2021 May 27 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for May 27th, 2021

Halos 500,000 doses ng AstraZeneca ‘di pa naituturok kahit Hunyo na mapapanis

Posted on: May 27th, 2021 by @peoplesbalita No Comments

Nanganganib mapanis ang nasa kalahating milyong bakuna laban sa coronavirus disease (COVID-19) sa susunod na buwan, pero ayon sa Department of Health (DOH), ginagawan na nila ng paraan para mapabilis ang pagdating nito sa braso ng mga mamamamayan.

Ito ang inilahad ni Health Undersecretary Myrna Cabotaje sa katatapos lang na Laging Handa briefing na inere sa state media ngayong araw.

Sa lagpas 2 milyong AstraZeneca vaccines na natanggap na ng Pilipinas, mahigit 1 milyon pa lang ang naituturok sa ngayon. 1.5 milyon sa kabuuang doses ang mag-e-expire sa ika-30 ng June habang nasa 500,000 naman ang mapapanis sa Hulyo, dahilan para gamitin itong second dose ng mga naturukan na noong Marso.

“May 1 million na tayong naibakuna ngayon, tapos another 500,000 [will be allocated] for our second dose. Almost 497,000 na lang ang kailangan nating maiturok as first dose as of June,” ani Cabotaje, Miyerkules.

“We are confident, by end of June, nai-jab na itong ating remaining 500,000 as first doses habang kinukumpleto natin ‘yung pang-second dose ng first batch.”

Para maging kumpleto ang proteksyong ibinibigay ng AstraZeneca, kailangan na dalawang doses ng nasabing bakuna ang maiturok sa tao.

Nasa 12 linggo ang pagitan ng una at ikalawang dose ng nasabing COVID-19 vaccine brand.

“Karamihan po ng nabakunahan galing sa 525,000 noong first batch ay ngayon pa lang magte-twelve weeks,” dagdag pa ni Cabotaje kanina.

Dumating ang unang batch ng 487,000 AstraZeneca vaccines na donasyon mula sa COVAX Facility ng World Health Organization noong ika-4 ng Marso, matapos ang ilang delays.

Ngayong buwan naman nang dumating ang ikalawang batch ng AstraZeneca sa bansa, na siyang umaabot sa 2,030,400 doses.

Tinatayang nasa 4.58 milyong doses ng naturang COVID-19 vaccine brand ang matatanggap ng Pilipinas bilang share nila mula sa COVAX facility.

QC binuksan ang mga bagong bike lanes

Posted on: May 27th, 2021 by @peoplesbalita No Comments

May mga bago at pinagandang bike lanes ang binuksan noong Linggo ang lungsod ng Quezon City sa mga pangunahing lansangan dito bilang bahagi sa pagsusulong ng active, sustainable at environment-friendly na transportasyon na laan sa mga residente at mangagawa.

Inilungsad din ang proyektong ito upang maisulong ang pagbibisekleta at ng masiguro ang kaligtasan ng mga bikers at iba pang aktibong taong gumagamit ng bike lanes sa Quezon City.

Naaayon din ang proyektong ito sa commitment na maging isang bike-friendly city kung saan ang mga bikers ay makararating sa kanilang destinasyon ng mabilis at ligtas.

Lumahok sa inagurasyon sila Quezon City Mayor Joy Belmonte, VM Gian Sotto at Metro Manila Development Authority Chairman Benjamin Abalos. Kasama rin sila Department of Transportation (DOTr) assistant secretary Mark Steven Pastor at QC District 2 councilor Mikey Belmonte na siyang naghain ng city’s Safe Cycling and Active Transport Ordinance.

“We are working double time on this project so that the increasing number of bikers in our city will be able to travel safely without other vehicles running over their lanes. This was a priority for us even before COVID 19 pandemic as part of our global commitment to reducing air pollution by 2030. But due to pressing need for transport during the pandemic, and the bike culture that emerged as a result of this, we are fast- tracking its implementation,” wika ni Belmonte.

Noong nakaraang taon ay inulat ng lungsod ng Quezon City na kanilang palalawakin pa ang 55 kilometers na bike lanes hanggang 161 kilometers. Ang unang bahagi ng proyekto ay ang improvement ng mga dati ng bike lanes at ang paghahanap pa ng mga bagong ruta upang mapaganda ang connectivity at madagdagan ang 93 kilometers na network ng bike lanes.

Ang ikalawang bahagi naman ay ang karagdagan 81.7 kilometers upang mabigyan ang mga bikers at iba pang aktibong gumamit ng bike lanes ng access sa mas maraming lugar pa sa Quezon City.

