Naglunsad ang Cathedral Parish of Saint Paul the First Hermit sa Diocese of San Pablo ng limang buwang online rosary initiative upang ipanalanging mawakasan na ang COVID-19 pandemic.

Ayon kay Msgr. Jerry Bitoon – Rector at Parish Priest ng Cathedral Parish of St. Paul the First Hermit o San Pablo Cathedral, layunin nito na higit na lumapit at ipanalangin ang pamamagitan at pagsaklolo ng Mahal na Birheng Maria upang mawakasan na ang COVID-19 pandemic.

Inilunsad ng katedral ang “PRAYING WITH MARY: An Online Rosary to End the Pandemic” kasabay ng Feast of Our Lady of Fatima noong ika-13 ng Mayo na magtatagal hanggang sa ika-13 ng Oktubre, 2021. “Naglunsad po ang Cathedral ng San Pablo ng PRAYING WITH MARY [Online Rosary initiative], nagsimula kami ng May 13 and magpapatuloy ito hanggang October 13 parang gusto naming maramdaman si Mama Mary who’s always been an expert in ang tawag namin expert siya sa pagsaklolo sa mga crisis, so ngayon ay humaharap tayo sa crisis [COVID-19 pandemic] at nagpapatuloy ito so kailangan nating pumunta dun sa dalubhasa kung paano mag-deal sa crisis…” pahayag ni Msgr. Bitoon sa panayam sa Radio Veritas.

Nakatakda ang sabay-sabay na pananalangin ng Santo Rosaryo sa pamamagitan ng Zoom tuwing ganap na alas-otso ng gabi kung saan inaanyayahan ni Msgr. Bitoon ang lahat na makibahagi sa gawain. Ayon sa pamunuan ng katedral, bukas ang gawain para sa lahat ng nais na makibahagi sa pananalangin ng Santo Rosaryo kung saan maaring makuha ang iba pang mga detalye tulad ng Zoom Meeting ID at password sa official facebook page ng Cathedral Parish of Saint Paul the First Hermit.

“Inaanyayahan naming kayo tuwing gabi 8 o’clock online ito po ay via Zoom, ang ZOOM ID po namin is 914 4433 242 ang password is Cathedral, join us in this PRAYING WITH MARY.”

Paanyaya ni Msgr. Bitoon. Una na ring inilunsad ng Kanyang Kabanalan Francisco ang month-long Rosary Marathon ngayong buwan ng Mayo kung saan inaanyayahan ang lahat ng mga dambana partikular na ang mga nasa pangangalaga ng Mahal na Birheng Maria o mga Marian Shrine sa buong mundo upang palaganapin ang pagdarasal ng Santo rosaryo.

Naaresto na ng mga otoridad ang isang mister at menor-de-edad niyang anak-anakan na sinasabing responsable sa pagpatay sa dalawang bata sa masukal at bulubunduking bahagi ng siyudad na ito sa Bulacan noong Miyerkules.

Nakilala ang pa­ngunahing suspek na si Romeo Ruzon, 41, gumagawa ng walis at ang kanyang 17-anyos na stepson, kapwa residente ng Brgy. Gumaoc East.

Ang dalawa ang itinuturong suspek sa pagpatay sa mga paslit na sina Lou Anderson Icalia, 8, residente ng Gumaoc East at Jenny De Vera,11, ng Gumaoc West.

Ayon sa pulisya, kumpirmadong ginahasa ang batang si Jenny base sa inilabas na medico legal report ng PNP Crime Laboratory.

Lumalabas sa imbestigasyon na kahoy at bato ang ipinamalo sa ulo ng dalawang biktima na kanilang ikinamatay.

Narekober ng mga pulis ang isang kahoy at bato na may bahid ng dugo sa pinangyarihan ng krimen.

Isang goma rin ang natagpuan sa crime scene na kahalintulad ng materyales sa paggawa ng walis ng suspek na si Ruzon.

Noong Miyerkules ng gabi, Mayo 12 tumakas si Ruzon nang makatunog na magsisiyasat ang mga awtoridad sa kanyang bahay. Sa tulong ng live-in partner ni Ruzon na si Romina Canlas at kapatid niyang si Rafael (Ruzon), natunton ng mga ope­ratiba ng SJDM Police ang pinagtataguan ni Romeo sa Sampaloc, Manila at nadakip.

Umamin umano ang suspek sa kanyang nagawang karumal-dumal na krimen nang komprontahin mismo ni PNP chief Gen. Guillermo Eleazar na personal na kinausap ang suspek sa kanyang selda sa SJDM Police.

Matatandaang natagpuan ang dalawang bangkay ng bata na ang isa ay hiinihinalang ginahasa bandang alas-11:40 ng umaga noong Mayo 12 sa bulubundu­king lugar sakop ng Brgy. Graveville ng nasabing lungsod.