TAHIMIK lang ang actress na si Sunshine Dizon kahit na naglalabasan na ang mga balitang lumipat na siya ng ABS-CBN mula sa pagiging isang Kapuso.

Ang daming nagulat sa totoo lang bilang si Sunshine ang isa sa masasabing Kapuso all through-out her career.

Wala rin statement na inilalabas pa ang kanyang talent management, ang PPL Entertainment, Inc. Pero, nag-Instagram Live ang kanyang manager na si Perry Lansigan at nang may magtanong tungkol sa isyu ng paglipat ni Sunshine ng network, paulit-ulit lang siyang sumagot na dapat, ang artista raw ang sinusuportahan kung nasaan man ito, lalo na at kung sinasabi na fan ka ng particular na artista.

Pero may nagsulat at nakalabas na nga na kasama si Sunshine sa naging storycon ng unang serye na pagbibidahan ni Janine Gutierrez opposites Paulo Avelino.  

Yes, tatlo silang mga dating Kapuso.

***

ISA kami sa nakakita na madalas nag-i-interact sa Twitter at Instagram ang bagong magkapareha ngayon na Kapuso stars, ang Asia’s Pop Diva na si Julie Anne San Jose at ang Kapuso Hunk na si David Licauco.

Pansin din naman kasi na parang may kakaibang real kilig ang dalawa mula nang magsimulang magkasama at mag-lock-in taping para sa kanilang unang serye, ang Heartful Café.

Kaya siguro ang mga tagahanga ni Julie Anne, iba rin ang suporta at kilig sa kanilang dalawa kahit na sa Lunes, April 26 pa sa GMA-7 at GMA Heart of Asia magsisimula silang mapanood.

     “Well, actually noong start nga, nagugulat ako, yung attention, ang dami, e. Hindi ko na-experience before,” sabi ni David.

Kaya napaisip daw siya na baka ganun talaga ang mga fans ni Julie sa mga nagiging leading men nito. Pero kinumpirma nga raw sa kanya ni Julie na iba ngayon.

Aniya, “Inisip ko baka even sa mga naging partner niya, gano’n ang mga fans niya. But then, I asked her na baka naman ganun lang silang lahat na nali-link na pair mo. But then, Julie answered na hindi, ngayon lang sila kinilig.

     “Wow, napaka-ano pala, baka nga it might work. At nakakatuwa ang mga fans niya kasi, kahit na ano ang gawin ko, almost every day nagtatanong sila, wala bang, uy, wala bang post about Julie?  Nakakatuwa lang na nakakapagpa-happy ka ng mga fans.”

Sa isang banda, trailer pa lang ng Heartful Café ay mukhang kakaiba nga ang kilig na ihahatid ng dalawa. Kaya no wonder, when David was asked kung ano ang mamimiss niya kay Julie, hindi raw siguro niya ito mamimiss dahil feel niya or hoping siya na magkakasama pa rin sila sa susunod nilang projects. (ROSE GARCIA)

SOBRANG sweet at maalaga talaga si Marian Rivera-Dantes sa kanyang asawa na si Dingdong Dantes kaya naman kinilig ang netizens at napa-’sana all’ na naman.

Pinost ni Dingdong ang inihandang healthy breakfast ni Marian at nilagyan niya ito nang nakakikilig na caption.

“I am launching something that is very close to my heart today— something that we’ve been working on for over a year now. I don’t usually have breakfast, but today, my wife prepared this yummy and healthy meal with the intent of sending some good luck as i face the members of the press.

“Actually, kiss lang niya ayos na ayos na, ano pa kaya na may ganito. Salamat, @marianrivera!”

Ang tinutukoy ni Dingdong na ilo-launch ay ang bago niyang business venture na delivery service na Dingdong® PH na ang pinaka-core ay ‘professional malasakit’ at sa kanyang post:

“At the core of Dingdong® is the EXCELLENT SERVICE that we give to ALL our stakeholders: merchants, corporate partners, riders and customers. We believe that excellent service is the KEY to ALL our business relationships, and to ALL doors of innovative solutions that we backed up by technology.

    “Dingdong® is definitely here to build lasting relationships with our fellow entrepreneurs, partner riders and discerning consumers by enabling and empowering them. And we understand that it is only through the empowerment of our community members that we will be able to co-create people-centric solutions that will allow all of us to thrive and progress sustainably amidst adversity.

     “All it takes is for you to ring that bell. Once you ring it, we will bring it. @dingdong.ph #YouRingItWeBringIt.”