Kakulangan sa mga separators, poor bike lane visibility para sa mga drivers, rampant vehicle parking at kakulangan ng mga signages ang mga naging pangunahing problema na kinaharap ng mga bikers ang siyang nakita ng lungsod.

Kaya noong December, nilagdaan ni Belmonte ang Safe Cycling and Active Transport Ordinance na siyang pinaiiral ng lungsod ng Quezon City bilang suporta sa mga alternatibong transportasyon.

“It recognized the importance of supporting active transport solutions to reduce carbon emission, address scarcity and ensure equality in allocating urban road space; promote a shift to safe, cost-effective, non-congestive and non-polluting active transport and increase mobility for the general public,” dagdag ni Belmonte.

Inilungsad din ang voluntary bike registration program na mandated sa Safe Cycling and Active Transport Ordinance. Sa pamamagitan nito, matutulungan ang isang biker sa pagkakataong nawala at ninakaw ang bike. Matutulungan din ang biker sa pagkakataon ng isang aksidente.

“The importance of this bike registration program is to help our bikers in case their bicycles cannot be located or are stolen. We can aid them and they can avail of the assistance of the police in investigating missing bikes because the owners can readily present a certificate of ownership issued by DPOS,” wika ni DPOS head Elmo San Diego.

Kailangan lamang magbigay ng isang government ID, 2×2 photo, proof of purchase ng bicycle, electric bike o scooter; isang picture na kasama ang bike, e-bike or e-scooter; at rehistro fee na P150. Isang sticker naman ang ibibigay bilang identification. (LASACMAR)

Pacquiao No. 3 sa world ranking

Posted on: May 27th, 2021 by @peoplesbalita No Comments

Pasok si Manny Pacquiao sa Top 3 sa world ranking ng welterweight division ng pamosong Ring Magazine.

Hawak ng eight-division world champion ang No. 3 spot sa ilalim ng nangungunang si unified World Boxing Council (WBC) at International Boxing Federation (IBF) champion Errol Spence Jr. nasa unang puwesto.

Nakaupo naman sa No. 2 si World Boxing Organization (WBO) titlist Terence Crawford.

Nakatakdang magharap sina Pacquiao at Spence sa Agosto 21 (Agosto 22 sa Maynila) sa Las Vegas, Nevada kung saan inaabangan na ng lahat ang naturang bakbakan na itinuturing na magiging Fight of the Year.

Maliban kay Pacquiao, nasa listahan din ng Ring Magazine ang iba pang Pinoy boxers.

Numero uno si Nonito “The Filipino Flash” Donaire sa bantamweight division kasunod si World Boxing Council (WBC) champion Nordine Oubaali ng France.

Nakalinya rin ang bakbakan nina Donaire at Oubaali sa Mayo 29 (Mayo 30 sa Maynila) sa Carson City, California.

Nasa bantamweight list din sina WBO champion Johnriel Casimero sa ikatlong puwesto at Mike ‘Magicman’ Plania sa ikasiyam na puwesto.

Sa super flyweight division, ikaapat si IBF champion Jerwin Ancajas.

Pasok sa Top 3 sina Juan Francisco Estrada, Srisaket Sor Rungvisai at Roman Gonzalez — ang tatlong boksingerong tinatarget ni Ancajas.

Hot Shot star Marc Pingris magreretiro na sa PBA

Posted on: May 27th, 2021 by @peoplesbalita No Comments

Magreretiro na sa paglalaro ng Philippine Basketball Association (PBA) si Magnolia Hot Shot player Marc Pingris.

Isinagawa nito ang anunsiyo sa sarili nitong social media account kung saan ikinuwento niya ang unang sabak niya sa PBA noong 16- taon na ang nakakaraan.

Hindi aniya nito malimutan ng tawagin ang kaniyang pangalan noong 2004 PBA Draft at doon natupad ang pangarap ng isang batang palengke.

Handa na umano itong simulan ang bagong chapter ng kaniyang buhay.

Pinasalamatan nito ang kaniyang mga pamilya at mga fans na sumuporta sa kaniyang buong basketball career.

Unang napili ang 39-anyos na si Pingris sa FedEx Express noong 2004 at matapos ang isang taon ay lumipat siya ng Purefood kung saan naglaro siya mula 2005 hanggang 2008.

Lumipat ito sa Magnolia ng hanggang isang taon at matapos nito ay bumalik siya sa Purefoods.

