TULUYAN na ngang binitiwan ni Manay Lolit Solis ang alaga niyang si Mark Herras dahil sa lumalang isyu na mangungutang ang aktor ng P30K, pero hindi niya ito pinagbigyan.       

Na kung saan kung sinu-sino na ang nadamay, at galit na galit ang netizens sa mga naging tirada ni Manay Lolit tungkol sa Mark.

At ito nga ang latest IG post niya, mas marami ang nagalit at nag-react: “Salve gusto ko ipaalam sa lahat na starting today wala na akong kinalaman kay Mark Herras. Masakit man sa loob ko, naisip ko na baka nga mas gumanda pa ang career niya kung ang GMA Artists Center na lang ang hahawak sa kanya. After all, dito naman nagsimula ang showbiz career niya eversince. At para na rin iyon nakukuha ko na komisyon mula sa kanya hindi na mabawas sa konti niyang kinikita.

“Nakakaawa naman na ang laki ng cash advance niya sa GMA7 na binabayaran niya, tapos meron pa akong parte sa TF niya. Iyon feeling ko kay Mark Herras na parang anak ko siya, hindi mawawala. Iyon pangaral ko sa kanya, hanggang ngayon iyon pa rin ang gusto ko sabihin sa kanya.

“Ayaw ko na lang maging bahagi pa ng buhay niya ngayon, at siguro duon sa mga nagpapakita ng malasakit sa kanya, magawan nyo ng paraan maayos ang finances niya, career niya, at buhay niya.

“Basta starting today, OUT muna ako kay Mark Herras. Andyan naman ang Artists Center para alagaan siya, at sana magtagumpay sila. Goodluck, wish you well Mark Herras. You’re on your own now, be happy and safe.” #classiclolita #pilipinostarngayonshowbiz #takeitperminutemeganun #74naako

***

NILABAS na ang teaser trailer ng FPJ’s Ang Probinsyano na magsi-six years nang umeere sa Setyembre.

Kasama na nga si Coco Martin si Julia Montes bilang Mara… paparating na ang huling… pag-ibig!”

Reaction naman ng netizens sa teaser trailer nina Coco at Julia:

“Para mo ng awa tapusin mo na yan Cardo. Kung ano ano na naging kwento nian, ang layo sa totoong Probinsyano ni FPJ. Sawang sawa na kme sa gigil ngipin acting mo.”

“ay teh ano naman kung malayo? alam mo naman siguro ang ibig sabihin ng “adaptation”. Hindi naman yan remake na dapat same sa film. Pwedeng pwede nila pahabain yan kung kebs naman nila.

“Hindi mo rin naman pinapanuod so bakit ka magmamakaawa na tapusin na. Teh may options ka alam mo yun di ba?.”

“Ganda ni Julia.”

“Nope, just ordinary.

“infairness bagay ni julia maging action star. pwede syang maging darna. ala nannette medved. 6 years pa lang pala ang probinsyano, akala ko mag 10 years na.…

“Ganda ni Julia! Sayang at napunta kay Coco.”

“Agree she could have done better.”

“Eto ang quality ng Pinoy entertainent, bulok! No wonder hindi makapag compete sa ibang bansa.”

“dami ring low quality US drama, Kdrama, Thai at Cdrama. Puro hype ka lang sa mga shows na gusto ng iba.”

“You can try legal wives. Ibang iba sya, di nako nanunood ng pinoy series puro kdrama na lang ako for years pero trending kasi sa youtube so sinilip ko, abay maganda pala. Walang kyeme mga artista. At magaling din pala si bianca.”

“Huling pag-ibig na daw.. Aguyyyy.”

“E ano naman ngayon kung nandyan na si Julia sa seryeng yan?”

“Nice naman. Mara is her real name talaga noh?”

“Hindi na talaga ako nanonood ng AP pero based sa teaser, interesting kung ano kayang mangyayari dito na bago. makanood nga pero siguraduhin mo lang na matutuwa kami cardo haha.”

