque.

Umaasa si Sec. Roque na magiging malinaw ang kanyang eksplanasyon lalo na kay Senador Lacson.

“Binasa po ang Constitution, binasa po ng ating Presidente iyong ating Saligang Batas at napasa po niya ang bar exam, kung saan tinanong po ang Saligang Batas, bilang isang area of examination. Iyon lang po at magandang umaga po sa inyong lahat,” giit ni Sec. Roque.

Nauna rito, pinanindigan ni Senador Lacson ang karapatan niyang magsalita sa usapin hinggil sa visiting forces agreement (VFA) sa pagitan ng Pilipinas at Amerika.

Sinabi ni Lacson na hindi man siya abogado tulad ng Pangulong Rodrigo Duterte, subalit sa huling basa niya sa konstitusyon, malinaw na ang isang senador ay may kinalaman sa international agreements na pinapasok ng gobyerno.

Ayon kay Lacson, dapat i-“refresh” ng pangulo ang kanyang memorya sa pamamagitan nang pagbasa sa Article VII, Section 21 ng 1987 Constitution kung saan nakasaad na walang anumang tratado o international agreement ang magiging valid at epektibo maliban na lamang kung niratipikahan o inaprubahan ito ng two thirds ng lahat ng miyembro ng senado.

Binigyang diin ni Lacson na kahit ang ordinaryong Pilipino na sa pakiramdam niya ay napahiya sa masakit at undiplomatic remarks ng pangulo ay mayroong karapatan sa ilalim ng batas na maghayag ng kanyang opinyon.

Wala aniyang sinuman kahit pa ang pangulo ng bansa ang maaaring kitilin ang nasabing basic right ng publiko.

Una nang sinabihan ng pangulo si Lacson na wala itng kinalaman sa isyu ng gobyerno sa VFA kaya mas mabuti anitong kumunsulta sa kanyang abogado bago magsalita at gumamit ng lengguwaheng makapagpo-promote sa pagkatao nito (Daris Jose)

FIST ACT pirmado na ni PDu30

Posted on: February 19th, 2021 by @peoplesbalita No Comments

KINUMPIRMA ng Malakanyang na napirmahan na ni Pangulong Rodrigo Roa Duterte bilang isang batas ang RA 11523 o mas kilala bilang Financial Institution Strategic Transfer o FIST ACT.

Sinabi ni Presidential Spokesperson Harry Roque, na napapanahon na ang pagpasa ng FIST Law lalo na sa ngayon na ang lahat ay nasa panahon ng pandemiya.

Sinabi nito na nagpapasalamat ang Malakanyang sa Kongreso sa pagsasabatas ng RA 11523 na sinertipikahang “urgent” ng Pangulo.

“Pinapalakas nito ang ating financial sector na kinakailangan sa muling pagbangon ng ating ekonomiya. Kinikilala ng estado ang mahalagang papel po ng mga bangko at financial institutions as mobilizers of savings and investments and in providing the needed financial system liquidity to keep the economy afloat,” ayon kay Sec. Roque.

Dahil dito ay kinakailangan na mapanatili ng mga bangko at iba pang financial insitutions ang kanilang financial health.

“Kasama ito ang pag-address ng non-performing asset problems of the financial sector, paghikayat ng private sector investment sa mga non-performing assets, pagtanggal ng mga hadlang o barriers sa pagkuha o acquisition ng non-performing assets, pagtulong sa rehabilitasyon ng nahihirapang negosyo or distressed businesses, pag-improve sa liquidity ng financial system,” ang pahayag ni Sec. Roque.

Aniya pa, nananatili ang layunin ng pamahalaan na ibangon ang ekonomiya sa pamamagitan ng pagpapatupad ng fiscal at economic reforms at kasama ng rollout ng ating mass vaccination program.

“Sabay-sabay tayong gagaling at aahon mula sa Covid-19,” ani Sec. Roque.

