2021 March 11 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March 11th, 2021

4 nasakote sa buy bust sa Valenzuela at Caloocan

Posted on: March 11th, 2021 by @peoplesbalita No Comments

Timbog ang apat na hinihinalang drug personalities kabilang ang isang bebot sa isinagawang magkahiwalay na buy bust operation ng pulisya sa Caloocan at Valenzuela cities, kahapon ng madaling araw.

Dakong alas-2:30 ng madaling araw nang magsagawa ng buy bust operation ang mga operatiba ng Valenzuela Police Station Drug Enforcement Unit (SDEU) sa pangunguna ni PLT Joel Magregalejo sa ilalim ng pangangasiwa ni P/Col. Fernando Ortega sa No. 75 Tamaraw Hills Marulas, Valenzuela City.

Kaagad inaresto ng mga operatiba si Jasper Gonzales, 33, at Kaye Tagle, 34, matapos umanong bentahan ng P1,500 halaga ng shabu ang isang pulis na nagpanggap na poseur buyer.

Nakuha sa mga suspek ang nasa 11 gramo ng hinihinalang shabu na may standard drug price na P74,800.00 ang halaga, buy-bust money na binubuo ng isang P500 bill at isang P1,000 boodle money, P300 recoverd money at isang cellphone.

Sa Caloocan, nakatanggap ang mga operatiba ng NPD District Drug Enforcement Unit (DDEU) ng impormasyon mula sa kanilang confidential informant na ang illegal na droga ay laganap umano sa G. De Jesus St. Brgy. 139, Bagong Barrio.

Nang makumpirma ang ulat, nagsagawa ng buy-bust operation ang mga operatiba ng DDEU sa pangunguna ni PLTCOL Macario Loteyro at PMAJ Jerry Garces sa naturang lugar na nagresulta sa pagkakaaresto kay Randy Paculdar, 42, driver, at Raymond Peralta, 39, bandang alas-10:30 ng gabi.

Nakumpiska sa mga suspek ang nasa 10 gramo ng hinihinalang shabu na tinatayang nasa P68,000 ang halaga, buy bust money na binubuo ng isang P500 bill at 19 piraso ng P1,000 boodle/money at isang cellphone. (Richard Mesa)

Malakanyang, kinondena ang pagpatay kay Mayor Aquino

Posted on: March 11th, 2021 by @peoplesbalita No Comments

KINONDENA ng Malakanyang ang nangyaring pagpatay kay Calbayog City, Samar province Mayor Ronald Aquino.

Ang pangamba ni Presidential Spokesperson Harry Roque ay simula na ito ng political violence bunsod ng papalapit na 2022 elections.

“Kinukondena po natin iyan dahil ang karapatang mabuhay po ay ang pinakaimportanteng karapatan. Nanunumbalik po kami at naalarma na dahil isang mayor po ang pinatay baka ito’y simula na naman ng patayan dahil sa pulitika sa panahon na papalapit na ang eleksyon,” ayon kay Sec. Roque.

“Ang demokrasya po, tao po ang humahalal at ang ating panawagan, hayaan po nating maghalal ang taumbayan sa pamamagitan ng pagpili ng sa tingin nila ang pinakaepektibong mga mamumuno. At saka itong political violence po has no place in a democracy. Kinukondena po natin iyan,” dagdag na pahayag ni Sec Roque.

Sa ulat, napatay sa pakikipagbarilan di umano sa mga pulis ang alkalde ng Calbayog City, Samar na si Aquino.

Sinabing bukod sa alkalde, nasawi rin ang kanyang driver at security escort.

Isa pang pulis ang nasawi, at isa naman ang nasugatan.

Sa imbestigasyon, sakay ng van ang alkalde at mga kasama at inakala nilang sinusundan sila ng isa pang sasakyan.

Pinaputukan umano ng grupo ng alkalde ang mga sakay ng nakasunod na sasakyan na mga pulis pala.

Gumanti ng putok ang mga pulis na naging dahilan ng pagkamatay ng alkalde at tatlong iba pa.

