2021 April Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for April, 2021

SMC itutuloy ang paglalagay ng BRT system sa Skyway 3

Posted on: April 30th, 2021 by @peoplesbalita No Comments

Itutuloy ng San Miguel Corp. (SMC) ang planong paglalagay ng bus rapid system (BRT) sa kahabaan ng elevated Skyway Stage 3 expressway.

Ngayon tapos na ang proyektong Skyway Stage 3, sinabi ng SMC na pursigudo silang ituloy ang planong paglalagay ng BRT upang mas gumanda ang paglalakbay at masuportuhan ang tuloy-tuloy na daloy ng transportasyon.

“As early as 2017, we had been considering the BRT system on the Skyway to further decongest traffic in Metro Manila and transform the commuting experience of many Filipinos,” wika ni SMC president Ramon Ang.

Gumagawa na ng pag-aaral ang SMC para sa pagtatayo ng BRT sa Skyway at ginagawa na rin ang plano para dito. Ang nasabing plano ay ibibigay sa Department of Transportation (DOTr) kapag tapos na ang pag-aaral na ginagawa.

“We’re excited to start discussions on this. The most important thing is that the platform is already here – the completed elevated Skyway system – and this BRT or high-capacity P2P system will make commuting faster and better for motorists,” saad pa rin ni Ang.

Sa pamamagitan ng Skyway, ang BRT ay gagamit ng mga buses na magsasakay ng mas maraming pasahero sa tamang oras at hihinto lamang sa mga designated stations sa tinalagang pagitan.

Ang BRT system ay maaari rin na isahintulad sa high-capacity point-to-point (P2P) bus system.

Makakatulong din ang BRT system sa pagkunti ng mga sasakyan na nagkukumpetensiya ng lugar sa lansangan kung kaya’t mababawasan ang pagsisikip sa mga kalsada. Magkakaron din ng magandang karanasan ang mga motorista at pasahero na sa araw-araw ay sumasakay sa pampublikong transportasyon.

Ang plano ng SMC ay ang BRT system ay magsisumula sa Skyway galing Susana Heights sa San Pedro, Laguna hanggang Balintawak.

“Our expressways are designed not just for motorists, but also to serve as a platform for efficient and sustainable mass transportation,” dagdag ni Ang.

Ayon pa rin kay Ang, ang mga motorista ay mas pipiliin ang mayrong mahusay na sistema ng pambuplikong transportasyon na may ligtas, kumportable, at murang pamasahe kaysa magdala ng kanilang sariling sasakyan.

Naniniwala si Ang na ang kanilang elevated expressway ay importante sa paglutas ng traffic sa Metro Manila kung saan ang traffic ay mas magiging matindi pa sa mga darating na panahon. Para sa kanya kailangan ng gumawa ng mga aksyon ngayon para hindi na lumala pa ito. (LASACMAR)

KRIS, looking forward na maka-face to face ang basher ni BIMBY

Posted on: April 30th, 2021 by @peoplesbalita No Comments

SA Q&A session ng mag-inang Kris Aquino at Bimby noong nakaraang linggo, marami talaga ang pumuri sa anak niya lalo na sa pagiging smart sa pagsagot ng mga tanong.

Tinanong ni Kris si Bimby kung ano ang nararamdaman niya kapag may nababasang comment at tinatawag siyang gay.

“Wala I don’t really feel anything,” sagot ni Bimby.

“O sige, if you think I’m gay, alright dude. But you do realize that the gay community sa Philippines is a strong community. And you do realize that I’m 14 in a few minutes, so, parang, it did not go through my mind, because I know what I am. I’m straight as an arrow.”

“Are you sure?”, tanong ni Kris. “Yes!”, sagot ng anak.

Pananaw naman ni Kris sa pagiging gay ng isang tao, “I really don’t care, honestly. Whatever you choose to be, it will be fine with me for as long as you excel.

“And I am so anti-homophobia.”

Singit naman ni Bimby, “I love gays. I love LGBTQ++.”

“Have you questioned yourself at all?”, tanong uli ni Kris sa anak.

“No, not at all. I love girls. I’ll set the record straight, I’m straight. I like women. I don’t like boys.”

Payo pa ni Kris, “You know Bimb, whatever you choose to be, it’s none of their business.”

Sagot naman ng anak na nagbibinata na, “I’m sure, they’re entitled to their opinion on what they think about me, just as long as you don’t attack me.