“ewan ko huh, pero talagang nakakasawa na ang seryeng ito kahit sa pic na lang at di na pinapanood. marinig at makita mo lang ang “ang probinsyano’, mapapangiwi ka, sa totoo lang naman.”

“Scarlet Johansson Lucy/Black Widow vibes.”

“Eww, no. Not even close.”

“Magaling sana ang cast eh… at infairness maganda na yung plot ngayon. Ang problema, yung pacing. napakabagal! Kahit yata isang linggo akong hindi manood magegets ko pa din ang kwento..Ayoko mag-expect pero sana naman pagpasok ni Julia at ng bagong cast kaabang-abang na lalo. no hate love ko tong show lalo na nung Book 1.”

“Yup, puro closeup gigil faces and titigan with no words… Pampaubos oras. Milking it for all it’s worth.”

“parang luho na lang ni Coco ang nasusunod kaya may Ang Probinsyano pa. Pati pagpasok ni Julia dyan na wala nang kinang, si Coco din yan. Kaumay na.”

“Bitter ka lang.. anong walang kinang.. yung idolet mo nga nilumot na.”

“Sus, anong walang kinang ang dami nag aabang nyan.”

“Hmmm, that’s embarrassing. Too amateurish.”

“Ganda ni Julia. Nasa Pinas palang ako may Ang Probinsyano na. Ngayon, 5 years na ako sa Dubai, buhay parin si Cardo. Bet na bet ko dati si Maja at Bella. Matibay si Cardo.”

(ROHN ROMULO)

NAG-UUSAPAN na uli si Nadine Lustre at ang Viva Entertainment.

Ito ang ipinahayag ni Vincent del Rosario sa presscon ng Vivamax, ang streaming platform ng Viva which marked its sixth month.

Ayon pa kay Vincent, nakatakda raw silang makipag-usap kay Nadine para mag-present ng projects sa dalaga.

Si Boss Vic del Rosario raw mismo ang nagsabi sa kanila na maghanap ng projects na pwedeng i-present sa ex-girlfriend ni James Reid.

Maraming beses na raw sinabi ni Boss Vic sa kanila na open ang Viva na muling makatrabaho si Nadine dahil may live contract naman ito sa kompanya.

“Nagsimula na kaming maghanap ng right material for Nadine. Gusto namin na mabigyan siya ng project na bagay sa kanya. Hopefully, within the year ay may mai-present na kaming project for her na magugustuhan niya,” pahayag pa ni Vincent.

Ayon pa kay Vincent, nakakapag-usap naman daw sina Nadine at Boss Vic kasi may active contract naman ang aktres sa kanila.

“Nadine is like family to us. The opportunity to work with her again is exciting. She will bring new flavor sa possible new partnerships na pwede namin magawa for her,” dagdag pa ni Vincent.

Bukas din naman ang pintuan ng Viva na muling makatrabaho si James bilang kapartner ni Nadine or as a solo artist bagamat walang active contract sa kanila ang binata.

Naghahanda na rin ang Viva sa paggawa ng pelikula sa kanila nina Sarah Geronimo at Anne Curtis next year.

Nag-agree na si Anne sa movie na gagawin niya to be directed by Erik Matti.

Posible rin na gumaw muli ng virtual concert si Sarah before the year ends. Successful kasi ang Tala concert niya at malakas ang clamor ng fans na siya ay mapanood muli sa isang live concert kahit na virtual lang.

***

INABOT ng pandemic ang Pedro Penduko project na pagbibidahan ni Matteo Guidicelli kaya hindi muna itinuloy ang filming nito.

Pero bago ang pandemya ay sumabak na sa training ni Matteo bilang paghahanda sa role niya sa pelikula na dapat sana ay launching film ni James Reid.

Pero dahil nagkaroon ng injury si James kaya kinailangan niyang mag-backout sa movie at si Matteo ang napisil ng Viva to play Pedro Penduko instead.

Maraming cast na involved at maraming malalaking eksena ang pelikula kaya hindi pwede mag-shoot ang Pedro Penduko sa panahon ng quarantine kahit pa sumunod pa sila sa protocol.