Sa Facebook post ni Samar Representative Edgar Mary Sarmiento, sinabi nito nangyari ang insidente sa Laboyao Bridge sa Barangay Lonoy.

Natadtad umano ng bala ang van ni Aquino.

Sa ulat, sinabing iniutos ni PNP chief Police General Debold Sinas sa regional police office ng Eastern Visayas na imbestigahan ang insidente. (Daris Jose)

Eala keber maging mukha ng Philippine lawn tennis

Posted on: March 11th, 2021 by @peoplesbalita No Comments

WALANG kaba kay Women’s Tennis Association WTA) rookie Alexandra ‘Alex’ Eala ang na maging mukha ng sport sa ‘Pinas sa lalong madaling panahon o maging kasing sikat ni eight-division world champion Emmanuel ‘Manny’ Pacquiao sa men’s professional boxing.

“I don’t see it as pressure, honestly,” tugon ng 15-anyos, tubong Quezon City at PH lawn tennis sensation kay 2019 Southeast Asian Games gold medalist (men’s doubles) Francis Casey Alcantara sa Tennis Talk stream sa nagdaang Biyernes na napanood ng Opensa Depensa.

Idinagdag pa ng Globe ambassadress at Rafael Nadal Academy (RNA) scholar, na hindi niya kailangang maging perpekto sa bawat torneong nilalahukan sa kasalukuyan sa Europe at hindi rin niya iniisip na makarating palagi pataas na isa sa rason kaya mabuti ang nagiging mga laban bukod pa kawala niyang dapat na patunayan kaninuman.

Buhat sa WTA world No. 903 ranking, umakyat ng 140 pataas si Eala na ngayo’y nsa No. 763 makalipas ang lamang professional event na nilaruan sa taong ito, tampok ang kampeonato sa International Tennis Federation (ITF) W15 Manacor tournament first leg sa Spain noong Enero.

Nakatakdang talupan ng Pinay netter ang ikalawang sunod niyang ITF W25 Manacor pro tourney sa Spain sa linggong ito Miyerkoles, Marso 10 ng gabi.

Mula sa OD, good luck sa iyo Alex. (REC)

Shoot to kill order ni PDu30 laban sa mga NPA

Posted on: March 11th, 2021 by @peoplesbalita No Comments

PARA sa Malakanyang, internationally accepted principle ang naging kautusan ni Pangulong Rodrigo Roa Duterte laban sa mga miyembro ng New Peoples Army Group.

Ito ang inihayag ni Chief Legal Counsel Secretary Salvador Panelo sa harap ng pagkuwestiyon sa shoot to kill order ng Chief Executive Punong Ehekutibo laban sa mga armadong NPA.

Binigyang diin ni Panelo na walang masama sa nasabing direktiba lalo pa’t nasa balag ng alanganin ang buhay ng isang sundalo.

Giit nito, isang legal justification ang self defense para pumatay gayung ang umiiral dito ay instinct of survival.

Sinabi ni Panelo na ito rin ang nakasaad sa Geneva Convention subalit ibang usapan na aniya kung sumuko na ang isang miyembro ng NPA.

Nauna rito, dinepensahan naman ni National Security Adviser Hermogenes Esperon ang utos ni Pangulong Duterte na patayin ang mga armadong komunistang rebelde sa bansa.

Sa Laging Handa Public Briefing, sinabi ni Esperon na kung makikita ng tropa ng pamahalaan na armado ang kalaban dapat na itong barilin dahil kung hindi tiyak na sila ang mababaril

Malinaw naman aniya ang utos ng Pangulo na shoot to kill laban sa armadong miyembro ng Communist Party of the Philippines-New People’s Army.

Matatandaan na noong nakaraang linggo lamang, ipinag-utos ng Pangulo sa mga sundalo na patayin ang mga armadong komunistang rebelde.

