SI Kapuso young actor Kelvin Miranda pala ang unang makatatambal ng bagong Kapuso actress na si Beauty Gonzalez, na pumirma na ng contract sa GMA Network last Friday, June 11.

Isang romance mini-series ang gagawin nila, titled Stories from the Heart na ididirek ni Adolf Alix Jr.

Si Kelvin ay lubos na nakilala ng mga netizens nang mag-partner sila ni Mikee Quintos sa successful series na The Lost Recipe. 

Nang matapos ang serye, humihingi ang mga fans nila ng part 2, pero mukhang malabo pang mangyari ngayong may sisimulan nang bagong project si Kelvin. With this, sinabi naman ni Beauty na excited siya sa bago niyang project, na for a change bata sa kanya ang leading man niya.

“I love the script, I love ‘yung flow ng story. It’s gonna be a new change and change is good. This is a new Beauty, a different Beauty. It’s the right time.”                 

***

MANANATILING Kapuso si Michael V, popularly called Bitoy.

Umingay sa social media ang balitang hindi raw nag-renew ng contract ang mahusay na actor-comedian, at maraming nagsabing sana raw ay huwag umalis si Bitoy sa GMA Network.

Paano mangyayari iyon, isa si Bitoy sa prized artists ng GMA at may kontrata siya sa kanila. Hindi niya maiiwan ang mga programa niyang hawak ang Bubble Gang at ang Pepito Manaloto na ngayon ay iginagawa nila ng prequel.

Nag-attend pa si Bitoy ng storycon at ipinakita niya ang full support niya sa mga new actors na gaganap bilang young Pepito at Young Elsa.

May isa pang contribution si Bitoy sa show, siya ang gumawa ng song na napanood ang VTR nito kahapon para sa pagsisimula ng celebration ng GMA’s 71^st Anniversary sa All-Out Sundays. Ka-join din si Bitoy sa ‘sana all’ network plug on public service featuring other GMA comedians, sa kabila ng pagiging busy niya sa dalawa pa niyang show.

***

NAIYAK sa tuwa Cassy Legaspi nang muli siyang mag-trending sa Twitter dahil sa mahusay niyang acting sa eksena niya sa First Yaya na umiiyak siyang humingi ng tawad kay Yaya Melody (Sanya Lopez) sa matagal na itinagong lihim na siya pala ang nakabangga at ikinamatay ng ama nito.

Unang napuna ang husay ni Cassy, as Nina Acosta, sa acting sa mga naunang heavy scenes, with partner JD Domagoso, na ikina-impress ng mga viewers. Tumanggap din ng papuri si Cassy mula sa mga co-stars niya sa GMA Telebabad.

Pero ang ikinaiyak ni Cassy ay nang makatanggap siya ng masigabong palakpak sa daddy niya, actor Zoren Legaspi, matapos na hindi ito sumagot sa tanong niya kung nagustuhan ba ng ama ang acting niya.

Ngayon ang hinihintay ng mga netizens ay kung mapaparusahan ba si Cassy sa kanyang kasalanan.

Nasa last three weeks na lamang ang First Yaya na napapanood gabi-gabi, after ng 24 Oras sa GMA-7.

***

SIMULA na ngayong gabi ng finale week ng romantic-comedy series na Heartful Cafe nina Julie Anne San Jose at David Licauco. 

Nagkaroon ng dual role si Julie Ann, dahil may pumasok na character, si Destiny Hope, na bale partner ni EA Guzman.

Napapanood ang Heartful Cafe after ng replay ng Endless Love sa GMA 7.

(NORA V. CALDERON)

MAY pasabog na post na naman si Direk Darryl Yap para sa kanyang upcoming film na patuloy na pinag-uusapan dahil sa nakaka-intriga nitong titulo na Revirginized na kung saan ang bida ay si Megastar Sharon Cuneta.

Ang hot ng patikim na photos na kuha sa movie na kung saan napapayag talaga si Mega na i-body shot si Marco habang nakahiga ito sa lamesa, nilagyan ito ng caption ng direktor ng, “Marco Gumabao is Mega Tested. Mega Approved.

“PinaINIT. PinaKIPOT. PinaSIKIP.

“Sharon Cuneta is #REVIRGINIZED

this August.”

Ni-repost naman ni Sharon sa kanyang Instagram at nilagyan ng caption na, “Pawiii!!! Nahilo ako! Ganito pala itchura natin dun hahahahaha! Namiss kita bigla! Ahahahahahahaha! Direeeeeek!!!!!! Kainiiiiiiis kaaaaaaaa pooooo!!!  @vincentimentsofficial @gumabaomarco @megatitas Swipe left! Repost from @megatitas.”

Napa-’sana all’ at napa-’omg’ naman ang lahat ng nakakita at parang inggit na inggit kay Sharon sa naturang eksena nila ni Marco sa pelikula, na mukha namang in-enjoy nila nang husto.

Comment naman ni Marco, “Can’t wait to see the whole film!” na mapapanood na ngayong August sa Viviamax.