“If you say, ‘I think Bimb is gay,’ I’ll respect that. I’ll say, ‘No, I’m not gay.’ But if you say, ‘Beki si Bimb, kadiri!’ That’s wrong. As long as you debate with someone at may respeto ka sa tao, okay lang, sure. If you have different opinions, okay lang ‘yan, sure.”

Sa IG post ni Kris proud na proud nga siya sa naging pag-uusap nila ni Bimby,

“He asked, i answered…

“What can i say? i said LAHAT sasagutin, kaya walang inurungan… my 14 year old knows me inside out… in my birthday card to him i said – he has already given me way too much LOVE, SUPPORT, TRUST, and UNDERSTANDING. Kaya ngayon, it’s time for him to experience “regular” and “normal” to the best that i can give him… Tomorrow he answers my questions, i am so PROUD, mas matalino, mas matatag, mas malawak ang pagunawa ng bunso ko kumpara sa mama nya when i was his age, and even now in many ways, he really is the BETTER me!”

Pero hindi niya napigilang sagutin ang isang basher na parang pinagtawanan ang pag-pilantik ng mga daliri ni Bimby, na later on ay dinelete din ang comment nito.

Post ni Kris, “since i’m smart enough to know that @ayrien0218 will most likely delete her comment after i replied to her senseless observation about bimb’s hand gestures, here’s my reply:

“@ayrien0218 you know i have had enough of this bullsh*t… if that’s the only thing you can criticize about my son then i have really done a f*cking great job as a mom. On the other hand i must say the fact that you choose to pick on the gestures of a 14 year old boy says so much about your lack of propriety. I have shut up for too long BUT i have had it. This is my feed, and you are bullying the wrong boy. I am not going to criticize you physically BUT i will call you out on your lack of DECENCY. You cannot handle attacking me so you are attacking my son. You chose the wrong Mom. i look forward to the day i see you face to face.”

Reaction naman ng netizens sa naging obserbasyon ng basher:

“Sana talaga mag kaso kris para malaman nila na mali sila. Kasi kung ganyan lang lagi, iisipin ng mga anak mo wala ka man lang ginawa na hakbang para ipag tanggol sila sa legal na paraan.”

“Why are they insisting that Bimby is gay when he already answered the question?”
“He’s straight as an arrow nga, di ba? Since 12 years old pa lang si Bimb, may gay issue na siya. Imagine na minor siya ha.”

“Just let the socmed team handle your account, and cooperate with the authorities kung kailangan especially with accounts attacking Josh and Bimby. Dumadagdag pa kasi yan sa stress nya , eh hindi nga pwedeng ma-stress ang mga taong may autoimmune issues.

“And well, makakatulong kung di masyadong magpapakita mga bagets sa feed nya. Privacy aside, para naman they can live their lives as normally as possible, kahit alam naman nating anything but normal ang buhay nila with a mom like Kris. :)”

“Im 100% sasabihin ni basher na “ay sorry po nahack po ang account”, “pinakelaman ng kapatid/anak ko ang account ko” or “sorry po, wag nyo po ako ikulong. Maraming tao nakasalalay sa akin”.”

“It insiuates na bekiz si Bimby, which he already debunked.”
“But for me, pwede namang hindi ka macho manly barumbado and still straight. May mga kilala akong ganun. Helps to understand that he was raised by Kris, so halos lahat ng gestures, mannerisms at manner of speech nya, nakuha from her.”

“My observation was the same. Yung gestures kasi ni Bimby and way of talking parang si Kris, so ang dating parang ganun nga sa comments ng mga bashers. Again observation ko lang to based dun sa interview nya sa anak nya. But theres no doubt that he is a good kid. I dont care kung ano man sya, choice nya yun.”

“in polite situations no one would dare comment about that but Kris has put her own son in the spotlight on social media. You can’t censor people’s opinion unless you block them.”

“Tama. May batas yan lagot ka basher..criminal case yan.

”She deleted her sons’ photos but uploaded a long video of Bimby where she’s exposing him to public opinion. Just shut up, Kris! Ikaw ang magbigay ng privacy sa anak mo at buhay nyo!”

“Commenter is insinuating. Look at the emoji.”

“Parang wala pang sariling identity si bimbi so he copies his mom’s gestures.”

“Napaka HOMOPHOBIC talaga ng mga pinoy! Dahil siguro walang pinagkakaabalahan sa buhay most chismosa dito kaya pati pilantik ng daliri ng iba napapansin.”