Kabilang ito na nakakuha ng siyam na PBA titles kabilang ang kakaibang grand slam noong 2014 sa ilalim ni Tim Cone.

Dalawang beses nakuha ng tinaguriang “Pinoy Sakuragi” ang Finals MVP, tatlong beses na PBA Defensive of the Year awards at walong beses na miyembro ng PBA All-Defensive Team.

Naging bahagi ang tubong Pozorrubio, Pangasinan player ng Gilas Pilipinas na isa sa naging susi sa panalo laban sa South Korea noong 2013 FIBA Asia Championship.

Mga simbahan, inirekomenda para maging COVID-19 vaccination site

Posted on: May 27th, 2021 by @peoplesbalita No Comments

Ikinokonsidera na rin ng National Immunization Technical Advisory Group (NITAG) ang panukala ng Catholic Bishops’ Conference of the Philippines (CBCP) na gamitin ang mga simbahan bilang COVID-19 (Coronavirus Disease 2019) vaccination site.

Ayon kay DOH (Department of Health) Usec. Maria Rosario Vergeire, sa huling meeting nila ay inirekomenda ng NITAG ang mga simbahan bilang lugar ng bakunahan dahil angkop ang ventilation ng malalaking church facilities para sa vaccination.

“Ang isa pang proposal na binigay ng NITAG is to use the churches, because in churches well-ventilated usually ang lugar ng malalaking simbahan at baka maaaring makatulong din sa pagbabakuna natin,” ani Vergeire.

Bukod sa mga simbahan, patuloy din daw ang pakikipag-usap ng Health department sa pribadong sektor para magamit ang kanilang mga gusali at establisyemento bilang vaccination site.

Ilan aniya sa mga inaasahang bubuksan bilang dagdag na mega vaccination sites ay ang malalaking ospital, malls, at parking areas.

“Big hospitals and even malls will be utilized for us to have mega vaccination sites. Ang mga parking areas na malalaki, gagawin ding mega vaccination sites.”

Samantala, hinihintay pa ng DOH na pirmahan ng National Task Force ang kasunduan kasama ang pribadong sektor, para maituloy na ang pagtatayo ng mega vaccination site sa lupang sakop ng Nayong Pilipino. (Daris Jose)

50% ng NCR, 6 high-risk areas unahin sa bakuna – OCTA

Posted on: May 27th, 2021 by @peoplesbalita No Comments

Inirekomenda ng OCTA Research Group sa pamahalaan na unahing mabakunahan ang 50 porsyento ng populasyon ng National Capital Region (NCR) at anim na ‘high-risk areas’ para mas maagang makamit ang ‘herd immunity’ ng bansa kontra COVID-19.

Bukod sa Metro Manila, kailangang maging prayoridad din umano ng gobyerno ang Tuguegarao, Santiago, Baguio, Cainta (Rizal), Cebu, at Imus (Cavite) dahil sa mataas na ‘attack rates’.

Tinatayang nasa 7.98 milyong indibidwal ang kailangang mabakunahan sa mga lugar na ito na nangangailangan ng 15.96 milyong doses.

“In many countries that have vaccinated 50% of the population, there has been an immediate impact on herd containment of COVID-19. This is the immediate target in high-risk areas,” ayon sa OCTA.

Iniulat ng OCTA na ang 80% ng mga bagong COVID-19 cases na naitala sa bansa ngayong taon ay mula sa Metro Manila, Calabarzon, Central Luzon, Central Visayas at Western Visayas.

Muling ipinaliwanag naman ni Health Undersecretary Maria Rosario Vergeire na ang pag-abot sa ‘herd immunity’ ay isang ‘long term goal’ at nakadepende talaga sa pagdating ng mas maraming suplay ng bakuna sa bansa. (Daris Jose)

8 DAYUHANG KUMPANYA, INTERESADO MAMUHUNAN NG BAKUNA

Posted on: May 27th, 2021 by @peoplesbalita No Comments

INTERESADO ang walong dayuhang kumpanya na makapagtayo ng pasilidad sa paggawa ng bakuna sa Pilipinas.

Sinabi ni DOST Usec Rowena Guevarra sa isang press briefing na ito ay mula sa anim na nauna nang nagpaabot ng interes.

Ang nasabing mga kumpanya ay hindi natukoy ni Guevarra ngunit ang isa ay galing sa South Korea.