Masaya namang ni-repost ni Marian ang photo ni Kapuso Primetime KIng at say niya, “Couldn’t be more proud of you as you launch your latest venture, @dingdong.ph! May you continue to inspire everyone around you. Congratulations Mahal ko. Love you! #YouRingItWeBringIt.”

Sagot naman ng daddy nina Zia at Sixto, “Thank you, love, for being my inspiration and my rock. Excited for things ahead para sa iyong baby na @floravidabymarian at sa @dingdong.ph. Hanggang sa larangang ito…magpartner tayo.”

Maituturing na isang public service ang ginagawa ng award-winning actor dahil sa vision at mission na makatulong sa mga nawalan ng trabaho dahil sa pandemya lalo na ‘yun nasa entertainment industry.

Sa naging pahayag nga ni Dingdong, “Sinabi ko noon sa sarili ko na kapag dumating ang panahon na may kakayahan na akong tumulong sa iba, pagtatapusin ko ang mga kapatid ko sa pag-aaral at sisikapin ko rin makatulong sa iba.”

Ang mga riders ng Dingdong® PH ay nakapasa at dumaan talaga sa masusing training para maiparamdam sa mga customers ng small business owners ang kanilang “professional malasakit.”

***

NGAYONG Lunes ika-26 ng Abril, maghanda na mabihag sa matinding kwento ng tatlong kababaihan mula sa isang marangyang apartment na ipaglalaban ang kani-kanilang mga hangarin sa pinakabagong handog ng GMA Heart of Asia na The Penthouse.

Matapos makagawa ng ingay dahil sa record-breaking ratings nito sa Korea, mapapanood na ng Filipino viewers ang multi-awarded series simula ngayong Lunes sa GMA Telebabad.

Ang The Penthouse ay pinagbibidahan ng mga kilalang artista na sina Lee Ji-Ah, Kim So-Yeon, Eugene, Um Hi-Joon, Yoon Jong-Hoon, at Park Eun-Seok.

Ang serye ay tungkol ang sa mga mayayamang pamilya na naninirahan sa Hera Palace at kanilang mga anak sa Cheong-ah Arts School. Lahat sila ay may mga ambisyon at hangarin para sa kanilang mga anak at gagawin ang anumang bagay para sa kanila.

Gayunpaman, magsisimulang gumuho ang kanilang buhay nang may isang misteryosong babae ang nahulog sa kanyang kamatayan sa gitna ng isang pagdiriwang sa Hera Palace. Habang pinipilit ng mga residente na pagtakpan ang katotohanan na namatay ang babae sa kanilang tirahan, hindi nila maiwasang paghinalaan ang isa’t isa sa nangyaring insidente.

Hanggang saan nila handang gawin ang lahat para manatili sa tuktok at protektahan ang kanilang mga interes?

Huwag palalampasin ang top-rating Korean series na The Penthouse simula Abril 26, Lunes hanggang Huwebes, 10:20 ng gabi sa GMA Telebabad.  (ROHN ROMULO)

IPINAGMAMALAKING ikinuwento ni Sharon Cuneta na ilang araw na raw siyang ipinagluluto ni Judy Ann Santos at super thankful nga siya kay Juday sa pag-aalaga sa kanya.

May sakit si Megastar at sinabi nitong may pinagdadaanan siya these past few days, base na rin sa mga posts niya.

Sabi nga niya, “Hindi po nya binebenta ito. Pero ilang araw na ako pinagluluto ng kapatid kong si Juday @officialjuday para daw lumakas at gumaling ako agad! Tulad ng pinakamasarap na Chicken Curry sa mundo na gawa nya and alam nyang paborito ko. Nung isang araw naman champorado, arroz caldo, at lahat na yata ng paborito ko pinagbuhusan niya ng panahon at pagod para lang sa akin.

“Mayat-maya tinetext nya ako. Nung isang araw magkafacetime kami. Iba si Juday sa puso at buhay ko. Hanggang kabilang buhay magkasama at magdadamayan kami. I love you with all my heart, sis. Thank you so much for taking good care of me.”

     Sinagot naman ito ni Juday nang, “Feel better soon my ate.. basta kumain ka lang , i’ll take care of you kahit hanggang sa pagkain lang muna… just promise me that you will take care of yourself as well.. i love you ate.. im just here no matter what.“

Hindi naman sinasabi  ni Sharon kung ano ba ang sakit o pinagdadanan niya ngayon kaya marami sa mga followers niya ang nagtatanong at nag-aalala. (ROSE GARCIA)