“kasi sinabi na ni bimb na he’s straight pero ganyan pa din sinasabi ng tao.” (ROHN ROMULO)

DILG, pananagutin ang mga alkalde at brgy chairman na malulusutan ng COVID-19 quarantine violations

Posted on: April 30th, 2021 by @peoplesbalita No Comments

PANANAGUTIN ng Department of the Interior and Local Government (DILG) ang mga alkalde at barangay chairman kapag may nangyaring COVID-19 quarantine violations sa ilalim ng kanilang hurisdiksyon.

Sa Talk To The People, Miyerkules ng gabi ay sinabi ni Pangulong Rodrigo Roa Duterte na kamakailan lamang ay marami na siyang nakitang quarantine violations na itinuturong dahilan sa pagtaas ng COVID-19 cases sa Metro Manila a at sa mga lalawigan ng Bulacan, Rizal, Cavite, at Laguna — o mas tinatawag na National Capital Region Plus (NCR Plus).

“Now I will do this. I will hold responsible, and I will direct the Secretary of the Local Government — DILG — to hold the mayors and responsible for these kinds of events happening in their places. It is a violation of the law. And if you do not enforce the law, there is a dereliction of duty, which is punishable under the Revised Penal Code,” ayon kay Pangulong Duterte.

“So the DILG can proceed against you for not doing your duty as mayor, or as a barangay captain. But not so much about the mayor. It’s just that there the liability. These barangay captains are the problem. Since barangays are really small, do not give me that shit about that you didn’t know about it,” dagdag na pahayag ng Punong Ehekutibo.

Hindi naman tinukoy ng Pangulo kung anong quarantine protocols ang nalabag subalit marami aniya siyang na-obserbahan na ilang isyu gaya ng kasiyahan na maaaring naging dahilan ng pagkalat ng COVID-19.

“Son of a… we don’t have money. Do not ever think that we can accommodate you just anytime. If you look on TV and the news, patients can’t enter hospitals. They’re waiting in cars. They’re waiting outside until they can be given beds,” ani Panguong Duterte.

“The local government will go after you — administratively and criminally — if there’s a fiesta gathering or dance there. The DILG will call the mayor and the barangay captain,” dagdag na pahayag pa rin ng Chief Executive.

BAGONG CAMANAVA TRAINING CENTER PINASINAYAAN SA NAVOTAS

Posted on: April 29th, 2021 by @peoplesbalita No Comments

Mas maraming Navoteños ang mabibigyan ng access sa libreng technical and vocational education kasunod ng inagurasyon ng Navotas Vocational Training and Assessment (NAVOTAAS) Institute bilang bagong Technical Education and Skills Development Authority (TESDA) satellite office at training center sa Caloocan, Malabon, Navotas and Valenzuela (CaMaNaVa) area.

Pinangunahan ni TESDA Director General, Sec. Isidro Lapeña, NAVOTAAS Institute Head, Kathryn Anne Hilario; at Vice Mayor Clint Geronimo ang ribbon cutting at unveiling of marker.

“It may take a while for our economy to fully recover, but it is prudent to keep our people ready and equipped with new and multiple skills. Their education and training can boost their chances of landing jobs and other livelihood opportunities in the future,” ani Mayor Toby Tiangco.

Ang TESDA-NAVOTAAS Training Center ay pagpapabilis ng facilitate certification ng mga Overseas Filipino Workers bound abroad, nagbukas din ng assessment center para sa Domestic Work NC II.

Ito ang unang assessment center para sa Domestic Work NC II sa National Capital Region.

Ang training center ay nag-aalok ng karagdagan tech-voc courses sa 2D Animation, Advance Microsoft Excel Training, Computer System Servicing, Cyber Security, Driving, and Solar Powered Lighting at Mobile Phone Charging Kit Training.

Noong nakaraang taon, ang Navotas at TESDA ay lumagda ng isang memorandum of agreement na nagbibigay ng latter the right sa paggamit ng second, third at fourth floors ng NAVOTAAS Institute-Main sa loob ng limang taon. (Richard Mesa)

Internet connection sa LRT 2 pinalakas pa ng SMART

Posted on: April 29th, 2021 by @peoplesbalita No Comments

Pinalakas pa ng Smart Communications ang network coverage sa lahat ng estasyon ng Light Rail Transit Line 2 upang mas mabigyan ng magandang serbisyo ang mga sumasakay.