Kasama rin sa mga kumpanya ang interestadong maging kabahagi sa nais ng World Health Organization (WHO) na magtayo ng mga transfer hub para sa teknolohiya ng mRNA na gamit ng Pfizer at Moderna sa kanilang mga bakuna. (GENE ADSUARA)

Olympic at SEAG-bound delegates babakunahan na sa Biyernes

Posted on: May 27th, 2021 by @peoplesbalita No Comments

Sa Biyernes sisimulan ang pagtuturok ng coronavirus disease (COVID-19) vaccines sa mga miyembro ng Team Philippines na sasabak sa 2021 Olympic Games at sa Southeast Asian Games.

Gagawin ang bakunahan sa Manila Prince Hotel sa San Marcelino St. sa Maynila, ayon kay Philippine Olympic Committee (POC) president Abraham ‘Bambol’ Tolentino.

“Ang good news po ngayon ay inaprubahan na rin ang ating vaccination day on Friday, exclusive for Olympic-bound delegates and SEA Games-bound delegates,” sabi ni Tolentino sa Philippine Sportswriters Association (PSA) Forum online session.

to ay sasaksihan nina Chief Implementer of the National Task Force against COVID-19 Secretary Carlito Galvez, Department of Health (DOH) Secretary Francisco Duque III at COVID-19 testing czar Secretary Vince Dizon.

Ang bibigyan ng COVID-19 vaccines ay ang mga national athletes, coaches, officials at delegation members na lalahok sa 2021 Olympics sa Tokyo, Japan at sa SEA Games sa Hanoi, Vietnam.

Nakatakda ang Tokyo Olympics sa Hulyo 23 hanggang Agosto 8 habang idaraos ang Vietnam SEA Games sa Nobyembre 21 hanggang Disyembre 2.

Ads May 27, 2021

Posted on: May 27th, 2021 by @peoplesbalita No Comments

YASSI, napiling host ng ‘Rolling In It Philippines’ at kay ROBI humingi ng tips

Posted on: May 27th, 2021 by @peoplesbalita No Comments

SI Yassi Pressman ang latest female game show host as she takes the lead in Viva TV, Cignal TV and TV5’s new game show titled Rolling In It Philippines which starts airing on Saturday, June 5.

Sa zoom presscon ng Rolling In It PH ay sinabi ni Yassi na masaya siya when she was offered to host the show. Ito ang pagkakataon na sasabak siya as a game show host and she admits na malaking challenge ito for her.

“I am very excited when I was informed by ‘Rolling In It Philippines’ na ako ang napili nila to be the host of this show na number program sa UK in 2020,” pahayag pa ni Yassi. “This is something new for me. I have never done this before. There is a pressure on me to do good. Malaking challenge ito talaga kasi the show is very exciting kasi di mo alam kung saan pupunta ang coin once it is rolled.”

Kay Robi Domingo raw humingi ng tips si Yassi kung paano siya magiging effective as a game show host. Very thankful siya sa mga tips na ibinigay sa kanya ni Robi.

“I always read the script thoroughly and pinag-aralan ko talaga ang mechanics ng game para hindi ako mawala sa focus pag nasa show na ako,” kwento pa ni Yassi.

Inamin ni Yassi na she is a risk-taker.

“If you want something, you have to go for it. Kung may pangarap, strive hard to achieve that dream. If you don’t go for it, you will not be able to achieve anything.”

Dahil daw sa kanyang busy schedule kaya kinailangan na niyang iwan ang top-rating show na FPJ’s Ang Probinsyano. Pero nagpapasalamat siya sa pagkakataon na ibinigay sa kanya ng Dreamscape to be part of the show.

“I was very appreciative of the offer to do the role of Alyana and natuwa rin ako dahil sa pangako ni Coco (Martin) that my character will have a good exit from the show.” If there is a chance, gusto sana ni Yassi na maglaro sa Rolling In It Philippines si Coco at ang iba pa niyang co-stars sa FPJ’s Ang Probinsyano for the chance to win P2 million grand prize.

***

PASADO para sa amin ang Kaka, ang unang sex-comedy na dinirek ni GB Sampedro for Viva Films.

Napanood namin ang Kaka sa press preview via KTX.ph noong Martes ng gabi at naaliw naman kami.

For a newcomer, okay naman ang acting ang ipinamalas ni Sunshine Guimary. While hindi naman masyadong demanding ang role as a sexy dj looking for Mr. Right, she acquitted herself naman, acting-wise.

Gusto rin namin ang performance ni Jerald Napoles bilang best friend ni Sunshine or Kaka na may gusto rin sa dalaga.

Maganda rin ang suportang ibinigay ni Rossana Roces bilang nanay ni Sunshine at Ms. Gina Pareno bilang lola nito. (RICKY CALDERON)