Samantala, nauna nang inihayag ni Bangko Sentral ng Pilipinas Governor Benjamin Diokno na tinintahan na ni Pangulong Duterte ang FIST bill bilang isang bagong batas na naglalayon na bumuo ng specialized asset-managing corporations.

Sinabi ni Diokno na sa ilalim ng FIST law ay dadali para sa mga bangko na i-dispose ang bad assets sa pamamagitan ng Asset Management Companies.

Dagdag ni Diokno, makakatulong rin ang bagong batas para manatiling stable ang bangking system sa kabila ng epekto ng COVID-19 pandemic.

Matatandaan na isinulong noon ni Diokno ang panukala sa kadahilanan na posibleng humina ang kapasidad ng borrowers na magbayad dahil sa disruption ng cash flows sa huling bahagi ng 2020.

Mababatid na layon ng nasabing panukala na lumikha ng specialized asset-managing corporations na pwedeng mag-acquire sa bad loans at stagnant properties mula sa mga problemadong financial institutions.

Sa ilalim ng panukala ay maaring mag-invest, o mag-aquire ng non-performing assets (NPAs) ang mga Fist corporation mula sa financial institutions, at makipag-ugnayan sa third parties para sa management, operation, collection, at disposal ng acquired NPAs. (Daris Jose)

Bong Joon-ho, Confirms Two Follow-up Films for ‘Parasite’

Posted on: February 19th, 2021 by @peoplesbalita No Comments

HERE’S an update on what’s next for the director of Parasite.

Director Bong Joon-ho has confirmed that he’s currently working on two follow-up films for his Academy Award-winning movie Parasite.

Through The Director’s Cut podcast, the South Korean director shared that one of the two scripts is already finished. He also confirmed that one of the scripts will be written in English, while the other one will be written in Korean. According to Bong Joon-ho, “It feels like I’m splitting my brain in half left and right writing these two scripts. But I finished one last week.”

He added that the Korean film will be set in Seoul, with “unique elements of horror and action.” But he also noted that it’s difficult to define the genre of his films. Those who have seen the genre-bending Parasite would probably agree.

Meanwhile, the director said that the English script is based on a real event that took place in 2016, and that half of it will take place in the UK, while the other half will take place in the US.

Aside from these two upcoming films, Parasite is also getting a limited series from HBO which will also be helmed by Bong Joon-ho, with Adam McKay.

Last year, Parasite made history at the Oscars when it became the first South Korean film and the first foreign-language film to win the top prize, Best Picture. It also bagged the awards for the best director, best original screenplay, and best international feature film.

The film follows the Kim family who lives in a sub-basement apartment in Seoul. When their son gets hired to tutor for the daughter of the rich Park family, the Kims plot deceptive schemes to bring every family member into the rich household.

It stars Song Kang Ho, Choi Woo Sik, Park So Dam, Cho Yeo Jeong, and more. (ROHN ROMULO)

De Los Santos sumungkit ng ika-3 medalyang ginto

Posted on: February 19th, 2021 by @peoplesbalita No Comments

NAPSAKAMAY ni Orencio James Virgil De Los Santos ang pangatlong gold medal sa 2021 E-Karate World Series #1, Male Shotokan Division nitong linggo.

Dinomina ng Pinoy karatekang world No. 1 e-kata player si world No. 2 Matias Moreno Domont ng Switzerland sa finals, 25.6-24.4 para sa panlimang gold sa nabanggit na torneo matapos makaapat sa nagdaang taon.

Sa pangkalahatan sapul nang ma-COVID-19 noong Marso 2020, ito ang 39th gold ni De Los Santos makalipas makalikom ng rekord na 36 na ginto nitong isang taon patungo sa pag-angkin noong Oktubre ng top spot world ranking. (REC)

VINA, non-showbiz guy ang bagong inspirasyon kaya nananahimik; pangarap pa ring na maikasal

Posted on: February 19th, 2021 by @peoplesbalita No Comments

MAY nagpapakilig pala ngayon kay Vina Morales, pero hindi pa raw siya ready na isapubliko kung sino ang lalakeng ito.