Dalawang araw matapos ang utos ng Pangulo, siyam na aktibista ang napatay sa magkakahiwalay na operasyon sa Cavite, Laguna at Rizal. (Daris Jose)

Ticket ng huling laro ni Bryant nabili ng $40-K

Posted on: March 11th, 2021 by @peoplesbalita No Comments

Naibenta sa halagang $40,000 sa isang auction ang pirmadong tickets ng huling laro ni Los Angeles Lakers star Kobe Bryant.

Sa nasabing laro noong Abril 13, 2016 nakapagtala ng 60 points ang tinaguriang Black Mamba.

Dahil dito ay tinalo ng Lakers ang Utah Jazz .

Ayon sa Goldin auctions na mayroong 42 ang nag-bid sa nasabing ticket.

Hindi na binanggit pa ng Goldin Auction ang pangalan ng nakabili ng ticket.

Ads March 11, 2021

Posted on: March 11th, 2021 by @peoplesbalita No Comments

Ho nagpaalala sa bakuna

Posted on: March 11th, 2021 by @peoplesbalita No Comments

TINAGUBILINAN ni dating Philippine Super Liga (PSL) star Gretchen Ho ang publiko hinggil sa mainit ngayong isyu sa bakuna kontra Coronavirus Disease 2019 (Covid-19) at ang patuloy pa ring pagsirit ng pandemya sa bansa.

Aniya kamakalawa, bago paghinalaan ang iniksiyon para sa pandemic at kumuda ang mga nagmamagaling, dapat alamin kung saan ito nagbuhat, mas maiging magsaliksik din muna at alamin ang magiging epekto o magiging puno’t dulo nito kapag ininiksiyon na.

“A reminder for everyone: Before judging the vaccines and where they come from, do your own personal research,” bigay-diiin ng former Petron Blaze Spikers player sa kanyang social media account.

Dinugtong pa ng 30-taong-gulang at 5-8 ang taas na balibolistang tubong Maynila, na bago magpasya sa pagpapapaturok, suriin ding muna ang magiging epekto nito base sa mga pangyayari at pag-aaral ng mga siyentipiko.

Sa dami aniya ng mga kumakalat na pekeng isyu ngayon ay kailangan ang ibayong pag-iingat para sa lahat ng mga mamamayan.

“Dami nang fake news ngayon kaya ingat tayo,” panapos na dada ng athlete-host. (REC)

Sotto swak pa rin para sa Gilas ‘Pinas training pool

Posted on: March 11th, 2021 by @peoplesbalita No Comments

IPINAHAYAG ng Samahang Basketbol ng Pilipinas Inc. (SBPI) na kabilang pa rin para sa Gilas Pilipinas training pool si National Basketball Association (NBA) prospect Kai Zachary Sotto.

“He’s part of the list so we just have to talk to him, reach out to him again, we haven’t finalized our calendar yet, but once we do we will have share with him what the plan is,” salaysay ni SBP president Alfredo Panlilio nitong Martes ng gabi.

Bulilyaso ang binyag sa national men’s team ng 18-anyos, 7-3 ang taas na Pinoy cage phenom para sa third and final window ng 30th International Basketball Federation (FIBA) Asia Cup Qualifiers 2021 sa ‘Pinas at sa Doha nitong Pebrero sanhi ng Coronavirus Disease 2019.

Sumalto rin ang tubong Las Piñas na basketbolista para sa Ignite Team ng 20th NBA G League 2021 sa nakalipas na buwan dahil sa pag-uwi ng ‘Pinas at pagbalik ng Estados Unidos, pinigilan na siyang makapasok sa Orlando, Florida bubble sanhi nang mahigpit na health protocol na pinaiital.

“But like I said in the past, he’s welcome to join us and he’s part of the pool. Actually, he’s name is there,” hirit na lahad pa ng opisyal

Pinangwakas niyang tigil muna ang SBPI sa paghiram ng mga manlalaro ng Philippine Basketball Association (PBA) Gilas para sa Asia Cup Qualifiers window three sa Subic, Zambales sa Hunyo 14-20 at sa FIBA Olympic Qualifying Tournament sa Hunyo 29-Hulyo 4 sa Serbia, Belgrade, Serbia. (REC)

Muling pagsirit ng Covid-19 cases sa bansa, walang dahilan para mag-panic- Malakanyang

Posted on: March 11th, 2021 by @peoplesbalita No Comments

WALANG nakikitang dahilan ang Malakanyang para mag-panic sa pagsirit ng COVID-19 cases sa bansa.

