DAHIL pabalik-balik sa Pilipinas si Julia Clarete, nag-assume ang netizens na baka may marital problems ito kaya minsan ay tumatanggap ito ng teleserye.

Sa Malaysia na kasi naka-base si Julia at ang Irish husband niyang si Gareth McGeown. Kasama rin nila ang anak ni Julia na si Sebastian.

Nagsalita na si Julia tungkol sa ilang issues ng netizens sa kanya at tungkol sa pagsasama nila ng mister niya.

“I might as well address it now. Kasi ang dami ngang artistang ganyan na kapag nag-settle down tapos umalis ng bansa, pagbalik, nagbalik artista ‘yun pala boom! May naging marital problems. It happens a lot. 

“But in my case kasi when I left ‘Eat Bulaga’ for Malaysia it was to join Gareth kasi we were gonna settle in na, we were gonna get married.

“Tumawag sa kanya ‘yung company (Coca-Cola Philippines). Kasi he was running na Singapore, Malaysia and Brunei. He was running three countries as the CEO of Coca-Cola. Tinawagan siya ng Coke. Sinabi sa kanya gusto mo bang i-take on ang Philippines?

“Sabi niya, ‘You want to go back home?’ I said, ‘Do you want to take on the Philippines?’ Eh love niya ang Pilipinas kasi dito na rin siya galing before. Ako, hindi ko makakailang miss na miss ko ang Pinas. So sabi ko, ‘Tara.’ 

“And he was very happy na parang I didn’t mind coming back, na we will be susceptible to intrigue, but it was purely for his work and ang saya namin dito. So he is now the CEO of Coca-Cola Bottlers in the Philippines.”

Dagdag ni Julia, baka lumipat daw ulit sila ng bansa dahil sa trabaho ng mister niya.

“Expat family kami. So we will be moving after a few years. So we don’t know when that will be but hopefully we get to stay a little longer.”

Kaya habang nandito si Julia, tinanggap niya last year ang teleserye ng Cignal TV na Paano Ang Pasko? 

Natapos din niya ang indie film na Game Over with singer-stage actor Joshua Bulot.

***

ON-HOLD pa rin ang plano ng former Kapuso actress Frencheska Farr na magkaroon sila ng baby ng mister niyang si Gino Jose.

Taong 2017 ang naging civil wedding ni Frencheska kay Gino sa Las Vegas, Nevada. Noong February 28, 2020 naman ay naganap sa Calatagan, Batangas ang kanilang beach wedding.

Sa panayam namin sa grand winner ng 2009 reality singing competition na Are You The Next Big Star via direct messaging ng Twitter, desisyon nilang mag-asawa ang huwag munang magkaroon ng anak.

“Focus po talaga muna ako on building my career here in the U.S. Nage-enjoy din ako sa freedom ko to experience life abroad nang wala munang baby at thankful ako same page kami ng asawa ko,” sey niya.

Hindi naman daw siya nape-pressure si Frencheska na maging mommy tulad ng mga kaibigan niyang sina Aicelle Santos, Maricris Garcia at Rachelle Ann Go na may kanya-kanya ng babies.

“Hindi naman ako pressured o naiinggit kasi alam kong mahirap din to be parents at I don’t think ready ako sa gano’ng life right now,” diin pa niya.

Inspired si Frencheska sa pinu-pursue na career sa U.S. dahil sa pagkapanalo niya last May 5 sa The Micheaux Film Festival (in Los Angeles) as Outstanding Dramatic Actress for the short film, Harana.

Ang maging web producer ang gustong ma-achieve ni Frencheska sa taong ito. Sa katunayan ay may ginagawa na siyang web series tungkol sa mga Filipino immigrants na nakatira sa Los Angeles, California.

***

NAGSIMULA na ang production sa revival series ng Sex And The City for HBO Max na may title na “And Just Like That …” in New York City.

Nag-post sa Instagram si Sarah Jessica Parker kasama ang co-stars niyang sina Cynthia Nixon and Kristin Davis.

“Together again. Read through our first episodes. Alongside all the fellas and our newest cast members. Like an ice cream sundae,” caption ni SJP.

Nataon na muling nagbukas na ang New York City pagkatapos ng isang taong nagsara ang city dahil sa COVID-19 pandemic. Dahil marami na ang nabakunahan sa NYC, kaya nagbukas na ang maraming businesses, kabilang na ang Broadway at ang film and TV productions.