Naglagay ang Smart ng microsites upang mas gumanda ang internet service sa LRT 2 na mayrong 11 na estasyon simula sa Santolan sa Pasig hanggang sa Recto sa Manila.

Ang microsites na ito ay magbibigay ng karagdagang LTE coverage at capacity upang magkaron ng mas mabilis na mobile data para sa mga sumasakay na magagamit nila habang sila ay nakasay sa LRT 2.

“This is part of our efforts to collaborate with the government in improving the mobile data experience of our customers wherever there’s customers wherever there’s need, using the best technologies despite the challenges posed by the pandemic,” saad ni PLDT and Smart head of technology Mario Tamayo.

Umaakma ang expansion at upgrade ng mobile data network sa kabuohang LTE network lalo na sa mga urban areas kung saan natutulungan ang kanilang mga customers na magtrabaho at mag-aral sa kanilang mga tahanan. Makakatulong din ito sa sa mga online businesses, panood ng mga news at iba pang upadates tungkol sa pandemya at vaccine roll out kasama na rin ang pakikipagugnayan sa ating mga mahal sa buhay habang pinapatupad ng social distancing sa gitna ng pandemya.

Simula pa noong 2016, ang Smart ay nagtataguyod na upang tumaas ang paglalagay ng WIFI sa mga high foot-traffic areas sa buong bansa sa pamamagitan ng pagbibigay ng serbisyong mabilis, libre at maaasahan sa araw-araw na internet connectivity sa mga transport hubs, airports, universities, malls at hospitals.

Sa kasalukuyan, ang Smart mobile network ay nagbibigay ng serbisyo sa 96 percent na population at kinikilala sa bansa na mayron na pinakamabilis na mobile network ng binigay ng third party firm na Ookla noong 2018.

“Our consistent network superiority is a result of PLDT’s continuous investments in the expansion of fixed and wireless networks nationwide to elevate the telecommunications industry and deliver world-class services to the Filipinos,” dagdag ni Tamayo.

Ayon sa PLDT naglaan sila ng P88 billion hanggang P92 billion para sa kanilang capital expenditures itong taon na siyang patuloy na magbibigay ng suporta sa patuloy na expansion ng kanilang 4G/LTE network sa buong bansa at ang mabilis na roll out ng kanilang 5G. LASACMAR

ANDREA, naglitanya at wala nang paki kay DEREK dahil matagal nang naka-move-on

Posted on: April 29th, 2021 by @peoplesbalita No Comments

NAGKAKAROON ng diskusyon o palitan ng kuro-kuro ang netizens na pumapanig sa Kapuso actress na si Andrea Torres at may mas pinapaboran si Derek Ramsay, kasama na rin ang fiancée nito na si Ellen Adarna.

Katulad nga ng naisulat namin dito, babasagin na rin ni Andrea ang kanyang katahimikan sa last year’s break-up pa nila ni Derek. Pero true enough nga, hindi ito nagbigay ng detalyeng mga sagot but instead, malinaw na hindi ito sumasang-ayon sa huling statement ni Derek na ito ang unang nakipag-break at sa pamamagitan ng telepono.

Malinaw rin na naiparating ni Andrea na tila wala na itong “paki” sa ex boyfriend at matagal nang naka-move-on.

Sa halip na direktang sagutin din ang tungkol sa pagkakadawit ni Derek sa mga magulang ni Andrea sa kanilang break-up, naglitanya lang ito nang, “If he truly respects me and my family, let us have our peace.”

May mga netizens na nagsasabing kesyo mas tamang sabihin daw na baka ‘yung tinutukoy raw ni Andrea sa post niya sa Instagram na “Keep calm and let Karma finish it” ay ang dating girlfriend daw ni Derek na si Joanne Villablanca ang dapat mag-litanya. Iniisip nga kasi ng ibang netizens na kesyo sina Derek at Joanne pa nang pumasok si Andrea.

Pero, ang isyu na ito ay natuldukan na dati pa. May nagsasabi rin na shady raw ang mga sagot ni Andrea, pero, mas marami naman ang nag-depensa sa actress.

Isa sa comment ng netizen, “What are you talking about? She doesn’t want to discuss it any further. The guy should really stop commenting about her if he is TRULY HAPPY with Ellen.”

Pumapabor pa rin kay Andrea ang pulso ng netizens at tinatawag itong “classy” “Pure class” sa ilang comments.

***

AMINADO si Sharon Cuneta na talagang magkaiba sila ng panganay na anak na si KC Concepcion.