Marami raw kasing kinukunsidera si Vina, isa na rito ay ang magkaroon ng tahimik na lovelife.

“Mahirap kasi ngayon, mahirap ‘yung past ko. Napaka-open ko sa private life ko pero nagkaroon ng maraming intriga.

“So better na ‘yung mas tahimik ngayon. Hindi naman artista ang nagpapa-inspire sa akin.

“Ang hirap din maging open din masyado kasi wala namang assurance pa eh. Kung talagang para sa ‘yo, kung talagang kayo.

“I guess better na medyo ganito na lang muna. Mas tahimik,” diin ni Vina.

Isa raw sa mga pangarap ni Vina na hindi pa natutupad ay yung ikasal siya.

“I’ve never been married. Gusto ko naman makasal. Kaso ngayon ayoko na ring umasa. Basta kung ano na lang ‘yung meant for me, kung wala ako, if I won’t be able to get married, kung hindi ko maranasan ‘yan, okay lang din sa akin.

“Parang open naman ako to anything. Life goes on with or without anyone. Of course masarap ‘yung feeling na may inspirasyon ka or parang hopeful ka pa rin na someday ikasal ka.

“But then kung hindi talaga para sa atin, wala akong magagawa. I cannot push things to happen or ipagpilitan ‘yung gano’ng situation na hindi naman talaga para sa akin,” diin pa niya.

Happiness daw ni Vina ay ang daughter niyang si Ceana na 12 years old na.

“Basta ako, I’m whole na because of Ceana. May Ceana ako, ‘yon lang ang importante sa akin. Kasi naging buo naman ako without anyone.”

***

AMINADO ang Kapuso actors na sina Dave Bornea at Manolo Pedrosa na may may kaba sa kanilang pagganap bilang leading men sa upcoming GMA Afternoon Prime series na ‘Babawiin Ko Ang Lahat.’

Kuwento ng dalawa, thankful sila sa GMA Network para sa pagtitiwala sa kanilang talent. Gayunman, hindi rin nila maiwasang makaramdam ng pressure.

Pagbabahagi ni Dave, “For me sobrang grateful po ako kasi ‘yun nga I was given the chance na mabigyan ng ganitong role at nilagay sa ganitong spot. May pressure po, hindi naman po maiiwasan yan, at the same time may kaba rin, pero para sa akin it’s up to me kung paano ko siya dadalhin or gagampanan.”

Sey naman ni Manolo, tinatanggap niya ang challenge, “Kahit ano’ng job naman siguro there’s pressure, so ako naman I used it. I used that pressure as energy and same with Dave, I’m very grateful, I’m E ag-celebrate very honored to have this path.”

***

NAG-CELEBRATE naman ng kanilang 8th anniversary sa Boracay ang showbiz couple na sina Shaira Diaz at Edgar Allan Guzman.

Post ni EA sa IG: “Ang sarap sa feeling na makapagtravel ulit. See you Bora!”

Post naman ni Shaira: “Finally flying again.”

Naging tradisyon na nila Shaira at EA ang nag-travel sa ibang bansa para mag-celebrate ng kanilang anniversary. Bago magkaroon ng pandemic, nag-US at nag-Hong Kong ang dalawa para mag-celebrate.

Inamin nila EA at Shaira na nagkahiwalay din sila pero nagkabalikan sila noong 2019.

Sa YouTube channel ni EA, nag-share ito ng naging love story nila ni Shaira.

“After niya ako sagutin ng February 17, tuloy tuloy lang hanggang ngayon seven years na kami and counting. Ngayon mahal na mahal ko si Baba and proud ako sa kanya. Proud ako na siya’y Baba ko and siya yung tinitibok ng aking puso. Siya yung pumana ng puso ko.”