Sa ulat, may 3,000 na bagong COVID-19 cases ang naitala kada araw sa nakalipas na apat na araw.

“Hindi pa rin ako nagpa-panic, kasi iyong ginawa nga natin iyong lockdown, hinanda natin ang ating health system,”ayon kay Sec. Roque.

“Nasa 60% ang availability ng hospital beds and facilities [for COVID-19] patients. Kaya natin silang pagsilbihan, alagaan at pagalingin,” dagdag na pahayag nito.

Gayunpaman, hinikayat ni Sec. Roque ang publiko na gawin ang kanilang parte para paigtingin ang pagsunod sa minimum health standards kabilang na rito ang pagsuot ng face mask at face shield, paghuhugas ng kamay, pag-obserba sa physical distancing, at magpaturok ng COVID-19 vaccine sa oras na ito’y available na.

Nauna rito, sinabi ni Sec. Roque na walang pangangailangan para baligtarin ang full-scale lockdown sa ngayon.

Kinatigan naman ni dating Health Secretary Manuel Dayrit ang pahayag ni Sec. Roque subalit kailangan na pabilisin ang vaccination program upang maiwasan ang economic downturn. (Bishop Jesus “Jemba” M. Basco)

PDA, bawal na muna

Posted on: March 11th, 2021 by @peoplesbalita No Comments

Muling nakiusap ang pamunuan ng Philippine National Police (PNP) sa mga magsing-irog na maghinay-hinay muna sa paglalambingan sa publiko habang umiiral pa rin ang quarantine protocols sa gitna ng coronavirus disease (COVID-19) pandemic.

Ito ang paalala ni PNP spokesperson Brig. Gen. Ildebrandi Usana kasabay ng muling paghihigpit ngayong nanunumbalik ang lockdowns sa ilang lugar sa Metro Manila.

Aniya, paglabag ang pisikal na lampungan sa publiko sa mga health and safety protocols na una nang itinakda ng gobyerno. Sakop ng “automatic violation” ang yakapan, holding hands at halikan sa labas ng bahay.

“This is a mere reiteration of previous advisory from the [government]. Kahit naman po since [the] start of restrictions, bawal ang mga [public displays of affection] talaga,” sabi ni Usana .

“[B]awal po magtabi at magkakausap ng malapitan ang sinuman, bawal po ang pagpunta sa mga matataong lugar na nagsisiksikan ang bawat isa… Alam po ng mga tao ang bawal po.”

Inutusan ang kapulisan na itahin ang mga lalabag, na sakop din ang mga magkakamag-anak at magkakaibigan sa mga pampublikong lugar.

Wala naman daw arestuhan agad-agad para sa mga magsinta na mahuhuling nag-P-PDA: warning lang daw muna sa first offense.

“The virus may be right before them. Infection happens to families, it can happen to anyone, anywhere. People [should] maintain cautious from the spread of the virus,” dagdag ni Usana, habang iginigiit na hindi na ito bagong alituntunin.

“And if [you love your] spouse, [your] children… be aware of the minimum heal

Noong Biyernes hanggang Lunes, matatandaang lagpas 3,000 ang naidadagdag na bagong hawa ng COVID-19 kada isang araw sa Pilipinas — bagay na ilang buwan nang hindi naitatala ng Department of Health (DOH). Natataon ito sa pagpasok ng mas nakahahawang variants sa bansa na unang nadiskubre sa South Africa at United Kingdom.

Umabot na sa 600,428 ang tinatamaan ng COVID-19 sa Pilipinas sa huling ulat ng DOH nitong Martes. Sa bilanbg na ‘yan, patay na ang 12,528.