Ito ay matapos mag-comment ang isang netizen na mas close raw si KC sa ama nitong si Gabby Concepcion kaysa sa kanya kahit siya ang nagpalaki at nagpaaral dito.

Sey nito, “As a fan and an observer, I just hope you and your eldest are okay now. It’s depressing that she seems to be more close to the biological father these days than you, the mother who raised her, gave her good education, and all the luxuries life can offer.”

May nag-comment na sana raw, makadalaw rin si KC at maka-bonding silang pamilya.

Sumagot naman si Sharon at aniya, lahat naman daw ng tao ay magkakaiba at inaming she and KC are total opposites.

“Thank you so much. Everyone is different. Even if you raise them, it doesn’t necessarily follow that they will be like you. But she is a good kid. We just happen to be total opposites,” sabi na lang ng Megastar.

***

MAAYOS namang hinarap ni Bea Binene ang hindi pagkaka-renew sa kanya ng Kapuso network bilang exclusive talent or with guaranteed project or talent fee.

Naintindihan siguro ni Bea ang situwasyon din ngayong may pandemic pa at ayon naman dito, sa ngayon ay wala pa raw siyang bagong gagawin kung sa GMA-7, wala rin siyang nababanggit kung may posibilidad ba siyang gawin sa labas.

Pero, sa kanyang post, sinabi niyang hihintayin na lang niya kung ano ang naghihintay sa kanya in-terms of her career at hoping for the best lang.

Aniya, “Hi everyone, how are y’all doing? Sharing a bit of a life update to you guys hehe. Yes, I don’t have an on-going management nor network contract now. But I will always be forever grateful to GMA where I have spent most of my life with, and I am forever proud to be Kapuso.

“Right now, I don’t have any current or upcoming teleserye or show with GMA. You can still watch me on Oh My Job, on GTV and DZBB every Saturdays 1-2PM (which is produced by DOLE) and for course, I am just here on Instagram, Facebook and Twitter and won’t be going anywhere. I enrolled to some online cerificate courses and will be back studying at CACS hopefully sooner than later (aka when our covid situation gets better).

Just wanna take this opportunity to thank each and everyone of you for being with me all the way, for the support and love that you have given me, a never-ending thanks to you guys.

“Let’s all keep praying that this pandemic will soon be over. Please don’t forget to follow health protocols, and please please stay healthy. God bless you all. Love and light and virtual huuugs!

“Now… nothing but positivity (but not Covid-19 positive, of course). Let’s see where life will take me. Just hoping for the best. ]

“PS: for work or business inquiries, you may message my mom (if you know her number) or send me an e-mail at the e-mail address on my bio. Hihi” (ROSE GARCIA)

Quezon City may libreng COVID-19 test sa mga pumila sa pantry ni Angel Locsin

Posted on: April 29th, 2021 by @peoplesbalita No Comments

Inaanyayahan ng Quezon City Epidemiology and Disease Surveillance Unit (CESU) ang mga residente at fans ng aktres na si Angel Locsin na nagtungo sa itinayo niyang community pantry sa Brgy. Holy Spirit noong Biyernes, na mag-avail ng libreng swab testing service na ipinagkakaloob ng lokal na pamahalaan.

Ayon kay CESU chief Dr. Rolando Cruz, ang mga residente na may sintomas ng COVID-19, gaya ng trangkaso at ubo, matapos pumila sa community pantry, ay kinakailangang agad na magpasuri.

“Hindi natin puwedeng isantabi ang posibilidad na nagkahawahan dahil sa dami ng dumalo. Mabuti nang makasiguro na hindi natin mahawahan ang ating pamilya at mga kasama sa komunidad,” pahayag ni Dr. Cruz.

Aniya, ang mga apektadong residente ay maaaring magpa-book ng appointment online sa http://bit.ly/QCfreetest o tumawag sa QC Contact Tracing Hotlines: na 8703-2759, 8703-4398, 0916-122-8628, 0908-639-8086, at 0931-095-7737.

Samantala, umapela rin naman ang CESU kay Locsin at sa kanyang grupo na makipag-ugnayan at makipagtulungan sa lungsod sakaling may matukoy silang sinumang indibidwal na nangangailangang masuri kaagad.