“Nung first four years lagi kaming nag-aaway dahil sa maliit na bagay which is normal naman I think. Lahat naman tayo ganun. Parang pina-realize niya sa akin na kung maliit na bagay, huwag na natin pag-awayan kasi hindi naman makakatulong sa atin yan which is true.

“Importante yung kailangan ninyo mag-grow. Kahit na nasa relasyon kayo kailangan may sarili pa rin kayong buhay para at the end of the day wala kayong sisihan na, ‘Ay, hindi ko na-enjoy yung ganito.’ Kailangan yung faith niyo kay Lord sobrang malakas and matibay. Mahaba pasensya niyo sa isa’t isa.” (RUEL J. MENDOZA)

MPBL bongga pagbalik – Pacquiao, Duremdes

Posted on: February 19th, 2021 by @peoplesbalita No Comments

NAKATENGGA ang 3rd Maharlika Pilipinas Basketball League (MPBL) 2019-20 Lakan Cup dahil sa pandemya nang mag-lockdown ang bansa at magkanselasyon ng lahat ng sports event sapul pa noong Marso 2020.

Pero ipinahayag nito lang isang araw nina MPBL CEO/founder Sen. Emmanuel Pacquiao at Commissioner Kenneth Duremdes na wala sa plano ang pagtiklop ng liga at magiging bongga pa nga ito sa pagbabalik.

Ayon sa eight-division world men’s professional boxing champion na si Pacquiao, plano niyang magtayo ng tahanan ng MPBL sa Metro Manila na magsisilbing neutral playing venue ng 31 teams kapag nagkabakuna na sa pandemya’t bumalik sa dating tradisyunal na normal ang lahat.

Pinupuntirya nilang masimulan na ulit ang Lakan Final Four sa kasalukuyan o papasok na buwan at ang ikaapat na edisyon sa Hunyo upang maibalik na sa mga panatiko ang kasiyahan, depende sa pahintulot ng Inter-Agency Task Force.

“Ang hiling po namin, sana is makabalik na ulit tayo sa normal na pamumuhay para magagawa na ulit natin mga bagay, pati ang MPBL Lakan season maituloy na rin na nagpapasaya sa mga kababayan natin,” hirit naman ni Duremdes.

Dinugtong ng 1998 Philippine Basketball Association (PBA) Most Valuable Player at nag-47-anyos noong Enero na 31, kapag naidaos na ang Lakan, igagapang din nila ang bagong bagong season.

“Target goal namin ngayong 2021 matapos muna ang Lakan Season, then hopefully by June makapag umpisa uli ng bagong MPBL season,” dagdag pa ng former University Athletic Association of the Philippines (UAAP) Adamson Soaring Falcons coach.

Abang pa rin ang MPBL sa mga sangkot sa game-fixing na kinasuhan na. Ilan ditto ang mga player nadawit sa `bentahan’ at pagmamanipula sa mga laro, anila’y walang puwang sa sports at sa liga.

Good luck Sen. Pacquiao. (REC)

COMMERCIAL/RESIDENTIAL AREA, NASUNOG

Posted on: February 19th, 2021 by @peoplesbalita No Comments

ISANG commercial/residential area ang nilamon ng apoy kagabi sa Binondo, Maynila.

Sa ulat ng Bureau of Fire Protection- NCR, nangyari ang sunog sa establisimyento na pag-aari ng Jespajo Realty Corporation.

Isa itong 5 storey residential/commercial mezzanine building kung saan nagsimula ang apoy sa unit na inookupahan ni Shany Lim sa Unit 209 , sa ikalawang palapag ng nasabing gusali.

Pasado alas-8:00 nang magsimula ang sunog na umabot sa ikatlong alarma at idineklarang fire out pasado alas-9:00 ng gabi.