Siyempre limitado lang ang pwedeng mag-shoot under a bubble set-up kaya minabuti ng Viva to put the project on hold.

Since malaki ang production requirement ng Pedro Penduko, mahirap itong i-mount during the pandemic. Nangangailangan ito ng maraming artista at extras, na hindi pinahihintulutan sa bubble set up.

Bilang proteksyon sa kanilang mga artista, Viva makes sure na sumusunod sila sa safety protocols. Maingat sila at patuloy na nag-iingat.

Kung may mga kaso na may mga tao sa production na nagkasakit, agad naman natulungan ang mga ito at hindi naantala ang production.

(RICKY CALDERON)

NAG-POST ng isang topless photo ang Kapuso actress na si Kim Rodriguez sa Instagram noong sunmapit ang 27th birthday niya. 

May suot naman pantalon si Kim at bahagyang tinakpan niya ang kanyang malusog na dibdib.

Caption pa niya: “Be brave enough and always dare to try new things, as life becomes boring when you stay in your comfort zone. Thankful for another year.  I am incredibly fortunate to be with my family and friends through this uncertainty and I am grateful to have overcome the difficulties.

“Also, thank God for giving me such a beautiful life. To GMA, friends, fans, etc., I am truly blessed to have you. Thank you and I love you guys!”

Thankful nga si Kim na kahit may pandemic ay nabibigyan siya ng trabaho kaya tuloy lang ang takbo ng kanyang career.

May fitness goals din si Kim kaya naman ang pinaka-workout niya ay ang mag-cycling. Nasubuykan na raw niyang mabisikleta ng 33 kilometers for three hours mula sa kanyang bahay.

Bukod sa cycling, na-enjoy din ni Kim ang hiking sa bundok ng Rizal.

***

KAHIT na hindi magtrabaho sa showbiz ang kambal nila Carmina Villarroel at Zoren Legaspi na sina Mavy at Cassy Legaspi, secure na ang future nila dahil nailagay sa maayos na investment ang kinita nila simula noong gumawa sila ng maraming TV commercials.

Sa real estate naka-invest ang pera nila Mavy at Cassy dahil ang presyo ng lupa ay tumataas sa pagdaan ng maraming taon.

“Mavy and I have been doing commercials since we were three years old, so growing up, our parents decided na it’s best if we invest on land,” sey ni Cassy.

Sey naman ni Mavy: “We trust our parents as to where they would invest our money. Sila ang mas nakakaalam kung ano ang best for me and Cassy.”

Sa paggastos daw, may freedom na gamitin ng kambal ang kanilang kinitang pera mula sa kanilang tapings, guestings at ibang endorsements.

“We can buy what we want as long as we know that we really deserve it. Pero we’re careful pa rin not to overspend. Yung tama lang at yung kailangan lang,” diin ni Mavy.

Four years ng Kapuso sina Mavy at Cassy kaya nag-renew ulit sila with GMA Artist Center.

***

PAGKATAPOS na i-announce ni Colin Jost na magkaka-baby na sila ng Black Widow star na si Scarlett Johansson, sinilang na ng aktres ang kanilang baby boy noong nakaraang August 18.

Post ni Colin sa Instagram: “Ok ok we had a baby. His name is Cosmo. We love him very much.”

Maingat palang tinago ni Scarlett ang kanyang pagbubuntis. Unang nabalitang pregnant siya noong nakaraang July, pero wala siyang nilabas na official statement tungkol sa naturang issue.

Ayon sa Page Six: “When Scarlett got pregnant, she and Colin kept very quiet about it. She has been keeping a very low profile.”

In-announce lang ni Colin na buntis si Scarlett noong nakaraang weekend, ilang araw bago ito manganak.

Ito ang second child ni Scarlett. May 6-year-old daughter siya named Rose from ex-husband Romain Dauriac.

Si Colin ang third husband ng aktres. Una siyang kinasal sa aktor na si Ryan Reynolds from 2008 to 2011 at sumunod ang journalist na si Dauriac from 2014 to 2017.

(RUEL J. MENDOZA)