Para naman sa kanyang panig, pinasalamatan ni Quezon City Mayor Joy Belmonte si Locsin dahil sa kanyang mga pagkakawanggawa o philanthropic works sa lungsod, kasabay nang apela sa kanya na tumulong din sa pagtukoy ng mga potensiyal na kaso ng sakit.

“Nanawagan ako kay Angel na makiisa sa hakbang ng lungsod na matugunan ang posibleng pagkalat ng COVID-19 sa pamamagitan ng maagang pagtukoy sa mga bagong kaso, lalo na sa hanay ng mga nagpunta sa community pantry na kanyang inorganisa,” panawagan pa ni Belmonte.

Paglikha ng aftercare program para sa mga Covid-19 survivor, iminumungkahi ni Sec. Roque sa IATF

Posted on: April 29th, 2021 by @peoplesbalita No Comments

NAKAHANDA si Presidential Spokesperson Harry Roque na imungkahi sa susunod na Inter-Agency Task Force (IATF) meeting ang pagkakaroon ng aftercare program para sa mga Covid-19 survivors na nakararanas pa rin ng depression makaraang gumaling sa mapanganib na sakit.

Aniya, wala pa siyang alam na may aftercare program ang gobyerno para sa mga biktimang gumaling mula sa virus.

Sa mga naging pahayag ng mga eksperto, maraming kaso na raw sa mga nakarekober ang nakaranas ng heart attack partikular na iyong mga may comorbidities.

Gaya niya na kabilang sa mga survivor at marami na ring nararanasang comorbidities ay kinakailangan ng mas regular na magpa-check-up sa kanyang cardiologist upang mamonitor ang kanyang kondisyon partikular na ang kanyang puso. (Daris Jose)

5,000 COVID-19 vaccine doses para sa A4 minimum wage earners at OFWs sa Labor Day

Posted on: April 29th, 2021 by @peoplesbalita No Comments

INAPRUBAHAN ng Inter-Agency Task Force (IATF), araw ng Martes, Abril 27 ang kahilingan ng Department of Labor and Employment (DOLE) para sa 5,000 doses ng COVID-19 vaccine na gagamitin sa idaraos na symbolic inoculation ceremony ng mga minimum wage workers at overseas Filipino workers na nasa ilalim ng Priority Group A4 sa Mayo 1, 2021 o Araw ng Paggawa.

Sinabi ni Presidential Spokesperson Harry Roque, na ipinag-utos naman sa DOLE na gumawa ng masterlist upang matiyak ang ‘equitable representation’ ng labor sector habang idinaraos ang nasabing seremonya.

Ikinunsidera naman ng IATF ang mga frontliners ng Mababang Kapulungan ng Kongreso na ilagay sa ilalim ng Priority Group A4 ng National COVID-19 Vaccine Deployment Plan bilang pagkilala sa kanilang mapanganib at kusang-loob na gampanin sa pakikipaglaban ng lahat sa coronavirus pandemic. (Daris Jose)

Pedicab driver tinodas ng 2 pasahero sa sementeryo

Posted on: April 29th, 2021 by @peoplesbalita No Comments

Dedbol ang isang 27-anyos na pedicab driver matapos barilin ng dalawang hindi kilalang mga suspek na kanyang naging pasahero sa loob ng isang sementeryo sa Malabon city, kamakalawa ng hapon.

Dead-on-the-spot sanhi ng tinamong tama ng bala sa ulo ang biktima na kinilalang si Jesus Dela Cruz, 27, residente ng Brgy. Santolan.

Patuloy naman ang follow-up imbestigasyon ng pulisya para sa posibleng pagkakilanlan at pagkakaaresto sa mga suspek na mabilis na tumakas sa hindi matukoy na direksyon matapos ang insidente.

Sa report ni police investigator PSSg Jose Romeo Germinal kay Malabon police chief Col. Joel Villanueva, dakong 3:50 ng hapon nang maganap ang insidente sa loob ng Tugatog Public Cemetery, Brgy. Tugatog.

Lumabas sa imbestigasyon, sakay ng biktima sa kanyang minamanehong pedicab ang mga suspek at pagsapit sa naturang lugar ay bigla na lamang naglabas ng baril ang mga salarin saka pinagbabaril sa ulo si Dela Cruz bago mabilis na nagsitakas.

Narekober ng rumespondeng mga tauhan ng SOCO sa pinangyarihan ng insidente ang dalawang basyo ng bala mula sa hindi mabatid na kalibre ng baril at isang deformed fired bullet habang inaalam pa ang motibo sa krimen. (Richard Mesa)