Huling napanood ang SATC cast ay noong 2010 via the film Sex And The City 2.

Sa revival series, hindi na kasama sa cast si Kim Cattrall who plays Samantha Jones. May kinalaman ito sa alitan nila ni SJP two years ago.

Babalik naman sa series sina Chris Noth (Mr. Big), Willie Garson (Stanford Blatch) at Mario Cantone (Anthony Marintino).

(RUEL J. MENDOZA)

SA latest vlog ng sexy actress at YouTube star na si Ivana Alawi, inamin niya na kung anu-anong raket ang pinasok niya para lang mapangatawanan ang pagiging breadwinner ng pamilya.

Kasama niya sa vlog ang mga kapatid na sina Hash Alawi at Mona Louise Rey, sersoyo nga nilang pinag-usapan ang pagiging breadwinner ng pamilya na talaga namang isinapuso niya kahit noong hindi pa siya sikat.

Tinanong nga ni Mona si Ivana ng, “Bakit ka nag-decide na suportahan mo yung buong family kahit ang young mo pa? Tapos hindi mo naman yun responsibility.”

“Girl. I want to,” mabilis na sagot ni Ivana na inamin na kinarir ang pagraket makaipon lang ng pera.

Hindi rin siya nahiya na amining nasubukang mamigay ng flyers sa events noon.

Sabi niya, “Ako kasi yung tao na ever since lagi ko iniisip yung buong pamilya. Natural na sa akin.

“Nu’ng nawala yung aming tatay, nu’ng hindi kami sinusuportahan, nagpa-flyering ako, nagraraket para makatulong din sa pamilya.”

Dagdag pa niya, “Dumating din yung time na wala akong naging raket kasi pangit ako.”

Agad namang nag-react si Mona at kinontra ang sinabi ng actress/vlogger, “Uy, hindi totoo ‘yan. My ate is beautiful.”

Paliwanag naman niya, maraming pagkakataon na nare-reject din siya sa trabaho, “Uy, naging chaka... Gusto nila matatangkad. So, hindi ako pumapasa.

“And in fairness kay Mona, si Mona ang tumulong sa pamilya. Tapos nagpahinga din siya sa showbiz. So siyempre, hindi naman pwede si Mona lang.”

Nakilala ngang child star si Mona sa GMA at ilang taon ding nagtrabaho. Ilan sa mga pinagbidahan niyang Kapuso series ay ang Munting Heredera (2011-2012) at Bukod Kang Pinagpala (2013).

Tsika naman ng kapatid nilang lalaki na si Hash, “If any one of us finds that much success, automatically each one will help each other.”

Sagot ng kanyang ate, “Kasi ganu’n kami pinalaki. Hindi kami pinalaki na maging makasarili. I’ll always be here for you, guys.”

Say naman ni Mona, “We think as a family. Kaya I really look up to ate.”

Naikuwento na noon ni Ivana sa na bata pa lang siya ay naghiwalay na ang kanyang parents na sina Fatima Marbella at ng ama niyang Morrocan na si Samier Al-Alawi, kaya nag-decide silang bumalik na sa Pilipinas.

Sa naging pahayag ni Ivana sa Magandang Buhay noong nakaraang taon, “Akala ng iba hindi ako dumaan sa hirap, hindi ako dumaan sa times na wala kaming makain.

“Dumaan din ako du’n way, way back, pagdating ko sa Pilipinas. Yung mama ko laging nangungutang kasi wala kami makain.”

Dagdag pa niya, “Dumating kami sa point na toyo at saka kanin kasi wala na siya mautangan. And I’m thankful kasi isa siyang stepping stone, e. Yun ang nagpu-push sa akin.”

Naging emotional ang muling pagkikita ng mag-ama na naka-confine sa isang ospital sa Subic, na di nagtagal ay pumanaw din dahil sa heart attack.

Noong mamatay ang tatay niya, hindi naman itinago ni Ivana na ipinamana sa kanya ang mga ari-arian nito  sa Bahrain, kabilang na ang napakaganda nitong bahay na ibinihagi sa kanyang vlog noong March 2020.

At ngayong sikat na sikat na siya hindi lang bilang aktres pati ang pagiging vlogger na kung saan may 13.3 million subscribers na sa YouTube at pati sa Kumu ay nasa top earners din si Alawi, patuloy naman ang ginagawa niyang pagtulong at pagsi-share ng blessings sa mga kababayaan natin na labis na naapektuhan ng pandemya. (ROHN ROMULO)