Tiyak na magiging kontrobersyal din ang Revirginized tulad ng mga naunang pelikulang nagawa niya.

Ang latest ni Direk Darryl ay Ang Babaeng Walang Pakiramdam na pinagbibidahan nina Kim Molina at Jerald Napoles na nagsimula ang streaming noong June 11 ay agad na nag-number 1 at biggest movie na ngayon sa Vivamax.

Post nga ni Kim sa kanyang Facebook, “#1! Maraming salamat po sa inyo. TRIVIA: Ako na po yang nasa picture, si Kim na. Hindi na yan si Tasha. Photo was taken nung nag “cut” na si direk at narealize kong buhay pa ako at nagawa ko ang eksenang mag bungee drop with no emotions. Ngiting tagumpay mamiii! Habol na and catch our film #ABWP NOW SHOWING on Vivamax, iWantTFC, KTX!”

Post uli ni Kim, “Hindi halata pero, opo, tuwang-tuwa si Tasha dahil ‘Ang Babaeng Walang Pakiramdam’ is the biggest movie on Vivamax to date!! Nengyu pu!

“Huwag nang pahuli!”

Hopefully, maging blockbuster din ang pagbabalik-Viva ni Sharon kahit na kakaiba talaga ang character na ginampanan na tiyak na marami ang magugulat.

(ROHN ROMULO)

BAKUNADO na ang mag-asawang Dingdong Dantes at Marian Rivera.  

At si Dingdong nga ang nag-initiate na marami na sa mga kasamahan nila, lalo na sa industriya ang mabakunahan.

Ang mga PPL Entertainment Inc. at All Access to Artists ay mga kasabay nila na nagpabakuna, same sa mga riders ng Dingdong.ph at ilang mga artista, tulad nina Wendell Ramos at ang mag-jowa na sina Maris Racal at Rico Blanco.

Sa vaccination site sa Venice Grand Canal Mall, Taguig ito ginawa.

Through ‘Ingat Angat’ ang naging source ng vaccine nila kaya sa Instagram post ni Dingdong ay pinasalamatan niya ang mga ito.

Aniya, “Sa linya ng aming trabaho, madalas ay kailangan magshoot sa labas. Kapag sasabak na sa eksena, mask-off.  Kailangan naming tanggalin ang aming first line of defense sa COVID-19.

“Kabado man, through research and consultation with experts, mas nagkaroon ako ng lakas ng loob para magpabakuna. This is my way of ensuring not only my health and safety, but also of my loved ones and my community.”

Dahil sinovac ang vaccine na itinurok sa DongYan, in 28 days ay masasabing fully-vaccinated na sila. Kaya posible rin kaya itong mangahulugan na tatanggap na si Marian ng mga work outside?

We’ll see…

***

IBANG klase ang prank ni Alex Gonzaga kay Mayor Isko Moreno.

As in, sabi nga ni Alex mismo, “Ito ang pinaka nakakahiya ko ginawang prank pero ang bait ni Yorme!!!  Hahaha napahiya at na-echas prank!!!  Nagpakababoy para lang sa vlog!”

Umabot na talaga si Alex sa part na habang ini-interview niya si Yorme at tinu-tour siya e, kunwaring hindi niya mapigilan ang paghilab ng tiyan at nae-ebs siya.

Ilang beses yun at the height yung last na kunwari, kumapit na sa damit niya at sa paa niya ang ebs, pero peanut butter lang.  Feel namin, si Alex lang talaga ang makakagawang artista ng ganitong klase ng prank. Aba, e, parang wala ng itinirang kahihiyan o pagka-class haha!

Pero agree rin kami kay Alex na puring-puri si Yorme dahil napakabait at  napaka-gentleman daw pala nito. Hindi man lang nagpakita ng pagkainis o pandidiri sa kanya.

Sabi lang ni Isko, e, sanay raw siya sa ebs dahil dati nga naman, trabaho niya ang pagbabasura.

In one day, 2.6 millions na ang views ng vlog niya kaya ‘di malayong isa ito sa magiging patok na vlog ni Alex.

***

HINDI nagpapakita ng positibong reaksyon ang netizens sa tila nabuking na romance na talaga nina Kiko Estrada at Heaven Peralejo.

Spotted kasi ang dalawa na magkasama sa Boracay.

Kung matatandaan, nang mag-break sina Kiko at Devon Seron, si Heaven ang lumitaw na third party. Pero matapang itong itinanggi ni Heaven. Maging ang nanay ni Heaven ay nagalit na ginagawan ng malisyosong tsismis daw ang anak.

Pero ngayon, dahil sa nakitang sweetness daw nina Kiko at Heaven sa Boracay, mukhang mas convinced na ang lahat na sila na nga. And hindi rin mawala ang kaisipan na baka ito nga ang naging dahilan ng hiwalayang Kiko at Devon.

At sabi nga, tamang hinala naman pala si Devon, huh!

So, another lock-in taping na nagka-developan?

(ROSE GARCIA)