Umaabot naman sa humigit kumulang P300 libo ang napinsala sa sunog bagamat wala namang iniulat na nasaktan sa sunog. (GENE ADSUARA)

SHARON, nag-react sa basher at okay lang pintasan sila ni SEN. KIKO basta nakatutulong

Posted on: February 19th, 2021 by @peoplesbalita No Comments

NAG-POST si Megastar Sharon Cuneta sa kanyang Instagram ng video ng pagtulong ng husband niyang si Senator Kiko Pangilinan sa mga kababayan sa Porac.

Caption niya: “Sabi ko kay Kiko, dapat nilalabas niya ang mga ginagawa niyang pagtulong, kasi laging patago! Di yung puro pang-file lang para makita ng mga apo namin pagdating ng araw! Di tuloy alam ng tao.

“Pati pagtulong nila ni Kakie (si Frankie, eldest daughter nila ni Sen. Kiko) at pagpunta sa mga kababayan natin nung sumabog ang Taal, wala yatang nakaalam.

“Di kasi kami ganon’n talaga. Pero sa mga panahong ganito, baka maka-inspire sa ibang kababayan nating na tumulong din kahit paano. God bless us all! Lots of love sa inyong lahat!”

Kung maraming umayon kay Sharon, dapat talagang ipakita, may mga nang-bash din, kaya sinagot niya ito: “This is the first video I have posted on what he has done among hundreds, or even thousands that are just filed. Ang hirap sa tao, pag di nakikitang may ginagawa ka, pintas. Pag may nakita pintas pa rin. Pero okay na sa amin yung pintasan basta MAY ITINUTULONG!”

***

MARAMING actor ang nag-wish na sila ang gumanap sa role ni Steve Armstrong nang i-announce ng GMA Network na muli nilang gagawin ang Philippine adaptation ng Voltes V na ngayon ay titled nang Voltes V: Legacy.

Ang mga fans may kani-kaniyang gustong Kapuso actor na gumanap sa role, pero isang malaking break ang ibinigay ng network at ni Direk Mark Reyes kay Miguel Tanfelix, at ito na siguro ang biggest role niyang gagampanan sa kanyang career.

“Si Steve, leader siya eh, so dapat alam ko kung paano umasta bilang isang leader, paano iyong confidence,” sabi ni Miguel sa interview sa kanya ng 24 Oras.

“Dapat po ay alam ko ang responsibilities that come with it. Sa ngayon po ay dumaraan ako sa physical training, and I’m listening to podcasts and reading up on books regarding leadership.”

Hindi bago kay Miguel ang pagganap sa mga roles na ganito, at ang isang malaking role na nagampanan niya ay ang telefantasiya na Mulawin, na hanggang ngayon ay nakatatak sa kanya at muli niyang ginagampanan ito kapag may telefantasiyang ginagawa ang GMA, tulad nang gawin muli ang Encantadia.

Lahat ng cast members ngayon ng Voltes V: Legacy ay under training at naka-schedule sila sa lock-in taping by March, 2021.

***

NGAYONG hapon na ang grand finale ng top-rating GMA Afternoon Prime series na Prima Donnas, kaya marami nang naghihintay kung paano magtatapos ang serye na tampok ang tatlong donnas, sina Jillian Ward (Mayi), Althea Ablan (Ella) at Sophia Pablo (Lenlen, na hindi na natapos ang fresh episodes dahil hindi siya pwedeng magtrabaho since wala pa siyang 15 years old.)

Gusto ring malaman ng mga netizens kung ano ang magiging huling pasabog ni Kendra (Aiko Melendez), na pasasabugin niya ang Donaria crown, dahil gusto niyang mamatay ang lahat ng mga Claveria; Lady Prima (Chanda Romero), Jaime (Wendell Ramos), Lilian (Katrina Halili) at sina Mayi at Ella.

Paano ang tunay niyang anak na si Brianna (Elijah Alejo), makaliligtas ba siya?

Napapanood ang Prima Donnas ng 3:25PM, pagkatapos ng Magkaagaw sa GMA-7. (NORA V. CALDERON)

Ads February 19, 2021

Posted on: February 19th, 2021 by @peoplesbalita No Comments